என் மலர்
இது புதுசு
போர்டு நிறுவனத்தின் எலெக்ட்ரிக் பிக்கப் டிரக் 563 பிஹெச்பி திறன் கொண்டிருக்கிறது. இதன் விவரங்களை பார்ப்போம்.
அமெரிக்காவை சேர்ந்த முன்னணி ஆட்டோமொபைல் உற்பத்தியாளரான போர்டு தனது முதல் எலெக்ட்ரிக் பிக்கப் டிரக் மாடலை அறிமுகம் செய்து இருக்கிறது. இந்த மாடல் எப்-150 லைட்னிங் என அழைக்கப்படுகிறது. புதிய எப்-150 லைட்னிங் எலெக்ட்ரிக் பிக்கப் டிரக் கனெக்டெட் தொழில்நுட்பம் மற்றும் பல்வேறு அம்சங்களை கொண்டிருக்கிறது.
போர்டு எப் 150 லைட்னிங் இரட்டை எலெக்ட்ரிக் மோட்டார்களை கொண்டிருக்கிறது. இந்த பிக்கப் டிரக் 563 பிஹெச்பி பவர், 1050 என்எம் டார்க் செயல்திறன் வழங்குகிறது. இந்த மாடல் மணிக்கு 100 கிலோமீட்டர் வேகத்தை வெறும் 4 நொடிகளில் எட்டிவிடும்.
இந்த மாடலில் 115 முதல் 150 kWh பேட்டரி பேக் வழங்கப்பட்டு இருக்கும் என தெரிகிறது. இதனுடன் சூப்பர் பாஸ்ட் டிசி சார்ஜர் வழங்கப்படுகிறது. இது 87 கிலோமீட்டர்கள் பயணிப்பதற்கான சார்ஜ் செய்ய 10 நிமிடங்களையே எடுத்துக் கொள்கிறது. இதன் பேட்டரியை 15 முதல் 80 சதவீதம் வரை சார்ஜ் செய்ய 41 நிமிடங்கள் ஆகும்.
புதிய எப்-150 லைட்னிங் எலெக்ட்ரிக் டிரக் மாடல் துவக்க விலையை 39,974 டாலர்கள், இந்திய மதிப்பில் ரூ. 30 லட்சம் பட்ஜெட்டில் நிர்ணயம் செய்துள்ளது.
எலெக்ட்ரிக் திறன் கொண்ட பறக்கும் வாகனங்களில் பொது மக்களுக்கு டாக்சி சேவை துவங்கப்பட இருக்கிறது.
எலெக்ட்ரிக் திறன் கொண்ட பறக்கும் டாக்சிக்கள் 2024 அல்லது 2025 வாக்கில் ஐரோப்பாவில் பயன்பாட்டிற்கு வருகிறது. இந்த தகவலை ஐரோப்பாவுக்கான வான்வெளி பாதுகாப்பு ஆணையர் தெரிவித்து இருக்கிறார்.
இந்த பறக்கும் வாகனங்கள் செங்குத்தாக (Vertical Take Off) வான்வெளிக்கு கிளம்பும் திறன் கொண்டிருக்கும். இவற்றை வர்த்தக ரீதியில் பயன்படுத்தலாம் என ஐரோப்பிய யூனியனுக்கான வான்வெளி பாதுகாப்பு நிறுவனத்தின் நிர்வாக இயக்குனர் பேட்ரிக் கி தெரிவித்தார்.
தானியங்கி முறையில் செயல்படும் டிரோன்கள் பயன்பாட்டிற்கு வர மேலும் ஐந்து ஆண்டுகள் கூடதலாக ஆகும் என அவர் மேலும் தெரிவித்தார். ஐரோப்பிய யூனியனுக்கான வான்வெளி பாதுகாப்பு நிறுவனம் பல்வேறு சர்வதேச நிறுவனங்களுடன் இணைந்து இதனை சாத்தியப்படுத்துவதற்கான பணிகளில் ஈடுபட்டு வருகிறது.
மஹிந்திரா நிறுவனம் தனது மராசோ மாடல் புது வேரியண்ட்டை வெளியிடும் பணிகளில் ஈடுபட்டு வருகிறது.
