பைக்

ஹோண்டா நிறுவனம் ஷைன் செலபிரேஷன் எடிஷன் மோட்டார்சைக்கிளை இந்தியாவில் அறிமுகம் செய்தது. புதிய ஷைன் செலபிரேஷன் எடிஷன் விலை ரூ. 78 ஆயிரத்து 878, எக்ஸ்-ஷோரூம் என நிர்ணயம் செய்யப்பட்டு உள்ளது. இந்த பைக் டிரம் மற்றும் டிஸ்க் என இரண்டு வேரியண்ட்களில் கிடைக்கிறது.

செலபிரேஷன் எடிஷன் டிரம் பிரேக் மாடல் விலை அதன் ஸ்டாண்டர்டு வேரியண்டை விட ரூ. 1500 அதிகம் ஆகும். புதிய ஹோண்டா ஷைன் செலபிரேஷன் எடிஷனின் ஹெட்லைட் கௌல், பியூவல் டேன்க், பக்கவாட்டு பேனல்களில் கோல்டு நிற அக்செண்ட்கள் செய்யப்பட்டு உள்ளன. ஹோண்டா பேட்ஜ்-ம் கோல்டு நிறம் கொண்டிருக்கிறது.

இந்த பைக்கின் பின்புறம் ஷைன் ஸ்டிக்கர் இடம்பெற்று இருக்கிறது. செலபிரேஷன் எடிஷனில் பிரவுன் சீட் கவர் உள்ளது. இந்த மாடல் மேட் ஸ்டீல் பிளாக் மெட்டாலிக் மற்றும் மேட் சங்கிரா ரெட் மெட்டாலிக் என இருவித நிறங்களில் கிடைக்கிறது.

இந்த மாடலிலும் 124சிசி சிங்கில் சிண்டர் ஏர் கூல்டு என்ஜின் வழங்கப்பட்டு இருக்கிறது. இந்த என்ஜின் 10.59 ஹெச்பி பவர், 11 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 5 ஸ்பீடு கியர்பாக்ஸ் மற்றும் டைமண்ட் டைப் பிரேம் வழங்கப்படுகிறது. சஸ்பென்ஷனிற்கு முன்புறம் டெலிஸ்கோபிக் போர்க்குகள், பின்புறம் டூயல் ஸ்ப்ரிங்குகள் வழங்கப்பட்டுள்ளன.

பஜாஜ் நிறுவனம் இந்திய சந்தையில் 125சிசி பிரிவில் புது மோட்டார்சைக்கிளை குறைந்த விலையில் அறிமுகம் செய்து இருக்கிறது. புதிய பஜாஜ் CT125X மாடல் விலை ரூ. 71 ஆயிரத்து 354, எக்ஸ்-ஷோரூம் என நிர்ணயம் செய்யப்பட்டு உள்ளது. இந்த மாடல் கிரீன் மற்றும் பிளாக், ரெட் மற்றும் பிளாக், புளூ மற்றும் பிளாக் என மூன்று வித நிறங்களில் கிடைக்கிறது.

தோற்றத்தில் பஜாஜ் CT125X பார்க்க CT110X போன்றே காட்சியளிக்கிறது. இந்த மாடலில் வட்ட வடிவம் கொண்ட ஹெட்லேம்ப் மற்றும் பல்பு இலுமினேஷன் வழங்கப்பட்டு இருக்கிறது. இதன் மீது சிறிய கௌல் மற்றும் எல்இடி ஸ்ட்ரிப் உள்ளது. இந்த பைக்கில் ஹெட்லைட் கார்டு, என்ஜின் கிராஷ் கார்டு மற்றும் லக்கேஜ் ராக் உள்ளிட்டவை வழங்கப்பட்டு இருக்கிறது.

புதிய பஜாஜ் CT125X மாடலில் 125சிசி ஏர் கூல்டு மோட்டார் வழங்கப்பட்டு இருக்கிறது. இந்த என்ஜின் 10 ஹெச்பி பவர், 11 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இத்துடன் 5 ஸ்பீடு கியர்பாக்ஸ் வழங்கப்பட்டுள்ளது. இந்த மாடலில் டெலிஸ்கோபிக் போர்க்குகள், டூயல் கியாஸ் சார்ஜ் செய்யப்பட்ட ஸ்ப்ரிங்குகள் வழங்கப்பட்டு இருக்கிறது.

