பைக்

பஜாஜ் ஆட்டோ நிறுவனம் இந்திய சந்தையில் புதிய பல்சர் P150 மோட்டார்சைக்கிளை அறிமுகம் செய்து இருக்கிறது. புதிய பல்சர் P150 மாடல் சிங்கில் டிஸ்க் மற்றும் ட்வின் டிஸ்க் என இரண்டு வேரியண்ட்களில் கிடைக்கிறது. இவற்றின் விலை ரூ. 1 லட்சத்து 67 ஆயிரத்து 755 என துவங்குகிறது. இதன் சிங்கில் டிஸ்க் வேரியண்ட் சிங்கில் பீஸ் சாடில், ஃபிளாட் ஹேண்டில்பார் கொண்டிருக்கிறது.

இதன் ட்வின் டிஸ்க் வெர்ஷன் ஸ்ப்லிட் ஸ்டைல் சாடில், க்ளிப் ஆன் ஹேண்டில்பார் கொண்டிருக்கிறது. இதன் விலை ரூ. 1 லட்சத்து 19 ஆயிரத்து 757 என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

புதிய பல்சர் P150 மாடலின் ஸ்டைலிங் பல்சர் N250 மற்றும் N160 மாடலை தழுவி உருவாக்கப்பட்டு இருக்கிறது. டிசைன் அம்சங்களை பொருத்தவரை டிண்ட் செய்யப்பட்ட விண்ட்ஸ்கிரீன், பாடி கலர் ஹெட்லைட் கவுல், பாடி கலர் என்ஜின் கவுல் கொண்டிருக்கிறது. ட்வின் டிஸ்க் வெர்ஷனில் ஸ்ப்லிட் ஸ்டைல் பில்லியன் கிராப் ரெயில் கொண்டிருக்கிறது.

மெக்கானிக்கல் அம்சங்களை பொருத்தவரை 149.68சிசி, சிங்கில் சிலிண்டர் என்ஜின் வழங்கப்பட்டு இருக்கிறது. இந்த என்ஜின் 14.5 ஹெச்பி பவர், 13.5 நியூட்டன் மீட்டர் டார்க் இழுவிசையை வெளிப்படுத்துகிறது. இந்த மாடலின் 90 சதவீத டார்க் பயன்படுத்தக்கூடிய RPM-இல் கிடைக்கும் என பஜாஜ் ஆட்டோ தெரிவித்து இருக்கிறது.

பஜாஜ் பல்சர் P150 இரண்டு வேரியண்ட்களும் - ரேசிங் ரெட், கரீபியன் புளூ, எபோனி பிளாக் ரெட், எபோனி பிளாக் புளூ மற்றும் எபோனி பிளாக் வைட் என ஐந்து வித நிறங்களில் கிடைக்கிறது. இந்த மோட்டார்சைக்கிள் முதற்கட்டமாக கொல்கத்தாவில் அறிமுகமாகி இருக்கிறது. வரும் நாட்களில் நாட்டின் மற்ற பகுதிகளிலும் இந்த மாடல் கிடைக்கும்.

தொழில்நுட்ப ஸ்டார்ட்-அப் நிறுவனம் மேட்டர், இந்தியாவில் முதல் முறையாக மேனுவல் கியர்பாக்ஸ் கொண்ட எலெக்ட்ரிக் மோட்டார்சைக்கிளை அறிமுகம் செய்து இருக்கிறது. இந்த எலெக்ட்ரிக் மோட்டார்சைக்கிள் பெயர் அறிவிக்கப்படவில்லை. எனினும், இதன் விவரங்கள் மட்டும் வெளியாகி இருக்கிறது. மேலும் இந்த மாடல் எப்போது வெளியாகும் என்ற விவரங்களும் மர்மமாகவே உள்ளது.

மேட்டர் நிறுவனத்தின் எலெக்ட்ரிக் மோட்டார்சைக்கிள் விலை மற்றும் இதர விவரங்கள் அடுத்த ஆண்டு நடைபெற இருக்கும் 2023 ஆட்டோ எக்ஸ்போ நிகழ்வில் அறிவிக்கப்படும் என எதிர்பார்க்கலாம். இந்த மோட்டார்சைக்கிள் நேக்கட் ஸ்டைல் மற்றும் ஷார்ப் டிசைன் கொண்டிருக்கிறது. இதில் ஆங்குலர் கேசிங்கில் எல்இடி ஹெட்லேம்ப்கள் வழங்கப்பட்டுள்ளன. இதன் பாடி முழுக்க ரேஸ் நம்பர்கள் கிராஃபிக்ஸ்-ஆக வழங்கப்பட்டு இருக்கிறது.

