பைக்

ஹார்லி டேவிட்சன் நிறுவனம் இந்திய சந்தையில் தனது பேன் அமெரிக்கா மோட்டார்சைக்கிள் விலையில் திடீர் மாற்றத்தை ஏற்படுத்தி இருக்கிறது. இந்தியாவில் இரண்டு வேரியண்ட்களில் விற்பனை செய்யப்படும் ஹார்லி டேவிட்சன் பேன் அமெரிக்கா 1250 மாடல்களின் விலை தற்போது ரூ. 4 லட்சம் வரை குறைக்கப்பட்டு இருக்கிறது.

விலை மாற்றத்தின் படி ஹார்லி டேவிட்சன் பேன் அமெரிக்கா 1250 ஸ்டாண்டர்டு மாடல் விலை ரூ. 16 லட்சத்து 90 ஆயிரத்தில் இருந்து தற்போது ரூ. 12 லட்சத்து 91 ஆயிரம் வரை உயர்த்தப்பட்டு உள்ளது. பேன் அமரிக்கா 1250 ஸ்பெஷல் மாடல் விலை ரூ. 21 லட்சத்து 11 ஆயிரத்தில் இருந்து தற்போது ரூ. 17 லட்சத்து 11 ஆயிரம் என குறைக்கப்பட்டு இருக்கிறது.

தற்போது விலை குறைக்கப்பட்டு இருக்கும் மாடல்கள் 2021 ஆண்டை சேர்ந்தது என்பதோடு இந்த மாடல்கள் குறைந்த யூனிட்களே விற்பனைக்கு கிடைக்கின்றன. அட்வென்ச்சர் மோட்டார்சைக்கிள் மாடலான பேன் அமெரிக்கா 1250 மாடலில் 1252 சிசி, வி ட்வின் லிக்விட் கூல்டு மோட்டார் வழங்கப்பட்டு உள்ளது.

இந்த என்ஜின் 150.19 ஹெச்பி பவர், 128 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு கியர்பாக்ஸ் வழங்கப்பட்டு இருக்கிறது. ஹார்லி டேவிட்சன் பேன் அமெரிக்கா 1250 மாடலில் அட்பாடிவ் லைட்கள், டயர் பிரெஷர் மாணிட்டரிங் சிஸ்டம், அடாப்டிவ் ரைடு ஹைட், ஸ்போக்டு வீல்கள், செமி ஆக்டிவ் சஸ்பென்ஷன் போன்ற அம்சங்கள் உள்ளன.

இந்திய சந்தையில் இந்த பிரிவில் கிடைக்கும் பிஎம்டபிள்யூ 850GS, டிரையம்ப் டைகர் 900 GT உள்ளிட்ட மாடல்களை விட ஹார்லி டேவிட்சன் பேன் அமெரிக்கா 1250 விலை குறைக்கப்பட்டு இருப்பது பயனர்களுக்கு நிச்சயம் மகிழ்ச்சியை அளிக்கும்.

கவாசகி நிறுவனம் இந்திய சந்தையில் புதிய W சீரிஸ் மோட்டார்சைக்கிளை விற்பனைக்கு அறிமுகம் செய்ய இருக்கிறது. இந்த மாடல் வெளியீட்டை உணர்த்தும் டீசர் அதிகாரப்பூர்வமாக வெளியிடப்பட்டு உள்ளது. இது பற்றி வெளியாகி இருக்கும் தகவல்களில் கவாசகி நிறுவனம் W175 ரெட்ரோ ஸ்டைல் ரோட்ஸ்டர் மாடலை இந்தியாவில் அறிமுகம் செய்ய இருப்பதாக குறிப்பிடப்பட்டு உள்ளது.

முன்னதாக கவாசகி இந்தியா நிறுவனம் W175 மாடலை இந்திய சந்தையில் சோதனை செய்யும் புகைப்படம் மற்றும் வீடியோக்கள் வெளியாகி இருக்கின்றன. மேலும் 2020 வாக்கில் இருந்தே கவாசகி W175 மாடல் இந்திய சாலைகளில் சோதனை செய்யப்பட்டு வருகிறது. இந்த நிலையில், புதிய W175 இந்திய சந்தையில் கவாசகி நிறுவனத்தின் எண்ட்ரி லெவல் மாடலாக அறிமுகம் செய்யப்படும் என தெரிகிறது.

