கார்

ஹூண்டாய் நிறுவனம் இந்தியாவில் கேஸ்பர் பெயரை பயன்படுத்துவதற்காக காப்புரிமை பெற்று இருக்கிறது. கடந்த 2021 ஆம் ஆண்டு ஹூண்டாய் நிறுவனம் தனது கேஸ்பர் என்ட்ரி லெவல் எஸ்.யு.வி. மாடலை தென் கொரிய சந்தையில் அறிமுகம் செய்தது. தற்போது இந்த காரை இந்தியாவில் அறிமுகம் செய்வதற்கான பணிகளில் ஹூண்டாய் நிறுவனம் ஈடுபட்டு வருவதாக தெரிகிறது.

புதிய ஹூண்டாய் கேஸ்பர் மாடல் அந்நிறுவனம் சமீபத்தில் அறிமுகம் செய்த எக்ஸ்டர் மாடலின் கீழ் நிலை நிறுத்தப்படும். வாகனங்களின் பெயர்களை காப்புரிமை பெற்று கொள்வதை ஆட்டோமொபைல் உற்பத்தி செய்யும் நிறுவனங்கள் வாடிக்கையாக கொண்டுள்ளன. இவ்வாறு காப்புரிமை பெறுவதால், அந்த கார் குறிப்பிட்ட சந்தையில் கட்டாயம் அறிமகமாகி விடும் என்றும் கூறிவிட முடியாது.

தற்போது இந்திய சந்தையில் விற்பனை செய்யப்படும் மாருதி சுசுகி இக்னிஸ் மாடலின் அளவிலேயே ஹூண்டாய் கேஸ்பர் மாடல் உருவாக்கப்பட்டு இருக்கிறது. இந்த கார் அளவில் 3595mm நீளம், 1595mm அகலம், 1575mm உயரம் மர்றும் 2400mm வீல்பேஸ் கொண்டுள்ளது. இந்த கார் எக்ஸ்டர் மாடலை விட 220mm வரை நீளம் குறைவாக உருவாக்கப்பட்டு இருக்கிறது.

ஹூண்டாய் நிறுவனத்தின் சான்ட்ரோ மற்றும் கிராண்ட் i10 நியோஸ் மாடலை போன்ற பிளாட்பார்மிலேயே புதிய கேஸ்பர் மாடலும் உருவாக்கப்பட்டு இருக்கிறது. இந்த காரில் 1.0 லிட்டர் NA பெட்ரோல் என்ஜின் வழங்கப்பட்டு இருக்கிறது. இந்த என்ஜின் 85 ஹெச்.பி. பவர் வெளிப்படுத்துகிறது. இத்துடன் மேனுவல் மற்றும் ஆட்டோமேடிக் டிரான்ஸ்மிஷன் ஆப்ஷன்கள் வழங்கப்படுகின்றன.

டாடா மோட்டார்ஸ் நிறுவனம் தனது நெக்சான் காரின் புதிய என்ட்ரி லெவல் வேரியண்ட்களை இந்திய சந்தையில் அறிமுகம் செய்தது. அதன்படி இந்திய சந்தையில் டாடா நெக்சான் மாடலின் விலை ரூ. 7 லட்சத்து 99 ஆயிரம், எக்ஸ்-ஷோரூம் என துவங்குகிறது. இதன் டீசல் வெர்ஷன்களின் விலை ரூ. 9 லட்சத்து 99 ஆயிரம் என துவங்குகிறது.

டாடா நெக்சான் மாடலின் பெட்ரோல் வெர்ஷன் முற்றிலும் புதிய ஸ்மார்ட் (O) வேரியண்டிலும், டீசல் வெர்ஷன் ஸ்மார்ட் பிளஸ் வேரியண்டிலும் கிடைக்கின்றன. முன்னதாக டாடா நெக்சான் மாடலின் என்ட்ரி வேரியண்ட் ஸ்மார்ட் என்றே அழைக்கப்பட்டது. டீசல் என்ஜின் மிட் ரேஞ்ச் மாடல்களில் மட்டுமே வழங்கப்பட்டு இருந்தது.

புதிய ஸ்மார்ட் (O) வேரியண்ட் விலை ஸ்மார்ட் வேரியண்டை விட ரூ. 16 ஆயிரம் வரை விலை குறைவு ஆகும். டீசல் வெர்ஷனில் ஸ்மார்ட் பிளஸ் மாடலின் விலை ரூ. 1.2 லட்சம் குறைக்கப்பட்டு தற்போது ரூ. 9 லட்சத்து 99 ஆயிரத்தில் இருந்தே கிடைக்கிறது. நெக்சான் பியூர் டீசல் மாடலின் விலை ரூ. 11 லட்சத்து 10 ஆயிரம் என நிர்ணயம் செய்யப்பட்டு உள்ளது.