மஹிந்திரா நிறுவனத்தின் மராசோ ஏஎம்டி வேரியண்ட் இந்திய வெளியீடு பற்றிய புது தகவல் வெளியாகி உள்ளது. முன்னதாக இந்த மாடலின் ஸ்பை படங்கள் பலமுறை இணையத்தில் வெளியாகி இருந்தது. அந்த வகையில் தற்போது, மராசோ ஏஎம்டி வேரியண்ட் இந்த ஆண்டு இறுதியில் விற்பனைக்கு வரும் என கூறப்படுகிறது.
தற்போது மஹிந்திரா நிறுவனம் XUV700 மற்றும் புதிய தலைமுறை ஸ்கார்பியோ என இரு மாடல்களை அறிமுகம் செய்யும் பணிகளில் ஈடுபட்டு வருகிறது. பிஎஸ்6 மராசோ மாடலில் முதலீடு செய்து இருப்பதாக மஹிந்திரா சமீபத்தில் அறிவித்தது. மேலும் இந்த காரின் ஆட்டோமேடிக் வேரியண்ட் அறிமுகம் செய்யப்படும் என்றும் தெரிவித்து இருக்கிறது.
பிஎஸ்6 மராசோ மாடலில் 1.5 லிட்டர் டீசல் என்ஜின் வழங்கப்பட்டு இருக்கிறது. இந்த என்ஜின் 12.1 பிஹெச்பி பவர், 300 என்எம் டார்க் செயல்திறன் வழங்குகிறது. இந்த கார் பெட்ரோல் என்ஜின் வழங்கப்படவில்லை. இதில் வழங்கப்பட இருக்கும் ஆட்டோமேடிக் கியர்பாக்ஸ் ஆட்டோஷிப்ட் என அழைக்கபடலாம்.
நாட்டின் பெரும்பாலான பகுதிகளில் ஊரடங்கு அறிவிக்கப்பட்டு இருப்பதை தொடர்ந்து வாரண்டி மற்றும் இலவச சர்வீஸ் சேவையை ஹோண்டா நீட்டித்து இருக்கிறது.
ஹோண்டா நிறுவனத்தின் இருசக்கர வாகனங்களுக்கு இலவச சர்வீஸ் மற்றும் வாரண்டி ஜூலை 31 ஆம் தேதி வரை நீட்டிக்கப்பட்டு இருக்கிறது. இந்த அறிவிப்பு நாடு முழுக்க அனைத்து ஹோண்டா விற்பனையகங்களுக்கும் பொருந்தும். நாடு முழுக்க கொரோனா தொற்று அதிகரித்து வருவதை தொடர்ந்து இந்த அறிவிப்பு வெளியாகி இருக்கிறது.
இந்த அறிவிப்பு வாரண்டி மற்றும் இலவச சர்வீஸ் ஏப்ரல் 1, 2021 முதல் மே 31, 2021 வரையிலான காலக்கட்டத்தில் நிறைவுபெறும் வாகனங்களுக்கு பொருந்தும். வாடிக்கையாளர்கள் நலன் கருதி வாரண்டி மற்றும் இலவச சர்வீஸ் ஜூலை 31 வரை நீட்டிக்கப்பட்டு இருக்கிறது.
ஹோண்டா இந்தியா பவுன்டேஷன் சார்பில் ஹரியானா, ராஜஸ்தான், கர்நாடகா, உத்திர பிரதேசம் மற்றும் குஜராத் என ஐந்து மாநிலங்களுக்கு ரூ. 6.5 கோடி தொகையை கொரோனா நிவாரண நிதியாக வழங்க இருப்பதாக அறிவித்து இருக்கிறது.
சிஎப்மோட்டோ நிறுவனத்தின் புதிய 650சிசி அட்வென்ச்சர் மோட்டார்சைக்கிள் விரைவில் அறிமுகமாக இருக்கிறது.
சிஎப்மோட்டோ நிறுவனத்தின் 650சிசி மாடலான, 650MT விரைவில் இந்திய சந்தையில் அறிமுகம் செய்யப்பட இருக்கிறது. புதிய மோட்டார்சைக்கிளுக்கான முன்பதிவு ஏற்கனவே துவங்கி நடைபெற்று வரும் நிலையில், தற்போது இதற்கான டீசர் வெளியிடப்பட்டு இருக்கிறது.