இந்தோனேசிய சந்தையில் கவாசகி W175 ஏற்கனவே விற்பனை செய்யப்பட்டு வருகிறது. அந்த வகையில், இந்த மாடலில் 177சிசி, சிங்கில் சிலிண்டர் என்ஜின் வழங்கப்பட்டு இருக்கிறது. இந்த என்ஜின் 13 பிஎஸ் பவர், 13.2 நியூட்டன் மீட்டர் டார்க் இழுவிசையை வெளிப்படுத்துகிறது. இந்திய சந்தையில் W175 மாடல் பியூவல் இன்ஜெக்ட் செய்யப்பட்ட என்ஜினை கொண்டிருக்கும். இதன் காரணமாக செயல்திறன் அளவுகளில் மாற்றம் ஏற்படலாம்.

இந்த மாடலில் டெலிஸ்கோபிக் போர்க், டூயல் ஷாக் அப்சார்பர்கள் வழங்கப்பட்டு உள்ளன. இதன் முன்புறம் டிஸ்க் பிரேக், பின்புறம் டிரம் பிரேக் வழங்கப்பட்டு இருக்கிறது. இது கவசாகியின் W800 ரெட்ரோ ஸ்டைல் மாடலை தழுவி உருவாக்கப்பட்டு இருக்கும் எண்ட்ரி லெவல் மாடல் ஆகும். இதில் ஹாலோஜன் ஹெட்லைட், டியர்டிராப் வடிவ பியூவல் டேன்க் வழங்கப்பட்டு உள்ளது.

கவாசகி இந்தியா நிறுவனம் 2023 நின்ஜா ZX-10R மோட்டார்சைக்கிளை இந்திய சந்தையில் அறிமுகம் செய்தது. புதிய 2023 ZX-10R மாடலின் விலை ரூ. 15 லட்சத்து 99 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. இந்த மோட்டார்சைக்கிள் ஒற்றை வேரியண்ட் மற்றும் லைம் கிரீன், பியல் ரோபோடிக் வைட் என இரண்டு விதமான நிறங்களில் கிடைக்கிறது. இரு நிற வேரியண்ட்களும் ஒரே விலையிலேயே கிடைக்கின்றன.

இரண்டு நிற ஆப்ஷன்களிலும் வித்தியாசமான கிராபிக்ஸ் வழங்கப்பட்டு இருக்கிறது. இதன் ஒட்டுமொத்த டிசைன் மற்றும் அம்சங்களில் எந்த மாற்றமும் மேற்கொள்ளப்படவில்லை. அந்த வகையில் புதிய மாடலிலும் ட்வின் பாட் ஹெட்லைட், மேல்புற கௌல் மீது விங்லெட்கள் பொருத்தப்பட்டுள்ளன. அம்சங்களை பொருத்தவரை இந்த மாடலில் ஃபுல் எல்இடி லைட்டிங், ப்ளூடூத் வசதி கொண்ட டிஎப்டி டிஸ்ப்ளே வழங்கப்பட்டு உள்ளது.

இதன் மெக்கானிக்கல் அம்சங்களை பொருத்தவரை 998சிசி, இன்லைன் நான்கு சிலிண்டர்கள் கொண்ட லிக்விட் கூல்டு என்ஜின் வழங்கப்பட்டு இருக்கிறது. இந்த என்ஜின் 200 ஹெச்பி பவர், 114.9 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் நான்கு விதமான ரைடு மோட்கள், எலெக்டிரானிக் குரூயிஸ் கண்ட்ரோல், டிராக்‌ஷன் கண்ட்ரோல், ஏபிஎஸ் உள்ளிட்டவை வழங்கப்பட்டு இருக்கிறது.

இந்திய சந்தையில் புதிய 2023 கவாசகி நின்ஜா ZX-10R மோட்டார்சைக்கிள் பிஎம்டபில்யூ S1000RR, டுகாட்டி பனிகேல் V4, ஹோண்டா CBR 1000RR-R ஃபயர்பிளேடு போன்ற மாடல்களுக்கு போட்டியாக அமைகிறது. 

ஏத்தர் எனர்ஜி நிறுவனம் தற்போது விற்பனை செய்து வரும் ஏத்தர் 450x மற்றும் 450 பிளஸ் எலெக்ட்ரிக் ஸ்கூட்டர்களின் குறைந்த விலை ஸ்கூட்டர் மாடலை உருவாக்கி வருகிறது. இதனை உறுதிப்படுத்தும் ஸ்பை படங்கள் இணையத்தில் வெளியாகி உள்ளது. முழுமையாக மறைக்கப்பட்ட நிலையில், சோதனை செய்யப்படும் நிலையில், இதன் வெளிப்புற தோற்றம் தற்போது விற்பனை செய்யப்படும் ஏத்தர் ஸ்கூட்டர்களை போன்றே காட்சியளிக்கிறது.

