தொழில்நுட்பம்

வாட்ஸ்அப் செயலியில் புதிய ஐரோப்பிய யூனியன் விதிகளுக்கு ஏற்ற வகையில், புதிய வசதிகளை வழங்கி வருகிறது. இது குறித்த புதிய தகவல் Wabetainfo வலைதளத்தில் வெளியாகி உள்ளது. சமீபத்தில் தான் வாட்ஸ்அப் செயலியில் மல்டி-அக்கவுண்ட் அம்சம் ஆண்ட்ராய்டு பீட்டா பயனர்களுக்கு அறிமுகம் செய்யப்பட்டது.

ஐரோப்பிய யூனியன் டிஜிட்டல் மார்கெட்ஸ் சட்டத்தை இயற்றி இருக்கிறது. இந்த சட்டம் முன்னணி தொழில்நுட்ப நிறுவனங்களுக்கு கடுமையான விதிகளை பிறப்பித்து இருக்கிறது. இதில் பயனர்கள் இதர செயலிகளுடன் தகவல் பரிமாற்றம் செய்வதற்கான வசதியை வழங்குவதும் இடம்பெற்று இருக்கிறது.

முன்னணி தொழில்நுட்ப தளம் என்ற அடிப்படையில், வாட்ஸ்அப் செயலியும் டிஜிட்டல் மார்கெட்ஸ் சட்டத்திற்கு உட்பட வேண்டிய கட்டாயத்தில் இருக்கிறது. இதன் காரணமாக புதிய விதிகளுக்கு ஏற்ப செயலியை மாற்றுவதற்கான பணிகளில் வாட்ஸ்அப் ஈடுபட்டு வருகிறது. இது தொடர்பான விதிகள் வாட்ஸ்அப் ஆண்ட்ராய்டு பீட்டா 2.23.19.8 அப்டேட்டில் இடம்பெற்று இருக்கிறது.

புதிய விதிகளுக்கு ஏற்ப செயலியை மாற்றிக் கொள்வதற்கு வாட்ஸ்அப் செயலிக்கு ஆறு மாதம் கால அவகாசம் வழங்கப்படுகிறது. புதிய அம்சம் கொண்டு வேறு குறுந்தகவல் செயலியை பயன்படுத்துவோரும், வாட்ஸ்அப் பயனர்களை தொடர்பு கொண்டு குறுந்தகவல் அனுப்ப முடியும். இதன் மூலம் தகவல் தொடர்புக்கான இடைவெளி குறைந்துவிடும், ஆனாலும் என்க்ரிப்ஷன் தொழில்நுட்பத்தில் சந்தேகத்தை எழுப்பும்.

இந்த அம்சம் எவ்வாறு இயங்கும், இது தொடர்பாக ஏற்பட்டு இருக்கும் தொழில்நுட்ப விவரங்கள் மர்மமாகவே உள்ளன. எனினும், வாட்ஸ்அப் நிறுவனம் மற்ற தளங்கள் இடையேயான தகவல் பரிமாற்றத்தை ஏற்படுத்தும் சிஸ்டம்களில் முழுமையான என்ட்-டு-என்ட் என்க்ரிப்ஷன் வழங்குவதை உறுதிப்படுத்த வேண்டும். அல்லது பயனர்கள் 7-வது விதியின் கீழ் இந்த ஆப்ஷனில் இருந்து வெளியேறும் வசதியும் வழங்கப்படும் என்று தெரிகிறது.

மூன்றாம் தரப்பு செயலிகளுடன் தகவல் பரிமாற்றம் செய்வதற்கான வசதியை வழங்குவதற்கான பணிகள் நடைபெற்று வருகின்றன. இந்த வசதி செயலியின் எதிர்கால வெர்ஷனில் வழங்கப்படும் என்று கூறப்படுகிறது.

ஹெச்.எம்.டி. குளோபல் நிறுவனம் இந்திய சந்தையில் நோக்கியா G42 5ஜி ஸ்மார்ட்போனினை அறிமுகம் செய்தது. இதில் 6.56 இன்ச் HD+ 90Hz ரிப்ரெஷ் ரேட் கொண்ட டிஸ்ப்ளே, ஸ்னாப்டிராகன் 480 பிளஸ் பிராசஸர், அதிகபட்சம் 6 ஜி.பி. ரேம், 5 ஜி.பி. வரை விர்ச்சுவல் ரேம், 50MP பிரைமரி கேமரா, 2MP டெப்த் கேமரா, மேக்ரோ சென்சார்கள் மற்றும் 8MP செல்ஃபி கேமரா வழங்கப்பட்டு இருக்கிறது.

