தொழில்நுட்பச் செய்திகள்

ஹெச்.எம்.டி. குளோபல் நிறுவனம் அக்டோபர் 6 ஆம் தேதி புதிய டேப்லெட் மாடலை அறிமுகம் செய்ய இருக்கிறது. டேப்லெட் மாடலுக்கான டீசர் நோக்கியா மொபைல் அதிகாரப்பூர்வ ட்விட்டர் பக்கத்தில் வெளியிடப்பட்டு இருக்கிறது. 

டீசரில் நோக்கியா டேப்லெட் விவரங்கள் எதுவும் இடம்பெறவில்லை. எனினும், முந்தைய தகவல்களின் படி இந்த டேப்லெட் நோக்கியா டி20 எனும் பெயரில் விற்பனைக்கு வரும் என கூறப்படுகிறது. இத்துடன் மெல்லிய பிரேம், டார்க் பினிஷ் கொண்டிருக்கும் என தெரிகிறது.

முன்னதாக இந்த டேப்லெட் விவரங்கள் மற்றும் விலை இணையத்தில் வெளியாகி இருந்தது. அதன்படி நோக்கியா டி20 வைபை விலை ஜி.பி.பி. 185 இந்திய மதிப்பில் ரூ. 18,600 என்றும் வைபை மற்றும் செல்லுலார் விலை ஜி.பி.பி. 202 இந்திய மதிப்பில் ரூ. 20,300 வரை நிர்ணயம் செய்யப்படலாம்.

அம்சங்களை பொருத்தவரை நோக்கியா டி20 மாடலில் 10.36 இன்ச் தொடுதிரை டிஸ்ப்ளே, 4 ஜிபி ரேம், 64 ஜிபி மெமரி கொண்டிருக்கும் என்றும் இது புளூ நிறத்தில் விற்பனைக்கு வரும் என்றும் கூறப்படுகிறது.

ஒப்போ நிறுவனம் இந்தியாவில் எப்19எஸ் மற்றும் ரெனோ 6 ப்ரோ 5ஜி ஸ்மார்ட்போன்களின் தீபாவளி எடிஷன் மாடல்களை அறிமுகம் செய்து இருக்கிறது. இரு மாடல்களின் அம்சங்களில் எவ்வித மாற்றமும் மேற்கொள்ளப்படவில்லை. 

ஒப்போ எப்19எஸ் மாடல் ஏ.ஜி. ஷிம்மரிங் சேண்ட் தொழில்நுட்பம் கொண்ட இந்தியாவின் முதல் ஸ்மார்ட்போன் ஆகும். இந்த ஸ்மார்ட்போன் குளோயிங் பிளாக் மற்றும் குளோயிங் கோல்டு நிறங்களில் கிடைக்கிறது. இதன் விலை ரூ. 19,990 ஆகும். விற்பனை ப்ளிப்கார்ட் மற்றும் ஒப்போ இந்தியா ஆன்லைன் மற்றும் ஆப்லைன் விற்பனை மையங்களில் நடைபெறுகிறது.

ஒப்போ ரெனோ 6 ப்ரோ 5ஜி தீபாவளி எடிஷன் ஸ்மார்ட்போன் மஜெஸ்டிக் கோல்டு நிறத்தில் கிடைக்கிறது. இதில் பிரத்யேக வால்பேப்பர், யு.ஐ. மற்றும் சா்ஜிங் இன்டர்பேஸ் உள்ளிட்டவை வழங்கப்பட்டு இருக்கிறது. இந்த ஸ்மார்ட்போனின் விலை ரூ. 41,990 ஆகும். இதன் விற்பனை அக்டோபர் 6 ஆம் தேதி துவங்குகிறது.

இரு ஸ்மார்ட்போன்களுக்கும் பிரத்யேக கேஷ்பேக் மற்றும் வங்கி சார்ந்த பல்வேறு சலுகைகள் அறிவிக்கப்பட்டு இருக்கின்றன. 

ஐகூ நிறுவனத்தின் புதிய இசட்5 5ஜி ஸ்மார்ட்போன் இந்தியாவில் அறிமுகம் செய்யப்பட்டது. இதில் 6.67 இன்ச் எப்.ஹெச்.டி. பிளஸ் எல்.சி.டி. ஸ்கிரீன், 120 ஹெர்ட்ஸ் ரிப்ரெஷ் ரேட், குவால்காம் ஸ்னாப்டிராகன் 778ஜி பிராசஸர், அதிகபட்சம் 12 ஜிபி ரேம் வழங்கப்பட்டு இருக்கிறது.

