தொழில்நுட்பச் செய்திகள்

ஆப்பிள் நிறுவனத்தின் ஹை ஸ்பீடு நிகழ்வில் ஆப்பிள் நிறுவனம் ஏற்கனவே எதிர்பார்க்கப்பட்ட ஐந்து புதிய சாதனங்களை அறிமுகம் செய்து உள்ளது. ஹோம்பாட் மினி ஸ்மார்ட் ஸ்பீக்கர், ஐபோன் 12 மினி, ஐபோன் 12, ஐபோன் 12 ப்ரோ மற்றும் ஐபோன் 12 ப்ரோ மேக்ஸ் என உள்ளிட்டவைகளை ஆப்பிள் அறிமுகம் செய்து இருக்கிறது.

புதிய ஸ்மார்ட் ஸ்பீக்கர் மற்றும் ஐபோன்களில் சக்திவாய்ந்த பிராசஸர், நீண்ட பேட்டரி பேக்கப் மற்றும் வயர்லெஸ் சார்ஜிங் போன்ற வசதிகள் வழங்கப்பட்டு உள்ளன.

ஆப்பிள் ஹோம்பாட் மினி ஸ்மார்ட் ஸ்பீக்கரில் ஆப்பிள் எஸ்5 பிராசஸர், சிரி தொழில்நுட்பம் கொண்டு இயங்குகிறது. இது வீடு முழுக்க தலைசிறந்த ஆடியோ அனுபவத்தை சீராக வழங்கும் திறன் கொண்டுள்ளது. இத்துடன் 4 மைக்ரோபோன்கள் வழங்கப்பட்டுள்ளது.

இது ஹே சிரி சேவையின் அனுபவத்தை மேம்படுத்தும் திறன் கொண்டிருக்கிறது. இதில் உள்ள ஃபுல்-ரேன்ஜ் டிரைவரினை ஆப்பிள் பிரத்யேகமாக டியூன் செய்து விசேஷ வேவ்-கைடு வழங்குகிறது. இது 360 டிகிரி ஆடியோ வசதியை வழங்குகிறது.

இத்துடன் ஃபோர்ஸ்-கேன்சலிங் பேசிவ் ரேடியேட்டர்கள் வழங்கப்பட்டுள்ளன. ஹோம்பாட் மினி ஸ்பீக்கரில் பிரத்யேகமாக மூன்று மைக்ரோபோன்கள் வழங்கப்பட்டுள்ளன. இதில் இரண்டு ஹோம்பாட் மினி ஸ்பீக்கர்களை ஒருங்கிணைத்து ஸ்டீரியோ அனுபவத்தை வழங்குகிறது.

ஆப்பிள் ஹோம்பாட் மினி வைட் மற்றும் ஸ்பேஸ் கிரே என இரண்டு நிறங்களில் கிடைக்கிறது. இந்தியாவில் இதன் விலை ரூ. 9900 என நிர்ணயம் செய்யப்பட்டு உள்ளது. இதன் விற்பனை நவம்பர் 16 ஆம் தேதி துவங்க இருக்கிறது. 

புதிய ஐபோன் 12 மினி மற்றும் ஐபோன் 12 மாடல்களில் ஆப்பிள் ஏ14 பயோனிக் பிராசஸர் வழங்கப்பட்டு உள்ளது. இவற்றில் முறையே 5.4 இன்ச் மற்றும் 6.1 இன்ச் சூப்பர் ரெட்டினா எக்ஸ்டிஆர் டிஸ்ப்ளே வழங்கப்பட்டு உள்ளது. மேலும் இரு மாடல்களிலும் முதல் முறையாக 5ஜி வசதி வழங்கப்பட்டுள்ளது.

புகைப்படங்களை எடுக்க 12 எம்பி அல்ட்ரா வைடு கேமரா, 12 எம்பி வைடு கேமரா வழங்கப்பட்டு உள்ளது. இது குறைந்த வெளிச்சத்திலும் தெளிவான புகைப்படங்களை வழங்குகிறது. இத்துடன் ட்ரூ டெப்த் செல்பி கேமரா வழங்கப்பட்டு இருக்கிறது.