இத்துடன் ஆண்ட்ராய்டு 13 ஒ.எஸ். இரண்டு ஆண்டுகளுக்கு ஒ.எஸ். அப்டேட்கள், மூன்று ஆண்டுகளுக்கு செக்யுரிட்டி அப்டேட்கள் வழங்கப்பட இருக்கிறது. நோக்கியா G42 மாலின் பேக் கவர் 65 சதவீதம் மறு சுழற்சி செய்யப்பட்ட பொருட்களால் உருவாக்கப்பட்டு இருக்கிறது. இந்த ஸ்மார்ட்போன் 5000 எம்.ஏ.ஹெச். பேட்டரி, 20 வாட் ஃபாஸ்ட் சார்ஜிங் வசதி கொண்டிருக்கிறது.

நோக்கியா G42 5ஜி அம்சங்கள்:

6.56 இன்ச் HD+ 720x1612 பிக்சல் 90Hz ரிப்ரெஷ் ரேட் கொண்ட டிஸ்ப்ளே

கார்னிங் கொரில்லா கிளாஸ் 3

ஆக்டா கோர் ஸ்னாப்டிராகன் 480 பிளஸ் பிராசஸர்

அட்ரினோ 619 GPU

6 ஜி.பி. ரேம்

128 ஜி.பி. மெமரி

ஆண்ட்ராய்டு 13

ஹைப்ரிட் டூயல் சிம் ஸ்லாட்

50MP பிரைமரி கேமரா

2MP டெப்த் கேமரா

2MP மேக்ரோ கேமரா

8MP செல்ஃபி கேமரா

3.5mm ஆடியோ ஜாக்

பக்கவாட்டில் கைரேகை சென்சார்

5ஜி, டூயல் 4ஜி வோல்ட்இ, வைபை, ப்ளூடூத்

யு.எஸ்.பி. டைப் சி

5000 எம்.ஏ.ஹெச். பேட்டரி

20 வாட் ஃபாஸ்ட் சார்ஜிங் வசதி

நோக்கியா G42 5ஜி ஸ்மார்ட்போன் சோ கிரே மற்றும் சோ பரப்பில் என இரண்டு நிறங்களில் கிடைக்கிறது. இதன் விலை ரூ. 12 ஆயிரத்து 599 என்று நிர்ணயம் செய்யப்பட்டு உள்ளது. விற்பனை செப்டம்பர் 15-ம் தேதி அமேசான் வலைதளத்தில் துவங்குகிறது.

ஃபயர்-போல்ட் நிறுவனம் ஃபயர் பாட்ஸ் ஆரா இயர்பட்ஸ் மாடலை இந்திய சந்தையில் அறிமுகம் செய்து இருக்கிறது. முன்னதாக ஜனவரி மாத வாக்கில் அறிமுகமான ஃபயர் பாட்ஸ் நின்ஜா 601 மாடல் வரிசையில், இந்த இயர்பட்ஸ் அறிமுகமாகி இருக்கிறது.

இன்-இயர் ரக டிசைன் கொண்டிருக்கும் புதிய இயர்பட்ஸ் 10 மில்லிமீட்டர் டைனமிக் டிரைவர்கள், 3டி சரவுண்ட் சவுண்ட் பேஸ் எஃபெக்ட்களை கொண்டிருக்கிறது. இந்த இயர்பட்ஸ்-இல் குவாட் மைக் ஏ.ஐ. இ.என்.சி. வசதி உள்ளது. இது அழைப்புகளின் போது வெளிப்புற சத்தத்தை தடுத்து நிறுத்தி, தெளிவான தகவல் பரிமாற்றத்திற்கு வழி வகுக்கிறது.

புதிய ஃபயர் பாட்ஸ் ஆரா மாடலில் உள்ள பேட்டரி முழு சார்ஜ் செய்தால் 40 மணி நேரத்திற்கு பேட்டரி பேக்கப் வழங்குகிறது. இத்துடன் இதில் உள்ள ஃபாஸ்ட் சார்ஜிங் வசதி காரணமாக இதனை பத்து நிமிடங்கள் சார்ஜ் செய்தால் 100 நிமிடங்களுக்கு பிளேபேக் பெற முடியும். இதில் யு.எஸ்.பி. டைப் சி போர்ட் வழங்கப்பட்டு இருக்கிறது.

இத்துடன் 40ms வரையிலான லோ-லேடன்சி கேமிங் மோட், ப்ளூடூத் 5.3, IPX4 தர ஸ்பிலாஷ் ரெசிஸ்டண்ட் வசதி வழங்கப்பட்டு இருக்கிறது. ஃபயர்-போல்ட் ஃபயர் பாட்ஸ் ஆரா இயர்பட்ஸ் புளூ, கிரீன், பிளாக், கிரே, பின்க், வைட் மற்றும் ஸ்கை புளூ நிறங்களில் கிடைக்கிறது. இதன் விலை ரூ. 999 என்று நிர்ணயம் செய்யப்பட்டு உள்ளது. 