இத்துடன் லிக்விட் கூலிங் தொழில்நுட்பம், 3.5 எம்.எம். ஆடியோ ஜாக், ஹை-ரெஸ் ஆடியோ, 64 எம்பி பிரைமரி கேமரா, 8 எம்பி அல்ட்ரா வைடு கேமரா, 2 எம்பி மேக்ரோ கேமரா, 5000 எம்.ஏ.ஹெச். பேட்டரி, 44 வாட் பாஸ்ட் சார்ஜிங் வசதி வழங்கப்பட்டு உள்ளது. 

- 6.67 இன்ச் 2400x1080 பிக்சல் புல் ஹெச்.டி. பிளஸ் ஸ்கிரீன்

- ஆக்டாகோர் ஸ்னாப்டிராகன் 778ஜி பிராசஸர்

- அட்ரினோ 642எல் GPU

- 8 ஜிபி /12 ஜிபி ரேம்

- 128 ஜிபி / 256 ஜிபி மெமரி

- ஆண்ட்ராய்டு 11 மற்றும் பன்டச் ஓ.எஸ். 12

- டூயல் சிம்

- 64 எம்பி பிரைமரி கேமரா

- 8 எம்பி அல்ட்ரா வைடு லென்ஸ்

- 2 எம்பி மேக்ரோ கேமரா

- 16 எம்பி செல்பி கேமரா

- பக்கவாட்டில் கைரேகை சென்சார்

- 3.5 எம்.எம். ஆடியோ ஜாக், ஹை-ரெஸ் ஆடியோ

- 5ஜி எஸ்.ஏ./ என்.எஸ்.ஏ., டூயல் 4ஜி வோல்ட்இ, வைபை, ப்ளூடூத் 

- யு.எஸ்.பி. டைப் சி

- 5000 எம்.ஏ.ஹெச். பேட்டரி

- 44 வாட் பாஸ்ட் சார்ஜிங்

ஐகூ இசட்5 5ஜி ஸ்மார்ட்போன் ஆர்க்டிக் டான் மற்றும் மிஸ்டிக் ஸ்பேஸ் நிறங்களில் கிடைக்கிறது. இதன் 8 ஜிபி + 128 ஜிபி விலை ரூ. 23,990 என்றும் 12 ஜிபி + 256 ஜிபி விலை ரூ. 26,990 என்றும் நிர்ணயம் செய்யப்பட்டு உள்ளது. இதன் விற்பனை அமேசான் மற்றும் ஐகூ வலைதளங்களில் அக்டோபர் 3 ஆம் தேதி துவங்குகிறது.

உலகின் முன்னணி தேடுப்பொறி தளமான கூகுள் இன்று தனது 23-வது பிறந்த நாளை கொண்டாடுகிறது. இதற்கென கூகுள் பிரத்யேக டூடுல் ஒன்றை வடிவமைத்து இருக்கிறது. 

அலங்கரிக்கப்பட்ட கூகுள் வார்த்தைகள், மெழுகுவர்த்தி, கேக் மற்றும் டோநட் கொண்டு டூடுல் உருவாக்கப்பட்டு இருக்கிறது. இத்துடன் 23 என்றும் எழுதப்பட்டு இருக்கிறது. 

செப்டம்பர் 27, 1988 அன்று கூகுள் நிறுவனம் துவங்கப்பட்டது. கூகுள் நிறுவனத்தை செர்ஜி ப்ரின் மற்றும் லேரி பேஜ் இணைந்து துவங்கினர். தற்போது உலகம் முழுக்க பெரும்பாலானோர் பயன்படுத்தும் தேடுப்பொறியாக கூகுள் உயர்ந்து இருக்கிறது. 