பிரேக்கிங்கிற்கு 240 மில்லிமீட்டர் டிஸ்க் அல்லது ஆப்ஷனல் 130 மில்லிமீட்டர் டிஸ்க் வழங்கப்பட்டு உள்ளது. பின்புறம் 130 மில்லிமீட்டர் டிரம் பிரேக் உள்ளது. 17 இன்ச் அலாய் வீல்களை கொண்டிருக்கும் பஜாஜ் CT125X மாடலில் முன்புறம் 80/100 பின்புறம் 100/90 ரக டயர்கள் வழங்கப்பட்டு உள்ளது. 

கவாசகி இந்தியா நிறுவனம் தனது மோட்டார்சைக்கிள் மாடல்களின் விலையை இந்திய சந்தையில் மாற்றியமைத்து வருகிறது. இந்த வரிசையில், அந்நிறுவனத்தின் மிடில்-வெயிட் மாடல்களான நின்ஜா 650 மற்றும் வல்கன் எஸ் விலை தற்போது உயர்த்தப்பட்டு இருக்கிறது.

ஃபுலி ஃபேர்டு மோட்டார்சைக்கிள் விலை தற்போது ரூ. 7 ஆயிரம் உயர்த்தப்பட்டு இருக்கிறது. குரூயிசர் மாடல் விலை தற்போது ரூ. 6 ஆயிரம் உயர்த்தப்பட்டு இருக்கிறது. இரு விலைகளும் எக்ஸ்-ஷோரூம அடிப்படையில் குறிப்பிடப்பட்டு இருக்கிறது.

புதிய விலை விவரங்கள்:

கவாசகி நின்ஜா 650 ரூ. 6 லட்சத்து 95 ஆயிரம்

கவாசகி வல்கன் எஸ் ரூ. 6 லட்சத்து 40 ஆயிரம்

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

விலை தவிர இரு மாடல்களிலும் எந்த மாற்றமும் மேற்கொள்ளப்படவில்லை. அந்த வகையில் கவாசகி நின்ஜா 650 மற்றும் வல்கன் எஸ் மாடல்களில் 649சிசி, பேரலெல் ட்வின், லிக்விட் கூல்டு என்ஜின் வழங்கப்பட்டு இருக்கிறது. நின்ஜா 650 மாடலில் இந்த என்ஜின் 67.3 ஹெச்பி பவர், 64 நியூட்டன் மீட்டர் டார்க் இழுவிசையை வெளிப்படுத்துகிறது.

கவாசகி வல்கன் எஸ் மாடலில் இந்த என்ஜின் 60 ஹெச்பி பவர், 62.4 நியூட்டன் மீட்டர் டார்க் இழுவிசையை வெளிப்படுத்துகிறது. நின்ஜா 650 மாடல் லைம் கிரீன், பியல் ரோபோடிக் வைட் நிறங்களிலும் வல்கன் எஸ் மாடல் மெட்டாலிக் மேட் கிராபீன்ஸ்டீல் கிரே நிறத்தில் கிடைக்கிறது.

பஜாஜ் ஆட்டோ நிறுவனம் இந்திய சந்தையில் பல்சர் 180 மாடல் விற்பனையை நிறுத்தி விட்டது. இந்த மாடல் பஜாஜ் ஆட்டோ வலைதளத்தில் இருந்தும் நீக்கப்பட்டு விட்டது. திடீரென இந்த மாடல் நீக்கப்பட்டதற்கான காரணம் குறித்து பஜாஜ் சார்பில் இதுவரை எந்த தகவலும் வழங்கப்படவில்லை.

பல்சர் சீரிசில் முதன் முதலில் அறிமுகம் செய்யப்பட்ட மாடல் பல்சர் 180. பிஎஸ் 6 புகை விதிகள் அமலுக்கு வந்த போது, 2019 ஆண்டு வாக்கில் முதல் முறையாக இந்த மாடல் விற்பனை நிறுத்தப்பட்டது. இத்துடன் பல்சர் 180F விற்பனையும் நிறுத்தப்பட்டது. இதைத் தொடர்ந்து கடந்த ஆண்டு பிப்ரவரி மாத வாக்கில் பல்சர் 180 மாடல் மீண்டும் அறிமுகம் செய்யப்பட்டது.