விரைவில் சிஎப்மோட்டோ 650MT, 650NK மற்றும் 650GT என மூன்று மோட்டார்சைக்கிள்கள் இந்திய சந்தையில் அறிமுகம் செய்யப்பட இருக்கின்றன. மூன்று மாடல்களுக்கான டீசர் வெளியாகி, முன்பதிவும் நடைபெற்று வருகிறது. அந்த வகையில் இவற்றின் வெளியீடு விரைவில் நடைபெறும் என தெரிகிறது.
சிஎப்மோட்டோ 650MT மாடல் அந்நிறுவனத்தின் மிடில்-வெயிட் அட்வென்ச்சர் மோட்டார்சைக்கிள் ஆகும். இந்த மாடலில் மேம்படுத்தப்பட்ட பிஎஸ்6 புகை விதிகளுக்கு பொருந்தும் என்ஜின் வழங்கப்படுகிறது. இது லிக்விட் கூல்டு இன்-லைன் பேரலெல் ட்வின் 649சிசி யூனிட் ஆகும்.
இந்த என்ஜின் பிஎஸ்4 டியூனிங்கில் 66.68 பிஹெச்பி பவர், 56 என்எம் டார்க் செயல்திறன் வழங்குகிறது. புதிய பிஎஸ்6 யூனிட்டும் இதே செயல்திறன் வழங்கலாம் என கூறப்படுகிறது. சிஎப்மோட்டோ 650MT மாடல் மணிக்கு அதிகபட்சம் 170 கிலோமீட்டர் வேகத்தில் செல்லும் திறன் கொண்டிருக்கிறது.
வோக்ஸ்வேகன் நிறுவனத்தின் 2021 டி ராக் மாடலின் இந்திய வினியோக விவரங்களை தொடர்ந்து பார்ப்போம்.
வோக்ஸ்வேகன் நிறுவனம் 2021 டி ராக் மாடலை மார்ச் மாத வாக்கில் அறிமுகம் செய்தது. இந்தியாவில் இதன் விலை ரூ. 21.35 லட்சம், எக்ஸ்-ஷோரூம் என நிர்ணயம் செய்யப்பட்டது. டி ராக் எஸ்யுவி மாடல் இந்தியாவுக்கு சிபியு முறையில் இறக்குமதி செய்யப்படுகிறது.
இந்தியாவில் கொரோனாவைரஸ் தொற்றின் இரண்டாவது அலை காரணமாக முறையான பாதுகாப்பு நடவடிக்கைகளை பின்பற்றி புதிய எஸ்யுவி மாடலின் வினியோகத்தை துவங்கி இருக்கிறது. இந்த எஸ்யுவி மாடல் MQB பிளாட்பார்மில் உருவாகி இருக்கிறது.
ஒற்றை வேரியண்ட்டில் விற்பனை செய்யப்படும் டி ராக் எஸ்யுவி 1.5 லிட்டர் TSI பெட்ரோல் என்ஜினுடன் கிடைக்கிறது. இந்த என்ஜின் 148 பிஹெச்பி பவர், 250 என்எம் டார்க் செயல்திறன் வழங்குகிறது. இத்துடன் 7 ஸ்பீடு டிஎஸ்ஜி டிரான்ஸ்மிஷன் வழங்கப்படுகிறது.
காரின் உள்புறம் டூயல் சோன் கிளைமேட் கண்ட்ரோல், 10.25 இன்ச் தொடுதிரை வசதி கொண்ட இன்போடெயின்மென்ட் சிஸ்டம், ஆப்பிள் கார்பிளே, ஆண்ட்ராய்டு ஆட்டோ, பானரோமிக் சன்ரூப் மற்றும் பல்வேறு அம்சங்கள் வழங்கப்படுகின்றன.
வைட் கார்பன் மோட்டார்ஸ் நிறுவனம் புதிய பிளாக்ஷிப் எலெக்ட்ரிக் ஸ்கூட்டர் மாடலை இந்தியாவில் அறிமுகம் செய்தது.
குஜராத்தை சேர்ந்த எலெக்ட்ரிக் இருசக்கர வாகன உற்பத்தியாளரான வைட் கார்பன் மோட்டார்ஸ் இந்திய சந்தையில் புதிய ஜிடி5 மாடலை அறிமுகம் செய்தது. புதிய வைட் கார்பன் ஜிடி5 விலை ரூ. 1.15 லட்சம், எக்ஸ்-ஷோரூம் என நிர்ணயம் செய்யப்பட்டுள்ளது.
