பைக்

ஹீரோ மோட்டோகார்ப் நிறுவனம் 2023 எக்ஸ்டிரீம் 160R 4V மாடலை இந்திய சந்தையில் அறிமுகம் செய்தது. புதிய மாடல் ஏற்கனவே விற்பனை செய்யப்பட்டு வரும் 2-வால்வுகள் கொண்ட வேரியண்டின் மேம்பட்ட வெர்ஷன் ஆகும்.

புதிய மாடல் ஹெட்லைட் அப்டேட் செய்யப்பட்டு, புதிய நிறங்களில் விற்பனைக்கு கிடைக்கிறது. இவை டூயல் டோன் ஆப்ஷன்களை கொண்டுள்ளன. மேலும் புதிய எக்ஸ்டிரீம் 160R 4V மாடலில் ஸ்ப்லிட் சீட் செட்டப் ஆப்ஷன் வழங்கப்படுகிறது. இதுதவிர புதிய மாடலில் கூர்மையான தோற்றம் மற்றும் அசத்தலான டிசைன் கொண்டிருக்கிறது.

2023 எக்ஸ்டிரீம் 160R 4V மாடலில் நான்கு வால்வுகள் கொண்ட என்ஜின் வழங்கப்பட்டு இருக்கிறது. இது 163சிசி, ஆயில் கூல்டு, நான்கு வால்வுகள் கொண்ட மோட்டார் ஆகும். இந்த என்ஜின் 16.6 ஹெச்பி பவர், 14.4 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 5 ஸ்பீடு கியர்பாக்ஸ் வழங்கப்படுகிறது.

எல்இடி இலுமினேஷன் தவிர எக்ஸ்டிரீம் 160R 4V மாடலில் முழுமையான டிஜிட்டல் கன்சோல் வழங்கப்பட்டு இருக்கிறது. இத்துடன் ப்ளூடூத் மூலம் ஸ்மார்ட்போன் கனெக்டிவிட்டி, எஸ்எம்எஸ் மற்றும் கால் நோட்டிஃபிகேஷன்கள் வழங்கப்படுகிறது. இந்த மாடலின் ப்ரோ வேரியண்டில் முன்புறம் கோல்டன் யுஎஸ்டி ஃபோர்க்குகள் வழங்கப்படுகின்றன.

விலை விவரங்கள்:

ஹீரோ எக்ஸ்டிரீம் 160R 4V ஸ்டான்டர்டு ரூ. 1 லட்சத்து 27 ஆயிரத்து 300

ஹீரோ எக்ஸ்டிரீம் 160R 4V கனெக்டெட் ரூ. 1 லட்சத்து 32 ஆயிரத்து 800

ஹீரோ எக்ஸ்டிரீம் 160R 4V ப்ரோ ரூ. 1 லட்சத்து 36 ஆயிரத்து 500

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது. இந்திய சந்தையில் புதிய ஹீரோ எக்ஸ்டிரீம் 160R 4V மாடல் டிவிஎஸ் அபாச்சி RTR 4V மற்றும் பஜாஜ் பல்சர் NS160 மாடல்களுக்கு போட்டியாக அமைகிறது.

கவாசகி நிறுவனம் தனது 2024 எலிமினேட்டர் மாடலை சர்வதேச சந்தையில் அறிமுகம் செய்தது. குரூயிசர் மாடலான எலிமினேட்டர் பல்வேறு நாடுகளில் விற்பனை செய்யப்பட்டு வருகிறது. இந்திய சந்தையில் கவாசகி மற்றும் பஜாஜ் ஆட்டோ இடையேயான கூட்டணியில், 175சிசி குரூயிசர் மாடல் முன்னதாக விற்பனை செய்யப்பட்டு வந்தது.

அந்த வகையில், தற்போது 2024 வெர்ஷனில் எலிமினேட்டர் மாடல் மீண்டும் களமிறங்கி இருக்கிறது. இந்த முறை எலிமினேட்டர் மாடலில் 451சிசி, பேரலெல் டுவின் என்ஜின் வழங்கப்பட்டு உள்ளது. இந்த என்ஜின் கவசாகி நின்ஜா Z400 மாடலில் உள்ளதை சார்ந்து உருவாக்கப்பட்டு இருக்கிறது. புதிய எலிமினேட்டர் மாடல் நியோ-ரெட்ரோ டிசைன் கொண்டுள்ளது.

