தொழில்நுட்பம்

ஆப்பிள் நிறுவனம் தனது ஐபோன் 15 சீரிஸ் மாடல்களின் வெளியீட்டு தேதியை உறுதிப்படுத்தி இருக்கிறது. அதன்படி செப்டம்பர் 12-ம் தேதி நடைபெறும் நிகழ்வில் ஆப்பிள் நிறுவனம் தனது புதிய ஐபோன் மாடல்களை அறிமுகம் செய்ய முடிவெடுத்துள்ளது. இந்த நிகழ்வு ஆப்பிள் அதிகாரப்பூர்வ சேனல்களில் நேரலை செய்யப்படுகிறது.

இந்திய நேரப்படி செப்டம்பர் 12-ம் தேதி இரவு 10.30 மணிக்கு ஐபோன் 15 சீரிஸ் அறிமுக நிகழ்வு துவங்க இருக்கிறது. ஆப்பிள் நிறுவனம் ஐபோன் 15 சீரிஸ் மாடல்களை இந்த நிகழ்வில் அறிமுகம் செய்ய இருக்கிறது. இதுதவிர பல்வேறு இதர சாதாகனங்கள் மற்றும் ஆப்பிள் சேவைகள் பற்றிய அறிவிப்புகள் இந்த நிகழ்வில் வெளியாகும் என்று எதிர்பார்க்கலாம்.

ஐபோன் 15 சீரிசில் ஐபோன் 15, ஐபோன் 15 பிளஸ், ஐபோன் 15 ப்ரோ, ஐபோன் 15 ப்ரோ மேக்ஸ் என நான்கு மாடல்கள் இடம்பெற்று இருக்கும் என்று தெரிகிறது. புதிய ஐபோன் 15 சீரிஸ் பற்றிய விவரங்கள் பலமுறை இணையத்தில் லீக் ஆகி இருக்கின்றன. அந்த வகையில், புதிய ஐபோன் 15 சீரிஸ் மாடல்களில் லைட்னிங் போர்ட்-க்கு மாற்றாக யு.எஸ்.பி. டைப் சி போர்ட் வழங்கப்படும் என்று தெரிகிறது.

ஐபோன்கள் மட்டுமின்றி ஆப்பிள் நிறுவனம் இரண்டு புதிய ஸ்மார்ட்வாட்ச் மாடல்களையும் அறிமுகம் செய்ய இருப்பதாக கூறப்படுகிறது. இவை ஆப்பிள் வாட்ச் சீரிஸ் 9 மற்றும் ஆப்பிள் வாட்ச் அல்ட்ரா 2 என்ற பெயர்களில் அறிமுகம் செய்யப்படலாம். இது ஆப்பிள் வாட்ச் சீரிஸ் 8 மாடலின் மேம்பட்ட வெர்ஷனாக இருக்கும் என்று தெரிகிறது.

புதிய இரண்டாம் தலைமுறை ஆப்பிள் வாட்ச் அல்ட்ரா மாடல் 3டி ப்ரின்டிங் தொழில்நுட்பத்தின் மூலம் உருவாக்கப்படும் என்று கூறப்படுகிறது. இந்த ஸ்மார்ட்வாட்ச்-இன் தோற்றம் கிட்டத்தட்ட அதன் முந்தைய வெர்ஷனை போன்றே காட்சியளிக்கும் என்று தெரிகிறது.

ஒப்போ நிறுவனத்தின் புதிய ஃபைண்ட் N3 ஃப்ளிப் போன் அறிமுகம் செய்யப்பட்டது. இது ஒப்போ நிறுவனத்தின் முற்றிலும் புதிய ஃப்ளிப் போன் ஆகும். இதில் 6.8 இன்ச் FHD+ AMOLED ஸ்கிரீன், 120Hz வரையிலான ரிப்ரெஷ் ரேட் வழங்கப்படுகிறது. இத்துடன் 3.26 இன்ச் 60Hz வரையிலான ரிப்ரெஷ் ரேட் கொண்ட AMOLED டிஸ்ப்ளே வழங்கப்பட்டு இருக்கிறது.

இந்த ஃப்ளிப் போனில் மிகக் குறைந்த மற்றும் உறுதியான செங்குத்தான ஹின்ஜ் வழங்கப்பட்டு இருக்கிறது. இது ஏரோஸ்பேஸ் தரம் கொண்ட MIM அலாய் மூலம் உருவாக்கப்பட்டு இருக்கிறது. இந்த ஃப்ளிப் போன் ரெயின்லாந்து சான்று பெற்று இருப்பதாக ஒப்போ நிறுவனம் அறிவித்துள்ளது.