இந்த மோட்டார்சைக்கிளில் 7 இனஅச் டச் ஸ்கிரீன் வசதி கொண்ட இன்ஃபோடெயின்மெண்ட் டிஸ்ப்ளே, கனெக்டெட் ஸ்கிரீன் ரிமோட் லாட் / அன்-லாக், ஜியோஃபென்சிங், லைவ் லொகேஷன் டிராக்கிங், வெஹிகில் ஹெல்த் மாணிட்டரிங், சார்ஜிங் விவரங்கள், புஷ் நேவிகேஷன் என ஏராளமான அம்சங்களை கொண்டிருக்கிறது. இத்துடன் கீலெஸ் ஸ்டார்ட் வசதியை கொண்டிருக்கிறது. இதன் இருபுறமும் டிஸ்க் பிரேக் மற்றும் ஏபிஎஸ் வழங்கப்பட்டுள்ளது.

புதிய மேட்டர் எலெக்ட்ரிக் மோட்டார்சைக்கிள் 10.5 கிலோவாட் மோட்டார் கொண்டிருக்கிறது. இத்துடன் "ஹைப்பர்ஷிஃப்ட்" மேனுவல் கியர்பாக்ஸ் வழங்கப்படுகிறது. இது மோட்டார்சைக்கிள் திறனை அதிகப்படுத்தி, வேறு எந்த மாடலும் வழங்காத ரேன்ஜ் வழங்கும் என மேட்டர் நிறுவனம் தெரிவித்து இருக்கிறது. இத்துடன் 5 கிலோவாட் ஹவர் மேட்டர் எனர்ஜி 1.0 பேட்டரி பேக் வழங்கப்பட்டு இருக்கிறது.

இந்த மோட்டார்சைக்கிள் திறன் பற்றி இதுவரை எந்த தகவலும் இல்லை. எனினும், இதன் பவர்பேக் உடன் லிக்விட் கூலிங் தொழில்நுட்பம் வழங்கப்பட்டு இருக்கிறது. இது ரோட்டார் மற்றும் ஸ்டேட்டர்-ஐ குளிர்ச்சியூட்டும். இதன் டிரைவ்டிரெயின் மேட்டர் நிறுவன ஆலையில் மிக கடுமையான சோதனைகளுக்கு உட்படுத்தப்பட்டு இருக்கிறது. இந்த மாடலுடன் 1 கிலோவாட் இண்டெலிஜெண்ட் சார்ஜர் வழங்கப்படுகிறது.

இந்த சார்ஜர் மேட்டர்சார்ஜ் 1.0 என அழைக்கப்படுகிறது. இதை கொண்டு மோட்டார்சைக்கிளை எந்த விதமான 5A, 3-பின் பிளக் பாயிண்ட் மூலம் சார்ஜ் செய்து கொள்ளலாம். இந்த சார்ஜர் மோட்டார்சைக்கிளை ஐந்து மணி நேரத்தில் முழுமையாக சார்ஜ் செய்து விடும். இது ஒவர் சார்ஜ் ப்ரோடெக்‌ஷன் தொழில்நுட்பம் கொண்டிருக்கிறது. இந்த மோட்டார்சைக்கிள் ஃபாஸ்ட் சார்ஜிங் வசதியை சப்போர்ட் செய்யும் என்றும் தெரிவிக்கப்பட்டு இருக்கிறது. 

ராயல் என்பீல்டு நிறுவனத்தின் ரைடர் மேனியா இரண்டு ஆண்டுகள் இடைவெளிக்கு பின் மீண்டும் நடைபெற்று வருகிறது. 2022 ரைடர் மேனியா நிகழ்வு கோவாவில் மூன்று நாட்கள் நடைபெற்றது. இதில் ராயல் என்பீல்டு நிறுவனம் முற்றிலும் புதிய சூப்பர் மீடியோர் 650 மோட்டார்சைக்கிளை காட்சிப்படுத்தி இருந்தது. மேலும் இந்த மோட்டார்சைக்கிள் அனைத்து நிறங்களும் இந்தியாவில் விற்பனை செய்யப்படும் என ராயல் என்பீல்டு அறிவித்து இருந்தது.

சூப்பர் மீடியோர் 650 மாடலை அறிமுகம் செய்தது மட்டுமின்றி ராயல் என்பீல்டு நிறுவனம் குறைந்த விலையில் கிளாசிக் 500 மோட்டார்சைக்கிளையும் அறிமுகம் செய்து இருக்கிறது. இது 1:3 லிமிடெட் எடிஷன் கிளாசிக் கலெக்டபில் மாடல் ஆகும். இந்திய சந்தையில் புதிய மாடலின் விலை ரூ. 67 ஆயிரத்து 990 ஆகும். இதற்கான முன்பதிவு துவங்கி நடைபெற்று வருகிறது. முன்பதிவு கட்டணம் ரூ. 2 ஆயிரம் ஆகும்.

புதிய ராயல் என்பீல்டு கிளாசிக் 500 கலெக்டபில் மாடல் 18 வெவ்வேறு நிறங்களில் கிடைக்கிறது. இதற்கான முன்பதிவு ரைடர் மேனியா நிகழ்ச்சியில் மட்டுமே நடைபெறுகிறது. முதற்கட்டமாக எட்டு நிறங்களுக்கான முன்பதிவு மட்டுமே நடைபெற்று வருகிறது. கிளாசிக் 350 மாடல் 15 நிறங்களில் கிடைக்கிறது.

விலை விவரங்கள்:

ராயல் என்பீல்டு கிளாசிக் 500 ரெடிட்ச் கிரே நிறம், சிங்கில் சேனல் ஏபிஎஸ் மாடல் விலை ரூ. 1 லட்சத்து 87 ஆயிரத்து 346 என நிர்ணயம் செய்யப்பட்டு உள்ளது. இந்த சீரிசில் டாப் எண்ட் மாடல் க்ரோம் பிரான்ஸ், டூயல் சேனல் ஏபிஎஸ் விலை ரூ. 2 லட்சத்து 18 ஆயிரத்து 450 என நிர்ணயம் செய்யப்பட்டுள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

கிளாசிக் 500 மேட்டார்சைக்கிளின் மினியச்சர் மாடல் அதன் அம்சங்கள் மற்றும் ஸ்டைலிங்கில் விசேஷ கவனம் செலுத்தப்பட்டு உள்ளது. இதில் ரைடருக்கான இருக்கை, வயர் ஸ்போக் வீல்கள், பீஷூட்டர் எக்சாஸ்ட் வழங்கப்பட்டு இருக்கிறது. இது லிமிடெட் எடிஷன் மாடல் ஆகும். எனினும், இந்த மாடல் எத்தனை யூனிட்கள் விற்பனை செய்யப்பட இருக்கின்றன என்ற விவரங்கள் இதுவரை அறிவிக்கப்படவில்லை.

கேடிஎம் நிறுவனம் சமீபத்தில் அறிமுகம் செய்த 2023 RC 8C லிமிடெட் எடிஷன் மாடல் விற்பனை துவங்கிய 2 நிமிடம் 38 நொடிகளில் முழுமையாக விற்றுத் தீர்ந்தது. டிராக் பயன்பாட்டிற்காகவே உருவாக்கப்பட்டு இருக்கும் லிமிடெட் எடிஷன் மாடல் மொத்தத்திலேயே 200 யூனிட்கள் தான் உற்பத்தி செய்யப்பட்டன.

மிக குறுகிய காலக்கட்டத்திற்குள் விற்பனையாகி போன 200 யூனிட்களில், 30 பேர் தங்களின் 2023 கேடிஎம் RC 8C மாடலை ஸ்பெயின் நாட்டில் உள்ள வலென்சியாவில் நடைபெறும் சிறப்பு நிகழ்ச்சியில் டெலிவரி எடுத்துக் கொள்வதாக தெரிவித்து உள்ளனர். முன்பதிவுகள் எந்த நேரத்திலும் ரத்து செய்யப்படும் பட்சத்தில் மறு விற்பனைக்காக ஆன்லைன் காத்திருப்போர் பட்டியலை கேடிஎம் உருவாக்கி இருக்கிறது.

2023 கேடிஎம் RC 8C மாடல் அதன் முந்தைய வெர்ஷனை விட ஏராளமான மாற்றங்களை பெற்று இருக்கிறது. இதில் புதிய பெயிண்ட், ஏரோ பேக்கேஜ் ட்வீக், மேம்பட்ட எலெக்ட்ரிக் அம்சங்கள், எடையை குறைக்கும் புதிய பாகங்கள், உயர் ரக பாகங்கள் வழங்கப்பட்டுள்ளன. இதில் உள்ள என்ஜின் ட்வீக் செய்யப்பட்டு அதிக செயல்திறன் வழங்கும் வகையில் ரி-டியூன் செய்யப்பட்டு உள்ளது.

இதன் காரணமாக 2023 கேடிஎம் RC 8C மாடலில் உள்ள என்ஜின் 133 ஹெச்பி பவர், 98 நியூட்டன் மீட்டர் டார்க் இழுவிசையை வெளிப்படுத்துகிறது. இது முந்தைய மாடலில் இருப்பதை விட 6.9 ஹெச்பி அதிகம் ஆகும். அதிக செயல்திறன் கிடைக்கச் செய்வதற்காக புதிதாக டைட்டானியம் வால்வுகள், கான்ராட்கள், இரு பிஸ்டன் ரிங்குகள், அதிக கம்ப்ரெஷன் ரேஷியோ, பெரிய திராடிள் பாடி, ஃபியூவல் பம்ப் / பிரெஷர் உள்ளிட்டவை வழங்கப்பட்டு இருக்கிறது.

எலெக்ட்ரிக் அம்சங்களை பொருத்தவரை 2023 கேடிஎம் RC 8C மாடலில் டிராக்‌ஷன் கண்ட்ரோல், மேப்பிங், என்ஜின் பிரேக்கிங் போன்ற வசதிகள் உள்ளன. இத்துடன் ஸ்டீரிங் ஹெட், திராடிள் ரெஸ்பான்ஸ் -ஐ அட்ஜஸ்ட் செய்யும் வசதி வழங்கப்பட்டு இருக்கிறது. இதன் காக்பிட்-இல் மேம்பட்ட டேஷ்போர்டு, ஜிபிஎஸ், கேடிஎம் RC16 மாடலில் உள்ளதை போன்ற டிரைவ்டு ஹேண்டில்பார் ஸ்விட்ச்கள் வழங்கப்பட்டுள்ளன.

கியூஜெ மோட்டார் நிருவனம் இந்திய சந்தையில் SRC250 ரெட்ரோ ரோட்ஸ்டர், SRC500, SRV300 குரூயிசர், SRK400 ஸ்போர்ட் நேக்கட் என நான்கு மோட்டார்சைக்கிள் மாடல்களை அறிமுகம் செய்து இருக்கிறது. இவற்றின் விலை ரூ. 1 லட்சத்து 99 ஆயிரம் என துவங்குகிறது.

புதிய கியூஜெ SRC250 மாடல் டிவிஎஸ் அபாச்சி RTR 160 4V மாடலுக்கு போட்டியாக அறிமுகமாகி இருக்கிறது. இதில் 249சிசி, பேரலெல் ட்வின் என்ஜின் வழங்கப்பட்டு இருக்கிறது. இந்த என்ஜின் 17.4 ஹெச்பி பவர், 17 நியூட்டன் மீட்டர் டார்க் இழுவிசையை வெளிப்படுத்துகிறது.

கியூஜெ SRC500 மாடலில் 480சிசி, சிங்கில் சிலிண்டர் என்ஜின் வழங்கப்பட்டு இருக்கிறது. இந்த என்ஜின் 25.5 ஹெச்பி பவர், 36 நியூட்டன் மீட்டர் டார்க் இழுவிசையை வெளிப்படுத்துகிறது. இந்த மோட்டார்சைக்கிள் ஒட்டுமொத்த எடை 250 கிலோ ஆகும். இதன் விலை ரூ. 2 லட்சத்து 59 ஆயிரம், எக்ஸ்-ஷோரூம் ஆகும்.

குரூயிசர் மாடலான கியூஜெ SRV300 மாடலில் 296சிசி, வி-ட்வின் லிக்விட் கூல்டு என்ஜின் வழங்கப்படுகிறது. இந்த என்ஜின் 30.3 ஹெச்பி பவர், 26 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இதன் விலை ரூ. 3 லட்சத்து 49 ஆயிரம், எக்ஸ்-ஷோரூம் ஆகும்.

கியூஜெ SRK400 மாடலில் 400சிசி, லிகவிட் கூல்டு பேரலல் ட்வின் என்ஜின் வழங்கப்பட்டு இருக்கிறது. இந்த என்ஜின் 40.9 ஹெச்பி பவர், 37 நியூட்டன் மீட்டர் டார்க் இழுவிசையை வெளிப்படுத்துகிறது. இதன் விலை ரூ. 3 லட்சத்து 59 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. இது இந்திய சந்தையில் கியூஜெ மோட்டார் நிறுவனத்தின் சக்திவாயந்த மாடல் ஆகும்.

ஒலா எலெக்ட்ரிக் நிறுவனம் இந்தியாவில் அறிமுகம் செய்ய புது எலெக்ட்ரிக் பைக்கை உருவாக்கி வருவதாக தெரிகிறது. புதிய ஒலா எலெக்ட்ரிக் பைக் அல்ட்ராவைலட் F77 மாடலுக்கு போட்டியாக அமையும் என கூறப்படுகிறது. ஒலா எலெக்ட்ரிக் நிறுவன தலைமை செயல் அதிகாரி பாவிஷ் அகர்வால் ஸ்போர்ட் ரைடிங் ஸ்டைல் கொண்ட எலெக்ட்ரிக் பைக்-ஐ அறிமுகம் செய்ய திட்டமிட்டு இருப்பதாக ஏற்கனவே அறிவித்து இருந்தார்.

இதன் தொடர்ச்சியாக பாவிஷ் அகர்வால் தனது ட்விட்டரில் பொது மக்களிடம் எந்த மாதிரியான பைக் ஸ்டைல் உங்களுக்கு பிடிக்கும் என்ற கேள்வி அடங்கிய கருத்துக் கணிப்பு முடிவுகளை வெளியிட்டு இருக்கிறார். அதில் 47.1 சதவீதம் பேர் ஸ்போர்ட்ஸ் மாடலை விரும்புவதாக தெரிவித்துள்ளனர். மீதமுள்ள 27.7 சதவீதம் பேர் குரூயிசர் மாடலையும், 15.1 சதவீதம் பேர் அட்வென்ச்சர் மாடலையும், 10.1 சதவீதம் பேர் கஃபே ரேசர் மாடலை விரும்புவதாக பதில் அளித்துள்ளனர்.

சமீபத்தில் தான் ஒலா எலெக்ட்ரிக் நிறுவனம் இந்திய சந்தையில் தனது குறைந்த விலை எலெக்ட்ரிக் ஸ்கூட்டரை அறிமுகம் செய்தது. ஒலா S1 ஏர் பெயரில் அறிமுகமான புது ஸ்கூட்டர் கடந்த மாதம் அறிமுகம் செய்யப்பட்டது குறிப்பிடத்தக்கது. திடீரென ஒலா எலெக்ட்ரிக் சிஇஒ எலெக்ட்ரிக் பைக் பற்றிய கருத்துக் கணிப்பு முடிவுகளை வெளியிட்டு இருப்பது, வாடிக்கையாளர்கள் மத்தியில் எதிர்பார்ப்பை ஏற்படுத்தி இருக்கிறது.

மேலும் ஒலா எலெக்ட்ரிக் நிறுவனம் அல்ட்ராவைலட் F77 எலெக்ட்ரிக் ஸ்போர்ட்-பைக் மாடலுக்கு போட்டியாக புது எலெக்ட்ரிக் ஸ்போர்ட்-பைக்கை அறிமுகம் செய்யலாம் என்றும் கூறப்படுகிறது. முன்னதாக ஒலா எலெக்ட்ரிக் தலைமை செயல் அதிகாரி எலெக்ட்ரிக் மோட்டார்சைக்கிள் பிரிவில் களமிறங்க விருப்பம் தெரிவித்து இருந்ததும் குறிப்பிடத்தக்கது.

கவாசகி இந்தியா நிறுவனம் மேம்பட்ட நின்ஜா 650 மோட்டார்சைக்கிளை இந்திய சந்தையில் அறிமுகம் செய்து இருக்கிறது. 2023 கவாசகி நின்ஜா 650 விலை ரூ. 7 லட்சத்து 12 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. புதிய மாடல் அதன் முந்தைய வெர்ஷனை விட அதிகளவு மேம்படுத்தப்பட்டு இருக்கிறது.

2023 கவாசகி நின்ஜா 650 மாடலின் டிசைன் மற்றும் ஸ்டைலிங் மட்டும் முந்தைய மாடலில் இருப்பதை போன்றே வழங்கப்பட்டு இருக்கிறது. இதன் முன்புறம் கூர்மையான முகம், ஸ்ப்லிட் எல்இடி ஹெட்லைட், டிரான்ஸ்பேரண்ட் விண்ட்ஸ்கிரீன் வழங்கப்பட்டு உள்ளது. மேலும் இதில் கவாசகி டிராக்‌ஷன் கண்ட்ரோல் சிஸ்டம் (KRTC) வழங்கப்பட்டு இருக்கிறது. இது KRTC 2-லெவல் சிஸ்டம் கொண்டுள்ளது. மேலும் இதை முழுமையாக ஆஃப் செய்ய முடியும்.

புதிய மாடலிலும் 649சிசி, பேரலெல் ட்வின் மோட்டார் வழங்கப்பட்டு இருக்கிறது. இந்த என்ஜின் 67 ஹெச்பி பவர், 64 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு கியர்பாக்ஸ் வழங்கப்பட்டு இருக்கிறது. எல்இடி இலுமினேஷன், டிராக்‌ஷன் கண்ட்ரோல் மட்டுமின்றி 2023 மாடலில் 4.3 இன்ச் TFT ஸ்கிரீன், கவாசகி ரைடாலஜி செயலி மூலம் ஸ்மார்ட்போன் கனெக்டிவிட்டி வழங்கப்பட்டு இருக்கிறது.

