தொழில்நுட்பம்

வாட்ஸ்அப் செயலியில் உள்ள பிராட்காஸ்டிங் அம்சம் சேனல்ஸ்-இல் புதிய வசதிகள் வழங்கப்பட்டு உள்ளன. பிரபலங்கள் மற்றும் நிறுவனங்கள் அதன் ஃபாளோயர்களுக்கு தகவல் பரிமாற்றம் செய்யும் நோக்கில் வழங்கப்பட்டுள்ள அம்சம் தான் வாட்ஸ்அப் சேனல். இதில் தற்போது கூடுதலாக புதிய வசதிகள் வழங்குவதை மெட்டா தலைமை செயல் அதிகாரி மார்க் ஜூக்கர்பர்க் தெரிவித்து இருக்கிறார்.

அதன்படி வாட்ஸ்அப் சேனலலில் வாக்களிக்கும் வசதி வழங்கப்படுகிறது. அதன்படி வாட்ஸ்அப் சேனல் வைத்திருப்பவர்கள் தங்களின் உறுப்பினர்கள் இடையே கருத்து கேட்க வாக்கெடுப்பு நடத்த முடியும். ஏற்கனவே வாட்ஸ்அப் சாட் மற்றும் க்ரூப்களில் இதற்கான வசதி வழங்கப்பட்டு இருப்பது குறிப்பிடத்தக்கது.

இத்துடன் வாட்ஸ்அப் சேனல் அப்டேட்களை ஸ்டேட்டஸ் ஆக வைத்துக் கொள்ளும் வசதி வழங்கப்படுகிறது. ஒரே சேனலில் பலரை அட்மின்களாக வைத்துக் கொள்ளும் வசதியும் புதிய அப்டேட் மூலம் வழங்கப்படுகிறது. வாட்ஸ்அப் சேனல் அறிமுகம் செய்யப்பட்டதில் இருந்தே, அதில் பல்வேறு புதிய வசதிகள் தொடர்ச்சியாக வழங்கப்பட்டு வருவது குறிப்பிடத்தக்கது. 

சியோமி நிறுவனம் இந்திய சந்தையில் தனது புதிய பாதுகாப்பு கேமராவை அறிமுகம் செய்தது. சியோமி 360 ஹோம் செக்யூரிட்டி கேமரா என்ற பெயரில் அறிமுகம் செய்யப்பட்டு இருக்கும் புதிய கேமரா கண்காணிப்பு மற்றும் தகவல் பரிமாற்ற சேவையை வழங்கும் என சியோமி தெரிவித்து இருக்கிறது.

பெயருக்கு ஏற்றார்போல் புது கேமரா 360 டிகிரி பானரோமா வியூ மூலம் அறையின் ஒவ்வொரு மூலைகளிலும் துல்லியமாக பதிவு செய்யும் வசதி கொண்டிருக்கிறது. இத்துடன் ஏ.ஐ. தொழில்நுட்பம் மூலம் மனிதர்களை கண்டறியும் திறன் கொண்டுள்ளது. இதன் மூலம் அதிக துல்லியமான எச்சரிக்கை தகவல்களை இந்த கேமரா எழுப்பும்.

இந்த கேமராவினை சியோமி ஹோம் ஆப் மூலம் கட்டுப்படுத்தும் வசதி வழங்கப்பட்டுள்ளது. இந்திய சந்தையில் சியோமி 360 ஹோம் செக்யூரிட்டி கேமராவின் விலை ரூ. 3 ஆயிரத்து 200 என நிர்ணயம் செய்யப்பட்டு உள்ளது. இதன் விற்பனை எம்.ஐ. மற்றும் அமேசான், ப்ளிப்கார்ட் வலைதளங்களில் நடைபெற இருக்கிறது. விற்பனை ஜனவரி 22-ம் தேதி துவங்குகிறது.

சாம்சங் நிறுவனம் தனது கேலக்ஸி S24 சீரிஸ்- கேலக்ஸி S24, கேலக்ஸி S24 பிளஸ் மற்றும் கேலக்ஸி S24 அல்ட்ரா மாடல்களை அன்பேக்டு நிகழ்வில் அறிமுகம் செய்தது. மேலும் இந்திய சந்தையில் கேலக்ஸி S24 மற்றும் கேலக்ஸி S24 பிளஸ் மாடல்கள் எக்சைனோஸ் 2400 பிராசஸர் கொண்டிருக்கும் என்றும் சாம்சங் அறிவித்து இருந்தது.

கேலக்ஸி S24 அல்ட்ரா மாடலில் மட்டும் ஸ்னாப்டிராகன் 8 ஜென் 3 ஃபார் கேலக்ஸி பிராசஸர் வழங்கப்படுகிறது. நேற்றிரவு அறிமுகம் செய்யப்பட்ட நிலையில், கேலக்ஸி S24, கேலக்ஸி S24 பிளஸ் மற்றும் கேலக்ஸி S24 அல்ட்ரா மாடல்களின் இந்திய விலை விவரங்கள் அறிவிக்கப்பட்டு உள்ளன. இவை கடந்த ஆண்டு அறிமுகம் செய்யப்பட்ட கேலக்ஸி S23 சீரிஸ் விலையை விட ரூ. 5 ஆயிரம் அதிகம் ஆகும்.