இந்தியாவில் ஐபோன் 12 மினி 64ஜிபி மாடல் விலை ரூ. 69,900, 128 ஜிபி மாடல் விலை ரூ. 74,900, 256 ஜிபி மாடல் விலை ரூ. 84,900 என நிர்ணயம் செய்யப்பட்டுள்ளது. ஐபோன் 12 64 ஜிபி மாடல் விலை ரூ. 79,900, 128 ஜிபி ரூ. 84,900 மற்றும் 256 ஜிபி மாடல் ரூ. 94,900 என நிர்ணயம் செய்யப்பட்டு உள்ளது. இவற்றின் விற்பனை நவம்பர் 13 ஆம் தேதி துவங்குகிறது.

ஐபோன் 12 ப்ரோ மற்றும் 12 ப்ரோ மேக்ஸ் மாடல்கள் 6.1 இன்ச் மற்றும் 6.7 இன்ச் OLED சூப்பர் ரெட்டினா எக்ஸ்டிஆர் டிஸ்ப்ளேக்கள், செராமிக் ஷீல்டு பாதுகாப்பு வழங்கப்பட்டுள்ளது. இரு மாடல்களிலும் ஆப்பிள் ஏ14 பயோனிக் பிராசஸர் வழங்கப்பட்டு இருக்கின்றன.

புகைப்படங்களை எடுக்க 12 எம்பி பிரைமரி கேமரா, 12 எம்பி அல்ட்ரா வைடு கேமரா மற்றும் 12 எம்பி டெலிபோட்டோ கேமரா வழங்கப்பட்டு இருக்கிறது. ஐபோன் 12 ப்ரோ மாடலில் ஹெச்டிஆர் வீடியோ மற்றும் டால்பி விஷன் வசதி வழங்கப்பட்டுள்ளன. இது ஸ்மார்ட்போன்களில் முதல் முறையாக வழங்கப்பட்டுள்ளன.

இத்துடன் லிடார் ஸ்கேனர் வழங்கப்பட்டுள்ளது. இது அதிக துல்லியமான ஏஆர் அனுபவங்களை வழங்குவதோடு, குறைந்த வெளிச்சங்களிலும் அதிக துல்லியமான புகைப்படங்களை எடுக்க வழிவகை செய்யும்.

இந்தியாவில் ஐபோன் 12 ப்ரோ மேக்ஸ் 128 ஜிபி மாடல் விலை ரூ. 129900 என்றும் 256 ஜிபி மாடல் ரூ. 139900 என்றும் 512 ஜிபி மாடல் விலை ரூ. 159900 என்றும் நிர்ணயம் செய்யப்பட்டு உள்ளது. இதன் விற்பனை நவம்பர் 13 ஆம் தேதி துவங்குகிறது.

ஆப்பிள் நிகழ்வு பற்றிய வீடியோ தமிழில்...,

ஸ்மார்ட்போன் சந்தையில் பெரிதும் எதிர்பார்க்கப்பட்ட ஐபோன் 12 சீரிஸ் மாடல்களை ஆப்பிள் அறிமுகம் செய்துவிட்டது. புதிய ஐபோன் 12 சீரிசில் டாப் எண்ட் மாடலான ஐபோன் 12 ப்ரோ மேக்ஸ் பல்வேறு அசத்தல் அப்டேட்களை பெற்று இருக்கிறது.

அந்த வகையில் இதன் முழு சிறப்பம்சங்களை தொடர்ந்து பார்ப்போம்.

ஐபோன் 12 ப்ரோ மேக்ஸ் சிறப்பம்சங்கள்:

- 6.7 இன்ச் 2778×1284 பிக்சல் OLED 458ppi சூப்பர் ரெட்டினா எக்ஸ்டிஆர் டிஸ்ப்ளே

- 128 ஜிபி, 256 ஜிபி மற்றும் 512 ஜிபி மெமரி

- ஐஒஎஸ் 14

- வாட்டர் மற்றும் டஸ்ட் ரெசிஸ்டண்ட் (IP68)

