என் மலர்
தொழில்நுட்பச் செய்திகள்
ஆப்பிள் நிறுவனம் ஐபோன் வாங்கும் இந்திய பயனர்களுக்கு ஏர்பாட்ஸ்-ஐ இலவசமாக வழங்குகிறது.
ஆப்பிள் இந்தியா நிறுவனம் ஐபோன் 12 அல்லது ஐபோன் 12 மினி வாங்குவோருக்கு இலவசமாக ஏர்பாட்ஸ் வழங்குவதாக அறிவித்து இருக்கிறது. இந்த சலுகை ஐபோன் 12 மற்றும் ஐபோன் 12 மினி மாடல்களை ஆப்பிள் ஆன்லைன் ஸ்டோரில் வாங்குவோருக்கு மட்டும் பொருந்தும். மேலும் இது அக்டோபர் 7 ஆம் தேதி துவங்குகிறது.
தீபாவளி பண்டிகையை முன்னிட்டு இந்த சலுகை அறிவிக்கப்பட்டு இருக்கிறது. விலை குறைப்பை தொடர்ந்து ஐபோன் 12 மினி விலை ரூ. 59,900 என துவங்குகிறது. ஐபோன் 12 விலை ரூ. 65 ஆயிரம் என துவங்குகிறது. இந்தியாவில் ஏர்பாட்ஸ் விலை ரூ. 14,900 ஆகும்.
முன்னதாக ஆப்பிள் இந்தியா நிறுவனம் தேர்வு செய்யப்பட்ட மேக்புக், ஐமேக் மற்றும் ஐபேட் மாடல்களை வாங்குவோருக்கு இலவசமாக ஏர்பாட்ஸ் வழங்கியது. இந்த சலுகை கல்வி சலுகையின் அங்கமாக வழங்கப்பட்டது.
மைக்ரோமேக்ஸ் நிறுவனத்தின் இன் நோட் 1 ஸ்மார்ட்போன் ப்ளிப்கார்ட் தளத்தில் புதிய விலையில் விற்பனைக்கு வருகிறது.
மைக்ரோமேக்ஸ் நிறுவனம் இன் நோட் 1 மாடலை அறிமுகம் செய்து கடந்த ஆண்டு ஸ்மார்ட்போன் சந்தையில் மீண்டும் களமிறங்கியது. முன்னதாக இந்த ஸ்மார்ட்போன் 4 ஜிபி + 64 ஜிபி விலை ரூ. 10,999 என்றும் 4 ஜிபி + 128 ஜிபி விலை ரூ. 12,499 என்றும் நிர்ணயம் செய்யப்பட்டு இருந்தது.
இந்தியாவில் மைக்ரோமேக்ஸ் இன் நோட் 1 ஸ்மார்ட்போனின் விலை அவ்வப்போது மாற்றப்பட்டு வந்தது. கடைசியாக இந்த ஸ்மார்ட்போனின் 4 ஜிபி + 64 ஜிபி விலை ரூ. 11,499 என உயர்த்தப்பட்டது. இந்த நிலையில் இன் நோட் 1 விலை குறைக்கப்பட்டு இருக்கிறது. இம்முறை இன் நோட் 1 விலையில் ரூ. 1500 குறைக்கப்பட்டு ரூ. 9499 என மாறி இருக்கிறது.
விலை குறைப்பு ப்ளிப்கார்ட் பிக் பில்லியன் டேஸ் விற்பனையின் போது அமலுக்கு வருகிறது. இத்துடன் தேர்வு செய்யப்பட்ட வங்கி கார்டுகளை பயன்படுத்தும் போது கூடுதலாக 10 சதவீதம் தள்ளுபடி வழங்கப்படுகிறது. தற்போதைய விலை குறைப்பு நிரந்தரமானதா அல்லது குறுகிய காலக்கட்டத்திற்கு மட்டும் அறிவிக்கப்பட்டு இருக்கிறதா என்பது கேள்விக்குறியாகவே உள்ளது.
