சினிமா செய்திகள்

மலையாள சினிமாவில் முன்னணி ஹீரோவாக இருப்பவர் பிருத்விராஜ். இவர் தமிழில் கனா கண்டேன், நினைத்தாலே இனிக்கும், சத்தம் போடாதே உள்ளிட்ட படங்களில் நடித்துள்ளார். இவர் தற்போது நடித்து வரும் ஆடு ஜீவிதம் படப்பிடிப்பிற்காக ஜார்டன் சென்றார். அப்போது கொரோனா வைரஸ் பிரச்சனை காரணமாக, படக்குழுவினர் அங்கேயே சிக்கி கொண்டனர்.  

சிம்புவுடன் காளை படத்தில் நடித்து பிரபலமானவர் வேதிகா. இப்படத்தை தொடர்ந்து தமிழில் பல படங்களில் நடித்தார். கடந்த வருடம் நடிகர் ராகவா லாரன்ஸின் காஞ்சனா-3 படத்தில் நடித்தார். மேலும் தெலுங்கு, இந்தி மொழி படங்களிலும் நடித்து வருகிறார். 

தமிழ் சினிமாவில் முன்னணி நடிகையாக வலம் வருபவர் கீர்த்தி சுரேஷ். இவர் தமிழில் விஜய், சூர்யா, தனுஷ் உள்ளிட்டோருடன் நடித்துள்ளார். மேலும் இவர் மகாநதி படத்தில் சாவித்திரி வேடத்தில் நடித்து ரசிகர்களை வெகுவாக கவர்ந்தார். தற்போது ரஜினி நடித்து வரும் அண்ணாத்த படத்தில் ஒரு முக்கிய கதாபாத்திரத்தில் இவர் நடித்து வருகிறார்.

பாலா இயக்கத்தில் ஜோதிகா நடிப்பில் வெளியான படம் நாச்சியார். இப்படத்தில் ஜிவி பிரகாஷுக்கு ஜோடியாக நடித்தவர் இவானா. இப்படத்தில் இவரின் நடிப்பு அனைவராலும் பாராட்டப்பட்டது.

இப்படத்தை தொடர்ந்து சிவகார்த்திகேயன் நடிப்பில் வெளியான ஹீரோ படத்தில் முக்கிய கதாபாத்திரத்தில் நடித்தார் இவானா. கொரோனா ஊரடங்கு நேரத்தில் பிரபலங்கள் பலரும் வீட்டில் இருக்கும் நிலையில் நடிகை இவானா, நான் வேலை இல்லாமல் இருக்கிறேன்... எனது போன் தான் எனக்கு கம்பெனி கொடுக்கிறது என்று கூறியிருக்கிறார்.

I am jobless and my phone gives me company ☺️ pic.twitter.com/dPwZpKpphH

— Ivana (@_Ivana_official) May 21, 2020

ஜே.ஜே. பிரெட்ரிக் இயக்கத்தில் ஜோதிகா நடித்துள்ள ’பொன்மகள் வந்தாள்’ படம் வரும்  29-ந் தேதி அமேசான் பிரைம் இணையதளத்தில் வெளியாக இருக்கிறது.

இணையதளத்தில் நேரடியாக வெளியாவது பற்றி ஜோதிகாவிடம் கேட்டதற்கு, இப்போது இந்த கொரோனா ஊரடங்கால் எல்லோருக்குமே இதுபற்றிய விழிப்புணர்வு ஏற்பட்டு இருக்கிறது. படத்தை ரிலீஸ் செய்யும் அமேசான் பிரைமுக்கு 200 நாடுகளில் வாடிக்கையாளர்கள் இருக்கிறார்கள். எனவே சின்ன பட்ஜெட் படங்கள், கதாநாயகிக்கு முக்கியத்துவம் தரும் படங்கள் போன்றவற்றுக்கு இந்த தளங்கள் ஒரு வரப்பிரசாதம்.

பொன்மகள் வந்தாள் இணையதளத்தில் வெளியிட கொரோனா மட்டும் தான் காரணம். நிலைமை சரியாகும் வரை காத்திருப்பதைவிட மக்கள் பார்வைக்கு கொண்டுவந்துவிடலாம் என்று முடிவு செய்தோம். 

ட்ரீம் வாரியர் பிக்சர்ஸ் சார்பில் எஸ்.ஆர்.பிரபு தயாரித்து வரும் திரைப்படம் சுல்தான். இதில் கார்த்தி, ராஷ்மிகா மந்தனா நடிக்கிறார்கள். இத்திரைப்படத்தை பாக்யராஜ் கண்ணன் இயக்கி வருகிறார். சுல்தான் படத்தின் படப்பிடிப்பு தற்போது கொரோனா  வைரஸ் பிரச்சனை காரணமாக தள்ளி வைக்கப்பட்டிருக்கிறது.