- டூயல் சிம் ஸ்லாட்

- 12 எம்பி வைடு ஆங்கில் கேமரா, f/1.6, 7P லென்ஸ், 1.7μm பிக்சல்

- 12 எம்பி 120° அல்ட்ரா வைடு ஆங்கில் கேமரா, 5P லென்ஸ்

- 12 எம்பி டெலிபோட்டோ கேமரா, f/2.2

- லிடார் ஸ்கேனர்

- 12 எம்பி ட்ரூடெப்த் செல்பி கேமரா, f/2.2

- 5ஜி (sub‑6 GHz), ஜிகாபிட் கிளாஸ் எல்டிஇ, 802.11ax வைபை 6, ப்ளூடூத் 5

- லித்தியம் அயன் பேட்டரி

- மேக்சேப் வயர்லெஸ் சார்ஜிங்

- பாஸ்ட் சார்ஜிங் வசதி

இந்திய சந்தையில் ஐபோன் 12 ப்ரோ மேக்ஸ் 128 ஜிபி மாடல் விலை ரூ. 129900 என்றும் 256 ஜிபி மாடல் ரூ. 139900 என்றும் 512 ஜிபி மாடல் விலை ரூ. 159900 என்றும் நிர்ணயம் செய்யப்பட்டு உள்ளது. இதன் விற்பனை நவம்பர் 13 ஆம் தேதி துவங்குகிறது.

ஆப்பிள் நிறுவனம் ஐபோன் 12 ப்ரோ மற்றும் ஐபோன் 12 ப்ரோ மேக்ஸ் ஸ்மார்ட்போன்களை அறிமுகம் செய்து உள்ளது. இரு மாடல்களிலும் தலைசிறந்த கேமரா மற்றும் டிஸ்ப்ளே வழங்கப்பட்டு இருக்கிறது. 

ஐபோன் 12 ப்ரோ மாடலில் 6.1 இன்ச் மற்றும் ஐபோன் 12 ப்ரோ மேக்ஸ் மாடலில் 6.7 இன்ச் சூப்பர் ரெட்டினா எக்ஸ்டிஆர் டிஸ்ப்ளே வழங்கப்பட்டு இருக்கிறது. 

இத்துடன் புகைப்படங்களை எடுக்க 12 எம்பி அல்ட்ரா வைடு கேமரா, 12 எம்பி வைடு கேமரா மற்றும் 12 எம்பி டெலிபோட்டோ கேமரா வழங்கப்பட்டு உள்ளது. இது குறைந்த வெளிச்சத்திலும் தெளிவான புகைப்படங்களை வழங்குகிறது. இத்துடன் ட்ரூ டெப்த் செல்பி கேமரா வழங்கப்பட்டு உள்ளது.

மேலும் புதிய ஐபோன் 12 ப்ரோ மேக்ஸ் லிடார் தொழில்நுட்பம் வழங்கப்பட்டுள்ளது. இது கேமரா மற்றும் ஆக்மென்ட்டெட் தொழில்நுட்பங்களை மிக சீராக இயக்க வழி செய்கிறது. இந்த மாடல்களிலும் ஆப்பிள் ஏ14 பயோனிக் பிராசஸர் வழங்கப்பட்டு இருக்கிறது. 

புதிய ஐபோன் 12 ப்ரோ மற்றும் ஐபோன் 12 ப்ரோ மேக்ஸ் ஸ்மார்ட்போன்கள் நான்குவித நிறங்களில் கிடைக்கிறது. ஐபோன் 12 ப்ரோ மாடல் விலை 999 டாலர்கள் என்றும் ஐபோன் 12 ப்ரோ மேக்ஸ் மாடல் விலை 1099 டாலர்கள் முதல் துவங்குகிறது. 

ஆப்பிள் நிறுவனம் ஏற்கனவே அறிவித்தப்படி ஹை ஸ்பீடு நிகழ்வில் புதிய ஐபோன் 12 மாடலை மற்றும் ஐபோன் 12 மினி மாடல்களை அறிமுகம் செய்தது. புதிய ஐபோன் 12 மாடலில் முதல் முறையாக 5ஜி வசதி வழங்கப்பட்டு இருக்கிறது. 

ஐபோன் 12 மாடலில் 6.1 இன்ச் மற்றும் ஐபோன் 12 மினி மாடலில் 5.4 இன்ச் சூப்பர் ரெட்டினா எக்ஸ்டிஆர் டிஸ்ப்ளே மற்றும் இதுவரை வெளியானதில் அதிக உறுதியான ஸ்கிரீன் வழங்கப்பட்டு உள்ளது. இந்த மாடலில் வழங்கப்பட்டு உள்ள 5ஜி தொழில்நுட்பம் உலகின் அதிவேக செல்லுலார் இணைய வேகம் வழங்கும் திறன் கொண்டுள்ளதாக ஆப்பிள் தெரிவித்து இருக்கிறது.

புதிய ஐபோன் 5ஜி வசதி கிடைக்காத சமயங்களில் எல்டிஇ தொழில்நுட்பத்தை பயன்படுத்தும் வசதி கொண்டுள்ளது. மேலும் 5ஜி வசதி வழங்க உலகம் முழுக்க பல்வேறு நிறுவனங்களுடன் இணைந்து ஆப்பிள் பரிசோதனைகளை வெற்றிகரமாக செய்துள்ளதாக தெரிவித்து இருக்கிறது. 

புதிய ஐபோன் 12 ஆப்பிள் ஏ14 பயோனிக் பிராசஸர் கொண்டிருக்கிறது. இந்த பிராசஸர் இதுவரை வெளியான ஸ்மார்ட்போன்களில் இருப்பதை விட மிகவும் சக்திவாய்ந்தது என ஆப்பிள் தெரிவித்து இருக்கிறது. மேலும் இது கன்சோல்களுக்கு இணையான கேமிங் அனுபவத்தை ஐபோனில் வழங்கும் திறன் கொண்டுள்ளது.

இத்துடன் புகைப்படங்களை எடுக்க 12 எம்பி அல்ட்ரா வைடு கேமரா, 12 எம்பி வைடு கேமரா வழங்கப்பட்டு உள்ளது. இது குறைந்த வெளிச்சத்திலும் தெளிவான புகைப்படங்களை வழங்குகிறது. இத்துடன் ட்ரூ டெப்த் செல்பி கேமரா வழங்கப்பட்டு உள்ளது.

இதில் உள்ள பேட்டரி முந்தைய ஐபோனை விட நீண்ட நேர பேக்கப் வழங்கும் என ஆப்பிள் தெரிவித்து உள்ளது. புதிய ஐபோன் 12 மினி விலை 699 டாலர்கள் என்றும் ஐபோன் 12 விலை 799 டாலர்கள் என நிர்ணயம் செய்யப்பட்டு உள்ளது.

ஆப்பிள் நிறுவனத்தின் புதிய ஹோம்பாட் மினி ஸ்மார்ட் ஸ்பீக்கர் ஹை ஸ்பீடு நிகழ்வில் அறிமுகம் செய்யப்பட்டு உள்ளது. புதிய ஸ்மார்ட் ஸ்பீக்கர் தலைசிறந்த ஆடியோ அனுபவத்தை வழங்கும் வகையில் நேர்த்தியாக வடிவமைக்கப்பட்டு இருக்கிறது. 

இந்த ஸ்பீக்கர் ஆப்பிள் எஸ்5 பிராசஸர், சிரி தொழில்நுட்பம் கொண்டுள்ளது. இது வீடு முழுக்க தலைசிறந்த ஆடியோ அனுபவத்தை சீராக வழங்கும் திறன் கொண்டுள்ளது. 

இதுதவிர புதிய ஸ்மார்ட் ஸ்பீக்கர் பல்வேறு இதர அம்சங்கள் வழங்கப்பட்டு இருக்கிறது. மேலும் இது ஐபோன்களுடன் இணைந்து இருக்கும் போது தலைசிறந்த அனுபவத்தை வழங்கும் என தெரிவிக்கப்பட்டு உள்ளது.

புதிய ஆப்பிள் ஹோம்பாட் மினி ஸ்பீக்கர் விலை 99 டாலர்கள் என நிர்ணயம் செய்யப்பட்டு இருக்கிறது. 

சியோமி நிறுவனம் ரெட்மி நோட் சீரிஸ் ஸ்மார்ட்போன்களை உருவாக்கும் பணிகளில் ஈடுபட்டு வருகிறது. ரெட்மி நோட் 10 சீரிஸ் பற்றிய தகவல்கள் தொடர்ந்து இணையத்தில் வெளியாகி வருகின்றன.