இத்துடன் வட்ட வடிவம் கொண்ட எல்இடி ஹெட்லேம்ப், மெகாஃபோன் எக்சாஸ்ட் உள்ளது. இதில் உள்ள அகலமான ஹேன்டில்பார் மற்றும் சென்ட்ரல் ஃபூட்பெக் அதிக சவுகரியமான அனுபவத்தை வழங்குகிறது. மேலும் இந்த மாடலில் வட்ட வடிவம் கொண்ட எல்சிடி இன்ஸ்ட்ரூமென்ட் பேனல் வழங்கப்பட்டு இருக்கிறது.

இது டிஜிட்டல் ஸ்பீடோமீட்டர், டக்கோமீட்டர், கியர் பொசிஷன் இன்டிகேட்டர், கடிகாரம், ஒடோமீட்டர், இரு ட்ரிப் மீட்டர்கள், ரேன்ஜ் மற்றும் ப்ளூடூத் கனெக்டிவிட்டி உள்ளிட்டவை வழங்கப்பட்டு இருக்கிறது. இந்த மாடல் முற்றிலும் புதிய குறைந்த எடை டிரெலிஸ் ஃபிரேம் கொண்டு உருவாக்கப்பட்டு இருக்கிறது. சஸ்பென்ஷனை பொருத்தவரை முன்புறம் 41 மில்லிமீட்டர் டெலிஸ்கோபிக் ஃபோர்க்குகள், பின்புறம் டுவின் ஷாக் அப்சார்பர்கள் உள்ளன.

பிரேக்கிங்கிற்கு இந்த மாடலின் முன்புறம் 310 மில்லிமீட்டர் செமி-ஃபுளோடிங் டிஸ்க் பிரேக்குகள், பின்புறம் 220 மில்லிமீட்டர் டிஸ்க் வழங்கப்பட்டு இருக்கிறது. இந்த மாடலில் 18 இன்ச் / 16 இன்ச் அலாய் வீல்கள் உள்ளன.

என்ஜினை பொருத்தவரை புதிய மாடல், ஏற்கனவே Z400 மாடலில் பயன்படுத்தப்படும் 399சிசி பேரலல் டுவின் யூனிட்-இல் ஸ்டிரோக் அளவை 6.8 மில்லிமீட்டர்கள் வரை நீட்டிக்கப்பட்டு இருக்கிறது. இந்த என்ஜின் செயல்திறன் பற்றி இதுவரை எந்த தகவலும் இல்லை. எனினும், இது Z400-இல் வெளிப்படுத்தும் 47.3 ஹெச்பி பவர், 37 நியூட்டன் மீட்டர் டார்க் இழுவிசையை விட அதிகளவு வெளிப்படுத்தும் என்று தெரிகிறது.

2024 கவாசகி எலிமினேட்டர் மாடல் அமெரிக்க சந்தையில் மட்டுமே விற்பனை செய்யப்படுகிறது. விரைவில் மற்ற நாடுகளிலும் அறிமுகம் செய்யப்படலாம். இந்த மாடலின் இந்திய வெளியீடு குறித்து இதுவரை எந்த தகவலும் இல்லை.

சுசுகி நிறுவன இந்திய விற்பனையாளர்கள் V-Strom 650XT மாடலுக்கான முன்பதிவை நிறுத்தியுள்ளதாக தகவல் வெளியாகி உள்ளது. மேலும் சுசுகி நிறுவனம் V-Strom 800DE மாடல் அறிமுகம் பற்றி விற்பனையாளர்களுக்கு தகவல் தெரிவித்து வருவதாக கூறப்படுகிறது. எனினும், புதிய சுசுகி V-Strom 800DE மாடலுக்கான முன்பதிவுகளும் துவங்கவில்லை.

சுசுகி V-Strom 800DE மாடலில் 776சிசி, பேரலல் டுவின் என்ஜின் வழங்கப்பட்டு இருக்கிறது. இந்த என்ஜின் 83 ஹெச்பி பவர், 78 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 6 ஸ்பீடு கியர்பாக்ஸ் வழங்கப்பட்டு இருக்கிறது. புதிய சுசுகி V-Strom 800DE மாடலில் பல்வேறு ரைடிங் மோட்கள் உள்ளன.

சுசுகி V-Strom 800DE

இத்துடன் டு-வே குயிக்ஷிப்டர், டிராக்ஷன் கண்ட்ரோல், 5 இன்ச் டிஎப்டி ஸ்கிரீன் உள்ளிட்ட அம்சங்கள் வழங்கப்பட்டு இருக்கின்றன. இந்த மோட்டார்சைக்கிளில் 21/17-இன்ச் ஸ்போக் வீல், டன்லப் டிரெயில்மேக்ஸ் மிக்ஸ்டூர் ரக டயர்கள் வழங்கப்பட்டு உள்ளன. சஸ்பென்ஷனுக்கு ஷோவா முழுமையாக அட்ஜஸ்ட் செய்யக்கூடிய முன்புற ஃபோர்க்குகள், பின்புறம் பிரீ-லோடு அட்ஜஸ்ட் செய்யக்கூடிய மோனோ ஷாக் யூனிட் வழங்கப்படுகிறது.