நார்டு 2 ஸ்மார்ட்போனுடன் வழங்கப்பட்ட வார்ப் சார்ஜர் வெடித்ததற்கான காரணத்தை ஒன்பிளஸ் தெரிவித்து இருக்கிறது.
ஒன்பிளஸ் நார்டு 2 ஸ்மார்ட்போனின் விற்பனை துவங்கியது முதல் பல்வேறு சர்ச்சைகளை அந்நிறுவனம் எதிர்கொண்டு வருகிறது. ஒன்பிளஸ் நார்டு பயன்படுத்துவோரில் சிலர், தங்களின் ஸ்மார்ட்போன் வெடித்து சிதறியதாக குற்றம்சாட்டி வருகின்றனர்.
அந்த வரிசையில், ஸ்மார்ட்போனினை தொடர்ந்து ஒன்பிளஸ் நார்டு 2 வார்ப் சார்ஜர் வெடித்து சிதறியது. இந்த சம்பவம் கேரளாவில் அரங்கேறி இருக்கிறது. ஸ்மார்ட்போனை சார்ஜருடன் இணைத்த சில நிமிடங்களிலேயே சார்ஜர் வெடித்து சிதறியது. இந்த சம்பவத்தில் பாதிக்கப்பட்ட நபர் ஒன்பிளஸ் நிறுவனத்தை ட்விட்டரில் தொடர்பு கொண்டார்.
இந்த சம்பவம் குறித்து ஆய்வு மேற்கொண்ட ஒன்பிளஸ், மின் இணைப்பில் ஏற்பட்ட கோளாறு காரணமாக சார்ஜர் வெடித்து சிதறியது என தெரிவித்து இருக்கிறது. தற்போது வெடித்து சிதறிய சார்ஜருக்கு மாற்றாக ஒன்பிளஸ் சார்பில் வேறு சார்ஜர் கொடுக்கப்பட்டது.
மோட்டோரோலா நிறுவனத்தின் முதல் டேப்லெட் இந்தியாவில் அறிமுகம் செய்யப்பட்டு இருக்கிறது.
மோட்டோரோலா நிறுவனம் இந்திய சந்தையில் தனது முதல் டேப்லெட் மாடலை அறிமுகம் செய்தது. இதில் 8 இன்ச் ஹெச்.டி. பிளஸ் எல்.சி.டி. ஸ்கிரீன், ஹீலியோ பி22டி பிராசஸர், 3 ஜிபி ரேம், 32 ஜிபி மெமரி வழங்கப்பட்டு இருக்கிறது.
இத்துடன் ஆண்ட்ராய்டு 11, கிட்ஸ் மோட், மெட்டல் போன்ற வடிவமைப்பு, மோனோ ஸ்பீக்கர், டால்பி அட்மோஸ், 5100 எம்.ஏ.ஹெச். பேட்டரி வழங்கப்பட்டு உள்ளது. மேலும் 5 எம்பி ஆட்டோபோக்கஸ் பிரைமரி கேமரா, 2 எம்பி செல்பி கேமரா வழங்கப்பட்டு இருக்கிறது.
கனெக்டிவிட்டிக்கு 3.5 எம்எம் ஆடியோ ஜாக், டால்பி அட்மோஸ், வைபை, ப்ளூடூத் 5, யு.எஸ்.பி. டைப் சி, 5100 எம்.ஏ.ஹெச். பேட்டரி, 10 வாட் சார்ஜிங் கொண்டிருக்கிறது. மோட்டோ டேப் ஜி20 பிளாட்டினம் கிரே நிறத்தில் கிடைக்கிறது. இதன் விலை ரூ. 10,999 என துவங்குகிறது. இதன் முன்பதிவு அக்டோபர் 2 ஆம் தேதி துவங்குகிறது.
போக்கோ நிறுவனத்தின் புதிய சி சீரிஸ் ஸ்மார்ட்போன் இந்தியாவில் அறிமுகம் செய்யப்பட்டது.