டெக்னோ மொபைல் நிறுவனம் இந்திய சந்தையில் தனது ஸ்பார்க் 10 ப்ரோ ஸ்மார்ட்போனின் "மூன் எக்ஸ்புளோரர் எடிஷன்" (Moon Explorer Edition) மாடலை அறிமுகம் செய்து இருக்கிறது. சந்திரயான் 3 திட்டம் வெற்றி பெற்று இருப்பதை தொடர்ந்து இந்த மாடல் அறிமுகமாகி இருக்கிறது. டெக்னோ ஸ்பார்க் 10 ப்ரோ மூன் எக்ஸ்புளோரர் எடிஷன் மாடலின் அம்சங்களில் எந்த மாற்றமும் மேற்கொள்ளப்படவில்லை.

புதிய டெக்னோ ஸ்பார்க் 10 ப்ரோ மூன் எக்ஸ்புளோரர் எடிஷன் விலை ரூ. 11 ஆயிரத்து 999 என்று நிர்ணயம் செய்யப்பட்டு உள்ளது. இந்த ஸ்மார்ட்போனிற்கான முன்பதிவு ஏற்கனவே துவங்கி நடைபெற்று வருகிறது. விற்பனை செப்டம்பர் 15-ம் தேதி துவங்க இருக்கிறது. டெக்னோ ஸ்பார்க் 10 ப்ரோ மாடலின் விலை ரூ. 12 ஆயிரத்து 499 என்று நிர்ணயம் செய்யப்பட்டு உள்ளது. 

டெக்னோ ஸ்பார்க் 10 ப்ரோ அம்சங்கள்:

6.78 இன்ச் FHD+ 90Hz ரிப்ரெஷ் ரேட்

மீடியாடெக் ஹீலியோ ஜி88 பிராசஸர்

மாலி G52 GPU

8 ஜி.பி. ரேம், 8 ஜி.பி. விர்ச்சுவல் ரேம்

128 ஜி.பி. மெமரி

மெமரியை கூடுதலாக நீட்டிக்கும் வசதி

ஆண்ட்ராய்டு 13 சார்ந்த ஹை ஒ.எஸ். 12.6

50MP டூயல் கேமரா செட்டப்

32MP செல்ஃபி கேமரா

டூயல் சிம் ஸ்லாட்

4ஜி, வைபை, ப்ளூடூத்

3.5mm ஆடியோ ஜாக்

கைரேகை சென்சார்

5000 எம்.ஏ.ஹெச். பேட்டரி

18 வாட் ஃபாஸ்ட் சார்ஜிங் வசதி

டெக்னோ ஸ்பார்க் 10 ப்ரோ மூன் எக்ஸ்புளோரர் எடிஷன் மாடல் பிளாக் அண்ட் வைட் நிறத்தில் கிடைக்கிறது. இத்துடன் லெதர் ஃபினிஷ் செய்யப்பட்டு உள்ளது. இதில் உள்ள லெதர் சுற்றுச்சூழலுக்கு பாதுகாப்பானது என்றும் இந்த ஸ்மார்ட்போனின் ஒட்டுமொத்த தோற்றம், சந்திரயான் 3 நிலவு திட்டத்தை தழுவி உருவாக்கப்பட்டு இருக்கிறது.

சியோமி நிறுவனம் இந்திய சந்தையில் இரண்டு புதிய ஸ்மார்ட்போன்களை ரெட்மி பிரான்டிங்கில் அறிமுகம் செய்தது.

ரெட்மி 12 மற்றும் ரெட்மி 12 5ஜி என இரண்டு புதிய ஸ்மார்ட்போன்களின் விலை ரூ. 10 ஆயிரத்தில் துவங்கி ரூ. 13 ஆயிரம் பட்ஜெட்டில் நிர்ணயம் செய்யப்பட்டு உள்ளது.

ரெட்மி 12 மற்றும் ரெட்மி 12 5ஜி ஸ்மார்ட்போன்கள் மூன்ஸ்டோன் சில்வர், பேஸ்டல் புளூ மற்றும் ஜேட் பிளாக் நிறங்களில் கிடைக்கிறது.

ரெட்மி 12 மாடலின் விலை ரூ. 9 ஆயிரத்து 999 என்று துவங்குகிறது. இதன் டாப் என்ட் மாடல் விலை ரூ. 11 ஆயிரத்து 499 என்று நிர்ணயம் செய்யப்பட்டு உள்ளது.

ரெட்மி 12 5ஜி மாடலின் விலை ரூ. 11 ஆயிரத்து 999 என்று துவங்கி, டாப் என்ட் மாடல் விலை ரூ. 13 ஆயிரத்து 499 என்றும் நிர்ணயம் செய்யப்பட்டு உள்ளது.

இந்த இரண்டு ஸ்மார்ட்போன்களின் விற்பனையும் கடந்த ஆகஸ்ட் 4-ம் தேதி முதல் தொடங்கியது.

பட்ஜெட் பிரெண்ட்லியில் சிறப்பு அம்சங்களுடன் கூடிய இந்த ஸ்மார்ட்போன்களை வாங்குவதற்கு மக்களும் ஆர்வம் காட்டி வருகின்றனர்.

இதனால், சியோமி நிறுவனம் விற்பனை தொடங்கி 28 நாட்களில் ஒரு மில்லியன் ரெட்மி 12 சீரீஸ் ஸ்மார்ட்போன்களை விற்பனை செய்து சாதனை படைத்துள்ளது.

இதற்கு இந்திய மக்களுக்கு நன்றி தெரிவிக்கும் விதமாக, சியோமி நிறுவனம் அதன் சியோமி இந்தியா டுவிட்டர் பக்கத்தில் பதிவு வெளியிட்டுள்ளது.

அதில், "ரெட்மி 12 சீரீஸ் விற்பனைக்கு வந்த 4 வாரங்களுக்குள் 1 மில்லியன் ஸ்மார்ட்போன்கள் விற்பனையாகியுள்ளது என்பதை அறிவிப்பதில் நாங்கள் மகிழ்ச்சியடைகிறோம்.

சியோமி, 'அனைவருக்கும் புதுமை' என்ற அர்ப்பணிப்பில் உறுதியுடன் இருப்பதை உறுதிசெய்த ரசிகர்கள், மதிப்பிற்குரிய கூட்டாளர்கள் மற்றும் ஊடக நண்பர்களின் தொடர்ச்சியான ஆதரவு மற்றும் கருத்துக்களால் இந்த மைல்கல் அடையப்பட்டுள்ளது.

நமது கூட்டு முயற்சியால், இந்தியாவின் 5ஜி புரட்சியின் தொடக்கத்தை எங்களால் தொடங்க முடிந்தது.

ஒன்றாக, நாங்கள் தொடர்ந்து புதிய பாதைகளை உருவாக்குவோம், தடைகளை உடைப்போம் மற்றும் தொழில்நுட்பத்தின் எதிர்காலத்தை மறுவரையறை செய்வோம்" என்று சியோமி இந்தியா மனமார்ந்த நன்றி தெரிவித்துள்ளது.

We are beyond thrilled to announce that, in just 28 days, #Redmi12 Series has touched the hearts of a million Indians!

This milestone wouldn't have been possible without you, our incredible #XiaomiFans!

Your unwavering support, love, and trust have fuelled this amazing… pic.twitter.com/BWJzJhejPh

— Xiaomi India (@XiaomiIndia) September 1, 2023

மோட்டோரோலா நிறுவனத்தின் புதிய மோட்டோ G54 5ஜி ஸ்மார்ட்போன் இந்திய சந்தையில் அறிமுகம் செய்யப்பட்டு இருக்கிறது. இதில் 6.5 இன்ச் HD+ 120Hz LCD ஸ்கிரீன், மீடியாடெக் டிமென்சிட்டி 7020 பிராசஸர், அதிகபட்சம் 12 ஜி.பி. ரேம் வழங்கப்பட்டு இருக்கிறது.

ஆண்ட்ராய்டு 13 ஒ.எஸ். கொண்டிருக்கும் மோட்டோ G54 5ஜி ஸ்மார்ட்போனிற்கு ஆண்ட்ராய்டு 14 மற்றும் மூன்று ஆண்டுகளுக்கு செக்யுரிட்டி அப்டேட்கள் வழங்கப்படுகிறது. புகைப்படங்களை எடுக்க 50MP பிரைமரி கேமரா, 8MP ஆட்டோஃபோக்கஸ் அல்ட்ரா வைடு கேமரா (இதுவே டெப்த் மற்றும் மேக்லோ லென்ஸ் போன்று செயல்படுகிறது) வழங்கப்பட்டு இருக்கிறது.

மோட்டோ G54 5ஜி அம்சங்கள்:

6.5 இன்ச் 2400x1080 பிக்சல் FHD+ LCD 120Hz ரிப்ரெஷ் ரேட்

பாண்டா கிளாஸ் பாதுகாப்பு

ஆக்டா கோர் மீடியாடெக் டிமென்சிட்டி 7020 பிராசஸர்

IMG BXM 8 - 256 GPU

8 ஜி.பி. LPDDR4x ரேம், 128 ஜி.பி. UFS 2.2 மெமரி

12 ஜி.பி. LPDDR4x ரேம், 256 ஜி.பி. UFS 2.2 மெமரி

மெமரியை கூடுதலாக நீட்டிக்கும் வசதி

ஹைப்ரிட் டூயல் சிம் ஸ்லாட்

ஆண்ட்ராய்டு 13 மற்றும் மை யு.எக்ஸ்.

