கார்

ஹூண்டாய் நிறுவனம் தனது கிராண்ட் i10 நியோஸ் மற்றும் ஆரா ஃபேஸ்லிஃப்ட் மாடல்களை சமீபத்தில் அறிவித்தது. மேலும் இரு கார்களுக்கான முன்பதிவு ஜனவரி 9 ஆம் தேதி துவங்கி நடைபெற்று வருகிறது. முன்பதிவு கட்டணம் ரூ. 11 ஆயிரம் என நிர்ணயம் செய்யப்பட்டு உள்ளது.

புதிய கிராண்ட் i10 நியோஸ் வெளியீடு இந்த வாரம் நடைபெற இருக்கும் நிலையில், ஆரா மாடலும் விரைவில் வெளியாக இருக்கிறது. ஆரா ஃபேஸ்லிஃப்ட் மாடலில் ஏராளமான புது அம்சங்கள் வழங்கப்படுகிறது. இதில் தற்போது நான்கு ஏர்பேக், ஏபிஎஸ், இபிடி ஸ்டாண்டர்டு அம்சமாக வழங்கப்படுகிறது. இவைதவிர ஆறு ஏர்பேக், இஎஸ்சி மற்றும் ஹில் ஹோல்டு அசிஸ்ட் உள்ளிட்டவை ஆப்ஷனாக வழங்கப்படுகிறது.

இத்துடன் புது ஆரா மாடலில் உள்ள ஹெட் ரெஸ்டிரைண்ட்கள் அட்ஜஸ்ட் செய்யும் வசதி கொண்டுள்ளன. இத்துடன் ரிடிசைன் செய்யப்பட்ட இன்ஸ்ட்ரூமெண்ட் கிளஸ்டர், இரு அனலாக் காஜ்கள் உள்ளன. இவற்றில் ஒன்று ஸ்பீடோமீட்டராகவும் மற்றொன்று டகோமீட்டராகவும் செயல்படுகின்றன. மேலும் புதிதாக 3.5mm எம்ஐடி டிஸ்ப்ளே, டயர் பிரெஷர் மாணிட்டரிங் சிஸ்டம் வழங்கப்பட்டு இருக்கிறது.

வெர்னா, i20, அல்கசார் மற்றும் டக்சன் மாடல்களில் உள்ளதை போன்று புது ஆரா ஃபேஸ்லிஃப்ட் மாடலிலும் ஸ்டாரி நைட் ஆப்ஷன் வழங்கப்படுகிறது. புது ஆரா ஃபேஸ்லிஃப்ட் மாடலில் 8 இன்ச் டச் ஸ்கிரீன், ஆண்ட்ராய்டு ஆட்டோ, ஆப்பிள் கார்பிளே, ரியர் ஏசி வெண்ட்கள், ஆட்டோமேடிக் கிளைமேட் கண்ட்ரோல் மற்றும் வயர்லெஸ் சார்ஜர் உள்ளிட்டவை வழங்கப்படுகிறது.

புதிய ஹூண்டாய் ஆரா ஃபேஸ்லிஃப்ட் மாடலில் 1.2 லிட்டர் பெட்ரோல் என்ஜின் வழங்கப்படுகிறது. இது 83 ஹெச்பி பவர், 113.8 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் CNG கிட் ஆப்ஷனும் வழங்கப்படுகிறது. இது 69 ஹெச்பி பவர், 95.2 நியூட்டன் மீட்டர் டார்க் இழுவிசையை வெளிப்படுத்துகிறது. இரு யூனிட்களுடன் 5 ஸ்பீடு மேனுவல் கியர்பாக்ஸ், AMT கியர்பாக்ஸ் ஆப்ஷனாக வழங்கப்படுகிறது. 

டொயோட்டா நிறுவனம் கொரோலா ஆல்டிஸ் ஃபிலெக்ஸ் ஃபியூவல் மாடலை ஆட்டோ எக்ஸ்போ 2023 நிகழ்வில் காட்சிப்படுத்தியது. இந்த மாடல் e20 முதல் e85 வரை கிடைக்கும் எதனால் சார்ந்த ஃபியூவல்களில் இயங்கும் திறன் கொண்டிருக்கிறது. தற்போது காட்சிப்படுத்தப்பட்ட டொயோட்டா கொரோலா ஆல்டிஸ் ஃபிலெக்ஸ் ஃபியூவல் மாடல் ஏற்கனவே பிரேசில் நாட்டில் விற்பனை செய்யப்பட்டு வருகிறது.

எத்தனால் பயன்பாட்டிற்கு ஏற்ப என்ஜின் புகை விதிகள் மற்றும் எத்தனாலின் குறைந்த அடர்த்திக்கு ஏற்ப டியூனிங் செய்யப்பட வேண்டும். இத்துடன் ஹைப்ரிட் பவர்டிரெடயின் வழங்கப்பட்டு இருக்கிறது. இந்த காரின் தரையில் 1.8 லிட்டர் ஃபிலெக்ஸ் ஃபியூவல் என்ஜின் வழங்கப்பட்டு இருக்கிறது. இத்துடன் ஒற்றை எலெக்ட்ரிக் மோட்டார் உள்ளது. இந்த யூனிட் 138 ஹெச்பி பவர், 177 நியூட்டன் மீட்டர் டார்க் இழுவிசையை வெளிப்படுத்துகிறது.

