என் மலர்
தொழில்நுட்பம்
மோட்டோரோலா நிறுவனத்தின் எட்ஜ் 20 ப்ரோ ஸ்மார்ட்போன் குவால்காம் ஸ்னாப்டிராகன் 870 பிராசஸர் கொண்டிருக்கிறது.
மோட்டோரோலா நிறுவனத்தின் எட்ஜ் 20 மற்றும் எட்ஜ் 20 பியூஷன் ஸ்மார்ட்போன்கள் கடந்த மாதம் இந்தியாவில் அறிமுகம் செய்யப்பட்டன. இரு ஸ்மார்ட்போன்களை தொடர்ந்து எட்ஜ் 20 ப்ரோ மாடலை வெளியிடும் பணிகளில் ஈடுபட்டு வருவதாக தெரிவித்தது. அந்த வரிசையில், தற்போது இந்த ஸ்மார்ட்போனிற்கான டீசர் வெளியிடப்பட்டு இருக்கிறது.
அம்சங்களை பொருத்தவரை மோட்டோரோலா எட்ஜ் 20 ப்ரோ மாடலில் ஸ்னாப்டிராகன் 870 பிராசஸர், அதிகபட்சம் 12 ஜிபி ரேம், 256 ஜிபி மெமரி, 108 எம்பி பிரைமரி கேமரா, 16 எம்பி அல்ட்ரா வைடு கேமரா, 8 எம்பி டெலிபோட்டோ கேமரா, 32 எம்பி செல்பி கேமரா வழங்கப்படலாம்.
புதிய ஸ்மார்ட்போனின் சரியான வெளியீட்டு தேதி அறிவிக்கப்படாத நிலையில், ப்ளிப்கார்ட் பிக் பில்லியன் டேஸ் விற்பனையில் இந்த மாடல் அறிமுகம் செய்யப்படலாம் என கூறப்படுகிறது. இந்த ஸ்மார்ட்போன் மட்டுமின்றி மோட்டோ டேப் 8 மாடலும் விரைவில் இந்தியாவில் அறிமுகமாக இருக்கிறது.
ஐகூ நிறுவனம் இந்தியாவில் தனது இசட்5 5ஜி ஸ்மார்ட்போனினை விரைவில் வெளியிட இருக்கிறது.
ஐகூ இசட்5 5ஜி ஸ்மார்ட்போன் இந்தியாவில் செப்டம்பர் 27 ஆம் தேதி அறிமுகமாகிறது. முன்னதாக இந்த ஸ்மார்ட்போனின் வெளியீட்டை உணர்த்தும் டீசர் மட்டும் வெளியிடப்பட்ட நிலையில், தற்போது வெளியீட்டு தேதி அறிவிக்கப்பட்டு இருக்கிறது.
புதிய டீசர்களின் படி ஐகூ இசட்5 5ஜி மாடலில் மூன்று கேமரா சென்சார்கள், எல்.இ.டி. பிளாஷ், செவ்வக கேமரா மாட்யூல், பக்கவாட்டில் கைரேகை சென்சார் போன்ற அம்சங்கள் வழங்கப்படும் என தெரியவந்துள்ளது. மேலும் இந்த ஸ்மார்ட்போன் புளூ நிறத்தில் கிடைக்கும் என தெரிகிறது.
முந்தைய தகவல்களில் ஐகூ இசட்5 மாடலில் எல்.சி.டி. டிஸ்ப்ளே வழங்கப்படும் என கூறப்பட்டது. எனினும், இந்த ஸ்மார்ட்போன் ஆமோலெட் பேனல் கொண்டிருக்கும் என தகவல் வெளியாகி உள்ளது. ஐகூ இசட்5 மாடலில் குவால்காம் ஸ்னாப்டிராகன் 778ஜி 5ஜி பிராசஸர் வழங்கப்பட இருக்கிறது.