இந்த மோட்டார்சைக்கிள் கிரவுண்ட் கிளியரன்ஸ் 855 மில்லிமீட்டர்கள் ஆகும். இந்திய சந்தையில் அறிமுகம் செய்யப்படும் பட்சத்தில் இது இந்த பிரிவில் குறைந்த விலை மோட்டார்சைக்கிளாக இருக்கும் என்று தெரிகிறது. இந்திய சந்தையில் சுசுகி V-Strom 800DE மாடல் பிஎம்டபிள்யூ F850GS, டிரையம்ப் டைகர் 900 ரேலி போன்ற மாடல்களுக்கு போட்டியாக அமையும். 

ஹோண்டா மோட்டார்சைக்கிள் மற்றும் ஸ்கூட்டர் நிறுவனம் தனது இருசக்கர வாகனங்களுக்கு நீட்டிக்கப்பட்ட வாரண்டி அறிவித்து இருக்கிறது. புதிய திட்டத்தின் மூலம் வாடிக்கையாளர்கள் எக்ஸ்டென்டட் வாரண்டியை வாகனங்கள் வயதுக்கு ஏற்ப மூன்று ஆப்ஷன்களின் கீழ் தேர்வு செய்திட முடியும்.

அந்த வகையில் எட்டு ஆண்டுகள் பழைய வாகனத்திற்கு இரண்டு ஆண்டுகள் திட்டமும், ஒன்பதாவது ஆண்டு பழைய வாகனங்களுக்கு ஒரு ஆண்டிற்கான திட்டமும் வழங்கப்படுகிறது. இந்த திட்டத்தில் முக்கிய என்ஜின் உபகரணங்கள், இதர மெக்கானிக்கல் மற்றும் எலெக்ட்ரிக்கல் பாகங்களுக்கு காப்பீடு வழங்கப்படுகிறது.

எக்ஸ்டென்டட் வாரண்டி திட்டத்தின் மற்றொரு குறிப்பிடத்தக்க பயன், டிரான்ஸ்ஃபர் செய்வது தான். இந்த திட்டத்தின் கீழ் வாரண்டியை தேர்வு செய்தபிறகு, வாகனத்தை விற்க நேரிட்டால், வாரண்டியையும் புதிய ஓனருக்கு மாற்றிக்கொடுக்க முடியும். இந்த வாரண்டி நீட்டிப்பு திட்டம் ஸ்கூட்டர் மற்றும் மோட்டார்சைக்கிள் மாடல்களுக்கு வழங்கப்படுகிறது.

ஸ்கூட்டர்கள் அதிகபட்சம் 1.2 லட்சம் கிலோமீட்டர்களும், மோட்டார்சைக்கிள்கள் 1.3 லட்சம் கிலோமீட்டர்கள் வரையிலும் வாரண்டி நீட்டிப்பு திட்டத்தின் கீழ் பயன்பெற முடியும். அதிகாரப்பூர்வ ஹோண்டா சர்வீஸ் சென்டரில் புதிய எக்ஸ்டென்டட் வாரண்டி பிளஸ் சேவையை பெற்றுக் கொள்ளலாம்.

இந்த எக்ஸ்டென்டட் வாரண்டி திட்டத்தின் விலை 150சிசி வரையிலான மாடல்களுக்கு ரூ. 1317 என்றும் 150சிசி முதல் 250சிசி வரையிலான மாடல்களுக்கு ரூ. 1667 என்றும் நிர்ணயம் செய்யப்பட்டு உள்ளது. வாகனம் வாங்கிய ஆண்டு, விலை மற்றும் பல்வேறு விவரங்கள் அடிப்படையில், விலை வேறுபடும் என்று அறிவிக்கப்பட்டு இருக்கிறது. 

ஹோண்டா நிறுவனத்தின் பிரபல டியோ ஸ்கூட்டரின் முற்றிலும் புதிய வெர்ஷன் இந்திய சந்தையில் அறிமுகம் செய்யப்பட்டு இருக்கிறது. புதிய வெர்ஷன் ஹோண்டா டியோ H ஸ்மார்ட் என்று அழைக்கப்படுகிறது. இதன் விலை ரூ. 77 ஆயிரத்து 712, எக்ஸ்-ஷோரூம் என்று நிர்ணயம் செய்யப்பட்டு உள்ளது.

