என் மலர்
இது புதுசு
மெர்சிடிஸ் நிறுவனத்தின் புதிய மேபக் ஜி.எல்.எஸ். 600 கார் சர்வதேச சந்தையில் அறிமுகம் செய்யப்பட்டது.
மெர்சிடிஸ் நிறுவனத்தின் அதிகம் எதிர்பார்க்கப்பட்ட மேபக் ஜி.எல்.எஸ். 600 கார் சர்வதேச சந்தையில் அறிமுகம் செய்யப்பட்டது. புதிய மெர்சிடிஸ் கார் பென்ட்லி பென்ட்யகா, ரோல்ஸ் ராய்ஸ் கலினன் மற்றும் மசிரட்டி லீவன்ட் போன்ற மாடல்களுக்கு போட்டியாக அறிமுகமாகி இருக்கிறது.
புதிய காரின் முன்புறம் மேபக் வடிவ குரோம் கிரில், மெல்லிய எல்.இ.டி. ஹெட்லேம்ப்கள் வழங்கப்பட்டுள்ளன. பம்ப்பரிலும் பெரிய என்ட்-டு-என்ட் குரோம் கிரில் வழங்கப்பட்டுள்ளது. பொனெட்டில் உள்ள கோடுகள் வழக்கமான ஜி.எல்.எஸ். மாடல்களில் இருப்பதை போன்று காட்சியளிக்கிறது. பின்புற டெயில் லேம்ப்களில் குரோம் பெசல்கள், புதிய டெயில்பைப் வழங்கப்பட்டுள்ளன.
புதிய ஆடம்பர எஸ்.யு.வி. மாடலில் 4.0 லிட்டர் வி8 என்ஜின் வழங்கப்பட்டுள்ளது. இந்த என்ஜின் 542 பி.ஹெச்.பி. பவர், 730 என்.எம். டார்க் செயல்திறன் வழங்குகிறது. இத்துடன் 9ஜி-டிரானிக் ஆட்டோமேடிக் டிரான்ஸ்மிஷன் கொண்டிருக்கிறது.
இந்த என்ஜினுடன் 48-வோல்ட் சிஸ்டம் இ.கியூ. பூஸ்ட் வழங்கப்பட்டுள்ளது. இது காரின் செயல்திறனை 250 என்.எம். டார்க் செயல்திறன் மற்றும் 21 பி.ஹெச்.பி. வரை அதிகபடுத்துகிறது.
சர்வதேச சந்தையில் மெர்சிடிஸ் மேபக் ஜி.எல்.எஸ். 600 4 மேடிக் கார் அடுத்த ஆண்டின் இரண்டாவது காலாணடில் விற்பனைக்கு வரும் என தெரிவிக்கப்பட்டுள்ளது.
பி.எம்.டபுள்யூ. நிறுவனத்தின் 2 சீரிஸ் கிரான் கூப் மாடல் சர்வதேச சந்தையில் அறிமுகம் செய்யப்பட்டது.
2019 எல்.ஏ. ஆட்டோ விழாவில் பி.எம்.டபுள்யூ. நிறுவனத்தின் 2 சீரிஸ் கிரான் கூப் மாடல் அறிமுகம் செய்யப்பட்டது. பி.எம்.டபுள்யூ. நிறுவனத்தின் சிறிய கிரான் கூப் மாடலாக புதிய கார் அறிமுகம் செய்யப்பட்டுள்ளது.
பி.எம்.டபுள்யூ. 2 சீரிஸ் கிரான் கூப் மாடல் FAAR பிளாட்ஃபார்மில் உருவாக்கப்பட்டுள்ளது. ஐரோப்பிய சந்தையில் 2 சீரிஸ் கிரான் கூப் மாடல் மூன்று வேரியண்ட்களில் கிடைக்கிறது. அந்தவகையில் 218i மாடலில் 1.5 லிட்டர் மோட்டார் வழங்கப்பட்டுள்ளது. இது 138 பி.ஹெச்.பி. பவர், 220 என்.எம். டார்க் செயல்திறன், 6 ஸ்பீடு மேனுவல் டிரான்ஸ்மிஷன் அல்லது 7 ஸ்பீடு ஆட்டோமேடிக் கியர்பாக்ஸ் கொண்டிருக்கிறது.