இத்துடன் CVT கியர்பாக்ஸ் வழங்கப்பட்டு இருக்கிறது. டொயோட்டா கொரோலா ஆல்டிஸ் ஃபிலெக்ஸ் ஃபியூவல் மாடலில் 50 லிட்டர் ஃபியூவல் டேன்க் உள்ளது. புதிய கொரோலா ஆல்டிஸ் மட்டுமின்றி மாருதி சுசுகி நிறுவனத்தின் வேகன் ஆர் ஃபிலெக்ஸ் ஃபியூவல் மாடலும் ஆட்டோ எக்ஸ்போ 2023 நிகழ்வில் காட்சிப்படுத்தப்பட்டது.

மாருதி சுசுகி நிறுவனம் தனது பிரெஸ்ஸா CNG மாடலை ஆட்டோ எக்ஸ்போ 2023 நிகழ்வில் காட்சிக்கு வைத்தது. வரும் மாதங்களில் புதிய மாருதி பிரெஸ்ஸா CNG மாடல் இந்தியாவில் விற்பனைக்கு வருகிறது. தற்போது மாருதி அரினா விற்பனை மையங்களில் CNG ஆப்ஷன் இல்லாத ஒற்றை மாடலாக பிரெஸ்ஸா விற்பனை செய்யப்பட்டு வருகிறது.

அந்த வகையில், பிரெஸ்ஸா CNG மாடல் காட்சிக்கு வைத்து விட்டது. காட்சிக்கு வைக்கப்பட்ட பிரெஸ்ஸா CNG மாடல் மேட் பெயிண்ட் செய்யப்பட்டு இருக்கிறது. மற்ற CNG மாடல்களை போன்றே பிரெஸ்ஸா மாடலிலும் CNG டேன்க் பூட் பகுதியில் வைக்கப்பட்டு இருக்கிறது. அம்சங்களை பொருத்தவரை CNG மாடலில் அதன் பெட்ரோல் வேரியண்டில் உள்ளதை போன்ற அம்சங்கள் வழங்கப்படும் என தெரிகிறது.

புது CNG வேரியண்ட் விவரங்கள் வெளியாகவில்லை. எனினும், பிரெஸ்ஸா மாடலின் VXi மற்றும் ZXi வேரியண்ட்களில் CNG ஆப்ஷன் வழங்கப்படலாம். பிரெஸ்ஸா CNG மாடலில் 1.5 லிட்டர் பெட்ரோல் என்ஜின் வழங்கப்படுகிறது. இந்த என்ஜின் 99 ஹெச்பி பவர், 136 நியூட்டன் மீட்டர் டார்க் இழுவிசையை வெளிப்படுத்துகிது. இது CNG மோடில் 87 ஹெச்பி பவர், 121.5 நியூட்டன் மீட்டர் டார்க் இழுவிசையை வெளிப்படுத்துகிறது.

மாருதி சுசுகி பிரெஸ்ஸா CNG மாடலில் மேனுவல் கியர்பாக்ஸ் வழங்கப்படுகிறது. இந்திய சந்தையில் விற்பனைக்கு வரும் போது, சப் காம்பேக்ட் எஸ்யுவி பிரிவில் CNG ஆப்ஷன் பெறும் முதல் மாடலாக பிரெஸ்ஸா இருக்கும்.

மாருதி சுசுகி நிறுவனம் ஆட்டோ எக்ஸ்போ 2023 நிகழ்வில் தனது புதிய Fronx பலேனோ சார்ந்த உருவாக்கப்பட்ட எஸ்யுவி கூப் மாடலை அறிமுகம் செய்து இருக்கிறது. புதிய மாருதி சுசுகி Fronx மாடலுக்கான முன்பதிவு துவங்கி விட்ட நிலையில், விற்பனை ஏப்ரல் மாத வாக்கில் நடைபெற இருக்கிறது. மாருகி சுசுகி Fronx மாடல் மாருதி சுசுகியின் நெக்சா பிராண்டிங்கின் கீழ் நடைபெற இருக்கிறது.

நெக்சா பிராண்டிங்கில் அறிமுகமாகி இருக்கும் முதல் காம்பேக்ட் எஸ்யுவி கூப் மாடலாக Fronx அமைந்துள்ளது. பலேனோ சார்ந்து உருவாகி இருக்கும் நிலையில், இந்த கார் ஹார்டெக்ட் மோனோக் பிளாட்ஃபார்ம்-ஐ பயன்படுத்துகிறது. சில பாடி பேனல்கள் தவிர இந்த காரில் அப்ரைட் நோஸ் மற்றும் ஸ்ப்லிட் ஹெட்லேம்ப் செட்டப் உள்ளிட்டவை கிராண்ட் விட்டாரா மாடலில் உள்ளதை போன்றே வழங்கப்பட்டு இருக்கிறது.