கேலக்ஸி S24, கேலக்ஸி S24 பிளஸ் அம்சங்கள்:

6.2 இன்ச் 2340x1080 பிக்சல் FHD+ டிஸ்ப்ளே (கேலக்ஸி S24)

6.7 இன்ச் 3120x1440 பிக்சல் QHD+ டிஸ்ப்ளே(கேலக்ஸி S24 பிளஸ்)

1-120 ஹெர்ட்ஸ் அடாப்டிவ் ரிப்ரெஷ் ரேட், 2600 நிட்ஸ் பிரைட்னஸ்

கார்னிங் கொரில்லா கிளாஸ் விக்டஸ் 2 பாதுகாப்பு

சாம்சங் எக்சைனோஸ் 2400 பிராசஸர்

எக்ஸ்-க்ளிப்ஸ் 940 GPU

கேலக்ஸி S24- 8 ஜி.பி. ரேம், 128 ஜி.பி./ 256 ஜி.பி. / 512 ஜி.பி. மெமரி

கேலக்ஸி S24 பிளஸ்- 12 ஜி.பி. ரேம், 256 ஜி.பி. / 512 ஜி.பி. மெமரி

ஆண்ட்ராய்டு 14 சார்ந்த ஒன் யு.ஐ. 6.1

டூயல் சிம் ஸ்லாட்

50MP பிரைமரி கேமரா, எல்.இ.டி. ஃபிளாஷ், OIS

12MP 120 டிகிரி அல்ட்ரா வைடு கேமரா

10MP டெலிபோட்டோ லென்ஸ், OIS

12MP செல்ஃபி கேமரா

டஸ்ட் மற்றும் வாட்டர் ரெசிஸ்டன்ட் IP68

5ஜி, 4ஜி வோல்ட்இ, வைபை, ப்ளூடூத் 5.3

கேலக்ஸி S24- 4000 எம்.ஏ.ஹெச். பேட்டரி, 25 வாட் ஃபாஸ்ட் சார்ஜிங்

கேலக்ஸி S24 பிளஸ்- 4900 எம்.ஏ.ஹெச். பேட்டரி, 45 வாட் ஃபாஸ்ட் சார்ஜிங்

கேலக்ஸி S24 அல்ட்ரா அம்சங்கள்:

6.8 இன்ச் 3120x1440 பிக்சல் குவாட் HD+ டிஸ்ப்ளே

1-120 ஹெர்ட்ஸ் அடாப்டிவ் ரிப்ரெஷ் ரேட், 2600 நிட்ஸ் பிரைட்னஸ்

கொரில்லா ஆர்மர் பாதுகாப்பு

ஆக்டா கோர் குவால்காம் ஸ்னாப்டிராகன் 8 ஜென் 3 ஃபார் கேலக்ஸி பிராசஸர்

அட்ரினோ 740 GPU

12 ஜி.பி. ரேம், 256 ஜி.பி. / 512 ஜி.பி. / 1 டி.பி. மெமரி

ஆண்ட்ராய்டு 14 சார்ந்த ஒன் யு.ஐ. 6.1

200MP பிரைமரி கேமரா, OIS

50MP பெரிஸ்கோப் லென்ஸ்

12MP 120 டிகிரி அல்ட்ரா வைடு கேமரா

10MP டெலிபோட்டோ லென்ஸ், OIS

12MP செல்ஃபி கேமரா

டஸ்ட் மற்றும் வாட்டர் ரெசிஸ்டன்ட் IP68

5ஜி, 4ஜி வோல்ட்இ, வைபை, ப்ளூடூத் 5.3

5000 எம்.ஏ.ஹெச். பேட்டரி

45 வாட் ஃபாஸ்ட் சார்ஜிங்

புதிய கேலக்ஸி S24 மாடல் ஆம்பர் எல்லோ, கோபால்ட் வைலட், ஆனிக்ஸ் பிளாக் நிறங்களிலும், கேலக்ஸி S24 பிளஸ் மாடல் கோபால்ட் வைலட், ஆனிக்ஸ் பிளாக் நிறங்களிலும் கேலக்ஸி S24 அல்ட்ரா மாடல் டைட்டானியம் கிரே, டைட்டானியம் வைலட் மற்றும் டைட்டானியம் பிளாக் நிறங்களிலும் கிடைக்கின்றன.

கேலக்ஸி S24 மாடல் ஆன்லைனில் மட்டும்- டைட்டானியம் புளூ, டைட்டானியம் கிரீன் மற்றும் டைட்டானியம் ஆரஞ்சு போன்ற நிறங்களில் கிடைக்கிறது. கேலக்ஸி S24 மற்றும் கேலக்ஸி S24 பிளஸ் மாடல்கள் சஃபையர் புளூ மற்றும் ஜேட் கிரீன் நிற ஆப்ஷன்களில் கிடைக்கிறது.

விலை விவரங்கள்:

கேலக்ஸி S24 8 ஜி.பி. ரேம், 256 ஜி.பி. மெமரி ரூ. 79 ஆயிரத்து 999

கேலக்ஸி S24 8 ஜி.பி. ரேம், 512 ஜி.பி. மெமரி ரூ. 89 ஆயிரத்து 999

கேலக்ஸி S24 பிளஸ் 12 ஜி.பி. ரேம், 256 ஜி.பி. மெமரி ரூ. 99 ஆயிரத்து 999

கேலக்ஸி S24 பிளஸ் 12 ஜி.பி. ரேம், 512 ஜி.பி. மெமரி ரூ. 1 லட்சத்து 09 ஆயிரத்து 999

கேலக்ஸி S24 அல்ட்ரா 12 ஜி.பி. ரேம், 256 ஜி.பி. மெமரி ரூ. 1 லட்சத்து 29 ஆயிரத்து 999