பஜாஜ் பல்சர் 180 மாடலில் 178.6சிசி, சிங்கில் சிலிண்டர், ஏர் கூல்டு என்ஜின் வழங்கப்பட்டு இருக்கிறது. இந்த என்ஜின் 17 ஹெச்பி பவர், 14.2 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 5 ஸ்பீடு கியர்பாக்ஸ் வழங்கப்பட்டு உள்ளது. உபகரணங்களை பொருத்தவரை பஜாஜ் பல்சர் 180 மாடலில் ஹாலோஜன் ஹெட்லேம்ப், எல்இடி டெயில் லேம்ப், டிஜி-அனலாக் இன்ஸ்ட்ரூமெண்ட் கிளஸ்டர் வழங்கப்பட்டு இருக்கிறது.

இத்துடன் டெலிஸ்கோபிக் போர்க், மோனோஷாக் சஸ்பென்ஷன், பிரேக்கிங்கிற்கு 280 மில்லிமீட்டர் முன்புற டிஸ்க், பின்புறம் 230 மில்லிமீட்டர் டிஸ்க் மற்றும் சிங்கில் சேனல் ஏபிஎஸ் வழங்கப்பட்டு உள்ளது. 

ராயல் என்பீல்டு நிறுவனம் ஹிமாலயன் 450 மோட்டார்சைக்கிளை உருவாக்கி வருவது அனைவரும் அறிந்ததே. இந்த மோட்டார்சைக்கிளின் சோதனை பணிகள் தீவிரமாக நடைபெற்று வருகிறது. இந்த நிலையில், புதிய மோட்டார்சைக்கிள் டீசரை ராயல் என்பீல்டு தனது அதிகாரப்பூர்வ சமூக வலைதள பக்கங்களில் வெளியிட்டு உள்ளது.

டீசர் வீடியோவின் படி ஹிமாலயன் 450 மாடலின் எல்இடி ஹெட்லைட், எல்இடி இண்டிகேட்டர், பிராமண்ட கிராஷ் கார்டு மற்றும் இரண்டாவது பீக் உள்ளிட்டவை வழங்கப்பட்டு இருப்பது தெரியவந்துள்ளது. முந்தைய தகவல்கள் மற்றும் புகைப்படங்களை வைத்து பார்க்கும் போது இந்த மாடலில் 450சிசி மோட்டார் வழங்கப்பட இருப்பதாக கூறப்பட்டது.

Photo Courtesy: Rushlane

இந்த என்ஜின் 40 ஹெச்பி பவர், 45 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இந்த மாடலில் முற்றிலும் புதிய இன்ஸ்ட்ரூமெண்ட் கிளஸ்டர் வழங்கப்பட்டு இருக்கிறது. புதிய ஹிமாலயன் 450 மாடலில் யுஎஸ்டி முன்புற போர்க், ஆப்செட் மோனோஷாக் யூனிட் வழங்கப்பட இருக்கிறது.

இதன் முன்புறம் மற்றும் பின்புற வீல்களில் டிஸ்க் பிரேக் செட்டப், டூயல் சேனல் ஏபிஎஸ் உள்ளது. இந்த மாடலின் முன்புறம் 21 இன்ச் வீல், பின்புறம் 17 இன்ச் ஸ்போக்டு வீல் செட்டப் வழங்கப்படுகிறது. இந்த மாடல் தற்போது சோதனை செய்யப்பட்டு வருகிறது. விரைவில் இந்த மாடல் ப்ரோடக்‌ஷன் நிலையை வந்தடையும் என எதிர்பார்க்கலாம்.

யமஹா மோட்டார் இந்தியா நிறுவனம் கால் ஆப் தி புளூ விளம்பர பிரச்சாரத்தின் அங்கமாக தனது விற்பனை மையங்களை பிரீமியமாக, யமஹா புளூ ஸ்கொயர் விற்பனை மையங்களாக மாற்றி வருகிறது. யமஹா இந்தியா அதிகாரப்பூர்வ வலைதளத்தில் வெளியாகி இருக்கும் டீசர் வீடியோவில் R7 மற்றும் MT-09 மாடல்களின் வெளியீடு உறுதியாகி விட்டது.