முன்புறம் மற்றும் பின்புற பம்ப்பர்கள் சற்று திடமனாக இருக்கின்றன. இருபுறமும் பிரத்யேக ஃபாக்ஸ் ஸ்கிட் பிலேட்கள் உள்ளன. இத்துடன் 17 இன்ச் அலாய் வீல்கள், புதிய ரியர் டிசைன் கொண்டிருக்கிறது. புதிய Fronx மாடலின் அம்சங்களில் சில ஏற்கனவே பலேனோ ஹேச்பேக் மாடலில் வழங்கப்பட்டு இருக்கிறது. அளவீடுகளை பொருத்தவரை மாருதி சுசுகி Fronx 3995mm நீளம், 1550mm உயரம் மற்றும் 1765mm அகலமாக இருக்கிறது.

காரின் உள்புறமும் பெரும்பாலான அம்சங்கள் பலேனோ மாடலில் உள்ளதை போன்றே வழங்கப்பட்டு இருக்கிறது. இதில் டேஷ்போர்டு, இருக்கை மற்றும் உபகரணங்கள் உள்ளிட்டவையும் அடங்கும். இரு மாடல்களிலும் வெவ்வேறு டெக்ஸ்ச்சர் மற்றும் சில வேறுபாடுகள் இருக்கும் என தெரிகிறது.

மாருதி சுசுகி நிறுவனத்தின் முதல் மற்றும் ஒற்றை டர்போ பெட்ரோல் என்ஜின் - 1.0 லிட்டர் பூஸ்டர்ஜெட் யூனிட் 2017 வாக்கில் அறிமுகமான முந்தைய தலைமுறை பலேனோ மாடலில் வழங்கப்பட்டது. இந்த என்ஜின் ஸ்டாண்டர்டு யூனிட்களின் ஸ்போர்ட் மாற்றாக அறிமுகம் செய்யப்பட்டது. இது பலேனோ RS டாப் எண்ட் மாடலில் மட்டுமே வழங்கப்பட்டு இருக்கிறது. குறைந்த விற்பனை மற்றும் கடினமான புகை விதிகள் காரணமாக இந்த என்ஜின் திரும்பப் பெறப்பட்டது.

தற்போது Fronx மாடலில் டர்போ யூனிட் மீண்டும் வழங்கப்பட்டு இருக்கிறது. இது 100 ஹெச்பி பவர், 147.6 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 5 ஸ்பீடு மேனுவல் அல்லது 6 ஸ்பீடு டார்க் கன்வெர்ட்டர் ஆட்டோமேடிக் கியர்பாக்ஸ் வழங்கப்பட்டு இருக்கிறது. இத்துடன் 1.2 லிட்டர் K சீரிஸ் NA பெட்ரோல் என்ஜின் வழங்கப்படுகிறது. இந்த என்ஜின் 90 ஹெச்பி பவர், 113 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 5 ஸ்பீடு மேனுவல், AMT டிரான்ஸ்மிஷன் வழங்கப்படுகிறது.

இந்திய சந்தையில் புதிய மாருதி சுசுகி Fronx மாடல் ஏப்ரல் மாத வாக்கில் விற்பனைக்கு வருகிறது. சிட்ரோயன் C3, டாடா பன்ச், நிசான் மேக்னைட் மற்றும் ரெனால்ட் கிகர் போன்ற மாடல்களுக்கு புதிய மாருதி சுசுகி Fronx போட்டியாக அமையும்.

ஹூண்டாய் நிறுவனத்தின் அதிகம் எதிர்பார்க்கப்பட்ட ஐயோனிக் 5 எலெக்ட்ரிக் கார் இந்தியாவில் அறிமுகம் செய்யப்பட்டது. புதிய ஹூண்டாய் ஐயோனிக் 5 எலெக்ட்ரிக் காரின் அறிமுக விலை ரூ. 44 லட்சத்து 95 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. முன்னதாக 2022 டிசம்பர் மாத வாக்கில் அறிமுகம் செய்யப்பட்ட ஐயோனிக் 5 காருக்கான முன்பதிவு ஏற்கனவே துவங்கி நடைபெற்று வந்தது.

புதிய ஹூண்டாய் ஐயோனிக் 5 மாடலுக்கான முன்பதிவு கட்டணம் ரூ. 1 லட்சம் என நிர்ணயம் செய்யப்பட்டு உள்ளது. இந்த கார் ஒற்றை வேரியண்டில் மட்டுமே கிடைக்கிறது. ஹூண்டாய் கோனா மாடலை தொடர்ந்து இந்திய சந்தையில் ஹூண்டாய் நிறுவனத்தின் இரண்டாவது எலெக்ட்ரிக் கார் இது ஆகும். இது ஏற்கனவே விற்பனை செய்யப்படும் கியா EV6 மாடலை சார்ந்து உருவாக்கப்பட்டு இருக்கிறது.

ஐயோனிக் 5 மாடல் ஒற்றை மோட்டார், ரியர்-வீல் டிரைவ் செட்டப் உடன் வழங்கப்பட இருக்கிறது. இதில் உள்ள எலெக்ட்ரிக் மோட்டார் 216 ஹெச்பி பவர், 350 நியூட்டன் மீட்டர் டார்க் இழுவிசையை வெளிப்படுத்தும் என எதிர்பார்க்கலாம். இத்துடன் 72.6 கிலோவாட் ஹவர் பேட்டரி பேக் வழங்கப்படலாம். இந்த எலெக்ட்ரிக் கார் முழு சார்ஜ் செய்தால் 631 கிலோமீட்டர் ரேன்ஜ் வழங்கும் என தெரிகிறது. இத்துடன் 800 வோல்ட் சார்ஜிங் வசதி வழங்கப்படுகிறது. இது காரை 10-இல் இருந்து 80 சதவீதம் வரை சார்ஜ் செய்ய 18 நிமிடங்களை எடுத்துக் கொள்கிறது.