கேலக்ஸி S24 அல்ட்ரா 12 ஜி.பி. ரேம், 512 ஜி.பி. மெமரி ரூ. 1 லட்சத்து 39 ஆயிரத்து 999

கேலக்ஸி S24 அல்ட்ரா 12 ஜி.பி. ரேம், 1 டி.பி. மெமரி ரூ. 1 லட்சத்து 59 ஆயிரத்து 999

புதிய சாம்சங் கேலக்ஸி S24 சீரிஸ் மாடல்களுக்கான முன்பதிவு சாம்சங் லைவ் தளத்தில் ஜனவரி 18 முதல் ஜனவரி 20 நள்ளிரவு 12 மணி வரை நடைபெறுகிறது. சாம்சங் லைவ் நிகழ்வில் முன்பதிவு செய்வோருக்கு ரூ. 4 ஆயிரத்து 999 மதிப்புள்ள வயர்லெஸ் சார்ஜர் டுயோ வழங்கப்படுகிறது. இந்த ஸ்மார்ட்போன்களுக்கான முன்பதிவு அமேசான், ப்ளிப்கார்ட் மற்றும் இதர ஆன்லைன் ஸ்டோர் மற்றும் ஆஃப்லைன் ஸ்டோர்களில் ஜனவரி 31-ம் தேதி முதல் நடைபெற இருக்கிறது.

சாம்சங் நிறுவனம் தனது டாப் என்ட் டி.வி. மாடல்களை வாங்கும் வாடிக்கையாளர்களுக்கு அசத்தல் சலுகைகளை அறிவித்து இருக்கிறது. அதன் படி சாம்சங் நியோ QLED, OLED, QLED மற்றும் 4K UHD டி.வி. மாடல்களை வாாங்குவோருக்கு சிறப்பு சலுகைகள் மற்றும் பலன்கள் அறிவிக்கப்பட்டு உள்ளன. இவற்றின் கீழ் பயனர்கள் கேலக்ஸி S23 அல்ட்ரா ஸ்மார்ட்போன் உள்ளிட்டவைகளை பரிசுகளாக பெற முடியும்.

"தி ஃபியூச்சர் ஃபெஸ்ட்" என்ற பெயரில் அறிவிக்கப்பட்டு இருக்கும் சிறப்பு விற்பனையில் சாம்சங் டி.வி. மற்றும் சவுன்ட்பார் மாடல்களுக்கு சிறப்பு சலுகைகள் அறிவிக்கப்பட்டு உள்ளன. இந்த சலுகைகள் ஜனவரி 31-ம் தேதி வரை வழங்கப்பட உள்ளன. இதில் சாம்சங்கின் பிரீமியம், 50 இன்ச் மற்றும் அதைவிட பெரிய திரை கொண்ட டி.வி. மாடல்களுக்கு சிறப்பு சலுகைகள் வழங்கப்படுகின்றன.

இந்த டி.வி. மாடல்கள் சினிமேடிக் ஆடியோ விஷூவல் அனுபவத்தை வழங்கும் திறன் கொண்டுள்ளன. இவற்றில் டால்பி அட்மோஸ், நியூரல் ஏ.ஐ. குவாண்டம் பிராசஸர் மற்றும் ஏ.ஐ. அப்ஸ்கேலிங் போன்ற வசதிகள் வழங்கப்பட்டுள்ளன.

சலுகை விவரங்கள்:

பெரிய திரை டி.வி. வாங்கும் போது ரூ. 1 லட்சத்து 24 ஆயிரத்து 999 மதிப்புள்ள கேலக்ஸி S23 அல்ட்ரா ஸ்மார்ட்போன், ரூ. 69 ஆயிரத்து 990 மதிப்புள்ள சாம்சங் 50 இன்ச் QLED 4K தி செரிஃப் டிவி, ரூ. 37 ஆயிரத்து 990 மதிப்புள்ள வயர்லெஸ் சவுன்ட் பார் உள்ளிட்ட நிச்சய பரிசுகள்.

சாம்சங் 98 இன்ச் நியோ QLED 4K, QLED 4K டி.வி. வாங்கும் போது கேலக்ஸி S23 அல்ட்ரா இலவச பரிசாக வழங்கப்படுகிறது.

தேர்வு செய்யப்பட்ட 50 இன்ச் மற்றும் அதற்கும் பெரிய திரை கொண்ட நியோ QLED, OLED, QLED மற்றும் க்ரிஸ்டல் 4K UHD டி.வி. வாங்கும் போது சாம்சங் Q சீரிஸ் சவுன்ட்பார் வழங்கப்படுகிறது.

சாம்சங் 85 இன்ச் மற்றும் 75 இன்ச் நியோ QLED டி.வி. வாங்கும் போது ரூ. 69 ஆயிரத்து 990 மதிப்புள்ள சாம்சங் 50 இன்ச் QLED 4K தி செரிஃப் டி.வி. வழங்கப்படுகிறது.

சாம்சங் 65 இன்ச் மற்றும் 55 இன்ச் OLED மற்றும் QLED 4K டி.வி.-க்களை வாங்கும் போது ரூ. 15 ஆயிரத்து 990 மதிப்புள்ள சாம்சங் சவுன்ட்பார் வழங்கப்படுகிறது.