அந்த வகையில் தற்சமயம் வெளியாகி இருக்கும் தகவல்களில் ரெட்மி நோட் 10 சீரிஸ் 108 எம்பி பிரைமரி கேமரா கொண்டிருக்கும் என்றும் இந்த சீரிஸ் இம்மாத இறுதியில் அறிமுகம் செய்யப்படும் என்றும் கூறப்படுகிறது. 

சீன டிப்ஸ்டர் வெளியிட்ட தகவல்களின் படி ரெட்மி நோட் 10 சீரிஸ் முதற்கட்டமாக சீன சந்தையில் அறிமுகமாகும் என கூறப்படுகிறது. சீன சந்தையில் ரெட்மி நோட் 10 சீரிஸ் 5ஜி வசதி மற்றும் உயர் ரக சிறப்பம்சங்களை கொண்டிருக்கும் என தெரிகிறது. 

ரெட்மி நோட் 10 மாடல் ஐரோப்பிய சந்தையில் அறிமுகமான எம்ஐ 10டி லைட் மாடலை தழுவி உருவாகும் என கூறப்படுகிறது. சீன சந்தையில் இந்த ஸ்மார்ட்போன் 108 எம்பி சென்சாருடன் அறிமுகமாகும் என கூறப்படுகிறது. இதனுடன் ஒற்றை மேக்ரோ சென்சார் வழங்கப்படும் என தெரிகிறது.

இதன் இந்திய வேரியண்ட்டில் 5ஜி சிப்செட் நீக்கப்பட்டு ஸ்னாப்டிராகன் 720ஜி 4ஜி சிப்செட் வழங்கப்படும் என கூறப்படுகிறது. 108 எம்பி சென்சார் ப்ரோ வேரியண்ட்டில் வழங்கப்படும் என்றும் இந்த வேரியண்ட்டில் அதிக ரிப்ரெஷ் ரேட் டிஸ்ப்ளே வழங்கப்படும் என்றும் கூறப்படுகிறது.

பிரபலமான நிறுவனங்களில் ஒன்றான சோனி பிளேஸ்டேஷன் 5 கொண்டுவருவதாக தெரிவித்துள்ளது. பிளேஸ்டேஷன் 5 மீது அதிக எதிர்பார்ப்புகள் உள்ளது. பிளேஸ்டேஷன் ஸ்டோர் மாற்றப்பட இருப்பதாக தகவல் வெளியாகி உள்ளது.

இதுகுறித்து வெளியான தகவல்களில் புதிய பிளேஸ்டேஷன் ஸ்டோர் பிளேஸ்டேஷன் 3 மற்றும் பிளேஸ்டேஷன் விட்டாவுக்கு ஆதரவு வழங்காது. ஆனால் பிளேஸ்டேஷன் 3 மற்றும் பிளேஸ்டேஷன் விட்டா பயனாளிகள் விரும்பினால் அவர்கள் ஏற்கனவே பயன்படுத்திக் கொண்டிருக்கும் ஒஎஸ்-இல் கேம்களை பதிவிறக்கம் செய்துகொள்ளலாம்.

பிளேஸ்டேஷன் 4-ல் உள்ள ஆப்ஸ், தீம்ஸ் உள்ளிட்டவைகள் புதிய பிளேஸ்டேஷன் ஸ்டோரில் இருக்காது. மேலும் விஷ்லிஸ்ட்டும் நீக்கப்பட்டு விடும். உங்களுக்கு வேண்டுமானால் விஷ்லிஸ்ட் செய்த கேம்களை பதிவிறக்கம் செய்து கொள்ளலாம். 

இந்த மாற்றங்கள் எப்பொழுது செயற்பாட்டிற்கு கொண்டுவரப்படும் என்பது தெரியவில்லை. ஆனால் நவம்பர் 12 ஆம் தேதி பிளேஸ்டேஷன் 5 (PS5) வெளியிடப்படும் என சோனி நிறுவனம் அறிவித்து இருக்கிறது.

இந்த வாரம் சோனி நிறுவனம் காணொளி ஒன்றை வெளியிட உள்ளது.அதில் PS5-ன் வடிவம் மற்றும் கன்சோல் பற்றிய முழு தகவல்களையும் வெளியிடும் என்று கூறியுள்ளது.

ரியல்மி நிறுவனம் கியூ2 ஸ்மார்ட்போன்களை அக்டோபர் 13ஆம் தேதி சீனாவில் வெளியிடுவதாக வெய்போ தளத்தில் அறிவித்துள்ளது. இந்த புதிய சீரிஸ் ரியல்மி கியூ2 ப்ரோ மற்றும் ரியல்மி கியூ2 ஸ்மார்ட் போன்களாக  இருக்கலாம் என தெரிகிறது.

இதே தகவல்கள் கீக்பேன்ச் தளத்திலும் வெளியிட்டு உள்ளது. கியூ2 சீரிஸ் ஸ்மார்ட்போன்களை வெளியிடும் நிகழ்ச்சி நடைபெறும் தேதி மற்றும் நேரத்தை வெய்போவில் தெரிவித்துள்ளது. மேலும் இது குறித்த தகவல்களை தனது ட்விட்டர் பக்கத்திலும் பதிவிட்டுள்ளது.

ரியல்மி நிறுவனம் இத்தகவல்களை சீனாவின் மைக்ரோ பிளாக்கிங் தளத்தில் பகிர்ந்துள்ளது. வெய்போவில் அறிவித்தபடி ரியல்மி கியூ2 வெளியிட்டு நிகழ்ச்சி அக்டோபர் 13 ஆம் தேதி (இந்திய நேரப்படி காலை 7:30 மணி) நடைபெறும். 

இந்த அறிவிப்பில் கியூ2 ஸ்மார்ட்போன்களின் சிறப்பம்சங்கள் பற்றி தெரிவிக்கப்படவில்லை. ஆனால் கியூ2 சீரிஸ் ஸ்மார்ட்போன்கள் ஆன்ராய்டு 11 ஒஎஸ்-ஐ  கொண்டிருக்கலாம் என ஒரு நிமித்தமாக தெரிவித்துள்ளது.

டிரான்சிஷன் ஹோல்டிங்ஸ் நிறுவனம் இந்தியாவில் டெக்னோ கேமான் 16 ஸ்மார்ட்போனினை அறிமுகம் செய்தது. இந்த மாடலில் 6.8 இன்ச் ஹெச்டி பிளஸ் டாட்-இன் டிஸ்ப்ளே, மீடியாடெக் ஹீலியோ ஜி70 பிராசஸர், 4 ஜிபி ரேம், 64 ஜிபி மெமரி, குவாட் கேமரா சென்சார் வழங்கப்பட்டு உள்ளது.

இத்துடன் 16 எம்பி செல்பி கேமரா, கைரேகை சென்சார் மற்றும் 5000 எம்ஏஹெச் பேட்டரி வழங்கப்பட்டு இருக்கிறது. இதன் கேமரா சென்சார்களுடன் பல்வேறு ஆப்ஷன்களில் புகைப்படங்களை அழகாக்கும் வசதியும் வழங்கப்பட்டு உள்ளது.