இந்த மாடலிலும் 50MP பிரைமரி கேமரா, 48MP அல்ட்ரா வைடு ஆங்கில் லென்ஸ், 4செ.மீ. வரையிலான மேக்ரோ ஆப்ஷன், 32MP டெலிபோட்டோ கேமரா, 32MP செல்ஃபி கேமரா வழங்கப்பட்டு உள்ளது. இந்த ஃப்ளிப் போன் மீடியாடெக் டிமென்சிட்டி 9200 பிராசஸர், அதிகபட்சம் 12 ஜி.பி. வரை LPDDR5x ரேம், 512 ஜி.பி. வரையிலான UFS 4.0 ஸ்டோரேஜ் வழங்கப்படுகிறது.

ஒப்போ ஃபைண்ட் N3 ஃப்ளிப் அம்சங்கள்:

6.8 இன்ச் 2520x1080 பிக்சல் FHD+ E6 AMOLED டிஸ்ப்ளே, 120Hz ரிப்ரெஷ் ரேட்

3.26 இன்ச் 720x382 பிக்சல் AMOLED டிஸ்ப்ளே

கார்னிங் கொரில்லா கிளாஸ் விக்டஸ் பாதுகாப்பு

ஆக்டா கோர் மீடியாடெக் டிமென்சிட்டி 9200 பிராசஸர்

இமார்டலிஸ் G715 11-கோர் GPU

12 ஜி.பி. LPDDR5x மெமரி

256 / 512 UFS 3.1 ஜி.பி. மெமரி

ஆண்ட்ராய்டு 13 மற்றும் கலர்ஒ.எஸ். 13.2

50MP பிரைமரி கேமரா

48MP அல்ட்ரா வைடு லென்ஸ்

32MP டெலிபோட்டோ கேமரா

32MP செல்ஃபி கேமரா

பக்கவாட்டில் கைரேகை சென்சார்

5ஜி, 4ஜி, வைபை, ப்ளூடூத் 5.3

யு.எஸ்.பி. டைப் சி

யு.எஸ்.பி. டைப் சி ஆடியோ, ஸ்டீரியோ ஸ்பீக்கர்கள்

4300 எம்.ஏ.ஹெச். பேட்டரி

44 வாட் சூப்பர்வூக் ஃபிளாஷ் சார்ஜ்

விலை மற்றும் விற்பனை விவரங்கள்:

ஒப்போ ஃபைண்ட் N3 ஃப்ளிப் மாடல் மூன்லைட், ரோஸ் மற்றும் பிளாக் நிறங்களில் கிடைக்கிறது. இதன் விலை 6 ஆயிரத்து 799 யுவான்கள், இந்திய மதிப்பில் ரூ. 77 ஆயிரத்து 120 என்று நிர்ணயம் செய்யப்பட்டு உள்ளது.

விவோ நிறுவனத்தின் புதிய விவோ V29e ஸ்மார்ட்போன் இந்திய சந்தையில் அறிமுகம் செய்யப்பட்டது. இதில் 6.78 இன்ச் FHD+ 120Hz ரிப்ரெஷ் ரேட் கொண்ட வளைந்த AMOLED டிஸ்ப்ளே, குவால்காம் ஸ்னாப்டிராகன் 695 பிராசஸர், அதிகபட்சம் 8 ஜி.பி. ரேம், 8 ஜி.பி. வரை விர்ச்சுவல் ரேம் வழங்கப்பட்டு இருக்கிறது.

ஆர்டிஸ்டிக் டிசைன் கொண்டிருக்கும் விவோ V29e ஸ்மார்ட்போனின் பின்புறம் டைமன்ட் கட் க்ரிஸ்டல் மற்றும் ஷிம்மரிங் டெக்ஸ்ச்சர் உள்ளது. இவை ஸ்மார்ட்போனிற்கு ஆடம்பர தோற்றத்தை வழங்குகிறது. இதன் ஆர்டிஸ்டிக் ரெட் நிற வேரியண்ட் நிறம் மாறும் கிளாஸ் கொண்டிருக்கிறது. இது யு.வி. அல்லது சூரிய வெளிச்சம் படும் போது ரெட்-இல் இருந்து பிளாக் நிறத்திற்கு மாறிவிடும்.

விவோ V29e அம்சங்கள்:

6.78 இன்ச் 2400x1080 பிக்சல் FHD+ AMOLED ஸ்கிரீன், 120Hz ரிப்ரெஷ் ரேட்

ஆக்டாகோர் ஸ்னாப்டிராகன் 695 பிராசஸர்

அட்ரினோ 619L GPU

8 ஜி.பி. LPDDR4x ரேம், 128 ஜி.பி. / 256 ஜி.பி. UFS 2.2 மெமரி

மெமரியை கூடுதலாக நீட்டிக்கும் வசதி

ஹைப்ரிட் டூயல் சிம் ஸ்லாட்

ஆண்ட்ராய்டு 13 மற்றும் ஃபன்டச் ஒ.எஸ். 13

64MP பிரைமரி கேமரா, OIS

8MP அல்ட்ரா வைடு கேமரா

50MP AF செல்ஃபி கேமரா

இன்-டிஸ்ப்ளே கைரேகை சென்சார்

யு.எஸ்.பி. டைப் சி ஆடியோ

5ஜி, டூயல் 4ஜி வோல்ட்இ, வைபை 6, ப்ளூடூத் 5.1

யு.எஸ்.பி. டைப் சி

5000 எம்.ஏ.ஹெச். பேட்டரி

44 வாட் ஃபாஸ்ட் சார்ஜிங் வசதி

விலை மற்றும் விற்பனை விவரங்கள்:

விவோ V29e ஸ்மார்ட்போன் ஆர்டிஸ்டிக் ரெட் மற்றும் ஆர்டிஸ்டிக் புளூ நிறங்களில் கிடைக்கிறது. இந்த ஸ்மார்ட்போனின் 8 ஜி.பி. ரேம், 128 ஜி.பி. மெமரி மாடல் விலை ரூ. 26 ஆயிரத்து 999 என்றும் 8 ஜி.பி. ரேம், 256 ஜி.பி. மெமரி மாடல் விலை ரூ. 28 ஆயிரத்து 999 என்று நிர்ணயம் செய்யப்பட்டு உள்ளது. இந்த ஸ்மார்ட்போனின் விற்பனை விவோ, ப்ளிப்கார்ட் வலைதளங்கள் மற்றும் ஆஃப்லைன் ஸ்டோர்களில் செப்டம்பர் 7-ம் தேதி துவங்குகிறது.

ரியல்மி நிறுவனத்தின் GT 5 ஸ்மார்ட்போன் நாளை (ஆகஸ்ட் 28) சீன சந்தையில் அறிமுகம் செய்யப்பட இருக்கிறது. வெளியீட்டுக்கு முன் ரியல்மி நிறுவனம் புதிய GT 5 ஸ்மார்ட்போனிற்கான அம்சங்கள் பற்றி அறிவித்து இருக்கிறது. ஏற்கனவே இந்த மாடலில் வழங்கப்படும் அம்சகள் அறிவிக்கப்பட்டு வந்த நிலையில், தற்போது புதிய தகவல்கள் வெளியாகி உள்ளன.

அந்த வகையில் ரியல்மி GT 5 ஸ்மார்ட்போன் சோனி IMX890 50MP பிரைமரி கேமரா, OIS வழங்கப்படுவது உறுதியாகி இருக்கிறது. இத்துடன் 2MP மேக்ரோ கேமரா, 8MP அல்ட்ரா வைடு லென்ஸ் உள்ளிட்ட சென்சார்கள் வழங்கப்படும் என்று தெரிகிறது. கேமரா தவிர புதிய ரியல்மி GT 5 மாடலில் வைபை 7 கனெக்டிவிட்டி, ப்ளூடூத் போன்ற வசதிகள் வழங்கப்படலாம்.

புதிய ரியல்மி GT 5 மாடலில் மேம்பட்ட டிரிபில்-ஃபிரீக்வனசி ஜி.பி.எஸ். பொசிஷன் சிஸ்டம் வழங்கப்படுகிறது. இது மூன்று ஜி.பி.எஸ். ஃபிரீக்வனசிக்கள்- L1, L2 மற்றும் L5 உள்ளிட்டவைகளை நான்கு-ஃபிரீக்வன்சி பெய்டௌவுடன் ஒன்றிணைக்கிறது. இதன் மூலம் நேவிகேஷன் அதிக துல்லியமாக இருக்கும்.

மற்ற அம்சங்களை பொருத்தவரை ரியல்மி GT 5 மாடலில் 6.7 இன்ச் OLED FHD+ 144Hz ரிப்ரெஷ் ரேட், குவால்காம் நிறுவனத்தின் ஸ்னாப்டிராகன் 8 ஜென் 2 பிராசஸர், அதிகபட்சம் 24 ஜி.பி. வரை LPDDR5x ரேம், 1 டி.பி. வரையிலான UFS 4.0 ஸ்டோரேஜ் வழங்கப்படுகிறது. இவற்றுடன் ஆண்ட்ராய்டு 13 சார்ந்த ரியல்மி யு.ஐ. 4.0 வழங்கப்படும் என்று தெரிகிறது.

பேட்டரி மற்றும் சார்ஜிங் அடிப்படையில், ரியல்மி GT 5 ஸ்மார்ட்போன் 4600 எம்.ஏ.ஹெச். பேட்டரி, 240 வாட் ஃபாஸ்ட் சார்ஜிங் மற்றும் 5240 எம்.ஏ.ஹெச். பேட்டரி மற்றும் 150 வாட் ஃபாஸ்ட் சார்ஜிங் என இரண்டு விதமான ஆப்ஷன்களில் கிடைக்கும் என்று தெரிகிறது. 

