என் மலர்
தொழில்நுட்பம்
நார்டு 2 ஸ்மார்ட்போனுடன் வழங்கப்பட்ட வார்ப் சார்ஜர் வெடித்ததற்கான காரணத்தை ஒன்பிளஸ் தெரிவித்து இருக்கிறது.
ஒன்பிளஸ் நார்டு 2 ஸ்மார்ட்போனின் விற்பனை துவங்கியது முதல் பல்வேறு சர்ச்சைகளை அந்நிறுவனம் எதிர்கொண்டு வருகிறது. ஒன்பிளஸ் நார்டு பயன்படுத்துவோரில் சிலர், தங்களின் ஸ்மார்ட்போன் வெடித்து சிதறியதாக குற்றம்சாட்டி வருகின்றனர்.
அந்த வரிசையில், ஸ்மார்ட்போனினை தொடர்ந்து ஒன்பிளஸ் நார்டு 2 வார்ப் சார்ஜர் வெடித்து சிதறியது. இந்த சம்பவம் கேரளாவில் அரங்கேறி இருக்கிறது. ஸ்மார்ட்போனை சார்ஜருடன் இணைத்த சில நிமிடங்களிலேயே சார்ஜர் வெடித்து சிதறியது. இந்த சம்பவத்தில் பாதிக்கப்பட்ட நபர் ஒன்பிளஸ் நிறுவனத்தை ட்விட்டரில் தொடர்பு கொண்டார்.
இந்த சம்பவம் குறித்து ஆய்வு மேற்கொண்ட ஒன்பிளஸ், மின் இணைப்பில் ஏற்பட்ட கோளாறு காரணமாக சார்ஜர் வெடித்து சிதறியது என தெரிவித்து இருக்கிறது. தற்போது வெடித்து சிதறிய சார்ஜருக்கு மாற்றாக ஒன்பிளஸ் சார்பில் வேறு சார்ஜர் கொடுக்கப்பட்டது.
மோட்டோரோலா நிறுவனத்தின் முதல் டேப்லெட் இந்தியாவில் அறிமுகம் செய்யப்பட்டு இருக்கிறது.
மோட்டோரோலா நிறுவனம் இந்திய சந்தையில் தனது முதல் டேப்லெட் மாடலை அறிமுகம் செய்தது. இதில் 8 இன்ச் ஹெச்.டி. பிளஸ் எல்.சி.டி. ஸ்கிரீன், ஹீலியோ பி22டி பிராசஸர், 3 ஜிபி ரேம், 32 ஜிபி மெமரி வழங்கப்பட்டு இருக்கிறது.
இத்துடன் ஆண்ட்ராய்டு 11, கிட்ஸ் மோட், மெட்டல் போன்ற வடிவமைப்பு, மோனோ ஸ்பீக்கர், டால்பி அட்மோஸ், 5100 எம்.ஏ.ஹெச். பேட்டரி வழங்கப்பட்டு உள்ளது. மேலும் 5 எம்பி ஆட்டோபோக்கஸ் பிரைமரி கேமரா, 2 எம்பி செல்பி கேமரா வழங்கப்பட்டு இருக்கிறது.
கனெக்டிவிட்டிக்கு 3.5 எம்எம் ஆடியோ ஜாக், டால்பி அட்மோஸ், வைபை, ப்ளூடூத் 5, யு.எஸ்.பி. டைப் சி, 5100 எம்.ஏ.ஹெச். பேட்டரி, 10 வாட் சார்ஜிங் கொண்டிருக்கிறது. மோட்டோ டேப் ஜி20 பிளாட்டினம் கிரே நிறத்தில் கிடைக்கிறது. இதன் விலை ரூ. 10,999 என துவங்குகிறது. இதன் முன்பதிவு அக்டோபர் 2 ஆம் தேதி துவங்குகிறது.
போக்கோ நிறுவனத்தின் புதிய சி சீரிஸ் ஸ்மார்ட்போன் இந்தியாவில் அறிமுகம் செய்யப்பட்டது.
