என் மலர்
தொழில்நுட்பச் செய்திகள்
ரிலையன்ஸ் ஜியோவில் இருந்து மற்ற நெட்வொர்க்குகளுக்கு மேற்கொள்ளப்படும் வாய்ஸ் கால் இலவசமாக வழங்கப்படுகிறது.
ரிலையன்ஸ் ஜியோ நிறுவனம் தனது நெட்வொர்க்கில் இருந்து மற்ற நெட்வொர்க் எண்களுக்கு மேற்கொள்ளப்படும் அழைப்புகளை இலவசமாக வழங்குவதாக மீண்டும் அறிவித்து இருக்கிறது.
இதன் மூலம் ஒரு ஆண்டு இடைவெளிக்கு பின் மற்ற நெட்வொர்க் எண்களுக்கான வாய்ஸ் கால் சேவையை ஜியோ இலவசமாக வழங்குகிறது. முன்னதாக ஜியோவில் இருந்து மற்ற நெட்வொர்க் எண்களுக்கு மேற்கொள்ளப்படும் வாய்ஸ் கால் கட்டணம் நிமிடத்திற்கு 6 பைசா வீதம் வசூலிக்கப்பட்டு வந்தது.
புதிய அறிவிப்பு மத்திய டெலிகாம் ஒழுங்குமுறை ஆணையம் இன்று (ஜனவரி 1) முதல் அமலாக்க இருக்கும் ‘Bill and Keep' முறையின் அடிப்படையில் வெளியிடப்பட்டு உள்ளது. இந்த முறையில் இன்டர்கனெட் கட்டணம் உள்நாட்டில் முழுமையாக ரத்து செய்யப்படுகிறது.
டிராய் புது முறையின் படி ரிலையன்ஸ் ஜியோ மற்ற டெலிகாம் நிறுவனங்களை போன்று அனைத்து நெட்வொர்க் எண்களுக்கும் இலவச வாய்ஸ் கால் சேவையை வழங்க முடியும். இதன் மூலம் ஏர்டெல் மற்றும் வி போன்ற நிறுவனங்கள் கடும் போட்டியை எதிர்கொள்ள வேண்டிய சூழலுக்கு தள்ளப்பட்டு உள்ளன.
சியோமி நிறுவனத்தின் எம்ஐ 10ஐ ஸ்மார்ட்போனின் இந்திய வெளியீட்டு தேதி அதிகாரப்பூர்வமாக அறிவிக்கப்பட்டு உள்ளது.
சியோமி எம்ஐ 10ஐ இந்திய வெளியீடு ஜனவரி 5 ஆம் தேதி நடைபெறுகிறது. இதனை சியோமி நிறுவனத்தின் இந்திய தலைவர் மனு குமார் ஜெயின் தனது ட்விட்டர் தளத்தில் அறிவித்து இருக்கிறார். இது இந்தியாவுக்கென உருவாக்கப்பட்ட ஸ்மார்ட்போன் என அவர் மேலும் தெரிவித்து இருக்கிறார்.
புதிய சியோமி ஸ்மார்ட்போன் 108 எம்பி கேமரா கொண்டிருக்கும் என்றும் இது அமேசான் மற்றும் எம்ஐ ஸ்டோர் தளங்களில் விற்பனை செய்யப்படும் என்றும் அவர் தெரிவித்தார்.