புதிய ஜிடி5 எலெக்ட்ரிக் ஸ்கூட்டர் இரண்டு வேரியண்ட் மற்றும் வெவ்வேறு பேட்டரி ஆப்ஷன்களில் கிடைக்கிறது. இதன் டாப் எண்ட் மாடலில் 2.4 kWh பேட்டரி பேக் கொண்டிருக்கிறது. இதன் விலை ரூ. 1.30 லட்சம், எக்ஸ்-ஷோரூம் ஆகும். புது ஸ்கூட்டரை எளிய நிதி சலுகையில் வழங்க வைட் கார்பன் நிறுவனம் பல வங்கிகளுடன் இணைந்துள்ளது.
முதற்கட்டமாக ஜிடி5 எலெக்ட்ரிக் ஸ்கூட்டர் தேர்வு செய்யப்பட்ட சில நகரங்களில் மட்டுமே விற்பனை செய்யப்படுகிறது. எதிர்காலத்தில் நாட்டின் பல்வேறு நகரங்களில் விற்பனை செய்ய வைட் கார்பன் திட்டமிட்டு இருக்கிறது. இந்த ஸ்கூட்டர் காஸ்மிக் பிளாக் மற்றும் மில்கிவே வைட் என இரு நிறங்களில் கிடைக்கிறது.
வைட் கார்பன் ஜிடி5 எலெக்ட்ரிக் ஸ்கூட்டர் 3kW போஷ் BLDC எலெக்ட்ரிக் மோட்டார் வழங்கப்பட்டு இருக்கிறது. இந்த மோட்டார் 1.8 kWh அல்லது 2.4 kWh லித்தியம் அயன் பேட்டரியுடன் வழங்கப்படுகிறது. இரு வேரியண்ட்களும் மணிக்கு அதிகபட்சம் 50 கிலோமீட்டர் வேகத்தில் செல்லும் திறன் கொண்டிருக்கின்றன.
டுகாட்டி நிறுவனம் தனது பிளாக்ஷிப் நேக்கட் மோட்டார்சைக்கிளை இந்திய சந்தையில் அறிமுகம் செய்ய இருக்கிறது.
டுகாட்டி இந்தியா நிறுவனம் ஸ்டிரீட்பைட்டர் வி4 மோட்டார்சைக்கிளுக்கான டீசரை தனது சமூக வலைதள பக்கங்களில் வெளியிட்டு இருக்கிறது. இதன் மூலம் புதிய பிளாக்ஷிப் மோட்டார்சைக்கிள் விரைவில் இந்திய சந்தையில் அறிமுகமாகும் என தெரிகிறது.
புதிய டுகாட்டி ஸ்டிரீட்பைட்டர் வி4 மோட்டார்சைக்கிள் வரும் வாரங்களில் இந்தியாவில் அறிமுகம் செய்யப்படலாம். ஸ்டிரீட்பைட்டர் வி4 கடந்த ஆண்டு யூரோ5 புகை விதிகளுக்கு பொருந்தும் வகையில் அப்டேட் செய்யப்பட்டது. இதனால் இந்த மாடல் பிஎஸ்6 விதிகளுக்கு பொருந்தும் வகையில் இருக்கும்.
2021 ஸ்டிரீட்பைட்டர் வி4 மோட்டார்சைக்கிளில் 1103சிசி, டெஸ்மோஸ்டிகி ஸ்டிராடேல் வி4 என்ஜின் வழங்கப்படுகிறது. இந்த என்ஜின் 206 பிஹெச்பி பவர், 123 என்எம் டார்க் செயல்திறன் வழங்குகிறது. இந்த என்ஜின் 6 ஸ்பீடு கியர்பாக்ஸ் வழங்கப்படுகிறது. இத்துடன் பை-டைரெக்ஷனல் மற்றும் ஸ்லிப் அசிஸ்ட் செய்யப்பட்ட கிளட்ச் வழங்கப்படுகிறது.
வோக்ஸ்வேகன் நிறுவனம் புதிய போலோ GTI பேஸ்ல்பிட் மாடலை வெளியிடும் பணிகளில் ஈடுபட்டு வருகிறது.