இத்துடன் 220டி டீசல் வேரியண்ட் 2.0 லிட்டர் என்ஜின் வழங்கப்படுகிறது. இந்த என்ஜின் 188 பி.ஹெச்.பி. பவர், 400 என்.எம். டார்க் செயல்திறன், 8 ஸ்பீடு ஆட்டோமேடிக் கியர்பாக்ஸ் கொண்டிருக்கிறது. டாப் எண்ட் M235i எக்ஸ்டிரைவ் ஆல்-வீல் டிரைவ் கார் 2.0 லிட்டர், ட்வின் டர்போ பெட்ரோல் என்ஜின் கொண்டிருக்கிறது. இது 302 பி.ஹெச்.பி. பவர், 450 என்.எம். டார்க், 8-ஸ்பீடு ஆட்டோமேடிக் டிரான்ஸ்மிஷன் கொண்டிருக்கிறது.
காரின் ஸ்டான்டர்டு மாடலில் எல்.இ.டி. ஹெட்லேம்ப், 10.25 இன்ச் தொடுதிரை வசதி, 9.2 இன்ச் ஹெட்-அப் டிஸ்ப்ளே வழங்கப்படுகிறது. இதன் வீல் அளவுகள் 16 இன்ச் துவங்கி 19 இன்ச் வரை வழங்கப்படுகிறது. இதன் பூட் ஸ்பேஸ் 430 லிட்டர்களாக இருக்கிறது.
2 சீரிஸ் கிரான் கூப் மாடல் பி.எம்.டபுள்யூ. நிறுவனத்தின் உயர் ரக மாடல்களான 4-சீரிஸ், 6 சீரிஸ் மற்றும் 8 சீரிஸ் கிரான் கூப் மாடல்களுடன் இணைந்துள்ளது. சர்வதேச சந்தையில் இதன் விற்பனை அடுத்த ஆண்டு வாக்கில் துவங்கும் என எதிர்பார்க்கப்படுகிறது.
எம்.வி. அகுஸ்டா, 2020 எம்.வி. அகுஸ்டா புருடேல் 1000 ஆர்.ஆர்., மோட்டார்சைக்கிள் அறிமுகம் செய்யப்பட்டது. இதன் விவரங்களை தொடர்ந்து பார்ப்போம்.
சாகசப் பயணங்களுக்கேற்ற மோட்டார்சைக்கிளை உருவாக்கும் எம்.வி. அகுஸ்டா நிறுவனம் புருடேல் 1000 ஆர்.ஆர். மோட்டார்சைக்கிளை அறிமுகம் செய்துள்ளது.
இதன் சக்கரங்கள் கார்பன் ஃபைபரால் உருவாக்கப்பட்டு இருக்கிறது.. இதனால் இதன் எடை கணிசமாகக் குறைந்துள்ளது. கோள வடிவிலான முகப்பு விளக்கு, பெரிய அளவிலான பெட்ரோல் டேங்க், ஒருங்கிணைந்த முகப்பு விளக்கு இவை அனைத்தும் இந்த மோட்டார்சைக்கிளுக்கு கம்பீரமான தோற்றத்தை அளிக்கிறது.
இதில் உள்ள 5 அங்குல தொடுதிரை பல்வேறு வசதிகளைக் கொண்டது. அத்துடன் இதில் 8 நிலை டிராக்ஷன் கண்ட்ரோல் வசதி, உரிய நிலைகளைத் தேர்வு செய்யும் வசதியும் உள்ளது. இந்த மோட்டார்சைக்கிளில் 998 சிசி லிக்விட் கூல்டு, இன்லைன் 4 சிலிண்டர் எனஜின் வழங்கப்பட்டுள்ளது.
இந்த என்ஜின் 205 பி.ஹெச்.பி. @13,450 ஆர்.பி.எம். மற்றும் 117 என்.எம். டார்க் @11,000 ஆர்.பி.எம். திறனை வெளிப்படுத்தக் கூடியது. இது மணிக்கு அதிகபட்சமாக 299 கிலோ மீட்டர் வேகத்தில் செல்லும். இதன் சஸ்பென்ஷனை அட்ஜெஸ்ட் செய்யும் வசதி உள்ளது. இதன் விலை சுமார் ரூ.25 லட்சமாகும்.
பஜாஜ் ஆட்டோ நிறுவனம் சக்திவாய்ந்த செட்டாக் ஸ்கூட்டரை உருவாக்கும் பணிகளில் ஈடுபட்டுள்ளதாக தகவல் வெளியாகியுள்ளது.