டாடா நெக்சான் டீசல் என்ட்ரி லெவல் வேரியண்டில் 7 இன்ச் டச் ஸ்கிரீன் இன்போடெயின்மென்ட் சிஸ்டம், ஆண்ட்ராய்டு ஆட்டோ மற்றும் ஆப்பிள் கார்பிளே, நான்கு ஸ்பீக்கர்கள், ரிவர்ஸ் கேமரா, ஷார்க் ஃபின் ஆன்டெனா, பல்வேறு வசதிகளை கொண்ட ஸ்டீரிங் வீல், பவர் விண்டோ, எலெக்ட்ரிக் அட்ஜஸ்ட் வசதி கொண்ட ORVMகள் வழங்கப்பட்டுள்ளன.

ஸ்மார்ட் பிளஸ் வேரியண்ட்களில் ஆட்டோ ஹெட்லேம்ப்கள், எலெக்ட்ரிக் சன்ரூஃப் மற்றும் வாய்ஸ் ஆக்டிவேஷன், ரெயின் சென்சிங் வைப்பர்கள் மற்றும் ஏராளமான வசதிகள் வழங்கப்பட்டு இருக்கின்றன. நெக்சான் ஸ்மார்ட் பிளஸ் வேரியண்ட் மேனுவல் வெர்ஷன் விலை ரூ. 31 ஆயிரம் குறைக்கப்பட்டு இருக்கிறது.

முன்னதாக இந்த வேரியண்ட் விலை ரூ. 9.2 லட்சம் என நிர்ணயிக்கப்பட்டு இருந்தது. தற்போது இதன் விலை ரூ. 8.89 லட்சம் என மாறி இருக்கிறது. இதில் ரிவர்ஸ் கேமரா வசதியும் வழங்கப்பட்டுள்ளது. நெக்சான் ஸ்மார்ட் பிளஸ் S வேரியண்டின் விலை ரூ. 41 ஆயிரம் குறைக்கப்பட்டு தற்போது ரூ. 9.39 லட்சம் என மாறியுள்ளது.

ரோல்ஸ் ராய்ஸ் கார், விற்பனை சந்தையில் மிகவும் விலை உயர்ந்ததாக கருதப்படுகிறது. ரோல்ஸ் ராய்ஸ் நிறுவனம் தற்போது பிரமன் மோட்டார்ஸ் உடன் இணைந்து போலீஸ் வாகனம் ஒன்றை அறிமுகப்படுத்தியுள்ளது.

இது ஒரு வகையான போலீஸ் க்ரூஸர் வகை கார். மியாமி பீச் போலீஸ், விளக்குகள் மற்றும் சைரன்களுடன் கூடிய ரோல்ஸ் ராய்ஸ் கோஸ்ட்டை வெளியிட்டது.

"பிரமன் மோட்டார்ஸ் உடனான எங்கள் ஒத்துழைப்பின் மூலம் சாத்தியமான புதிய விளம்பர வாகனத்தை வெளியிடுவதில் நாங்கள் மகிழ்ச்சியடைகிறோம்" என்று உயர் காவல் அதிகாரி வெய்ன் ஜோன்ஸ் கூறினார். "இந்த வாகனம் புதுமைக்கான எங்கள் அர்ப்பணிப்பு மற்றும் எங்கள் சமூகத்திற்கு சேவை செய்ய சிறந்த மற்றும் பிரகாசமான நபர்களை பணியமர்த்துவதற்கான எங்கள் அர்ப்பணிப்பை பிரதிபலிக்கிறது."

"இந்த வாகனம் உண்மையில் பிரமன் மோட்டார்ஸின் கப்பற்படையின் ஒரு பகுதியாகும், மேலும் இந்த திட்டத்துடன் தொடர்புடைய அனைத்து செலவுகளையும் அவர்கள் சிட்டி ஆஃப் மியாமி பீச் கொள்கையின்படி நிதியுதவி செய்தனர்."

2023 ரோல்ஸ் ராய்ஸ் கோஸ்ட் இந்திய மதிப்பில் 2 கோடியே 98 லட்சம் முதல்3 கோடியே 40 லட்சம் ரூபாய் வரை விற்கப்படுகிறது.