போக்கோ நிறுவனம் இந்தியாவில் போக்கோ சி31 ஸ்மார்ட்போனினை பட்ஜெட் விலையில் அறிமுகம் செய்தது. இதில் 6.53 இன்ச் ஹெச்.டி. பிளஸ் எல்.சி.டி. ஸ்கிரீன், மீடியாடெக் ஹீலியோ ஜி35 பிராசஸர், 13 எம்பி பிரைமரி கேமரா, 2 எம்பி மேக்ரோ கேமரா, 2 எம்பி டெப்த் கேமரா, 5 எம்பி செல்பி கேமரா வழங்கப்பட்டு இருக்கிறது.
பின்புறம் கைரேகை சென்சார் கொண்டிருக்கும் போக்கோ சி31 ஸ்மார்ட்போன் 5000 எம்.ஏ.ஹெச். பேட்டரி மூலம் சக்தியூட்டப்படுகிறது. இத்துடன் 10 வாட் சார்ஜிங் வழங்கப்பட்டு இருக்கிறது. இந்த ஸ்மார்ட்போன் 3 ஜிபி + 32 ஜிபி மற்றும் 4 ஜிபி + 64 ஜிபி என இரண்டு வேரியண்ட்களில் கிடைக்கிறது.
போக்கோ சி31 ஸ்மார்ட்போன் ஷேடோ கிரே மற்றும் ராயல் புளூ நிறங்களில் கிடைக்கிறது. இதன் 3 ஜிபி + 32 ஜிபி விலை ரூ. 8,499 என்றும் 4 ஜிபி + 64 ஜிபி விலை ரூ. 9,499 என்றும் நிர்ணயம் செய்யப்பட்டு உள்ளது. இந்த ஸ்மார்ட்போன் அக்டோபர் 2 ஆம் தேதி பிக் பில்லியன் டேஸ் விற்பனையில் முறையே ரூ. 7999 மற்றும் ரூ. 8999 விலையில் விற்பனை செய்யப்பட இருக்கிறது.
நோக்கியா ஸ்மார்ட் டிவி மாடல்கள் ப்ளிப்கார்ட் தளத்தில் பிரத்யேகமாக விற்பனை செய்யப்பட இருக்கின்றன.
ப்ளிப்கார்ட் தளத்தில் நோக்கியா ஸ்மார்ட் டிவி மாடல்கள் அறிமுகம் செய்யப்பட்டன. புதிய டிவிக்கள் புல் ஹெச்டி, அல்ட்ரா ஹெச்டி மற்றும் கியூ.எல்.இ.டி. தரங்களில் கிடைக்கின்றன. இந்த டிவிகள் முழுமையாக இந்தியாவிலேயே உற்பத்தி செய்யப்பட்டதாக ப்ளிப்கார்ட் தெரிவித்துள்ளது.
இவற்றில் ஹார்மன் ஆடியோ இ.எப்.எக்ஸ்., 60 வாட் ட்வின் ஸ்பீக்கர்கள், டால்பி விஷன், டால்பி அட்மோஸ், காமா என்ஜின் 2.2, டூயல் பேண்ட் வைபை, டேட்டா சேவர் போன்ற அம்சங்கள் உள்ளது. இத்துடன் ஆண்ட்ராய்டு 11, 2 ஜிபி ரேம், 16 ஜிபி மெமரி, வைபை, ப்ளூடூத் 4.2 வழங்கப்பட்டு இருக்கிறது.
விலை விவரம்
நோக்கியா 50 இன்ச் 4கே எல்.இ.டி. டிவி ரூ. 44,999
நோக்கியா 55 இன்ச் 4கே எல்.இ.டி. டிவி ரூ. 49,999
நோக்கியா 50 இன்ச் 4கே ஒ.எல்.இ.டி. டிவி ரூ. 49,999
நோக்கியா 55 இன்ச் 4கே ஒ.எல்.இ.டி. டிவி ரூ. 54,999
நோக்கியா 43 இன்ச் எப்.ஹெச்.டி. டிவி மற்றும் 4கே மாடல்கள் விலை இதுவரை அறிவிக்கப்படவில்லை. இவை அக்டோபர் 3, ப்ளிப்கார்ட் பிக் பில்லியன் டேஸ் சிறப்பு விற்பனையில் கிடைக்கின்றன.