வோக்ஸ்வேகன் நிறுவனம் ஆறாவது தலைமுறை போலோ ஹேட்ச்பேக் மாடலை கடந்த மாதம் அறிமுகம் செய்தது. தற்போது போலோ GTI மேம்பட்ட மாடலை அறிமுகம் செய்வதற்கான பணிகளில் ஈடுபட்டு வருகிறது. வரும் மாதத்தில் இந்த மாடல் சர்வதேச சந்தையில் அறிமுகம் செய்யப்பட இருக்கிறது.
இந்த நிலையில், புது மாடலுக்கான வரைபடங்களை வோக்ஸ்வேகன் வெளியிட்டு இருக்கிறது. வரைபடங்களின் படி புதிய போலோ GTI பேஸ்லிப்ட் டூயல் எல்இடி கொண்டிருக்கிறது. இத்துடன் எல்இடி பாக் லேம்ப்கள், ரெட் ஹைலைட்கள் கொண்ட GTI பேட்ஜ் வழங்கப்படுகிறது.
வோக்ஸ்வேகன் போலோ GTI பேஸ்லிபிட் மாடலில் 2.0 லிட்டர் டர்போசார்ஜ் செய்யப்பட்ட பெட்ரோல் என்ஜின் வழங்கப்படுகிறது. இந்த என்ஜின் 197 பிஹெச்பி பவர், 320 என்எம் டார்க் செயல்திறன் வழங்குகிறது. இந்த கார் மணிக்கு 100 கிலோமீட்டர் வேகத்தை 6.7 நொடிகளில் எட்டிவிடும்.
ஹஸ்க்வர்னா நிறுவனத்தின் வெக்டார் எலெக்ட்ரிக் ஸ்கூட்டர் அறிமுகம் செய்யப்பட்டு இருக்கிறது.
ஹஸ்க்வர்னா வெக்டார் எலெக்ட்ரிக் ஸ்கூட்டர் அறிமுகம் செய்யப்பட்டது. இந்த ஸ்கூட்டர் 2020 வாக்கில் அறிமுகம் செய்யப்பட்ட இ 01 கான்செப்ட் மாடலை தழுவி உருவாக்கப்பட்டு இருக்கிறது. வெக்டார் மாடல் பஜாஜ் செட்டாக் எலெக்ட்ரிக் ஸ்கூட்டரை தழுவி உருவாகி இருக்கிறது.
இந்த ஸ்கூட்டரின் பவர்டிரெயின் அம்சங்கள் செட்டாக் மாடலில் உள்ளதை போன்றே வழங்கப்படும் என தெரிகிறது. ஹஸ்க்வர்னா வெக்டார் பூனே அருகில் செயல்பட்டு வரும் பஜாஜ் ஆலையில் உற்பத்தி செய்யப்பட இருக்கிறது. ஹஸ்க்வர்னா நிறுவனம் ஆப்-ரோடு மோட்டார்சைக்கிள்களை உற்பத்தி செய்வதில் பிரபல நிறுவனமாக அறியப்படுகிறது.
சமீப காலங்களில் ஹஸ்க்வர்னா எலெக்ட்ரிக் வாகன உற்பத்தியில் அதிக கவனம் செலுத்த துவங்கி உள்ளது. அதன்படி கடந்த ஆண்டு இ 01 எலெக்ட்ரிக் ஸ்கூட்டர் கான்செப்டை ஹஸ்க்வர்னா அறிமுகம் செய்தது. இதில் எதிர்கால ரெட்ரோ தோற்றம் கொண்டிருந்தது.
முன்னதாக ஹஸ்க்வர்னா நிறுவனம் இ பைலென் கான்செப்ட் மாடலை அறிமுகம் செய்தது. இது ஹஸ்க்வர்னா நிறுவனத்தின் முதல் எலெக்ட்ரிக் மோட்டார்சைக்கிள் ஆகும். சில தினங்களுக்கு முன் வெளியான தகவல்களில் ஹஸ்க்வர்னா இரு எலெக்ட்ரிக் வாகனங்களை அடுத்த ஆண்டு விற்பனைக்கு கொண்டு வர இருப்பதாக கூறப்பட்டது.
போர்ஷ் நிறுவனத்தின் 911 ஸ்போர்ட் லிமிடெட் எடிஷன் மாடல் வெளியீட்டு விவரங்களை தொடர்ந்து பார்ப்போம்.
போர்ஷ் நிறுவனம் 911 லிமிடெட் எடிஷன் ஸ்போர்ட் கிளாசிக் மாடலை அடுத்த ஆண்டு அறிமுகம் செய்யலாம் என தகவல் வெளியாகி உள்ளது. முன்னதாக போர்ஷ் 977 மாடலில் ஸ்போர்ட் கிளாசிக் வேரியண்ட் அறிமுகம் செய்யப்பட்ட நிலையில், தற்போது 911 கரெரா 2.7 ஆர்எஸ் லிமிடெட் எடிஷன் உருவாகி வருவதாக கூறப்படுகிறது.
போர்ஷ் 911 ஸ்போர்ட் கிளாசிக் மாடல் 3.8 லிட்டர் என்ஜினுடன் அறிமுகம் செய்யப்பட்டது. இந்த என்ஜின் 408 பிஹெச்பி பவர், 420 என்எம் டார்க் செயல்திறன் வழங்குகிறது. இத்துடன் 6 ஸ்பீடு மேனுவல் டிரான்ஸ்மிஷன் வழங்கப்படுகிறது. இந்த கார் மணிக்கு 302 கிலோமீட்டர் வேகத்தில் செல்லும் திறன் கொண்டுள்ளது.
புதிய 992 ஸ்போர்ட் கிளாசிக் மாடலிலும் இதேபோன்ற செயல்திறன் வழங்கும் என்ஜின் எதிர்பார்க்கலாம். இதில் 475 பிஹெச்பி பவர், 556 என்எம் டார்க் வழங்கும் 3.0 லிட்டர், ட்வின் டர்போ யூனிட் வழங்கப்படும் என கூறப்படுகிறது.
ஸ்கோடா நிறுவனத்தின் அதிகம் எதிர்பார்க்கப்பட்ட புது பேபியா மாடல் பல்வேறு பாடி ஸ்டைல்களை கொண்டிருக்கிறது.
செக் குடியரசை சேர்ந்த ஸ்கோடா நிறுவனம் நான்காவது தலைமுறை பேபியா மாடலை அறிமுகம் செய்தது. புது மாடல் தலைசிறந்த பாதுகாப்பு, அதிநவீன தொழில்நுட்பம் கொண்டிருக்கும் என ஸ்கோடா தெரிவித்து இருக்கிறது.
ஸ்டான்டர்டு மாடல் தவிர, புது பேபியா காம்பி, மான்ட் கர்லோ, காம்பி மான்ட் கர்லோ, பிளாக் எடிஷன் காம்பி ஸ்கவுட்லைன், க்ளெவர் மற்றும் காம்பி க்ளெவர் போன்ற பாடி ஸ்டைல்களில் கிடைக்கிறது. அறிமுகத்தின் போது புது பேபியா ஆக்டிவ், ஆம்பிஷன் மற்றும் ஸ்டைல் என மூன்று வேரியண்ட்களில் கிடைக்கும்.
புது பேபியா மாடல் வோக்ஸ்வேகன் குழுமத்தின் MQB-A0 பிளாட்பார்மில் உருவாகி இருக்கிறது. இந்த மாடல் பின்புற இருக்கை பயனர்களுக்கு அதிக இடவசதியை வழங்குகிறது. உள்புறம் புதிய LED ஆம்பியன்ட் லைட்டிங் வழங்கப்பட்டு இருக்கிறது. முதல்முறையாக பேபியா மாடலில் ஆப்ஷனல் டிஜிட்டல் இன்ஸ்ட்ரூமென்ட் கிளஸ்டர் வழங்கப்படுகிறது.
புது தலைமுறை ஸ்கோடா பேபியா மாடல் 1.0 லிட்டர், 3 சிலிண்டர் MPI EVO என்ஜின் இருவித டியூனிங்கிலும், 3 சிலிண்டர் TSI EVO என்ஜின் இருவித டியூனிங்கிலும், 1.5 லிட்டர் TSI 4 சிலிண்டர் என்ஜின் ஆப்ஷன்களில் கிடைக்கிறது.
×