R7 மற்றும் MT-09 போன்ற பெரிய பைக் மாடல்களை இந்திய சந்தையில் அறிமுகம் செய்யும் திட்டம் பற்றி யமஹா இந்தியா தலைவர் ஈஷின் சிஹானா இந்த ஆண்டு துவக்கத்தில் தகவல் தெரிவித்து இருந்தார். அந்த வகையில் தான் தற்போது இரு மாடல்களின் டீசர் வெளியிடப்பட்டு இருக்கிறது.

வெளியீட்டு தேதி அறிவிக்கப்படாத நிலையில், இரு மோட்டார்சைக்கிள் மாடல்களும் 2023-க்கு முன்பாகவே அறிமுகம் செய்யப்பட்டு விடும் என எதிர்பார்க்கலாம். R7 என்பது சூப்பர்ஸ்போர்ட் மோட்டார்சைக்கிள் ஆகும். இது R7 மாடலை தழுவி உருவாக்கப்பட்டு இருக்கிறது. இந்த மாடலில் 689சிசி, ட்வின் சிலிண்டர், லிக்விட் கூல்டு என்ஜின் வழங்கப்பட்டு இருக்கிறது. இந்த என்ஜின் 73 ஹெச்பி பவர், 67 நியூட்டன் மீட்டர் டார்க் இழுவிசையை வெளிப்படுத்துகிறது.

இந்திய சந்தையில் புதிய யமஹா R7 மாடல் ஹோண்டா CBR650R மற்றும் கவாசகி நின்ஜா 650 போன்ற மாடல்களுக்கு போட்டியாக அமையும். யமஹா MT-09 ஸ்டிரீட் நேக்கட் மாடல் ஆகும். இந்த மாடலில் 890சிசி, இன்லைன் மூன்று சிலிண்டர் என்ஜின் வழங்கப்பட்டு உள்ளது. இந்த என்ஜின் 119 ஹெச்பி பவர், 93 நியூட்டன் மீட்டர் டார்க் இழுவிசையை வெளிப்படுத்துகிறது. இந்த மாடல் டிரையம்ப் ஸ்டிரீட் டிரிபில் RS, கவாசகி Z900 மற்றும் டுகாட்டி மான்ஸ்டர் போன்ற மாடல்களுக்கு போட்டியாக அமைகிறது.

பிம்டபிள்யூ மோட்டராட் நிறுவனம் இந்தியாவில் 2022 R 1250 RT டூரிங் மோட்டார்சைக்கிளை அறிமுகம் செய்தது. இதன் விலை ரூ. 23 லட்சத்து 95 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. ஏற்கனவே முன்பதிவு செய்தவர்களுக்கு இந்த மாடலின் வினியோகம் இந்த மாதத்திலேயே செய்யப்படுகிறது.

புதிய R 1250 RT மோட்டார்சைக்கிள் அதிகளவு மாற்றங்களுடன் அறிமுகமாகி இருக்கிறது. அதன்படி இந்த மாடல் சிறப்பான ஏரோடைனமிக் டிசைன் கொண்டிருக்கிறது. இத்துடன் ஃபுல் எல்இடி ஹெட்லேம்ப்கள், டூரிங்கிற்கு ஏற்ற அம்சங்கள் மற்றும் உபகரணங்கள் வழங்கப்பட்டு உள்ளது. அதன்படி லக்கேஜ் ராக், பேனியர் கேஸ்கள், ஹீடெட் க்ரிப், சீட்கள், அட்ஜஸ்ட் செய்யக்கூடிய விண்ட்ஸ்கிரீன் வழங்கப்பட்டு இருக்கிறது.

இத்துடன் கிளட்ச், பிரேக் மற்றும் கியர் லீவர் உள்ளிட்டவைகளை ஓரளவுக்கு அட்ஜஸ்ட் செய்யும் வசதி உள்ளது. எலெக்ட்ரிக் அம்சங்களை பொருத்தவரை இந்த மாடலில் டிராக்‌ஷன் கண்ட்ரோல், ஏபிஎஸ், ஸ்டீரிங் ஸ்டேபிலைசர், குரூயிஸ் கண்ட்ரோல், ஹில் ஹோல்டு கண்ட்ரோல் மற்றும் பல்வேறு ரைடிங் மோட்கள் வழங்கப்பட்டுள்ளன.