சாம்சங் நிறுவனத்தின் புதிய கேலக்ஸி எப் சீரிஸ் ஸ்மார்ட்போன் அறிமுக சலுகையாக குறைந்த விலையில் விற்பனை செய்யப்பட இருக்கிறது.
சாம்சங் நிறுவனம் இந்திய சந்தையில் புதிய கேலக்ஸி எப்42 5ஜி ஸ்மார்ட்போனினை அறிமுகம் செய்தது. இதில் 6.6 இன்ச் புல் ஹெச்.டி. பிளஸ் எல்.சி.டி. ஸ்கிரீன், இன்பினிட்டி வி டிஸ்ப்ளே, 90 ஹெர்ட்ஸ் ரிப்ரெஷ் ரேட், மீடியாடெக் டிமென்சிட்டி 700 பிராசஸர், அதிகபட்சம் 8 ஜிபி ரேம் வழங்கப்பட்டு இருக்கிறது.
புகைப்படங்களை எடுக்க 64 எம்பி பிரைமரி கேமரா, 5 எம்பி அல்ட்ரா வைடு கேமரா, 2 எம்பி டெப்த் சென்சார், 8 எம்பி செல்பி கேமரா வழங்கப்பட்டு உள்ளது. ஆண்ட்ராய்டு 11 மற்றும் ஒன் யு.ஐ. 3.1 கொண்டிருக்கும் கேலக்ஸி எப்42 5ஜி பக்கவாட்டில் கைரேகை சென்சார், பிளாஸ்டிக் பேக் கொண்டிருக்கிறது.
இந்த ஸ்மாப்ட்போன் 5000 எம்.ஏ.ஹெச். பேட்டரி மூலம் சக்தியூட்டப்படுகிறது. இத்துடன் 15 வாட் பாஸ்ட் சார்ஜிங் வசதி உள்ளது. புதிய சாம்சங் கேலக்ஸி எப்42 5ஜி மேட் பிளாக் மற்றும் மேட் புளூ நிறங்களில் கிடைக்கிறது. இதன் 6 ஜிபி + 128 ஜிபி மற்றும் 8 ஜிபி + 128 ஜிபி விலை முறையே ரூ. 20,999 மற்றும் ரூ. 22,999 என நிர்ணயம் செய்யப்பட்டு உள்ளது.
அறிமுக சலுகையாக இந்த ஸ்மார்ட்போன் ரூ. 17,999 மற்றும் ரூ. 19,999 விலையில் விற்பனை செய்யப்பட இருக்கிறது. இந்த ஸ்மார்ட்போனின் விற்பனை அக்டோபர் 2 ஆம் தேதி ப்ளிப்கார்ட் தளத்தில் துவங்குகிறது.
நோக்கியா நிறுவனத்தின் புதிய லேப்டாப் இந்தியாவில் விற்பனைக்கு அறிமுகம் செய்யப்பட்டு இருக்கிறது.
நோக்கியா பியுர்புக் எஸ்14 லேப்டாப் இந்தியாவில் அறிமுகமாகி இருக்கிறது. ப்ளிப்கார்ட் தளத்தில் வெளியாகி இருக்கும் புதிய லேப்டாப் 14 இன்ச் புல் ஹெச்.டி. ஸ்கிரீன், இன்டெல் ஐ5 11-ம் தலைமுறை குவாட்கோர் பிராசஸர், 8 ஜிபி அல்லது 16 ஜிபி ரேம், 512 ஜிபி எஸ்.எஸ்.டி. கொண்டிருக்கிறது.