பஜாஜ் ஆட்டோ நிறுவனம் இந்தியாவில் பல்சர் 125 கார்பன் ஃபைபர் எடிஷனை அறிமுகம் செய்துள்ளது. புதிய கார்பன் எடிஷன் சிங்கில் சீட் மற்றும் ஸ்ப்லிட் சீட் என இரண்டு வேரியண்ட்களிலும் கிடைக்கிறது. இந்த மாடல் புளூ மற்றும் ரெட் என இரண்டு வித நிறங்களில் கிடைக்கிறது.

புதிய பஜாஜ் பல்சர் 125 கார்பன் ஃபைபர் எடிஷன் சிங்கில் சீட் விலை ரூ. 89 ஆயிரத்து 254 என்றும் ஸ்ப்லிட் சீட் வெர்ஷன் விலை ரூ. 91 ஆயிரத்து 642 என்றும் நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது. இரண்டு வித நிறங்களிலும் பிளாக் பேஸ் நிறமாக வழங்கப்பட்டு இருக்கிறது. இதன் ஹெட்லைட் கௌல், பியூவல் டேன்க் மற்றும் ஷிரவுட்கள், என்ஜின் கௌல், ரியல் பேனல், வீல் ஸ்டிரைப் உள்ளிட்டவைகளில் கிராபிக்ஸ் உள்ளது.

கார்பன் ஃபைபர் கிராபிக்ஸ் பெல்லி பேன், முன்புற ஃபெண்டர், டேன்க், ரியர் கௌல் உள்ளிட்டவைகளில் இடம்பெற்று இருக்கிறது. இதன் ஒட்டுமொத்த டிசைனில் எவ்வித மாற்றமும் மேற்கொள்ளப்படவில்லை. அந்த வகையில் சிங்கில்-பாட் ஹெட்லைட், ட்வின் டிஆர்எல்கள், மஸ்குலர் ஃபியூவல் டேன்க், போல்டெட் ஷிரவுட்கள், சைடு ஸ்லங் எக்சாஸ்ட் வழங்கப்பட்டு இருக்கிறது.

மெக்கானிக்கல் அம்சங்களிலும் எந்த மாற்றமும் செய்யப்படவில்லை. இந்த மாடலிலும் 124.4சிசி, சிங்கில் சிலிண்டர் என்ஜின் வழங்கப்பட்டு இருக்கிறது. இந்த என்ஜின் 11.64 ஹெச்பி பவர், 10.80 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 5 ஸ்பீடு கியர்பாக்ஸ் வழங்கப்பட்டுள்ளது.

பிஎம்டபிள்யூ மோட்டராட் நிறுவனம் 2023 R 1250 RS ஸ்போர்ட்ஸ் டூரர் மோட்டார்சைக்கிளை சர்வதேச சந்தையில் அறிமுகம் செய்து இருக்கிறது. 2023 பிஎம்டபிள்யூ R 1250 RS மாடலில் புதிய ஸ்டாண்டர்டு அம்சங்கள், விரும்புவோர் தேர்வு செய்யும் வகையில் கூடுதல் அம்சங்கள் வழங்கப்பட்டு இருக்கிறது. இவை ஸ்போர்ட்ஸ் டூரர் மாடலின் திறன்களை மேம்படுத்தும்.

மெக்கானிக்கல் அம்சங்களை பொருத்தவரை புதிய பிஎம்டபிள்யூ R 1250 RS மாடலில் யூரோ 5 விதிகளுக்கு பொருந்தும் 1254சிசி, ட்வின் சிலிண்டர் பாக்சர் என்ஜின் வழங்கப்பட்டு இருக்கிறது. இந்த என்ஜின் 136 ஹெச்பி பவர், 143 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் பிஎம்டபிள்யூ ஷிப்ட்கேம் தொழில்நுட்பம் வழங்கப்பட்டு இருக்கிறது.

எலெக்ட்ரிக் பிரிவில் டைனமிக் டிராக்‌ஷன் கண்ட்ரோல், புதிய "Eco" டிரைவிங் மோட் ஸ்டாண்டர்டு அம்சமாக வழங்கப்பட்டு இருக்கிறது. இதுதவிர பிஎம்டபிள்யூ இண்டெக்ரல் ஏபிஎஸ் ப்ரோ, டைனமிக் பிரேக் கண்ட்ரோல் உள்ளிட்ட அம்சங்களும் வழங்கப்பட்டுள்ளன. ஃபுல் எல்இடி லைட்டிங், கலர் டிஎப்டி டிஸ்ப்ளே, யுஎஸ்பி சாக்கெட் மற்றும் இண்டெலிஜண்ட் எமர்ஜன்சி கால் வசதி உள்ளது.