சியோமி எம்ஐ 10ஐ சிறப்பம்சங்கள்
- 6.67 இன்ச் 1080×2400 பிக்சல் FHD+ 20:9 LCD ஸ்கிரீன்
- கார்னிங் கொரில்லா கிளாஸ் 5
- ஆக்டாகோர் ஸ்னாப்டிராகன் 750ஜி பிராசஸர்
- அட்ரினோ 619 GPU
- 6 ஜிபி / 8 ஜிபி LPDDR4X ரேம்
- 128 ஜிபி (UFS 2.2) மெமரி
- மெமரியை கூடுதலாக நீட்டிக்கும் வசதி
- ஆண்ட்ராய்டு 10 மற்றும் எம்ஐயுஐ 12
- ஹைப்ரிட் டூயல் சிம்
- 108 எம்பி பிரைமரி கேமரா, 0.7μm, f/1.75, LED பிளாஷ்
- 8 எம்பி 120° அல்ட்ரா வைடு சென்சார்
- 2 எம்பி டெப்த் கேமரா
- 2 எம்பி மேக்ரோ கேமரா
- 16 எம்பி செல்பி கேமரா
- பக்கவாட்டில் கைரேகை சென்சார்
- 3.5mm ஆடியோ ஜாக், ஸ்டீரியோ ஸ்பீக்கர்கள், ஹை-ரெஸ் ஆடியோ
- ஸ்பிலாஷ் ரெசிஸ்டண்ட் (P2i coating)
- 5ஜி SA/ NSA, டூயல் 4ஜி வோல்ட்இ, வைபை, ப்ளூடூத் 5.1
- யுஎஸ்பி டைப் சி
- 4820mAh பேட்டரி
- 33 வாட் பாஸ்ட் சார்ஜிங்
ஒன்பிளஸ் நிறுவனம் புதிதாக பிட்னஸ் பேண்ட் சாதனத்தை அறிமுகம் செய்ய இருப்பதாக தகவல் வெளியாகி உள்ளது.
ஒன்பிளஸ் நிறுவனம் அணியக்கூடிய சாதனங்கள் பிரிவில் களமிறங்க இருப்பதாக தகவல் வெளியாகி உள்ளது. இதற்கென ஒன்பிளஸ் நிறுவனம் புதிய ஒன்பிளஸ் பேண்ட் சாதனத்தை உருவாக்கி வருவதாக கூறப்படுகிறது.
புதிய ஒன்பிளஸ் பேண்ட் சியோமி எம்ஐ பேண்ட் 5 சாதனத்திற்கு போட்டியாக அமையும் என தெரிகிறது. முதற்கட்டமாக இந்திய சந்தையில் அறிமுகமாகி அதன்பின் மற்ற நாடுகளில் இந்த பேண்ட் அறிமுகம் செய்யப்படலாம் என எதிர்பார்க்கப்படுகிறது.
இந்திய சந்தையில் ஒன்பிளஸ் பேண்ட் ரூ. 3 ஆயிரம் பட்ஜெட்டில் அறிமுகம் செய்யப்படும் என்றும் இதில் AMOLED டிஸ்ப்ளே, பல நாட்கள் பேக்கப் வழங்கும் பேட்டரி, வாட்டர் ரெசிஸ்டண்ட் வசதி உள்ளிட்ட அம்சங்கள் வழங்கப்படலாம் என கூறப்படுகிறது.
ஒன்பிளஸ் நிறுவனம் கூகுள் நிறுவனத்துடன் இணைந்து வியர் ஒஎஸ் தளத்தை மேம்படுத்தும் பணிகளிலும் ஈடுபட்டு வருகிறது. அந்த வகையில் ஒன்பிளஸ் வாட்ச் மாடலிலும் கூகுள் பிளாட்பார்ம் கொண்டிருக்குமா என்ற எதிர்பார்ப்பு எழுந்துள்ளது.
சாம்சங் நிறுவனத்தின் இரண்டு ஸ்மார்ட்போன்களின் விலை இந்தியாவில் திடீரென குறைக்கப்பட்டு இருக்கிறது.
சாம்சங் நிறுவனம் தனது கேலக்ஸி எம்01 மற்றும் கேலக்ஸி எம்01எஸ் மற்றும் கேலக்ஸி பட்ஸ் இயர்போன் விலையை குறைப்பதாக அறிவித்து இருக்கிறது. இரு கேலக்ஸி எம் சீரிஸ் ஸ்மார்ட்போன்கள் மட்டுமின்றி கேலக்ஸி பட்ஸ் பிளஸ் மற்றும் கேலக்ஸி பட்ஸ் லைவ் வயர்லெஸ் இயர்போன் விலையும் குறைக்கப்பட்டு இருக்கிறது.
