புதிய கேஜெட்டுகள்

இன்ஃபினிக்ஸ் நிறுவனம் இந்திய சந்தையில் தனது இன்புக் Y1 பிளஸ் நியோ லேப்டாப் ஏப்ரல் 19 ஆம் தேதி அறிமுகம் செய்யப்படும் என்று அறிவித்து இருக்கிறது. கடந்த பிப்ரவரி மாத வாக்கில் இன்புக் Y1 பிளஸ் மாடல் அறிமுகம் செய்யப்பட்டதை தொடர்ந்து புதிய லேப்டாப் அறிமுகம் செய்யப்பட இருக்கிறது. புதிய இன்புக் Y1 பிளஸ் நியோ மாடல் சற்றே குறைந்த விலையில் அறிமுகம் செய்யப்பட இருப்பதாக கூறப்படுகிறது.

இந்திய சந்தையில் இன்ஃபினிக்ஸ் இன்புக் Y1 பிளஸ் நியோ மாடலின் விலை ரூ. 25 ஆயிரத்திற்குள் நிர்ணயம் செய்யப்படும் என கூறப்படுகிறது. தலைசிறந்த அம்சங்களுடன் மிக குறைந்த விலையில் அறிமுகமாகி சந்தையில் கடும் போட்டியை ஏற்படுத்தும் என இன்ஃபினிக்ஸ் நிறுவனம் தெரிவித்து இருக்கிறது. இந்த லேப்டாப் மிக மெல்லிய மற்றும் பிரீமியம் டிசைன், அலுமினியம் அலாய் மெட்டல் மூலம் உருவாக்கப்பட்டு இருக்கிறது. இதில் மிக மெல்லிய பெசல்கள் உள்ளன.

புதிய இன்புக் Y1 பிளஸ் நியோ மாடலில் 15.6 இன்ச் விவிட் கலர்-ரிச் டிஸ்ப்ளே, 82 சதவீத ஸ்கிரீன்-டு-பாடி ரேஷியோ, 250 நிட்ஸ் பீக் பிரைட்னஸ் வழங்கப்படுவது உறுதியாகி இருக்கிறது. இத்துடன் இரண்டு 2 வாட் ஸ்பீக்கர்கள், 40 வாட் பேட்டரி, 45 வாட் டைப் சி சார்ஜிங் வசதி வழங்கப்படுகிறது. ஃபாஸ்ட் சார்ஜிங் வசதி இருப்பதால், இந்த லேப்டாப் ஒரு மணி நேரத்தில் 75 சதவீதம் வரை சார்ஜ் ஆகிவிடும்.

இத்துடன் புதிய மாடலில் அதிகபட்சம் 512 ஜிபி மெமரி வழங்கப்படுகிறது. இதுதவிர 8 ஜிபி ரேம், 256 ஜிபி மெமரி, 8 ஜிபி ரேம், 512 ஜிபி மெமரி ஆப்ஷன்களும் வழங்கப்படும் என கூறப்படுகிறது. முந்தைய இன்ஃபினிக்ஸ் இன்புக் Y1 பிளஸ் மாடலில் உள்ளதை போன்றே இந்த மாடலிலும் இண்டெல் நிறுவனத்தின் i3 10th Gen பிராசஸர் வழங்கப்படலாம். இதன் விலை மற்றும் விற்பனை விவரங்கள் அடுத்த வாரம் அதிகாரப்பூர்வமாக அறிவிக்கப்பட்டுவிடும்.

சியோமி நிறுவனம் இந்திய சந்தையில் தனது புதிய ஸ்மார்ட் டிவி மாடல்களை 2023 ஸ்மார்டர் லிவிங் (2023 Smarter Living) நிகழ்வில் அறிமுகம் செய்தது. புதிய ஸ்மார்ட் டிவி சியோமி ஸ்மார்ட் டிவி X ப்ரோ சீரிஸ் என்று அழைக்கப்படுகிறது. இது கடந்த ஆண்டு அறிமுகம் செய்யப்பட்ட வென்னிலா X சீரிசை விட மேம்பட்ட அம்சங்களை கொண்டிருக்கிறது.

புதிய ஸ்மார்ட் டிவி மாடல் 4K HDR ஸ்கிரீன், கூகுள் டிவி ஒஎஸ் கொண்டிருக்கிறது. பெசல் லெஸ் மெட்டாலிக் ஃபிரேம் கொண்டிருக்கும் ஸ்மார்ட் டிவி X ப்ரோ சீரிசில் 4K எல்இடி பேக்லிட் எல்சிடி பேனல், HDR10+, டால்பி விஷன் IQ, சியோமி நிறுவனத்தின் சொந்த கலர் ப்ரோஃபைல்- விவிட் பிக்சர் என்ஜின் 2 வழங்கப்பட்டு இருக்கிறது.