இத்துடன் டால்பி அட்மோஸ் வசதி, விண்டோஸ் 11, ஹெச்.டி. ஐ.ஆர். வெப்கேமரா, விண்டோஸ் ஹெல்லோ பேஸ் அன்லாக், பேக்லிட் கீபோர்டு, பிரெசிஷன் டச்பேட் மற்றும் ஜெஸ்ட்யூர் ஆப்ஷன்கள் வழங்கப்பட்டு இருக்கிறது. இத்துடன் வைபை 6, ப்ளூடூத் 5.2, யு.எஸ்.பி. டைப் சி போர்ட், யு.எஸ்.பி. டைப் ஏ போர்ட், ஹெச்.டி.எம்.ஐ. உள்ளது.
இந்தியாவில் புதிய நோக்கியா பியுர்புக் எஸ்14 விலை ரூ. 56,990 என துவங்குகிறது. இதன் விற்பனை அக்டோபர் 3 ஆம் தேதி ப்ளிப்கார்ட் தளத்தில் துவங்குகிறது.
சியோமி நிறுவனத்தின் புதிய மிட்-ரேன்ஜ் ஸ்மாரட்போன் லிக்விட் கூலிங் தொழில்நுட்பம் கொண்டிருக்கிறது.
சியோமி நிறுவனம் இந்திய சந்தையில் சியோமி 11 லைட் என்.இ. 5ஜி ஸ்மார்ட்போனினை அறிமுகம் செய்தது. இதில் 6.55 இன்ச் அமோலெட் டாட் டிஸ்ப்ளே, 90 ஹெர்ட்ஸ் ரிப்ரெஷ் ரேட், ஸ்னாப்டிராகன் 778ஜி பிராசஸர், அதிகபட்சம் 8 ஜிபி ரேம், மொத்தத்தில் 12 5ஜி பேண்ட்களுக்கான ஆதரவு வழங்கப்பட்டு இருக்கிறது.
புதிய ஸ்மார்ட்போனிற்கு மூன்று ஆண்டுகளுக்கு மென்பொருள் அப்டேட்கள், நான்கு ஆண்டுகளுக்கு செக்யூரிட்டி அப்டேட்களை வழங்குவதாக சியோமி அறிவித்து உள்ளது. மிக-மெல்லிய வடிவமைப்பு கொண்டிருக்கும் சியோமி 11 லைட் என்.இ. 5ஜி மாடலில் புதிய பி.சி.பி. டிசைன், 1.88 எம்.எம். அளவில் மெல்லிய பெசல்கள் உள்ளன.
புகைப்படங்களை எடுக்க 64 எம்பி பிரைமரி கேமரா, 8 எம்பி அல்ட்ரா வைடு ஆங்கில் கேமரா, 5 எம்பி டெலிமேக்ரோ கேமரா, 20 எம்பி செல்பி கேமரா வழங்கப்பட்டு இருக்கிறது. இதன் பக்கவாட்டில் கைரேகை சென்சார் வழங்கப்பட்டு இருக்கிறது. சியோமி 11 லைட் என்.இ. 5ஜி மாடல் 4250 எம்.ஏ.ஹெச். பேட்டரி மூலம் சக்தியூட்டப்படுகிறது. இத்துடன் 33 வாட் பாஸ்ட் சார்ஜிங் உள்ளது.
சியோமி 11 லைட் என்.இ. 5ஜி மாடல் டைமண்ட் டேசில், டஸ்கேனி கோரல், ஜாஸ் புளூ மற்றும் வினைல் பிளாக் நிறங்களில் கிடைக்கிறது. இதன் 6 ஜிபி + 128 ஜிபி மாடல் விலை ரூ. 26,999 என்றும் 8 ஜிபி + 128 ஜிபி விலை ரூ. 28,999 என்றும் நிர்ணயம் செய்யப்பட்டு உள்ளது. இதன் விற்பனை அக்டோபர் 2 ஆம் தேதி துவங்குகிறது.
ரெட்மி பிராண்டின் இரண்டு புதிய ஸ்மார்ட்போன்கள் எம்.ஐ. வலைதளம் மற்றும் ஆப்லைன் ஸ்டோர்களில் விற்பனை செய்யப்படுகிறது.
