பைக்

கீவே இந்தியா நிறுவனம் இந்திய சந்தையில் புதிய ரெட்ரோ கிளாசிக் மோட்டார்சைக்கிளை அறிமுகம் செய்து இருக்கிறது. இந்திய சந்தையில் கீவே நிறுவனத்தின் ஏழாவது மோட்டார்சைக்கிள் ஆகும். இந்த மாடல்- கிளாசி வைட், கிளாசி பிளாக் மற்றும் கிளாசி ரெட் என மூன்று விதமான நிறங்களில் கிடைக்கிறது.

புதிய கீவே SR125 விலை ரூ. 1 லட்சத்து 19 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. இந்த மாடலில் 125சிசி, சிங்கில் சிலிண்டர் என்ஜின் வழங்கப்பட்டு இருக்கிறது. இந்த என்ஜின் 9.5 ஹெச்பி பவர், 8.2 நியூட்டன் மீட்டர் டார்க் இழுவிசையை வெளிப்படுத்துகிறது.

இந்த மோட்டார்சைக்கிள் எடை 120 கிலோ ஆகும். ஹார்டுவேரை பொருத்தவரை முன்புறம் 300எம்எம் டிஸ்க், பின்புறம் 210எம்எம் ரோட்டார் வழங்கப்பட்டு இருக்கிறது. பாதுகாப்பிற்கு கம்பைன்டு பிரேக்கிங் சிஸ்டம், சைடு ஸ்டாண்டு என்ஜின் கட்-ஆப் உள்ளது. இத்துடன் வயர் ஸ்போக் வீல்கள் வழங்கப்பட்டு இருக்கிறது.

புதிய கீவே SR125 மோட்டார்சைக்கிள் அதிகாரப்பூர்வ பெனலி மற்றும் கீவே விற்பனை மையங்களில் விற்பனை செய்யப்படுகிறது. இந்த மோட்டார்சைக்கிள் வினியோகம் இந்த மாத இறுதியில் துவங்க இருக்கிறது. மேலும் இந்த மாடலுக்கான முன்பதிவு ஏற்கனவே துவங்கி நடைபெற்று வருகிறது. முன்பதிவு கட்டணம் ரூ. 1000 என நிர்ணயம் செய்யப்பட்டுள்ளது.

பிஎம்டபிள்யூ மோட்டராட் நிறுவனம் 2023 எம் 1000 ஆர்ஆர் மோட்டார்சைக்கிளை சர்வேதச சந்தையில் அறிமுகம் செய்து இருக்கிறது. இத்துடன் எம் 1000 ஆர் மாடலும் அறிமுகம் செய்யப்பட்டுள்ளது. இரு மோட்டார்சைக்கிள் மாடல்களிலும் கார்பன் பைபர் பாகங்கள் மற்றும் ஏராளமான எலெக்ட்ரிக் அம்சங்கள் வழங்கப்பட்டு இருக்கிறது.

புதிய எம் 1000 ஆர்ஆர் மற்றும் எம் 1000 ஆர் மாடல்களின் டிசைன் எஸ் மாடல்களில் உள்ளதை போன்றே வழங்கப்பட்டு இருக்கிறது. இத்துடன் ஏரோடைனமிக் விங்லெட் வழங்கப்பட்டுள்ளது. இதன் காரணமாக புதிய ஆர் சீரிஸ் மணிக்கு 220 கிலோமீட்டர் வேகத்தில் செல்லும் போது 11 கிலோ வரை டவுன்போர்ஸ் வழங்குகிறது.

மேலும் பிஎம்டபிள்யூ எம் 1000 ஆர்ஆர் மற்றும் எம் 1000 ஆர் மாடல்களில் 999சிசி, இன்லைன் நான்கு சிலிண்டர்கள் கொண்ட என்ஜின் வழங்கப்பட்டு இருக்கிறது. இந்த என்ஜின் 210 ஹெச்பி பவர், 207 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இதில் உள்ள போர்ஜ் செய்யப்பட்ட பிஸ்டன்கள், சிஎன்சி மெஷின்டு இண்டேக் போர்ட் மற்றும் பிஎம்டபிள்யூ ஷிப்ட்கேம் தொழில்நுட்பம் காரணமாக இத்தனை செயல்திறன் சாத்தியமாகி இருக்கிறது.