விலை குறைவாக வைக்க 450X ஜென் 3 மாடலில் அளவில் சிறிய பேட்டரி மற்றும் மோட்டார் வழங்கப்படும் என எதிர்பார்க்கலாம். அந்த வகையில், இந்த ஸ்கூட்டரின் அதிகபட்ச வேகம் மற்றும் ரேன்ஜ் குறைவாகவே இருக்கும். இது தவிர ஏத்தர் நிறுவன வழக்கப்படி இந்த ஸ்கூட்டரில் அதிநவீன அம்சங்கள் வழங்கப்படலாம். இதில் டச் ஸ்கிரீன் டிஸ்ப்ளே, ஒடிஏ அப்டேட்கள், நேவிகேஷன் மற்றும் ஏராளமானவை அடங்கும்.

புதிய குறைந்த விலை ஸ்கூட்டர் மூலம் ஏத்தர் எனர்ஜி நிறுவனம் ஒலா எலெக்ட்ரிக் சமீபத்தில் விற்பனைக்கு அறிமுகம் செய்த ஒலா S1 மாடலுக்கு போட்டியை ஏற்படுத்தலாம். இந்தியாவில் எலெக்ட்ரிக் வாகனங்களுக்கு வழங்கப்பட்டு வந்த மானியம் திரும்பப் பெறப்பட இருப்பதை ஒட்டி வரும் நாட்களில் எலெக்ட்ரிக் வாகனங்கள் விலை கணிசமாக அதிகரிக்கும் என தெரிகிறது. இந்த சூழலில் புதிய குறைந்த விலை ஸ்கூட்டர் ஏத்தர் நிறுவன விற்பனை சரிவதை தடுக்கும் என எதிர்பார்க்கலாம்.

Photo Source: ZigWheels

சுசுகி நிறுவனம் 2023 சுசுகி வி ஸ்டாம் 1050 அட்வென்ச்சர் மோட்டார்சைக்கிளை அறிமுகம் செய்து இருக்கிறது. இத்துடன் XT மாடல் நிறுத்தப்பட்டு, அதற்கு மாற்றாக புதிய வி ஸ்டாம் 1050DE மாடல் அறிமுகம் செய்யப்பட்டு இருக்கிறது. புதிய DE வேரியண்ட் வி ஸ்டாம் 1050 ஸ்டாண்டர்டு வேரியண்ட் உடன் விற்பனை செய்யப்படுகிறது.

இரு வேரியண்ட்களிலும் புதிய 5 இன்ச், ஃபுல் கலர் டிஎப்டி இன்ஸ்ட்ரூமெண்ட் கன்சோல், அப்-டவுன் குயிக்-ஷிப்டர், செண்டர் ஸ்டான்டு, ஹேண்ட் கார்டு, யுஎஸ்பி, 12 வோல்ட் சார்ஜிங் சாக்கெட் உள்ளிட்டவை வழங்கப்பட்டு இருக்கிறது. இந்த மாடலில் 1037 சிசி, லிக்விட் கூல்டு, 90 டிகிரி வி ட்வின் என்ஜின் வழங்கப்பட்டு இருக்கிறது. இந்த என்ஜின் 105.5 ஹெச்பி பவர், 100 நியூட்டன் மீட்டர் டார்க் இழுவிசையை வெளிப்படுத்துகிறது.

ஸ்டாண்டர்டு வேரியண்ட் உடன் ஒப்பிடும் போது, புதிய DE வேரியண்ட் ஆஃப் ரோடிங் சார்ந்து ஏராளமான அம்சங்களை கொண்டிருக்கிறது. புதிய வி ஸ்டாம் 1050DE மாடலில் அதிக சஸ்பென்ஷன் டிராவல் வழங்கப்பட்டு இருக்கிறது. இத்துடன் அதிக கிரவுண்ட் கிளியரன்ஸ் உள்ளது. இரு மாடல்களிலும் 6 ஆக்சிஸ் IMU, லீன் சென்சிடிவ் ஏபிஎஸ், ஹில் ஹோல்டு கண்ட்ரோல் போன்ற வசதிகளை கொண்டிருக்கிறது.