விலை குறைப்பின் படி சாம்சங் கேலக்ஸி எம்01 விலை ரூ. 500 குறைக்கப்பட்டு தற்சமயம் ரூ. 7499 என்றும் கேலக்ஸி எம்01எஸ் விலை ரூ. 1499 குறைக்கப்பட்டு தற்சமயம் ரூ. 8999 என்றும் மாறி இருக்கிறது. இரு மாடல்களின் புதிய விலை ஆன்லைன் மற்றும் ஆப்லைன் தளங்களில் மாற்றப்பட்டு விட்டது.
இதேபோன்று கேலக்ஸி பட்ஸ் பிளஸ் ரூ. 8,990 என்றும் விலை ரூ. 11,990 என மாறி இருக்கிறது. இரு இயர்போன்களின் விலையும் முறையே ரூ. 3 ஆயிரம் குறைக்கப்பட்டு இருக்கிறது. இவற்றின் புது விலை ஆப்லைன் சந்தையில் மாற்றப்பட்டு விட்டதாக கூறப்படுகிறது.முன்னதாக சாம்சங் நிறுவனம் தனது கேலக்ஸி ஏ31 ஸ்மார்ட்போனின் விலையை குறைத்தது. இந்த ஸ்மார்ட்போன் தற்சமயம் ரூ. 17,999 எனும் விலையில் விற்பனை செய்யப்படுகிறது.
விவோ நிறுவனத்தின் புதிய வை20ஏ ஸ்மார்ட்போன் அசத்தல் அம்சங்களுடன் இந்தியாவில் அறிமுகம் செய்யப்பட்டது.
விவோ நிறுவனத்தின் வை20ஏ ஸ்மார்ட்போன் இந்திய சந்தையில் அறிமுகம் செய்யப்பட்டது. இந்த ஸ்மார்ட்போன் 6.51 இன்ச் ஹெச்டி பிளஸ் ஹாலோ ஐவியூ டிஸ்ப்ளே, ஆக்டாகோர் ஸ்னாப்டிராகன் 436 பிராசஸர், அட்ரினோ 505 ஜிபியு, 3 டிபி ரேம், 64 ஜிபி மெமரி வழங்கப்பட்டு உள்ளது.
புகைப்படங்களை எடுக்க 13 எம்பி பிரைமரி கேமரா, 2 எம்பி டெப்த் கேமரா, 2 எம்பி மேக்ரோ லென்ஸ், 8 எம்பி செல்பி கேமரா வழங்கப்பட்டு இருக்கிறது. இதன் பக்கவாட்டில் கைரேகை சென்சார், பன்டச் ஒஎஸ் 11 சார்ந்த ஆண்ட்ராய்டு 10 எஸ் வழங்கப்பட்டு உள்ளது.
இத்துடன் டூயல் 4ஜி வோல்ட்இ, வைபை, ப்ளூடூத் 5, மைக்ரோ யுஎஸ்பி, 5000 எம்ஏஹெச் பேட்டரி மற்றும் 10 வாட் சார்ஜிங் வசதி வழங்கப்பட்டு இருக்கிறது. புதிய விவோ வை20ஏ ஸ்மார்ட்போன் நெபுளா புளூ மற்றும் டான் வைட் நிறங்களில் கிடைக்கிறது.
இந்தியாவில் விவோ வை20ஏ ஸ்மார்ட்போனின் விலை ரூ. 11,490 என நிர்ணயம் செய்யப்பட்டு உள்ளது. இதன் விற்பனை சில்லறை விற்பனை மையங்கள், விவோ இந்தியா இ ஸ்டோர் மற்றும் இதர ஆன்லைன் தளங்களில் ஜனவரி 2 ஆம் தேதி முதல் துவங்குகிறது.
சாம்சங் நிறுவனம் குறைந்த விலையில் 4ஜி மடிக்கக்கூடிய ஸ்மார்ட்போனினை உருவாக்கி வருவதாக தகவல் வெளியாகி உள்ளது.
சாம்சங் மடிக்கக்கூடிய ஸ்மார்ட்போன்கள் சந்தையில் சகஜமாகி வருகின்றன. தற்சமயம் பெரும்பாலான சாம்சங் மடிக்கக்கூடிய ஸ்மார்ட்போன் 5ஜி நெட்வொர்க் வசதி கொண்டிருக்கின்றன.