ரெட்மி பிராண்டு இந்தியாவில் ரெட்மி 9ஏ ஸ்போர்ட் மற்றும் ரெட்மி 9ஐ ஸ்போர்ட் ஸ்மார்ட்போன்களை அறிமுகம் செய்தது. இரு மாடல்களிலும் 6.53 இன்ச் ஹெச்.டி. பிளஸ் டாட் டிராப் ஸ்கிரீன், மீடியாடெக் ஹீலியோ ஜி25 பிராசஸர், 13 எம்பி பிரைமரி கேமரா, 5 எம்பி செல்பி கேமரா வழங்கப்பட்டு இருக்கிறது.
இரு மாடல்களும் ஆரா 360 டிசைன் கொண்டிருக்கிறது. டூயல் சிம் ஸ்லாட், ஆண்ட்ராய்டு 10 மற்றும் எம்.ஐ.யு.ஐ. 12, டூயல் 4ஜி வோல்ட்இ, வைபை, ப்ளூடூத் 5, மைக்ரோ யு.எஸ்.பி. போர்ட், 5000 எம்.ஏ.ஹெச். பேட்டரி, 10 வாட் சார்ஜிங் கொண்டிருக்கிறது.
ரெட்மி 9ஐ ஸ்போர்ட் மற்றும் 9ஏ ஸ்போர்ட் மாடல்கள் கார்பன் பிளாக், மெட்டாலிக் புளூ மற்றும் கோரல் கிரீன் நிறங்களில் கிடைக்கிறது. ரெட்மி 9ஐ ஸ்போர்ட் 2 ஜிபி + 32 ஜிபி விலை ரூ. 6,999 என்றும் 3 ஜிபி + 32 ஜிபி விலை ரூ. 7,999 என்றும் நிர்ணயம் செய்யப்பட்டு உள்ளது. ரெட்மி 9ஏ ஸ்போர்ட் 4 ஜிபி + 64 ஜிபி விலை ரூ. 8,799 என்றும் 4 ஜிபி + 128 ஜிபி விலை ரூ. 9,299 என்றும் நிர்ணயம் செய்யப்பட்டு உள்ளது.
ஆப்பிள் நிறுவனத்தின் பீட்ஸ் ஸ்டுடியோ 3 லிமிடெட் எடிஷன் வயர்லெஸ் ஹெட்போன் அறிமுகம் செய்யப்பட்டது.
ஆப்பிள் நிறுவனம் பீட்ஸ் ஸ்டுடியோ 3 லிமிடெட் எடிஷன் மாடலை அறிமுகம் செய்துள்ளது. இந்த வயர்லெஸ் ஹெட்போன் பிரிட்டன் நாட்டு வடிவமைப்பாளர் சாமுவேல் ராஸ் நிர்வகிக்கும் நிறுவனத்துடன் இணைந்து உருவாக்கப்பட்டு இருக்கிறது.
புதிய லிமிடெட் எடிஷன் ஹெட்போன் ஏ-கோல்டு-வால் (A-COLD-WALL) பெயரில் விற்பனை செய்யப்படுகிறது. இந்த ஹெட்போன் ஸ்லேட் நிற பேலெட் கொண்டிருக்கிறது. தோற்றத்தில் இந்த ஹெட்போன் 2017 செப்டம்பரில் அறிமுகம் செய்யப்பட்ட பீட்ஸ் ஸ்டுடியோ 3 போன்றே காட்சியளிக்கிறது. இதில் பீட்ஸ் நிறுவனத்தின் பியூர் ஆக்டிவ் நாய்ஸ் கேன்சலிங் தொழில்நுட்பம் மற்றும் ஆப்பிள் டபிள்யூ1 சிப் வழங்கப்பட்டு உள்ளது.
பீட்ஸ் ஸ்டுடியோ 3 வயர்லெஸ் ஏ-கோல்டு-வால் லிமிடெட் எடிஷன் மாடல் விலை 349.95 டாலர்கள், இந்திய மதிப்பில் ரூ. 25,900 என நிர்ணயம் செய்யப்பட்டு உள்ளது. புதிய லிமிடெட் எடிஷன் ஹெட்போன்களின் சர்வதேச விலை மற்றும் விற்பனை குறித்து இதுவரை எந்த தகவலும் இல்லை.