காரின் வெளிப்புறம் புது ஹெட்லேம்ப்கள், ஃபிலஷ் ஃபிட்டிங் டோர் ஹேண்டில்கள், ஃபிலேர்டு வீல் ஆர்ச்கள், 20 இன்ச் அலாய் வீல்கள், இரண்டு 12.3 இன்ச் ஸ்கிரீன்கள்- ஒரு இன்ஸ்ட்ரூமெண்ட் கிளஸ்டர், மற்றொன்று இன்ஃபோடெயின்மெண்ட் சிஸ்டம், வெண்டிலேடெட் முன்புற இருக்கைகள், லெவல் 2 ADAS, பவர் சீட்கள், கிளைமேட் கண்ட்ரோல், ஆறு ஏர்பேக், வெஹிகில் டு லோட் அம்சம் வழங்கப்பட்டு இருக்கிறது.

ஹூண்டாய் நிறுவனம் தனது ஆரா சப்காம்பேக்ட் செடான் காரின் ஃபேஸ்லிஃப்ட் வெர்ஷனை இந்திய சந்தையில் அறிமுகம் செய்து இருக்கிறது. மேலும் இந்த காருக்கான முன்பதிவு துவங்கி நடைபெற்று வருகிறது. புதிய ஹூண்டாய் ஆரா ஃபேஸ்லிஃப்ட் மாடலுக்கான முன்பதிவு கட்டணம் ரூ. 11 ஆயிரம் என நிர்ணயம் செய்யப்பட்டு இருக்கிறது. முன்பதிவு ஹூண்டாய் நிறுவன வலைதளம் மற்றும் விற்பனை மையங்களில் நடைபெறுகிறது.

சமீபத்தில் அறிமுகம் செய்யப்பட்ட கிராண்ட் i10 நியோஸ் ஃபேஸ்லிஃப்ட் மாடலுடன் ஆரா ஃபேஸ்லிஃப்ட் காரின் முன்புறம் புது கிரில் மற்றும் பம்ப்பர் கொண்டிருக்கிறது. இந்த காரின் கிரில் தற்போது அகலமாகவும், அதிக செங்குத்தான வடிவம் கொண்டிருக்கிறது. இத்துடன் பாடி நிறத்திலான இன்சர்ட்கள், L வடிவம் கொண்ட எல்இடி டேடைம் ரன்னிங் லைட்கள் வழங்கப்பட்டு இருக்கிறது. இதில் உள்ள இரண்டாவது கிரில் தற்போது ஹெட்லேம்ப்களிடையே உள்ளது.

பின்புறம் ரியர் ஸ்பாயிலர் மற்றும் மூன்றாவது ஸ்டாப் லைட் வழங்கப்பட்டு இருக்கிறது. புதிய ஹூண்டாய் ஆரா மாடல் - போலார் வைட், டைட்டன் கிரே, டைஃபூன் சில்வர், ஸ்டாரி நைட், டியல் புளூ மற்றும் ஃபியரி ரெட் என ஆறு வித நிறங்களில் கிடைக்கிறது. காரின் உள்புறம் டேஷ்போர்டு டிசைன் அதிகளவு மாற்றப்படவில்லை. எனினும், புது இருக்கை மேற்கவர் நிறங்கள், புது நிறம் வழங்கப்பட்டு இருக்கிறது.

புதிய ஹூண்டாய் ஆரா ஃபேஸ்லிஃப்ட் மாடலில் 1.0 லிட்டர் டர்போ பெட்ரோல் என்ஜின் மற்றும் 1.2 லிட்டர் பெட்ரோல் மற்றும் CNG ஆப்ஷன்களில் கிடைக்கிறது. இதன் பெட்ரோல் என்ஜின் 82 ஹெச்பி பவர், 114 நியூட்டன் மீட்டர் டார்க் இழுவிசையை வெளிப்படுத்துகிறது. இந்த என்ஜினுடன் 5 ஸ்பீடு மேனுவல் அல்லது AMT கியர்பாக்ஸ் வழங்கப்படுகிறது. 1.2 லிட்டர் CNG வெர்ஷன் 68 ஹெச்பி பவர், 95.2 நியூட்டன் மீட்டர் டார்க் இழுவிசையை வெளிப்படுத்துகிறது.

ஹூண்டாய் ஆரா ஃபேஸ்லிஃப்ட் மாடல்- E, S, SX, SX(O) மற்றும் SX+ என ஐந்து வேரியண்ட்களில் கிடைக்கிறது. பெட்ரோல் என்ஜின் அனைத்து வேரியண்ட்களும் வழங்கப்பட்டு இருக்கிறது. இதன் CNG ஆப்ஷன் S மற்றும் SX வேரியண்ட்களில் மட்டுமே கிடைக்கிறது. இந்திய சந்தையில் புது ஆரா மாடல் மாருதி சுசுகி டிசையர், டாடா டிகோர் மற்றும் ஹோண்டா அமேஸ் போன்ற மாடல்களுக்கு போட்டியாக அமைகிறது.