இது பற்றி மியாமி பீச் தனது எக்ஸ் தளத்தில் பதிவிட்டுள்ளது. அதில்

MBPD மற்றும் தொழில்முறை ஊழியர்கள், நாங்கள் சேவை செய்யும் குடியிருப்பாளர்கள் மற்றும் பார்வையாளர்களுக்கான எங்கள் ஈடு இணையற்ற அர்ப்பணிப்பு மற்றும் தரமான காவல் பணியின் மிக உயர்ந்த தரத்தை எடுத்துக்காட்டுகின்றனர். MBPD ஆட்சேர்ப்புக் குழுவிற்கு இந்த அற்புதமான சேர்க்கையை அறிமுகப்படுத்துவதில் நாங்கள் மகிழ்ச்சியடைகிறோம். இவ்வாறு அதில் குறிப்பிடப்பட்டுள்ளது.

MBPD and professional staff exemplify the highest standards of dedication and quality policing in our unparalleled commitment to the residents and visitors we serve. We are thrilled to introduce this stunning addition to the MBPD recruitment team—courtesy of @bramanmotors ! pic.twitter.com/I27NUAgsge

— Miami Beach Police (@MiamiBeachPD) May 9, 2024

வோக்ஸ்வேகன் விற்பனை மையங்கள் சார்பில் விர்டுஸ், டைகுன் மற்றும் டிகுவான் மாடல்களுக்கு சிறப்பு சலுககள் வழங்கப்படுகின்றன. மே மாத சலுகைகளின் கீழ் வழங்கப்படும் சிறப்பு சலுகை மற்றும் பலன்கள் ஒவ்வொரு பகுதி மற்றும் ஸ்டாக் இருப்புக்கு ஏற்ப வேறுப்படும்.

அந்த வகையில், வோக்ஸ்வேகன் விர்டுஸ் மிட்சைஸ் செடான் மாடலுக்கு அதிகபட்சமாக ரூ. 1 லட்சத்து 40 ஆயிரம் வரையிலான பலன்கள் வழங்கப்படுகின்றன. வேரியண்டிற்கு ஏற்ப ரூ. 90 ஆயிரம் வரை தள்ளுபடி, ரூ. 30 ஆயிரம் எக்சேஞ்ச் போனஸ் மற்றும் ரூ. 20 ஆயிரம் கார்ப்பரேட் பலன்கள் வழங்கப்படுகிறது. இவை 2023 மாடல்களுக்கானது ஆகும். 2024 மாடல்களுக்கு அதிகபட்சம் ரூ. 30 ஆயிரம் வரையிலான பலன்கள் வழங்கப்படுகின்றன.

வோக்ஸ்வேகன் டைகுன் மாடலை வாங்குவோருக்கு ரூ. 1 லட்சத்து 15 ஆயிரம் வரையிலான பலன்கள் வழங்கப்படுகின்றன. வேரியண்டிற்கு ஏற்ப டைகுன் மாடலை வாங்கும் போது ரூ. 65 ஆயிரம் தள்ளுபடி, ரூ. 30 ஆயிரம் வரை எக்சேஞ்ச் போனஸ் மற்றும் ரூ. 20 ஆயிரம் கார்ப்பரேட் பலன்கள் வழங்கப்படுகின்றன.

2023 டிகுவான் எஸ்.யு.வி. மாடலுக்கு ரூ. 1 லட்சத்து 50 ஆயிரம் வரையிலான பலன்கள் வழங்கப்படுகின்றன. இதில் ரூ. 75 ஆயிரம் தள்ளுபடி, ரூ. 75 ஆயிரம் எக்சேஞ்ச் போனஸ் அடங்கும். இத்துடன் நான்கு ஆண்டுகளுக்கு சர்வீஸ் பேக்கேஜ் வழங்கப்படுகிறது. 2024 மாடலுக்கு ரூ. 50 ஆயிரம் எக்சேஞ்ச் போனஸ் வழங்கப்படுகிறது.

மாருதி சுசுகி நிறுவனத்தின் அதிகம் எதிர்பார்க்கப்பட்ட 2024 ஸ்விப்ட் மாடல் இந்தியா சந்தையில் அறிமுகம் செய்யப்பட்டது. முற்றிலும் புதிய ஸ்விப்ட் மாடலின் விலை ரூ. 6 லட்சத்து 49 ஆயிரம், எக்ஸ்-ஷோரூம் என துவங்குகிறது. புதிய பெட்ரோல் என்ஜினுடன் இந்த காரில் ஏராளமான அம்சங்கள் வழங்கப்பட்டு உள்ளன.