சியோமி நிறுவனம் தனது ரெட்மி நோட் 12 ப்ரோ 5ஜி மற்றும் ரெட்மி நோட் 12 ப்ரோ பிளஸ் 5ஜி மாடல்களின் மேம்பட்ட வெர்ஷன்களை உருவாக்கும் பணிகளில் ஈடுபட்டு வருகிறது. ரெட்மி நோட் 12 ப்ரோ சீரிஸ் மாடல்கள் மார்ச் மாதம் அறிமுகம் செய்யப்பட்ட நிலையில், புதிய ரெட்மி நோட் 13 ப்ரோ சீரிஸ் விவரங்கள் TENAA வலைதளத்தில் லீக் ஆகி இருக்கின்றன.

அதன்படி ரெட்மி நோட் 13 ப்ரோ மாடல் ரெட்மி நோட் 12 ப்ரோ ஸ்மார்ட்போனின் மேம்பட்ட வெர்ஷனாக அறிமுகம் செய்யப்பட இருக்கிறது. இதில் 6.67 இன்ச் OLED டிஸ்ப்ளே மற்றும் 5020 எம்.ஏ.ஹெச். பேட்டரி வழங்கப்படும் என்று தெரிகிறது. டிப்ஸ்டரான டிஜிட்டல் சாட் ஸ்டேஷன் வெளியிட்டு இருக்கும் தகவல்களில் இரண்டு புதிய ரெட்மி ஸ்மார்ட்போன்களின் விவரங்கள் TENAA வலைதளத்தில் இடம்பெற்றுள்ளன.

ரெட்மி நோட் 13 ப்ரோ மற்றும் ரெட்மி நோட் 13 ப்ரோ பிளஸ் மாடல்கள் TENAA வலைதளத்தில் 2312DRA50C எனும் மாடல் நம்பர் கொண்டிருக்கிறது. இதில் இரண்டு ஸ்மார்ட்போன்களிலும் 6.67 இன்ச் OLED டிஸ்ப்ளே, ரெட்மி நோட் 13 ப்ரோ பிளஸ் மாடலில் 1 டி.பி. வரையிலான மெமரி, 18 ஜி.பி. ரேம் வழங்கப்படுகிறது. ரெட்மி நோட் 13 ப்ரோ மாடலில் அதிகபட்சம் 16 ஜி.பி. வரையிலான ரேம் வழங்கப்படும் என்று தெரிகிறது.

TENAA வலைதள விவரங்களின் படி இந்த ஸ்மார்ட்போன்கள் நான்குவித ஸ்டோரேஜ் மற்றும் ரேம் ஆப்ஷன்களில் கிடைக்கும் என்று கூறப்படுகிறது. மேலும் இவற்றில் 200MP பிரைமரி கேமரா, 8MP அல்ட்ரா வைடு சென்சார், 2MP மேக்ரோ கேமரா மற்றும் 16MP செல்ஃபி கேமரா வழங்கப்படுகிறது. ரெட்மி நோட் 13 ப்ரோ மற்றும் நோட் 13 ப்ரோ பிளஸ் மாடல்களில் முறையே 5020 எம்.ஏ.ஹெச். பேட்டரி மற்றும் 4880 எம்.ஏ.ஹெச். பேட்டரி வழங்கப்படுகிறது.

போட் நிறுவனம் கடந்த மாதம் இந்திய சந்தையில் அறிமுகம் செய்த தனது, போட் ஸ்மார்ட் ரிங் மாடலின் விலையை தற்போது அறிவித்து இருக்கிறது. மெல்லிய டிசைன், செராமிக் மற்றும் மெட்டல் மூலம் உருவாக்கப்பட்டு இருக்கும் போட் ஸ்மார்ட் ரிங் குறைந்த எடை, அதிக சவுகரியம் மற்றும் எளிதில் அணியக்கூடிய வகையிலான டிசைன் கொண்டிருக்கிறது.

பயனர் உடல்நல விவரங்களை மிக துல்லியமாக டிராக் செய்வதற்கு ஏற்ற வகையில் ஏராளமான அதிநவீன அம்சங்களை இந்த ஸ்மார்ட் ரிங் கொண்டிருக்கிறது. இத்துடன் 5ATM தர வாட்டர் மற்றும் ஸ்வெட் ரெசிஸ்டன்ட் வசதி வழங்கப்பட்டுள்ளது. புதிய போட் ஸ்மார்ட் ரிங் மாடல் சமீபத்தில் அறிமுகம் செய்யப்பட்ட அல்ட்ரா-ஹியுமன் ரிங் ஏர் மாடலுக்கு போட்டியாக அமைகிறது.

