என் மலர்

    நீங்கள் தேடியது "Union Committee Meeting"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • தேனி ஊராட்சி ஒன்றிய குழு கூட்டம் ஒன்றியக்குழு தலைவர் தலைமையில் நடைபெற்றது.
    • ஒன்றிய கவுன்சிலர்களின் கோரிக்கை குறித்து உரிய நடவடிக்கை மேற்கொள்ளப்படும் என தலைவர் கூறினார்.

    தேனி:

    தேனி ஊராட்சி ஒன்றிய குழு கூட்டம் ஒன்றியக்குழு தலைவர் சக்கரவர்த்தி தலைமையில் நடைபெற்றது. வட்டார வளர்ச்சி அலுவலர்கள் ரவிச்சந்திரன், ஐயப்பன் (கிராம ஊராட்சி) ஆகியோர் முன்னிலை வகித்தனர்.

    கூட்டத்தில் துணை வட்டார வளர்ச்சி அலுவலர் (நிர்வாகம்) சேது, பொறியாளர்கள் சோனா, அஜய், ஒன்றிய கவுன்சிலர்கள் கிருஷ்ணசாமி, கந்தவேல், சங்கீதா, மாலா, கவிதா, தனலட்சுமி, நாகலட்சுமி, அன்புமணி உள்பட ஒன்றிய அலுவலக அலுவலர்கள் பலர் கலந்து கொண்டனர். கூட்டத்தில் 31 கூட்டப்பொருள் விவாதிக்கப்பட்டு தீர்மானம் நிறைவேற்றப்பட்டது.

    கவுன்சிலர் கிருஷ்ணசாமி:- தர்மாபுரி ஊராட்சியில் தலைவராக ஊராட்சி தலைவரின் கணவர் தான் செயல்படுகிறார். அதுபோல தர்மபுரியில் உள்ள ஓடை பகுதியில் சாலை அமைக்கும் பணி நடைபெறுகிறது இதற்கு அவர்களுக்கு யார் அனுமதி கொடுத்தது.

    மேலும் ஊராட்சி பகுதியில் சீராக குடிநீர் வரவில்லை, சாக்கடைகள் தூர்வா படுவதில்லை போன்ற அடிப்படை பிரச்சனைகள் தொடர்ந்து இருந்து வருகிறது.

    கவுன்சிலர் கவிதா:- காட்டுநாயக்கன்பட்டி ஊராட்சி அலுவலகம் அருகே உள்ள ஊரணி பயனற்றது கிடைக்கிறது அதனை சீர்படுத்த வேண்டும். மேலும் தெருவிளக்குகள் சரிவர எரிவதில்லை.

    கவுன்சிலர் சங்கீதா:- ஸ்ரீரெங்கபுரம் ஊராட்சி பகுதியில் பயணிகள் நிழற்குடை தேவை. அதுபோல ஒன்றிய கவுன்சிலருக்கு சம்பளம் தேவை என பலமுறை கூட்டத்தில் கோரிக்கை வைத்துள்ளேன். ஆனால் அரசு அமர்வுபடியை மட்டும் 10 மடங்கு உயர்த்தி உள்ளது இந்த அமர்வு படி உயர்வு என்பது வெறும் கண்துடைப்பாக உள்ளது.

    கவுன்சிலர் மாலா:- கோட்டூர் 4-வது வார்டு பகுதியில் சாலைகள் மிகவும் மோசமாக உள்ளது அதை சீர்படுத்தி சாக்கடை வசதி செய்து தர வேண்டும். அதுபோல 12-வது பகுதியில் விளையாட்டு மைதானம் அமைத்து தர வேண்டும்.

    கவுன்சிலர் கந்தவேல்:- எனது வார்டு பகுதியில் உள்ள தனியார் கல்லூரி முன்பு இருக்கக்கூடிய வாய்க்கால் புறம்போக்கு பகுதியை ஆக்கிரமிப்பு செய்துள்ளனர் அதனை மீட்க வேண்டும். அதுபோல கோட்டைப்பட்டி பகுதியில் ரேசன் கடை அமைத்து தர வேண்டும்.