'ஒவ்வொரு நாளும் கூகுள் தளத்தில் பல கோடி தேடல்கள் நடக்கின்றன. உலகம் முழுக்க சுமார் 150-க்கும் அதிக மொழிகளில் கூகுள் தேடுப்பொறி இயங்கி வருகிறது. லெகோ பிளாக்குகளால் உருவாக்கப்பட்ட சர்வரில் துவங்கி தற்போது உலகம் முழுக்க சுமார் 20-க்கும் அதிக டேட்டா செண்டர்களை கூகுள் கொண்டிருக்கிறது.' 

'உலக விவரங்கள் அனைவருக்கும் கிடைக்க வேண்டும் என்ற கூகுளின் நோக்கம் இன்றுவரை மாற்றப்படவே இல்லை,' என கூகுள் வெளியிட்டு இருக்கும் அறிக்கையில் தெரிவித்துள்ளது. 

போக்கோ நிறுவனத்தின் சி31 ஸ்மார்ட்போன் செப்டம்பர் 30 ஆம் தேதி இந்தியாவில் அறிமுகமாகிறது. இந்த ஸ்மார்ட்போன் விரைவில் துவங்க இருக்கும் ப்ளிப்கார்ட் பிக் பில்லியன் டேஸ் விற்பனையில் அறிமுகமாகும் என ஏற்கனவே அறிவிக்கப்பட்டு இருந்தது குறிப்பிடத்தக்கது.

புதிய போக்கோ சி31 பட்ஜெட் விலையில் விற்பனைக்கு வரும் என எதிர்பார்க்கப்படுகிறது. இந்த ஸ்மார்ட்போன் வாட்டர்-டிராப் நாட்ச், நீண்ட பேக்கப் வழங்கும் பேட்டரி கொண்டிருக்கும் என தற்போதைய டீசரில் தெரியவந்துள்ளது.

முன்னதாக போக்கோ சி3 ஸ்மார்ட்போன் இந்தியாவில் விற்பனை செய்யப்பட்டு வருகிறது. இந்த ஸ்மார்ட்போன் கடந்த ஆண்டு அக்போடர் மாத வாக்கில் அறிமுகம் செய்யப்பட்டது. போக்கோ சி3 மாடலில் 6.53 இன்ச் ஹெச்.டி. பிளஸ் வாட்டர் டிராப் டிஸ்ப்ளே, மீடியாடெக் ஹீலியோ ஜி35 பிராசஸர், 4 ஜிபி + 64 ஜிபி மெமரி கொண்டிருக்கிறது.

கூகுள் பிக்சல் 6 சீரிஸ் ஸ்மார்ட்போன்கள் விரைவில் அறிமுகம் செய்யப்பட இருக்கின்றன. இந்த நிலையில், புதிய பிக்சல் ஸ்மார்ட்போன் கேமரா அம்சங்கள் இணையத்தில் வெளியாகி இருக்கின்றன.

புதிய பிக்சல் ஸ்மார்ட்போன்களின் கேமரா விவரங்கள் கூகுள் கேமரா செயலியின் குறியீடுகள் மூலம் இணையத்தில் லீக் ஆகி இருக்கிறது. அதன்படி பிக்சல் 6 ப்ரோ மாடலில் அல்ட்ரா வைடு ஆங்கில் கேமரா, 0.7எக்ஸ் மற்றும் 1.0 எக்ஸ் அளவில் ஜூம் லெவல்கள் இருக்கும்.

இந்த ஸ்மார்ட்போன்கள் 4கே வீடியோக்களை நொடிக்கு 60 பிரேம் வேகத்தில் பதிவு செய்யும் வசதி, அதிகபட்சம் 7எக்ஸ் ஜூம் கொண்டிருக்கின்றன. 4கே அல்லது எப்.ஹெச்.டி. தரத்தில் பதிவு செய்யும் போது அதிகபட்சம் 20 எக்ஸ் வரையிலான ஜூம் வழங்கப்படுகிறது.

புகைப்படங்களுக்கும் இதே அம்சங்கள் வழங்கப்படுகிறது. இத்துடன் பேபி மோட், நிமா ஏஸ்தடிக், மோஷன் பிளர், மேஜிக் இரேசர், பேஸ் டி-பிளர், மேனுவல் வைட் பேலண்ஸ், போர்டிரெயிட் ஸ்பாட்லைட், சீன் லாக் மற்றும் ப்ளூடூத் மைக்ரோபோன் வசதி என பல்வேறு அம்சங்கள் வழங்கப்பட இருப்பதாக கூறப்படுகிறது.