டிசைனை பொருத்தவரை 2024 ஸ்விப்ட் மாடலில் முற்றிலும் புதிய பம்ப்பர்கள், எல்.இ.டி. டி.ஆர்.எல்.-கள், எல்.இ.டி. ப்ரோஜெக்டர் ஹெட்லேம்ப்கள், கிளாஸ் பிளாக் முன்புற கிரில், எல்.இ.டி. ஃபாக் லைட்கள், 15 இன்ச் டைமன்ட் கட் அலாய் வீல்கள், புதிய எல்.இ.டி. டெயில் லைட்கள் வழங்கப்படுகின்றன. 2024 ஸ்விப்ட் மாடல் லஸ்டர் புளூ மற்றும் நோவல் ஆரஞ்சு என இரண்டு புதிய நிறங்களில் கிடைக்கிறது.

இதுதவிர, சிஸ்லிங் ரெட், பியல் ஆர்க்டிக் வைட், மேக்மா கிரே மற்றும் ஸ்பிலென்டிட் சில்வர் போன்ற நிறங்களிலும் கிடைக்கிறது. இத்துடன் லஸ்டர் புளு - மிட்நைட் பிளாக் ரூஃப், சிஸ்லிங் ரெட் - மிட்நைட் பிளாக் ரூஃப் மற்றும் பியல் ஆர்க்டிக் வைட் - மிட்நைட் பிளாக் ரூஃப் போன்ற டூயல் டோன் ஆப்ஷன்களிலும் கிடைக்கிறது.

நான்காம் தலைமுறை ஸ்விப்ட் மாடலில் முற்றிலும் புதிய டேஷ்போர்டு- பியானோ பிளாக் ஃபினிஷ் செய்யப்பட்டு சேடின் மேட் சில்வர் இன்சர்ட்கள் மற்றும் அசிமெட்ரிக் டயல்களை கொண்டிருக்கிறது. இத்துடன் 9 இன்ச் அளவில் ஸ்மார்ட்பிளே ப்ரோ பிளஸ் டச் ஸ்கீரன் சிஸ்டம் மற்றும் குரூயிஸ் கண்ட்ரோல் வசதி வழங்கப்படுகிறது.

இத்துடன் வயர்லெஸ் சார்ஜர், வயர்லெஸ் போன் மிரரிங், சுசுகி கனெக்ட், ரியர் ஏ.சி. வெண்ட்கள், கீலெஸ் எண்ட்ரி, ஆறு ஏர்பேக், இ.எஸ்.பி., பிரேக் அசிஸ்ட், 3 பாயிண்ட் சீட்பெல்ட்கள், ரிவர்ஸ் பார்க்கிங் கேமரா போன்ற வசதிகள் வழங்கப்படுகிறது.

2024 ஸ்விப்ட் மாடலில் முற்றிலும் புதிய 1.2 லிட்டர், மூன்று சிலிண்டர்கள் கொண்ட Z சீரிஸ் பெட்ரோல் என்ஜின் வழங்கப்படுகிறது. இது 80 ஹெச்.பி. பவர், 112 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 6 ஸ்பீடு மேனுவல் மற்றும் AMT யூனிட் வழங்கப்படுகிறது. இந்த கார் LXi, VXi, VXi(O), ZXi, மற்றும் ZXi+ என ஐந்து வேரியண்ட்களில் கிடைக்கிறது. 

ஹூண்டாய் நிறுவனம் இந்திய சந்தையில் தனது கார் மாடல்களுக்கு அசத்தல் சலுகைகள் மற்றும் தள்ளுபடி அறிவித்து இருக்கிறது. இவை ஹூண்டாய் i20, கிராண்ட் i10 நியோஸ் மற்றும் வென்யூ மாடல்கள் மட்டுமின்றி சமீபத்தில் அறிமுகம் செய்யப்பட்ட எக்ஸ்டர் மாடலுக்கும் வழங்கப்படுகின்றன. அந்த வகையில், ஹூண்டாய் நிறுவனம் தனது எக்ஸ்டர் மாடலுக்கு முதல் முறை சலுகைகளை வழங்குகிறது.

வெர்னா, கிரெட்டா, அல்கசார் மற்றும் டக்சன் மாடல்களுக்கு எவ்வித சலுகைகளும் வழங்கப்படவில்லை. மேலும் இந்த சலுகைகள் ஒவ்வொரு மாநிலம், ஸ்டாக் இருப்பு மற்றும் பகுதிக்கு ஏற்ப வேறுப்படும்.

ஹூண்டாய் எக்ஸ்டர் மாடலுக்கு ரூ. 10 ஆயிரம் எக்சேஞ்ச் போனஸ் வழங்கப்படுகிறது. ஒவ்வொரு மாதமும் எக்ஸ்டர் மாடல் 8 ஆயிரம் யூனிட்கள் வரை விற்பனையாகி வருகிறது. இந்த கார் மொத்தத்தில் 17 வேரியண்ட்களில் கிடைக்கிறது. இதன் விலை ரூ. 6 லட்சத்து 13 ஆயிரம் என துவங்கி அதிகபட்சம் ரூ. 10 லட்சத்து 28 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது.