இந்நிலையில், தற்சமயம் வெளியாகி இருக்கும் தகவல்களில் சாம்சங் குறைந்த விலை மடிக்கக்கூடிய ஸ்மார்ட்போன் மாடலை வெளியிட இருப்பதாக கூறப்படுகிறது. மூன்று மடிக்கக்கூடிய ஸ்மார்ட்போன்களை குறைந்த விலையில் அறிமுகம் செய்யலாம் என தெரிகிறது.
கேலக்ஸி இசட் போல்டு 3 மற்றும் கேலக்ஸி இசட் ப்ளிப் 3 ஸ்மார்ட்போன் மாடல்களுடன் சற்றே குறைந்த விலை மடிக்கக்கூடிய ஸ்மார்ட்போனினை சாம்சங் அறிமுகம் செய்யலாம் என எதிர்பார்க்கப்படுகிறது.
குறைந்த விலை மடிக்கக்கூடிய ஸ்மார்ட்போன் கேலக்ஸி இசட் ப்ளிப் லைட் என அழைக்கப்படலாம் என தெரிகிறது. இந்த மாடல் 4ஜி வசதி கொண்டிருக்கும் என கூறப்படுகிறது. 4ஜி எல்டிஇ மட்டும் வழங்கப்பட்டால் இதன் விலை கணிசமாக குறையும் என தெரிகிறது.
ஆப்பிள் நிறுவனத்தின் ஏர்பாட்ஸ் மேக்ஸ் ஹெட்போனின் ஆடம்பர எடிஷன் அறிமுகம் செய்யப்பட்டு இருக்கிறது.
ஆடம்பர பொருட்களை விற்பனை செய்யும் ரஷ்யா பிராண்டு கேவியர் ஏர்பாட்ஸ் மேக்ஸ் ஹெட்போனினை அறிமுகம் செய்து இருக்கிறது. இது சுத்தமான தங்கத்தால் உருவான ஏர்பாட்ஸ் மேக்ஸ் ஹெட்போனினை அறிமுகம் செய்து உள்ளது.
சர்வதேச சந்தையில் இந்த ஹெட்போன் விலை 1,08,000 டாலர்கள், இந்திய மதிப்பில் ரூ. 80 லட்சம் என நிர்ணயம் செய்யப்பட்டு இருக்கிறது. இந்த ஹெட்போன் மிக குறைந்த எண்ணிக்கையிலேயே உருவாக்கப்பட்டு இருப்பதாக கேவியர் நிறுவனம் தெரிவித்து உள்ளது.
இந்த ஹெட்போனின் இயர்கப்கள் சுத்தமான தங்கத்தால் உருவாக்கப்பட்டு இருக்கிறது. ஆப்பிள் உருவாக்கும் ஹெட்போனில் இயர்கப்கள் அலுமினியம் கொண்டு உருவாக்கப்படுகின்றன. மேலும் மெஷ் ஹெட்பேண்ட் பகுதி மிகவும் அரிய லெதர் கொண்டு உருவாக்கப்பட்டு இருக்கிறது.
கேவியர் ஏர்பாட்ஸ் மேக்ஸ் ஹெட்போன் வைட் அல்லது பிளாக் ஹெட்பேண்ட் நிறத்தில் கிடைக்கிறது. எனினும், இயர்கப்கள் இரு வேரியண்ட்களிலும் தங்க நிறம் கொண்டிருக்கும். முன்னதாக ஏர்பாட்ஸ் மேக்ஸ் ஹெட்போன் இந்திய சந்தையில் ரூ. 59,900 எனும் விலையில் அறிமுகம் செய்யப்பட்டது.
பிஎஸ்என்எல் நிறுவனம் ரூ. 1999 பிரீபெயிட் சலுகையில் மாற்றம் செய்வதாக திடீரென அறிவித்து உள்ளது.