பிஎம்டபிள்யூ R 1250 RT மாடலில் 1254சிசி, பாக்சர் ட்வின், லிக்விட் கூல்டு DOHC என்ஜின், பிஎம்டபிள்யூ ஷிப்ட்கேம் தொழில்நுட்பம் வழங்கப்பட்டு இருக்கிறது. இந்த என்ஜின் 132.2 ஹெச்பி பவர், 143 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் அலுமினியம் கேஸ்ட் வீல்கள், முன்புறம் டெலிஸ்கோபிக் போர்க், பின்புறம் மோனோஷாக் யூனிட் வழங்கப்பட்டு உள்ளது.

ஹோண்டா நிறுவனம் ஆக்டிவா 6ஜி பிரீமியம் வேரியண்டை இந்திய சந்தையில் அறிமுகம் செய்தது. முன்னதாக இந்த ஸ்கூட்டருக்கான டீசர்கள் வெளியிடப்பட்ட நிலையில், தற்போது இதன் அம்சங்கள் மற்றும் விலை அதிகாரப்பூர்வமாக அறிவிக்கப்பட்டுள்ளன.

அந்த வகையில் ஹோண்டா ஆக்டிவா 6ஜி பிரீமியம் மாடல் விலை ரூ. 75 ஆயிரத்து 400 ஆகும். இது டீலக்ஸ் வேரியண்டை விட ரூ. 1000 ஆயிரம் அதிகம் ஆகும். ஆக்டிவா 6ஜி டீலக்ஸ் விலை ரூ. 74 ஆயிரத்து 400 ஆகும். இரு விலைகளும் எக்ஸ் ஷோரூம் அடிப்படையில் குறிப்பிடப்பட்டு இருக்கிறது.

தோற்றத்தில் இந்த ஸ்கூட்டர் கோல்டன் வீல்கள், 3டி கோல்டு பினிஷ் செய்யப்பட்ட லோகோ, பிரவுன் நிற இன்னர் பாடி மற்றும் சீட் கவர், முன்புற அப்ரன் மீது கோல்டன் அக்செண்ட்கள் செய்யப்பட்டுள்ளன. இத்துடன் இந்த ஸ்கூட்டர் புதிதாக மேட் சங்கிரா ரெட் மெட்டாலிக், மேட் மார்ஷல் கிரீன் மெட்டாலிக் மற்றும் பியல் சைரன் புளூ போன்ற நிறங்களில் கிடைக்கிறது. பிரீமியம் எடிஷனில் வேறு எந்த புது அம்சங்களும் சேர்க்கப்படவில்லை.

ஹோண்டா ஆக்டிவா 6ஜி மாடலில் 109.51சிசி என்ஜின் வழங்கப்பட்டு இருக்கிறது. இந்த என்ஜின் 7.68 ஹெச்பி பவர், 8.79 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் சிவிடி கியர்பாக்ஸ் வழங்கப்பட்டு உள்ளது. இந்த மாடலில் 12-10 இன்ச் வீல்கள் வழங்கப்பட்டுள்ளன. இத்துடன் முன்புறம் டெலிஸ்கோபிக் போர்க், மோனோஷாக் சஸ்பென்ஷன் வழங்கப்பட்டு இருக்கிறது.

மேலும் இருபுறங்களிலும் டிரம் பிரேக்குகள் வழங்கப்பட்டுள்ளன. இத்துடன் எக்ஸ்டெர்னல் பியூவல் பில்லர் கேப், என்ஜின் ஸ்டார்ட் ஸ்டாப் ஸ்விட்ச், சைலண்ட் ஸ்டார்டர், சீட் மற்றும் எக்ஸ்டெர்னல் பியூவல் பில்லர் கேப் உள்ளிட்டவைகளை திறக்க டூயல் பன்ஷன் ஸ்விட்ச் வழங்கப்பட்டு இருக்கிறது.