இரு மாடல்களிலும் லீன்-சென்சிடிவ் எலெக்டிரானிக்ஸ், ரைடிங் மோட்கள், திராட்டில் மற்றும் என்ஜின் பிரேக் மோட்கள், லான்ச் கண்ட்ரோல், பிட் லேண் லிமிட்டர், ஹில் ஹோல்டு மற்றும் ஏராளமான அம்சங்கள் வழங்கப்பட்டுள்ளன. புதிய மாடல்கள் ஸ்டாண்டர்டு மற்றும் எம் காம்படிஷன் என இரண்டு வேரியண்ட்களில் கிடைக்கிறது. புதிய எம் 1000 ஆர்ஆர் மாடலின் கார்பன் பைபர் மூலம் உருவாக்கப்பட்ட முன்புற பிரேக் கூலிங் டக்ட்கள் வழங்கப்பட்டுள்ளன.

மோட்டோ மொரினி நிறுவனம் இந்திய சந்தையில் எக்ஸ்-கேப் 650 அட்வென்ச்சர் மோட்டார்சைக்கிளை அறிமுகம் செய்துள்ளது. புதிய மோட்டோ மொரினி எக்ஸ்-கேப் 650 விலை ரூ. 7 லட்சத்து 20 ஆயிரம், எக்ஸ்-ஷோரூம் என நிர்ணயம் செய்யப்பட்டு இருக்கிறது. இந்த பைக் ஸ்டாண்டர்டு மற்றும் எக்ஸ் என இரண்டு வேரியண்ட்களில் கிடைக்கிறது.

மோட்டோ மொரினி எக்ஸ்-கேப் 650 எக்ஸ் வேரியண்ட் விலை ரூ. 7 லட்சத்து 40 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. புதிய எக்ஸ்-கேப் 650 மாடல் அட்வென்ச்சர் டூரர் போன்று உருவாக்கப்பட்டு இருக்கிறது. இந்த மாடலில் ஸ்ப்லிட் எல்இடி ஹெட்லைட்கள், டிரான்ஸ்பேரண்ட் வைசர் என மோட்டார்சைக்கிள் ஒட்டுமொத்த தோற்றம் ஸ்போர்ட் பைக் போன்றே காட்சியளிக்கிறது.

இதன் பின்புறம் சிறிய டெயில் ரேக் வழங்கப்பட்டு இருக்கிறது. மோட்டோ மொரினி எக்ஸ்-கேப் 650 மாடலில் 649சிசி, லிக்விட் கூல்டு இன்லைன் ட்வின் என்ஜின் வழங்கப்பட்டு இருக்கிறது. இத்துடன் 6 ஸ்பீடு கியர்பாக்ஸ் வழங்கப்பட்டு இருக்கிறது. இந்த என்ஜின் 60 ஹெச்பி பவர், 54 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது.

அம்சங்களை பொருத்தவரை புதிய மோட்டோ மொரினி எக்ஸ்-கேப் 650 மாடலில் எல்இடி இலுமினேஷன், 7 இன்ச் டிஎப்டி கன்சோல், ப்ளூடூத் கனெக்டிவிட்டி, ரைடிங் மோட்கள், யுஎஸ்பி சார்ஜிங் போர்ட் மற்றும் ஏபிஎஸ் உள்ளிட்டவை வழங்கப்பட்டு இருக்கிறது. இதன் முன்புறம் யுஎஸ்டி முன்புற போர்க்குகள், பின்புறம் மோனோஷாக் யூனிட் வழங்கப்பட்டு இருக்கிறது. இத்துடன் முன்புறம் இரு 298 எம்எம் டிஸ்க், பின்புறம் ஒற்றை 255 எம்எம் டிஸ்க் மற்றும் டூயல் சேனல் ஏபிஎஸ் வழங்கப்பட்டுள்ளது.

இந்திய சந்தையில் புதிய மோட்டோ மொரினி எக்ஸ்-கேப் 650 மாடலுக்கான முன்பதிவு ஏற்கனவே துவங்கி நடைபெற்று வருகிறது. முன்பதிவு கட்டணம் ரூ. 10 ஆயிரம் ஆகும். இந்த மோட்டார்சைக்கிள் ஸ்மோகி ஆந்த்ரசைட், கரரா வைட் மற்றும் ரெட் பேஷன் என மூன்று நிறங்களில் கிடைக்கிறது. இந்த மோட்டார்சைக்கிள் டிரையம்ப் டைகர் ஸ்போர்ட் 650, கவாசகி வெர்சிஸ் 650, சுசுகி வி ஸ்டாம் 650 XT மற்றும் சிஎப் மோட்டோ 650 MT போன்ற மாடல்களுக்கு போட்டியாக அமைகிறது.