ரைடிங் மோட்ஸ் ப்ரோ மற்றும் ரைடிங் மோட் பிரீசெலக்‌ஷன், என்ஜின் டிரேக் கண்ட்ரோல், ஹீடெட் சீட்கள், டியூப் ஹேண்டில்பார்கள் ஆப்ஷனல் உபகரணங்களாக வழங்கப்பட்டுள்ளன. இத்துடன் மெல்லிய ட்வின் பாட் ஹெட்லைட், ஃபுல் ஃபேரிங், அட்ஜஸ்ட் செய்யக்கூடிய விண்ட்ஸ்கிரீன், ஸ்ப்லிட்-ஸ்டைல் சீட், சைடு ஸ்லங் எக்சாஸ்ட், 17 இன்ச் அலாய் வீல்கள் வழங்கப்பட்டுள்ளன.

முதற்கட்டமாக இந்த மோட்டார்சைக்கிள் சர்வதேச சந்தையில் அறிமுகம் செய்யப்பட்டு இருக்கிறது. இதன் இந்திய வெளியீடு பற்றி இதுவரை எந்த அறிவிப்பும் வெளியாகவில்லை.

ஹோண்டா நிறுவனம் இந்திய சந்தையில் அறிமுகம் செய்ய புது பைக் மற்றும் ஸ்கூட்டர் மாடல்களை உருவாக்கி வருகிறது. இந்த வரிசையில் ஹோண்டாவின் புதிய கம்யுட்டர் ரக மோட்டார்சைக்கிள் இந்தியாவில் அறிமுகம் செய்யப்பட இருக்கிறது. ஹோண்டாவின் புதிய 100சிசி பைக் பற்றிய தகவல்கள் நீண்ட காலமாக வெளியாகி வருகின்றன. இந்த மாடல் ஹீரோ ஸ்பிலெண்டருக்கு போட்டியாக அறிமுகம் செய்யப்பட உள்ளது.

புதிய ஹோண்டா 100சிசி பைக் அடுத்த ஆண்டு துவக்கத்தில் விற்பனைக்கு வரும் என்றும் இது மிக குறைந்த விலையில் வெளியிடப்படும் என்றும் கூறப்படுகிறது. அந்த வகையில் 100சிசி பைக் விலை ரூ. 75 ஆயிரம் பட்ஜெட்டில் அறிமுகம் செய்யப்படலாம். இது நம்பத்தகுந்த கம்யுட்டர் ரக மோட்டார்சைக்கிள் ஆக இருக்கும். இந்த பைக் அன்றாட பயன்பாட்டிற்கு ஏற்ற டிசைன் மற்றும் குறைந்த எடை கொண்டிருக்கும்.

இதில் கன்வென்ஷனல் டெலிஸ்கோபிக் சஸ்பென்ஷன் செட்டப், பின்புறம் ட்வின் ஷாக் அப்சார்பர்கள் வழங்கப்படும். பிரேக்கிங்கிற்கு இருபுறமும் டிரம் பிரேக் மற்றும் கம்பைன்டு பிரேக்கிங் செட்டப் வழங்கப்படலாம். புது 100சிசி மோட்டார்சைக்கிள் வெளியீடு மட்டுமின்றி இந்திய சந்தையில் தனது விற்பனையகங்கள் எண்ணிக்கையை அதிகப்படுத்தவும் ஹோண்டா திட்டமிட்டு வருகிறது.

ஊரக பகுதிகளில் 11 புதிய டச்பாயிண்ட்களை சமீபத்தில் துவங்கிய ஹோண்டா, நகர்ப்புறங்களில் 119 கூடுதல் விற்பனை டீலர்களை நியமனம் செய்துள்ளது. இது மட்டுமின்றி 10 பெஸ்ட் டீல் அவுட்லெட்கள், 239 அதிகாரப்பூர்வ சர்வீஸ் மையங்களை ஹோண்டா திறந்து வைத்துள்ளது.

அமேசான் இந்தியா மற்றும் டிவிஎஸ் நிறுவனங்கள் இடையே புது கூட்டணி அமைக்கப்பட்டு இருக்கிறது. இரு நிறுவனங்கள் இடையே கையெழுத்தாகி இருக்கும் ஒப்பந்தத்தின் படி அமேசான் இந்தியா நிறுவனம் டிவிஎஸ் நிறுவன எலெக்ட்ரிக் ஸ்கூட்டர்களை டெலிவரி பணிகளில் பயன்படுத்த இருக்கிறது.