டெக்னோ கேமான் 16 சிறப்பம்சங்கள்

- 6.8 இன்ச் 1640x720 பிக்சல் HD+ 20.5:9 டிஸ்ப்ளே

- ஆக்டாகோர் மீடியாடெக் ஹீலியோ ஜி70 பிராசஸர்

- ஏஆர்எம் மாலி-ஜி52 2EEMC2 ஜிபியு

- 4 ஜிபி ரேம்

- 64 ஜிபி மெமரி

- மெமரியை கூடுதலாக நீட்டிக்கும் வசதி

- டூயல் சிம்

- ஹைஒஎஸ் 7 சார்ந்த ஆண்ட்ராய்டு 10

- 64 எம்பி, f/1.79 பிரைமரி கேமரா

- 2 எம்பி மேக்ரோ கேமரா

- 2 எம்பி டெப்த் கேமரா

- ஏஐ லென்ஸ்

- 16 எம்பி செல்பி கேமரா

- கைரேகை சென்சார்

- 3.5 எம்எம் ஆடியோ ஜாக்

- டூயல் 4ஜி வோல்ட்இ, வைபை, ப்ளூடூத் 5

- மைக்ரோ யுஎஸ்பி

- 5000 எம்ஏஹெச் பேட்டரி

- 18 வாட் பாஸ்ட் சார்ஜிங்

டெக்னோ கேமான் 16 ஸ்மார்ட்போன் கிளவுட் வைட் மற்றும் பியூரிஸ்ட் வைட் நிறங்களில் கிடைக்கிறது. இதன் விலை ரூ. 10,999 என நிர்ணயம் செய்யப்பட்டு உள்ளது. விற்பனை ப்ளிப்கார்ட் தளத்தில் அக்டோபர் 16 ஆம் தேதி துவங்குகிறது.

ஒன்பிளஸ் வை சீரிஸ் டிவி மாடல்கள் இந்தியாவில் விற்பனை செய்யப்படுகிறது. இவை 32 இன்ச் ஹெச்டி, 43 இன்ச் புல் ஹெச்டி என இரு மாடல்களில் கிடைக்கிறது. 

இரு வேரியண்ட்களிலும் 93 சதவீதம் DCI-PR கலர் கமுட் வழங்கப்பட்டு இருக்கிறது. இந்த டிவி ஆக்சிஜன் ஒஎஸ் சார்ந்த ஆண்ட்ராய்டு டிவி பிளாட்பார்மில் இயங்குகிறது. இதனால் கூகுள் வாய்ஸ் அசிஸ்டண்ட் சேவை, கூகுள் பிளே செயலிகள் மற்றும் குரோம்காஸ்ட் போன்ற வசதிகளை பயன்படுத்தலாம்.

இத்துடன் 20 வாட் ஸ்டீரியோ ஸ்பீக்கர்கள், டால்பி ஆடியோ தொழில்நுட்பம், ஒன்பிளஸ் கனெக்ட் மற்றும் பல்வேறு இதர வசதிகள் வழங்கப்பட்டு உள்ளன.

ஒன்பிளஸ் டிவி மாடல்கள் ப்ளிப்கார்ட் பிக் பில்லியன் டேஸ் விற்பனையில் கிடைக்கும் என தெரிவிக்கப்பட்டுள்ளது. இரு டிவி மாடல்கள் விலை முறையே ரூ. 14,999 மற்றும் ரூ. 24,999 என நிர்ணயம் செய்யப்பட்டுள்ளன. சிறப்பு விற்பனையின் போது இவற்றின் விலை ரூ. 1000 குறைக்கப்படுகிறது. 

அந்த வகையில் இரு மாடல்களையும் ரூ. 13,999 மற்றும் ரூ. 23,999 விலையில் வாங்கிட முடியும். இத்துடன் பல்வேறு வங்கி சார்ந்த சலுகைகள் மற்றும் கேஷ்பேக் உள்ளிட்டவைகளை பெற முடியும்.

  

ஹெச்எம்டி குளோபல் நிறுவனம் நோக்கியா 215 4ஜி மற்றும் நோக்கியா 225 4ஜி பீச்சர் போன் மாடல்களை வோல்ட்இ வசதியுடன் அறிமுகம் செய்துள்ளது. 

இரு மாடல்களிலும் 2.4 இன்ச் QVGA LCD ஸ்கிரீன், பாலிகார்பனைடே பாடி, வெப் பிரவுசர், ப்ளூடூத் வசதி, டார்ச், வயர்லெஸ் எப்எம் ரேடியோ, மியூசிக் பிளேயர், ஸ்னேக் கேம் உள்ளிட்டவை அம்சங்கள் வழங்கப்பட்டு இருக்கிறது. நோக்கியா 225 4ஜி மாடலில் விஜிஏ கேமராவும் வழங்கப்பட்டு உள்ளது.