இந்திய டெலிகாம் சந்தையில் பிஎஸ்என்எல் நிறுவனம் தனது ரூ. 1999 விலை பிரீபெயிட் சலுகை பலன்களில் மாற்றம் செய்துள்ளதாக கூறப்படுகிறது. மாற்றப்பட்ட ரூ. 1999 சலுகையில் லாக்துன் சந்தா, இரோஸ் நௌ சந்தா உள்ளிட்ட பலன்கள் வழங்கப்படுகிறது. இதுதவிர இந்த சலுகை பலன்களில் எந்த மாற்றமும் மேற்கொள்ளப்படவில்லை.
அதன்படி பிஎஸ்என்எல் ரூ. 1999 சலுகை 365 நாட்கள் வேலிடிட்டி கொண்டுள்ளது. இத்துடன் தினமும் 3 ஜிபி டேட்டா வழங்கப்படுகிறது. மேலும் ஒடிடி பலன்கள் சேர்த்து வழங்கப்படுகிறது. தற்சமயம் இந்த சலுகையில் 60 நாட்களுக்கான லாக்துன் சந்தா வழங்கப்படுகிறது.
இத்துடன் இரோஸ் நௌ சேவைக்கான சந்தா ஒரு வருடத்திற்கு வழங்கப்படுகிறது. முன்னதாக இந்த சலுகையில் ஒரு வருடத்திற்கான லாக்துன் சந்தா, 60 நாட்களுக்கு இரோஸ் நௌ சந்தா வழங்கப்பட்டு வந்தது. இதன் வேலிடிட்டி 365 நாட்கள் ஆகும்.
பிஎஸ்என்எல் ரூ. 1999 சலுகையில் அன்லிமிடெட் வாய்ஸ் கால், தினமும் 3 ஜிபி டேட்டா, தினமும் 100 எஸ்எம்எஸ், பிரத்யேக ரிங் பேக் டோன் உள்ளிட்டவை வழங்கப்படுகிறது.
இந்திய சந்தையில் சாம்சங் ஸ்மார்ட்போன் மாடலுக்கு திடீர் விலை குறைப்பு அறிவிக்கப்பட்டு இருக்கிறது.
இந்தியாவில் சாம்சங் கேலக்ஸி ஏ31 ஸ்மாரட்போனின் விலை மீண்டும் குறைக்கப்பட்டு இருக்கிறது. சாம்சங் நிறுவனம் தனது கேலக்ஸி ஏ31 ஸ்மார்ட்போனினை இந்த ஆண்டு ஜூன் மாதம் ரூ. 21,999 விலையில் அறிமுகம் செய்தது. இந்த ஸ்மார்ட்போன் 6 ஜிபி + 128 ஜிபி மெமரி என ஒற்றை வேரியண்ட்டில் கிடைக்கிறது.
அறிமுகமானது முதல் பலமுறை கேலக்ஸி ஏ31 ஸ்மார்ட்போன் விலை குறைக்கப்பட்டு இருக்கிறது. அதன்படி தற்சமயம் இதன் விலை ரூ. 17,999 என மாறி இருக்கிறது. இம்முறை இந்த ஸ்மார்ட்போன் விலை ரூ. 2 ஆயிரம் குறைக்கப்பட்டு உள்ளது. அமேசான் தளத்தில் இந்த ஸ்மார்ட்போன் குறைக்கப்பட்ட விலையில் விற்பனை செய்யப்படுகிறது.
ஆன்லைன் மட்டுமின்றி விலை குறைப்பு விற்பனை மையங்கள், சாம்சங் ஒபேரா ஹவுஸ், சாம்சங் வலைதளம் மற்றும் முன்னணி ஆன்லைன் தளங்களில் அமலாக இருக்கிறது.
சிறப்பம்சங்களை பொருத்தவரை சாம்சங் கேலக்ஸி ஏ31 மாடலில் 6.4 இன்ச் 2400x1080 பிக்சல் FHD+ இன்ஃபினிட்டி-யு சூப்பர் AMOLED டிஸ்ப்ளே, ஆக்டா-கோர் மீடியாடெக் ஹீலியோ பி65 பிராசஸர், ARM மாலி-G52 GPU, 6 ஜிபி LPDDR4x ரேம், 128 ஜிபி மெமரி, மெமரியை கூடுதலாக நீட்டிக்கும் வசதி வழங்கப்படுகிறது.