மஹிந்திரா நிறுவனம் இந்திய சந்தையில் புதிய தார் 2WD மாடலை அறிமுகம் செய்தது. அறிமுக சலுகையாக மஹிந்திரா தார் 2WD மாடலின் விலை ரூ. 9 லட்சத்து 99 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. இது மஹிந்திரா தார் எண்ட்ரி லெவல் மாடல் ஆகும். இந்த கார் மூன்று வேரியண்ட்கள், இரண்டு புது நிறங்கள் மற்றும் 1.5 லிட்டர் டீசல் என்ஜினுடன் கிடைக்கிறது.

தற்போது அறிவிக்கப்பட்டு இருக்கும் அறிமுக சலுகை காரை முன்பதிவு செய்யும் முதல் 10 ஆயிரம் பேருக்கு மட்டுமே பொருந்தும். புதிய மஹிந்திரா தார் 2WD மாடலின் வினியோகம் ஜனவரி 14 ஆம் தேதி துவங்க இருக்கிறது. மாற்றங்களை பொருத்தவரை மஹிந்திரா தார் 2WD மாடல் - பிளேசிங் பிரான்ஸ் மற்றும் எவரஸ்ட் வைட் என இரண்டு நிறங்களில் கிடைக்கிறது. இவைதவிர ரெட் ரேஜ், கேலக்ஸி கிரே, நபோலி பிளாக் மற்றும் அக்வா மரைன் போன்ற நிறங்களிலும் கிடைக்கிறது.

புதிய காரின் பின்புற ஃபெண்டரில் 4x4 பேட்ஜிங் நீக்கப்பட்டு இருப்பதை தவிர இந்த கார் தோற்றத்தில் அதன் 4WD வெர்ஷன் போன்றே காட்சியளிக்கிறது. மஹிந்திரா தார் 2WD மாடலில் 2.0 லிட்டர் எம்ஸ்டேலியன் டர்போ பெட்ரோல் என்ஜின் உள்ளது. இந்த என்ஜின் 150 ஹெச்பி பவர், 320 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 1.5 லிட்டர் டீசல் என்ஜின் வழங்கப்பட்டுள்ளது.

டீசல் என்ஜின் 117 ஹெச்பி பவர், 300 நியூட்டன் மீட்டர் டார்க் இழுவிசை வெளிப்படுத்துகிறது. இத்துடன் 6 ஸ்பீடு மேனுவல் கியர்பாக்ஸ் வழங்கப்பட்டு இருக்கிறது. இதன் இண்டீரியர் பெருமளவு மாற்றப்படவில்லை. மஹிந்திரா தார் 4WD மாடலில் தற்போது எலெக்டிரானிக் பிரேக் லாக்கிங் வழங்கப்பட்டு இருக்கிறது. இதன் LX டீசல் மாடலில் மெக்கானிக்கல் லாக்கிங் டிஃபரென்ஷியல் அம்சம் ஆப்ஷாக வழங்கப்படுகிறது.

ஸ்டைல் பேக், முன்புறம் மற்றும் பின்புற ஆர்ம் ரெஸ்ட்கள், கூடுதல் பி-ஸ்போக் அக்சஸரீக்களை மஹிந்திரா புதிய தார் மாடலுடன் வழங்குகிறது. புதிய மஹ்ந்திரா தார் 2WD LX டீசல் மேனுவல் டிரான்ஸ்மிஷன் ஹார்டு-டாப் விலை ரூ. 10 லட்சத்து 99 ஆயிரம் என்றும் 2WD LX பெட்ரோல் ஆட்டோமேடிக் டிரான்ஸ்மிஷன் ஹார்டு டாப் விலை ரூ. 13 லட்சத்து 49 ஆயிரம் என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

இந்திய சந்தையில் குறைந்த விலை 7 சீட்டர் பிரிவில் மாருதி சுசுகி ஆதிக்கம் செலுத்தி வருகிறது. குறைந்த விலை மாடல்களை வாங்குவோர் தேர்வு செய்வது எர்டிகா அல்லது XL6 ஆகவே இருந்து வருகிறது. இதுதவிர மாருதி சுசுகி நிறுவனம் ஈகோ மாடலை மிக குறைந்த விலையில் விற்பனை செய்து வருகிறது. எனினும், இந்த மாடல் அறிமுகம் செய்யப்பட்ட 2010 ஆண்டு முதல் ஒரே மாதிரியான தோற்றம் கொண்டிருக்கிறது.

அவ்வப்போது இந்த மாடலுக்கு சிறு அப்டேட்கள் வெளியிடப்பட்டு வருகின்றன. இந்த நிலையில், ஈகோ மாடலுக்கு பெரும் அப்டேட் கொடுக்க மாருதி சுசுகி திட்டமிட்டு வருவதாக தகவல் வெளியாகி உள்ளது. அதன்படி புதிய ஈகோ மாடலின் வெளிப்புறம் புது டிசைன், புதிய பம்ப்பர்கள், ரிவொர்க் செய்யப்பட்ட ஹெட்லேம்ப்கள், புது கிரில் மற்றும் மேம்பட்ட டெயில் லேம்ப் டிசைன் வழங்கப்பட இருக்கிறது.