போட் ஸ்மார்ட் ரிங் அம்சங்கள்:

அன்றாட உடல்நல அசைவுகளை டிராக் செய்யும் வசதி

ஹார்ட் ரேட் மானிட்டரிங்

பாடி ரிக்கவரி டிராக்கிங்

டெம்பரேச்சர் மானிட்டரிங்

SpO2 மானிட்டரிங்

ஸ்லீப் மானிட்டரிங்

மென்ஸ்டுரல் டிராக்கர்

ஸ்மார்ட் டச் கன்ட்ரோல்

போட் ரிங் ஆப் சப்போர்ட்

புதிய போட் ஸ்மார்ட் ரிங் விரைவில் போட் அதிகாரப்பூர்வ வலைதளம், அமேசான் மற்றும் ப்ளிப்கார்ட் வலைதளங்களில் ஆகஸ்ட் 28-ம் தேதி மதியம் 12 மணிக்கு விற்பனைக்கு வருகிறது. இதன் விலை ரூ. 8 ஆயிரத்து 999 என்று நிர்ணயம் செய்யப்பட்டு உள்ளது.

ஹானர் பிரான்டு இந்திய சந்தையில் ரி என்ட்ரி கொடுக்கப் போவதாக கடந்த சில மாதங்களாக தகவல்கள் வெளியாகி வந்தன. இதன் பிறகு ஹானர் இந்திய ஸ்மார்ட்போன் சந்தையில் மீண்டும் களமிறங்குவதை உறுதிப்படுத்தியது. இந்த நிலையில் ஹானர் பிரான்டின் முதல் ஸ்மார்ட்போன் ஹானர் 90 என்ற பெயரில் அறிமுகமாகும் என்று தகவல் வெளியாகி உள்ளது.

மேலும், இந்திய சந்தையில் களமிறங்கும் போதே நாடு முழுக்க சுமார் 150 சர்வீஸ் சென்டர்களை வைத்திருக்க ஹானர் பிராண்டு முடிவு செய்திருப்பதாக கூறப்படுகிறது. ஹானர் இந்தியாவின் யுத்திகளை மாதவ் சேத் ஒவ்வொன்றாக அறிவித்து வருவதை வாடிக்கையாக கொண்டிருக்கிறார். இவரின் பிரபல ஆஸ்க் மாதவ் என்ற சமூக வலைதள உரையாடல் நிகழ்வில் இதனை அவ்வப்போது தெரிவித்து வருகிறார்.

அந்த வகையில் சமீபத்திய ஆஸ்க் மாதவ் நிகழ்வில், ரிபிராண்டு செய்யப்பட்ட ஹானர் 90 இந்திய வெர்ஷன் இந்திய சந்தையில் அறிமுகம் செய்யப்படலாம் என்று அவர் தெரிவித்துள்ளார். மேலும் இந்தியாவில் அறிமுகமாகும் ஹானர் ஸ்மார்ட்போன்கள் கூகுள் சேவைகளை கொண்டிருக்கும் என்றும், ஆண்ட்ராய்டு 13 ஒ.எஸ். கொண்டிருக்கும் என்றும் அவர் தெரிவித்துள்ளார்.

ரியல்மி நிறுவனம் தனது ரியல்மி C51 ஸ்மார்ட்போனினை விரைவில் இந்திய சந்தையில் அறிமுகம் செய்ய இருக்கிறது. இது அந்நிறுவனத்தின் புதிய C சீரிஸ் மாடல் ஆகும். புதிய ஸ்மார்ட்போனிற்கான டீசர்களில் சாம்பியன் வருகிறது (Champion is coming) என்ற வார்த்தை இடம்பெற்று இருக்கிறது. புதிய ஸ்மார்ட்போன் முந்தைய மாடலை விட சிறப்பானதாக இருக்கும் என்று ரியல்மி தெரிவித்து உள்ளது.

டீசர்களின் படி ரியல்மி C51 ஸ்மார்ட்போன் நாட்ச் மற்று்ம மினி கேப்சியுல் கொண்டிருப்பது தெரியவந்துள்ளது. முன்னதாக இதே போன்ற வசதி ரியல்மி C55 மற்றும் ரியல்மி C33 போன்ற மாடல்களில் வழங்கப்பட்டு இருப்பது குறிப்பிடத்தக்கது. சமீபத்தில் தான் ரியல்மி C51 ஸ்மார்ட்போன் தாய்வானில் அறிமுகம் செய்யப்பட்டது.

தாய்வான் மட்டுமின்றி இந்தோனேசியா, கம்போடியா மற்றும் பல்வேறு நாடுகளில் இந்த ஸ்மார்ட்போனின் விற்பனை நடைபெற்று வருகிறது. ரியல்மி C51 ஸ்மார்ட்போனில் 6.7 இன்ச் HD+ 90Hz LCD ஸ்கிரீன், 5MP பிரைமரி கேமரா, யுனிசாக் T612 பிராசஸர், 4 ஜிபி ரேம், பக்கவாட்டில் கைரேகை சென்சார் வழங்கப்பட்டு இருக்கிறது.