மேலும் மேம்பட்ட ரைடு பை வயர் திராட்டில், குரூயிஸ் கண்ட்ரோல், 3 ஸ்டேஜ் டிராக்‌ஷன் கண்ட்ரோல், மூன்று பவர் மோட்கள் வழங்கப்பட்டுள்ளன. இதன் DE வேரியண்டில் புதிதாக G மோட் வழங்கப்பட்டு இருக்கிறது. இது ஆஃப் ரோடிங்கின் போது பயன்தரும் வகையில் உருவாக்கப்பட்டு உள்ளது.

ஹாப் எலெக்ட்ரிக் நிறுவனம் ஆக்சோ எலெக்ட்ரிக் மோட்டார்சைக்கிள் மாடலை இந்திய சந்தையில் அறிமுகம் செய்தது. புதிய ஹாப் ஆக்சோ மாடலின் விலை ரூ. 1 லட்சத்து 25 ஆயிரம் என நிர்ணயம் செய்யப்பட்டு உள்ளது. இந்த எலெக்ட்ரிக் பைக் ஸ்டாண்டர்டு மற்றும் X என இரண்டு வேரியண்ட்களில் கிடைக்கிறது. இதன் டாப் எண்ட் மாடல் விலை ரூ. 1 லட்சத்து 40 ஆயிரம் என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

இரண்டு வேரியண்ட்களிலும் IP67 தர சான்று, 3.75 கிலோவாட் பேட்டரி, மல்டி மோட் ரி-ஜெனரேடிவ் பிரேக்கிங், 4ஜி கனெக்டிவிட்டி, பிரத்யேக மொபைல் செயலி உள்ளிட்டவை வழங்கப்பட்டு இருக்கிறது. இந்த மொபைல் செயலியில் ஸ்பீடு கண்ட்ரோல், ஜியோ பென்சிங், ஆண்டி தெப்ட் சிஸ்டம் மற்றும் ரைடு விவரங்களை பார்க்க முடியும். இதன் பேஸ் வேரியண்ட்- இகோ, பவர் மற்றும் ஸ்போர்ட் மூன்று ரைடு மோட்களை கொண்டிருக்கிறது.

ஹாப் ஆக்சோ X வேரியண்டில் கூடுதலாக டர்போ மோட் வழங்கப்பட்டு இருக்கிறது. இந்த வேரியண்ட் மணிக்கு அதிகபட்சம் 90 கிமீ வேகத்தில் செல்லும் திறன் கொண்டிருக்கிறது. இத்துடன் மணிக்கு 0 முதல் 40 கிமீ வேகத்தை வெறும் நான்கே நொடிகளில் எட்டிவிடும். இதில் உள்ள பேட்டரியை முழுமையாக சார்ஜ் செய்தால் 150 கிமீ வரை பயணிக்க முடியும். இந்த பேட்டரியை 0 முதல் 80 சதவீதம் வரை சார்ஜ் செய்ய நான்கு மணி நேரம் ஆகும்.

அறிமுக நிகழ்வுக்கு முன்பாகவே இந்த மோட்டார்சைக்கிளை வாங்க சுமார் 5 ஆயிரம் பேர் முன்பதிவு செய்து இருப்பதாக ஹாப் எலெக்ட்ரிக் நிறுவனர், தலைமை செயல் அதிகாரி கேத்தன் மேத்தா தெரிவித்துள்ளார். புதிய ஹாப் ஆக்சோ விற்பனை அந்நிறுவனத்தின் எக்ஸ்பீரியன்ஸ் செண்டர் மற்றும் வலைதளத்தில் நடைபெறுகிறது.

எலெக்ட்ரிக் ஸ்கூட்டர் உற்பத்தியாளரான ஓலா எலெக்ட்ரிக், தனது ஓலா S1 மாடல் விற்பனை துவங்கிய முதல் நாளிலேயே சுமார் 10 ஆயிரத்திற்கும் அதிக யூனிட்கள் முன்பதிவு செய்யப்பட்டுள்ளதாக தெரிவித்து இருக்கிறது. புதிய ஓலா S1 மாடலுக்கான விற்பனை செப்டம்பர் 1 ஆம் தேதி துவங்கியது.

இந்த நிலையில், முன்பதிவு விவரங்களை ஓலா எலெக்ட்ரிக் நிறுவன தலைமை செயல் அதிகாரி பாவிஷ் அகர்வால் தனது அதிகாரப்பூர்வ ட்விட்டர் அக்கவுண்டில் தெரிவித்து இருக்கிறார். இந்தியாவில் ஓலா S1 ஸ்கூட்டர் ஆகஸ்ட் 15 ஆம் தேதி அறிமுகம் செய்யப்பட்டது. இந்த ஸ்கூட்டர்களின் வினியோகம் செப்டம்பர் 7 ஆம் தேதி துவங்க இருக்கிறது. முன்பதிவு ஓலா எலெக்ட்ரிக் வலைதளம் அல்லது ஓலா செயலி மூலமாகவே மேற்கொள்ள முடியும்.