50MP பிரைமரி கேமரா, OIS, எல்.இ.டி. ஃபிளாஷ்

8MP அல்ட்ரா வைடு கேமரா

16MP செல்ஃபி கேமரா

பக்கவாட்டில் கைரேகை சென்சார்

3.5mm ஆடியோ ஜாக், ஸ்டீரியோ ஸ்பீக்கர்கள், டால்பி அட்மோஸ்

டஸ்ட் மற்றும் ஸ்பிலாஷ் ரெசிஸ்டண்ட் (IP52)

5ஜி, டூயல் 4ஜி வோல்ட்இ, வைபை, ப்ளூடூத் 5.3

யு.எஸ்.பி. டைப் சி

6000 எம்.ஏ.ஹெச். பேட்டரி

30 வாட் டர்போ சார்ஜிங்

மோட்டோ G54 5ஜி ஸ்மார்ட்போன் மிட்நைட் புளூ, மிண்ட் கிரீன் மற்றும் பியல் புளூ நிறங்களில் கிடைக்கிறது. இதன் 8 ஜி.பி. ரேம், 128 ஜி.பி. மெமரி மாடல் விலை ரூ. 15 ஆயிரத்து 999 என்றும் 12 ஜி.பி. ரேம், 128 ஜி.பி. மெமரி மாடல் விலை ரூ. 18 ஆயிரத்து 999 என்றும் நிர்ணயம் செய்யப்பட்டு உள்ளது. இதன் விற்பனை செப்டம்பர் 13-ம் தேதி ஃப்ளிப்கார்ட் வலைதளத்தில் துவங்குகிறது.

போட் நிறுவனம் இந்திய சந்தையில் போட் வேவ் எலிவேட் ஸ்மார்ட்வாட்ச் மாடலை அறிமுகம் செய்து இருக்கிறது. புதிய ஸ்மார்ட்வாட்ச் தோற்றத்தில் ஆப்பிள் வாட்ச் அல்ட்ரா போன்றே காட்சியளிக்கிறது. இந்த வாட்ச் மெட்டாலிக் பாடி, கிரவுன், பல்வேறு நிறங்களில் கிடைக்கும் ஓசன் பேண்ட் ஸ்டிராப் உடன் கிடைக்கிறது.

இதில் 1.96 இன்ச் அளவில் பெரிய HD ஸ்கிரீன், கஸ்டமைஸ் செய்யக்கூடிய வாட்ச் ஃபேஸ்கள் வழங்கப்பட்டு உள்ளன. இத்துடன் ப்ளூடூத் காலிங் வசதி, அதிக தரமுள்ள இன்-பில்ட் மைக், டயல் பேட், காண்டாக்ட்களை ஸ்டோர் செய்து கொள்ளும் வசதி வழங்கப்பட்டு இருக்கிறது.

புதிய போட் வேவ் எலிவேட் மாடலில் உடல்நல விவரங்களை டிராக் செய்யும் வசதி வழங்கப்பட்டு இருக்கிறது. இதில் SpO2, ஸ்லீப் மற்றும் 50-க்கும் அதிக ஸ்போர்ட்ஸ் மோட்கள், IP67 தர வாட்டர் மற்றும் டஸ்ட் ரெசிஸ்டண்ட் வசதி, அதிகபட்சம் ஐந்து நாட்களுக்கு பேட்டரி பேக்கப் வழங்கும் பேட்டரி கொண்டிருக்கிறது.

இந்திய சந்தையில் புதிய போட் வேவ் எலிவேட் ஸ்மார்ட்வாட்ச் கிரே, பிளாக், கிரீன் மற்றும் ஆரஞ்சு நிறங்களில் கிடைக்கிறது. அறிமுக சலுகையாக இந்த ஸ்மார்ட்வாட்ச் ரூ. 2 ஆயிரத்து 299 விலையில் விற்பனை செய்யப்படுகிறது. இதன் விற்பனை அமேசான் வலைதளத்தில் செப்டம்பர் 6-ம் தேதி துவங்குகிறது. 

ரியல்மி நிறுவனத்தின் புதிய ரியல்மி C51 ஸ்மார்ட்போன் இந்திய சந்தையில் அறிமுகம் செய்யப்பட்டு இருக்கிறது. டூயல் டெக்ஸ்ச்சர் டிசைன் கொண்டிருக்கும் ரியல்மி C51 ஸ்மார்ட்போன் கிளாஸ் பவர் முறையில் உருவாக்கப்பட்டு இருக்கிறது. இந்த மாடலில் மினி கேப்சியுல் டிசைன் உள்ளது. இது போனின் பேட்டரி நிலவரம், டேட்டா பயன்பாட்டு விவரம் என பல்வேறு விவரங்களை காண்பிக்கிறது.

இத்துடன் 6.71 இன்ச் HD+ 1600x720 பிக்சல் ரெசல்யூஷன் கொண்ட ஸ்கிரீன், 90Hz ரிப்ரெஷ் ரேட், அதிகபட்சம் 560 நிட்ஸ் பீக் பிரைட்னஸ், யுனிசாக் டி612 ஆக்டா கோர் பிராசஸர், மாலி G57 GPU, 4 ஜி.பி. LPDDR4X ரேம், 64 ஜி.பி. மெமரி, மெமரியை கூடுதலாக நீட்டிக்கும் வசதி வழங்கப்பட்டு இருக்கிறது. புகைப்படங்களை எடுக்க 50MP பிரைமரி கேமரா, எல்.இ.டி. ஃபிளாஷ், டெப்த் சென்சார், 5MP செல்ஃபி கேமரா வழங்கப்பட்டு இருக்கிறது.