புகைப்படங்களை எடுக்க 50MP பிரைமரி கேமரா, டெப்த் சென்சார் மற்றும் 5000 எம்.ஏ.ஹெச். பேட்டரி, 33 வாட் சூப்பர்வூக் ஃபாஸ்ட் சார்ஜிங் வசதி வழங்கப்பட்டுள்ளது. ரியல்மி C51 மாடல் மின்ட் கிரீன் மற்றும் கார்பன் பிளாக் நிறங்களில் கிடைக்கிறது. இதன் விலை ரூ. 10 ஆயிரம் பட்ஜெட்டிற்குள் நிர்ணயம் செய்யப்படும் என்று தெரிகிறது.

விற்பனை ரியல்மி மற்றும் ப்ளிப்கார்ட் வலைதளங்கள் மற்றும் ஆஃப்லைன் ஸ்டோர்களில் நடைபெற இருக்கிறது. இதன் வெளியீடு செப்டம்பர் மாத துவக்கத்தில் நடைபெறும் என்று எதிர்பார்க்கலாம். இது பற்றிய சரியான தேதி விரைவில் அறிவிக்கப்படலாம். 

நிலவின் தென் துருவத்தில் தரையிறங்கிய முதல் நாடு என்ற வரலாற்று சாதனையை இந்தியா படைத்தது. இதனை கொண்டாடும் வகையில், கூகுள் சிறப்பு டூடுல் வெளியிட்டு உள்ளது. சிறப்பு டூடுலில் சந்திரயான் 3  நிலவை சுற்றி வருவதும், தென் துருவத்தில் கால் பதித்ததும், இந்தியா சிரிப்பது போன்ற கார்டூன் வண்ணமயமான நிறங்ளில் அழகாக உருவாக்கப்பட்டு இருக்கிறது. டூடுலை கிளிக் செய்ததும், சந்திரயான் 3 பற்றிய தகவல்கள் மற்றும் செய்தி குறிப்புகள் அடங்கிய சிறப்பு பக்கம் திறக்கிறது.

கடந்த ஜூலை 14-ம் தேதி ஆந்திர பிரதேச மாநிலத்தின் ஸ்ரீஹரிகோட்டாவில் உள்ள சதீஷ்தவான் விண்வெளி மையத்தில் இருந்து சந்திரயான் 3 வெற்றிகரமாக விண்ணில் ஏவப்பட்டது. 40 நாட்கள் நெடிய பயணத்தை நிறைவு செய்யும் வகையில், சந்திரயான் 3 விண்கலத்தில் இருந்த விக்ரம் லேண்டர், நேற்று மாலை சரியாக 6.04 மணிக்கு நிலவின் தென் துருவத்தில் தரையிறங்கி வரலாறு படைத்தது.

இதுவரை அமெரிக்கா, சீனா மற்றும் ரஷியா போன்ற நாடுகள் தான் நிலவில் தரையிறங்கி இருக்கும் நிலையில், நிலவில் கால்பதித்த நான்காவது நாடு என்ற பெருமையை இந்தியா பெற்றது. இதுதவிர நிலவின் தென் துருவத்தில் தரையிறங்கிய முதல் நாடு என்ற பெருமையை இந்தியா பெற்றது. 

விண்வெளி துறையில் இந்தியா படைத்திருக்கும் புதிய மைல்கல் சாதனைக்கு, உலக நாடுகள் மற்றும் அரசியல் தலைவர்கள், பிரபலங்கள் என பலதுறைகளை சேர்ந்தவர்கள் தங்களின் வாழ்த்துக்களை தெரிவித்து வருகின்றனர். 

ரியல்மி நிறுவனம் ஏற்கனவே அறிவித்தப்படி இந்திய சந்தையில் ரியல்மி 11 5ஜி மற்றும் ரியல்மி 11x 5ஜி ஸ்மார்ட்போன் மாடல்களை அறிமுகம் செய்தது. இரு மாடல்களிலும் 6.72 இன்ச் FHD+ 120Hz டிஸ்ப்ளே, மீடியாடெக் டிமென்சிட்டி 6100 பிளஸ் பிராசஸர், அதிகபட்சம் 8 ஜி.பி. வரையிலான ரேம், 8 ஜி.பி. வரை விர்ச்சுவல் ரேம் வழங்கப்பட்டு இருக்கிறது.

ரியல்மி 11 5ஜி மாடலில் 108MP பிரைமரி கேமரா, 11x 5ஜி மாடலில் 64MP பிரைமரி கேமரா வழங்கப்பட்டு இருக்கின்றன. இரு மாடல்களிலும் 2MP போர்டிரெயிட் கேமரா வழங்கப்பட்டு உள்ளது. ரியல்மி 11 5ஜி மாடலில் குளோரி ஹாலோ டிசைன், கேமரா மாட்யுலை சுற்றி கோல்டன் ரிங் வழங்கப்பட்டு இருக்கிறது.