இந்த கார் 83 ஹெச்.பி. பவர் வெளிப்படுத்தும் திறன் கொண்ட 1.2 லிட்டர் பெட்ரோல் என்ஜின், மேனுவல் மற்றும் AMT கியர்பாக்ஸ் ஆப்ஷன்களில் கிடைக்கிறது. இத்துடன் 69 ஹெச்.பி. பவர் வெளிப்படுத்தும் சி.என்.ஜி. ஆப்ஷனும் வழங்கப்படுகிறது. எனினும், இது மேனுவல் ஆப்ஷனில் மட்டுமே கிடைக்கிறது.

ஹூண்டாய் வென்யூ காம்பேக்ட் எஸ்.யு.வி. மாடலுக்கு அதிகபட்சம் ரூ. 35 ஆயிரம் வரையிலான பலன்கள் வழங்கப்படுகிறது. இதில் ரூ. 25 ஆயிரம் வரை தள்ளுபடி, ரூ. 10 ஆயிரம் வரை எக்சேஞ்ச் போனஸ் அடங்கும். கிராண்ட் i10 நியோஸ் மாடலுக்கு ரூ. 48 ஆயிரம் வரையிலான பலன்கள் வழங்கப்படுகின்றன.

ஹூண்டாய் i20 மாடலுக்கு ரூ. 35 ஆயிரம் வரையிலான பலன்கள் வழங்கப்படுகின்றன. ஹூண்டாய் நிறுவனத்தின் பிரீமியம் ஹேச்பேக் மாடலான i20 மொத்தத்தில் 21 வேரியண்ட்களில் கிடைக்கிறது. இதன் விலை ரூ. 7.04 லட்சத்தில் துவங்கி அதிகபட்சம் ரூ. 12.52 லட்சம் வரை நிர்ணயம் செய்யப்பட்டு உள்ளது.

ஹோண்டா கார்ஸ் இந்தியா நிறுவனம் கோடை காலத்தை ஒட்டி தனது கார் மாடல்களுக்கு சிறப்பு சலுகைகளை அறிவித்து இறுக்கிறது. இதில் ஹோண்டா எலிவேட், சிட்டி மற்றும் அமேஸ் மாடல் கார்களுக்கு ரூ. 1 லட்சத்து 15 ஆயிரம் வரையிலான பலன்கள் வழங்கப்படுகின்றன.

இதில் ஹோண்டா சிட்டி மாடலுக்கு அதிகபட்சமாக ரூ. 1 லட்சத்து 15 ஆயிரம் வரையிலான தள்ளுபடி வழங்கப்படுகிறது. ஹோண்டா அமேஸ் மாடலை வாங்குவோருக்கு ரூ. 56 ஆயிரம் வரையிலான பலன்கள் வழங்கப்படுகிறது. அமேஸ் எலைட் எடிஷன் மாடலுக்கு ரூ. 96 ஆயிரம் வரை தள்ளுபடி வழங்கப்படுகிறது.

ஹோண்டா நிறுவனத்தின் முற்றிலும் புதிய எலிவேட் மாடலின் பேஸ் வேரியண்ட்களுக்கு ரூ. 45 ஆயிரம் வரையிலான தள்ளுபடி வழங்கப்படுகிறது. இதன் V வேரியண்டிற்கு ரூ. 55 ஆயிரம் வரையிலான பலன்களும், எலிவேட் ZX மாடலுக்கு ரூ. 25 ஆயிரம் வரையிலான பலன்கள் வழங்கப்படுகின்றன.

புதிய கார் வாங்குவோர் மட்டுமின்றி ஏற்கனவே கார் வைத்திருப்போர் ஏ.சி. சர்வீஸ் செய்யும் போது 15 சதவீதம் வரை தள்ளுபடியும், ஏ.சி. சார்ந்த சேவைகளில் லேபர் கட்டணத்தில் 10 சதவீதம் வரை தள்ளுபடி வழங்கப்படுகிறது.

டொயோட்டா கிர்லோஸ்கர் மோட்டார் நிறுவனம் தனது இன்னோவா காரின் புது "GX+" வேரியண்ட்-ஐ அறிமுகம் செய்தது. புதிய வேரியண்ட் விலை ரூ. 21 லட்சத்து 39 ஆயிரம், எக்ஸ்-ஷோரூம் என்று நிர்ணயம் செய்யப்பட்டுள்ளது. முந்தைய GX மற்றும் VX வேரியண்ட்களுடன் ஒப்பிடும் போது புதிய GX+ வேரியண்ட் அதிக அம்சங்களுடன் கிடைக்கிறது.