இத்துடன் ஆண்ட்ராய்டு 10 மற்றும் ஒன் யுஐ 2.0, டூயல் சிம் ஸ்லாட், 48 எம்பி பிரைமரி கேமரா, எல்இடி ஃபிளாஷ், f/2.0, 8 எம்பி 123° அல்ட்ரா-வைடு ஆங்கில் கேமரா, f/2.2, 5 எம்பி டெப்த் சென்சார், f/2.4, 5 எம்பி மேக்ரோ சென்சார், f/2.4, 20 எம்பி செல்ஃபி கேமரா, f/2.2, கைரேகை சென்சார், 5000 எம்ஏஹெச் பேட்டரி, 15W ஃபாஸ்ட் சார்ஜிங் வழங்கப்பட்டு உள்ளது.
சாம்சங் கேலக்ஸி ஏ31 ஸ்மார்ட்போன் ப்ரிசம் கிரஷ் பிளாக், ப்ரிசம் கிரஷ் புளூ, ப்ரிசம் கிரஷ் ரெட் மற்றும் ப்ரிசம் கிரஷ் வைட் நிறங்களில் கிடைக்கிறது.
மீடியாடெக் டிமென்சிட்டி பிராசஸருடன் உருவாகும் ரியல்மி ஸ்மார்ட்போன் விவரங்கள் இணையத்தில் வெளியாகி உள்ளது.
ரியல்மி நிறுவனம் விரைவில் தனது ரியல்மி 8 ஸ்மார்ட்போனினை அறிமுகம் செய்ய இருப்பதாக தகவல் வெளியாகி உள்ளது. முன்னதாக ரியல்மி 7 ஸ்மார்ட்போன் செப்டம்பர் மாத வாக்கில் அறிமுகம் செய்யப்பட்டது. புதிய ரியல்மி 8 ஸ்மார்ட்போன் விவரங்கள் கீக்பென்ச் தளத்தில் வெளியாகி உள்ளது.
RMX3092 எனும் மாடல் நம்பர் கொண்ட புதிய ரியல்மி ஸ்மார்ட்போன் விவரங்கள் கீக்பென்ச் தளத்தில் வெளியாகி இருக்கிறது. இது ரியல்மி 8 மாடலாக இருக்கும் என தெரிகிறது. இந்த ஸ்மார்ட்போனில் ஆக்டாகோர் மீடியாடெக் டிமென்சிட்டி 720 பிராசஸர், அதிகபட்சம் 8 ஜிபி ரேம் வழங்கப்படுகிறது.
இத்துடன் இந்த ஸ்மார்ட்போன் ஆண்ட்ராய்டு 10 ஒஎஸ், 65 வாட் பாஸ்ட் சார்ஜிங் வசதி கொண்டிருக்கும் என தெரிகிறது. இந்த ஸ்மார்ட்போன் சிங்கில் கோர் சோதனையில் 2874 புள்ளிகளையும், மல்டி கோர் சோதனையில் 8088 புள்ளிகளையும் பெற்று இருக்கிறது.
இதே மாடல் நம்பர் கொண்ட ஸ்மார்ட்போன் இந்திய தரத்தை உறுதிப்படுத்தும் பிஐஎஸ் வலைதளத்திலும் வெளியாகி இருக்கிறது. அந்த வகையில் இந்த ஸ்மார்ட்போன் விரைவில் இந்திய சந்தையில் அறிமுகம் செய்யப்படலாம் என எதிர்பார்க்கப்படுகிறது.
ஒன்பிளஸ் நிறுவனத்தின் புதிய ஸ்மார்ட்போன் மாடல் பிளாட் டிஸ்ப்ளே, வயர்லெஸ் சார்ஜிங் அம்சத்துடன் உருவாகி வருவதாக கூறப்படுகிறது.
சீன ஸ்மார்ட்போன் நிறுவனமான ஒன்பிளஸ் தனது புதிய பிளாக்ஷிப் சீரிஸ் ஸ்மார்ட்போன்களை விரைவில் அறிமுகம் செய்ய இருக்கிறது. புதிய ஒன்பிளஸ் ஸ்மார்ட்போன் விவரங்கள் அடிக்கடி இணையத்தில் வெளியாகி வருகின்றன.