புதிய டியோ வெர்ஷனில் H ஸ்மார்ட் அப்கிரேடுகள் செய்யப்பட்டு இருப்பதாக ஹோண்டா மோட்டார்சைக்கிள் மற்றும் ஸ்கூட்டர் இந்தியா அதிகாரப்பூர்வ வலைதளத்தில் பதிவிடப்பட்டு இருக்கிறது. அதன்படி டியோ ஸ்கூட்டரின் புது வெர்ஷனில் கீலெஸ் இக்னிஷன் மற்றும் அலாய் வீல்கள் வழங்கப்பட்டு உள்ளன. முன்னதாக இதே ஆப்ஷன்கள் ஹோண்டா ஆக்டிவா மற்றும் ஆக்டிவா 125 மாடல்களில் வழங்கப்பட்டு இருந்தது.

ஹோண்டா டியோ H ஸ்மார்ட் வெர்ஷனின் விலை அதன் OBD 2 அப்டேட் செய்யப்பட்ட மாடலை விட ரூ. 3 ஆயிரத்து 500 வரை அதிகம் ஆகும். இந்திய சந்தையில் ஹோண்டா டியோ OBD 2 வெர்ஷனும் சமீபத்தில் தான் அறிமுகம் செய்யப்பட்டு இருந்தது குறிப்பிடத்தக்கது.

புதிய ஹோண்டா டியோ மாடல்- ஸ்டாண்டர்டு மற்றும் டீலக்ஸ் என இரண்டு வேரியண்ட்களில் கிடைக்கிறது. இதில் ஸ்டாண்டர்டு மாடல் சற்றே குறைந்த விலை கொண்டிருக்கிறது. இதில் ஹாலோஜன் பல்பு கொண்ட ஹெட்லைட், அனலாக் இன்ஸ்ட்ரூமெண்ட் கிளஸ்டர் மற்றும் பிளாக்டு-அவுட் வீல் வழங்கப்பட்டு இருக்கிறது.

டீலக்ஸ் வேரியண்டில் எல்.இ.டி. ஹெட்லைட், டிஜிட்டல் இன்ஸ்ட்ரூமென்ட் கிளஸ்டர், வெளிப்புறம் ஃபியூவல் ஃபில்லர் கேப், தங்க நிறம் கொண்ட அலாய் வீல்கள், 3-ஸ்டெப் இகோ இன்டிகேட்டர் போன்ற அம்சங்கள் உள்ளன. புதிய மாற்றங்கள் காரணமாக ஹோண்டா டியோ விற்பனை மெட்ரோ மற்றும் கிராம புறங்களில் அதிகரிக்கும் என்று நம்பப்படுகிறது.

ஹீரோ மோட்டோகார்ப் நிறுவனம் தனது புதிய எக்ஸ்டிரீம் 160R மாடலுக்கான டீசர்களை தொடர்ந்து வெளியிட்டு வருகிறது. புதிய ஹீரோ எக்ஸ்டிரீம் 160R மாடல் இந்தியாவில் ஜூன் 14 ஆம் தேதி அறிமும் செய்யப்பட இருக்கிறது. அந்த வரிசையில், தற்போது வெளியாகி இருக்கும் டீசர் வீடியோவில் புதிய பைக்கின் முக்கிய அப்டேட்கள் தெரியவந்துள்ளது.

டீசர் வீடியோவின் படி புதிய எக்ஸ்டிரீம் 160R மாடலில் அப்சைடு டவுன் முன்புற ஃபோர்க்குகள், பின்புறம் அட்ஜஸ்ட் செய்யக்கூடிய மோனோ ஷாக் யூனிட் வழங்கப்படுகிறது. இத்துடன் புதிய ஹீரோ எக்ஸ்டிரீம் 160R மாடலில் நான்கு வால்வுகள் கொண்ட என்ஜின் வழங்கப்படும் என்று தெரியவந்துள்ளது.

முன்னதாக எக்ஸ்பல்ஸ் 200 மற்றும் எக்ஸ்பல்ஸ் 200T மாடல்களின் என்ஜினிலும் ஹீரோ மோட்டோகார்ப் நிறுவனம் வால்வு செட்டப்-ஐ மாற்றி இருந்தது. இதேபோன்ற அப்டேட் 160R 4V மாடலிலும் வழங்கப்படும் என்று தெரிகிறது. தற்போதைய ஹீரோ எக்ஸ்டிரீம் 160R மாடலில் 163சிசி, ஏர் கூல்டு என்ஜின் வழங்கப்படுகிறது. இது 15 ஹெச்பி பவர், 14 நியூட்டன் மீட்டர் டார்க் இழுவிசையை வெளிப்படுத்துகிறது.