பஜாஜ் ஆட்டோ நிறுவனம் இந்திய சந்தையில் புதிய செட்டாக் எலெக்ட்ரிக் ஸ்கூட்டரை கடந்த மாதம் அறிமுகம் செய்தது. இந்நிலையில், பஜாஜ் நிறுவனம் சக்திவாய்ந்த எலெக்ட்ரிக் ஸ்கூட்டரை உருவாக்கும் பணிகளை துவங்கி இருப்பதாக தகவல் வெளியாகியுள்ளது.
புதிய சக்திவாய்ந்த எலெக்ட்ரிக் ஸ்கூட்டர் கே.டி.எம். அல்லது ஹஸ்குவர்னா பிராண்டிங்கில் விற்பனை செய்யப்படும் என கூறப்படுகிறது. இந்த ஸ்கூட்டர் பற்றி அதிகளவு விவரங்கள் இல்லாத நிலையில், செட்டாக் பிளாட்ஃபார்மில் புதிய ஸ்கூட்டர் சக்திவாய்ந்த மாடலாக உருவாக்கப்படலாம் என கூறப்படுகிறது.
அதிக சக்திவாய்ந்த மாடல் என்பதால், இதில் செயல்திறன் மட்டுமின்றி அதிக தூரம் பயணிக்கும் வசதியும் வழங்கப்படலாம். இந்த ஸ்கூட்டரின் உற்பத்தி பணிகள் அடுத்த இரண்டு அல்லது மூன்று ஆண்டுகளில் துவங்கலாம் என எதிர்பார்க்கப்படுகிறது. இதன் விலையும் அதிகமாக இருக்கும் என்றே கூறப்படுகிறது.
கே.டி.எம். அல்லது ஹஸ்குவர்னா பிராண்டிங்கில் விற்பனை செய்யப்படும் என்பதால் புதிய எலெக்ட்ரிக் ஸ்கூட்டர் கூர்மையான வடிவமைப்பு, சிறப்பான ஹார்டுவேர் அம்சங்களை கொண்டிருக்கும் என எதிர்பார்க்கலாம்.
ஃபெராரி நிறுவனத்தின் புதிய ரோமா கார் அறிமுகம் செய்யப்பட்டது. இதன் முழு விவரங்களை தொடர்ந்து பார்ப்போம்.
ஃபெராரி நிறுவனம் முற்றிலும் புதிய ரோமா காரை அறிமுகம் செய்துள்ளது. புதிய ஃபெராரி ரோமா 2 பிளஸ் கூப் ஸ்போர்ட்ஸ் மாடலில் ஃபுல் எல்.இ.டி. அடாப்டிவ் ஹெட்லைட்கள், ஹாரிசான்டல் எல்.இ.டி. டி.ஆர்.எல்.களுடன் வருகிறது.
இத்துடன் கார் நிறத்திற்கேற்ற கிரில், மெல்லிய எல்.இ.டி. டெயில் லைட்கள், நான்கு எக்சாஸ்ட் பைப்கள், பின்புற ஸ்பாயிலர், 20-இன்ச் ஐந்து ஸ்போக்களை கொண்ட அலாய் வீல்கள் வழங்கப்பட்டுள்ளன. உள்புறம் 3-ஸ்போக் மற்றும் பல்வேறு அம்சங்களை இயக்க வழி செய்யும் ஸ்டீரிங் வீல், டிஜிட்டல் இன்ஸ்ட்ரூமென்ட் கிளஸ்டர் வழங்கப்பட்டுள்ளது.
புதிய ஸ்டீரிங் வீல் வாடிக்கையாளர்களை சாலையில் முழு கவனத்தை செலுத்த வழி செய்யும் அளவு நேர்த்தியாக வடிவமைக்கப்பட்டுள்ளது. இதனால் ஓட்டுனர் கைகளை ஸ்டீரிங் வீலில் இருந்து எடுக்க வேண்டிய நிலை ஏற்படாது.
புதிய ரோமா காரில் 3.9 லிட்டர் வி8 என்ஜின் வழங்கப்பட்டுள்ளது. இந்த என்ஜின் 611 பி.ஹெச்.பி. பவர், 760 என்.எம். டார்க் செயல்திறன் மற்றும் 8-ஸ்பீடு டூயல் கிளட்ச் டிரான்ஸ்மிஷன் கொண்டிருக்கிறது. இந்த கார் மணிக்கு 0 முதல் 100 கிலோமீட்டர் வேகத்தை வெறும் 3.4 நொடிகளில் எட்டிவிடும். மேலும் இது மணிக்கு அதிகபட்சம் 320 கிலோமீட்டர் வேகத்தில் செல்லும்.
ஃபெராரி புதிய ரோமா காரின் விலை பற்றி இதுவரை எவ்வித தகவலும் இல்லை. எனினும், இதன் விலை இரண்டு லட்சம் யூரோ (இந்திய மதிப்பில் ரூ. 1.58 கோடி) வரை நிர்ணயம் செய்யப்படலாம் என கூறப்படுகிறது.
பி.எம்.டபுள்யூ. நிறுவனம் சர்வதேச சந்தையில் புதிய மோட்டார்சைக்கிள் மாடல்களை அறிமுகம் செய்துள்ளது.
பிரீமியம் மோட்டார்சைக்கிள்களைத் தயாரிக்கும் பி.எம்.டபுள்யூ. நிறுவனம் மூன்று மாடல்களில் புதிய மோட்டார்சைக்கிள்களை அறிமுகம் செய்துள்ளது. அடுத்த தலைமுறையைச் சேர்ந்தவையாக இவை வடிவமைக்கப்பட்டுள்ளன. எஸ்.1000எக்ஸ்.ஆர்., எஃப்.900ஆர் மற்றும் எஃப்.900எக்ஸ்.ஆர். ஆகிய மாடல்கள் இதில் வந்துள்ளன.
எஃப்.900ஆர். மற்றும் எஃப்.900எக்ஸ்.ஆர். மாடல்கள் சாகசப் பயணத்துக்கு ஏற்றவை. இரட்டை சிலிண்டரைக் கொண்டவை. இவற்றில் ஒன்று 895 சி.சி. திறனும் மற்றொன்று 853 சி.சி. திறனும் கொண்டதாக உருவாக்கப்பட்டுள்ளது. இதில் ஒன்று 105 ஹெச்.பி. திறனை 8,750 ஆர்.பி.எம். வேகத்தில் வெளிப்படுத்தக் கூடியது. இதன் செயல்திறன் 92 என்.எம். டார்க் ஆகும். இது உலோக ஃபிரேமைக் கொண்டது. இதில் 13 லிட்டர் பெட்ரோல் கொள்ளளவு கொண்ட டேங்க் உள்ளது. டைனமிக் டிராக்ஷன் கண்ட்ரோல், ஏ.பி.எஸ். புரோ, டைனமிக் பிரேக் கண்ட்ரோல் உள்ளிட்ட வசதிகள் வழங்கப்பட்டுள்ளன.
எஸ்.1000எக்ஸ்.ஆர். மாடலில் புதிய ரக என்ஜின் பொருத்தப்பட்டுள்ளது. முந்தைய மாடலில் உள்ளதைக் காட்டிலும் எடை குறைவான அதேசமயம் செயல்திறன் மிக்கதாக இது உருவாக்கப்பட்டுள்ளது. இதன் எடை முந்தைய மாடலைக் காட்டிலும் 10 கிலோ குறைந்து 226 கிலோவாக உள்ளது. இது 165 ஹெச்.பி. திறனை 11,000 ஆர்.பி.எம். வேகத்திலும் 114 என்.எம். டார்க் @ 9,250 ஆர்.பி.எம். செயல்திறனை வெளிப்படுத்தக் கூடியது.
டைனமிக் இ.எஸ்.ஏ., ரைடிங் மோட் புரோ, ஏ.பி.எஸ். புரோ, டி.டி.சி., ஹில் ஸ்டார்ட் கண்ட்ரோல் புரோ உள்ளது. நான்கு வித ஓட்டும் நிலைகள் உள்ளன. இதில் 6.5 அங்குல தொடுதிரை உள்ளது. சர்வதேச சந்தையைத் தொடர்ந்து இந்தியாவில் விரைவில் இந்த மாடல் அறிமுகம் செய்யப்படும் என இந்நிறுவனம் தெரிவித்து உள்ளது.
வால்வோ நிறுவனத்தின் எக்ஸ்.சி.40 பெட்ரோல் மாடல் காரின் வெளியீட்டு விவரங்களை தொடர்ந்து பார்ப்போம்.
ஸ்வீடன் நாட்டு ஆட்டோமொபைல் நிறுவனமான வால்வோ எக்ஸ்.சி.40 மாடலின் பெட்ரோல் வேரியண்ட்டை அறிமுகம் செய்ய இருக்கிறது. வெளியீட்டிற்கு முன் இதற்கான முன்பதிவுகள் துவங்கும் என எதிர்பார்க்கப்படுகிறது.
வால்வோ நிறுவனத்தின் எக்ஸ்.சி.40 மாடல் டி4 2.0 டீசல் என்ஜினுடன் கிடைக்கிறது. இந்த என்ஜின் 190 பி.ஹெச்.பி. பவர், 400 என்.எம். டார்க் செயல்திறன் வழங்குகிறது. டீசல் மாடல் தற்சமயம் விற்றுத் தீர்ந்துவிட்டது. இதன் விற்பனை அடுத்த ஆண்டு வாக்கில் துவங்கலாம்.
விரைவில் அறிமுகம் செய்யப்பட இருக்கும் எக்ஸ்.சி.40 மாடல் டி4 வேரியணட்டில் கிடைக்கும் என்றும் இதில் 2.0 லிட்டர் டர்போ-பெட்ரோல் என்ஜின் வழங்கப்படலாம் என எதிர்பார்க்கப்படுகிறது. இந்த என்ஜின் 190 பி.ஹெச்.பி. பவர், 300 என்.எம். டார்க் செயல்திறன் வழங்கும். இத்துடன் 8-ஸ்பீடு டிரான்ஸ்மிஷன் வழங்கப்படுகிறது.
வால்வோ எக்ஸ்.சி.40 மாடலில் பேடிள்-ஷிஃப்டர்கள், அடாப்டிவ் குரூஸ் கண்ட்ரோல், ஆட்டோமேடிக் பார்க்கிங், ஹீட்டெட் சீட், வையர்லெஸ் போன் சார்ஜிங் போன்ற அம்சங்கள் வழங்கப்படலாம்.
இந்தியாவில் இந்த எஸ்.யு.வி. மாடலின் விலை ரூ. 34 லட்சத்தில் துவங்கி டாப் எண்ட் மாடல் விலை ரூ. 39 லட்சம் (எக்ஸ்-ஷோரூம்) வரை நிர்ணயம் செய்யப்படலாம். அறிமுகமானதும் எக்ஸ்.சி.40 பெட்ரோல் மாடல் பி.எம்.டபுள்யூ. எக்ஸ்1, மெர்சிடிஸ் பென்ஸ் ஜி.எல்.ஏ., ஆடி கியூ3 மற்றும் மினி கண்ட்ரிமேன் போன்ற மாடல்களுக்கு போட்டியாக இருக்கும்.
அல்ட்ராவைலெட் ஆட்டோமோட்டிவ் நிறுவனம் இந்தியாவின் முதல் எலெக்ட்ரிக் ஸ்போர்ட்ஸ் பைக் மாடலை அறிமுகம் செய்துள்ளது.
இந்தியாவின் முதல் எலெக்ட்ரிக் ஸ்போர்ட்ஸ் பைக் மாடலை அல்ட்ராவைலெட் ஆட்டோமோட்டிவ் எனும் நிறுவனம் அறிமுகம் செய்துள்ளது. அல்ட்ராவைலெட் எஃப்77 என அழைக்கப்படும் இந்த மோட்டார்சைக்கிளின் விலை இந்தியாவில் ரூ. 3 லட்சத்தில் துவங்கி ரூ. 3.25 லட்சம் (ஆன்-ரோடு, பெங்களூரு) என நிர்ணயம் செய்யப்பட்டுள்ளது.
அல்ட்ராவைலெட் எஃப்77 மோட்டார்சைக்கிளில் 3 மாட்யூலர் லித்தியம் அயன் பேட்டரி பேக்குகள் வழங்கப்பட்டுள்ளன. இவற்றின் திறன் 4.2 கிலோவாட் ஆகும். இந்த பேட்டரிகளுடன் எலெக்ட்ரிக் மோட்டார் வழங்கப்பட்டுள்ளது. இவை ஒருங்கிணைந்து 33.5 பி.ஹெச்.பி. பவர் @2250 ஆர்.பி.எம். மற்றும் 90 என்.எம். டார்க் செயல்திறன் வழங்குகிறது.
புதிய எஃப்77 மோட்டார்சைக்கிள் மணிக்கு 0 முதல் 100 கிலோமீட்டர் வேகத்தை வெறும் 2.9 நொடிகளில் எட்டிவிடும். மேலும் இது மணிக்கு அதிகபட்சம் 147 கிலோமீட்டர் வேகத்தில் செல்லும் திறன் கொண்டிருக்கிறது. இந்த மோட்டார்சைக்கிளை ஒருமுறை சார்ஜ் செய்தால் 150 கிலோமீட்டர் வரை பயணிக்க முடியும்.
பிரேக்கிங்கிற்கு எஃப்77 மாடலின் முன்புறம் 320 எம்.எம். டிஸ்க் பிரேக், பின்புறம் 230 எம்.எம். டிஸ்க் பிரேக் வழங்கப்பட்டுள்ளது. அல்ட்ராவைலெட் எஃப்77 மாடல்: லைட்னிங், லேசர் மற்றும் ஷேடோ என மூன்று வேரியண்ட்களில் கிடைக்கிறது. இவற்றின் வடிவமைப்புகளில் சிறிதளவு மாற்றம் செய்யப்பட்டுள்ளன.
மிகக்குறைந்தளவு கிராஃபிக்ஸ் கொண்டுள்ள எஃப்77 மாடலில் எல்.இ.டி. ஹெட்லேம்ப்கள், எல்.இ.டி. டெயில் லைட்கள், முழுமையான டிஜிட்டல் இன்ஸ்ட்ரூமென்ட் கிளஸ்டர் போன்ற அம்சங்கள் வழங்கப்பட்டுள்ளன.
ஸ்கோடா நிறுவனத்தின் அதிகம் எதிர்பார்க்கப்பட்ட 2020 ஆக்டேவியா கார் அறிமுகம் செய்யப்பட்டது.
ஸ்கோடா நிறுவனத்தின் வெற்றிகர மாடல்களில் ஒன்றாக ஆக்டேவியா மாடல் இருக்கிறது. தற்சமயம் இதன் நான்காவது தலைமுறை மாடல் செக் குடியரசில் நடைபெற்ற சிறப்பு நிகழ்வில் அறிமுகம் செய்யப்பட்டது.
2020 ஸ்கோடா ஆக்டேவியா மாடலில் முந்தைய மாடலை விட அதிநவீன தொழில்நுட்பம், அதிக இடவசதி போன்றவை வழங்கப்பட்டுள்ளது. இத்துடன் முதல்முறையாக பிளக்-இன் ஹைப்ரிட் என்ஜின் வழங்கப்பட்டுள்ளது. புதிய தலைமுறை ஸ்கோடா ஆக்டேவியா மாடல் பிராண்டின் 60 ஆவது ஆண்டு விழாவை கொண்டாடும் வகையில் அறிமுகம் செய்யப்பட்டது.
வடிவமைப்பில் புதிய தலைமுறை ஸ்கோடா ஆக்டேவியா மாடலில் மேட்ரிக்ஸ் எல்.இ.டி. தொழில்நுட்பம் வழங்கப்பட்டுள்ளது. இத்துடன் டெயில் லைட், பிரேக் லைட் மற்றும் ஃபாக் லேம்ப்களுக்கும் எல்.இ.டி. லைட் வழங்கப்பட்டுள்ளது. சர்வதேச சந்தையில் இந்த மாடல் 19-இன்ச் அலாய் வீல்களை கொண்டிருக்கிறது.
காரின் உள்புறம் 2020 ஸ்கோடா மாடலில் புதிய டு-ஸ்போக் ஸ்டீரிங் வீல் மற்றும் 14 அம்சங்களை இயக்கும் வசதி வழங்கப்பட்டுள்ளது. இதன் இன்ஃபோடெயின்மென்ட் சிஸ்டம் வேரியண்ட்டிற்கு ஏற்ப 8.25 முதல் 10 இன்ச் வரையிலான அளவுகளில் வழங்கப்படுகிறது.
புதிய ஸ்கோடா ஆக்டேவியா மாடலில் 1.0 லிட்டர் டி.எஸ்.ஐ. பெட்ரோல் என்ஜின் வழங்கப்பட்டுள்ளது. இது 109 பி.ஹெச்.பி. பவர், 200 என்.எம். டார்க் செயல்திறன் மற்றும் மைல்டு ஹைப்ரிட் தொழில்நுட்பம் வழங்கப்பட்டிருக்கிறது. இத்துடன் 1.5 லிட்டர் டி.எஸ்.ஐ. நான்கு சிலிண்டர் பெட்ரோல் என்ஜின் வழங்கப்படுகிறது. இந்த என்ஜின் 148 பி.ஹெச்.பி. பவர், 250 என்.எம். டார்க் செயல்திறன் மற்றும் இ-டி.இ.சி. பேட்ஜ் கொண்டிருக்கிறது.
