நீங்கள் தேடியது "SB"

நாமக்கல்:

நாமக்கல் மாவட்டம் மோகனூர் வட்டம் பொன்னேரிப்பட்டி கிராமத்தில் கோவில் வழித்தட பிரச்னை காரணமாக இரு தரப்பினர் இடையே மோதல் ஏற்பட்டது. இந்த நிலையில் சிலர் வெளியுரில் இருந்து ரவுடிகளை அழைத்து வந்து மிரட்டல் விடுப்பதாக புகார் எழுந்துள்ளது.

சமீபத்தில் முன்னாள் ஊராட்சி மன்ற தலைவர் வளர்மதியின் கணவர் தனசேகரன் தாக்கப்பட்டார். இது தொடர்பாக போலீஸ் நிலையத்திலும், மாவட்ட கலெக்டர் அலுவலகத்திலும் புகார் அளிக்கப்பட்டுள்ளது.

பெண்கள், குழந்தைகள் அச்சத்துடன் உள்ளதால், பொன்னேரிப்பட்டி கிராமத்திற்குள் நுழையும் ரவுடிகள் மீது போலீசார் கடும் நடவடிக்கை எடுக்க வேண்டும் என அக்கிராமத்தைச் சேர்ந்தோர் மாவட்ட போலீஸ் சூப்பிரண்டு சாய்சரண் தேஜஸ்வியிடம் மனு அளித்தனர்.

இதையடுத்து உரிய நடவடிக்கை எடுப்பதாக போலீஸ் சூப்பிரண்டு சாய்சரண் தேஜஸ்வி உறுதியளித்தார்.

ஈரோடு:

ஈரோடு திண்டல் பாலாஜி கார்டனை சேர்ந்தவர் கந்தசாமி மகன் மணிகண்டன் (வயது19). சிறு வயதிலேயே தாய், தந்தையை இழந்து விட்டார்.

தனது பாட்டி பாதுகாப்பில் மணிகண்டன் வளர்ந்து வந்தார். படிப்பில் ஆர்வம் இல்லாததால் எந்த வேலைக்கும் செல்லாமல் ஈரோடு பஸ் நிலையத்தில் சுற்றி வந்து சிறு சிறு திருட்டு சம்பவ செயலில் ஈடுபட்டு வந்தார்.

இதையடுத்து போலீசாரால் கைது செய்யப்பட்டு மணிகண்டன் தண்டனை முடிந்து வெளியே வந்தார்.

பின்னர் மணிகண்டனை ஈரோடு போலீஸ் சூப்பிரண்டு சக்திகணேசன் நேரில் அழைத்து திருந்தி வாழுமாறு அறிவுரை வழங்கினார். இதை ஏற்று மணிகண்டன் தான் திருந்தி வாழ்வதாக எஸ்.பி.யிடம் உறுதி கூறினார்.

ஆனால் மணிகண்டனுக்கு யாரும் வேலை கொடுக்க முன் வரவில்லை. இதையறிந்த எஸ்.பி. சக்திகணேசன் மணிகண்டனுக்கு ஈரோடு பஸ் நிலையத்தில் பழ வியாபாரம் செய்ய உதவினார்.

இதையடுத்து தற்போது மணிகண்டன் ஈரோடு பஸ் நிலையத்தில் பழ வியாபாரம் செய்து வருகிறார். எஸ்.பி.சக்திகணேசனின் இந்த செயலை பலரும் பாராட்டி வருகிறார்கள்.  #Fruitbusiness #erodebusstand