பிரேக்கிங்கிற்கு புதிய எக்ஸ்டிரீம் 160R மாடலில் பெட்டல் டைப் டிஸ்க் பிரேக்குகள் வழங்கப்படுகின்றன. இத்துடன் சிங்கில் சேனல் ஏபிஎஸ் வழங்கப்படுகிறது. அறிமுகம் செய்யப்பட்டதும், புதிய எக்ஸ்டிரீம் 160R மாடல் டிவிஎஸ் அபாச்சி RTR 160 4V மற்றும் பஜாஜ் பல்சர் NS160 மாடலுக்கு போட்டியாக அமைகிறது.

பெங்களூரை சேர்ந்த சிம்பில் எனர்ஜி நிறுவனம் தனது முதல் எலெக்ட்ரிக் வாகனம், சிம்பில் ஒன் மாடலின் வினியோகத்தை துவங்கி இருக்கிறது. சிம்பில் ஒன் எலெக்ட்ரிக் ஸ்கூட்டருக்கான முன்பதிவு ஆகஸ்டு 2021 வாக்கில் துவங்கியது. எனினும், பல்வேறு காரணங்களால் இதன் வெளியீடு மற்றும் வினியோகம் தொடர்ந்து தாமதமாகி வந்தது.

பல்வேறு தடைகளை கடந்து சிம்பில் ஒன் எலெக்ட்ரிக் ஸ்கூட்டர் சமீபத்தில் அறிமுகம் செய்யப்பட்டது. இதன் விலை ரூ. 1 லட்சத்து 45 ஆயிரம், எக்ஸ்-ஷோரூம் என்று நிர்ணயம் செய்யப்பட்டு இருக்கிறது. இந்த எலெக்ட்ரிக் ஸ்கூட்டர் பல்வேறு கட்டங்களில் வினியோகம் செய்யப்படும் என சிம்பில் எனர்ஜி நிறுவனம் தெரிவித்து இருந்தது.

அந்த வகையில், தற்போது பெங்களூருவில் இந்த எலெக்ட்ரிக் ஸ்கூட்டரின் வினியோகம் துவங்கி நடைபெற்று வருகிறது. அடுத்த 12 மாதங்களுக்குள் நாடு முழுக்க 40 முதல் 50 நகரங்களில் எலெக்ட்ரிக் வாகனங்களை விற்பனை செய்ய சிம்பில் எனர்ஜி நிறுவனம் இலக்கு நிர்ணயம் செய்துள்ளது.

சிம்பில் ஒன் எலெக்ட்ரிக் ஸ்கூட்டர் மாடல் ஒற்றை வேரியண்ட் மற்றும் ஆறு விதமான நிறங்களில் கிடைக்கிறது. அனைத்து நிறங்களின் விலையும் ரூ. 1 லட்சத்து 45 ஆயிரம் , எக்ஸ்-ஷோரூம் என நிர்ணயம் செய்யப்பட்டு உள்ளது. எனினும், 750 வாட் ஃபாஸ்ட் சார்ஜர் வேரியண்டை தேர்வு செய்யும் போது கூடுதலாக ரூ. 13 ஆயிரம் செலுத்த வேண்டும்.

ஹீரோ மோட்டோகார்ப் நிறுவனம் இந்திய சந்தையில் தனது எண்ட்ரி லெவல் 100சிசி மாடல், HF டீலக்ஸ்-ஐ அப்டேட் செய்து இருக்கிறது. தற்போது இதன் விலை ரூ. 60 ஆயிரத்து 760 என்று துவங்குகிறது. புதிய ஹீரோ HF டீலக்ஸ் டாப் எண்ட் மாடல் விலை ரூ. 67 ஆயிரத்து 208 என்று நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

2023 ஹீரோ HF டீலக்ஸ் மாடலில் டியூப்லெஸ் டயர்கள் ஸ்டாண்டர்டு அம்சமாக வழங்கப்படுகிறது. இத்துடன் i3s (ஸ்டார்ட்/ஸ்டாப் தொழில்நுட்பம்) வழங்கப்படுகிறது. இத்துடன் யுஎஸ்பி சார்ஜிங் வசதியும் உள்ளது. இந்த பைக்குடன் ஐந்து ஆண்டுகள் வாரண்டி மற்றும் ஐந்து இலவச சர்வீஸ் வழங்கப்படுகிறது.

ஹீரோ HF டீலக்ஸ் மாடலில் ஏர் கூல்டு, 97சிசி, சிங்கில் சிலிண்டர் ஸ்லோபர் என்ஜின் வழங்கப்பட்டு இருக்கிறது. இந்த என்ஜின் 8 ஹெச்பி பவர், 8.05 நியூட்டன் மீட்டர் டார்க் இழுவிசையை வெளிப்படுத்துகிறது. இந்த என்ஜின் OBD 2 மற்றும் E20 ரக எரிபொருளில் இயங்கும் வகையில் உருவாக்கப்பட்டு இருக்கிறது.