ஹோண்டா மோட்டார்சைக்கிள் மற்றும் ஸ்கூட்டர் இந்தியா நிறுவனம் CB300F மாடலை அறிமுகம் செய்ததில் இருந்தே புதிய ஸ்கூட்டரை அறிமுகம் செய்வதற்கான டீசர்களை தனது சமூக வலைதளம் மற்றும் வலைதளங்களில் வெளியிட்டு வருகிறது. அந்த வகையில், புது ஸ்கூட்டர் விவரங்கள் தற்போது அறிவிக்கப்பட்டு இருக்கிறது.

இந்த ஸ்கூட்டர் ஆக்டிவா பிரீமியம் எடிஷன் பெயரில் விற்பனைக்கு வர இருக்கிறது. புதிய பிரீமியம் எடிஷன் ஸ்கூட்டர் ஆக்டிவா 6ஜி மாடலை தழுவி உருவாக்கப்பட்டு இருக்கிறது. பெயருக்கு ஏற்றார் போல் இந்த மாடலின் தோற்றத்தில் பிரத்யேக டிசைன் டச்கள் செய்யப்பட்டு உள்ளன. இவை ஸ்கூட்டரை தனித்துவமாக காட்டுகிறது.

முன்புற அப்ரானில் உள்ள ஃபௌக்ஸ் வெண்ட் மற்றும் வீல்கள் தற்போது கோல்டு பினிஷ் செய்யப்பட்டு உள்ளன. பிளாஸ்டிக் மற்றும் சீட் லெதர் உள்ளிட்டவை பிரவுன் நிற ஷேட் கொண்டிருக்கிறது. இத்துடன் பின்புற கிராப் ஹேண்டில் பாடி நிறம் கொண்டிருக்கிறது. முன்புற சஸ்பென்ஷன் மற்றும் டிரைவ்டிரெயின் கவர் உள்ளிட்டவை பிளாக் பினிஷ் கொண்டிருக்கிறது.

புதிய ஆக்டிவா பிரீமியம் எடிஷன் மாடல் விலை விவரங்களை ஹோண்டா இதுவரை அறிவிக்கவில்லை. எனினும், தற்போது விற்பனை செய்யப்பட்டு வரும் ஆக்டா 6ஜி மாடல்களை விட பிரீமியம் எடிஷன் விலை சற்று அதிகமாகவே நிர்ணயம் செய்யப்பட்டு இருக்கும் என எதிர்பார்க்கலாம்.

இந்திய சந்தையில் ஹோண்டா ஆக்டிவா 6ஜி மாடல் விலை ரூ. 72 ஆயிரத்து 400-இல் துவங்கி அதிகபட்சம் ரூ. 74 ஆயிரத்து 500 வரை நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது. 

தி கால் ஆஃப் தி ப்ளூ பிராண்டு பிரச்சாரத்தின் கீழ், வலுவான பந்தய பாரம்பரியத்துடன் உலகளாவிய பிராண்டாக வெற்றிகரமாக நிலைநிறுத்தப்பட்ட பிறகு, இந்தியா யமஹா மோட்டார் பிரைவேட் லிமிடெட் வாடிக்கையாளர்களை மையப்படுத்திய செயல்பாடுகள் மற்றும் அறிமுகங்கள் மூலம் ஆர்வமுள்ள மதிப்பை தீவிரப்படுத்துவதன் மூலம் தனது இமேஜை உயர்த்திக் கொள்ள தேசிய பிராண்ட் பிரச்சாரத்தின் 3வது பதிப்பை இன்று அறிமுகப்படுத்தியது.

2018 ஆம் ஆண்டு முதல், தி கால் ஆஃப் தி ப்ளூ பிராண்ட் பிரச்சாரத்தின் ஒவ்வொரு கட்ட அறிவிப்புடன், நிறுவனம் தனது தயாரிப்பு திட்டமிடல், சந்தைப்படுத்தல் மற்றும் வாடிக்கையாளர் ஈடுபாடு உத்திகளை பிராண்டின் உலகளாவிய பிம்பமான உற்சாகம், உடை மற்றும் விளையாட்டுத்தன்மை ஆகியவற்றிற்கு ஏற்ப செயல்படுத்தி வருகிறது.