தோற்றத்தில் ஓலா S1 மற்றும் ஓலா S1 ப்ரோ எலெக்ட்ரிக் ஸ்கூட்டர்கள் இடையே எந்த மாற்றமும் தெரியாது. இரு ஸ்கூட்டர்களின் மெக்கானிக்கல் அம்சங்கள் மட்டுமே மாற்றப்பட்டு இருக்கிறது. அதன்படி ஓலா S1 மாடலில் 3 கிலோவாட் ஹவர் பேட்டரியும், ஓலா S1 ப்ரோ மாடலில் 4 கிலோவாட் ஹவர் பேட்டரியும் வழங்கப்பட்டு உள்ளது. ஓலா S1 ப்ரோ மாடலில் உள்ளதை விட S1 மாடலில் சிறிய பேட்டரியே வழங்கப்பட்டு உள்ளது.

ஓலா S1 மாடல் முழு சார்ஜ் செய்தால் 141 கிலோமீட்டர் வரை செல்லும் என சான்று பெற்று இருக்கிறது. ஓலா S1 ப்ரோ மாடல் முழு சார்ஜ் செய்தால் 181 கிலோமீட்டர் வரை செல்லும். எடையும் ஓலா S1 மாடல் குறைவாகவே உள்ளது. ஓலா S1 மாடலை முழுமையாக சார்ஜ் செய்ய ஐந்து மணி நேரம் ஆகும். ஓலா S1 மற்றும் S1 ப்ரோ மாடல்களில் ஒரே மாதிரியான எலெக்ட்ரிக் மோட்டார் தான் வழங்கப்பட்டு இருக்கிறது.

கேடிஎம் இந்தியா நிறுவனம் தனது டியூக் சீரிஸ் மாடல்களை ஒட்டுமொத்தமாக அப்டேட் செய்து இருக்கிறது. கேடிஎம் 125 டியூக், 200 டியூக், 250 டியூக் மற்றும் 390 டியூக் என நான்கு மாடல்களும் அப்டேட் செய்யப்பட்டு, தற்போது புதிய நிறத்தில் கிடைக்கிறது.

புது அப்டேட் படி கேடிஎம் 125 டியூக் மாடல் தற்போது எலெக்டிரானிக் ஆரஞ்சு மற்றும் செராமிக் நிறங்களில் கிடைக்கிறது. இதில் வைட், ஆரஞ்சு, பிளாக் மற்றும் புளூ போன்ற நிறங்கள் பயன்படுத்தப்பட்டுள்ளன. 200 மற்றும் 250 டியூக் மாடல்கள் டார்க் சில்வர் மெட்டாலிக் மற்றும் எபோனி பிளாக் என இரண்டு நிறங்களில் கிடைக்கின்றன. இவை பைக்கிற்கு கூர்மையான தோற்றத்தை வழங்கி உள்ளன.

390 டியூக் மாடல் தற்போது டார்க் கல்வேனோ நிறத்தில் கிடைக்கிறது. புதிய நிறம் தவிர நான்கு டியூக் மாடல்களிலும் வேறு எந்த மாற்றமும் மேற்கொள்ளப்படவில்லை. அந்த வகையில் 125 டியூக் மாடலில் 124.7சிசி, சிங்கில் சிலிண்டர், லிக்விட் கூல்டு என்ஜின் வழங்கப்பட்டு இருக்கிறது. இந்த என்ஜின் 14.3 ஹெச்பி பவர், 12 நியூட்டன் மீட்டர் டார்க் இழுவிசையை வெளிப்படுத்துகிறது. இதே போன்றே மற்ற மாடல்களிலும் எந்த மாற்றமும் செய்யப்படவில்லை.