இத்துடன் 20 சதவீதம் வரை கேஷ்பேக், சாம்சங் ஆக்சிஸ் வங்கி கிரெடிட் கார்டுகளை கொண்டு பணம் செலுத்தும் போது 10 சதவீதம் வரை கூடுதல் கேஷ்பேக் பெற முடியும். இந்த சலுகைகள் ஜனவரி 31-ம் தேதி வரை வழங்கப்படும் என அறிவிக்கப்பட்டு இருக்கிறது. இவை முன்னணி விற்பனை மையங்கள் மற்றும் சாம்சங் இ ஸ்டோரில் வழங்கப்படுகிறது.

பி.எஸ்.என்.எல். நிறுவனம் இந்திய பயனர்களுக்கு இரண்டு புதிய பிரீபெயிட் சலுகைகளை அறிவித்து இருக்கிறது. இவற்றின் விலை ரூ. 91 மற்றும் ரூ. 288 என நிர்ணயம் செய்யப்பட்டு உள்ளது. இரு சலுகைகளுடன் டேட்டா பலன்கள் மட்டுமே வழங்கப்படுகிறது. இவற்றில் வேலிடிட்டி எதுவும் வழங்கப்படவில்லை.

இரண்டு சலுகைகளும் நாடு முழுக்க வழங்கப்படுகிறது. எனினும், இவை சென்னை வட்டாரத்திற்குள் உள்ள வாடிக்கையாளர்களுக்கு மட்டுமே காண்பிக்கிறது. அந்த வகையில், இந்த சலுகைகள் மற்ற வட்டாரங்களில் வழங்கப்படுவது சந்தேகத்திற்குரிய விஷயம் தான்.

பி.எஸ்.என்.எல். ரூ. 91 சலுகையில் 600 எம்.பி. டேட்டா, 700 எஸ்.எம்.எஸ். வழங்கப்படுகிறது. இவைதவிர இந்த சலுகையில் வேறு எந்த பலன்களும் வழங்கப்படவில்லை. அந்த வகையில், பயனர்கள் ஏற்கனவே ரிசார்ஜ் செய்த சலுகையை கொண்டு இந்த சலுகையை ரிசார்ஜ் செய்ய வேண்டும்.

பி.எஸ்.என்.எல். ரூ. 288 சலுகையில் 60 நாட்களுக்கு வேலிடிட்டி வழங்கப்படுகிறது. இதில் பயனர்களுக்கு தினமும் 2 ஜி.பி. டேட்டா வழங்கப்படுகிறது. இதன்பிறகு டேட்டா வேகம் நொடிக்கு 40 கே.பி. என்ற அளவுக்கு குறைக்கப்பட்டு விடும். இந்த சலுகை தினமும் அதிகளவு டேட்டா எதிர்பார்க்கும் பயனர்களுக்கு ஏற்ற ஒன்று ஆகும்.

இன்ஃபினிக்ஸ் நிறுவனம் ஏற்கனவே அறிவித்தப்படி இந்திய சந்தையில் தனது ஸ்மார்ட் 8 ஸ்மார்ட்போனினை அறிமுகம் செய்தது. இது இன்ஃபினிக்ஸ் நிறுவனத்தின் சமீபத்திய பட்ஜெட் பிரிவு மாடல் ஆகும். இதில் 6.6 இன்ச் HD+ டிஸ்ப்ளே, பன்ச் ஹோல் டிசைன், 8MP செல்ஃபி கேமரா, எல்.இ.டி. ஃபிளாஷ் போன்ற அம்சங்கள் வழங்கப்பட்டு உள்ளன.

இந்த பிரிவில் 90 ஹெர்ட்ஸ் ரிப்ரெஷ் ரேட் கொண்ட டிஸ்ப்ளே மற்றும் எல்.இ.டி. ஃபிளாஷ் வசதிகள் வழங்கப்படுவது இதுவே முதல்முறை ஆகும். இந்த ஸ்மார்ட்போனில் மீடியாடெக் ஹீலியோ ஜி36 பிராசஸர், 4 ஜி.பி. ரேம், 4 ஜி.பி. வரை விர்ச்சுவல் ரேம், 64 ஜி.பி. மெமரி, 50MP பிரைமரி கேமரா, ஏ.ஐ. லென்ஸ், பக்கவாட்டில் கைரேகை சென்சார் வழங்கப்பட்டு இருக்கிறது.

இன்ஃபினிக்ஸ் ஸ்மார்ட் 8 அம்சங்கள்:

6.6 இன்ச் 1612x720 பிக்சல், HD+ ரெசல்யூஷன், 90 ஹெர்ட்ஸ் ரிப்ரெஷ் ரேட்

ஆக்டா கோர் மீடியாடெக் ஹீலியோ ஜி36 பிராசஸர்

IMG PowerVR GE 8320 GPU

4 ஜி.பி. ரேம்

64 ஜி.பி. மெமரி

மெமரியை கூடுதலாக நீட்டிக்கும் வசதி

ஆண்ட்ராய்டு 13 கோ எடிஷன் சார்ந்த எக்ஸ்.ஒஎஸ். 13

டூயல் சிம் ஸ்லாட்

50MP பிரைமரி கேமரா, ஏ.ஐ. லென்ஸ், குவாட் ரிங் எல்.இ.டி. ஃபிளாஷ்

8MP செல்ஃபி கேமரா, எல்.இ.டி. ஃபிளாஷ்

பக்கவாட்டில் கைரேகை சென்சார்

டூயல் 4ஜி வோல்ட்இ, வைபை, ப்ளூடூத் 5

யு.எஸ்.பி. டைப் சி

5000 எம்.ஏ.ஹெச். பேட்டரி

இன்ஃபினிக்ஸ் ஸ்மார்ட் 8 மாடல் டிம்பர் பிளாக், ஷைனி கோல்டு, கேலக்ஸி வைட் மற்றும் ரெயின்போ புளூ போன்ற நிறங்களில் கிடைக்கிறது. இதன் விலை ரூ. 7 ஆயிரத்து 499 என நிர்ணயம் செய்யப்பட்டு உள்ளது. விற்பனை ஜனவரி 15-ம் தேதி துவங்குகிறது. இத்துடன் ஐ.சி.ஐ.சி.ஐ. வங்கி மற்றும் பரோடா வங்கி கார்டுகளை பயன்படுத்தும் போது 10 சதவீதம் தள்ளுபடி வழங்கப்படுகிறது. 