இந்நிலையில் சுல்தான் திரைப்படம் அடுத்த ஆண்டு சம்மருக்கு வெளியாகவுள்ளதாகவும், இது காஷ்மோரா போல ஃபேன்டஸி திரைப்படம் எனவும், இப்படத்திற்கு முதலில் அனிருத் இசையமைப்பாளராக ஒப்பந்தம் செய்யப்பட்டதாகவும், அது மாற்றப்பட்டு, தற்போது விவேக் மெர்வின் இசையமைக்கவுள்ளதாகவும் சமூக வலைத்தளத்தில் கூறப்பட்டது.
இதையடுத்து படத்தின் தயாரிப்பாளர் எஸ்.ஆர்.பிரபு தனது ட்விட்டர் பக்கத்தில், ''கார்த்தியின் சுல்தான் பற்றி கூறப்படும் இது போன்ற தகவல்கள் எதுவும் உண்மையில்லை'' என பதிவிட்டுள்ளார். 

சிபிராஜ் நடிக்கும் கபடதாரி படத்தின் பெரும்பாலான பணிகள் முடிந்து டப்பிங் உட்பட போஸ்ட் புரொடக்சன் பணிகள் நடைபெற இருந்த நேரத்தில் கொரானா ஊரடங்கு நடைமுறைக்கு வந்தது.

தற்போது அரசு அனுமதி அளித்ததை தொடர்ந்து நிறுத்தப்பட்ட பணிகளை கபடதாரி படக்குழு பரபரப்பாக செய்யத் தொடங்கியது.
சமீபத்தில் நாசர் தனது டப்பிங் பணியை ஆரம்பித்து முடித்து கொடுத்துள்ளார். அதன்பின் கொரானாவால் தயாரிப்பாளருக்கு ஏற்பட்ட இழப்பை தன்னால் முடிந்த அளவுக்கு சரி செய்ய தனது சம்பளத்தில் இருந்து 15% தொகையை விட்டுக் கொடுத்து தயாரிப்பாளர் தனஞ்செயனுக்கு இன்ப அதிர்ச்சி கொடுத்திருக்கிறார்.

நாசரின் இந்த செயலுக்கு அவர் நன்றி தெரிவித்துள்ளார்.

ஊரடங்கால் பல பிரபலங்கள் வீட்டிலேயே தங்களது குடும்பத்தினருடன் செலவழிக்கும் நேரங்களை புகைப்படம் எடுத்து ரசிகர்களுக்காக சமூகவலைத்தளங்களில் பதிவுகள் வெளியிடுகின்றனர். இந்நிலையில் தெலுங்கு முன்னணி நடிகர் சிரஞ்சீவி தனது மனைவியுடன் 1990-ல் எடுக்கப்பட்ட புகைப்படத்தை அப்படியே அதே போன்று தற்போது 2020-ல் அதை ரிகிரியேட் செய்துள்ளார்.
முப்பது வருடங்களுக்கு முன்பு பிசியாக இருக்கும் நேரத்தில் தனது மனைவியுடன் எடுக்கப்பட்ட புகைப்படத்தில் நீல சட்டை மற்றும் மனைவி சிவப்பு புடவை அணிந்து எதார்த்தமாக எடுக்கப்பட்ட அந்த புகைப்படம். தற்போது அதே நிற உடையில் அதே போசில் மீண்டும் இந்த புகைப்படத்தை ரிகிரியேட் செய்துள்ளார். இந்த புகைப்படத்தை பார்த்த பல தெலுங்கு திரையுலக நட்சத்திரங்கள் இந்த ஜோடியை வாழ்த்தி உள்ளனர்.

தமிழ், தெலுங்கு சினிமாவில் முன்னணி நடிகையான ரெஜினா கசாண்ட்ரா சமூகவலைதளங்களில் தீவிரமாக இயங்குபவர். இவர் தனது இன்ஸ்டாகிராம் பக்கத்தில் வழக்கமான பதிவுகளை விடுத்து, வித்தியாசமான முயற்சியில் தற்போது களமிறங்கி உள்ளார்.

’டிராக் குயின்’ எனப்படும் பெண்களைப் போல் வேடமிடும் கலைஞர்கள் குறித்தான பதிவுதான் அது. ‘டிராக் குயின்’ போல வேடமிட்டு, அவர்களுடன் உரையாடிய வீடியோவையும் இன்ஸ்டாகிராமில் அவர் பகிர்ந்துள்ளார். இந்தக் கலைஞர்கள் குறித்து அறிந்துகொள்ளவும், இவர்களின் உலகம் பற்றி அறியாத தகவல்களைப் புரிந்துகொள்ளவுமே இந்தப் பதிவு எனக் குறிப்பிட்டுள்ளார்.