விலை விவரங்கள்:

கேடிஎம் 125 டியூக் ரூ. 1 லட்சத்து 78 ஆயிரத்து 041

கேடிஎம் 200 டியூக் ரூ. 1 லட்சத்து 91 ஆயிரத்து 693

கேடிஎம் 250 டியூக் ரூ. 2 லட்சத்து 37 ஆயிரத்து 222

கேடிஎம் 390 டியூக் ரூ. 2 லட்சத்து 96 ஆயிரத்து 230

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

உலகம் முழுக்க பிரபலமான திரைப்பட சீரிஸ் ஜேம்ஸ் பாண்ட் இருக்கிறது. இந்த சீரிசில் வெளியான "நோ டைம் டு டை" திரைப்படமும் நல்ல வரவேற்பை பெற்று இருந்தது. இந்த நிலையில், திரைப்படத்தில் பயன்படுத்தப்பட்ட டிரையம்ப் ஸ்கிராம்ப்ளர் 1200 மோட்டார்சைக்கிளை ஏலத்தில் விற்பனை செய்ய பட தயாரிப்பு நிறுவனமான இயான் ப்ரோடக்‌ஷன்ஸ் முடிவு செய்துள்ளது. இதன் மூலம் கிடைக்கும் தொகை தொண்டு நிறுவனத்திற்கு வழங்கப்பட உள்ளது.

ஜேம்ஸ் பாண்ட் சீரிசில் 25 ஆவது திரைப்படமான "நோ டைம் டு டை" அதிரடியான சண்டை காட்சிகள் நிறைந்துள்ளது. இதில் பல்வேறு ஆடம்பர கார் மற்றும் மோட்டார்சைக்கிள் மாடல்கள் பயன்படுத்தப்பட்டுள்ளன. டிரையம்ப் மோட்டார்சைக்கிள் மட்டுமின்றி லேண்ட் ரோவர் நிறுவனமும் வாகனங்களை வழங்குவதற்காக திரைப்பட நிறுவனத்துடன் இணைந்திருந்தது. அதன்படி திரைப்படத்தில் பயன்படுத்தப்பட்ட மோட்டார்சைக்கிளின் ஏலம் ஆன்லைனில் செப்டம்பர் 28 ஆம் தேதி நடைபெற இருக்கிறது.

ஏலத்தின் மூலம் திரட்டப்படும் நிதி முழுக்க லண்டனை சேர்ந்த செவன் ஹாஸ்பைஸ் (Severn Hospice) எனும் தொண்டு நிறுவனத்திற்கு வழங்கப்பட இருக்கிறது. நோ டைம் டு டை திரைப்படத்தில் வரும் டிரையம்ப் ஸ்கிராம்ப்ளர் 1200 மோட்டார்சைக்கிளை அசாசின் பிரைமோ பயன்படுத்தி இருந்தார். இது திரைப்படத்தின் முதன்மை காட்சியாக வைக்கப்பட்டு இருந்தது குறிப்பிடத்தக்கது.

டிரையம்ப் ஸ்கிராம்ப்ளர் 1200 மட்டுமின்றி ஆஸ்டன் மார்டின் DB5, ஆஸ்டன் மார்டின் V8 மற்றும் லேண்ட் ரோவர் டிபெண்டர் போன்ற மாடல்களும் ஏலத்தில் விற்பனைக்கு வைக்கப்பட்டுள்ளன. ஏலத்தில் ஸ்கிராம்ப்ளர் 1200 மாடல் அதிகபட்சம் 30 ஆயிரம் பவுண்ட்கள், இந்திய மதிப்பில் ரூ. 27 லட்சம் வரை விற்பனையாகும் என எதிர்பார்க்கப்படுகிறது.

இதே திரைப்படத்தில் பயன்படுத்தப்பட்ட ஆஸ்டன் மார்டின் DB5 மாடல் அதிகபட்சம் 2 மில்லியன் பவுண்ட்கள், இந்திய மதிப்பில் ரூ. 18 கோடி வரை விற்பனையாகும் என தெரிகிறது. ஆஸ்டன் மார்டின் V8 மாடல் 7 லட்சம் பவுண்ட்கள், இந்திய மதிப்பில் ரூ. 6 கோடியே 46 லட்சம் வரை விற்பனையாகும் என கணிக்கப்பட்டுள்ளது. லேண்ட் ரோவர் டிபெண்டர் மாடல் 5 லட்சம் பவுண்ட்கள், இந்திய மதிப்பில் ரூ. 4 கோடியே 60 லட்சம் வரை விற்பனையாகலாம்.

யமஹா நிறுவனம் 2023 FZ-15 மோட்டார்சைக்கிளை பிரேசில் நாட்டில் அறிமுகம் செய்து இருக்கிறது. இந்த மோட்டார்சைக்கிள் தென்னமெரிக்காவில் பேசர் FZ-15 என்று அழைக்கப்படுகிறது. இந்த ஆண்டு இறுதியில் புதிய FZ-15 மாடல் இந்திய சந்தையில் அறிமுகம் செய்யப்படும் என எதிர்பார்க்கலாம்.