அந்த வரிசையில் தற்சமயம் வெளியாகி இருக்கும் தகவல்களில் புதிய ஒன்பிளஸ் 9 ஸ்மார்ட்போன் பிளாட் டிஸ்ப்ளே மற்றும் அதிவேக வயர்லெஸ் சார்ஜிங் வசதியை கொண்டிருக்கும் என கூறப்படுகிறது.
இதுவரை வெளியாகி இருக்கும் தகவல்களின் படி ஒன்பிளஸ் 9 ஸ்மார்ட்போனில் 4500 எம்ஏஹெச் பேட்டரி, 65 வாட் பாஸ்ட் சார்ஜிங் வசதி வழங்கப்படும் என தெரிகிறது. இத்துடன் ரிவர்ஸ் சார்ஜிங் வசதி வழங்கப்பட இருப்பதாகவும் தகவல்கள் வெளியாகி இருக்கின்றன.
இவற்றுடன் 8 ஜிபி ரேம், 128 ஜிபி மெமரி, ஆக்சிஜன் ஒஎஸ் சார்ந்த ஆண்ட்ராய்டு 11, 6.55 இன்ச் புல் ஹெச்டி பிளஸ் 1080x2400 பிக்சல் பிளாட் டிஸ்ப்ளே வழங்கப்படும் என எதிர்பார்க்கப்படுகிறது.
ஸ்னாப்டிராகன் 888 பிராசஸர், 108MP பிரைமரி கேமராவுடன் சியோமி நிறுவனத்தின் எம்ஐ11 ஸ்மார்ட்போன் அறிமுகம் செய்யப்பட்டது.
சியோமி நிறுவனத்தின் புதிய பிளாக்ஷிப் ஸ்மார்ட்போன் சீன சந்தையில் அறிமுகம் செய்யப்பட்டது. புதிய ஸ்மார்ட்போன் 6.81 இன்ச் E4 AMOLED டிஸ்ப்ளே, கார்னிங் கொரில்லா கிளாஸ் விக்டஸ் பாதுகாப்பு, குவால்காம் ஸ்னாப்டிராகன் 888 பிராசஸர், லிக்விட் கூல் தொழில்நுட்பம் வழங்கப்பட்டு உள்ளது.
இத்துடன் 8 ஜிபி ரேம், 128 / 256 ஜிபி மெமரி, 12 ஜிபி ரேம், 256 ஜிபி மெமரி, மெமரியை கூடுதலாக நீட்டிக்கும் வசதி வழங்கப்பட்டு இருக்கிறது. புகைப்படங்களை எடுக்க 108 எம்பி பிரைமரி கேமரா, 12 எம்பி அல்ட்ரா வைடு ஆங்கில் கேமரா, 5 எம்பி டெலிபோட்டோ மேக்ரோ லென்ஸ், 20 எம்பி செல்பி கேமரா வழங்கப்பட்டு இருக்கிறது.
புதிய சியோமி எம்ஐ 11 ஸ்மார்ட்போன் டூயல் சிம் ஸ்லாட், MIUI 12 சார்ந்த ஆண்ட்ராய்டு 11 ஒஎஸ் வழங்கப்படுகிறது. இத்துடன் இன்-ஸ்கிரீன் கைரேகை சென்சார், யுஎஸ்பி டைப் சி, 5ஜி SA/NSA டூயல் 4ஜி வோல்ட்இ, வைபை, ப்ளூடூத் 5.1, 4600 எம்ஏஹெச் பேட்டரி, 55 வாட் பிளாஷ் சார்ஜிங் வசதி வழங்கப்படுகிறது.
சியோமி எம்ஐ11 ஸ்மார்ட்போன் மிட்நைட் கிரே, ஹாரிசான் புளூ மற்றும் பிராஸ்ட் வைட் நிறங்களில் கிடைக்கிறது. இதன் விலை 3999 யுவான், இந்திய மதிப்பில் ரூ. 44,970 என துவங்குகிறது.
×