கூகுள் நிறுவனம் பிக்சல் பிராண்டிங்கில் மடிக்கக்கூடிய ஸ்மார்ட்போனினை உருவாக்கி வருவதாக தகவல் வெளியாகி உள்ளது.
கூகுள் நிறுவனம் மடிக்கக்கூடிய ஸ்மார்ட்போனினை உருவாக்கி வருவதாக நீண்ட காலாமாக தகவல் வெளியாகி வருகிறது. அந்த வரிசையில் தற்போது வெளியாகி இருக்கும் தகவல்களின்படி கூகுளின் மடிக்கக்கூடிய ஸ்மார்ட்போன் விரைவில் வெளியிடப்படும் என கூறப்படுகிறது.
புதிய மடிக்கக்கூடிய பிக்சல் ஸ்மார்ட்போன் பாஸ்போர்ட் எனும் குறியீட்டு பெயரில் உருவாக்கப்பட்டு இருப்பதாகவும், இந்த மாடல் 2021 ஆண்டு இறுதியில் அறிமுகம் செய்யப்பட இருப்பதாகவும் கூறப்படுகிறது. கடந்த இரு ஆண்டுகளுக்கும் மேல் இந்த ஸ்மார்ட்போனை உருவாக்கும் பணிகளில் கூகுள் ஈடுபட்டு வருவதாக தெரிகிறது.
மடிக்கக்கூடிய பிக்சல் ஸ்மார்ட்போன் எல்.டி.பி.ஒ. ஒ.எல்.இ.டி. டிஸ்ப்ளே, அன்டர் டிஸ்ப்ளே கேமரா போன்ற அம்சங்களை கொண்டிருக்கும் என எதிர்பார்க்கப்படுகிறது. இதன் ஒட்டுமொத்த தோற்றம் சாம்சங் கேலக்ஸி போல்டு சீரிஸ் மாடல்களை போன்றே காட்சியளிக்கும் என கூறப்படுகிறது.
ஒப்போ நிறுவனத்தின் புதிய ஏ16 ஸ்மார்ட்போன் 5000 எம்.ஏ.ஹெச். பேட்டரி மூலம் சக்தியூட்டப்படுகிறது.
ஒப்போ நிறுவனம் இந்தியாவில் ஏ16 ஸ்மார்ட்போனினை அறிமுகம் செய்தது. இதில் 6.52 இன்ச் ஹெச்.டி. பிளஸ் வாட்டர் டிராப் நாட்ச் ஸ்கிரீன், ஆக்டா-கோர் மீடியாடெக் ஹீலியோ ஜி35 பிராசஸர், 4 ஜிபி ரேம், ஆண்ட்ராய்டு 11 ஓ.எஸ். மற்றும் கலர் ஓ.எஸ். 11.1 வழங்கப்பட்டு இருக்கிறது.
இத்துடன் 13 எம்பி பிரைமரி கேமரா, 2 எம்பி மேக்ரோ, 2 எம்பி டெப்த் மற்றும் 8 எம்பி செல்பி கேமரா வழங்கப்பட்டு உள்ளது. பக்கவாட்டில் கைரேகை சென்சார் கொண்டிருக்கும் ஒப்போ ஏ16 மாடலில் 5000 எம்.ஏ.ஹெச். பேட்டரி வழங்கப்பட்டுள்ளது.
ஒப்போ ஏ16 அம்சங்கள்
- 6.52 இன்ச் 1600x720 பிக்சல் ஹெச்.டி. பிளஸ் டிஸ்ப்ளே
- ஆக்டாகோர் மீடியாடெக் ஹீலியோ ஜி35 பிராசஸர்
- ஐ.எம்.ஜி. பவர் வி.ஆர். ஜி.இ.8320 ஜி.பி.யு.