நோக்கியா 215 மற்றும் 225 4ஜி சிறப்பம்சங்கள்

- 2.4 இன்ச் 320x240 பிக்சல் QVGA LCD ஸ்கிரீன்

- பீச்சர் ஒஎஸ்

- 1 ஜிகாஹெர்ட்ஸ் யுனிசாக் பிராசஸர்

- 64 எம்பி ரேம்

- 128 எம்பி மெமரி

- மெமரியை கூடுதலாக நீட்டிக்கும் வசதி

- 3.5 எம்எம் ஆடியோ ஜாக்

- வயர்லெஸ் எப்எம் ரேடியோ, எம்பி3 பிளேயர்

- விஜிஏ கேமரா ( நோக்கியா 225 4ஜி)

- ப்ளூடூத், மைக்ரோ யுஎஸ்பி

- 1200 எம்ஏஹெச் பேட்டரி

நோக்கியா 215 4ஜி மாடல் டர்குயிஸ் மற்றும் பிளாக் நிறங்களில் கிடைக்கிறது. இதன் விலை 43 டாலர்கள், இந்திய மதிப்பில் ரூ. 3,151 என நிர்ணயம் செய்யப்பட்டு உள்ளது. நோக்கியா 225 4ஜி மாடல் கிளாசிக் புளூ, பிளாக் மற்றும் மெட்டாலிக் கோல்டு நிறங்களில் கிடைக்கிறது. இதன் விலை இன்னும் அறிவிக்கப்படவில்லை.

ஆப்பிள் நிறுவனம் ஐபோன் 12 சீரிஸ் மாடல்களை அக்டோபர் 13 ஆம் தேதி அறிமுகம் செய்வதாக அறிவித்து இருக்கிறது. இந்நிலையில், புதிய ஐபோன் 12 சீரிஸ் விலை மற்றும் இதர விவரங்கள் சீன வலைதளத்தில் வெளியாகி இருக்கிறது.

இந்த ஆண்டு அறிமுகமாகும் அனைத்து ஐபோன்களும் 5ஜி வசதி கொண்டிருக்கும் என்றும் அமெரிக்க மாடல்களில் 5ஜி எம்எம்வேவ் வசதி வழங்கப்படும் என கூறப்படுகிறது. இத்துடன் இந்த மாடல்களுடன் இயர்போன் மற்றும் சார்ஜர்கள் வழங்கப்படாது என கூறப்படுகிறது.

5.4 இன்ச் ஐபோன் 12 மினி மாடல் விலை 699 டாலர்கள் இந்திய மதிப்பில் ரூ. 51,110 என நிர்ணயம் செய்யப்படும் என தெரிகிறது. இந்த மாடல் 64 ஜிபி / 128 ஜிபி / 256 ஜிபி வெர்ஷன்களில் கிடைக்கும் என்றும் பிளாக், வைட், ரெட், புளூ மற்றும் கிரீன் நிறங்களில் கிடைக்கும் என தெரிகிறது.

6.1 இன்ச் ஐபோன் 12 விலை 799 டாலர்கள் இந்திய மதிப்பில் ரூ. 58,410 வரை நிர்ணயம் செய்யப்படலாம். இந்த மாடலும் 64 ஜிபி / 128 ஜிபி / 256 ஜிபி வெர்ஷன்களில் கிடைக்கும் என்றும் பிளாக், வைட், ரெட், புளூ மற்றும் கிரீன் நிறங்களில் கிடைக்கும் என தெரிகிறது.

6.1 இன்ச் டிஸ்ப்ளே கொண்ட ஐபோன் 12 ப்ரோ விலை 999 டாலர்கள் இந்திய மதிப்பில் ரூ. 73,050 என கூறப்படுகிறது. இந்த மாடல் 128 ஜிபி / 256 ஜிபி / 512 ஜிபி வெர்ஷன்களில் கிடைக்கும் என்றும் கோல்டு, சில்வர், கிராபைட் மற்றும் புளூ நிறங்களில் கிடைக்கும் என தெரிகிறது.

6.7 இன்ச் ஐபோன் 12 ப்ரோ மேக்ஸ் 1099 டாலர்கள் இந்திய மதிப்பில் ரூ. 80,370 வரை நிர்ணயம் செய்யப்படுகிறது. இந்த மாடல் 128 ஜிபி / 256 ஜிபி / 512 ஜிபி வெர்ஷன்களில் கிடைக்கும் என்றும் கோல்டு, சில்வர், கிராபைட் மற்றும் புளூ நிறங்களில் கிடைக்கும் என தெரிகிறது.