ஆப்பிள் நிறுவனம் சில வாரங்களுக்கு முன் ஐபோன் 13 சீரிஸ் மாடல்களை அறிமுகம் செய்தது. புதிய ஐபோன்களின் விற்பனை பல்வேறு நாடுகளில் துவங்கி நடைபெற்று வருகிறது. இந்த நிலையில், ஐபோன் 13 ப்ரோ டியர்டவுன் வீடியோ வெளியாகி இருக்கிறது.

அதில் ஐபோன் 13 ப்ரோ மாடலில் 3095 எம்.ஏ.ஹெச். பேட்டரி வழங்கப்பட்டு இருப்பது தெரியவந்துள்ளது. இது கடந்த ஆண்டு அறிமுகமான ஐபோன் 12 ப்ரோவில் வழங்கப்பட்ட 2815 எம்.ஏ.ஹெச். பேட்டரியை விட அதிகம் ஆகும். அதிக திறன் இருப்பதால் ஐபோன் 13 ப்ரோ முந்தைய மாடலை விட 1.5 மணி நேரம் கூடுதல் பேக்கப் வழங்குகிறது.

ஐபோன் 13 ப்ரோ மாடலில் உள்ள பேட்டரி எல் வடிவம் கொண்டிருக்கிறது. மேலும் இதனை சன்வுடா எலெக்ட்ரிக் கோ எனும் நிறுவனம் உற்பத்தி செய்து இருக்கிறது. இத்துடன் புதிய ஐபோனில் சாம்சங் வழங்கிய 120 ஹெர்ட்ஸ் ஸ்கிரீன் உள்ளது. இத்துடன் குவால்காம் எக்ஸ்60 5ஜி மோடெம் வழங்கப்பட்டு இருக்கிறது.

சாம்சங் நிறுவனத்தின் புதிய கேலக்ஸி எஸ்22 அல்ட்ரா ரெண்டர்கள் இணையத்தில் லீக் ஆகி உள்ளது. இதில் 6.8 இன்ச் வளைந்த டிஸ்ப்ளே, குவாட் ஹெச்.டி. பிளஸ் அடாப்டிவ் 120 ஹெர்ட்ஸ் ரிப்ரெஷ் ரேட் ஸ்கிரீன் வழங்கப்படும் என கூறப்படுகிறது.

இத்துடன் புதிய கேமரா மாட்யூல், 108 எம்பி பிரைமரி கேமரா, பில்ட் இன் எஸ் பென் வசதி வழங்கப்படும் என தெரிகிறது. இந்த ஸ்மார்ட்போனில் எக்சைனோஸ் 2200 அல்லது ஸ்னாப்டிராகன் 898 பிராசஸர் வழங்கப்படலாம். இந்தியாவில் இம்முறை கேலக்ஸி எஸ்22 அல்ட்ரா மாடல் ஸ்னாப்டிராகன் பிராசஸருடன் அறிமுகமாகும் என கூறப்படுகிறது.

மேலும் இந்த ஸ்மார்ட்போன் 5000 எம்.ஏ.ஹெச். பேட்டரி, 45 வாட் பாஸ்ட் சார்ஜிங் வசதி கொண்டிருக்கும் என தெரிகிறது. தற்போது கேலக்ஸி எஸ்22 அல்ட்ரா விவரங்கள் வெளியாகி இருக்கும் நிலையில், விரைவில் கேலக்ஸி எஸ்22 மற்றும் கேலக்ஸி எஸ்22 பிளஸ் மாடல்களின் ரெண்டர்களும் வெளியாகலாம்.

ரியல்மி நிறுவனம் இந்தியாவில் ஸ்மார்ட் டிவி நியோ 32 இன்ச் ஹெச்.டி. டிவி மாடலை அறிமுகம் செய்தது. இதில் பெசல் லெஸ் டிசைன், குரோமா பூஸ்ட் பிக்சர் என்ஜின், விவிட் டிஸ்ப்ளே வழங்கப்பட்டு இருக்கிறது. 