டுகாட்டி இந்தியா நிறுவனம் முற்றிலும் புதிய மல்டிஸ்டிராடா V4 பைக்ஸ் பீக் மோட்டார்சைக்கிளை இந்திய சந்தையில் அறிமுகம் செய்து இருக்கிறது. புதிய டுகாட்டி மல்டிஸ்டிராடா V4 பைக்ஸ் பீக் மோட்டார்சைக்கிள் விலை ரூ. 31 லட்சத்து 48 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. புதிய பைக்ஸ் பீக் வேரியண்ட் மல்டிஸ்டிராடா V4 மாடலின் ஸ்போர்ட் அம்சங்கள் நிறைந்த வேரியண்ட் ஆகும்.

ஸ்டைலிங்கை பொருத்தவரை புதிய டுகாட்டி மல்டிஸ்டிராடா V4 பைக்ஸ் பீக் மாடல் அதன் ஸ்டாண்டர்டு மோட்டார்சைக்கிள் போன்றே காட்சியளிக்கிறது. இதில் ட்வின் பாட் ஹெட்லைட், செமி ஃபேரிங், அட்ஜஸ்ட் செய்யக்கூடிய விண்ட்-ஸ்கிரீன், ஸ்ப்லிட் ஸ்டைல் சீட்கள், சைடு ஸ்லங் எக்சாஸ்ட் வழங்கப்பட்டு இருக்கிறது. இந்த மாடலில் பைக்ஸ் பீக் லிவரி, சிறிய விண்ட்ஸ்கிரீன், 17 இன்ச் வீல், சிங்கில் சைடு ஸ்விங் ஆர்ம் வழங்கப்பட்டு இருக்கிறது.

ஹார்டுவேரை பொருத்தவரை 48 மில்லிமீட்டர் ஒலின்ஸ் முன்புற போர்க்குகள், பின்புறம் ஒலின்ஸ் TTX36 மோனோ ஷாக் மற்றும் ஒலின்ஸ் ஸ்மார்ட் EC 2.0 எலெக்டிரானிக் அட்ஜஸ்ட்மெண்ட் சிஸ்டம் வழங்கப்பட்டு இருக்கிறது. பிரேக்கிங்கிற்கு 330 மில்லிமீட்டர் செமி ஃபுளோட்டிங் டிஸ்க், முன்புறத்தில் பிரெம்போ ஸ்டைல்மா மோனோபிளாக் நான்கு பிஸ்டன் 2 பேட் கேலிப்பர்கள், பின்புறம் சிங்கில் 265 மில்லிமீட்டர் ரோட்டார் மற்றும் பிரெம்போ ட்வின் பிஸ்டன் புளோட்டிங் கேலிப்பர் வழங்கப்பட்டு இருக்கிறது.

அம்சங்களை பொருத்தவரை எல்இடி லைட்டிங், ப்ளூடூத் வசதி கொண்ட 6.5 இன்ச் TFT டிஸ்ப்ளே, அட்பாடிவ் குரூயிஸ் கண்ட்ரோல், பிளைண்ட் ஸ்பாட் டிடெக்‌ஷன் வழங்கப்பட்டு இருக்கிறது. இத்துடன் ரைடிங் மோட்கள், பவர் மோட்கள், கார்னெரிங் ஏபிஎஸ், டிராக்‌ஷன் கண்ட்ரோல், வீலி கண்ட்ரோல், டேடைம் ரன்னிங் லைட், கார்னெரிங் லைட், வெஹிகில் ஹோல்டு கண்ட்ரோல் போன்ற அம்சங்கள் உள்ளன.

இத்துடன் 1158சிசி, 90-டிகிரி V4 சிலிண்டர், லிக்விட் கூல்டு என்ஜின் வழங்கப்பட்டு இருக்கிறது. இந்த என்ஜினுடன் 6 ஸ்பீடு கியர்பாக்ஸ் வழங்கப்பட்டு இருக்கிறது. இந்த என்ஜின் 167.6 ஹெச்பி பவர், 125 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது.

ஒலா எலெக்ட்ரிக் நிறுவனம் இந்திய சந்தையில் புது எலெக்ட்ரிக் ஸ்கூட்டரை அறிமுகம் செய்ய இருப்பதாக தகவல்கள் வெளியாகி வருகின்றன. இது ஒலா நிறுவனத்தின் குறைந்த விலை ஸ்கூட்டராக இருக்கும் என கூறப்படுகிறது.

மேலும் இது ஏற்கனவே இந்தியாவில் விற்பனை செய்யப்பட்டு வரும் ஒலா S1 மாடலை தழுவி உருவாக்கப்பட்டு இருக்கும். இது ஒலா S1 மாடலின் புது வேரியண்ட் ஆக விற்பனை செய்யப்பட உள்ளது. இதன் விலை இந்திய சந்தையில் ரூ. 80 ஆயிரம் பட்ஜெட்டில் நிர்ணம் செய்யப்படும் என கூறப்படுகிறது. இந்த ஸ்கூட்டர் அக்டோபர் 22 ஆம் தேதி இந்தியாவில் அறிமுகம் செய்யப்படும் என தகவல் வெளியாகி உள்ளது.

ஒலா நிறுவனத்தின் புது ஸ்கூட்டர் வெளியீடு ட்விட்டரில் அதிகாரப்பூர்வமாக உறுதி செய்யப்பட்டு உள்ளது. அந்த வகையில் அக்டோபர் 22 ஆம் தேதி ஒலா S1 ஸ்கூட்டரின் புது வேரியண்ட் அறிமுகம் செய்யப்பட உள்ளது. புது ஸ்கூட்டர் சந்தையில் போட்டியை மாற்றியமைக்கும் என ஒலா தெரிவித்து இருக்கிறது. ஒலா S1 மாடலை தழுவி குறைந்த விலையில் உருவாகி இருப்பதால், புது ஸ்கூட்டரில் ஏராளமான அம்சங்கள் நீக்கப்பட்டு இருக்கும் என தெரிகிறது.

மேலும் தற்போது வழங்கப்பட்டு இருப்பதை விட அளவில் சிறிய பேட்டரி வழங்கப்படும் என கூறப்படுகிறது. தற்போது டீசர் மட்டும் வெளியிடப்பட்டு இருக்கும் நிலையில், புது ஸ்கூட்டர் பற்றிய தகவல்கள் தொடர்ந்து வெளியாகும் என எதிர்பார்க்கலாம்.

யமஹா மோட்டார் இந்தியா நிறுவனம் அக்டோபர் மாதம் MT 15 V2 மோட்டார்சைக்கிள் விலையை இந்திய சந்தையில் உயர்த்தி இருக்கிறது. விலை உயர்வு யமஹா MT 15 V2 அனைத்து நிற வேரியண்ட்களுக்கும் பொருந்தும். இம்முறை யமஹா MT 15 V2 மாடலின் விலை ரூ. 500 அதிகரிக்கப்பட்டு இருக்கிறது. முன்னதாக ஆகஸ்ட் மாத வாக்கில் யமஹா இதே மாடல் விலையை ரூ. 1500 உயர்த்தி இருந்தது குறிப்பிடத்தக்கது.

புதிய விலை விவரம்:

யமஹா MT 15 V2 மெட்டாலிக் பிளாக் ரூ. 1 லட்சத்து 63 ஆயிரத்து 900

யமஹா MT 15 V2 ஐஸ் புளோ, ரேசிங் புளூ ரூ. 1 லட்சத்து 64 ஆயிரத்து 900

யமஹா MT 15 V2 மோட்டோ ஜிபி எடிஷன் ரூ. 1 லட்சத்து 65 ஆயிரத்து 900

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

விலை தவிர யமஹா MT 15 V2 அம்சங்களில் வேறு எந்த மாற்றமும் மேற்கொள்ளப்படவில்லை. அந்த வகையில் இந்த மாடல் 155 சிசி, லிக்விட் கூல்டு, சிங்கில் சிலிண்டர் என்ஜின் வழங்கப்பட்டு இருக்கிறது. இந்த என்ஜின் 18.14 ஹெச்பி பவர், 14.1 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு கியர்பாக்ஸ் வழங்கப்பட்டுள்ளது. மேலும் அசிஸ்ட் மற்றும் ஸ்லிப்பர் கிளட்ச் வழங்கப்பட்டு இருக்கிறது.

இத்துடன் யமஹா MT 15 V2 மாடலில் அப்சைடு-டவுன் போர்க்குகள், அலுமினியம் ஸ்விங் ஆரம், பிரேக்கிங்கிற்கு சிங்கில் டிஸ்க் மற்றும் சிங்சில் சேனல் ஏபிஎஸ் வழங்கப்பட்டு உள்ளது. இத்துடன் எல்இடி ஹெட்லேம்ப், டெயில் லேம்ப், எல்சிடி கன்சோல், ப்ளூடூத் கனெக்டிவிட்டி, 10 லிட்டர் பியூவல் டேன்க் வழங்கப்பட்டு இருக்கிறது.