போக்கோ நிறுவனம் இந்தியாவில் போக்கோ சி31 ஸ்மார்ட்போனினை பட்ஜெட் விலையில் அறிமுகம் செய்தது. இதில் 6.53 இன்ச் ஹெச்.டி. பிளஸ் எல்.சி.டி. ஸ்கிரீன், மீடியாடெக் ஹீலியோ ஜி35 பிராசஸர், 13 எம்பி பிரைமரி கேமரா, 2 எம்பி மேக்ரோ கேமரா, 2 எம்பி டெப்த் கேமரா, 5 எம்பி செல்பி கேமரா வழங்கப்பட்டு இருக்கிறது.
பின்புறம் கைரேகை சென்சார் கொண்டிருக்கும் போக்கோ சி31 ஸ்மார்ட்போன் 5000 எம்.ஏ.ஹெச். பேட்டரி மூலம் சக்தியூட்டப்படுகிறது. இத்துடன் 10 வாட் சார்ஜிங் வழங்கப்பட்டு இருக்கிறது. இந்த ஸ்மார்ட்போன் 3 ஜிபி + 32 ஜிபி மற்றும் 4 ஜிபி + 64 ஜிபி என இரண்டு வேரியண்ட்களில் கிடைக்கிறது.
போக்கோ சி31 ஸ்மார்ட்போன் ஷேடோ கிரே மற்றும் ராயல் புளூ நிறங்களில் கிடைக்கிறது. இதன் 3 ஜிபி + 32 ஜிபி விலை ரூ. 8,499 என்றும் 4 ஜிபி + 64 ஜிபி விலை ரூ. 9,499 என்றும் நிர்ணயம் செய்யப்பட்டு உள்ளது. இந்த ஸ்மார்ட்போன் அக்டோபர் 2 ஆம் தேதி பிக் பில்லியன் டேஸ் விற்பனையில் முறையே ரூ. 7999 மற்றும் ரூ. 8999 விலையில் விற்பனை செய்யப்பட இருக்கிறது.
சாம்சங் நிறுவனத்தின் புதிய கேலக்ஸி எப் சீரிஸ் ஸ்மார்ட்போன் அறிமுக சலுகையாக குறைந்த விலையில் விற்பனை செய்யப்பட இருக்கிறது.
சாம்சங் நிறுவனம் இந்திய சந்தையில் புதிய கேலக்ஸி எப்42 5ஜி ஸ்மார்ட்போனினை அறிமுகம் செய்தது. இதில் 6.6 இன்ச் புல் ஹெச்.டி. பிளஸ் எல்.சி.டி. ஸ்கிரீன், இன்பினிட்டி வி டிஸ்ப்ளே, 90 ஹெர்ட்ஸ் ரிப்ரெஷ் ரேட், மீடியாடெக் டிமென்சிட்டி 700 பிராசஸர், அதிகபட்சம் 8 ஜிபி ரேம் வழங்கப்பட்டு இருக்கிறது.
புகைப்படங்களை எடுக்க 64 எம்பி பிரைமரி கேமரா, 5 எம்பி அல்ட்ரா வைடு கேமரா, 2 எம்பி டெப்த் சென்சார், 8 எம்பி செல்பி கேமரா வழங்கப்பட்டு உள்ளது. ஆண்ட்ராய்டு 11 மற்றும் ஒன் யு.ஐ. 3.1 கொண்டிருக்கும் கேலக்ஸி எப்42 5ஜி பக்கவாட்டில் கைரேகை சென்சார், பிளாஸ்டிக் பேக் கொண்டிருக்கிறது.
இந்த ஸ்மாப்ட்போன் 5000 எம்.ஏ.ஹெச். பேட்டரி மூலம் சக்தியூட்டப்படுகிறது. இத்துடன் 15 வாட் பாஸ்ட் சார்ஜிங் வசதி உள்ளது. புதிய சாம்சங் கேலக்ஸி எப்42 5ஜி மேட் பிளாக் மற்றும் மேட் புளூ நிறங்களில் கிடைக்கிறது. இதன் 6 ஜிபி + 128 ஜிபி மற்றும் 8 ஜிபி + 128 ஜிபி விலை முறையே ரூ. 20,999 மற்றும் ரூ. 22,999 என நிர்ணயம் செய்யப்பட்டு உள்ளது.
அறிமுக சலுகையாக இந்த ஸ்மார்ட்போன் ரூ. 17,999 மற்றும் ரூ. 19,999 விலையில் விற்பனை செய்யப்பட இருக்கிறது. இந்த ஸ்மார்ட்போனின் விற்பனை அக்டோபர் 2 ஆம் தேதி ப்ளிப்கார்ட் தளத்தில் துவங்குகிறது.