இந்த டிவியில் ஆண்ட்ராய்டு டிவி 9 மற்றும் குரோம்காஸ்ட் பில்ட்-இன், நெட்ப்ளிக்ஸ், யூடியூப், பிரைம் வீடியோ மற்றும் பல்வேறு செயலிகள் உள்ளது. இந்த ஸ்மார்ட் டிவி 20 வாட் ஸ்டீரியோ ஸ்பீக்கர்கள், டால்பி ஆடியோ வசதி கொண்டிருக்கிறது.

- 32 இன்ச் 1366×768 பிக்சல் ஹெச்டி டிஸ்ப்ளே

- 7 டிஸ்ப்ளே மோட்கள்

- குவாட்கோர் கார்டெக்ஸ் ஏ53 மீடியாடெக் பிராசஸர்

- மாலி-470 எம்பி3 ஜிபியு

- 1 ஜிபி ரேம்

- 8 ஜிபி மெமரி 

- ஆண்ட்ராய்டு டிவி 9 

- பில்ட்-இன் குரோம்காஸ்ட், நெட்ப்ளிக்ஸ், யூடியூப், பிரைம் வீடியோ

- வைபை, ப்ளூடூத் 5

- 2 x ஹெச்.டி.எம்.ஐ., 1 x யு.எஸ்.பி., ஏ.வி., ஈத்தர்நெட்

- 20 வாட் ஸ்பீக்கர்கள், டால்பி ஆடியோ 

ரியல்மி ஸ்மார்ட் டிவி நியோ 32 இன்ச் மாடல் விலை ரூ. 14,999 ஆகும். இது ப்ளிப்கார்ட், ரியல்மி மற்றும் ஆப்லைன் விற்பனை மையங்களில் அக்டோபர் 3 ஆம் தேதி முதல் கிடைக்கும். 

மோட்டோரோலா நிறுவனத்தின் எட்ஜ் 20 ப்ரோ ஸ்மார்ட்போன் இந்தியாவில் அக்டோபர் 1 ஆம் தேதி அறிமுகமாகிறது. முன்னதாக இந்த ஸ்மார்ட்போனிற்கான டீசர் வெளியிடப்பட்டதை தொடர்ந்து தற்போது வெளியீட்டு தேதி அறிவிக்கப்பட்டு இருக்கிறது.

புதிய மோட்டோரோலா எட்ஜ் 20 ப்ரோ ஸ்மார்ட்போனில் 144 ஹெர்ட்ஸ் ரிப்ரெஷ் ரேட் கொண்ட ஆமோலெட் டிஸ்ப்ளே, 108 எம்பி பிரைமரி கேமரா, குவால்காம் ஸ்னாப்டிராகன் 870 பிராசஸர், அதிகபட்சம் 11 5ஜி பேண்ட்களுக்கான வசதி வழங்கப்படுகிறது.

இத்துடன் 4500 எம்.ஏ.ஹெச். பேட்டரி, 30 வாட் டர்போ சார்ஜ் பாஸ்ட் சார்ஜிங் வசதி, ஐ.பி.52 சான்று, வைபை 6, ஆண்ட்ராய்டு 11 ஓ.எஸ்., இரண்டு ஆண்டுகளுக்கு செக்யூரிட்டி அப்டேட்கள் வழங்கப்படும் என எதிர்பார்க்கப்படுகிறது.

இந்தியாவில் மோட்டோரோலா எட்ஜ் 20 ப்ரோ ஸ்மார்ட்போனின் 8 ஜிபி +256 ஜிபி மாடல் விலை ரூ. 35 ஆயிரத்தில் நிர்ணயம் செய்யப்படும் என கூறப்படுகிறது. மேலும் இந்த ஸ்மார்ட்போன் இரிடிசண்ட் கிளவுட் மற்றும் மிட்நைட் ஸ்கை என இரண்டு நிறங்களில் கிடைக்கிறது.

ரியல்மி நிறுவனம் நார்சோ 50ஏ ஸ்மார்ட்போனினை இந்தியாவில் அறிமுகம் செய்தது. இதில் 6.5 இன்ச் ஹெச்.டி. பிளஸ் ஸ்கிரீன், மீடியாடெக் ஹீலியோ ஜி85 பிராசஸர், 4 ஜிபி ரேம், ஆண்ட்ராய்டு 11 மற்றும் ரியல்மி யு.ஐ. 2 வழங்கப்பட்டு இருக்கிறது.