ஓலா எலெக்ட்ரிக் நிறுவனம் தனது S1 எலெக்ட்ரிக் ஸ்கூட்டரின் புது வேரியண்டை இந்திய சந்தையில் அறிமுகம் செய்வதற்கான பணிகளில் ஈடுபட்டு வருவதாக தகவல் வெளியாகி உள்ளது. ஓலா S1 புது வேரியண்ட் விலை ரூ. 80 ஆயிரத்திற்கும் குறைவாக நிர்ணயம் செய்யப்படும் என கூறப்படுகிறது.

முன்னதாக S1 ப்ரோ ஸ்கூட்டருக்கு ஓலா எலெக்ட்ரிக் அறிவித்த ரூ. 10 ஆயிரம் தள்ளுபடி சலுகை நீட்டிக்கப்பட்டு இருக்கிறது. புது வேரியண்ட் தீபாவளி வாக்கில் அறிமுகம் செய்யப்படும் என்றும் இதன் விலை ரூ. 80 ஆயிரத்திற்குள் நிர்ணயம் செய்யப்படும் என கூறப்படுகிறது. அந்த வகையில் புதிய ஓலா எலெக்ட்ரிக் ஸ்கூட்டர் விலை இந்தியாவில் கிடைக்கும் 125சிசி ஸ்கூட்டர்களுக்கு இணையாக மாறி விடும்.

ஓலா S1 தற்போதைய மாடலில் உள்ள அம்சங்கள் புது வேரியண்டிலும் வழங்கப்படும் என கூறப்படுகிறது. எனினும், புது வேரியண்டில் ஓலா S1 மாடலில் வழங்கப்பட்டு இருக்கும் 3 கிலோவாட் ஹவர் பேட்டரியை விட சிறிய பேட்டரி வழங்கப்படும் என தெரிகிறது. குறைந்த விலையை அடுத்த புதிய ஓலா S1 வேரியண்ட் டிவிஎஸ் ஐகியூப் மாடலின் பேஸ் வேரியண்டிற்கு போட்டியாக அமையும்.

சமீபத்தில் தான் ஓலா எலெக்ட்ரிக் நிறுவனம் தனது S1 ப்ரோ எலெக்ட்ரிக் ஸ்கூட்டருக்கு ரூ. 10 ஆயிரம் தள்ளுபடி சலுகையை அறிவித்தது. இந்த சலுகை அக்டோபர் 5 ஆம் தேதி வரை வழங்கப்படும் என அறிவிக்கப்பட்டு இருந்தது. எனினும், ஓலா எலெக்ட்ரிக் தலைமை செயல் அதிகாரி பாவிஷ் அகர்வால் இந்த சலுகை தீபாவளி வரை நீட்டிக்கப்படுவதாக தெரிவித்துள்ளார்.

ஒலா எலெக்ட்ரிக் நிறுவனம் நவராத்திரி காலக்கட்டத்தில் தனது ஸ்கூட்டர் விற்பனை அமோகமாக நடைபெற்றதாக தெரிவித்து இருக்கிறது. நவராத்திரி விற்பனையின் போது ஒவ்வொரு நிமிடத்திற்கு ஒரு ஸ்கூட்டர் வீதம் விற்பனையாகி இருக்கிறது. பண்டிகை காலத்தில் மட்டும் விற்பனை நான்கு மடங்கு வளர்ச்சியை பதிவு செய்து இருக்கிறது.

நாட்டின் பல்வேறு பகுதிகளில் திறக்கப்பட்ட எக்ஸ்பீரியன்ஸ் செண்டர்கள் விற்பனை வளர்ச்சிக்கு காரணமாக இருக்கலாம் என கூறப்படுகிறது. இந்தியாவில் ஒலா எலெக்ட்ரிக் அறிமுகமான காலக்கட்டத்தில் விற்பனையக காலக்கட்டம் முடிந்துவிட்டதாக தெரிவித்து இருந்தது.

நாட்டின் பல்வேறு பகுதிகளில் எக்ஸ்பீரியன்ஸ் செண்டர்கள் திறக்கப்பட்டதை அடுத்து ஒலா எலெக்ட்ரிக் ஸ்கூட்டர்களுக்கான முன்பதிவு ஆன்லைனிலேயே நடைபெற்று வருகிறது. பண்டிகை காலக்கட்டத்தில் அமோக விற்பனை நடைபெற்ற போதிலும், எத்தனை யூனிட்கள் விற்பனை செய்யப்பட்டன என்ற தகவலை ஒலா எலெக்ட்ரிக் அறிவிக்கவில்லை.

கடந்த மாதம் வரை ஒலா எலெக்ட்ரிக் நிறுவனம் 20 எக்ஸ்பீரியன்ஸ் செண்டர்களை திறந்துள்ளது. மேலும் அடுத்த ஆண்டு மார்ச் மாதத்திற்குள் நாடு முழுக்க 200 எக்ஸ்பீரியன்ஸ் செண்டர்களை திறக்க ஒலா எலெக்ட்ரிக் திட்டமிட்டுள்ளது. மேலும் பண்டிகை காலத்தை முன்னிட்டு ஒலா S1 மற்றும் S1 ப்ரோ எலெக்ட்ரிக் ஸ்கூட்டர்களுக்கு அசத்தல் சலுகைகளை வழங்குகிறது. மேலும் ஒலா S1 ப்ரோ மாடலுக்கு ரூ. 10 ஆயிரம் வரையிலான தள்ளுபடி வழங்கப்படுகிறது.

சீனாவை சேர்ந்த மோட்டார்சைக்கிள் உற்பத்தியாளர் சாண்டெஸ், இந்திய சந்தையில் தனது இருசக்கர வாகனங்கள் விலையை அதிகாரப்பூர்வமாக அறிவித்து இருக்கிறது. அந்த வகையில் சாண்டெஸ் 350R விலை ரூ. 3 லட்சத்து 15 ஆயிரம் என துவங்கிகிறது. சாண்டெஸ் 350T ADV மாடலின் விலை அதிகபட்சமாக ரூ. 3 லட்சத்து 57 ஆயிரம் என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

குறைந்த விலையில் கிடைக்கும் சாண்டெஸ் 350R நேக்கட் பைக் விலை ரூ. 3 லட்சத்து 15 ஆயிரம் என துவங்கி டாப் எண்ட் மாடல் விலை ரூ. 3 லட்சத்து 25 ஆயிரம் என நிர்ணயம் செய்யப்பட்டு உள்ளது. சாண்டெஸ் 350X ஸ்போர்ட் டூரர் விலை ரூ. 3 லட்சத்து 35 ஆயிரம் என துவங்கி டாப் எண்ட் மாடல் விலை ரூ. 3 லட்சத்து 45 ஆயிரம் என நிர்ணயம் செய்யப்பட்டு உள்ளது.

சாண்டெஸ் GK350 கபே ரேசர் மற்றும் 350T ரோட்-சார்ந்த டூரர் விலைகள் முறையே ரூ. 3 லட்சத்து 37 ஆயிரம் மற்றும் ரூ. 3 லட்சத்து 47 ஆயிரம் என நிர்ணயம் செய்யப்பட்டு உள்ளது. பிளாக்‌ஷிப் மாடல்களான 350T ADV அட்வென்ச்சர் பைக் விலை ரூ. 3 லட்சத்து 57 ஆயிரம் என துவங்குகிறது. இதன் டாப் எண்ட் மாடல் விலை ரூ. 3 லட்சத்து 67 ஆயிரம் என நிர்ணம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

இந்திய சந்தையில் சாண்டெஸ் சீரிஸ் மாடல்கள் கேடிஎம் 390 மற்றும் பிஎம்டபிள்யூ 310 ட்ரியோ, ராயல் என்பீல்டு 650 ட்வின் போன்ற மாடல்களுக்கு போட்டியாக அமைகிறது. கேடிஎம் மற்றும் ராயல் என்பீல்டு மாடல்கள் அதிக திறன் கொண்டிருப்பதோடு சாண்டெஸ் மாடல்களை விட குறைந்த விலையில் விற்பனை செய்யப்பட்டு வருகின்றன.

ஹீரோ மோட்டோகார்ப் நிறுவனம் 2022 செப்டம்பர் மாதத்திற்கான வாகன விற்பனை விவரங்களை வெளியிட்டு உள்ளது. அதன்படி ஆகஸ்ட் 2022 மாதத்துடன் ஒப்பிடும் போது செப்டம்பர் மாதத்தில் ஹீரோ மோட்டோகார்ப் நிறுவனத்தின் வாகன விற்பனை 12.4 சதவீதம் அதிகரித்து இருக்கிறது.

செப்டம்பர் மாதத்தில் மட்டும் ஹீரோ மோட்டோகார்ப்ப் நிறுவனம் 5 லட்சத்து 07 ஆயிரத்து 690 மோட்டார்சைக்கிள் மற்றும் ஸ்கூட்டர்களை உள்நாட்டில் விற்பனை செய்துள்ளது. இதுதவிர 12 ஆயிரத்து 290 யூனிட்களை வெளிநாடுகளுக்கு ஏற்றுமதி செய்து இருக்கிறது. ஒட்டுமொத்தமாக 5 லட்சத்து 19 ஆயிரத்து 980 யூனிட்களில் ஹீரோ நிறுவனம் 4 லட்சத்து 80 ஆயிரத்து 237 பைக்குகளையும், 39 ஆயிரத்து 743 ஸ்கூட்டர்களையும் விற்பனை செய்து இருக்கிறது.

2021 செப்டம்பர் மாதத்தில் ஹீரோ மோட்டோகார்ப் நிறுவனம் 10 ஆயிரத்து 366 யூனிட்கள் குறைவாக விற்பனை செய்துள்ளது. பண்டிகை காலம் துவங்க உள்ள நிலையில், ஹீரோ மோட்டோகார்ப் நிறுவனம் தனது முதல் எலெக்ட்ரிக் ஸ்கூட்டரை இந்திய சந்தையில் அறிமுகம் செய்வதற்கான பணிகளில் ஈடுபட்டு வருகிறது. அக்டோபர் 7 ஆம் தேதி விடா எனும் புது பிராண்டின் கீழ் ஹீரோ நிறுவனத்தின் முதல் எலெக்ட்ரிக் ஸ்கூட்டர் அறிமுகம் செய்யப்பட உள்ளது.

புதிய எலெக்ட்ரிக் ஸ்கூட்டர் வெளியீட்டை உணர்த்தும் டீசர்கள் சமூக வலைதளங்களில் வெளியிடப்பட்டு வருகின்றன. அதன்படி விடா எலெக்ட்ரிக் ஸ்கூட்டர் மாடலில் கழற்றும் வசதி கொண்ட பேட்டரி வழங்கப்படுகிறது. இது மட்டுமின்றி அமெரிக்காவை சேர்ந்த எலெக்ட்ரிக் மோட்டார்சைக்கிள் உற்பத்தியாளரான ஜீரோ உடன் ஹீரோ கூட்டணி அமைத்து இருக்கிறது. இதன் மூலம் இரு நிறுவனங்கள் இணைந்து எலெக்ட்ரிக் மோட்டார்சைக்கிளை அறிமுகம் செய்ய உள்ளன.

ஜாவா மோட்டார்சைக்கிள்ஸ் நிறுவனம் இந்திய சந்தையில் புதிய ஜாவா 42 பாபர் மாடலை அறிமுகம் செய்து இருக்கிறது. இந்த மோட்டார்சைக்கிள் விலை ரூ. 2 லட்சத்து 06 ஆயிரத்து 500 என விலை நிர்ணயம் செய்யப்பட்டு உள்ளது. புதிய பாபர் மாடல் மூன்று விதமான நிறங்களில் கிடைக்கிறது. இவற்றின் விலை அதன் நிறத்திற்கு ஏற்ப மாறுபடும்.

விலை விவரங்கள்:

மிஸ்டிக் காப்பர் ரூ. 2 லட்சத்து 06 ஆயிரத்து 500

மூன்ஸ்டோன் வைட் ரூ. 2 லட்சத்து 07 ஆயிரத்து 500

ஜாஸ்பர் ரெட் (டூயல் டோன்) ரூ. 2 லட்சத்து 09 ஆயிரத்து 187

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

ஸ்டைலிங்கை பொருத்தவரை புதிய ஜாவா 42 பாபர் மாடலில் வட்ட வடிவிலான ஹெட்லேம்ப், கிளாக் கன்சோல், புதிய ஹேண்டில்பார், பார்-எண்ட் மிரர்கள், புதிய வடிவம் கொண்ட பியூவல் டேன்க், டேன்க் பேட்கள், ரி-டிசைன் செய்யப்பட்ட சீட் வழங்கப்பட்டு இருக்கிறது. இத்துடன் சாப்டு ஃபெண்டர்கள், லோ-சிங்கில் சீட் மற்றும் அகலமான டயர்கள் வழங்கப்பட்டுள்ளன.