அமேசான் கிரேட் ரிபப்லிக் சேல் சிறப்பு விற்பனை துவங்கி நடைபெற்று வருகிறது. இந்த ஆண்டின் முதல் சலுகை விற்பனையில் பல்வேறு பொருட்களுக்கும் ஏராளமான சலுகைகள் வழங்கப்படுகின்றன. ஸ்மார்ட்போன், டேப்லெட், லேப்டாப் என மின்சாதனங்களுக்கும் அசத்தல் சலுகைகள் அறிவிக்கப்பட்டு உள்ளன.

அதன்படி சாம்சங் கேலக்ஸி S23 அல்ட்ரா மாடலுக்கு சிறப்பு சலுகைகள் வழங்கப்படுகின்றன. அந்த வகையில் கேலக்ஸி S23 அல்ட்ரா மாடலை ரூ. 1 லட்சத்து 14 ஆயிரத்து 999 விலையில் வாங்கிட முடியும். இது அதன் உண்மை விலையை விட ரூ. 35 ஆயிரம் குறைவு ஆகும்.

இந்த சலுகை ஹெச்.டி.எஃப்.சி. வங்கி கிரெடிட் கார்டு பயன்படுத்துவோருக்கு வழங்கப்படுகிறது. மேலும் இது, கேலக்ஸி S23 அல்ட்ரா பேஸ் வேரியண்டிற்கும் பொருந்தும். இதுதவிர கேலக்ஸி S23 அல்ட்ரா 12 ஜி.பி. ரேம், 512 ஜி.பி. மெமரி மாடலுக்கும் சிறப்பு சலுகைகள் அறிவிக்கப்பட்டு உள்ளன. அதன்படி இந்த வேரியண்ட் விலை ரூ. 1 லட்சத்து 34 ஆயிரத்து 999 என நிர்ணயம் செய்யப்பட்டு உள்ளது.

இத்துடன் வட்டியில்லா மாத தவணை முறை வசதியும் வழங்கப்படுகிறது. இந்திய சந்தையில் கேலக்ஸி S23 அல்ட்ரா மாடல் ஃபேண்டம் பிளாக், கிரீன் மற்றும் கிரீம் என மூன்று நிறங்களில் கிடைக்கிறது. 

மைக்ரோசாப்ட் நிறுவனம் உலகின் மதிப்பு மிக்க நிறுவனம் என்ற பெருமையை பெற்றுள்ளது. சத்ய நாதெல்லா தலைமை வகிக்கும் நிலையில், மைக்ரோசாப்ட் நிறுவனம் ஆப்பிளை பின்னுக்குத் தள்ளி சந்தையில் அதிக மதிப்பு மிக்க நிறுவனம் என்ற அந்தஸ்த்தை எட்டியுள்ளது.

தற்போதைய நிலவரப்படி மைக்ரோசாப்ட் சந்தை மதிப்பு 2.87 டிரில்லியன் டாலர்கள் ஆகும். முன்னதாக 2018 மற்றும் 2021 ஆண்டுகளில் மைக்ரோசாப்ட் நிறுவனம் இதே போன்று உலகின் மதிப்பு மிக்க நிறுவனம் என்ற நிலையை எட்டியது குறிப்பிடத்தக்கது. அந்த வரிசையில், மைக்ரோசாப்ட் நிறுவனம் மீண்டும் இந்த அந்தஸ்த்தை பெற்றிருக்கிறது.

மைக்ரோசாப்ட் நிறுவனத்தின் கிளவுட் கம்ப்யூடிங் பிரிவான அஸ்யூர் அதிக வருவாய் ஈட்டிக் கொடுத்ததே அந்தஸ்த்து அதிகரிக்க முக்கிய காரணம் என கூறப்படுகிறது. அமேசான் வெப் சேவைகளுக்கு கடும் போட்டியாளரான அஸ்யூர் வருவாய் வருடாந்திர அடிப்படையில் 40 சதவீதம் வரை அதிகரித்து இருக்கிறது.

கிளவுட் கம்ப்யூடிங் பிரிவில் மைக்ரோசாப்ட் ஆதிக்கம் மேலும் அதிகரிக்கும் என்றும், இதன் சந்தை மதிப்பு மேலும் அதிகரிக்கவும் வாய்ப்புகள் அதிகம் என தெரிகிறது. இதேபோன்று செயற்கை நுண்ணறிவு மற்றும் எதிர்கால தொழில்நுட்பங்களிலும் கவனம் செலுத்தும் போது மைக்ரோசாப்ட்-இன் மதிப்பு மேலும் அதிகரிக்கும் என்று எதிர்பார்க்கலாம்.

ஒப்போ நிறுவனம் தனது ரெனோ 11 மற்றும் ரெனோ 11 ப்ரோ ஸ்மார்ட்போன்களை இந்திய சந்தையில் அறிமுகம் செய்து இருக்கிறது. புதிய ரெனோ 11 சீரிஸ் மாடல்களில் 6.7 இன்ச் FHD+ 120Hz OLED ஃபிலெக்சிபில் ஸ்கிரீன் வழங்கப்பட்டு இருக்கிறது.