சாம்சங் நிறுவனம் இந்திய சந்தையில் புதிய 5ஜி ஸ்மார்ட்போனினை அறிமுகம் செய்து இருக்கிறது.
சாம்சங் நிறுவனம் இந்தியாவில் கேலக்ஸி எம்52 5ஜி ஸ்மார்ட்போனினை அறிமுகம் செய்தது. இதில் 6.7 இன்ச் புல் ஹெச்.டி. பிளஸ் 120 ஹெர்ட்ஸ் ஆமோலெட் ஸ்கிரீன், ஸ்னாப்டிராகன் 778ஜி பிராசஸர், 6 ஜிபி ரேம், ஆண்ட்ராய்டு 11 மற்றும் ஒன்யுஐ 3.1 வழங்கப்பட்டு இருக்கிறது.
புகைப்படங்களை எடுக்க 64 எம்பி பிரைமரி கேமரா, 12 எம்பி அல்ட்ரா வைடு கேமரா, 5 எம்பி மேக்ரோ கேமரா மற்றும் 32 எம்பி செல்பி கேமரா வழங்கப்பட்டு உள்ளது. பக்கவாட்டில் கைரேகை சென்சார், 5000 எம்.ஏ.ஹெச். பேட்டரி, 25 வாட் பாஸ்ட் சார்ஜிங் கொண்டிருக்கிறது.
சாம்சங் கேலக்ஸி எம்52 5ஜி அம்சங்கள்
- 6.7 இன்ச் எப்.ஹெச்.டி. பிளஸ் 1080x2400 பிக்சல் சூப்பர் ஆமோலெட் டிஸ்ப்ளே
- கார்னிங் கொரில்லா கிளாஸ் பாதுகாப்பு
- ஆக்டாகோர் ஸ்னாப்டிராகன் 778ஜி பிராசஸர்
- அட்ரினோ 642L GPU
- 6 ஜிபி / 8 ஜிபி ரேம்
- 128 ஜிபி மெமரி
- மெமரியை கூடுதலாக நீட்டிக்கும் வசதி
- ஆண்ட்ராய்டு 11 மற்றும் சாம்சங் ஒன் யு.ஐ. 3.1
- ஹைப்ரிட் டூயல் சிம்
- 64 எம்பி பிரைமரி கேமரா
- 12 எம்பி அல்ட்ரா வைடு ஆங்கில் கேமரா
- 5 எம்பி மேக்ரோ கேமரா
- 32 எம்பி செல்பி கேமரா
- பக்கவாட்டில் கைரேகை சென்சார்
- யு.எஸ்.பி. டைப் சி ஆடியோ
- சாம்சங் பே
- 5ஜி எஸ்.ஏ. / என்.எஸ்.ஏ., டூயல் 4ஜி வோல்ட்இ, வைபை, ப்ளூடூத் 5
- யு.எஸ்.பி. டைப் சி
- 5000 எம்.ஏ.ஹெச். பேட்டரி
- 25 வாட் பாஸ்ட் சார்ஜிங்
சாம்சங் கேலக்ஸி எம்52 5ஜி ஸ்மார்ட்போன் பிளேசிங் புளூ மற்றும் ஐசி புளூ நிறங்களில் கிடைக்கிறது. இதன் 6 ஜிபி + 128 ஜிபி விலை ரூ. 29,999 என்றும் 8 ஜிபி + 128 ஜிபி விலை ரூ. 31,999 என்றும் நிர்ணயம் செய்யப்பட்டு உள்ளது. எனினும், இரு வேரியண்ட்களும் முறையே ரூ. 26,999 மற்றும் ரூ. 28,999 விலையில் குறுகிய காலக்கட்டத்திற்கு விற்பனை செய்யப்பட இருக்கின்றன.
×