இதுதவிர ஸ்டாண்டர்டு வீல் கவர்கள், ஃபாக் லேம்ப்கள் வழங்கப்படும். இவை தவிர ஈகோ மாடலின் ஒட்டுமொத்த தோற்றம் வேன் போன்றே காட்சியளிக்கும். ஈகோ மாடல் அதன் வேன் போன்ற தோற்றத்திற்கு பெயர் பெற்று இருக்கிறது. சமீபத்தில் மாருதி அறிமுகம் செய்த புது ஈகோ மாடலில் 1.2 லிட்டர் டூயல்ஜெட் பெட்ரோல் என்ஜின் வழங்கப்பட்டுள்ளது. இதே என்ஜின் டிசையர், ஸ்விஃப்ட் மற்றும் இதர மாடல்களில் வழங்கப்பட்டுள்ளது.

இந்த என்ஜின் 80 ஹெச்பி பவர், 104 நியூட்டன் மீட்டர் டார்க் இழுவிசையை வெளிப்படுத்துகிறது. CNG மோடில் இந்த என்ஜின் 71 ஹெச்பி பவர், 95 நியூட்டன் மீட்டர் டார்க் இழுவிசையை வெளிப்படுத்துகிறது. இதே என்ஜின் புதிய தலைமுறை ஈகோ மாடலிலும் வழங்கப்படும் என எதிர்பார்க்கலாம். புது அப்டேட்கள் கொண்ட மாருதி சுசுகி ஈகோ மாடல் இந்த ஆண்டிற்குள் அறிமுகம் செய்யப்படலாம். இதன் விலை ரூ. 5 லட்சத்து 50 ஆயிரத்தில் இருந்து துவங்கலாம்.

கியா இந்தியா நிறுவனம் ஆட்டோ எக்ஸ்போ 2023 நிகழ்வில் புது கார்களை அறிமுகம் செய்ய இருக்கிறது. அடுத்த வாரம் துவங்க இருக்கும் ஆட்டோ எக்ஸ்போ 2023 நிகழ்வில் பத்து புது வாகனங்களை கியா இந்தியா காட்சிக்கு வைக்க இருக்கிறது. இந்த பட்டியலில் கியா மோட்டார்ஸ் சர்வதேச சந்தையில் விற்பனை செய்து வரும் சொரெண்டோ 7 சீட்டர் எஸ்யுவி மாடல் இணைந்திருக்கிறது.

முன்னதாக ஆட்டோ எக்ஸ்போ 2018 நிகழ்வில் கியா சொரெண்டோ மாடலை இந்தியாவில் காட்சிக்கு வைத்திருக்கிறது. இந்தியாவில் காட்சிப்படுத்தப்பட்ட சொரெண்டோ மூன்றாம் தலைமுறை மாடல் ஆகும். தற்போது சர்வதேச சந்தையில் விற்பனை செய்யப்படும் சொரெண்டோ மாடல் அதன் நான்காவது தலைமுறையை சேர்ந்தது. இந்த கார் 2020 வாக்கில் விற்பனைக்கு வந்தது. இந்த மாடல் தான் தற்போது ஆட்டோ எக்ஸ்போ 2023 நிகழ்வில் காட்சிக்கு வைக்கப்பட இருக்கிறது.

கியா சொரெண்டோ மாடலின் வெளிப்புறம் கியாவின் டைகர்-நோஸ் கிரில், 3-பாட் எல்இடி ஹெட்லைட்கள், இண்டகிரேட் செய்யப்பட்ட எல்இடி டிஆர்எல்கள் வழங்கப்பட்டுள்ளன. இத்துடன் அப்ரைட் எஸ்யுவி ஸ்டான்ஸ் மற்றும் ஃபிளேர்டு வீல் ஆர்ச்கள் வழங்கப்பட்டு இருக்கின்றன. பின்புறம் செங்குத்தாக டெயில் லைட் செட்டப் மற்றும் டெயில்கேட் பகுதியில் சொரெண்டோ எழுதப்பட்டுள்ளது.

சொரெண்டோ மாடல் 1.6 லிட்டர் டர்போ பெட்ரோல் ஹைப்ரிட், 1.6 லிட்டர் பிளக்-இன் ஹைப்ரிட், 2.5 லிட்டர் டர்போ பெட்ரோல், 2.2 லிட்டர் டீசல் என நான்கு வித என்ஜின் ஆப்ஷன்களில் கிடைக்கிறது. இத்துடன் 6 ஸ்பீடு மற்றும் 8 ஸ்பீடு ஆட்டோமேடிக் கியர்பாக்ஸ், முன்புற வீல் அல்லது ஆல்-வீல் டிரைவ் செட்டப் உடன் வழங்கப்படுகிறது.