இந்த மோட்டார்சைக்கிளில் 334சிசி, சிங்கில் சிலிண்டர் என்ஜின் வழங்கப்பட்டு இருக்கிறது. இத்துடன் 6 ஸ்பீடு கியர்பாக்ஸ் வழங்கப்பட்டு இருக்கிறது. இந்த என்ஜின் 30.2 ஹெச்பி பவர், 32.74 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இத்துடன் ஃபுல் எல்இடி லைட்டிங், டிஜிட்டல் இன்ஸ்ட்ரூமெண்ட் கிளஸ்டர், ரிவைஸ்டு ஸ்விட்ச் கியர், டூயல் சேனல் ஏபிஎஸ் வழங்கப்பட்டு இருக்கிறது.

ஹார்டுவேர் அம்சங்களை பொருத்தவரை புதிய ஜாவா 42 பாபர் மாடலில் டிஸ்க் பிரேக்குகள், டெலிஸ்கோபிக் முன்புற போர்க்குகள், பின்புறம் மோனோ ஷாக் யூனிட் மற்றும் வயர் ஸ்போக் வீல்கள் வழங்கப்பட்டுள்ளன.

ஜிடி போர்ஸ் நிறுவனத்தின் இரண்டு எலெக்ட்ரிக் ஸ்கூட்டர் மாடல்கள் இந்திய சந்தையில் அறிமுகம் செய்யப்பட்டு உள்ளன. இரு ஸ்கூட்டர்களும் குறைந்த வேகத்தில் செல்லும் வகையில் உருவாக்கப்பட்டுள்ளன. ஜிடி போர்ஸ் நிறுவனத்தின் எலெக்ட்ரிக் ஸ்கூட்டர்கள்- ஜிடி சோல் வேகாஸ் மற்றும் ஜிடி டிரைவ் ப்ரோ பெயரில் அறிமுகமாகி உள்ளன. இவற்றின் விலை முறையே ரூ. 47 ஆயிரத்து 370 மற்றும் ரூ. 67 ஆயிரத்து 290 என நிர்ணயம் செய்யப்பட்டு உள்ளன.

புதிய ஜிடி சோல் வேகாஸ் மாடல் லீட் ஆசிட் பேட்டரி மற்றும் லித்தியம் அயன் பேட்டரி என இரண்டு விதமான வேரியண்ட்களில் கிடைக்கிறது. ஜிடி சோல் வேகாஸ் லெக்ட்ரிக் ஸ்கூட்டரின் லித்தியம் அயன் பேட்டரி மாடலின் விலை லீட் ஆசிட் வேரியண்டை விட அதிகமாக நிர்ணயம் செய்யப்பட்டு உள்ளது. ஜிடி சோல் வேகாஸ் லித்தியம் அயன் பேட்டரி பேக் விலை ரூ. 63 ஆயிரத்து 641 என நிர்ணயம் செய்யப்பட்டுள்ளது. இந்த ஸ்கூட்டரை முழு சார்ஜ் செய்தால் 65 கிலோமீட்டர் வரையிலான ரேன்ஜ் கொண்டிருக்கிறது.

ஜிடி சோல் பிளஸ் எலெக்ட்ரிக் ஸ்கூட்டர் லீட் ஆசிட் பேட்டரி வேரியண்ட் முழு சார்ஜ் செய்தால் 60 கிலோமீட்டர் வரை செல்லும் திறன் கொண்டிருக்கிறது. இந்த பேட்டரியை முழுமையாக சார்ஜ் செய்ய 8 மணி நேரம் ஆகும். இந்த ஸ்கூட்டரின் எடை 95 கிலோ ஆகும். இது ஜிடி சோல் வேகாஸ் லித்தியம் அயன் பேட்டரி பேக் மாடலை விட 7 கிலோ வரை எடை அதிகம் ஆகும்.

ஜிடி சோல் வேகாஸ் எலெக்ட்ரிக் ஸ்கூட்டர் கிளாசி ரெட், கிரே மற்றும் ஆரஞ்சு என மூன்று விதமான நிறங்களில் கிடைக்கிறது. இந்த ஸ்கூட்டரில் ஆண்டி-தெஃப்ட் அலாரம், ரிவர்ஸ் மோட், குரூயிஸ் கண்ட்ரோல், சிஸ்டம், இக்னிஷன் லாக் ஸ்டார்ட், ஹைட்ராலிக் டெலிஸ்கோபிக் முன்புற சஸ்பென்ஷன், டூயல் டியூப் தொழில்நுட்பம் வழங்கப்பட்டுள்ளன. ஜிடி டிரைவ் ப்ரோ மாடலின் லித்தியம் அயன் பேட்டரி பேக் மாடல் விலை ரூ. 82 ஆயிரத்து 751 ஆகும். இந்த ஸ்கூட்டர் 75 கிலோமீட்டர் ரேன்ஜ் வழங்குகிறது.