ரெனோ 10 போன்றே ரெனோ 11 மாடலிலும் டிமென்சிட்டி 7050 பிராசஸர், ரெனோ 11 ப்ரோ மாடலில் டிமென்சிட்டி 8200 பிராசஸர் வழங்கப்பட்டு இருக்கிறது. இந்த ஸ்மார்ட்போன்களில் ஆண்ட்ராய்டு 14 சார்ந்த கலர் ஒ.எஸ். 14 வழங்கப்படுகிறது. இரு ஸ்மார்ட்போன்களுக்கும் மூன்று ஒ.எஸ். அப்டேட்கள், நான்கு ஆண்டுகளுக்கு செக்யூரிட்டி அப்டேட்கள் வழங்கப்படுகின்றன.

புகைப்படங்களை எடுக்க 32MP டெலிபோட்டோ லென்ஸ், 8MP அல்ட்ரா வைடு கேமரா, 32MP செல்ஃபி கேமரா வழங்கப்பட்டு இருக்கிறது. ரெனோ 11 மாடலில் 50MP கேமராவும், ப்ரோ மாடலில் 50MP IMX890 சென்சாரும் வழங்கப்பட்டுள்ளது. ரெனோ 11 மற்றும் ரெனோ 11 ப்ரோ மாடல்களில் முறையே 5000 எம்.ஏ.ஹெச். பேட்டரி, 67 வாட் சூப்பர்வூக் சார்ஜிங் மற்றும் 4700 எம்.ஏ.ஹெச். பேட்டரி, 80 வாட் சூப்பர்வூக் சார்ஜிங் வழங்கப்பட்டு இருக்கிறது.

ஒப்போ ரெனோ 11 அம்சங்கள்:

6.7 இன்ச் FHD+ 2412x1080 பிக்சல் FHD+ OLED கர்வ்டு டிஸ்ப்ளே, 120Hz ரிப்ரெஷ் ரேட்

ஆக்டா கோர் மீடியாடெக் டிமென்சிட்டி 7050 பிராசஸர்

மாலி G68 MC4 GPU

8 ஜி.பி. ரேம், 128 ஜி.பி. / 256 ஜி.பி. மெமரி

ஆண்ட்ராய்டு 14 சார்ந்த கலர் ஒ.எஸ். 14

50MP பிரைமரி கேமரா, OIS

8MP அல்ட்ரா வைடு கேமரா

32MP டெலிபோட்டோ கேமரா

32MP செல்ஃபி கேமரா

இன் டிஸ்ப்ளே கைரேகை சென்சார்

யு.எஸ்.பி. டைப் சி ஆடியோ

5ஜி, ப்ளூடூத் 5.2

யு.எஸ்.பி. டைப் சி

5000 எம்.ஏ.ஹெச். பேட்டரி

67 வாட் சூப்பர் வூக் ஃபாஸ்ட் சார்ஜிங்

ஒப்போ ரெனோ 11 ப்ரோ அம்சங்கள்:

6.7 இன்ச் FHD+ 2412x1080 பிக்சல் FHD+ AMOLED HDR 10+ டிஸ்ப்ளே, 120Hz ரிப்ரெஷ் ரேட்

ஆக்டா கோர் மீடியாடெக் டிமென்சிட்டி 8200 பிராசஸர்

மாலி G610 MC6 GPU

12 ஜி.பி. ரேம், 256 ஜி.பி. மெமரி

ஆண்ட்ராய்டு 14 சார்ந்த கலர் ஒ.எஸ். 14

50MP IMX890 பிரைமரி கேமரா, OIS

8MP அல்ட்ரா வைடு கேமரா

32MP டெலிபோட்டோ கேமரா

32MP செல்ஃபி கேமரா

இன் டிஸ்ப்ளே கைரேகை சென்சார்

யு.எஸ்.பி. டைப் சி ஆடியோ

5ஜி, ப்ளூடூத் 5.2

யு.எஸ்.பி. டைப் சி

4700 எம்.ஏ.ஹெச். பேட்டரி

80 வாட் சூப்பர் வூக் ஃபாஸ்ட் சார்ஜிங்

ஒப்போ ரெனோ 11 ஸ்மார்ட்போன் வேவ் கிரீன் மற்றும் ராக் கிரே என இரண்டு நிறங்களில் கிடைக்கிறது. இதன் 8 ஜி.பி. ரேம், 128 ஜி.பி. மெமரி மாடல் விலை ரூ. 29 ஆயிரத்து 999 என்றும் 8 ஜி.பி. ரேம், 256 ஜி.பி. மெமரி மாடல் விலை ரூ. 31 ஆயிரத்து 999 என்றும் நிர்ணயம் செய்யப்பட்டு உள்ளது.

ரெனோ 11 ப்ரோ மாடல் பியல் வைட் மற்றும் ராக் கிரே நிறங்களில் கிடைக்கிறது. இதன் 12 ஜி.பி. ரேம், 256 ஜி.பி. மெமரி மாடல் விலை ரூ. 39 ஆயிரத்து 999 என நிர்ணயம் செய்யப்பட்டு உள்ளது.