அதன்படி புதிய வேரியண்டில் ரியர் கேமரா, ஆட்டோ ஃபோல்டு மிரர், டேஷ் கேமரா, டைமண்ட் கட் அலாய் வீல்கள், பிரீமியம் இருக்கை மேற்கவர்கள் வழங்கப்பட்டு உள்ளன. இந்த வேரியண்ட் ஏழு மற்றும் எட்டு பேர் அமரக்கூடிய இருக்கை அமைப்புகளில் கிடைக்கிறது. இவற்றின் விலை முறையே ரூ. 21 லட்சத்து 39 ஆயிரம் மற்றும் ரூ. 21 லட்சத்து 44 ஆயிரம், எக்ஸ்-ஷோரூம் என நிர்ணயம் செய்யப்பட்டுள்ளது.

புதிய அம்சங்கள் தவிர இன்னோவா க்ரிஸ்டா GX+ வேரியண்டின் மெக்கானிக்கல் அம்சங்களில் எந்த மாற்றமும் மேற்கொள்ளப்படவில்லை. அந்த வகையில், இந்த வேரியண்டிலும் 2.4 லிட்டர் டீசல் என்ஜின் வழங்கப்பட்டு இருக்கிறது. இந்த என்ஜின் 150 ஹெச்.பி. பவர், 343 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இத்துடன் 5 ஸ்பீடு மேனுவல் கியர்பாக்ஸ் வழங்கப்படுகிறது.

இந்திய சந்தையில் இன்னோவா க்ரிஸ்டா மாடலின் விலை ரூ. 19 லட்சத்து 99 ஆயிரம் என துவங்கி அதிகபட்சம் ரூ. 26 லட்சத்து 30 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. இந்த காருக்கு நேரடி போட்டியை ஏற்படுத்தும் மாடல் எதுவும் இந்தியாவில் விற்பனைக்கு கிடைக்கவில்லை. எனினும், கியா கரென்ஸ் மற்றும் மஹிந்திரா மராசோ உள்ளிட்டவை இதற்கு போட்டியாக அமைகின்றன.

போர்ஸ் மோட்டார்ஸ் நிறுவனம் இந்திய சந்தையில் 2024 குர்கா சீரிஸ் மாடல்களை அறிமுகம் செய்தது. புதிய 2024 போர்ஸ் குர்கா மாடலின் மூன்று கதவுகள் கொண்ட மாடலின் விலை ரூ. 16 லட்சத்து 75 ஆயிரம் என்றும் ஐந்து கதவுகள் கொண்ட மாடலின் விலை ரூ. 18 லட்சம் என்றும் நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்பைடயில் குறிப்பிடப்பட்டு இருக்கிறது.

2024 போர்ஸ் குர்கா மாடலுக்கான முன்பதிவுகள் ஏற்கனவே துவங்கி நடைபெற்று வருகிறது. முன்பதிவு கட்டணம் ரூ. 25 ஆயிரம் ஆகும். 2024 குர்கா மாடலின் வெளிப்புறம் புதிய அலாய் வீல்கள், ஹெட்லேம்ப்கள் மற்றும் கிரில் வழங்கப்பட்டு இருக்கிறது.

உள்புறத்தில் புதிய இருக்கை மேற்கவர்கள், டிஜிட்டல் இன்ஸ்ட்ரூமென்ட் கிளஸ்டர் வழங்கப்பட்டுள்ளது. இத்துடன் TPMS, முன்புறம் டூயல் ஏர்பேக், 8.0 இன்ச் டிஸ்ப்ளே கொண்ட இன்போடெயின்மென்ட் சிஸ்டம் வழங்கப்பட்டு இருக்கிறது. புதிய குர்கா மாடலில் 2.6 லிட்டர் டீசல் என்ஜின் வழங்கப்பட்டுள்ளது.

இந்த என்ஜின் 132 ஹெச்.பி. பவர், 320 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இத்துடன் 6 ஸ்பீடு மேனுவல் கியர்பாக்ஸ் வழங்கப்படுகிறது. இந்த காரின் மூன்று கதவுகள் மற்றும் ஐந்து கதவுகள் கொண்ட வேரியண்டில் 4 வீல் டிரைவ் வசதி ஸ்டான்டர்டு அம்சமாக வழங்கப்படுகிறது.

இந்திய சந்தையில் புதிய போர்ஸ் குர்கா மாடல் மாருதி ஜிம்னி மற்றும் மஹிந்திரா தார் என்ட்ரி லெவல் மாடலுக்கு போட்டியாக அமைகிறது.

மாருதி சுசுகி நிறுவனத்தின் முற்றிலும் புதிய ஸ்விப்ட் கார் முன்பதிவு துவங்கியுள்ளது. புதிய ஸ்விப்ட் காருக்கான முன்பதிவு கட்டணம் ரூ. 11 ஆயிரம் ஆகும். இந்திய சந்தையில் புதிய மாருதி ஸ்விப்ட் மாடல் மே 9 ஆம் தேதி அறிமுகம் செய்யப்படுகிறது.

இந்தியாவில் மிகவும் பிரபலமான ஸ்விப்ட் காரின் நான்காவது தலைமுறை மாடல் இது ஆகும். புதிய ஸ்விப்ட் மாடல் பெட்ரோல் மற்றும் சி.என்.ஜி. என இருவித பவர்டிரெயின் ஆப்ஷன்களில் கிடைக்கும் என்று தெரிகிறது.

கடந்த ஆண்டு ஜப்பானில் அறிமுகம் செய்யப்பட்ட புதிய ஸ்விப்ட் மாடல் முற்றிலும் புதிய எல்.இ.டி. ஹெட்லேம்ப்கள், வீல்கள், எல்.இ.டி. டெயில் லேம்ப்கள், டோர் ஹேண்டில்களை கொண்டிருக்கிறது. காரின் உள்புறம் ஃபுளோட்டிங் டிஸ்ப்ளே, அளவில் பெரிய MID மற்றும் கிளைமேட் கண்ட்ரோல் இன்டர்ஃபேஸ் உள்ளது.

புதிய மாருதி ஸ்விப்ட் மாடல் LXi, VXi மற்றும் Zxi வேரியண்ட்களில் கிடைக்கும் என்று கூறப்படுகிறது. சர்வதேச சந்தையில் புதிய ஸ்விப்ட் மாடல் 1.2 லிட்டர் பெட்ரோல், மைல்டு ஹைப்ரிட் தொழில்நுட்பம் கொண்டிருக்கும் என்று தேரிகிறது. இந்திய சந்தையில் இந்த மாடல் K12C 1.2 லிட்டர் நான்கு சிலிண்டர்கள் கொண்ட பெட்ரோல் என்ஜினுடன் கிடைக்கலாம்.

விலையை பொருத்தவரை புதிய மாருதி ஸ்விப்ட் மாடல் ரூ. 6.5 லட்சத்தில் துவங்கி அதிகபட்சம் ரூ. 10 லட்சம் வரை நிர்ணயம் செய்யப்படலாம். இந்திய சந்தையில் புதிய ஸ்விப்ட் மாடல் ரெனால்ட் க்விட், மாருதி வேகன் ஆர், மாருதி செலரியோ, டாடா பன்ச் மற்றும் ஹூண்டாய் எக்ஸ்டர் போன்ற மாடல்களுக்கு போட்டியாக அமையும்.

டொயோட்டா நிறுவனம் இந்திய சந்தையில் தனது ருமியன் காரின் புது வேரியண்டை அறிமுகம் செய்தது. ருமியன் G AT என அழைக்கப்படும் புது வேரியண்ட் விலை ரூ. 13 லட்சம், எக்ஸ்-ஷோரூம் என்று துவங்குகிறது. இந்த காரின் வினியோகம் மே 5 ஆம் தேதி முதல் துவங்குகிறது. புதிய டொயோட்டா ருமியன் G AT வேரியண்டுக்கான முன்பதிவு துவங்கி நடைபெற்று வருகிறது. முன்பதிவு கட்டணம் ரூ. 11 ஆயிரம் ஆகும்.

புது வேரியண்ட் அறிமுகம் செய்த கையோடு ருமியன் சி.என்.ஜி. வேரியண்டுக்கான முன்பதிவுகளை டொயோட்டா நிறுவனம் மீண்டும் துவங்கியது. ருமியன் சி.என்.ஜி. ஆப்ஷன் S வேரியண்டில் கிடைக்கிறது. இதன் விலை ரூ. 11 லட்சத்து 39 ஆயிரம், எக்ஸ்-ஷோரூம் முதல் துவங்குகிறது.