ரியல்மி C51 அம்சங்கள்:

6.7 இன்ச் 1600x720 பிக்சல் HD+ IPS LCD ஸ்கிரீன், 90Hz ரிப்ரெஷ் ரேட்

யுனிசாக் டி612 ஆக்டா கோர் பிராசஸர்

மாலி G-57 GPU

4 ஜி.பி. ரேம்

64 ஜி.பி. மெமரி

மெமரியை கூடுதலாக நீட்டிக்கும் வசதி

டூயல் சிம் ஸ்லாட்

ஆண்ட்ராய்டு 13 சார்ந்த ரியல்மி யு.ஐ. டி எடிஷன்

50MP பிரைமரி கேமரா, டெப்த் சென்சார், எல்.இ.டி. ஃபிளாஷ்

5MP செல்ஃபி கேமரா

பக்கவாட்டில் கைரேகை சென்சார்

3.5mm ஆடியோ ஜாக்

டூயல் 4ஜி வோல்ட்இ, வைபை, ப்ளூடூத் 5

யு.எஸ்.பி. டைப் சி

5000 எம்.ஏ.ஹெச். பேட்டரி

33 வாட் சூப்பர் வூக் ஃபாஸ்ட் சார்ஜிங்

ரியல்மி C51 ஸ்மார்ட்போன் மிண்ட் கிரீன் மற்றும் கார்பன் பிளாக் என இரண்டு நிறங்களில் கிடைக்கிறது. இதன் விலை ரூ. 8 ஆயிரத்து 999 என்று நிர்ணயம் செய்யப்பட்டு உள்ளது. இந்த ஸ்மார்ட்போனின் விற்பனை ரியல்மி, ஃப்ளிப்கார்ட் வலைதளங்கள் மற்றும் ஆஃப்லைன் ஸ்டோர்களில் நடைபெறுகிறது.

விவோ நிறுவனம் இந்திய சந்தையில் தனது இரண்டு ஸ்மார்ட்போன் மாடல்கள் விலையை அதிரடியாக குறைத்து இருக்கிறது. விவோ Y36 மற்றும் Y02t மாடல்களுக்கு திடீரென விலை குறைப்பு அறிவிக்கப்பட்டு இருக்கிறது. அதன்படி இரு மாடல்கள் விலையும் தற்போது முறையே ரூ. 1000 மற்றும் ரூ. 500 குறைக்கப்பட்டு இருக்கிறது. இத்துடன் விவோ Y36 மாடலை வாங்குவோருக்கு ரூ. 1000 வரை கேஷ்பேக் வழங்கப்படுகிறது.

புதிய விலை விவரங்கள்:

விவோ Y36 ஸ்மார்ட்போன் இந்திய சந்தையில் 8 ஜி.பி. ரேம், 128 ஜி.பி. மெமரி ஆப்ஷனில் மட்டுமே அறிமுகம் செய்யப்பட்டது. அப்போது இந்த மாடலின் விலை ரூ. 16 ஆயிரத்து 999 என்று நிர்ணயம் செய்யப்பட்டு இருந்தது. தற்போது ரூ. 1000 விலை குறைப்பை தொடர்ந்து இந்த மாடலின் விலை ரூ. 15 ஆயிரத்து 999 என்று மாறி இருக்கிறது.

இத்துடன் ஐ.சி.ஐ.சி.ஐ., எஸ்.பி.ஐ. கார்டு, ஐ.டி.எஃப்.சி. ஃபர்ஸ்ட், ஃபெடரல் வங்கி, எஸ் (YES) வங்கி, பேங்க் ஆஃப் பரோடா மற்றும் இண்டஸ்இண்ட் வங்கி உள்ளிட்டவைகளின் கார்டுகளை பயன்படுத்தும் போது ரூ. 1000 கேஷ்பேக் பெறலாம். இதுதவிர வி ப்ரோடெக்ஷன் சலுகைகளும் வழங்கப்படுகிறது.

விவோ Y02t மாடலும் 4 ஜி.பி. ரேம், 64 ஜி.பி. மெமரி ஆப்ஷனில் கிடைக்கிறது. இதன் விலை முன்னதாக ரூ. 9 ஆயிரத்து 999 என்று நிர்ணயம் செய்யப்பட்டு இருந்த நிலையில், தற்போது ரூ. 9 ஆயிரத்து 499 என்று மாறி இருக்கிறது.

எனினும், இந்த மாடலை வாங்குவோருக்கு வங்கி சலுகைகள் எதுவும் வழங்கப்படவில்லை. இரு மால்களின் விற்பனையும் ப்ளிப்கார்ட், விவோ இந்தியா இ-ஸ்டோர் மற்றும் சில்லறை விற்பனை மையங்களில் நடைபெறுகிறது.