இந்த ஸ்மார்ட்போன்கள் ஆண்ட்ராய்டு 13 சார்ந்த ரியல்மி யு.ஐ. 4.0 வழங்கப்படுகிறது. இந்த ஸ்மார்ட்போனிற்கு இரண்டு ஆண்ட்ராய்டு அப்டேட்களும், மூன்று ஆண்டுகளுக்கு செக்யூரிட்டி அப்டேட்களும் வழங்கப்படுகிறது.

இத்துடன் 5000 எம்.ஏ.ஹெச். பேட்டரி வழங்கப்பட்டு இருக்கிறது. ரியல்மி 11 5ஜி மாடலில் 67 வாட் சூப்பர்வூக் ஃபாஸ்ட் சார்ஜிங் வழங்கப்படுகிறது. ரியல்மி 11x 5ஜி மாடலில் 33 வாட் சூப்பர் வூக் ஃபாஸ்ட் சார்ஜிங் வசதி வழங்கப்படுகிறது.

ரியல்மி 11x 5ஜி மற்றும் ரியல்மி 11 5ஜி அம்சங்கள்:

6.72 இன்ச் 2400x1080 பிக்சல் FHD+ 120Hz டைனமிக் ரிப்ரெஷ் ரேட்

ஆக்டாகோர் மீடியாடெக் டிமென்சிட்டி 6100 பிளஸ் பிராசஸர்

Arm மாலி-G57 MC2 GPU

ரியல்மி 11x 5ஜி- 6 ஜிபி/ 8 ஜிபி ரேம், 128 ஜிபி மெமரி

ரியல்மி 11 5ஜி - 8 ஜிபி ரேம், 128 ஜிபி / 256 ஜிபி மெமரி

மெமரியை கூடுதலாக நீட்டிக்கும் வசதி

டூயல் சிம் ஸ்லாட்

ஆண்டாராய்டு 13 சார்ந்த ரியல்மி யு.ஐ. 4.0

ரியல்மி 11 5ஜி - 108MP பிரைமரி கேமரா, எல்.இ.டி. ஃபிளாஷ்

2MP போர்டிரெயிட் கேமரா

ரியல்மி 11x 5ஜி - 64MP பிரைமரி கேமரா, எல்.இ.டி. ஃபிளாஷ்

2MP போர்டிரெயிட் கேமரா

ரியல்மி 11 5ஜி - 16MP செல்ஃபி கேமரா

ரியல்மி 11x 5ஜி - 8MP செல்ஃபி கேமரா

பக்கவாட்டில் கைரேகை சென்சார்

3.5mm ஆடியோ ஜாக், ஹை-ரெஸ் ஆடியோ

5ஜி, டூயல் 4ஜி வோல்ட்இ, வைபை, ப்ளூடூத் 5.2

யு.எஸ்.பி. டைப் சி

5000 எம்.ஏ.ஹெச். பேட்டரி

ரியல்மி 11 5ஜி - 67 வாட் ஃபாஸ்ட் சார்ஜிங்

ரியல்மி 11x 5ஜி - 33 வாட் ஃபாஸ்ட் சார்ஜிங்

விலை மற்றும் விற்பனை விவரம்:

ரியல்மி 11 5ஜி மாடல் குளோரி பிளாக் மற்றும் குளோரி கோல்டு நிறங்களில் கிடைக்கிறது. இதன் விலை ரூ. 18 ஆயிரத்து 999 என்றும் 8 ஜி.பி. ரேம், 256 ஜி.பி. மெமரி மாடல் விலை ரூ. 19 ஆயிரத்து 999 என்று நிர்ணயம் செய்யப்பட்டு உள்ளது.

ரியல்மி 11x 5ஜி மாடல் பர்பில் டான் மற்றும் மிட்நைட் பிளாக் நிறங்களில் கிடைக்கிறது. இதன் 6 ஜிபி ரேம், 128 ஜி.பி. மாடல் விலை ரூ. 14 ஆயிரத்து 999 என்றும் 8 ஜி.பி. ரேம், 128 ஜி.பி. மாடல் விலை ரூ. 15 ஆயிரத்து 999 என்றும் நிர்ணயம் செய்யப்பட்டு உள்ளது.

சாம்சங் நிறுவனத்தின் சமீபத்திய மடிக்கக்கூடிய மற்றும் ஃப்ளிப் போன் மாடல்கள்- கேலக்ஸி Z ஃபோல்டு 5 மற்றும் கேலக்ஸி Z ஃப்ளிப் 5 பெயர்களில் அறிமுகம் செய்யப்பட்டன. இந்த வரிசையில் சாம்சங் நிறுவனம் குறைந்த விலையில், மடிக்கக்கூடிய ஸ்மார்ட்போன் மாடல்களை அறிமுகம் செய்ய இருப்பதாக தகவல் வெளியாகி உள்ளது.