Photo Courtesy: Rushlane

மாருதி சுசுகி நிறுவனம் புதிய கிராண்ட் விட்டாரா CNG கார் இந்திய சந்தையில் அறிமுகம் செய்து இருக்கிறது. புதிய கிராண்ட் விட்டாரா CNG மாடல் விலை ரூ. 12 லட்சத்து 85 ஆயிரம், எக்ஸ்-ஷோரூம் என துவங்குகிறது. இந்த கார் டெல்டா மற்றும் சீட்டா என இரண்டு வேரியண்ட்களில் கிடைக்கிறது. இதன் சீட்டா மாடல் விலை ரூ. 14 லட்சத்து 84 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது.

புதிய மாருதி சுசுகி கிராண்ட் விட்டாரா CNG மாடலில் 1.5 லிட்டர் NA பெட்ரோல் என்ஜின் வழங்கப்பட்டு இருக்கிறது. இந்த என்ஜின் 103 ஹெச்பி பவர், 136 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. CNG மோடில் இது 87 ஹெச்பி பவர், 121.5 நியூட்டன் மீட்டர் டார்க் இழுவிசையை வெளிப்படுத்துகிறது. இந்த காரின் CNG வெர்ஷன் லிட்டருக்கு 26.6 கிலோமீட்டர் வரை செல்லும்.

அம்சங்களை பொருத்தவரை மாருதி சுசுகி கிராண்ட் விட்டாரா CNG மாடலில் ஸ்மார்ட்பிளே ப்ரோ பிளஸ் டச் ஸ்கிரீன் இன்ஃபோடெயின்மெண்ட் சிஸ்டம், ஆப்பிள் கார்பிளே, ஆண்ட்ராய்டு ஆட்டோ கனெக்டிவிட்டி, சுசுகி கனெக்ட் டெலிமேடிக்ஸ், ஆறு ஏர்பேக் வழங்கப்பட்டு இருக்கிறது. புதிய CNG வேரியண்ட் மாதாந்திர சந்தா முறையிலும் கிடைக்கிறது. இதற்கான கட்டணம் மாதம் ரூ. 30 ஆயிரத்து 723 என துவங்குகிறது.

கியா இந்தியா நிறுவனம் புதிய தலைமுறை கார்னிவல் மாடலுக்கான டீசரை வெளியிட்டு உள்ளது. புதிய தலைமுறை கியா கார்னிவல் மாடல் 2023 ஆட்டோ எக்ஸ்போ நிகழ்வில் அறிமுகம் செய்ய இருக்கிறது. தற்போது விற்பனை செய்யப்படும் நான்காம் தலைமுறை கியா கார்னிவல் மாடலுக்கு மாற்றாக புதிய கார்னிவல் மாடல் இருக்கும். இந்த மாடல் ஏற்கனவே நடைபெற்ற பயெனியல் மோட்டார் விழாவில் காட்சிப்படுத்தப்பட்டது.

சர்வதேச சந்தையில் 2020 ஜூன் மாத வாக்கில் அறிமுகம் செய்யப்பட்ட நிலையில், நான்காம் தலைமுறை கியா கார்னிவல் மாடல் டீசர்களில் ஏராளமான அம்சங்கள் தெரியவந்துள்ளது. அதன்படி புதிய காரில், பிரஷ்டு சில்வர் இன்சர்ட்கள், கிரில் பகுதியில் இண்டகிரேட் செய்யப்பட்ட ஹெட்லேம்ப்கள், புதிய செவ்வக வடிவம் கொண்ட ப்ரோஜெக்டர் ஹெட்லேம்ப்கள், இண்டகிரேட் செய்யப்பட்ட எல்இடி டிஆர்எல்கள், டூயல் டோன் அலாய் வீல்கள், பாடி கலர் கிலாடிங், ராப்-அரவுண்ட் 2-பீஸ் எல்இடி டெயில் லைட்கள் வழங்கப்பட்டு இருக்கிறது.

புதிய கியா கார்னிவல் மாடல் சர்வதேச சந்தையின் சில நாடுகளில் KA4 அல்லது செடோனா பெயர்களில் விற்பனை செய்யப்பட்டு வருகிறது. டீசரின் படி புதிய கார்னிவல் மாடல் புளூ நிறம் கொண்டிருக்கும் என்றும் சி பில்லரில் பிரஷ்டு சில்வர் இன்சர்ட்கள், ரூஃப், ORVM-கள், பில்லர் மற்றும் ரூஃப் ரெயில்களில் பிளாக்டு அவுட் அம்சங்கள் வழங்கப்படுகிறது. புதிய டிசைன் மட்டுமின்றி அடுத்த தலைமுறை கியா கார்னிவல் மாடல் சர்வதேச சந்தையில் டூயல் டோன் இண்டீரியர், டூயல் சன்ரூஃப், ADAS, Uvo டெலிமேடிக்ஸ் வழங்கப்படுகிறது.