மோட்டோரோலா நிறுவனம் இந்திய சந்தையில் தனது புதிய மோட்டோ G84 5ஜி ஸ்மார்ட்போனினை அறிமுகம் செய்தது. இதில் 6.55 இன்ச் FHD+ 120Hz pOLED ஸ்கிரீன், ஸ்னாப்டிராகன் 695 பிராசஸர், அதிகபட்சம் 12 ஜி.பி. ரேம் வழங்கப்பட்டு இருக்கிறது. ஆண்ட்ராய்டு 13 ஒ.எஸ். கொண்டிருக்கும் மோட்டோ G84 5ஜி மாடல் ஆண்ட்ராய்டு 14 அப்டேட் மற்றும் மூன்று ஆண்டுகளுக்கு செக்யுரிட்டி அப்டேட்களை பெறும் என்று அறிவிக்கப்பட்டு இருக்கிறது.

புகைப்படங்களை எடுக்க 50MP பிரைமரி கேமரா, 8MP ஆட்டோஃபோக்கஸ் அல்ட்ரா வைடு கேமரா மற்றும் 16MP செல்ஃபி கேமரா வழங்கப்பட்டு இருக்கிறது. இதில் உள்ள அல்ட்ரா வைடு கேமராவே டெப்த் சென்சார், மேக்ரோ ஆப்ஷனை வழங்குகிறது. இன்-டிஸ்ப்ளே கைரேகை சென்சார் கொண்டிருக்கும் மோட்டோ G84 5ஜி மாடல் 5000 எம்.ஏ.ஹெச். பேட்டரி மூலம் சக்தியூட்டப்படுகிறது. இத்துடன் 30 வாட் டர்போ சார்ஜிங் வசதி வழங்கப்பட்டு இருக்கிறது.

மோட்டோ G84 5ஜி அம்சங்கள்:

6.55 இன்ச் 2400x1080 பிக்சல் FHD+ pOLED டிஸ்ப்ளே, 120Hz ரிப்ரெஷ் ரேட்

ஆக்டாகோர் ஸ்னாப்டிராகன் 695 பிராசஸர்

அட்ரினோ 619L GPU

12 ஜி.பி. LPDDR4x ரேம்

256 ஜி.பி. UFS 2.2 ஸ்டோரேஜ்

மெமரியை கூடுதலாக நீட்டிக்கும் வசதி

டூயல் சிம் ஸ்லாட்

ஆண்ட்ராய்டு 13 மற்றும் மை யு.எக்ஸ்.

50MP பிரைமரி கேமரா, OIS

8MP அல்ட்ரா வைடு / டெப்த் கேமரா / மேக்ரோ ஆப்ஷன்

16MP செல்ஃபி கேமரா

பக்கவாட்டில் கைரேகை சென்சார்

3.5mm ஆடியோ ஜாக், ஸ்டீரியோ ஸ்பீக்கர்கள்

டால்பி அட்மோஸ், டூயல் மைக்ரோபோன்

வாட்டர் ரெசிஸ்டண்ட்

5ஜி, டூயல் 4ஜி வோல்ட்இ, வைபை, ப்ளூடூத் 5.1

யு.எஸ்.பி. டைப் சி

5000 எம்.ஏ.ஹெச். பேட்டரி

30 வாட் டர்போ சார்ஜிங் வசதி

விலை மற்றும் விற்பனை விவரங்கள்:

மோட்டோ G84 5ஜி ஸ்மார்ட்போன் 12 ஜி.பி. ரேம், 256 ஜிபி. மெமரி என ஒற்றை வேரியண்டில் மட்டுமே கிடைக்கிறது. இதன் விலை ரூ. 19 ஆயிரத்து 999 என்று நிர்ணயம் செய்யப்பட்டு உள்ளது. இதன் விற்பனை செப்டம்பர் 8-ம் தேதி துவங்குகிறது. ஐ.சி.ஐ.சி.ஐ. வங்கி கிரெடிட் கார்டு பயன்படுத்தும் போது ரூ. 1000 உடனடி தள்ளுபடி, எக்சேன்ஜ் சலுகையாக ரூ. 1000 தள்ளுபடி வழங்கப்படுகிறது.

ஐகூ நிறுவனம் தனது ஐகூ Z7 ப்ரோ ஸ்மார்ட்போனினை இந்திய சந்தையில் அறிமுகம் செய்தது. இதில் 6.78 இன்ச் FHD+ 120Hz 3D வளைந்த AMOLED டிஸ்ப்ளே, மீடியாடெக் டிமென்சிட்டி 7200 பிராசஸர், 8 ஜி.பி. ரேம், 8 ஜி.பி. வரை விர்ச்சுவல் ரேம் வழங்கப்பட்டு இருக்கிறது. புகைப்படங்களை எடுக்க 64MP பிரைமரி கேமரா, OIS, 2MP இரண்டாவது லென்ஸ், ரிங் எல்.இ.டி., 16MP செல்ஃபி கேமரா வழங்கப்பட்டுள்ளது.

இத்துடன் 4600 எம்.ஏ.ஹெச். பேட்டரி, 66 வாட் ஃபாஸ்ட் சார்ஜிங் வசதி வழங்கப்பட்டு இருக்கிறது. இந்த ஸ்மார்ட்போனினை 22 நிமிடங்களில் 50 சதவீதம் வரை சார்ஜ் செய்துவிட முடியும்.