- 4 ஜிபி எல்.பி.டி.டி.ஆர்.4எக்ஸ் ரேம்
- 64 ஜிபி இ.எம்.எம்.சி. 5.1 ஸ்டோரேஜ்
- மெமரியை கூடுதலாக நீட்டிக்கும் வசதி
- ஆண்ட்ராய்டு 11 மற்றும் கலர் ஓ.எஸ். 11.1
- 13 எம்பி பிரைமரி கேமரா
- 2 எம்பி டெப்த் கேமரா
- 2 எம்பி மேக்ரோ கேமரா
- 8 எம்பி செல்பி கேமரா
- டூயல் சிம் ஸ்லாட்
- பக்கவாட்டில் கைரேகை சென்சார்
- 3.5 எம்.எம். ஆடியோ ஜாக், எப்.எம். ரேடியோ
- 4ஜி வோல்ட்இ, வைபை, ப்ளூடூத்
- யு.எஸ்.பி. டைப் சி
- 5000 எம்.ஏ.ஹெச். பேட்டரி
ஒப்போ ஏ16 ஸ்மார்ட்போன் பியல் புளூ மற்றும் க்ரிஸ்டல் பிளாக் நிறங்களில் கிடைக்கிறது. இதன் விலை ரூ. 13,990 என நிர்ணயம் செய்யப்பட்டுள்ளது.
சாம்சங் நிறுவனம் ஏற்கனவே அறிமுகம் செய்ய இருந்த 5ஜி ஸ்மார்ட்போன் இந்த தேதியில் அறிமுகமாகும் என அறிவிக்கப்பட்டு இருக்கிறது.
சாம்சங் நிறுவனத்தின் கேலக்ஸி எம்52 5ஜி ஸ்மார்ட்போன் இந்தியாவில் செப்டம்பர் 19 ஆம் தேதி அறிமுகமாகும் என அமேசான் தளத்தில் குறிப்பிடப்பட்டு இருந்தது. எனினும், இந்த ஸ்மார்ட்போன் குறிப்பிட்ட தேதியில் அறிமுகமாகவில்லை.
தற்போது இந்த ஸ்மார்ட்போன் செப்டம்பர் 28 ஆம் தேதி அறிமுகமாகும் என அமேசான் தளத்தில் குறிப்பிடப்பட்டு இருக்கிறது. புதிய கேலக்ஸி எம்52 5ஜி மாடல் 7.2 எம்.எம். அளவில் உருவாகி இருக்கிறது. இந்த மாடல் குறைந்த எடையில், அசத்தலான அம்சங்களை கொண்டிருக்கும் என அமேசான் டீசரில் குறிப்பிடப்பட்டு இருக்கிறது.
இதுவரை வெளியாகி இருக்கும் தகவல்களின்படி சாம்சங் கேலக்ஸி எம்52 5ஜி மாடலில் பன்ச் ஹோல் டிஸ்ப்ளே, பக்கவாட்டில் கைரேகை சென்சார், மூன்று கேமரா சென்சார்கள், ஆண்ட்ராய்டு 11 சார்ந்த ஒன்யுஐ 3.1 ஓ.எஸ்., யு.எஸ்.பி. டைப் சி போர்ட் வழங்கப்படும் என தெரிகிறது.
ஐகூ நிறுவனத்தின் புதிய இசட் சீரிஸ் ஸ்மார்ட்போன் டீசர் அமேசான் தளத்தில் வெளியாகி இருக்கிறது.
ஐகூ இசட்5 ஸ்மார்ட்போனிற்கான டீசர் அமேசான் வலைதளத்தில் இடம்பெற்று இருக்கிறது. புதிய இசட் சீரிஸ் ஸ்மார்ட்போன் 'விரைவில் வெளியீடு' என அமேசான் தளத்தில் குறிப்பிடப்பட்டு இருக்கிறது. சீன சந்தையில் இந்த ஸ்மார்ட்போன் செப்டம்பர் 23 ஆம் தேதி வெளியாக இருக்கிறது.