சியோமி நிறுவனத்தின் புதிய மிட்-ரேன்ஜ் ஸ்மாரட்போன் லிக்விட் கூலிங் தொழில்நுட்பம் கொண்டிருக்கிறது.
சியோமி நிறுவனம் இந்திய சந்தையில் சியோமி 11 லைட் என்.இ. 5ஜி ஸ்மார்ட்போனினை அறிமுகம் செய்தது. இதில் 6.55 இன்ச் அமோலெட் டாட் டிஸ்ப்ளே, 90 ஹெர்ட்ஸ் ரிப்ரெஷ் ரேட், ஸ்னாப்டிராகன் 778ஜி பிராசஸர், அதிகபட்சம் 8 ஜிபி ரேம், மொத்தத்தில் 12 5ஜி பேண்ட்களுக்கான ஆதரவு வழங்கப்பட்டு இருக்கிறது.
புதிய ஸ்மார்ட்போனிற்கு மூன்று ஆண்டுகளுக்கு மென்பொருள் அப்டேட்கள், நான்கு ஆண்டுகளுக்கு செக்யூரிட்டி அப்டேட்களை வழங்குவதாக சியோமி அறிவித்து உள்ளது. மிக-மெல்லிய வடிவமைப்பு கொண்டிருக்கும் சியோமி 11 லைட் என்.இ. 5ஜி மாடலில் புதிய பி.சி.பி. டிசைன், 1.88 எம்.எம். அளவில் மெல்லிய பெசல்கள் உள்ளன.
புகைப்படங்களை எடுக்க 64 எம்பி பிரைமரி கேமரா, 8 எம்பி அல்ட்ரா வைடு ஆங்கில் கேமரா, 5 எம்பி டெலிமேக்ரோ கேமரா, 20 எம்பி செல்பி கேமரா வழங்கப்பட்டு இருக்கிறது. இதன் பக்கவாட்டில் கைரேகை சென்சார் வழங்கப்பட்டு இருக்கிறது. சியோமி 11 லைட் என்.இ. 5ஜி மாடல் 4250 எம்.ஏ.ஹெச். பேட்டரி மூலம் சக்தியூட்டப்படுகிறது. இத்துடன் 33 வாட் பாஸ்ட் சார்ஜிங் உள்ளது.
சியோமி 11 லைட் என்.இ. 5ஜி மாடல் டைமண்ட் டேசில், டஸ்கேனி கோரல், ஜாஸ் புளூ மற்றும் வினைல் பிளாக் நிறங்களில் கிடைக்கிறது. இதன் 6 ஜிபி + 128 ஜிபி மாடல் விலை ரூ. 26,999 என்றும் 8 ஜிபி + 128 ஜிபி விலை ரூ. 28,999 என்றும் நிர்ணயம் செய்யப்பட்டு உள்ளது. இதன் விற்பனை அக்டோபர் 2 ஆம் தேதி துவங்குகிறது.
ரெட்மி பிராண்டின் இரண்டு புதிய ஸ்மார்ட்போன்கள் எம்.ஐ. வலைதளம் மற்றும் ஆப்லைன் ஸ்டோர்களில் விற்பனை செய்யப்படுகிறது.
ரெட்மி பிராண்டு இந்தியாவில் ரெட்மி 9ஏ ஸ்போர்ட் மற்றும் ரெட்மி 9ஐ ஸ்போர்ட் ஸ்மார்ட்போன்களை அறிமுகம் செய்தது. இரு மாடல்களிலும் 6.53 இன்ச் ஹெச்.டி. பிளஸ் டாட் டிராப் ஸ்கிரீன், மீடியாடெக் ஹீலியோ ஜி25 பிராசஸர், 13 எம்பி பிரைமரி கேமரா, 5 எம்பி செல்பி கேமரா வழங்கப்பட்டு இருக்கிறது.
இரு மாடல்களும் ஆரா 360 டிசைன் கொண்டிருக்கிறது. டூயல் சிம் ஸ்லாட், ஆண்ட்ராய்டு 10 மற்றும் எம்.ஐ.யு.ஐ. 12, டூயல் 4ஜி வோல்ட்இ, வைபை, ப்ளூடூத் 5, மைக்ரோ யு.எஸ்.பி. போர்ட், 5000 எம்.ஏ.ஹெச். பேட்டரி, 10 வாட் சார்ஜிங் கொண்டிருக்கிறது.
ரெட்மி 9ஐ ஸ்போர்ட் மற்றும் 9ஏ ஸ்போர்ட் மாடல்கள் கார்பன் பிளாக், மெட்டாலிக் புளூ மற்றும் கோரல் கிரீன் நிறங்களில் கிடைக்கிறது. ரெட்மி 9ஐ ஸ்போர்ட் 2 ஜிபி + 32 ஜிபி விலை ரூ. 6,999 என்றும் 3 ஜிபி + 32 ஜிபி விலை ரூ. 7,999 என்றும் நிர்ணயம் செய்யப்பட்டு உள்ளது. ரெட்மி 9ஏ ஸ்போர்ட் 4 ஜிபி + 64 ஜிபி விலை ரூ. 8,799 என்றும் 4 ஜிபி + 128 ஜிபி விலை ரூ. 9,299 என்றும் நிர்ணயம் செய்யப்பட்டு உள்ளது.
ஆப்பிள் நிறுவனத்தின் பீட்ஸ் ஸ்டுடியோ 3 லிமிடெட் எடிஷன் வயர்லெஸ் ஹெட்போன் அறிமுகம் செய்யப்பட்டது.
ஆப்பிள் நிறுவனம் பீட்ஸ் ஸ்டுடியோ 3 லிமிடெட் எடிஷன் மாடலை அறிமுகம் செய்துள்ளது. இந்த வயர்லெஸ் ஹெட்போன் பிரிட்டன் நாட்டு வடிவமைப்பாளர் சாமுவேல் ராஸ் நிர்வகிக்கும் நிறுவனத்துடன் இணைந்து உருவாக்கப்பட்டு இருக்கிறது.
புதிய லிமிடெட் எடிஷன் ஹெட்போன் ஏ-கோல்டு-வால் (A-COLD-WALL) பெயரில் விற்பனை செய்யப்படுகிறது. இந்த ஹெட்போன் ஸ்லேட் நிற பேலெட் கொண்டிருக்கிறது. தோற்றத்தில் இந்த ஹெட்போன் 2017 செப்டம்பரில் அறிமுகம் செய்யப்பட்ட பீட்ஸ் ஸ்டுடியோ 3 போன்றே காட்சியளிக்கிறது. இதில் பீட்ஸ் நிறுவனத்தின் பியூர் ஆக்டிவ் நாய்ஸ் கேன்சலிங் தொழில்நுட்பம் மற்றும் ஆப்பிள் டபிள்யூ1 சிப் வழங்கப்பட்டு உள்ளது.
பீட்ஸ் ஸ்டுடியோ 3 வயர்லெஸ் ஏ-கோல்டு-வால் லிமிடெட் எடிஷன் மாடல் விலை 349.95 டாலர்கள், இந்திய மதிப்பில் ரூ. 25,900 என நிர்ணயம் செய்யப்பட்டு உள்ளது. புதிய லிமிடெட் எடிஷன் ஹெட்போன்களின் சர்வதேச விலை மற்றும் விற்பனை குறித்து இதுவரை எந்த தகவலும் இல்லை.
சாம்சங் நிறுவனம் இந்திய சந்தையில் புதிய 5ஜி ஸ்மார்ட்போனினை அறிமுகம் செய்து இருக்கிறது.
சாம்சங் நிறுவனம் இந்தியாவில் கேலக்ஸி எம்52 5ஜி ஸ்மார்ட்போனினை அறிமுகம் செய்தது. இதில் 6.7 இன்ச் புல் ஹெச்.டி. பிளஸ் 120 ஹெர்ட்ஸ் ஆமோலெட் ஸ்கிரீன், ஸ்னாப்டிராகன் 778ஜி பிராசஸர், 6 ஜிபி ரேம், ஆண்ட்ராய்டு 11 மற்றும் ஒன்யுஐ 3.1 வழங்கப்பட்டு இருக்கிறது.
புகைப்படங்களை எடுக்க 64 எம்பி பிரைமரி கேமரா, 12 எம்பி அல்ட்ரா வைடு கேமரா, 5 எம்பி மேக்ரோ கேமரா மற்றும் 32 எம்பி செல்பி கேமரா வழங்கப்பட்டு உள்ளது. பக்கவாட்டில் கைரேகை சென்சார், 5000 எம்.ஏ.ஹெச். பேட்டரி, 25 வாட் பாஸ்ட் சார்ஜிங் கொண்டிருக்கிறது.
சாம்சங் கேலக்ஸி எம்52 5ஜி அம்சங்கள்
- 6.7 இன்ச் எப்.ஹெச்.டி. பிளஸ் 1080x2400 பிக்சல் சூப்பர் ஆமோலெட் டிஸ்ப்ளே
- கார்னிங் கொரில்லா கிளாஸ் பாதுகாப்பு
- ஆக்டாகோர் ஸ்னாப்டிராகன் 778ஜி பிராசஸர்
- அட்ரினோ 642L GPU
- 6 ஜிபி / 8 ஜிபி ரேம்
- 128 ஜிபி மெமரி
- மெமரியை கூடுதலாக நீட்டிக்கும் வசதி
- ஆண்ட்ராய்டு 11 மற்றும் சாம்சங் ஒன் யு.ஐ. 3.1
- ஹைப்ரிட் டூயல் சிம்
- 64 எம்பி பிரைமரி கேமரா
- 12 எம்பி அல்ட்ரா வைடு ஆங்கில் கேமரா
- 5 எம்பி மேக்ரோ கேமரா
- 32 எம்பி செல்பி கேமரா
- பக்கவாட்டில் கைரேகை சென்சார்
- யு.எஸ்.பி. டைப் சி ஆடியோ
- சாம்சங் பே
- 5ஜி எஸ்.ஏ. / என்.எஸ்.ஏ., டூயல் 4ஜி வோல்ட்இ, வைபை, ப்ளூடூத் 5
- யு.எஸ்.பி. டைப் சி
- 5000 எம்.ஏ.ஹெச். பேட்டரி
- 25 வாட் பாஸ்ட் சார்ஜிங்
சாம்சங் கேலக்ஸி எம்52 5ஜி ஸ்மார்ட்போன் பிளேசிங் புளூ மற்றும் ஐசி புளூ நிறங்களில் கிடைக்கிறது. இதன் 6 ஜிபி + 128 ஜிபி விலை ரூ. 29,999 என்றும் 8 ஜிபி + 128 ஜிபி விலை ரூ. 31,999 என்றும் நிர்ணயம் செய்யப்பட்டு உள்ளது. எனினும், இரு வேரியண்ட்களும் முறையே ரூ. 26,999 மற்றும் ரூ. 28,999 விலையில் குறுகிய காலக்கட்டத்திற்கு விற்பனை செய்யப்பட இருக்கின்றன.
ஒப்போ நிறுவனத்தின் இரண்டு புதிய ஸ்மார்ட்போன்களின் தீபாவளி எடிஷன் இந்தியாவில் அறிமுகமாகி இருக்கிறது.
ஒப்போ நிறுவனம் இந்தியாவில் எப்19எஸ் மற்றும் ரெனோ 6 ப்ரோ 5ஜி ஸ்மார்ட்போன்களின் தீபாவளி எடிஷன் மாடல்களை அறிமுகம் செய்து இருக்கிறது. இரு மாடல்களின் அம்சங்களில் எவ்வித மாற்றமும் மேற்கொள்ளப்படவில்லை.
ஒப்போ எப்19எஸ் மாடல் ஏ.ஜி. ஷிம்மரிங் சேண்ட் தொழில்நுட்பம் கொண்ட இந்தியாவின் முதல் ஸ்மார்ட்போன் ஆகும். இந்த ஸ்மார்ட்போன் குளோயிங் பிளாக் மற்றும் குளோயிங் கோல்டு நிறங்களில் கிடைக்கிறது. இதன் விலை ரூ. 19,990 ஆகும். விற்பனை ப்ளிப்கார்ட் மற்றும் ஒப்போ இந்தியா ஆன்லைன் மற்றும் ஆப்லைன் விற்பனை மையங்களில் நடைபெறுகிறது.
ஒப்போ ரெனோ 6 ப்ரோ 5ஜி தீபாவளி எடிஷன் ஸ்மார்ட்போன் மஜெஸ்டிக் கோல்டு நிறத்தில் கிடைக்கிறது. இதில் பிரத்யேக வால்பேப்பர், யு.ஐ. மற்றும் சா்ஜிங் இன்டர்பேஸ் உள்ளிட்டவை வழங்கப்பட்டு இருக்கிறது. இந்த ஸ்மார்ட்போனின் விலை ரூ. 41,990 ஆகும். இதன் விற்பனை அக்டோபர் 6 ஆம் தேதி துவங்குகிறது.
இரு ஸ்மார்ட்போன்களுக்கும் பிரத்யேக கேஷ்பேக் மற்றும் வங்கி சார்ந்த பல்வேறு சலுகைகள் அறிவிக்கப்பட்டு இருக்கின்றன.
ஐகூ நிறுவனத்தின் புதிய 5ஜி ஸ்மார்ட்போன் குவால்காம் ஸ்னாப்டிராகன் 778ஜி 5ஜி பிராசஸர் கொண்டிருக்கிறது.
ஐகூ நிறுவனத்தின் புதிய இசட்5 5ஜி ஸ்மார்ட்போன் இந்தியாவில் அறிமுகம் செய்யப்பட்டது. இதில் 6.67 இன்ச் எப்.ஹெச்.டி. பிளஸ் எல்.சி.டி. ஸ்கிரீன், 120 ஹெர்ட்ஸ் ரிப்ரெஷ் ரேட், குவால்காம் ஸ்னாப்டிராகன் 778ஜி பிராசஸர், அதிகபட்சம் 12 ஜிபி ரேம் வழங்கப்பட்டு இருக்கிறது.
இத்துடன் லிக்விட் கூலிங் தொழில்நுட்பம், 3.5 எம்.எம். ஆடியோ ஜாக், ஹை-ரெஸ் ஆடியோ, 64 எம்பி பிரைமரி கேமரா, 8 எம்பி அல்ட்ரா வைடு கேமரா, 2 எம்பி மேக்ரோ கேமரா, 5000 எம்.ஏ.ஹெச். பேட்டரி, 44 வாட் பாஸ்ட் சார்ஜிங் வசதி வழங்கப்பட்டு உள்ளது.
ஐகூ இசட்5 5ஜி அம்சங்கள்
- 6.67 இன்ச் 2400x1080 பிக்சல் புல் ஹெச்.டி. பிளஸ் ஸ்கிரீன்
- ஆக்டாகோர் ஸ்னாப்டிராகன் 778ஜி பிராசஸர்
- அட்ரினோ 642எல் GPU
- 8 ஜிபி /12 ஜிபி ரேம்
- 128 ஜிபி / 256 ஜிபி மெமரி
- ஆண்ட்ராய்டு 11 மற்றும் பன்டச் ஓ.எஸ். 12
- டூயல் சிம்
- 64 எம்பி பிரைமரி கேமரா
- 8 எம்பி அல்ட்ரா வைடு லென்ஸ்
- 2 எம்பி மேக்ரோ கேமரா
- 16 எம்பி செல்பி கேமரா
- பக்கவாட்டில் கைரேகை சென்சார்
- 3.5 எம்.எம். ஆடியோ ஜாக், ஹை-ரெஸ் ஆடியோ
- 5ஜி எஸ்.ஏ./ என்.எஸ்.ஏ., டூயல் 4ஜி வோல்ட்இ, வைபை, ப்ளூடூத்
- யு.எஸ்.பி. டைப் சி
- 5000 எம்.ஏ.ஹெச். பேட்டரி
- 44 வாட் பாஸ்ட் சார்ஜிங்
ஐகூ இசட்5 5ஜி ஸ்மார்ட்போன் ஆர்க்டிக் டான் மற்றும் மிஸ்டிக் ஸ்பேஸ் நிறங்களில் கிடைக்கிறது. இதன் 8 ஜிபி + 128 ஜிபி விலை ரூ. 23,990 என்றும் 12 ஜிபி + 256 ஜிபி விலை ரூ. 26,990 என்றும் நிர்ணயம் செய்யப்பட்டு உள்ளது. இதன் விற்பனை அமேசான் மற்றும் ஐகூ வலைதளங்களில் அக்டோபர் 3 ஆம் தேதி துவங்குகிறது.