இந்த மோட்டார்சைக்கிளின் மிகப் பெரும் மாற்றமாக அதன் ஸ்டைலிங் உள்ளது. இதன் முன்புறம் மேம்பட்ட ஹெட்லேம்ப் செட்டப் உள்ளது. இது தற்போது இந்திய சந்தையில் விற்பனை செய்யப்படும் FZ-25 போன்றே காட்சியளிக்கிறது. இது தவிர மோட்டார்சைக்கிளின் மற்ற ஸ்டைலிங் முழுக்க FZ-V 3 போன்றே வழங்கப்பட்டு இருக்கிறது. 2023 FZ-15 மாடலில் பிரானி பியூவல் டேன்க், ஃபாக்ஸ் ஏர் வெண்ட்கள், சிறிய டெயில் லேம்ப், ஸ்டபி எக்சாஸ்ட் வழங்கப்பட்டு உள்ளது.

இத்துடன் பைரெலி டையப்லோ ரோசோ 2 டயர்கள் ஸ்டாண்டர்டு அம்சமாக வழங்கப்பட்டு இருக்கிறது. இந்த மோட்டார்சைக்கிள் 11.9 லிட்டர் பியூவல் டேன்க் கொண்டிருக்கிறது. இத்துடன் அதிகளவு கிரவுண்ட் கிளியரன்ஸ் மற்றும் நீளமாக உள்ளது. இந்த மாடலில் 149சிசி என்ஜின் வழங்கப்பட்டு இருக்கிறது. ஆனால் இந்த என்ஜின் பெட்ரோல் மட்டுமின்றி எத்தனால் மூலமும் இயங்கும்.

செயல்திறனை பொருத்தவரை 12.2 ஹெச்பி பவர், 12.7 நியூட்டன் மீட்டர் டார்க் இழுவிசையை வெளிப்படுத்துகிறது. FZ-V3 மாடலில் உள்ள என்ஜின் 12.4 ஹெச்பி பவர், 13.3 நியூட்டன் மீட்டர் டார்க் இழுவிசையை வெளிப்படுத்துகிறது. இந்த பைக்கின் இருபுறங்களிலும் 17 இன்ச் வீல்கள் உள்ளன.

புதிய யமஹா FZ-15 மாடல் - ரேசிங் புளூ, மிட்நைட் பிளாக் மற்றும் மேக்மா ரெட் என மூன்று வித நிறங்களில் கிடைக்கிறது. இந்திய சந்தையில் அறிமுகமாகும் பட்சத்தில் இந்த மோட்டார்சைக்கிள் பஜாஜ் பல்சர் N160, டிவிஎஸ் அபாச்சி RTR 160 4V மற்றும் சுசுகி ஜிக்சர் போன்ற மாடல்களுக்கு போட்டியாக அமையும். 

டுகாட்டி இந்தியா நிறுவனம் 2022 டுகாட்டி பனிகேல் V4 மோட்டார்சைக்கிளை இந்திய சந்தையில் அறிமுகம் செய்தது. இந்த மோட்டார்சைக்கிள் விலை ரூ. 26 லட்சத்து 49 ஆயிரம், எக்ஸ்-ஷோரூம் என நிர்ணயம் செய்யப்பட்டுள்ளது. இந்தியாவில் புதிய டுகாட்டி பைக்- V4, V4S மற்றும் V4 SP 2 என மூன்று வேரியண்ட்களில் கிடைக்கிறது.

விலை விவரங்கள்:

பனிகேல் V4 ரூ. 26 லட்சத்து 49 ஆயிரம்

பனிகேல் V4 S ரூ. 31 லட்சத்து 99 ஆயிரம்

பனிகேல் V4 SP2 ரூ. 40 லட்சத்து 99 ஆயிரம்

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

புதிய மாடலில் மேம்பட்ட ஏரோடைனமிக்ஸ், எர்கோனோமிக்ஸ், சேசிஸ், என்ஜின் மற்றும் எலெக்டிரானிக்ஸ் வழங்கப்பட்டு இருக்கிறது. இதன் ஒட்டுமொத்த டிசைன் எந்த விதமான மாற்றமும் செய்யப்படவில்லை. 2022 பனிகேல் V4 மாடலில் ட்வின் பாட் ஹெட்லைட், மஸ்குலர் பியூவல் டேன்க், அண்டர்பெல்லி எக்சாஸ்ட் மற்றும் சிங்கில் சைடு ஸ்விங் ஆர்ம் வழங்கப்பட்டு இருக்கிறது.