இத்துடன் 4 ஸ்பீடு கியர்பாக்ஸ் வழங்கப்படுகிறது. இந்த என்ஜின் டபுல் கிராடில் ஃபிரேமில் வைக்கப்பட்டு உள்ளது. சஸ்பென்ஷனுக்கு டெலிஸ்கோபிக் முன்புற ஃபோர்க்குகள், பின்புறம் 2 ஸ்டெப் அ்ட்ஜஸ்ட் செய்க்கூடிய டுவின் ஷாக் அப்சார்பர் செட்டப் வழங்கப்படுகிறது. இந்த மாடலில் 9.6 லிட்டர் ஃபியூவல் டேன்க் உள்ளது.

இந்திய சந்தையில் புதிய ஹீரோ HF டீலக்ஸ் மாடல்- டிரம், கிக் ஸ்டார்ட் மற்றும் டிரம் செல்ஃப் ஸ்டார்ட் என மூன்று வேரியண்ட்களில் கிடைக்கிறது. இவற்றின் விலை முறையே ரூ. 60 ஆயிரத்து 760, ரூ. 67 ஆயிரத்து 208, ரூ. 64 ஆயிரத்து 900 என்று நிர்ணயம் செய்யப்பட்டு உள்ளது. இந்த விலைகள் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

2024 கேடிஎம் 390 டியூக் மாடலின் டெஸ்டிங் தீவிரமாக நடைபெற்று வருகிறது. புதிய கேடிஎம் 390 டியூக் மாடலின் வெளியீட்டு தேதி பற்றி அதிகாரப்பூர்வமாக இதுவரை எவ்வித தகவலும் வெளியாகவில்லை. எனினும், புதிய தலைமுறை கேடிஎம் 390 டியூக் மாடல் அடுத்த ஆண்டு துவக்கத்தில் அறிமுகம் செய்யப்படும் என்று குறிப்பிடப்பட்டு இருக்கிறது.

கேடிஎம் டியூக் சீரிசின் 30 ஆவது ஆண்டு விழாவை ஒட்டி இந்த மாடல் அறிமுகம் செய்யப்படலாம் என்று கூறப்படுகிறது. முதன்முதலில் 1994 ஆம் ஆண்டு கேடிஎம் டியூக் 620 மாடல் அறிமுகம் செய்யப்பட்டது. கேடிஎம் வழக்கப்படி, அடுத்த தலைமுறை 390 டியூக் மாடல் இந்த ஆண்டு நவம்பர் மாதம் நடைபெற இருக்கும் 2023 EICMA விழாவில் காட்சிப்படுத்தப்பட்டு, 2024 முதல் காலாண்டு வாக்கில் வெளியிடப்படும் என்று தகவல்கள் வெளியாகி வருகின்றன.

சமீபத்தில் தான் 2024 கேடிஎம் 390 டியூக் மாடல் அதன் ப்ரோடக்ஷன் வடிவில் டெஸ்டிங் செய்யப்படும் புகைப்படங்கள் இணையத்தில் வெளியானது. அதன்படி இந்த மாடல் விரைவில் அறிமுகம் செய்யப்படும் என்று கூறப்பட்டது. இதனிடையே பஜாஜ் ஆட்டோ நிறுவனம் தற்போது பஜாஜ்-டிரையம்ப் நிறுவனங்கள் கூட்டணியில் உருவான மோட்டார்சைக்கிள்களை அறிமுகம் செய்யும் பணிகளில் ஈடுபட்டு வருகிறது.

அடுத்த தலைமுறை கேடிஎம் 390 டியூக் மாடலில் மேம்பட்ட மெக்கானிக்கல் மாற்றங்கள் செய்யப்படுகிறது. இதில் முற்றிலும் புதிய லிக்விட் கூல்டு என்ஜின், பெரும்பாலும் இது 399சிசி-யாக இருக்கும் என்று கூறப்படுகிறது. இந்த என்ஜின் அதிக திறன் மற்றும் லோ-எண்ட் டார்க் வெளிப்படுத்தும். இதன் காரணமாக இந்த பைக் நகர போக்குவரத்து நெரிசல்களில் பயன்படுத்த சிறப்பானதாக இருக்கும். இந்த என்ஜினுடன் 6 ஸ்பீடு கியர்பாக்ஸ், அசிஸ்ட் மற்றும் ஸ்லிப்பர் கிளட்ச் வழங்கப்படுகிறது.