இதன் விளைவாக, பிரீமியம் பிரிவை மையமாகக் கொண்டு எட்டு புதிய உலகளாவிய தயாரிப்புகள் அறிமுகப்படுத்தப்பட்டன. இது பிரீமியம் மோட்டார்சைக்கிள் பிரிவில் யமஹாவின் சந்தைப் பங்கை ஈர்க்க வழிவகுத்தது, இது 2018-இல் 10 சதவீதத்திலிருந்து 2021 இல் 15 சதவீதமாக உயர்ந்தது.

இந்த நிகழ்ச்சியில், யமஹா மோட்டார் இந்தியா குழும நிறுவனங்களின் தலைவர் திரு. ஈஷின் சிஹானா, "இந்தியாவில், 'தி கால் ஆஃப் தி ப்ளூ' பிராண்ட் பிரச்சாரம், யமஹாவை வலுவான பந்தய பாரம்பரியம் கொண்ட பிரீமியம் பிராண்டாக நிலைநிறுத்துவதில் குறிப்பிடத்தக்க பங்கைக் கொண்டுள்ளது. பிராண்டை மேலும் கட்டியெழுப்பவும், இந்திய இளைஞர்களுக்குள் உரிமையின் பேரார்வம் மற்றும் பெருமையை உருவாக்கவும், தி கால் ஆஃப் தி ப்ளூ பதிப்பு 3.0 திட்டத்தை அறிவிப்பதில் மகிழ்ச்சி அடைகிறோம்."

"மோட்டார்சைக்கிள் ஓட்டுவதை அவர்களின் வாழ்க்கை முறையின் ஒரு பகுதியாக மாற்றுவதை நோக்கமாகக் கொண்ட பரந்த அளவிலான வாடிக்கையாளர்களை நாங்கள் அணுகுவோம். கூடுதலாக, நாங்கள் எங்கள் விளம்பர நடவடிக்கைகளை தீவிரப்படுத்துவோம். வாடிக்கையாளர்களுக்கு மகிழ்ச்சிகரமான அனுபவத்தை வழங்க எங்கள் பிரீமியம் ப்ளூ ஸ்கொயர் ஸ்டோர்களின் நெட்வொர்க்கை விரிவுபடுத்துவோம்." என தெரிவித்தார்.

ஓலா எலெக்ட்ரிக் நிறுவனம் ஒலா S1 மற்றும் S1 ப்ரோ எலெக்ட்ரிக் ஸ்கூட்டர் மாடல்களை கடந்த ஆண்டு அறிமுகம் செய்தது. இவற்றின் துவக்க விலை ரூ. 99 ஆயிரத்து 999 என நிர்ணயம் செய்யப்பட்டு இருந்தது. ஓலா S1 ப்ரோ ஸ்கூட்டர்களை தொடர்ந்து ஓலா S1 மாடலுக்கான முன்பதிவுகள் இந்தியாவில் துவங்கி இருக்கிறது.

அந்த வகையில் ஓலா S1 மாடலை அதிகாரப்பூர்வ வலைதளத்தில் ரூ. 499 மட்டும் செலுத்தி முன்பதிவு செய்து கொள்ளலாம். முன்பதிவு ஆகஸ்ட் 31 ஆம் தேதி வரை நடைபெறுகிறது. அறிமுக விலையில் எந்த மாற்றமும் இன்றி ஓலா S1 முன்பதிவு நடைபெறுகிறது. விற்பனை மற்றும் வினியோகம் செப்டம்பர் மாத வாக்கில் துவங்குகிறது.

ஓலா S1 ஸ்கூட்டரை வாங்குவோர் அதற்கான கட்டணத்தை பல வழிகளில் செலுத்த முடியும். மேலும் கேஷ் ஆன் டெலிவரி வசதியும் உள்ளது. முன்னணி வங்கிகளுடன் சேர்ந்து மாத தவணை முறை வசதியும் வழங்கப்படுகிறது. மாத தவணை ரூ. 2 ஆயிரத்து 999 என துவங்குகிறது. ஓலா S1 ஸ்கூட்டர் ஜெட் பிளாக், பொர்சிலெயின் வைட், நியோ மிண்ட் மற்றும் லிக்விட் சில்வர் போன்ற நிறங்களில் கிடைக்கிறது.