இந்த ஸ்மார்ட் டிவி மாடல் 43 இன்ச், 50 இன்ச் மற்றும் 55 இன்ச் என மூன்றுவித அளவுகளில் கிடைக்கின்றன. இவற்றில் 40 வாட் ஸ்பீக்கர்கள், டால்பி அட்மோஸ், டிடிஎஸ் எக்ஸ் போன்ற வசதிகள் வழங்கப்பட்டுள்ளன. இத்துடன் ஆம்பியண்ட் லைட் சென்சார், ஃபார்-ஃபீல்டு மைக்ரோபோன்கள் வழங்கப்பட்டுள்ளன. கூகுள் டிவி ஒஎஸ் கொண்டிருக்கும் புதிய ஸ்மார்ட் டிவி, சியோமியின் சொந்த பேட்ச்வால் கொண்டுள்ளது.

இதில் க்ரோம்காஸ்ட் பில்ட்-இன், கூகுள் அசிஸ்டண்ட் வசதி வழங்கப்பட்டு இருக்கிறது. கனெக்டிவிட்டிக்கு டூயல் பேண்ட் வைபை, ப்ளூடூத் 5.0, 3x HDMI 2.1, 2x USB, ஆப்டிக்கல் போர்ட், AV இன்புட், ஹெட்போன் அவுட் மற்றும் ஈத்தர்நெட் போர்ட் வழங்கப்பட்டு இருக்கிறது.

விலை மற்றும் விற்பனை விவரங்கள்:

சியோமி ஸ்மார்ட் டிவி X ப்ரோ 43 இன்ச் விலை ரூ. 32 ஆயிரத்து 999

சியோமி ஸ்மார்ட் டிவி X ப்ரோ 50 இன்ச் விலை ரூ. 41 ஆயிரத்து 999

சியோமி ஸ்மார்ட் டிவி X ப்ரோ 55 இன்ச் விலை ரூ. 47 ஆயிரத்து 999

மூன்று மாடல்களின் விற்பனை ஏப்ரல் 19 ஆம் தேதி துவங்குகிறது. விற்பனை Mi வலைதளம், ப்ளிப்கார்ட் மற்றும் ஆஃப்லைன் ரிடெயில் விற்பனையாளர்களிடம் நடைபெற இருக்கிறது. தேர்வு செய்யப்பட்ட வங்கி கார்டு பயன்படுத்தும் போது ரூ. 2 ஆயிரம் தள்ளுபடி/கேஷ்பேக் வழங்கப்படுகிறது. 

டெக்னோ நிறுவனம் இந்திய சந்தையில் தனது முதல் மடிக்கக்கூடிய ஸ்மார்ட்போன் டெக்னோ ஃபேண்டம் V ஃபோல்டு 5ஜி மாடலை வெளியிட்டுள்ளது. முன்னதாக பிப்ரவரி மாத வாக்கில் நடைபெற்ற 2023 சர்வதேச மொபைல் காங்கிரஸ் விழாவில் அறிமுகம் செய்யப்பட்ட நிலையில், தற்போது இந்த மாடல் வெளியாகி உள்ளது.

புதிய டெக்னோ ஃபேண்டம் V ஃபோல்டு 5ஜி மாடலில் 7.85 இன்ச் 2K மடிக்கக்கூடிய 10-120Hz LTPO AMOLED ஸ்கிரீன், 6.42 இன்ச் 1080 பிக்சல் 10-120Hz LTPO AMOLED ஸ்கிரீன் வழங்கப்பட்டு இருக்கிறது. இதில் ஏரோஸ்பேஸ் தர டிராப் வடிவ ஹிஞ்ச் உள்ளது. புகைப்படங்களை எடுக்க 50MP பிரைமரி கேமரா, 13MP அல்ட்ரா வைடு கேமரா, 50MP போர்டிரெயிட் கேமரா, 32MP செல்ஃபி கேமரா வழங்கப்பட்டு இருக்கிறது.

இத்துடன் பக்கவாட்டில் கைரேகை சென்சார், 5000 எம்ஏஹெச் பேட்டரி, 45 வாட் ஃபாஸ்ட் சார்ஜிங் வசதி வழங்கப்பட்டுள்ளது. இந்த ஸ்மார்ட்போன் 55 நிமிடங்களில் முழுமையாக சார்ஜ் ஆகிவிடும்.

டெக்னோ ஃபேண்டம் V ஃபோல்டு 5ஜி அம்சங்கள்:

7.65 இன்ச் 2296x2000 பிக்சல் 2K+ 10-120Hz LTPO AMOLED மடிக்கக்கூடிய டிஸ்ப்ளே

6.42 இன்ச் 1080x2550 பிக்சல் FHD+ 10-120Hz LTPO AMOLED வெளிப்புற டிஸ்ப்ளே

ஆக்டா கோர் மீடியாடெக் டிமென்சிட்டி 9000 பிளஸ் பிராசஸர்

மாலி G710 MC10 GPU

12 ஜிபி ரேம்

256 ஜிபி மெமரி

ஆண்ட்ராய்டு 13 சார்ந்த ஹைஒஎஸ் 13 ஃபோல்டு

டூயல் சிம் ஸ்லாட்

50MP பிரைமரி கேமரா

13MP அல்ட்ரா வைடு கேமரா

50MP போர்டிரெயிட் டெலிபோட்டோ கேமரா

32MP (வெளிப்புறம்) / 16MP (உள்புறம்) செல்ஃபி கேமரா

இன் டிஸ்ப்ளே கைரேகை சென்சார்

யுஎஸ்பி டைப் சி ஆடியோ, ஸ்டீரியோ ஸ்பீக்கர்கள்

5ஜி, டூயல் 4ஜி வோல்ட்இ, வைபை, ப்ளூடூத் 5.3

யுஎஸ்பி டைப் சி

5000 எம்ஏஹெச் பேட்டரி

45 வாட் ஃபாஸ்ட் சார்ஜிங்

விலை மற்றும் விற்பனை விவரங்கள்:

டெக்னோ ஃபேண்டம் V ஃபோல்டு 5ஜி ஸ்மார்ட்போனின் 12 ஜிபி ரேம், 256 ஜிபி மெமரி மாடல் விலை ரூ. 88 ஆயிரத்து 888 என்று நிர்ணயம் செய்யப்பட்டு உள்ளது. அறிமுக சலுகையாக இந்த ஸ்மார்ட்போனினை ரூ. 77 ஆயிரத்து 777 விலையில் வாங்கிட முடியும். விற்பனை நாளை (ஏப்ரல் 12) நடைபெற இருக்கிறது. 

சூப்பர் பிளாஸ்ட்ரானிக்ஸ் பிரைவேட் லிமிடெட் நிறுவனம் இந்திய சந்தையில் புதிய தாம்சன் ஸ்மார்ட் டிவி மாடலை ஆத்ப்ரோ மேக்ஸ் சீரிசில் அறிமுகம் செய்தது. QLED சீரிஸ் வெளியீட்டை தொடர்ந்து புதிய ஸ்மார்ட் டிவி அறிமுகம் செய்யப்பட்டு இருக்கிறது.

புதிய தாம்சன் ஸ்மார்ட் டிவி மாடலில் 65 இன்ச் ஸ்கிரீன், டால்பி விஷன், HDR10+, 40 வாட் ஸ்டீரியோ பாக்ஸ் ஸ்பீக்கர்கள், டால்பி அட்மோஸ் வசதி உள்ளது. இத்துடன் மெல்லிய தோற்றம், பெசல் லெஸ் டிசைன் மற்றும் மெட்டாலிக் ஸ்டாண்ட் உள்ளது. இந்த டிவி-யில் 1.5 ஜிகாஹெர்ட்ஸ் குவாட் கோர் மீடியாடெக் பிராசஸர், மாலி 450 GPU, டூயல் பேண்ட் வைபை வழங்கப்பட்டு இருக்கிறது.

தாம்சன் ஆத்ப்ரோ மேக்ஸ் சீரிஸ் டிவி அம்சங்கள்:

65 இன்ச் 3840x2160 பிக்சல் 4K டிஸ்ப்ளே, டால்பி விஷன், 550 நிட்ஸ் பிரைட்னஸ்

1.5 ஜிகாஹெர்ட்ஸ் குவாட்கோர் மீடியாடெக் பிராசஸர்

மாலி 450 GPU

2 ஜிபி ரேம்

16 ஜிபி மெமரி

கூகுள் டிவி

வாய்ஸ் ரிமோட்

வைபை, ப்ளூடூத் 5

3xHMDI, 2xUSB, S/PDIF, AV இன்புட், 1xஈத்தர்நெட்

40 வாட் (2x20 வாட்) ஸ்டீரியோ ஸ்பீக்கர்கள்

டிடிஎஸ், டால்பி ஆடியோ, டாால்பி அட்மோஸ்

விலை மற்றும் விற்பனை விவரங்கள்:

தாம்சன் 65 இன்ச் டிவி விலை ரூ. 43 ஆயிரத்து 999 என்று நிர்ணயம் செய்யப்பட்டு உள்ளது. இதன் விற்பனை ஏப்ரல் 13 ஆம் தேதி துவங்கும் ப்ளிப்கார்ட் சம்மர் சேவிங் டேஸ்-இல் துவங்க இருக்கிறது.

ஃபயர்போல்ட் நிறுவனத்தின் புதிய ராக் ஸ்மார்ட்வாட்ச் இந்திய சந்தையில் அறிமுகம் செய்யப்பட்டு இருக்கிறது. ஃபயர்போல்ட் கொலைட் மாடலை தொடர்ந்து ஒரே வாரத்தில் ஃபயர்போல்ட் அறிமுகம் செய்திருக்கும் இரண்டாவது ஸ்மார்ட்வாட்ச் இது ஆகும். புதிய ஃபயர்போல்ட் ராக் மாடலில் 1.3 இன்ச் வட்ட வடிவிலான ஆல்வேஸ் ஆன் AMOLED டிஸ்ப்ளே, ப்ளூடூத் காலிங் போன்ற அம்சங்கள் வழங்கப்பட்டு உள்ளன.

இத்துடன் ப்ளூடூத் காலிங், வாய்ஸ் அசிஸ்டண்ட், 110-க்கும் அதிக ஸ்போர்ட்ஸ் மோட்கள், மெட்டாலிக் கேசிங், ஏராளமான வசதிகளை வழங்கும் கிரவுன் உள்ளிட்டவை வழங்கப்பட்டு இருக்கின்றன. இதில் உள்ள 260 எம்ஏஹெச் பேட்டரி முழு சார்ஜ் செய்தால் ஏழு நாட்களுக்கான பேட்டரி பேக்கப் வழங்குகிறது. இந்த வாட்ச்-இல் ஹெல்த் சூட், ஹார்ட் ரேட் டிராக்கர், SpO2 டிராக்கர் மற்றும் ஸ்லீப் சைக்கிள் மாணிட்டர் வழங்கப்பட்டு இருக்கிறது.

ஃபயர் போல்ட் ராக் அம்சங்கள்:

1.3 இன்ச் 390x390 பிக்சல் AMOLED ஆல்வேஸ் ஆன் டிஸ்ப்ளே

கிளாஸ் கவர், மெட்டல் பட்டன், சுழலும் கிரவுன்

ப்ளூடூத் காலிங் வசதி

கால் ஹிஸ்ட்ரி, குயிக் டயல் பேட், சின்க் காண்டாக்ட்

இன்பில்ட் மைக் மற்றும் ஸ்பீக்கர்

100-க்கும் அதிக வாட்ச் ஃபேஸ்கள்

110-க்கும் அதிக ஸ்போர்ட்ஸ் மோட்கள்

260 எம்ஏஹெச் பேட்டரி

ஃபயர்போல்ட் ஹெல்த் சூட்

ஸ்லீப், SpO2 மற்றும் ஹார்ட் ரேட் டிராகிங்

IP68 தர வாட்டர் ரெசிஸ்டண்ட்

ஸ்மார்ட் நோட்டிஃபிகேஷன்கள்

விலை மற்றும் விற்பனை விவரங்கள்:

ஃபயர்போல்ட் ராக் ஸ்மார்ட்வாட்ச் பிளாக், கோல்டு மற்றும் கிரே என மூன்று விதமான நிறங்களில் கிடைக்கிறது. இதன் விலை அறிமுக சலுகையாக ரூ. 2 ஆயிரத்து 799 என்று நிர்ணயம் செய்யப்பட்டு உள்ளது. விற்பனை ப்ளிப்கார்ட் மற்றும் ஃபயர்போல்ட் வலைதளங்களில் நடைபெறுகிறது.

ரியல்மி நிறுவனத்தின் நார்சோ N55 ஸ்மார்ட்போன் ஏப்ரல் 12 ஆம் தேதி இந்திய சந்தையில் அறிமுகம் செய்ய இருக்கிறது. புதிய நார்சோ N55 மாடலில் டூயல் பிரைமரி கேமரா சென்சார்கள், பக்கவாட்டில் கைரேகை சென்சார், 33 வாட் சூப்பர்வூக் சார்ஜிங் போன்ற அம்சங்கள் வழங்கப்படுகிறது.

இத்துடன் புதிய நார்சோ N55 மாடலின் பின்புறம் புளூ மற்றும் பிளாக் நிறங்களை கொண்டிருக்கும் என தெரிகிறது. இதைத் தொடர்ந்து ரியல்மி வெளியிட்டு இருக்கும் புதிய வீடியோவில், நார்சோ N55 ஸ்மார்ட்போனில் முன்புறம் பன்ச் ஹோல் டிஸ்ப்ளே வழங்கப்படும் என்றும் இதில் ஆப்பிள் டைனமிக் ஐலேண்ட் போன்ற மினி கேப்சியுல் வழங்கப்படும் என கூறப்படுகிறது.

ஏற்கனவே ரியல்மி அறிமுகம் செய்த C55 ஸ்மார்ட்போனிலும் இதே போன்ற மினி கேப்சியுல் அம்சம் வழங்கப்பட்டு இருந்தது குறிப்பிடத்தக்கது. நார்சோ N55 மாடலின் முழு அம்சங்கள் மற்றும் டிசைன் உறுதிப்படுத்தப்பட்டு விட்டன. அதன்படி இந்த ஸ்மார்ட்போன் ரியல்மி C55 மாடலின் மற்றொரு வெர்ஷனாக இருக்கும் என தெரிகிறது.

அம்சங்களை பொருத்தவரை நார்சோ N55 மாடலில் 6.72 இன்ச் Full HD+ 90Hz LCD ஸ்கிரீன், மீடியாடெக் ஹீலியோ ஜி88 பிராசஸர், ஆண்ட்ராய்டு 13 சார்ந்த ரியல்மி யுஐ 4.0 மற்றும் 5000 எம்ஏஹெச் பேட்டரி வழங்கப்படுகிறது. இத்துடன் 64MP பிரைமரி கேமரா, 2MP டெப்த் சென்சார், 8MP செல்ஃபி கேமரா வழங்கப்படும் என கூறப்படுகிறது.

ஹூவாய் நிறுவனம் பிலிப்ஸ் ஸ்மார்ட் ஐ மசாஜரை சீன சந்தையில் அறிமுகம் செய்து இருக்கிறது. புதிய ஐ மசாஜர் அதிநவீன விப்வேவ் வைப்ரேஷன் வேவ் தொழில்நுட்பம் கொண்டிருக்கிறது. இந்த மசாஜரில் 14 பெரிய காண்டாக்ட்கள் உள்ளன. இவை ஒவ்வொன்றிலும் நுன்னிய அதிர்வுகளை ஏற்படுத்தும் மைக்ரோ-வைப்ரேஷன் மோட்டார் உள்ளது. இவை கண்களை சுற்றி முழுமையான மசாஜ் வழங்குவதை உறுதிப்படுத்துகிறது.

பிலிப்ஸ் ஸ்மார்ட் ஐ மசாஜரில் ஹாட் கம்ப்ரெஸ் அம்சம் உள்ளது. இது கண்களின் வடிவம் கொண்ட இரண்டு மெட்டல் மசாஜ் ஹெட்களை கொண்டு கண்களை சுற்றி வெப்பத்தை பாய்ச்சும். இந்த வழிமுறை மென்மையான வெப்பம் மற்றும் சவுகரியமான மசாஜை வழங்குகிறது. இந்த மசாஜரில் உள்ள போன் கன்டக்ஷன் தொழில்நுட்பம் மண்டை ஓடு வழியே ஒலியை பாச்சுகிறது. மசாஜ் செய்யும் போது இந்த அம்சம் கொண்டு மனதை இளைப்பாறச் செய்யும் இசையை கேட்டு அனுபவிக்கலாம்.

இதன் போன் கண்டக்ஷன் தொழில்நுட்பம் அதிக தெளிவான ஆடியோவை மற்றவர்களுக்கு எவ்வித தொந்தரவையும் ஏற்படுத்தாமல், கேட்க செய்கிறது. அந்த வகையில், இந்த சாதனம் கொண்டு மசாஜ் மற்றும் பொழுதுபோக்கு என இருவித பயன்களையும் பெற முடியும். பயனர் முகத்தில் மிக கச்சிதமாக பொருந்திக் கொள்ளும் வகையில் பிலிப்ஸ் ஸ்மார்ட் ஐ மசாஜர் டிசைன் செய்யப்பட்டு உள்ளது. இதில் உள்ள துணி மிக மென்மையாக இருப்பதோடு, 180 டிகிரி வரை மடிக்கக்கூடியது ஆகும்.

ஒட்டுமொத்தத்தில் 245 கிராம் எடை கொண்டிருக்கும் பிலிப்ஸ் ஸ்மார்ட் ஐ மசாஜர் தற்போதைய ஸ்மார்ட்போன்களை விட மிக குறைந்த எடை கொண்டுள்ளன. இந்த மசாஜரை ஹார்மனி ஒஎஸ் ஸ்மார்ட்போன்களில் ஹாங்மெங் சிலான் ஆப் உடன் ப்ளூடூத் மூலம் இணைத்துக் கொள்ளலாம். பிலிப்ஸ் ஸ்மார்ட் ஐ மசாஜரின் விலை 749 யுவான், இந்திய மதிப்பில் ரூ. 8 ஆயிரத்து 915 என்று நிர்ணயம் செய்யப்பட்டு உள்ளது.

சோனி நிறுவனம் முற்றிலும் புதிய கையடக்க பிளேஸ்டேஷன் சாதனத்தை உருவாக்கி வருவதாக தகவல் வெளியாகி உள்ளது. புதிய கையடக்க பிளேஸ்டேஷன், Q லைட் பெயரில் விற்பனைக்கு அறிமுகம் செய்யப்படும் என கூறப்படுகிறது. சோனியின் புதிய கேமிங் ஹார்டுவேர் பிளேஸ்டேஷன் 5 சார்ந்து உருவாக்கப்பட்டு வருகிறது.

புதிய Q லைட் சாதனம் கையடக்க பிளேஸ்டேஷன் போன்றே செயல்படும். இது பிளேஸ்டேஷன் 5 ரிமோட் பிளே அம்சத்தில் இயங்குகிறது. இந்த சாதனம் அதிகபட்சம் 1080 பிக்சல் தரத்தில் நொடிக்கு 60 ஃபிரேம் வேகத்தில் கேம் ஸ்டிரீம் செய்யும். ஆனால் இவ்வாறு செய்ய சீரான இணைய இணைப்பு அவசியம் ஆகும். தோற்றத்தில் Q லைட் பார்க்க பிளேஸ்டேஷன் 5 கண்ட்ரோலர் போன்றே காட்சியளிக்கிறது.

எனினும், இதில் 8 இன்ச் LCD டச் ஸ்கிரீன், அடாப்டிவ் ட்ரிகர்கள் உள்ளன. தற்போது இந்த Q லைட் சாதனத்தை உருவாக்கும் பணிகள் ஆரம்பக்கட்டத்திலேயே உள்ளதாக இன்சைடர் கேமிங் தெரிவித்து இருக்கிறது. இது சோனி பிளேஸ்டேஷன் 5 கழற்றக்கூடிய டிஸ்க் டிரைவ் வெளியீட்டை தொடர்ந்து அறிமுகம் செய்யப்படும் என கூறப்படுகிறது. Q லைட் வெளியீட்டை தொடர்ந்து பிளேஸ்டேஷன் 5 ப்ரோ அறிமுகம் செய்யப்படும் என தெரிகிறது.

கடந்த ஆண்டு சோனி நிறுவனம் பிளேஸ்டேஷன் விஆர் 2 சாதனத்தை அறிமுகம் செய்து இருந்தது. இது மெல்லிய டிசைன் மற்றும் அதிக சவுகரியத்தை வழங்கும் வகையில் உருவாக்கப்பட்டு இருந்தது. இந்த வரிசையில் தான் புதிதாக கழற்றக்கூடிய டிஸ்க் டிரைவ் பிளேஸ்டேஷன் 5, வயர்லெஸ் இயர்போன், ஹெட்செட் மற்றும் Q லைட் உள்ளிட்டவை அறிமுகம் செய்யப்படும் என கூறப்படுகிறது.

சாம்சங் நிறுவனம் கடந்த ஆண்டு அறிமுகம் செய்த கேலக்ஸி டேப் S8 அல்ட்ரா மாடல் சந்தையில் நல்ல வரவேற்பை பெற்றது. டேப் S8 சீரிசில் விலை உயர்ந்த மாடலாகவும், ஃபிளாக்ஷிப் தர அம்சங்களையும் இது கொண்டிருந்தது. இதைத் தொடர்ந்து சாம்சங் நிறுவனம் தற்போது கேலக்ஸி டேப் S9 அல்ட்ரா மாடலை உருவாக்கி வருவதாக தகவல் வெளியாகி உள்ளது.

இது குறித்து ஐஸ் யுனிவர்ஸ் வெளியிட்டு இருக்கும் தகவல்களின் படி புதிய கேலக்ஸி டேப் S9 அல்ட்ரா மாடல் அளவில் 208.6x326.4x5.5mm இருக்கும் என கூறப்படுகிறது. கேலக்ஸி டேப் S8 அல்ட்ரா அளவீடுகளும் இதே போன்றே இருந்தது குறிப்பிடத்தக்கது. புதிய டேப் S9 அல்ட்ரா மாடலின் எடை அதன் முந்தைய வெர்ஷனை விட 11 கிராம் வரை அதிகரித்து இருக்கும் என தெரிகிறது.

மற்ற அம்சங்களை பொருத்தவரை கேலக்ஸி டேப் S9 அல்ட்ரா மாடலில் 14.6 இன்ச் WQXGA+ 2960x1848 பிக்சல் ரெல்யூஷன் கொண்ட ஸ்கிரீன், சூப்பர் AMOLED டிஸ்ப்ளே வழங்கப்படுகிறது. இத்துடன் ஒவர் கிளாக் செய்யப்பட்ட குவால்காம் ஸ்னாப்டிராகன் 8 ஜென் 2 ஃபார் கேலக்ஸி பிராஸர், அதிகபட்சம் 16 ஜிபி ரேம் வழங்கப்படுகிறது.

இத்துடன் IP சான்று பெற்ற வாட்டர் ரெசிஸ்டண்ட் வசதி, 11200 எம்ஏஹெச் பேட்டரி, 45 வாட் ஃபாஸ்ட் சார்ஜிங் வழங்கப்படும் என தெரிகிறது. இவைதவிர எஸ் பென் சப்போர்ட், ஸ்டீரியோ ஸ்பீக்கர்கள், ஏகேஜி டியுன் செய்த ஸ்பீக்கர்கள், 5ஜி கனெக்டிவிட்டி, அதிநவீன ஒன் யுஐ மென்பொருள் வழங்கப்படலாம். 

ஒன்பிளஸ் நிறுவனம் இந்திய சந்தையில் தனது புதிய நார்ட் CE 3 லைட் 5ஜி ஸ்மார்ட்போனினை அறிமுகம் செய்தது. புதிய நார்ட் CE 3 லைட் 5ஜி மாடலில் 6.72 இன்ச் FHD+ LCD ஸ்கிரீன், 120Hz ரிப்ரெஷ் ரேட், 16MP செல்ஃபி கேமரா உள்ளது. ஆக்டா கோர் ஸ்னாப்டிராகன் 695 பிராசஸர் கொண்டிருக்கும் ஒன்பிளஸ் நார்ட் CE 3 லைட் 5ஜி அதிகபட்சம் 8 ஜிபி ரேம், 8 ஜிபி வரை விர்ச்சுவல் ரேம் கொண்டிருக்கிறது.

ஆண்ட்ராய்டு 13 சார்ந்த ஆக்சிஜன் ஒஎஸ் 13.1 மூலம் இயங்கும் நார்ட் CE 3 லைட் 5ஜி இரண்டு மென்பொருள் அப்டேட்கள், மூன்று ஆண்டுகளுக்கு செக்யுரிட்டி அப்டேட்களை பெற இருக்கிறது. புகைப்படங்களை எடுக்க 108MP பிரைமரி கேமரா, 2MP டெப்த் சென்சார், 2MP மேக்ரோ கேமரா உள்ளது. இத்துடன் 3.5mm ஆடியோ ஜாக், ஸ்டீரியோ ஸ்பீக்கர்கள் வழங்கப்பட்டு உள்ளது.

ஒன்பிளஸ் நார்ட் CE 3 லைட் 5ஜி அம்சங்கள்:

6.72 இன்ச் 2412x1080 பிக்சல் FHD+ LCD ஸ்கிரீன், 3048/50/60/90/120Hz அடாப்டிவ் ரிப்ரெஷ் ரேட்

ஆக்டா கோர் ஸ்னாப்டிராகன் 695 பிராசஸர்

அட்ரினோ 619L GPU

8 ஜிபி ரேம்

128 ஜிபி, 256 ஜிபி மெமரி

மெமரியை கூடுதலாக நீட்டிக்கும் வசதி

ஆண்ட்ராய்டு 13 மற்றும் ஆக்சிஜன் ஒஎஸ் 13.1

ஹைப்ரிட் டூயல் சிம் ஸ்லாட்

108MP பிரைமரி கேமரா

2MP டெப்த் கேமரா

2MP மேக்ரோ கேமரா

16MP செல்ஃபி கேமரா

பக்கவாட்டில் கைரேகை சென்சார்

3.5mm ஆடியோ ஜாக், ஸ்டீரியோ ஸ்பீக்கர்

5ஜி, டூயல் 4ஜி வோல்ட்இ, வைபை 6

யுஎஸ்பி டைப் சி

5000 எம்ஏஹெச் பேட்டரி

67 வாட் சூப்பர்வூக் ஃபாஸ்ட் சார்ஜிங்

விலை மற்றும் விற்பனை விவரங்கள்:

ஒன்பிளஸ் நார்ட் CE 3 லைட் 5ஜி பேஸ்டல் லைம் மற்றும் க்ரோமேடிக் கிரே என இரண்டு விதமான நிறங்களில் கிடைக்கிறது. இதன் 8 ஜிபி ரேம், 128 ஜிபி மெமரி மாடல் விலை ரூ. 19 ஆயிரத்து 999 என்றும் 8 ஜிபி ரேம், 256 ஜிபி மெமரி மாடல் விலை ரூ. 21 ஆயிரத்து 999 என்றும் நிர்ணயம் செய்யப்பட்டு உள்ளது.

இதன் விற்பனை ஏப்ரல் 11 ஆம் தேதி அமேசான் மற்றும் ஒன்பிளஸ் இந்தியா வலைதளத்தில் நடைபெறுகிறது. இதுதவிர ஒன்பிளஸ் எக்ஸ்பீரியன்ஸ் ஸ்டோர் மற்றும் அதிகாரப்பூர்வ விற்பனை மையங்களில் நடைபெற இருக்கிறது.

ரியல்மி நிறுவனம் தனது சமூக வலைதளங்களில் பிராஜக்ட் N பற்றிய டீசர்களை வெளியிட்டு வந்தது. தற்போது தனது அடுத்த தலைமுறை நார்சோ ஸ்மார்ட்போனின் புதிய டீசரை ரியல்மி வெளியிட்டுள்ளது. ரியல்மி நிறுவனம் புதிய பிராஜக்ட் N-க்காக பிரத்யேக மைக்ரோசைட் ஒன்றை தனது வலைதளத்தில் உருவாக்கி இருக்கிறது.

இதே மைக்ரோசைட் அமேசான் தளத்திலும் இடம்பெற்றுள்ளது. அதன் படி இந்த ஸ்மார்ட்போன் அமேசான் தளத்தில் பிரத்யேகமாக விற்பனை செய்யப்படும் என தெரியவந்துள்ளது. புதிய நார்சோ ஸ்மார்ட்போனின் பெயர் விவரங்களை ரியல்மி நிறுவனம் அறிவிக்கவில்லை. எனினும், இந்த ஸ்மார்ட்போன் புதிதாக N சீரிசில் அறிமுகமாகும் என எதிர்பார்க்கப்படுகிறது.

அந்த வகையில், இந்த ஸ்மார்ட்போன் நார்சோ N55 எனும் பெயரில் விற்பனைக்கு வரும் என கூறப்படுகிறது. மைக்ரோசைட் விவரங்களின் படி இந்த ஸ்மார்ட்போன் பாக்ஸ் டிசைன், டிஸ்ப்ளே மற்றும் மெல்லிய பெசல்கள் வழங்கப்படும் என தெரியவந்துள்ளது. இதன் வால்யூம் ராக்கர் மற்றும் பவர் பட்டன்கள் வலதுபுறத்தில் உள்ளன. இதில் உள்ள பவர் பட்டினேலேயே கைரேகை சென்சார் பொருத்தப்படுகிறது.

"அடுத்த தலைமுறை தொழில்நுட்பம், அதன் முந்தைய வெர்ஷனை விட பிரமாண்டமாக இருக்கும்," என ரியல்மி தெரிவித்துள்ளது. மற்றொரு டீசரில் 64, 90, 33, 16 என ஏராளமான எண்கள் இடம்பெற்றுள்ளன. இவை கேமரா, ரிப்ரெஷ் ரேட், ஃபாஸ்ட் சார்ஜிங் மற்றும் முன்புற செல்ஃபி கேமராக்களை குறிக்கும் என கூறப்படுகிறது.

ரியல்மி நிறுவனம் கடந்த ஆண்டு நார்சோ 50 சீரிசில் ஏராளமான ஸ்மார்ட்போன்களை அறிமுகம் செய்து இருக்கிறது. அந்த வரிசையில், பிராஜக்ட் N ஸ்மார்ட்போன் இந்தியாவில் ஏப்ரல் 12 ஆம் தேதி அறிமுகமாகும் என தெரிகிறது. வரும் நாட்களில் இதுபற்றிய கூடுதல் விவரங்கள் அறிவிக்கப்படலாம்.

வாட்ஸ்அப் செயலியில் டெக்ஸ்ட் எடிட் செய்யும் வசதி வழங்கப்பட இருப்பதாக நீண்ட காலமாக தகவல்கள் வெளியாகி வந்தன. இந்த அம்சம் செயலியின் ஆண்ட்ராய்டு மற்றும் ஐஒஎஸ் வெர்ஷன்களில் டெஸ்டிங் செய்யப்பட்டு வருவதாகவும் கூறப்பட்டன. இந்த நிலையில், தற்போது வெளியாகி இருக்கும் தகவல்களில் வாட்ஸ்அப் பீட்டா டெஸ்டர்களில் தேர்வு செய்யப்பட்ட சிலருக்கு இந்த அம்சம் வழங்கப்படுவதாக கூறப்படுகிறது.

எனினும், முதற்கட்டமாக இந்த அம்சம் ஆண்ட்ராய்டு பயனர்களுக்கு மட்டுமே வழங்கப்படும் என தெரிகிறது. தற்போது டெஸ்டிங்கில் உள்ள டெக்ஸ்ட் எடிட்டர் அம்சம் விரைவில் அனைவருக்குமான அப்டேட்டில் வழங்கப்படும் என எதிர்பார்க்கலாம். டெக்ஸ்ட் எடிட்டர் மட்டுமின்றி எடிட் மெசேஞ்ச் அம்சத்தையும் வாட்ஸ்அப் உருவாக்கி வருவதாக கூறப்படுகிறது.

வாட்ஸ்அப் செயலியில் வழங்கப்பட இருக்கும் புதிய அம்சங்கள் பற்றிய தகவல்களை வெளியிட்டு வரும் WABetainfo, புதிய அம்சம் கொண்டு பயனர்கள் புகைப்படங்கள், வீடியோக்கள் மற்றும் ஜிஃப் உள்ளிட்டவைகளை டூல்ஸ் மற்றும் ஃபாண்ட்களை எடிட் செய்ய முடியும் என தெரிவித்து இருக்கிறது. தற்போது வாட்ஸ்அப் ஆண்ட்ராய்டு 2.23.7.17 வெர்ஷனில் தேர்வு செய்யப்பட்ட சிலருக்கு மட்டும் இந்த அம்சம் வழங்கப்பட்டு இருக்கிறது.

புதிய அம்சம் கொண்டு பயனர்கள் ஃபாண்ட்களிடையே எளிதில் ஸ்விட்ச் செய்ய முடியும். ஏற்கனவே இந்த அம்சம் வழங்கப்பட்டு இருந்த போதிலும், தற்போது எளிதில் விரும்பிய ஃபாண்ட்களை தேர்வு செய்துவிட முடியும். இத்துடன் டெக்ஸ்ட் அலைன்மெண்ட் வசதியின் மூலம் டெக்ஸ்ட்-ஐ இடதுபுறம், வலதுபுறம் மற்றும் நடுவில் வைத்துக் கொள்ள முடியும்.

டெக்ஸ்ட் பின்னணியில் உள்ள பேக்கிரவுண்ட் நிறத்தை பயனர்கள் புதிய அம்சம் கொண்டு மாற்றிக் கொள்ளலாம். இதன் மூலம் மிகமுக்கிய டெக்ஸ்ட்-ஐ நிறம் கொண்டு வித்தியாசப்படுத்தி காண்பிக்க முடியும். அடுத்து வரும் சில வாரங்களில் புதிய டெக்ஸ்ட் எடிட் அம்சம் பலருக்கும் வழங்கப்பட இருப்பதாக WABetainfo தெரிவித்து இருக்கிறது.

இதே போன்ற அம்சம் ஐஒஎஸ் சாதனங்களிலும் டெஸ்டிங் செய்யப்பட்டு வருகிறது. எனினும், ஐஒஎஸ் பீட்டா டெஸ்டர்களுக்கு இந்த அம்சம் விரைவில் வழங்கப்படும் என எதிர்பார்க்கலாம்.

Photo Courtesy: WABetainfo