ஐகூ Z7 ப்ரோ அம்சங்கள்:

6.78 இன்ச் 2400x1080 பிக்சல் FHD+ AMOLED ஸ்கிரீன், 120Hz ரிப்ரெஷ் ரேட்

ஆக்டாகோர் மீடியாடெக் டிமென்சிட்டி 7200 பிராசஸர்

மாலி-G610 MC4 GPU

8 ஜி.பி. LPDDR4X ரேம்

128 ஜி.பி. / 256 ஜி.பி. UFS 2.2 மெமரி

ஆண்ட்ராய்டு 13 மற்றும் ஃபன்டச் ஒ.எஸ். 13

டூயல் சிம் ஸ்லாட்

டஸ்ட் மற்றும் ஸ்பிலாஷ் ரெசிஸ்டண்ட்

5ஜி, டூயல் 4ஜி வோல்ட்இ, வைபை, ப்ளூடூத்

யு.எஸ்.பி. டைப் சி

4600 எம்.ஏ.ஹெச். பேட்டரி

66 வாட் ஃபாஸ்ட் சார்ஜிங்

விலை மற்றும் விற்பனை விவரங்கள்:

ஐகூ Z7 ப்ரோ ஸ்மார்ட்போன் புளூ லகூன் மற்றும் கிராஃபைட் மேட் நிறங்களில் கிடைக்கிறது. இதன் 8 ஜி.பி. ரேம், 128 ஜி.பி. மெமரி மாடல் விலை ரூ. 23 ஆயிரத்து 999 மற்றும் 8 ஜி.பி. ரேம், 256 ஜி.பி. மெமரி மாடல் விலை ரூ. 24 ஆயிரத்து 999 என்று நிர்ணயம் செய்யப்பட்டு உள்ளது. இதன் விற்பனை அமேசான் மற்றும் ஐகூ வலைதளங்களில் செப்டம்பர் 5-ம் தேதி துவங்குகிறது.

எக்ஸ் (முன்பு டுவிட்டர்) தளத்தில் பயனர்கள் விரைவில் ஆடியோ மற்றும் வீடியோ கால்களை மேற்கொள்ள முடியும் என்று அதன் உரிமையாளரான எலான் மஸ்க் தெரிவித்து இருக்கிறார். இந்த அம்சம் எக்ஸ் சேவையின் ஐ.ஒ.எஸ்., ஆண்ட்ராய்டு, மேக் மற்றும் விண்டோஸ் உள்ளிட்ட தளங்களில் வழங்கப்படும் என்று தெரிகிறது.

இது தொடர்பான அறிவிப்பை எலான் மஸ்க் தனது எக்ஸ் பதிவில் குறிப்பிட்டு இருக்கிறார். அதில், வீடியோ மற்றும் ஆடியோ கால்கள் வழங்கப்படுவதாக அவர் தெரிவித்து இருக்கிறார். அதன்படி பயனர்கள் மொபைல் போன் நம்பர்கள் இல்லாமல் தங்களின் யூசர்நேம் கொண்டே அழைப்புகளை மேற்கொள்ள முடியும்.

முன்னதாக எக்ஸ் நிறுவன தலைமை செயல் அதிகாரி லிண்டா யாக்கரினோ இந்த அம்சம் வழங்கப்படுவதற்கான பணிகளில் ஈடுபட்டு வருவதை தெரிவித்து இருந்தார். இதைத் தொடர்ந்து எக்ஸ் தளத்தின் டிசைனரான ஆண்ட்ரியா கான்வே - புதிய வீடியோ காலிங் ஆப்ஷன் பற்றிய படங்களை பகிர்ந்து இருக்கிறார்.

மேலும் எக்ஸ் தளத்தில் போலி அழைப்புகளை தடுப்பதற்கான கட்டுப்பாடுகளை விதிக்கும் பணிகளும் நடைபெற்று வருகிறது. எனினும், இந்த வசதிகளை பிரீமியம் சந்தா இல்லாதவர்கள் பயன்படுத்த முடியாது என்றே தெரிகிறது. தற்போது எக்ஸ் தளத்தில் "ஸ்பேசஸ்" எனும் அம்சம் கொண்டு பயனர்கள் உரையாடல்களை மேற்கொள்ளும் வசதி வழங்கப்பட்டு இருக்கிறது.

இந்த நிலையில், புதிய அழைப்புகளுக்கான வசதி கொண்டு எக்ஸ் தளம் புளூஸ்கை மற்றும் திரெட்ஸ் போன்ற சேவைகளில் இருந்து வித்தியாசப்படுத்திக் கொள்ள முடியும். எலான் மஸ்க்-இன் எல்லாவற்றுக்குமான செயலியை உருவாக்கும் திட்டத்தின் அங்கமாக புதிய அழைப்புகளுக்கான வசதி பார்க்கப்படுகிறது.