புதிய தலைமுறை கேடிஎம் 390 டியூக் மாடல் அடுத்த ஆண்டு அறிமுகமாகும் பட்சத்தில், இது இந்த பிரிவில் ஏராளமான முதல்முறை அம்சங்கள் மற்றும் எலெக்ட்ரிக் ரைடர் ஏய்டுகள் வழங்கப்படும் என்று எதிர்பார்க்கப்படுகிறது. ஏற்கனவே விற்பனை செய்யப்படும் கேடிஎம் 390 டியூக் மாடலில் ரைடு-பை-வயர் திராட்டில், டூயல் சேனல் சூப்பர் மோட்டோஸ் ஏபிஎஸ், கலர் டிஎஃப்டி டிஸ்ப்ளே, குயிக் ஷிஃப்டர் மற்றும் எல்இடி லைட்டிங் வழங்கப்பட்டு இருக்கிறது.

அதன்படி 2024 கேடிஎம் 390 டியூக் மாடலில் டிராக்ஷன் கண்ட்ரோல் சிஸ்டம், IMU சார்ந்த லீன்-சென்சிடிவ் கார்னெரிங் ஏபிஎஸ் மற்றும் ரைடிங் மோட் போன்ற வசதிகள் வழங்கப்படும் என்று எதிர்பார்க்கலாம். ஹார்டுவேரை பொருத்தவரை யுஎஸ்பி முன்புற ஃபோர்க்குகள், ரிபவுண்ட் மற்றும் பிரீலோடு அட்ஜஸ்ட் செய்யக்கூடிய மோனோ ஷாக் யூனிட்கள் வழங்கப்படும் என்று தெரிகிறது.

ஏத்தர் எனர்ஜி நிறுவனம் தனது புதிய 450S எலெக்ட்ரிக் ஸ்கூட்டர் விவரங்களை அதிகாரப்பூர்வ வலைதளத்தில் வெளியிட்டு இருக்கிறது. இந்திய சந்தையில் ஃபேம் 2 திட்டத்தின் கீழ் எலெக்ட்ரிக் வாகனங்களுக்கு வழங்கப்பட்டு வந்த மானியத்தொகை சமீபத்தில் குறைக்கப்பட்டது. இதைத் தொடர்ந்து புதிய 450S மாடல் பற்றிய விவரங்கள் வெளியாகி உள்ளது.

ஏத்தர் 450S மாடல் ஏத்தர் 450X மற்றும் ஏத்தர் 450 பிளஸ் மாடல்களை விட குறைந்த விலை வேரியண்ட் ஆகும். புதிய மாடல் மணிக்கு அதிகபட்சம் 90 கிலோமீட்டர் வேகத்தில் செல்லும் திறன் கொண்டுள்ளது. இந்த வேரியண்ட் முழு சார்ஜ் செய்தால் அதிகபட்சம் 115 கிலோமீட்டர்கள் வரையிலான ரேன்ஜ் வழங்குகிறது.

இதில் வழங்கப்பட இருக்கும் பேட்டரி திறன் பற்றிய விவரங்கள் தொடர்ந்து மர்மமாகவே உள்ளது. எனினும், இது ஏத்தர் 450X மாடலில் இருப்பதை விட அளவில் சிறியதாகவே இருக்கும் என்று தெரிகிறது. தோற்றத்தில் புதிய ஏத்தர் 450S மாடல் ஏத்தர் 450X போன்றே காட்சியளிக்கிறது. இந்த மாடல் வழக்கமான 125சிசி பெட்ரோல் மாடலுக்கு இணையான எலெக்ட்ரிக் வேரியண்ட் ஆகும்.

இந்திய சந்தையில் புதிய ஏத்தர் 450S மாடலின் விலை ரூ. 1 லட்சத்து 29 ஆயிரத்து 999 என்று நிர்ணயம் செய்யப்பட்டு உள்ளது. இது ஃபேம் 2 திட்ட பலன்களை சேர்த்து அறிவிக்கப்பட்டு இருக்கிறது. புதிய ஏத்தர் 450S மாடலுக்கான முன்பதிவு ஜூலை மாத வாக்கில் துவங்கும் என்று தெரிகிறது. இதன் வினியோகம் ஆகஸ்ட் மாதம் துவங்க இருக்கிறது. 

கேடிஎம் இந்தியா நிறுவனம் தனது 250 அட்வென்ச்சர் மோட்டார்சைக்கிள் மாடலின் லோ-சீட்-ஹைட் வேரியண்டை இந்திய சந்தையில் அறிமுகம் செய்தது. புதிய வேரியண்ட் விலை ரூ. 2 லட்சத்து 47 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது.