இந்திய சாலைகளில் 2025 வாக்கில் 10 ஆயிரம் எலெக்ட்ரிக் வாகனங்களை பயன்படுத்த அமேசான் திட்டமிட்டுள்ளது. அதன்படி இந்த ஒப்பந்தம் மூலம் திட்டத்தை செயல்படுத்த அமேசான் முடிவு செய்துள்ளது. எனினும், டெலிவரிக்கு பயன்படுத்தப்பட இருக்கும் ஐகியூப் மாடல்களின் சரியான வேரியண்ட் எது என்பது குறித்து இதுவரை எந்த தகவலும் வெளியிடப்படவில்லை.

டெலிவரி பணிகளுக்கு பயன்படுத்தப்பட இருப்பதால் அமேசான் நிறுவனம் எண்ட்ரி லெவல் ஐகியூப் மாடலை வாங்கலாம் என கூறப்படுகிறது. டெலிவரி செய்யும் ஊழியர்களுக்கு ஸ்கூட்டரில் உள்ள எல்லா வசதிகளும் பயன்தராது. எனினும், இவ்வாறு செய்யும் போது ரேன்ஜ் மற்றும் சார்ஜிங் நேரம் உள்ளிட்டவை கவலை அளிக்கும் பிரச்சினையாக இருக்கும்.

இதனை எதிர்கொள்ள டிவிஎஸ் நிறுவனம் அமேசானுக்காக அதிக ரேன்ஜ் மற்றும் செயல்திறன் வழங்கும் ஐகியூப் வேரியண்டை உருவாக்கலாம் என்றும் கூறப்படுகிறது. இரு நிறுவனங்கள் இடையே கையெழுத்தாகி இருக்கும் ஒப்பந்தம் காரணமாக இந்தியாவில் எலெக்ட்ரிக் வாகன பயன்பாடு மேலும் அதிகரிக்க செய்யும் என்றே தெரிகிறது.

இந்தியா கவாசகி மோட்டார் நிறுவனம் 2023 KX250 டர்ட் பைக்கை இந்திய சந்தையில் அறிமுகம் செய்து இருக்கிறது. புதிய கவாசகி KX250 விலை ரூ. 7 லட்சத்து 99 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. 2023 கவாசகி KX250 டர்ட் மாடல் பந்தய களத்துக்கான மாடல் என்பதால், இதனை பொது சாலைகளில் பயன்படுத்த அனுமதி இல்லை. இதன் காரணமாக இந்த பைக்கை பதிவு செய்ய வேண்டிய அவசியமும் இல்லை.

KX250 2023 மாடலில் ஏராளமான அப்டேட்கள் வழங்கப்பட்டுள்ளன. மேலும் இதன் செயல்திறன் முந்தைய மாடலை விட மேம்படுத்தப்பட்டு இருக்கிறது. அந்த வகையில் KX250 இதுவரை வெளியான மாடல்களை விட அதிக சக்திவாய்ந்த என்ஜின் கொண்டிருக்கிறது. புதிய கவாசகி KX250 மாடல் லைம் கிரீன் நிறத்தில் மட்டுமே கிடைக்கிறது. இது முழுமையாக உற்பத்தி செய்யப்பட்ட நிலையில் இந்தியா கொண்டுவரப்படுகிறது.

2023 கவாசகி KX250 மாடலில் 249சிசி, லிக்விட் கூல்டு, நான்கு சிலிண்டர்கள் கொண்ட என்ஜின் வழங்கப்பட்டு இருக்கிறது. இந்த என்ஜினில் ஃபிங்கர்-ஃபாலோவர் வால்வு ஆக்டுவேஷன், இண்டேக் மற்றும் எக்சாஸ்ட் போர்ட்களில் ரிவைஸ்டு பிராசஸிங் உள்ளது. இதில் ரிவைஸ்டு கிரான்க்-கேஸ் டிசைன் மற்றும் ஹைட்ராலிக் கிளட்ச் உள்ளிட்டவை வழங்கப்பட்டு இருக்கிறது. இத்துடன் புதிய KX250 மாடலில் புதிய கியரிங், ரிவைஸ்டு சஸ்பென்ஷன் செட்டிங் மற்றும் புதிய டயர்கள் வழங்கப்பட்டு உள்ளன.

இவை தவிர புது மாடலில் குறைந்த எடை மற்றும் அகலமான ஃபூட்பெக், நீண்ட எக்சாஸ்ட் ஹெடர் பைப், மேம்பட்ட இக்னிஷன் டைமிங் வழங்கப்பட்டு இருக்கிறது. இதில் உள்ள என்ஜின் லான்ச் கண்ட்ரோல் மற்றும் மூன்று என்ஜின் மேப் சாய்ஸ் கொண்டுள்ளது.