இந்த மாடல்கள் ஃபேன் எடிஷன் (FE) பெயரில் அறிமுகமாகும் என்று தெரிகிறது. ஏற்கனவே சாம்சங் நிறுவனம் கேலக்ஸி S சீரிஸ் ஸ்மார்ட்போன்களின் FE எடிஷன் மாடலை விற்பனை செய்து வருகிறது. இதே போன்று தற்போது வெளியாகி இருக்கும் தகவல்களில் சாம்சங் நிறுவனம் கேலக்ஸி Z FE மாடலை அறிமுகம் செய்யலாம் என்று கூறப்படுகிறது.

புதிய தகவல் உண்மையாகும் பட்சத்தில் சாம்சங் நிறுவன மடிக்கக்கூடிய மற்றும் ஃப்ளிப் ரகத்தை சேர்ந்த ஸ்மார்ட்போன் மாடல்களை எதிர்பார்க்க முடியும். எனினும், இந்த குறைந்த விலை மாடல்கள் அடுத்த ஆண்டு கேலக்ஸி Z ஃபோல்டு 6 அல்லது கேலக்ஸி Z ஃப்ளிப் 6 மாடல்களை தொடர்ந்தே அறிமுகம் செய்யப்படும் என்று தெரிகிறது.

இந்த தகவலை வழங்கி இருக்கும் டிப்ஸ்டர் கேலக்ஸி S23 FE மாடல் விரைவில் அறிமுகம் செய்யப்படும் என்று தெரிவித்து இறுக்கிறார். இந்த ஸ்மார்ட்போன் விவரங்கள் பி.ஐ.எஸ். வலைதளத்தில் லீக் ஆகி இருக்கின்றன. ஏற்கனவே கேலக்ஸி S23 FE பற்றிய விவரங்கள் பலமுறை இணையத்தில் வெளியாகி உள்ளன.

சோனி நிறுவனத்தின் பிளே ஸ்டேஷன் 5 கன்சோலை வாங்குவதற்கு ஆரம்பத்தில் அதிக கடினமான சூழல் நிலவி வந்தது. எனினும், இந்த ஆண்டு மார்ச் மாதம் பி.எஸ். 5 அனைவராலும் வாங்கக்கூடிய அளவுக்கு அதிக யூனிட்கள் கிடைக்கின்றன. தற்போது பிளே ஸ்டேஷன் 5 கன்சோலை ஆன்லைன் அல்லது ஆஃப்லைன் ஸ்டோர்களில் எளிதில் வாங்கக்கூடிய சூழல் தான் நிலவுகிறது.

மேலும் பிளே ஸ்டேஷன் 5 வாங்குவதற்கு சிறப்பு சலுகைகளும் வழங்கப்படுகின்றன. அந்த வகையில் பிளே ஸ்டேஷன் 5 வாங்க நினைப்பவர்களுக்கு நற்செய்தியை கொடுக்கும் வகையிலான அறிவிப்பு வெளியாகி உள்ளது. அந்த வகையில், பிளே ஸ்டேஷன் 5 டிஸ்க் எடிஷன் மாடலுக்கு விலை குறைப்பு அறிவிக்கப்பட இருக்கிறது.

ஆகஸ்ட் 24-ம் தேதி துவங்கி செப்டம்பர் 2-ம் தேதி வரை பிளே ஸ்டேஷன் 5 கன்சோலுக்கு ரூ. 7 ஆயிரத்து 500 வரை தள்ளுபடி வழங்கப்படுகிறது. இந்த சலுகை அமேசான், ஃப்ளிப்கார்ட் வலைதளங்களிலும், ஷாப்அட்எஸ்.சி., ரிலையன்ஸ், க்ரோமா, விஜய் சேல்ஸ் மற்றும் தேர்வு செய்யப்பட்ட விற்பனை மையங்களில் விலை குறைப்பு பொருந்தும்.

இந்த விலை குறைப்பு கன்சோலின் டிஸ்க் எடிஷனுக்கு மட்டுமே பொருந்தும். தற்போது பிளே ஸ்டேஷன் 5 மாடல் அமேசான் வலைதளத்தில் ரூ. 54 ஆயிரத்து 990-க்கு விற்பனை செய்யப்படுகிறது. ஃப்ளிப்கார்ட் வலைதளத்திலும் இந்த கன்சோலின் விலை ரூ. 54 ஆயிரத்து 990-க்கு விற்பனை செய்யப்படுகிறது.

முன்னதாக பிளே ஸ்டேஷன் 5 டிஜிட்டல் எடிஷன் மாடல் ரூ. 39 ஆயிரத்து 990 என்றும், டிஸ்க் எடிஷன் விலை ரூ. 49 ஆயிரத்து 990-க்கு விற்பனை செய்யப்பட்டு வருகிறது. முன்னதாக இவற்றின் விலை உயர்த்தப்பட்டது குறிப்பிடத்தக்கது.