சில வாரங்களுக்கு முன்பு தான், கேடிஎம் நிறுவனம் தனது 390 அட்வென்ச்சர் மாடலில் லோ-சீட்-ஹைட் வேரியண்டை அறிமுகம் செய்து இருந்தது. தற்போதைய 250 அட்வென்ச்சர் மாடலின் சீட் உயரம் 855 மில்லிமீட்டர்கள் ஆகும். தற்போதைய 250 அட்வென்ச்சர் மாடல் லோ-சீட்-ஹைட் வேரியண்டில் 834 மில்லிமீட்டராக உள்ளது.

இதுதவிர புதிய மாடலின் மற்ற பாகங்களில் எந்த மாற்றமும் மேற்கொள்ளப்படவில்லை. இந்த மாடலில் 249சிசி எஞ்சின் வழங்கப்பட்டு இருக்கிறது. இது 29.6 ஹெச்பி பவர், 24 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு கியர்பாக்ஸ் மற்றும் ஸ்லிப்பர் கிளட்ச் வழங்கப்பட்டு இருக்கிறது. 2023 கேடிஎம் 250 அட்வென்ச்சர் மாடலில் ஹாலோஜன் ஹெட்லைட், எல்இடி டிஆர்எல்கள், எல்இடி டெயில்லைட், எல்இடி இண்டிகேட்டர்கள் வழங்கப்படுகின்றன.

சஸ்பென்ஷனுக்கு இந்த மாடலில் 43mm அப்சைடு டவுன் முன்புற ஃபோர்க்குகள், பின்புறம் பிரீ-லோடு அட்ஜஸட் செய்யக்கூடிய மோனோஷாக் யூனிட் வழங்கப்படுகிறது. பிரேகிங்கிற்கு முன்புறம் 320mm சிங்கில் டிஸ்க், பின்புறம் 230mm சிங்கில் டிஸ்க் வழங்கப்படுகிறது. இத்துடன் டியுபுலர் ஸ்ப்லிட் டிரெலிஸ் ஃபிரேம் வழங்கப்படுகிறது.

எலெக்ட்ரிக் வாகனங்கள் வாங்குவோருக்கு இந்தியாவில் வழங்கப்பட்டு வந்த ஃபேம் 2 திட்டம் நேற்றுடன் ரத்தாகி விட்டது. இதன் காரணமாக எலெக்ட்ரிக் இருசக்கர வாகனங்கள் விலை அதிகரிக்க துவங்கி விட்டது. அதன்படி ஒலா எலெக்ட்ரிக் நிறுவனம் தனது S1 மற்றும் S1 ப்ரோ மாடல்களின் விலையை உயர்த்தி இருக்கிறது.

தற்போதைய விலை உயர்வில் எண்ட்ரி லெவல் மாடலான ஒலா S1 ஏர் விலை மட்டும் மாற்றப்படவில்லை. மிட் ரேன்ஜ் பிரிவில் நிலைநிறுத்தப்பட்டு இருக்கும் ஒலா S1 மாடல் 2 கிலோவாட் ஹவர் மற்றும் 3 கிலோவாட் ஹவர் என இரண்டு வேரியண்ட்களில் கிடைக்கிறது. இதன் 3 கிலோவாட் ஹவர் பேட்டரி கொண்ட மாடலின் விலை ரூ. 1 லட்சத்து 29 ஆயிரத்து 999 என்று மாறி இருக்கிறது.

இது அதன் முந்தைய வேரியண்டை விட ரூ. 15 ஆயிரம் அதிகம் ஆகும். டாப் எண்ட் மாடலான ஒலா S1 ப்ரோ விலை தற்போது ரூ. 1 லட்சத்து 39 ஆயிரத்து 999 என்று மாறி இருக்கிறது. இதுவும் அதன் முந்தைய விலையை விட ரூ. 15 ஆயிரம் அதிகம் ஆகும். எண்ட்ரி லெவல் ஒலா S1 ஏர் மாடலின் 3 கிலோவாட் ஹவர் பேட்டரி கொண்ட மாடலின் விலை ரூ. 1 லட்சத்து 09 ஆயிரத்து 999 என்று மாறி உள்ளது.

முன்னதாக ஒலா எலெக்ட்ரிக் நிறுவன தலைமை செயல் அதிகாரி பாவிஷ் அகர்வால், பெட்ரோல் மோட்டார்சைக்கிள் குறித்து நகைச்சுவையாக மீம் போடுவோருக்கு ஒலா எலெக்ட்ரிக் ஸ்கூட்டரை இலவசமாக வழங்குவதாக அறிவித்து இருந்தார். இதுபற்றிய அறிவிப்பை அவர் தனது அதிகாரப்பூர்வ டுவிட்டர் அக்கவுண்டில் வெளியிட்டுள்ளார்.