புதிய ருமியன் G AT வேரியண்டில் 1.5 லிட்டர், நான்கு சிலிண்டர்கள் கொண்ட K சீரிஸ் பெட்ரோல் என்ஜின் வழங்கப்படுகிறது. இத்துடன் 6 ஸ்பீடு டார்க் கன்வெர்ட்டர் ஆட்டோமேடிக் டிரான்ஸ்மிஷன் வழங்கப்படுகிறது. இந்த என்ஜின் 102 ஹெச்.பி. பவர், 137 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இந்த கார் லிட்டருக்கு 20.51 கிலோமீட்டர்கள் வரையிலான மைலேஜ் வழங்குகிறது.

அம்சங்களை பொருத்தவரை டொயோட்டா ருமியன் G AT வேரியண்டில் 7 இன்ச் அளவில் டச் ஸ்கிரீன் வசதி கொண்ட இன்போடெயின்மென்ட் சிஸ்டம், வயர்லெஸ் ஆப்பிள் கார் பிளே, ஆண்ட்ராய்டு ஆட்டோ, டொயோட்டா ஐ கனெக்ட் தொழில்நுட்பம், டூயல் ஏர்பேக், ஏ.பி.எஸ். மற்றும் இ.பி.டி., இ.எஸ்.பி., ஹில் ஹோல்டு கண்ட்ரோல், ப்ரோஜெக்டர் ஹெட்லேம்ப்கள், எல்.இ.டி. டெயில் லைட்கள், ஆட்டோமேடிக் கிளைமேட் கண்ட்ரோல், பேடில் ஷிஃப்டர்கள், என்ஜின் ஸ்டார்ட் - ஸ்டாப் பட்டன் வழங்கப்படுகிறது.

வோக்ஸ்வேகன் நிறுவனம் டைகுன் GT லைன் மற்றும் டைகுன் GT பிளஸ் ஸ்போர்ட் மாடல்களை இந்திய சந்தையில் அறிமுகம் செய்தது. இவற்றின் விலை முறையே ரூ. 14 லட்சத்து 08 ஆயிரம் மற்றும் ரூ. 18 லட்சத்து 53 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது.

புது வேரியண்ட்கள் கடந்த மாதம் அறிமுகம் செய்யப்பட்ட எஸ்.யு.வி.யின் பிளாக் ஸ்போர்ட் தீம் கொண்ட ஸ்பெஷல் வெர்ஷன் ஆகும். இவை புதிதாக உருவாக்கப்பட்டு இருக்கும் ஸ்போர்ட் லைன் பிரிவில் இடம்பெற்றுள்ளன.

GT பிளஸ் மாடலில் கார்பன் ஸ்டீல் கிரே நிற ரூஃப், முன்புற கிரில், ஃபெண்டர் மற்றும் டெயில்கேட் பகுதிகளில் ரெட் நிறத்தில் "GT" பிராண்டிங் வழங்கப்பட்டு இருக்கிறது. GT லைன் வேரியண்டில் "GT" பிராண்டிங் பிளாக் நிறத்தில் வழங்கப்பட்டு இருக்கிறது.

இரண்டு வேரியண்ட்களிலும் 17 இன்ச் கசினோ பிளாக் அலாய் வீல்கள் வழங்கப்பட்டுள்ளன. GT பிளஸ் வேரியண்டில் முன்புறம் ரெட் நிற கேலிப்பர்கள் வழங்கப்படுகின்றன. உள்புறம் பிளாக் நிற இருக்கை மேற்கவர்கள் வழங்கப்படுகின்றன.

GT பிளஸ் மாடலில் சிவப்பு நிற ஸ்டிட்ச் (தையல்) செய்யப்பட்டுள்ளது. GT லைன் மாடலில் கிரே நிற ஸ்டிட்ச் செய்யப்பட்டுள்ளது. இத்துடன் GT பிளஸ் மாடலில் ரெட் நிற GT லோகோ, அலுமினியம் பெடல்கள், அறிமுக சலுகையாக நான்கு ஆண்டுகளுக்கு சர்வீஸ் வேல்யூ பேக்கேஜ் வழங்கப்படுகிறது.

வோக்ஸ்வேகன் டைகுன் ஸ்போர்ட் GT லைன் மாடலில் 1.0 லிட்டர் TSI என்ஜின் வழங்கப்பட்டு இருக்கிறது. இந்த என்ஜின் 114 ஹெச்.பி.பவர், 178 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது.

புதிய டைகுன் GT பிளஸ் மாடலில் சற்றே சக்திவாய்ந்த 1.5 லிட்டர் TSI பெட்ரோல் என்ஜின் வழங்கப்படுகிறது. இந்த என்ஜின் 148 ஹெச்.பி. பவர், 250 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இரு என்ஜின்களுடன் 6 ஸ்பீடு மேனுவல் கியர்பாக்ஸ் வழங்கப்படுகிறது.