இந்த மாடல் முன்பு இருந்ததை விட மெல்லியதாக இருக்கிறது. இந்த மோட்டார்சைக்கிள் முன்பை விட மெல்லியதாக மாறி இருக்கிறது. இந்த பைக் மணிக்கு 300 கிலோமீட்டர் வேகத்தில் செல்லும் போது டவுன்போர்ஸ் 39 கிலோவாக இருக்கும் என டுகாட்டி தெரிவித்துள்ளது.

புதிய டுகாட்டி பனிகேல் V4 மாடலில் 1,103 சிசி, வி4 சிலிண்டர், லிக்விட் கூல்டு, டெஸ்மோசிடிசி ஸ்டிராடேல் என்ஜின் வழங்கப்பட்டு இருக்கிறது. இத்துடன் 6 ஸ்பீடு கியர்பாக்ஸ் வழங்கப்பட்டு இருக்கிறது. இந்த என்ஜின் 212.5 ஹெச்பி பவர், 123.6 நியூட்டன் மீட்டர் டார்க் இழுவிசையை வெளிப்படுத்துகிறது. இந்த மோட்டார்சைக்கிள்- ஃபுல், ஹை, மீடியம் மற்றும் லோ என நான்கு வித பவர் மோட்களை கொண்டுள்ளது.

இத்துடன் போஷ் கார்னரிங் ஏபிஎஸ், டிராக்‌ஷன் கண்ட்ரோல், வீலி கண்ட்ரோல், ஸ்லைடு கண்ட்ரோல், என்ஜின் பிரேக் கண்ட்ரோல், பவர் லான்ச், பை டேரக்‌ஷனல் குயிக் ஷிப்டர் மற்றும் ஆட்டோ டயர் கேலிபரேஷன் வழங்கப்பட்டு இருக்கிறது. இந்தியாவில் இந்த மோட்டார்சைக்கிள் கவசாகி ZX-10R மற்றும் பிஎம்டபிள்யூ S1000RR போன்ற மாடல்களுக்கு போட்டியாக அமைகிறது.

டுகாட்டி இந்தியா நிறுவனம் முற்றிலும் புதிய ஸ்டிரீட்பைட்டர் V2 மோட்டார்சைக்கிளை இந்திய சந்தையில் அறிமுகம் செய்து இருக்கிறது. இந்த மோட்டார்சைக்கிள் விலை ரூ. 17 லட்சத்து 25 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. இந்த மோட்டார்சைக்கிள் டுகாட்டி ரெட் என ஒற்றை நிறத்தில் மட்டுமே கிடைக்கிறது.

புதிய மோட்டார்சைக்கிள் ஸ்டிரீட்பைட்டர் V4 மாடலை தழுவி உருவாக்கப்பட்டு இருக்கிறது. இதில் V வடிவ எல்இடி டிஆர்எல், மஸ்குலர் பியூவல் டேன்க், சில்வர் நிற ரேடியேட்டர் ஷிரவுட்கள், ஸ்போர்டி என்ஜின் கௌல், ஸ்டெப்-அப் சேடில், சிங்கில்-சைடு ஸ்விங் ஆர்ம் மற்றும் அண்டர்பெல்லி எக்சாஸ்ட் செட்டப் வழங்கப்பட்டு உள்ளது.

இந்த மாடலில் ஃபுல் எல்இடி லைட்டிங், 4.3 இன்ச் TFT டேஷ்போர்டு உள்ளது. இத்துடன் 6-ஆக்சிஸ் IMU இனெர்ஷியல் பிளாட்பார்ம், மூன்று ரைடிங் மோட்கள், பவர் மோட்கள், கார்னெரிங் ஏபிஎஸ், டிராக்‌ஷன் கண்ட்ரோல் சிஸ்டம், வீலி கண்ட்ரோல், பை-டைரெக்‌ஷனல் குயிக் ஷிப்டர் மற்றும் என்ஜின் பிரேக் கண்ட்ரோல் போன்ற வசதிகள் உள்ளன.

புதிய டுகாட்டி ஸ்டிரீட்பைட்டர் V2 மாடலில் 955சிசி, ட்வின் சிலிண்டர், லிக்விட் கூல்டு என்ஜின் வழங்கப்பட்டு இருக்கிறது. இந்த என்ஜின் 105.9 ஹெச்பி பவர், 101.4 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு கியர்பாக்ஸ் வழங்கப்பட்டு உள்ளது.