அந்த வகையில் ஐகூ இசட்5 இந்திய வெளியீட்டு தேதி விரைவில் அறிவிக்கப்படலாம். புதிய ஐகூ இசட்5 அம்சங்கள் பற்றி இதுவரை எந்த தகவலும் இல்லை. எனினும், இந்த ஸ்மார்ட்போன் குவால்காம் ஸ்னாப்டிராகன் 778ஜி 5ஜி பிராசஸர் கொண்டிருக்கும் என கூறப்படுகிறது.
சமீபத்தில் ஐகூ இசட்5 ப்ரோ விவரங்கள் கூகுள் பிளே கன்சோல் வலைதளத்தில் இடம்பெற்று இருந்தது. இந்த ஸ்மார்ட்போன் எல்.பி.டி.டி.ஆர்.5 ரேம், யு.எப்.எஸ். 3.1 ஸ்டோரேஜ் கொண்டிருக்கிறது. இத்துடன் ஆமோலெட் டிஸ்ப்ளே, 120 ஹெர்ட்ஸ் ரிப்ரெஷ் ரேட், 55 வாட் பாஸ்ட் சார்ஜிங் வழங்கப்படலாம் என தெரிகிறது.
அந்த வகையில் ஐகூ இசட்5 இந்திய வெளியீட்டு தேதி விரைவில் அறிவிக்கப்படலாம். புதிய ஐகூ இசட்5 அம்சங்கள் பற்றி இதுவரை எந்த தகவலும் இல்லை. எனினும், இந்த ஸ்மார்ட்போன் குவால்காம் ஸ்னாப்டிராகன் 778ஜி 5ஜி பிராசஸர் கொண்டிருக்கும் என கூறப்படுகிறது.
ஆப்பிள் நிறுவனம் தனது ஐபோன் 13 சீரிஸ் மாடல்கள் ஏற்கனவே நிர்ணயிக்கப்பட்டதை விட தாமதமாக வினியோகம் செய்யப்படும் என தெரிவித்துள்ளது.
ஆப்பிள் நிறுவனம் ஐபோன் 13 சீரிஸ் மாடல்களை சில தினங்களுக்கு முன் அறிமுகம் செய்தது. புதிய ஐபோன் 13 சீரிஸ் மாடல்களுக்கான முன்பதிவும் துவங்கி நடைபெற்று வருகிறது. இந்த நிலையில், ஐபோன் 13 மற்றும் ஐபோன் 13 ப்ரோ மாடல்களுக்கான வினியோகம் ஒத்திவைக்கப்படுகிறது.
ஐபோன் 13 ப்ரோ மற்றும் ஐபோன் 13 ப்ரோ மேக்ஸ் மாடல்களின் வினியோகம் ஏற்கனவே நிர்ணயிக்கப்பட்டதை விட மேலும் தாமதம் ஆகும் என தகவல் வெளியாகி உள்ளது. ஆப்பிள் வலைதளத்தில் இரு மாடல்களின் வினியோக தேதி அக்டோபர் 18 இல் துவங்கி அக்டோபர் 25 வரை என குறிப்பிடப்பட்டு இருக்கிறது.
அமெரிக்கா மட்டுமின்றி ஐக்கிய ராஜ்ஜியத்திலும் புதிய ஐபோன்களின் வினியோகம் தாமதமாகி இருக்கிறது. நான்கு புதிய ஐபோன்களிலும் ஆப்பிள் ஏ15 பயோனிக் சிப்செட் வழங்கப்பட்டு இருக்கிறது. ப்ரோ மாடல்களில் 120 ஹெர்ட்ஸ் சூப்பர் ரெட்டினா எக்ஸ்.டி.ஆர். ப்ரோமோஷன் டிஸ்ப்ளே வழங்கப்பட்டுள்ளது.