    கவுன்சிலர் அன்புமணி:- உப்பாரப்பட்டி பகுதியில் அங்கன்வாடி மையம் இடிந்து விழும் நிலையில் உள்ளது அதனை சரி செய்ய வேண்டும். மேலும் ஆண்கள் கழிப்பிடம் கட்டி தர வேண்டும். இவ்வாறு கவுன்சிலர்கள் கோரிக்கை குறித்து கேள்விகளை எழுப்பினார்கள். இதற்கு ஒன்றிய குழு தலைவர் மற்றும் வட்டார வளர்ச்சி அலுவலர்கள் ஒன்றிய கவுன்சிலர்களின் கோரிக்கை குறித்து உரிய நடவடிக்கை மேற்கொள்ளப்படும் என பதில் அளித்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • காரைக்குடி அருகே சாக்கோட்டை ஒன்றியக்குழு கூட்டம் நடந்தது.
    • மேலாளர் ராஜேந்திரகுமார் நன்றி கூறினார்.

    காரைக்குடி

    காரைக்குடி அருகே உள்ள சாக்கோட்டை ஒன்றிய குழு சாதாரண கூட்டம் தலைவர் சரண்யா செந்தில்நாதன் தலைமையில் நடைபெற்றது.ஆணையாளர் ஹேமலதா வரவேற்றார். வட்டார வளர்ச்சி அலுவலர் (கிராம ஊராட்சி) கேசவன் முன்னி லை வகித்தார்.

    கூட்டத்தில் 6-வது வார்டு தி.மு.க. உறுப்பினர் சொக்கலிங்கம், கடந்த மாதம் நடைபெற்ற மாற்றுத் திறனாளிகள் முகாமில் நரம்பியல் மருத்துவர் கலந்து கொள்ளாததால் சிவகங்கைக்கு செல்லு மாறு கூறியதால் மாற்றுத் திறனாளிகள் சிரமத்திற்குள் ளாயினர்.அனைத்து முன் னேற்பாடுகளுடன் முகாமை நடத்த வேண்டும் என்றார்.

    10-வது வார்டு உறுப்பினர் தேவிமீனால் பேசுகையில்,ராஜீவ்காந்தி நகரில் வசித்து வருபவர்க ளிடம் வருவாய்த்துறை அதிகாரிகள் ஆக்கிரமிப்பை அகற்ற இருப்பதால் வீடு களை காலி செய்ய சொல் கிறார்கள். வறுமையில் வாடும் அவர்களுக்கு பட்டா வழங்க வேண்டும் அல்லது மாற்று ஏற்பாடுகளை செய்ய வேண்டும்.சங்கரா புரம் பகுதிகளில் மின்கம்ப ங்கள் பல பழுதாகி உள்ளன. அவற்றை மாற்ற வேண்டும் என்றார்.

    இதற்கு பி.டி.ஓ கேசவன் பதிலளிக்கையில், ஆக்கிர மிப்புகளை அகற்றுவது அவசியம். புதிதாக கட்ட ப்பட்டு வரும் அரசு அடுக்குமாடி குடியிருப்பு களில் முன்னுரிமை வழங்க வழி செய்யப்படும் என்றார்.

    அ.தி.மு.க. கவுன்சிலர் சுப்பிரமணியன் பேசு கையில், மழைக்காலத்திற்கு முன்பாக பழுதடைந்து உள்ள சாலைகளை புதிதாக அமைக்க வேண்டும் என்றார்.