போக்கோ நிறுவனத்தின் புதிய சி சீரிஸ் ஸ்மார்ட்போன் பட்ஜெட் விலையில் விற்பனைக்கு வர இருக்கிறது.
போக்கோ நிறுவனத்தின் சி31 ஸ்மார்ட்போன் செப்டம்பர் 30 ஆம் தேதி இந்தியாவில் அறிமுகமாகிறது. இந்த ஸ்மார்ட்போன் விரைவில் துவங்க இருக்கும் ப்ளிப்கார்ட் பிக் பில்லியன் டேஸ் விற்பனையில் அறிமுகமாகும் என ஏற்கனவே அறிவிக்கப்பட்டு இருந்தது குறிப்பிடத்தக்கது.
புதிய போக்கோ சி31 பட்ஜெட் விலையில் விற்பனைக்கு வரும் என எதிர்பார்க்கப்படுகிறது. இந்த ஸ்மார்ட்போன் வாட்டர்-டிராப் நாட்ச், நீண்ட பேக்கப் வழங்கும் பேட்டரி கொண்டிருக்கும் என தற்போதைய டீசரில் தெரியவந்துள்ளது.
முன்னதாக போக்கோ சி3 ஸ்மார்ட்போன் இந்தியாவில் விற்பனை செய்யப்பட்டு வருகிறது. இந்த ஸ்மார்ட்போன் கடந்த ஆண்டு அக்போடர் மாத வாக்கில் அறிமுகம் செய்யப்பட்டது. போக்கோ சி3 மாடலில் 6.53 இன்ச் ஹெச்.டி. பிளஸ் வாட்டர் டிராப் டிஸ்ப்ளே, மீடியாடெக் ஹீலியோ ஜி35 பிராசஸர், 4 ஜிபி + 64 ஜிபி மெமரி கொண்டிருக்கிறது.
கூகுள் நிறுவனம் விரைவில் தனது பிக்சல் 6 சீரிஸ் ஸ்மார்ட்போன்களை அறிமுகம் செய்வற்கான பணிகளில் ஈடுபட்டு வருகிறது.
கூகுள் பிக்சல் 6 சீரிஸ் ஸ்மார்ட்போன்கள் விரைவில் அறிமுகம் செய்யப்பட இருக்கின்றன. இந்த நிலையில், புதிய பிக்சல் ஸ்மார்ட்போன் கேமரா அம்சங்கள் இணையத்தில் வெளியாகி இருக்கின்றன.
புதிய பிக்சல் ஸ்மார்ட்போன்களின் கேமரா விவரங்கள் கூகுள் கேமரா செயலியின் குறியீடுகள் மூலம் இணையத்தில் லீக் ஆகி இருக்கிறது. அதன்படி பிக்சல் 6 ப்ரோ மாடலில் அல்ட்ரா வைடு ஆங்கில் கேமரா, 0.7எக்ஸ் மற்றும் 1.0 எக்ஸ் அளவில் ஜூம் லெவல்கள் இருக்கும்.
இந்த ஸ்மார்ட்போன்கள் 4கே வீடியோக்களை நொடிக்கு 60 பிரேம் வேகத்தில் பதிவு செய்யும் வசதி, அதிகபட்சம் 7எக்ஸ் ஜூம் கொண்டிருக்கின்றன. 4கே அல்லது எப்.ஹெச்.டி. தரத்தில் பதிவு செய்யும் போது அதிகபட்சம் 20 எக்ஸ் வரையிலான ஜூம் வழங்கப்படுகிறது.
புகைப்படங்களுக்கும் இதே அம்சங்கள் வழங்கப்படுகிறது. இத்துடன் பேபி மோட், நிமா ஏஸ்தடிக், மோஷன் பிளர், மேஜிக் இரேசர், பேஸ் டி-பிளர், மேனுவல் வைட் பேலண்ஸ், போர்டிரெயிட் ஸ்பாட்லைட், சீன் லாக் மற்றும் ப்ளூடூத் மைக்ரோபோன் வசதி என பல்வேறு அம்சங்கள் வழங்கப்பட இருப்பதாக கூறப்படுகிறது.
×