ஆப்பிள் ஐபோன் 13 சீரிஸ் மாடல்கள் 128 ஜிபி, 256 ஜிபி மற்றும் 512 ஜிபி மாடல்களில் கிடைக்கின்றன. இதன் ப்ரோ மாடல்கள் 1 டிபி மெமரி கொண்டிருக்கின்றன. ஐபோன்களில் இத்தகைய மெமரி வழங்கப்பட்டு இருப்பது இதுவே முதல் முறையாகும்.
சியோமி நிறுவனத்தின் புதிய 5ஜி ஸ்மார்ட்போன் பட்ஜெட் விலையில் இந்தியாவில் விற்பனைக்கு வர இருப்பதாக தகவல் வெளியாகி உள்ளது.
சியோமி 11 லைட் என்.இ. 5ஜி மாடல் இந்திய விலை மற்றும் நிறங்கள் பற்றிய விவரம் இணையத்தில் லீக் ஆகி உள்ளது. இந்தியாவில் சியோமி 11 லைட் என்.இ. 5ஜி மாடல் செப்டம்பர் 25 ஆம் தேதி அறிமுகமாக இருக்கிறது. முன்னதாக இந்த ஸ்மார்ட்போன் சர்வதேச சந்தையில் அறிமுகம் செய்யப்பட்டது.
இந்த நிலையில், தற்போது வெளியாகி இருக்கும் தகவல்களில் சியோமி 11 லைட் என்.இ. 5ஜி 6 ஜிபி + 128 ஜிபி விலை ரூ. 21,999 என துவங்கும் என குறிப்பிடப்பட்டு இருக்கிறது. இந்த ஸ்மார்ட்போன் 8 ஜிபி + 128 ஜிபி மற்றும் 8 ஜிபி + 256 ஜிபி போன்ற வேரியண்ட்களிலும் கிடைக்கும் என தெரிகிறது.
இந்தியாவில் சியோமி 11 லைட் என்.இ. 5ஜி மாடல் வைட், பின்க், புளூ மற்றும் பிளாக் நிறங்களில் கிடைக்கும் என கூறப்படுகிறது. அம்சங்களை பொருத்தவரை இந்த ஸ்மார்ட்போன் 6.55 இன்ச் புல் ஹெச்.டி. பிளஸ் 1080x2400 பிக்சல் ஆமோலெட் டிஸ்ப்ளே, ஸ்னாப்டிராகன் 778ஜி பிராசஸர் வழங்கப்பட்டு இருக்கிறது.
சாம்சங் நிறுவனத்தின் புதிய கேலக்ஸி ஏ சீரிஸ் ஸ்மார்ட்போன் 108 எம்பி கேமராவுடன் உருவாகி வருவதாக தகவல் வெளியாகி உள்ளது.
சாம்சங் நிறுவனம் கேலக்ஸி ஏ73 ஸ்மார்ட்போனினை அடுத்த ஆண்டு அறிமுகம் செய்ய இருப்பதாக தகவல் வெளியாகி உள்ளது. இந்த ஸ்மார்ட்போன் 108 எம்பி பிரைமரி கேமரா கொண்ட முதல் ஏ சீரிஸ் மாடலாக இருக்கும் என்றும் கூறப்படுகிறது.
புதிய கேலக்ஸி ஏ சீரிஸ் ஸ்மார்ட்போன் ஸ்னாப்டிராகன் 7 சீரிஸ் பிராசஸர்,8 ஜிபி ரேம், 128 ஜிபி மெமரி, ஆமோலெட் டிஸ்ப்ளே போன்ற அம்சங்களை கொண்டிருக்கும் என எதிர்பார்க்கப்படுகிறது.
முந்தைய கேலக்ஸி ஏ72 மாடலில் 6.7 இன்ச் எப்.ஹெச்.டி. பிளஸ் சூப்பர் ஆமோலெட் இன்பினிட்டி ஒ டிஸ்ப்ளே, 90 ஹெர்ட்ஸ் ரிப்ரெஷ் ரேட், குவால்காம் ஸ்னாப்டிராகன் 720ஜி பிராசஸர், 8 ஜிபி ரேம், 256 ஜிபி மெமரி, ஆண்ட்ராய்டு 11 ஓ.எஸ். வழங்கப்பட்டு இருந்தது.
சாம்சங் நிறுவனம் உருவாக்கி வரும் புதிய டேப்லெட் மாடல் அம்சங்கள் இணையத்தில் வெளியாகி உள்ளது.
சாம்சங் கேலக்ஸி டேப் எஸ்8 சீரிஸ் விவரங்கள் இணையத்தில் லீக் ஆகி உள்ளது. இம்முறை டாப் எண்ட் கேலக்ஸி டேப் எஸ்8 அல்ட்ரா அம்சங்கள் வெளியாகி இருக்கிறது. அதன்படி புதிய சாம்சங் டேப்லெட் 14.6 இன்ச் டிஸ்ப்ளே, 11500 எம்.ஏ.ஹெச். பேட்டரி கொண்டிருக்கும் என கூறப்படுகிறது.
கேலக்ஸி டேப் எஸ்8 அல்ட்ரா மாடலில் ஒ.எல்.இ.டி. டிஸ்ப்ளே வழங்கப்படுகிறது. கேலக்ஸி டேப் எஸ்8 மாடலில் டி.எப்.டி. பேனல், டேப் எஸ்8 பிளஸ் மாடலில் ஒ.எல்.இ.டி. பேனல் வழங்கப்படும் என கூறப்படுகிறது. அனைத்து மாடல்களிலும் 120 ஹெர்ட்ஸ் ரிப்ரெஷ் ரேட் வழங்கப்படலாம்.
சாம்சங் நிறுவனம் புதிதாக மிக மெல்லிய பெசல் தொழில்நுட்பத்தை உருவாக்கும் பணிகளில் ஈடுபட்டு வருவதாக கூறப்படுகிறது. இந்த தொழில்நுட்பம் ஸ்மார்ட்போன் மற்றும் டேப்லெட் மாடல்களில் மிக மெல்லிய பெசல்களை வழங்க உதவும். கேலக்ஸி டேப் எஸ்8 சீரிஸ் அடுத்த ஆண்டு அறிமுகமாக இருக்கிறது.
இன்பினிக்ஸ் நிறுவனம் ஹாட் 11 மற்றும் ஹாட் 11எஸ் என இரண்டு புதிய ஸ்மார்ட்போன்களை பட்ஜெட் விலையில் அறிமுகம் செய்தது.
இன்பினிக்ஸ் நிறுவனம் ஹாட் 11 ஸ்மார்ட்போனினை இந்திய சந்தையில் அறிமுகம் செய்தது. இதில் 6.6 இன்ச் எப்.ஹெச்.டி. பிளஸ் டிஸ்ப்ளே, மீடியாடெக் ஹீலியோ ஜி70 பிராசஸர், 13 எம்பி பிரைமரி கேமரா, டெப்த் சென்சார் வழங்கப்பட்டு இருக்கிறது.
இன்பினிக்ஸ் ஹாட் 11எஸ் மாடலில் 6.78 இன்ச் எப்.ஹெச்.டி. பிளஸ் 90 ஹெர்ட்ஸ் டிஸ்ப்ளே, மீடியாடெக் ஹீலியோ ஜி88 பிராசஸர், 50 எம்பி பிரைமரி கேமரா, 2 எம்பி டெப்த் சென்சார், ஏ.ஐ. லென்ஸ், 5000 எம்.ஏ.ஹெச். பேட்டரி வழங்கப்பட்டு இருக்கிறது.