    தலைவர் சரண்யா செந்தில் நாதன் பேசுகையில், உறுப்பினர்கள் தங்கள் பகுதி களில் குளம், கண்மாய் கரைகளை பலப்படுத்தவும், தகுந்த முன்னேற்பாடுகள் உள்ளனவா? என்பதை கவனத்தில் கொள்ள வேண்டும். மின்கம்பங்கள் சரி செய்யப்பட வேண்டும். மழைக்காலம் தொற்று நோய்கள் பரவாமல் இருப்பதை உறுதி செய்ய வேண்டும் என்றார். தொடர்ந்து ரூ.ஒரு கோடி மதிப்பில் சாலை களை அமைப்பது உள்ளிட்ட பல்வேறு தீர்மானங்கள் ஏகமனதாக நிறைவேற்ற ப்பட்டன.

    இதில் துணைத்தலைவர் கார்த்திக்,உறுப்பினர்கள் ஜெயந்தி,திவ்யா, தமிழ்செல்வி,தேவிமீனாள்,சுப்பிரமணியம்,ராமச் சந்திரன், சொக்கலிங்கம் உள்பட அலுவலக பணியாளர்கள் கலந்து கொண்டனர்.மேலா ளர் ராஜேந்திரகுமார் நன்றி கூறினார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • ஆத்தூர் ஒன்றிய குழு கூட்டம் செம்பட்டியில் உள்ள யூனியன் அலுவலகத்தில் நடைபெற்றது.
    • கூட்டத்தில், தி.மு.க, அ.தி.மு.க ஒன்றிய குழு உறுப்பினர்கள், அனைத்துத் துறை அரசு அலுவலர்கள் கலந்து கொண்டனர்.

    செம்பட்டி:

    திண்டுக்கல் மாவட்டம், ஆத்தூர் ஒன்றிய குழு கூட்டம் செம்பட்டியில் உள்ள யூனியன் அலுவலகத்தில் நடைபெற்றது. கூட்டத்திற்கு ஒன்றிய குழு தலைவர் மகேஸ்வரி முருகேசன் தலைமை தாங்கினார். துணைத்தலைவர் ஹேமலதா மணிகண்டன் முன்னிலை வகித்தார். வட்டார வளர்ச்சி அலுவலர் (வ.ஊ) தட்சிணாமூர்த்தி வரவேற்று பேசினார்.

    கூட்டத்தில், மின் கட்டணம் செலுத்துதல், வாகனங்களுக்கு எரிபொருள் கட்டணம், அமர்வுபடி, டெங்கு தடுப்பு மருத்துவ பணியாளர்களுக்கு ஊதியம் வழங்குதல், எழுதுபொருள் செலவினத்தொகை, புதிய ஒப்பந்தகாரர்களை சேர்த்தல் உட்பட 19 தீர்மானங்கள் நிறைவேற்றப்பட்டது. கூட்டத்தின் போது நடைபெற்ற விவாதங்கள் பின்வருமாறு:-

    தி.மு.க. ஒன்றிய குழு உறுப்பினர் காணிக்கைசாமி:- வண்ணம்பட்டியிலிருந்து கெண்டையம்பட்டி வரை கிராம பொதுமக்கள் நீண்ட நாள் கோரிக்கையான, 6 மீ அகலம், 500 மீ தூரத்திற்கு சாலை அமைக்க இடம் ஒதுக்கீடு செய்யப்பட்டுள்ளது. மண் சாலையாக உள்ளதை தார்சாலையாக அமைத்துக்கொடுக்க வேண்டும்.

    வட்டார வளர்ச்சி அலுவலர் தட்சிணாமூர்த்தி:- மாவட்ட நிர்வாகத்திற்கு பரிந்துரை செய்யப்பட்டு ரூ.25 லட்சம் மதிப்பில் தார்சாலை அமைக்க ஒப்புதல் பெறப்பட்டுள்ளது. விரைவில் தார்சாலை அமைத்துக்கொடுக்கப்படும்.