இரு மாடல்களின் முன்பதிவு ப்ளிப்கார்ட் மற்றும் ஒப்போ இந்தியா ஆன்லைன் ஸ்டோரில் ஏற்கனவே துவங்கி நடைபெற்று வருகிறது. ரெனோ 11 ப்ரோ மாடலின் விற்பனை ஜனவரி 18-ம் தேதியும், ரெனோ 11 ப்ரோ விற்பனை ஜனவரி 25-ம் தேதியும் துவங்குகிறது.

ப்ளிப்கார்ட் வலைதளத்தில் ரிபப்ளிக் டே 2024 சேல் ஜனவரி 14-ம் தேதி துவங்க இருக்கிறது. ப்ளிப்கார்ட் பிளஸ் சந்தாதாரர்களுக்கு சிறப்பு சலுகை விற்பனை ஒரு நாள் முன்னதாகவே துவங்க உள்ளது. இந்த நிலையில் நத்திங் நிறுவனம் தனது போன் 2 மாடலுக்கு அசத்தல் தள்ளுபடி வழங்க இருப்பதாக அறிவித்து இருக்கிறது.

அதன்படி நத்திங் போன் 2 மாடலுக்கு ரூ. 10 ஆயிரம் தள்ளுபடி வழங்கப்படுகிறது. நத்திங் போன் 2 மாடல் 8 ஜி.பி. ரேம், 128 ஜி.பி. மெமரி, 12 ஜி.பி. ரேம், 256 ஜி.பி. மெமரி மற்றும் 12 ஜி.பி. ரேம், 512 ஜி.பி. மெமரி போன்ற வேரின்ட்களில் கிடைக்கிறது. ப்ளிப்கார்ட் ரிபப்ளிக் டே சேல் விற்பனையில் இந்த ஸ்மார்ட்போனிற்கு தள்ளுபடி வழங்கப்படுகிறது.

சலுகையின் படி நத்திங் போன் 2 மாடலின் 12 ஜி.பி. ரேம், 256 ஜி.பி. மெமரி மாடல் விலை ரூ. 44 ஆயிரத்து 999-இல் இருந்து ரூ. 34 ஆயிரத்து 999 என மாற இருக்கிறது. இது ஸ்மார்ட்போனின் உண்மை விலையை விட ரூ. 10 ஆயிரம் குறைவு ஆகும். தள்ளுபடி மட்டுமின்றி ஐ.சி.ஐ.சி.ஐ. வங்கி கார்டுகளை பயன்படுத்தும் போது ரூ. 2 ஆயிரமும், பழைய சாதனத்தை எக்சேன்ஜ் செய்யும் போது ரூ. 3 ஆயிரம் வரையிலும் தள்ளுபடி பெறலாம்.

இதே போன்று 8 ஜி.பி. ரேம், 128 ஜி.பி. மெமரி மற்றும் 12 ஜி.பி. ரேம், 512 ஜி.பி. மெமரி மாடல்கள் விலை முறையே ரூ. 39 ஆயிரத்து 999, ரூ. 49 ஆயிரத்து 999 விலையில் விற்பனை செய்யப்பட உள்ளது. ஸ்மார்ட்போன் மட்டுமின்றி ப்ளிப்கார்ட் சிறப்பு விற்பனையில் 65 வாட் CMF சார்ஜர் ரூ. 1,999 விலையில் விற்பனை செய்யப்பட உள்ளது. இது அதன் உண்மை விலையை விட ரூ. 2 ஆயிரம் குறைவு ஆகும்.

நத்திங் போன் 2 அம்சங்கள்:

6.7 இன்ச் 2412x1080 பிக்சல் FHD+ OLED 1-120 Hz LTPO ஸ்கிரீன்

அதிகபட்சம் 1600 நிட்ஸ் பீக் பிரைட்னஸ்

குவால்காம் ஸ்னாப்டிராகன் 8 பிளஸ் ஜென் 1 பிராசஸர்

அதிகபட்சம் 12 ஜிபி ரேம்

அதிகபட்சம் 512 ஜிபி மெமரி

ஆண்ட்ராய்டு 13 மற்றும் நத்திங் ஒஎஸ் 2.0

டூயல் சிம் ஸ்லாட்

50MP பிரைமரி கேமரா, OIS

50MP 114 டிகிரி அல்ட்ரா வைடு கேமரா, 4cm மேக்ரோ ஆப்ஷன்

32MP செல்ஃபி கேமரா

இன் டிஸ்ப்ளே ஆப்டிக்கல் கைரேகை சென்சார்

யுஎஸ்பி டைப் சி ஆடியோ

ஸ்டீரியோ ஸ்பீக்கர்கள்

ஸ்பிலாஷ் ரெசிஸ்டன்ட்

5ஜி, டூயல் 4ஜி வோல்ட்இ, வைபை, ப்ளூடூத், யுஎஸ்பி டைப் சி

4700 எம்ஏஹெச் பேட்டரி

45 வாட் ஃபாஸ்ட் சார்ஜிங்

அமேசான் வலைதளத்தில் கிரேட் ரிபப்ளிக் டே சேல் (Great Republic Day Sale) சிறப்பு விற்பனை ஜனவரி 13-ம் தேதி துவங்கும் என அறிவிக்கப்பட்டு இருக்கிறது. குடியரசு தினத்திற்கு முன்பு துவங்கும் சிறப்பு விற்பனை பிரைம் சந்தா வைத்திருப்போருக்கு மட்டும் முன்கூட்டியே துவங்கிவிடும். இத்துடன் ஏராளமான பிரத்யேக சலுகைகள் வழங்கப்படுகிறது.