ஆடி நிறுவனத்தின் கியூ8 இந்திய வெளியீட்டு தேதி அறிவிக்கப்பட்டுள்ளது. இதுபற்றிய விவரங்களை தொடர்ந்து பார்ப்போம்.
ஜெர்மன் நாட்டு சொகுசு கார் தயாரிப்பு நிறுவனமான ஆடி இந்தியாவில் தனது கியூ8 மாடலை ஜனவரி 15, 2020 தேதியில் அறிமுகம் செய்ய இருப்பதாக தெரிவித்துள்ளது.
கடந்த வாரம் வெளியான தகவல்களில் ஆடி இந்தியா நிறுவனம் புதிய கியூ8 மாடலுக்கான முன்பதிவுகளை துவங்கிவிட்டதாக கூறப்பட்டது. எனினும் புனே, மும்பை மற்றும் டெல்லியில் உள்ள விற்பனையாளர்கள் முன்பதிவை துவங்கவில்லை என தெரிவித்தனர்.
ஆடி ஏ6 மாடலை தொடர்ந்து பி.எஸ்.6 புகை விதிகளுக்கு பொருந்தி வெளியாக இருக்கும் இரண்டாவது ஆடி கார் மாடலாக கியூ8 இருக்கிறது. புதிய ஆடி கியூ8 மாடல் இறக்குமதி மற்றும் சி.பி.யு. முறையில் கிடைக்கும் என கூறப்படுகிறது.
சர்வதேச சந்தையில் ஆடி கியூ8 மாடல் 3.0 லிட்டர் டர்போசார்ஜ் செய்யப்பட்ட வி6 என்ஜின் கொண்டிருக்கிறது. இந்த என்ஜின் 335 பி.ஹெச்.பி. பவர், 500 என்.எம். டார்க் செயல்திறன் வழங்குகிறது. இத்துடன் 8 ஸ்பீடு டிப்டிரோனிக் ஆட்டோமேடிக் டிரான்ஸ்மிஷன் கொண்டிருக்கிறது.
இத்துடன் கியூ8 மாடலில் 3-சோன் கிளைமேட் கண்ட்ரோல், ஆட்டோ-டிம்மிங் இன்டீரியர் ரியர் வியூ மிரர், டிஜிட்டல் காம்பஸ், பவர் ஷேட் கொண்ட சன்ரூஃப், எட்டு விதங்களில் அட்ஜஸ்ட் செய்யக்கூடிய முன்புற இருக்கைகள், எல்.இ.டி, ஹெட்லைட்கள், 12.3 இன்ச் எல்.சி.டி. டிஜிட்டல் இன்ஸ்ட்ரூமென்ட் கிளஸ்டர் வழங்கப்பட்டுள்ளது.
கிளாசிக் லெஜண்ட்ஸ் நிறுவனத்தின் ஜாவா பெராக் மோட்டார்சைக்கிள் வெளியீட்டு விவரங்களை தொடர்ந்து பார்ப்போம்.
கிளாசிக் லெஜண்ட்ஸ் நிறுவனத்தின் ஜாவா பெராக் மோட்டார்சைக்கிள் நவம்பர் 15 ஆம் தேதி அறிமுகம் செய்யப்படுகிறது. முன்னதாக பெராக் மோட்டார்சைக்கிள் ஜாவா 42 மற்றும் ஜாவா மோட்டார்சைக்கிள் மாடல்களுடன் அறிமுகம் செய்யப்பட்டது. எனினும், ஜாவா பெராக் வெளியீடு தள்ளிவைக்கப்பட்டது.
புதிய ஜாவா பெராக் மோட்டார்சைக்கிள் ஜாவா மாடலை தழுவி உருவாகி இருக்கிறது. எனினும், ஜாவா பெராக் மாடலை வித்தியாசப்படுத்த சில அம்சங்கள் சேர்க்கப்பட்டுள்ளன. அதன்படி ஜாவா பெராக் மாடலில் மேம்பட்ட எக்சாஸ்ட் மற்றும் ஃபென்டர் வழங்கப்பட்டுள்ளது.