    தி.மு.க. ஒன்றிய குழு உறுப்பினர் சாதிக்:- சித்தரேவு ஊராட்சியில், சாலைகள், சாக்கடைகள் சுத்தம் செய்து, அடிப்படை வசதிகளை நிறைவேற்ற வேண்டும். 1-வது வார்டு பகுதியில் அடிப்படை வசதிகள் நிறைவேற்றப்படவில்லை என கூறி அந்த வார்டு உறுப்பினர் மீனாட்சி ஸ்டாலின் என்பவர் ராஜினாமா செய்து கடிதம் கொடுத்துள்ளது குறிப்பிடத்தக்கது. பின்னர், சமாதானம் பேசி அவரது ராஜினாமா வாபஸ் பெறப்பட்டது.

    ஒன்றிய குழு உறுப்பினர் ஆனந்தன்:- எனது ஊராட்சி அக்கரைப்பட்டியில் திடக்கழிவு மேலாண்மை திட்டம் முடங்கிவிட்டது. முறையாக செயல்படுத்த நடவடிக்கை எடுக்க வேண்டும்.

    வட்டார வளர்ச்சி அலுவலர் தட்சிணாமூர்த்தி : மாவட்ட கலெக்டரின் உத்தரவின் பேரில் சிறப்பு துப்புரவு முகாம் நடைபெற்று வருகிறது. அதன்படி ஊராட்சி முழுவதும் தூய்மைப்பணி மேற்கொள்ளலாம் என்றார்.

    கூட்டத்தில், தி.மு.க, அ.தி.மு.க ஒன்றிய குழு உறுப்பினர்கள், அனைத்துத் துறை அரசு அலுவலர்கள் கலந்து கொண்டனர். அலுவலக மேலாளர் முருகன் நன்றி கூறினார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • 20 தீர்மானங்கள் நிறைவேற்றப்பட்டன.
    • பெரும்பாலான கிராமங்களில், குடிநீர் தட்டுப்பாடு நிலவுகிறது.

    குடிமங்கலம் :

    குடிமங்கலம் ஒன்றியக்குழு சாதாரணக்கூட்டம், துணைத்தலைவர் புஷ்பராஜ் தலைமையில் நடந்தது. பி.டி.ஓ.,க்கள் சிவகுருநாதன், சாதிக்பாஷா முன்னிலை வகித்தனர்.ஒன்றிய அலுவலக செலவினங்கள், லிங்கமநாயக்கன்புதூர் முதல் சனுப்பட்டி வரையிலான ரோட்டை 78 லட்ச ரூபாய் மதிப்பீட்டில் புதுப்பித்தல் உள்ளிட்ட 20 தீர்மானங்கள் நிறைவேற்றப்பட்டன.

    கூட்டத்தில் திருமூர்த்திமலை கூட்டுக்குடிநீர் திட்டத்தில் சீரான வினியோகம் இல்லாததால், ஒன்றியத்துக்குட்பட்ட பெரும்பாலான கிராமங்களில், குடிநீர் தட்டுப்பாடு நிலவுகிறது.இது குறித்து குடிநீர் வடிகால் வாரிய அதிகாரிகளுடன் இணைந்து ஆய்வு நடத்தி வினியோகத்தை சீராக்க வேண்டும்.கிராமங்களில் ரோடு மேம்பாடு உள்ளிட்ட பணிகளுக்காக கவுன்சிலர்கள் வழங்கிய கருத்துரு மீது ஒன்றிய அதிகாரிகள் எவ்வித நடவடிக்கையும் எடுப்பதில்லை.ஒன்றிய பொது நிதியில், வளர்ச்சி பணிகளுக்கு நிதி ஒதுக்கீடு செய்ய வேண்டும் உள்ளிட்ட கோரிக்கைகளை வலியுறுத்தி ஒன்றிய கவுன்சிலர்கள் பேசினர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • சிங்கம்புணரி ஊராட்சி ஒன்றியக்குழு கூட்டம் நடந்தது.
    • கூட்டத்தில் ரூ. 1 கோடியே 36 லட்சத்து 55 ஆயிரத்து 657 மதிப்பிலான திட்டங்கள் தொடர்பாக தீர்மானம் நிறைவேற்றப்பட்டது.