கிரேட் ரிபப்ளிக் டே சேலில் பயனர்கள் அனைத்து விதமான பொருட்களுக்கும் சிறப்பு சலுகைகள், தள்ளுபடி மற்றும் வங்கி சார்ந்த பலன்களை பெற முடியும். அமேசானுக்கு கடும் போட்டியாளராக பார்க்கப்படும் ப்ளிப்கார்ட் வலைதளத்தில் ரிபப்ளிக் டே சேல் ஜனவரி 14-ம் தேதி துவங்க இருப்பது குறிப்பிடத்தக்கது.

சிறப்பு விற்பனை குறித்து அமேசான் வெளியிட்டுள்ள தகவல்களில், அமேசான் கிரேட் ரிபப்ளிக் டே சேல் ஜனவரி 13-ம் தேதி மதியம் 12 மணிக்கு துவங்கும் என குறிப்பிடப்பட்டு இருக்கிறது. அமேசான் பிரைம் சந்தா வைத்திருப்போருக்கு இந்த விற்பனை 12 மணி நேரம் முன்னதாகவே துவங்கிவிடும். இத்துடன் ஏராளமான பொருட்களை ஒன்று அல்லது இரண்டே நாட்களில் டெலிவரி பெறும் வசதியும் வழங்கப்படுகிறது.

எந்தெந்த பொருட்களுக்கு என்னென்ன சலுகைகள் வழங்கப்படும் என்பது குறித்து அமேசான் இதுவரை முழு தகவல்களை வழங்கவில்லை. வரும் நாட்களில் இது தொடர்பான தகவல்கள் வழங்கப்படும் என எதிர்பார்க்கலாம். பொருட்கள் மட்டுமின்றி அமேசான் மியூசிக் மற்றும் வீடியோ ஸ்டிரீமிங் சேவைகளுக்கான சந்தாவும் வழங்கப்படலாம்.

தற்போதைய தகவல்களின் படி அமேசான் கிரேட் ரிபப்ளிக் டே சேலில் ஸ்மார்ட்போன் மற்றும் அக்சஸரீக்களுக்கு 40 சதவீதம் வரையிலான தள்ளுபடி வழங்கப்படும் என தெரிவிக்கப்பட்டு இருக்கிறது. இதே போன்று லேப்டாப், டேப்லெட், ஸ்மார்ட்வாட்ச் மற்றும் இதர அக்சஸரீக்களை வாங்கும் போது அதிகபட்சம் 75 சதவீதம் வரையிலான தள்ளுபடி வழங்கப்பட இருக்கிறது. 

ஆப்பிள் நிறுவனம் கடந்த ஆண்டு செப்டம்பர் மாதம் தனது முதல் மிக்சட் ரியாலிட்டி ஹெட்செட்- ஆப்பிள் விஷன் ப்ரோ மாடலை அறிமுகம் செய்தது. எனினும், இதன் விற்பனை துவங்காமல் இருந்தது. இந்த ஆண்டு துவக்கத்தில் விஷன் ப்ரோ ஹெட்செட் விற்பனைக்கு வரும் என ஆப்பிள் அறிவித்து இருந்த நிலையில், இது பற்றிய புதிய தகவல்கள் வெளியாகி உள்ளன.

அதன்படி ஆப்பிள் நிறுவனம் விஷன் ப்ரோ ஹெட்செட் விற்பனை பிப்ரவரி 2-ம் தேதி அமெரிக்காவில் துவங்கும் என்று அறிவித்து இருக்கிறது. பயனர்கள் இந்த ஹெட்செட்-ஐ ஜனவரி 19-ம் தேதி முதல் முன்பதிவு செய்ய முடியும். அமெரிக்க பயனர்கள் விஷன் ப்ரோ ஹெட்செட்-ஐ ஆப்பிள் ஸ்டோர் மற்றும் ஆப்பிள் ஆன்லைன் ஸ்டோரில் முன்பதிவு செய்ய முடியும். இதன் விலை 3 ஆயிரத்து 499 டாலர்கள் ஆகும்.

விஷன் ப்ரோ ஹெட்செட் உடன் அட்ஜஸ்ட் செய்யக்கூடிய இரு ஹெட்பேன்ட் வழங்கப்படுகிறது. இத்துடன் மினிமலிஸ்ட் சோலோ நிட் பேன்ட், ஸ்டேபிலிட்டி கொண்ட டூயல் லூப் பேன்ட் வழங்கப்படுகிறது. இந்த ஹெட்செட்-இன் பெட்டி வெளிச்சம் புகாத வகையிலும், மென்மையான குஷன்கள் வழங்கப்பட்டுள்ளன.

அம்சங்களை பொருத்தவரை விஷன் ப்ரோ மாடலில் 23 மில்லியன் பிக்சல்கள் அடங்கிய, அதிக ரெசல்யூஷன் கொண்ட டிஸ்ப்ளே சிஸ்டம் இரு டிஸ்ப்ளேக்களிடையே வழங்கப்பட்டு உள்ளன. இத்துடன் பிரத்யேக டூயல் சிப் டிசைன் மற்றும் ஆப்பிள் சிலிகான் பிராசஸர் வழங்கப்பட்டு இருக்கிறது.

இந்த தொழில்நுட்பம் அசாத்திய டிஸ்ப்ளே அனுபவத்தை பயனர்களுக்கு கடத்தும் திறன் கொண்டிருக்கிறது. ஆப்பிள் விஷன் ப்ரோ ஹெட்செட் கொண்டு பயனர்கள் தங்களின் நினைவுகளை திரும்பி பார்க்க முடியும். இதன் இந்திய விற்பனை குறித்து இதுவரை எந்த தகவலும் இல்லை.