ஓலா S1 ஸ்கூட்டரில் 2.98 கிலோவாட் ஹவர் பேட்டரி பேக் வழங்கப்பட்டு இருக்கிறது. இந்த ஸ்கூட்டர் முழு சார்ஜ் செய்தால் 131 கிலோமீட்டர் வரையிலான ரேன்ஜ் வழங்குகிறது. இந்த ஸ்கூட்டர் மணிக்கு அதிகபட்சம் 95 கிலோமீட்டர் வேகத்தில் செல்லும். S1 ப்ரோ மாடலில் உள்ளதை போன்று இந்த மாடலில் ஹைப்பர் மோட் வழங்கப்படவில்லை. இது தவிர மற்ற அம்சங்கள் அனைத்தும் ஓலா S1 ப்ரோ மாடலில் உள்ளதை போன்றே வழங்கப்பட்டு இருக்கிறது.

L மோட்டார்சைக்கிள்ஸ் நிறுவனம் 2023 போன்வில் ஸ்பீடுமாஸ்டர் மோட்டார்சைக்கிள் மாடலை இந்திய சந்தையில் விற்பனைக்கு அறிமுகம் செய்து இருக்கிறது. இதன் துவக்க விலை ரூ. 12 லட்சத்து 05 ஆயிரம் என நிர்ணயம் செய்யப்பட்டு இருக்கிறது. புதிய பெயிண்ட் மூலம் ஸ்டைலிங் மாற்றங்கள் தவிர இந்த மாடலில் வேறு எந்த மாற்றமும் மேற்கொள்ளப்படவில்லை.

இந்திய சந்தையில் புதிய போன்வில் ஸ்பீடுமாஸ்டர் - ஜெட் பிளாக், சபையர் பிளாக், பியுஷன் வைட் மற்றும் கார்டோவன் ரெட் என மூன்று விதமான நிறங்களில் கிடைக்கிறது. இவற்றில் ஜெட் பிளாக் மற்றும் கார்டோவன் ரெட் நிறங்கள் சிங்கில் டோன் பினிஷ், சபையர் பிளாக் பியுஷன் வைட் டூயல் டோன் பினிஷ் கொண்டுள்ளது.

விலை விவரங்கள்:

- டிரையம்ப் போன்வில் ஸ்பீடுமாஸ்டர் ஜெட் பிளாக் ரூ. 12 லட்சத்து 05 ஆயிரம்

- டிரையம்ப் போன்வில் ஸ்பீடுமாஸ்டர் கார்டோவன் ரெட் ரூ. 12 லட்சத்து 18 ஆயிரம்

-டிரையம்ப் போன்வில் ஸ்பீடுமாஸ்டர் சபையர் பிளாக் பியுஷன் வைட் ரூ. 12 லட்சத்து 35 ஆயிரம்

அனைத்து விலைகளும் எக்ஸ் ஷோரூம் அடிப்படையில் குறிப்பிடப்பட்டு உள்ளது.

2023 டிரையம்ப் போன்வில் ஸ்பீடுமாஸ்டர் மோட்டார்சைக்கிள் வட்ட வடிவ ஹெட்லேம்ப், க்ரோம் பில்லர் கேப் கொண்ட டியர் டிராப் வடிவ பியூவல் டேன்க், ஸ்ப்லிட் ஸ்டைல் சீடர்கள், எக்சாஸ்ட் கேனிஸ்டரில் ஸ்லாஷ் கட் டிசைன், வயர் ஸ்போக் வீல்களை கொண்டுள்ளது.

இந்த மாடலில் 1200 சிசி, பேரலல் ட்வின் சிலிண்டர் லிக்விட் கூல்டு என்ஜின் வழங்கப்பட்டு இருக்கிறது. இந்த என்ஜின் 76.9 ஹெச்பி பவர், 106 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இத்துடன் 6 ஸ்பீடு கியர்பாக்ஸ் வழங்கப்பட்டு இருக்கிறது.

இந்திய சந்தையில் புதிய டிரையம்ப் போன்வில் ஸ்பீடுமாஸ்டர் மோட்டார்சைக்கிள் ஹார்லி டேவிட்சன் நைட்ஸ்டர் மாடலுக்கு போட்டியாக அமைகிறது.