ஜாவா பெராக் மாடலில் 334சிசி லிக்விட் கூல்டு, சிங்கிள் சிலிண்டர் என்ஜின் வழங்கப்பட்டுள்ளது. இந்த என்ஜின் 30 பி.ஹெச்.பி. பவர், 31 என்.எம். டார்க் செயல்திறன் வழங்குகிறது. இது ஜாவா மற்றும் ஜாவா 42 மாடல்களை விட 3 பி.ஹெச்.பி. மற்றும் 3 என்.எம். டார்க் அதிகம் ஆகும். இத்துடன் 6 ஸ்பீடு மேனுவல் டிரான்ஸ்மிஷன் வழங்கப்படுகிறது.
முன்னதாக இந்நிறுவனம் நவம்பர் 15 ஆம் தேதி அறிவிப்பை வெளிடுவதாக தெரிவித்து இருந்தது. இதில் அந்நிறுவனத்தின் எதிர்கால திட்டங்களும் அறிவிக்கப்படலாம். அடுத்த 18 மாதங்களில் கிளாசிக் லெஜண்ட்ஸ் நிறுவனம் மொத்தம் நான்கு புதிய மாடல்களை அறிமுகம் செய்ய திட்டமிட்டுள்ளது.
ஏற்கனவே வெளியான தகவல்களின்படி இந்தியாவில் ஜாவா பெராக் மாடல் விலை ரூ. 1.89 லட்சம் (எக்ஸ்-ஷோரூம்) வரை நிர்ணயம் செய்யப்படலாம் என எதிர்பார்க்கப்படுகிறது.
மெர்சிடிஸ் பென்ஸ் நிறுவனம் இந்திய சந்தையில் புதிய வி கிளாஸ் எலைட் காரை அறிமுகம் செய்துள்ளது.
மெர்சிடிஸ் பென்ஸ் நிறுவனம் இந்தியாவில் வி கிளாஸ் எலைட் மாடல் காரை அறிமுகம் செய்துள்ளது. புதிய வி கிளாஸ் எலைட் மாடல் விலை ரூ. 1.10 கோடி (எக்ஸ்-ஷோரூம்) என நிர்ணயம் செய்யப்பட்டுள்ளது.
புதிய பென்ஸ் வி கிளாஸ் எலைட் மாடலில் பல்வேறு மாற்றங்கள் செய்யப்பட்டு புதிய அம்சங்கள் வழங்கப்பட்டுள்ளன. அதன்படி புதிய வடிவமைப்பு, மேம்பட்ட அம்சங்கள் மற்றும் உபகரணங்கள் புதிய வேரியண்ட்டில் வழங்கப்பட்டுள்ளது.
அதன்படி புதிய வி கிளாஸ் எலைட் மாடலில் ட்வீக் செய்யப்பட்ட ஹெட்லேம்ப் கிளஸ்டர், முன்புறம் ஸ்போர்ட் பம்ப்பர் மற்றும் அகலமான மெஷ் வழங்கப்பட்டுள்ளது. இத்துடன் புதிய அலாய் வீல்களும் வழங்கப்பட்டுள்ளது. புதிய வி கிளாஸ் எலைட் மாடல் ஸ்டீல் புளு, செலினைட் கிரே மற்றும் கிராஃபைட் கிரே போன்ற புதிய நிறங்களில் கிடைக்கிறது.
காரின் உள்புறத்தில் மெர்சிடிஸ் பென்ஸ் வி கிளாஸ் எலைட் ஆறு பேர் அமரக்கூடிய இருக்கை அமைப்புடன் வருகிறது. இத்துடன் சொகுசு அம்சங்கள் மற்றும் கிளைமேட் கண்ட்ரோல், பானரோமிக் ரூஃப், மசாஜிங் வசதி மற்றும் 640 வாட் பர்மெஸ்டர் சரவுண்ட் சவுண்ட் சிஸ்டம் வழங்கப்பட்டுள்ளது.
மெர்சிடிஸ் பென்ஸ் வி கிளாஸ் எலைட் மாடலில் புதிய 2.0 லிட்டர் டீசல் என்ஜின் கொண்டிருக்கிறது. இது 161 பி.ஹெச்.பி. பவர், 380 என்.எம். டார்க் செயல்திறன் வழங்குகிறது. இத்துடன் 9ஜி டிரானிக் ஆட்டோமேடிக் டிரான்ஸ்மிஷன் கொண்டிருக்கிறது.
×