புகைப்படங்களை எடுக்க 50 எம்பி பிரைமரி கேமரா, 2 எம்பி மேக்ரோ கேமரா, 2 எம்பி பிளாக் அண்ட் வைட் கேமரா, 8 எம்பி செல்பி கேமரா வழங்கப்பட்டு உள்ளது. பக்கவாட்டில் கைரேகை சென்சார் கொண்டிருக்கும் நார்சோ 50ஏ ஸ்மார்ட்போன் 6000 எம்.ஏ.ஹெச். பேட்டரி மூலம் சக்தியூட்டப்படுகிறது.

- 6.5 இன்ச் 1600x720 பிக்சல் ஹெச்.டி. பிளஸ் டிஸ்ப்ளே

- ஆக்டாகோர் மீடியாடெக் ஹீலியோ ஜி85 பிராசஸர்

- 1000 மெகாஹெர்ட்ஸ் ஏ.ஆர்.எம். மாலி ஜி 52 2 இ.இ.எம்.சி.2 ஜி.பி.யு.

- 4 ஜிபி ரேம்

- 64 ஜிபி / 128 ஜிபி மெமரி

- மெமரியை கூடுதலாக நீட்டிக்கும் வசதி

- டூயல் சிம் ஸ்லாட்

- ரியல்மி யு.ஐ. 2 மற்றும் ஆண்ட்ராய்டு 11

- 50 எம்பி பிரைமரி கேமரா

- 2 எம்பி மேக்ரோ கேமரா

- 2 எம்பி பிளாக் அண்ட் வைட் கேமரா

- 8 எம்பி செல்பி கேமரா

- கைரேகை சென்சார்

- 3.5 எம்.எம். ஆடியோ ஜாக்

- கைரேகை சென்சார்

- டூயல் 4ஜி வோல்ட்இ, வைபை, ப்ளூடூத் 5

- யு.எஸ்.பி. டைப் சி

- 6000 எம்.ஏ.ஹெச். பேட்டரி

- 18 வாட் பாஸ்ட் சார்ஜிங், ரிவர்ஸ் சார்ஜிங்

ரியல்மி நார்சோ 50ஏ ஸ்மார்ட்போன் ஆக்சிஜன் கிரீன் மற்றும் ஆக்சிஜன் புளூ நிறங்களில் கிடைக்கிறது. இதன் 4 ஜிபி + 64 ஜிபி விலை ரூ. 11,499 என்றும் 4 ஜிபி + 128 ஜிபி விலை ரூ. 12,499 என்றும் நிர்ணயம் செய்யப்பட்டு உள்ளது.

சியோமியின் ரெட்மி பிராண்டு இந்தியாவில் ரெட்மி 9 ஆக்டிவ் ஸ்மார்ட்போனினை அறிமுகம் செய்தது. இந்த ஸ்மார்ட்போனில் 6.53 இன்ச் ஹெச்.டி. பிளஸ் டாட் டிராப் ஸ்கிரீன், மீடியாடெக் ஹீலியோ ஜி35 பிராசஸர், அதிகபட்சம் 6 ஜிபி ரேம் வழங்கப்பட்டு இருக்கிறது.

இத்துடன் ஆண்ட்ராய்டு 10 மற்றும் எம்.ஐ.யு.ஐ. 12, 13 எம்பி பிரைமரி கேமரா, 2 எம்பி டெப்த் சென்சார், 5 எம்பி செல்பி கேமரா வழங்கப்பட்டு இருக்கிறது. டெக்ஸ்ச்சர் டிசைன் கொண்டிருக்கும் ரெட்மி 9 ஆக்டிவ் மாடலின் பின்புறம் கைரேகை சென்சார், 5000 எம்.ஏ.ஹெச். பேட்டரி வழங்கப்பட்டு இருக்கிறது. 

ரெட்மி 9 ஆக்டிவ் கார்பன் பிளாக், கோரல் கிரீன் மற்றும் மெட்டலிக் பர்பில் நிறங்களில் கிடைக்கிறது. இதன் 4 ஜிபி + 64 ஜிபி விலை ரூ. 9,499 என்றும் 6 ஜிபி + 128 ஜிபி விலை ரூ. 10,999 என்றும் நிர்ணயம் செய்யப்பட்டு உள்ளது.