    சிங்கம்புணரி

    சிவகங்கை மாவட்டம் சிங்கம்புணரி ஊராட்சி ஒன்றிய அலுவலக கூட்ட அரங்கில் மாதாந்திர கூட்டம் நடந்தது. ஒன்றியக்குழுத்தலைவர் திவ்யா பிரபு தலைமை தாங்கினார். வட்டார வளர்ச்சி அலுவலர்கள் லட்சுமணராஜா, பாலசுப்பிரமணியன் ஆகியோர் முன்னிலை வகித்தனர். இதில் உறுப்பினர்கள் அனைவரும் கலந்து கொண்டனர். கூட்டத்தில் ரூ. 1 கோடியே 36 லட்சத்து 55 ஆயிரத்து 657 மதிப்பிலான திட்டங்கள் செய்வது தொடர்பாக தீர்மானம் நிறைவேற்றப்பட்டது.

    இந்த கூட்டத்தில் நடந்த விவாதத்தின்போது, 6-வது வார்டு தி.மு.க. உறுப்பினர் உதயசூரியன் பேசும்போது, ஒன்றிய குழு கூட்டத்திற்கு ஏனைய துறை சார்ந்த அதிகாரிகள் வருவதில்லை. எனவே அந்த துறை சார்ந்த நலத்திட்டங்கள் என்ன? அரசு அறிவித்த திட்டங்கள் எவை? என்று எங்களுக்கு தெரியாததால் எங்களுக்கு குழப்பம் ஏற்படுகிறது. இந்த திட்டங்கள் குறித்து மக்களிடம் தெரிவிப்பதில் சுணக்கம் ஏற்படுகிறது என்று தெரிவித்தார்.

    இதைத்தொடர்ந்து அவரின் கேள்விக்கு பதிலளித்த வட்டார வளர்ச்சி அலுவலர் சுப்பிரமணிய ராஜா, அனைத்து துறை அதிகாரிகளுக்கும் தகவல் அனுப்பப்பட்டுள்ளது. ஆனால் இந்த கூட்டத்தில் அவர்கள் கலந்து கொள்ளவில்லை இனிவரும் கூட்டத்தில் தவறாது கலந்து கொள்ள அறிவுறுத்தப்படுவார்கள் என கூறினார்.

    முடிவில் மேலாளர் ஜெயஸ்ரீ நன்றி கூறினார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • தேனிமாவட்டம் பெரியகுளம் ஊராட்சி ஒன்றிய அலுவலக கூட்டரங்கில் ஒன்றியக்குழு கூட்டம் நடைபெற்றது.
    • கூட்டத்தில் 53 தீர்மானங்கள் நிறைவேற்றப்பட்டது.

    பெரியகுளம்:

    தேனிமாவட்டம் பெரியகுளம் ஊராட்சி ஒன்றிய அலுவலக கூட்டரங்கில் ஒன்றியக்குழு கூட்டம் பெருந்தலைவர் தங்கவேல் தலைமையில் நடைபெற்றது. துணைத்தலைவர் மருதையம்மாள் சாஸ்தா மற்றும் வட்டார வளர்ச்சி அலுவலர்கள் சேகரன், ஜெகதீசன் ஆகியோர் முன்னிலை வகித்தனர்.

    இக்கூட்டத்தில் அலுவலக கணக்காளர் திருப்பதி தீர்மான நகல்களை வாசித்தார். ஒருமனதாக 53 தீர்மானங்கள் நிறைவேற்றப்பட்டது. மேலும் ஒன்றிய குழு உறுப்பினர்கள் தங்களது பகுதிகளில் வளர்ச்சி திட்டப் பணிகள் குறித்தும், நடைபெற இருக்கும் பணிகள் குறித்தும் விவாதித்தனர்.

    இதில் கவுன்சிலர்கள் பாக்கியம் கண்ணன், ரேவதி அசோக்குமார், சண்முகவள்ளி நடராஜன், பாலு, ஈஸ்வரன், ஆண்டி, தேவர்லிங்கம்மாள், ராசு, செல்வம், ஊராட்சி ஒன்றிய உதவி பொறியாளர்கள் பிரகதீஸ்வரன், சுபா மற்றும் அலுவலர்கள் கலந்து கொண்டனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • வளர்ச்சி திட்டங்கள் குறித்து ஆய்வு
    • முதல்-அமைச்சர் மு.க.ஸ்டாலினுக்கு நன்றி தெரிவிக்கப்பட்டது

    திருவண்ணாமலை:

    திருவண்ணாமலை ஒன்றிய அலுவலகத்தில் உள்ள மன்ற கூட்டரங்கில் ஒன்றியக்குழு கூட்டம் நேற்று நடைபெற்றது. கூட்டத்திற்கு ஒன்றியக்குழு தலைவர் கலைவாணி கலைமணி தலைமை தாங்கினார். ஒன்றியக்குழு துணைத் தலைவர் ரமணன் முன்னிலை வகித்தார். ஒன்றிய ஆணையாளர் அமிர்தராஜ் வரவேற்றார்.

    ஒன்றியக் குழு கூட்டம்

    கூட்டத்தில் கடந்த 8 மற்றும் 9-ந் தேதிகளில் திருவண்ணாமலைக்கு வருகை தந்து அரசு சார்பில் நடந்த விழாவில் பயனாளிகளுக்கு பல்வேறு அரசு நலத்திட்ட உதவிகளை வழங்கி திருவண்ணாமலை ஊராட்சி ஒன்றியத்துக்கு புதிய அலுவலகம் கட்ட அடிக்கல் நாட்டிய முதல்-அமைச்சர் மு.க.ஸ்டாலினுக்கும், இதற்கு உறுதுணையாக இருந்த பொதுப்பணித்துறை அமைச்சர் எ.வ.வேலு, துணை சபாநாயகர் கு.பிச்சாண்டி ஆகியோருக்கும் நன்றி தெரிவித்து கொள்வது.

    38 தீர்மானங்கள்

    காடகமான் ஊராட்சியில் ஆதிச்சநல்லூரி செல்லும் சாலையில் தார் சாலை அமைப்பது, ஏந்தல் ஊராட்சியில் சிறுபாலம் கட்டுவது, அய்யம்பாளையம் ஊராட்சி பிள்ளையார் கோவில் குளத்திற்கு தடுப்பு சுவர் அமைப்பது, அடிஅண்ணாமலை ஊராட்சியில் அரசு உயர்நிலைப்பள்ளி அருகில் சிறுபாலம் மற்றும் பக்க கால்வாய் அமைப்பது என்பன உள்ளிட்ட பல்வேறு வளர்ச்சி திட்டங்களுக்கு நிதி ஒதுக்கீடு செய்து மன்ற அங்கீகாரம் வழங்குதல் உள்ளிட்ட 38 தீர்மானங்கள் கூட்டத்தில் நிறைவேற்றப்பட்டன.

    கூட்டத்தில் ஒன்றியக்குழு உறுப்பினர்கள் பக்தவச்சலம், சாந்தி விஜயன், சுபாசெல்வமணி, தினகரன், முருகன், யுவராஜா உள்பட மண்டல துணை வட்டார வளர்ச்சி அலுவலர்கள், ஒன்றிய உதவி பொறியாளர்கள், பணி மேற்பார்வையாளர்கள் என பலர் கலந்து கொண்டனர். முடிவில் மேலாளர் (நிர்வாகம்) கோபி நன்றி கூறினார்.

    ×