இரு மாடல்களிலும் 8 எம்பி செல்பி கேமரா, டூயல் எல்.இ.டி. பிளாஷ், ஸ்டீரியோ ஸ்பீக்கர்கள், பின்புறம் கைரேகை சென்சார் வழங்கப்பட்டுள்ளது. இன்பினிக்ஸ் ஹாட் 11 மாடல் 7 டிகிரி பர்பில், போலார் பிளாக், எமரால்டு கிரீன் மற்றும் சில்வர் வேவ் நிறங்களில் கிடைக்கிறது. இதன் 4 ஜிபி + 64 ஜிபி விலை ரூ. 8,999 ஆகும்.
இன்பினிக்ஸ் ஹாட் 11எஸ் மாடல் கிரீன் வேவ், 7 டிகிரி பர்பில், போலார் பிளாக் நிறங்களில் கிடைக்கிறது.இதன் 4 ஜிபி + 64 ஜிபி விலை ரூ. 10,999 ஆகும்.
ஐபோன் 13 சீரிஸ் மற்றும் ஐபோன் 13 ப்ரோ சீரிஸ் மாடல்களுக்கு அசத்தலான கேஷ்பேக் சலுகைகள் அறிவிக்கப்பட்டு இருக்கிறது.
ஆப்பிள் நிறுவனத்தின் ஐபோன் 13 சீரிஸ் மற்றும் ஐபோன் 13 ப்ரோ சீரிஸ் ஸ்மார்ட்போன்கள் சில தினங்களுக்கு முன் இந்தியாவில் அரிமுகம் செய்யப்பட்டன. இவற்றின் விலை ரூ. 69,900 என துவங்குகிறது. புதிய ஐபோன் மாடல்களுக்கான முன்பதிவு இன்று (செப்டம்பர் 17) மாலை 5:30 மணிக்கு துவங்குகிறது.
சில்லறை விற்பனை மற்றும் வினியோகம் செப்டம்பர் 24 ஆம் தேதி காலை 8 மணிக்கு துவங்குகிறது. சமூக இடைவெளியை கடைப்பிடிக்கும் நோக்கில் புதிய ஐபோன்களை முன்பதிவு செய்வோருக்கு தனியாக நேரம் ஒதுக்கப்பட்டு இருக்கிறது. இத்துடன் ஐபோன்கள் ஹோம் டெலிவரியும் செய்யப்பட இருக்கின்றன.
ஆப்பிள் விற்பனையாளர்களான இன்கிராம் மைக்ரோ மற்றும் ரெடிங்டன் தனியார் வங்கியுடன் இணைந்து ஐபோன்களுக்கு வங்கி சார்ந்த சலுகைகளை வழங்குகின்றன.
அதன்படி ஐபோன் 13 மற்றும் ஐபோன் 13 மினி மாத தவணை முறை சலுகைகளுக்கு ரூ. 6 ஆயிரம் கேஷ்பேக் வழங்கப்படுகிறது. இந்த சலுகை செப்டம்பர் 24 ஆம் தேதி முதல் தேர்வு செய்யப்பட்ட விற்பனை மையங்களில் கிடைக்கும்.
ஐபோன் 13 ப்ரோ மற்றும் ஐபோன் 13 ப்ரோ மேக்ஸ் வாங்குவோர் மாத தவணை முறை சலுகையை பெறும் பட்சத்தில் ரூ. 5 ஆயிரம் கேஷ்பேக் வழங்கப்படுகிறது. இந்த சலுகை செப்டம்பர் 24 ஆம் தேதி முதல் தேர்வு செய்யப்பட்ட விற்பனை மையங்களில் கிடைக்கும்.
ஐபோன் 13 மாடல் 24 மாதங்களுக்கு வட்டியில்லா மாத தவணை முறையில் வழங்கப்படுகிறது. இதில் மாதம் ரூ. 3329 செலுத்த வேண்டும். இத்துடன் ரூ. 3 ஆயிரம் எக்சேன்ஜ் போனஸ் வழங்கப்படுகிறது.
×