இத்துடன் வயர்லெஸ் சார்ஜிங், ஹேண்ட்ஸ்-ஃபிரீ பவர்டு டெயில்கேட், ஸ்லைடிங் டோர்கள், 12.3 இன்ச் அளவில் இரண்டு ஸ்கிரீன்கள் (ஒன்று டச் ஸ்கிரீன் இன்ஃபோடெயின்மெண்ட் யூனிட், மற்றொன்று இன்ஸ்ட்ரூமெண்ட் கிளஸ்டர்), 3-ஜோன் கிளைமேட் கண்ட்ரோல், 12-ஸ்பீக்கர் போஸ் மியூசிக் சிஸ்டம் வழங்கப்படுகிறது. இந்த கார் ஏழு, ஒன்பது மற்றும் பதினொரு இருக்கை அமைப்புகளில் கிடைக்கிறது.

ஹூண்டாய் நிறுவனம் 2023 ஆட்டோ எக்ஸ்போ நிகழ்வில் பெரும் அறிவிப்புகளை வெளியிட இருக்கிறது. புது கார்கள் மட்டுமின்றி கான்செப்ட் மாடல்களை காட்சிக்கு வைக்க ஹூண்டாய் முடிவு செய்து இருக்கிறது. அந்த வகையில், ஆட்டோ எக்ஸ்போ நிகழ்வில் ஐயோனிக் 5 கிராஸ்ஒவர் மாடல் வெளியாக இருக்கிறது. இத்துடன் எதிர்கால சப்-காம்பேக்ட் எஸ்யுவி மாடலை காட்சிப்படுத்த இருக்கிறது.

புதிய கான்செப்ட் மாடல் இந்த ஆண்டு இரண்டாவது அரையாண்டு வாக்கில் விற்பனைக்கு வருகிறது. கடந்த மாதம் காட்சிப்படுத்திய ஐயோனிக் 5 எலெக்ட்ரிக் காரின் முன்பதிவு ஏற்கனவே துவங்கி நடைபெற்று வருகிறது. இந்த எலெக்ட்ரிக் காருக்கான முன்பதிவு கட்டணம் ரூ. 1 லட்சம் ஆகும். இது ஏற்கனவே விற்பனை செய்யப்படும் கியா EV6 மாடலை சார்ந்து உருவாக்கப்பட்டு இருக்கிறது. எனினும், கியா போன்று இல்லாமல் ஹூண்டாய் கார் உள்நாட்டிலேயே அசெம்பில் செய்யப்பட இருக்கிறது.

இதன் மூலம் ஹூண்டாய் ஐயோனிக் 5 விலையை சற்று குறைவாக நிர்ணயம் செய்ய முடியும். தற்போது கியா EV6 காரின் விலை இந்திய சந்தையில் ரூ. 59 லட்சத்து 96 ஆயிரம் என துவங்குகிறது. இதன் காரணமாக ஹூண்டாய் தனது ஐயோனிக் 5 விலையை ரூ. 50 லட்சத்திற்கும் குறைந்த விலையில் வெளியிட திட்டமிட்டு வருகிறது. ஐயோனிக் 5 மாடல் ஒற்றை மோட்டார், ரியர்-வீல் டிரைவ் செட்டப் உடன் வழங்கப்பட இருக்கிறது.

இதில் உள்ள எலெக்ட்ரிக் மோட்டார் 217 ஹெச்பி பவர், 350 நியூட்டன் மீட்டர் டார்க் இழுவிசையை வெளிப்படுத்தும் என எதிர்பார்க்கலாம். இத்துடன் 72.6 கிலோவாட் ஹவர் பேட்டரி பேக் வழங்கப்படலாம். இந்த எலெக்ட்ரிக் கார் முழு சார்ஜ் செய்தால் 631 கிலோமீட்டர் ரேன்ஜ் வழங்கும் என தெரிகிறது. இத்துடன் 800 வோல்ட் சார்ஜிங் வசதி வழங்கப்படுகிறது. இது காரை 10-இல் இருந்து 80 சதவீதம் வரை சார்ஜ் செய்ய 18 நிமிடங்களை எடுத்துக் கொள்கிறது.

ஐயோனிக் 5 தவிர ஹூண்டாய் நிறுவனம் ஐயோனிக் 6 EV செடான் மாடலை ஆட்டோ எக்ஸ்போவில் காட்சிக்கு வைக்கலாம். இது சர்வதேச சந்தையில் ஹூண்டாய் நிறுவனத்தின் மூன்றாவது எலெக்ட்ரிக் வாகனமாக இருக்கும். இந்த கார் ஹூண்டாய் குழுமத்தின் e-GMP ஸ்கேட்போர்டு ஆர்கிடெக்ச்சரில் உருவாகி வருகிறது. அளவீடுகளில் இந்த கார் டெஸ்லா மாடல் 3, போல்ஸ்டார் 2 மற்றும் பிஎம்டபிள்யூ i4 மாடல்களுக்கு நெருக்கமாக இருக்கும் என தெரிகிறது.

புதிய ஐயோனிக் 6 மாடல் 53 கிலவோவாட் ஹவர், 77 கிலோவாட் ஹவர் என இருவித பேட்டரி ஆப்ஷன்களில் கிடைக்கிறது. இதில் உள்ள RWD செட்டப் இந்த காரின் ஸ்டாண்டர்டு வேரியண்ட் ஆகும். இதுதவிர டூயல் மோட்டார் AWD ஆப்ஷனும் வழங்கப்படுகிறது. இதன் டூயல் மோட்டார் செட்டப் 320 ஹெச்பி பவர், 605 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது.