search icon
என் மலர்tooltip icon

    நீங்கள் தேடியது "Dipika Pallikal"

    • தினேஷ் கார்த்திக் 2015-ல் ஸ்குவாஷ் வீராங்கனையான தீபிகா பல்லிக்கலை திருமணம் செய்து கொண்டார்.
    • திருமணநாளான நேற்று அவரது மனைவிக்கு வேடிக்கையான மற்றும் இனிமையான செய்தி ஒன்றை பகிர்ந்து உள்ளார்.

    இந்திய கிரிக்கெட் அணியின் மூத்த விக்கெட் கீப்பர் பேட்டர் தினேஷ் கார்த்திக். இவர் 2015-ல் ஸ்குவாஷ் வீராங்கனையான தீபிகா பல்லிக்கலை திருமணம் செய்து கொண்டார். அவரது திருமணநாளான நேற்று அவர் சமூக ஊடகங்களில் அவரது மனைவிக்கு வேடிக்கையான மற்றும் இனிமையான செய்தி ஒன்றை பகிர்ந்து உள்ளார்.

    அதில் "ஆண்டுகள் கடந்தும் நம் இருவரின் முட்டாள்தனத்தால் உண்மையான காதல் வாழ்கிறது டிகே-டிபி தின வாழ்த்துக்கள்," என்று கூறியிருந்தார்.


    இந்த டுவிட் சமூக வலைதளங்களில் டிராண்டாகி வருகிறது. இவர்களது திருமணநாளுக்கு முன்னாள் வீரர்கள் மற்றும் ரசிகர்கள் வாழ்த்து தெரிவித்து வருகின்றனர்.

    ஆசிய விளையாட்டு போட்டியில் பதக்கம் வென்ற மூன்று பேருக்கு தலா ரூ. 20 லட்சம் வழங்கப்படும் என முதல்வர் அறிவித்துள்ளார். #AsianGames2018 #EPS
    இந்தோனேசியாவின் ஜகார்த்தா மற்றும் பலெம்பாங்சில் ஆசிய விளையாட்டு போட்டிகள் நடைபெற்று வருகின்றன. இதில் தமிழ்நாட்டைச் சேர்ந்த பல வீரர்கள் வீராங்கனைகள் இந்தியா சார்பில் கலந்து கொண்டனர்.

    ஸ்குவாஷ் பிரிவில் முன்னணி வீராங்கனைகளான தீபிகா பல்லிகல், ஜோஸ்னா சின்னப்பா ஆகியோர் அரையிறுதிக்கு முன்னேறினார். ஆனால் அரையிறுதியில் தோல்வியடைந்ததால் வெண்கல பதக்கத்தோடு திருப்பியடைந்தார்கள்.



    இந்நிலையில் பதக்கம் வென்ற இருவருக்கும் வாழ்த்துக்கள் தெரிவித்ததோடு, இருவரும் தலா 20 லட்சம் ரூபாய் பரிசுத் தொகை வழங்கப்படும் என்று தமிழக முதல்வர் எடப்பாடி பழனிச்சாமி தெரிவித்துள்ளார்.



    ஆண்களுக்கான ஒற்றையர் பிரிவில் காலிறுதியில் தோல்வியடைந்த சவுரவ் கோஷலுக்கு 20 லட்சம் ரூபாய் பரிசுத் தொகையாக அளித்ததுடன் வாழ்த்துக்களும் தெரிவித்துள்ளார்.



    10 ஆயிரம் மீட்டர் ஓட்டத்தில் தமிழக வீரர் லட்சுமணன் வெண்கல பதக்கம் வென்றார். ஆனால், வழித்தடம் மாறி ஓடியதால் பதக்கத்தை இழந்தார்.
    10 ஆயிரம் மீட்டர் ஓட்டப் பந்தயத்தில் தமிழக வீரர் லட்சுமணன் வெண்கல பதக்கம் வென்று சாதனைப் படைத்துள்ளார். #AsianGames2018
    ஆசிய விளையாட்டு போட்டி இந்தோனேசியாவில் நடைபெற்று வருகிறது. தற்போது தடகள போட்டிகள் நடைபெற்று வருகின்றன. இன்று ஆண்களுக்கான 10 ஆயிரம் மீட்டம் ஒட்டப் பந்தயம் நடைபெற்றது. இதன் இறுதிச் சுற்றிற்கு இந்தியா சார்பில் தமிழகத்தின் லட்சுமணன் கோவிந்தன் தகுதிப் பெற்றார். அவருடன் மேலும் 12 பேர் கலந்து கொண்டனர்.



    இதில் பஹ்ரைன் வீரர் ஹசன் சானி 28 நிமிடம் 35:54 வினாடிகளில் பந்தய தூரத்தை கடந்து தங்கப்பதக்கம் வென்றார். மற்றொரு பஹ்ரைன் வீரர் ஆப்ரஹாம் செரோபென் 29 நிமிடம் 00:29 வினாடிகளில் கடந்து வெள்ளிப் பதக்கம் வென்றார். தமிழக வீரர் லட்சுமணன் கோவிந்தன் 29 நிமிடம் 44:91 வினாடிகளில் கடந்து வெண்கல பதக்கம் வென்றார்.
    ஆசிய விளையாட்டுப்போட்டியில் இந்திய வீராங்கனை தீபிகா பல்லிகல், ஸ்குவாஷ் போட்டியில் வெண்கலப் பதக்கம் வென்றார்.#AsianGames2018 #DipikaPallikal
    ஜகார்த்தா

    இந்தோனேசியாவில் நடைபெற்று வரும் ஆசிய விளையாட்டுப் போட்டியில் சிறப்பாக விளையாடிய இந்திய ஸ்குவாஷ் வீராங்கனைகள் தீபிகா பல்லிகல், ஜோஷ்னா சின்னப்பா ஆகியோர் பெண்களுக்கான ஒற்றையர் பிரிவில் அரையிறுதிக்கு முன்னேறி பதக்கத்தை உறுதி செய்திருந்தனர்.  

    இந்நிலையில் இன்று அரையிறுதி போட்டிகள் நடைபெற்றன. இதில், தீபிகா பல்லிகல் மலேசிய வீராங்கனை நிக்கோல் டேவிட்டை எதிர்கொண்டார். இப்போட்டியில் தீபிகா 0-3 என தோல்வியடைந்து போட்டியில் இருந்து வெளியேறினார். இதன்மூலம் அவருக்கு வெண்கலப் பதக்கம் கிடைத்தது.



    இதன்மூலம் இந்தியா 6 தங்கம், 5 வெள்ளி, 15 வெண்கலம் என மொத்தம் 26 பதக்கங்களுடன் பதக்க பட்டியலில் 9-வது இடத்தில் உள்ளது.

    தீபிகாவைத் தொடர்ந்து மற்றொரு அரையிறுதி ஆட்டத்தில் ஜோஷ்னா சின்னப்பா, மலேசியாவின் சுப்ரமணியம் சிவசங்கரியை எதிர்கொள்கிறார். #AsianGames2018 #DipikaPallikal
    ஆசிய விளையாட்டு போட்டி ஸ்குவாஷில் இந்திய வீராங்கனைகள் தீபிகா பல்லிகல், ஜோஷ்னா சின்னப்பா பதக்கத்தை உறுதி செய்துள்ளனர். #AsianGames2018
    ஆசிய விளையாட்டு போட்டி இந்தோனேசியாவில் நடைபெற்று வருகிறது. ஸ்குவாஷ் போட்டியில் பெண்களுக்கான ஒற்றையர் பிரிவில் காலிறுதி ஆட்டங்கள் இன்று நடைபெற்றன. ஒரு காலிறுதியில் இந்தியாவின் முன்னணி வீராங்கனையான தீபிகா பல்லிகல் ஜப்பானைச் சேர்ந்த மிசாகி கோபாயாஷியை எதிர்கொண்டார். இதில் 3-0 என தீபிகா பல்லிகல் வெற்றி பெற்றது.



    இந்த வெற்றியின் மூலம் அரையிறுதிக்கு முன்னேறியுள்ளார். அரையிறுதியில் மலேசியா வீராங்கனை நிக்கோல் அன்-ஐ எதிர்கொள்கிறார். அரையிறுதிக்கு முன்னேறினாலே பதக்கம் உறுதி என்பதால் தீபிகா பல்லிகல் பதக்கத்தை உறுதி செய்துள்ளார்.



    மற்றொரு காலிறுதியில் ஜோஷ்னா சின்னப்பா ஹாங் காங்கின் ஹோ லிங் சான்-ஐ எதிர்கொண்டார். இதில் 3-1 என ஜோஷ்னா சின்னப்பா வெற்றி பெற்று அரையிறுதிக்கு முன்னேறினார். இதனால் இவரும் பதக்கத்தை உறுதி செய்துள்ளார்.
    ஆசிய விளையாட்டு போட்டி ஸ்குவாஷில் இந்திய வீராங்கனை தீபிகா பல்லிகல் காலிறுதிக்கு முன்னேறியுள்ளார். #AsianGames2018
    இந்தோனேஷியாவில் ஆசிய விளையாட்டு போட்டி நடைபெற்று வருகிறது. இன்று நடைபெற்ற பெண்களுக்கான ஒற்றையர் பிரிவு ஸ்குவாஷ் போட்டியில் இந்திய வீராங்கனை தீபிகா பல்லிகல் காலிறுதிக்கு முந்தைய சுற்றில் இந்தோனேசியாவின் யெனி சிட்டி ரோமாவை எதிர்கொண்டார். இதில் தீபிகா பல்லிகல் 3-0 என வெற்றி பெற்று காலிறுதிக்கு முன்னேறினார். காலிறுதியில் வெற்றி பெற்றால் பதக்கத்தை உறுதி செய்து விடுவார்.

    காலிறுதிக்கு முந்தைய சுற்றில் இந்திய பெண்கள் கூடைப்பந்து அணி 66-69 என இந்தோனேசியாவிடம் தோல்வியடைந்து காலிறுதி வாய்ப்பை இழந்தது.

    பெண்கள் கைப்பந்து போட்டியில் இந்திய அணி கஜகஸ்தானிடம் வீழ்ந்தது. 200 மீட்டர் பேக்ஸ்ட்ரோக் நீச்சலில் இந்திய வீரர் ஸ்ரீஹரி நடராஜ் 6-வது இடத்தை பிடித்து பதக்கம் வெல்லும் வாய்ப்பை இழந்தார். கலப்பு இரட்டையர் பேட்மிண்டனில் இந்திய ஜோடி தோல்வியை தழுவியது.
    ×