புதிய கேஜெட்டுகள்

இன்பினிக்ஸ் மொபிலிட்டி நிறுவனத்தின் புதிய மிட் ரேன்ஜ் ஸ்மார்ட்போன் ஹாட் சீரிசில் அறிமுகமாகி இருக்கிறது. இன்பினிக்ஸ் ஹாட் 10எஸ் என அழைக்கப்படும் புதிய ஸ்மார்ட்போன் 6.82 இன்ச் ஹெச்டி பிளஸ் டிஸ்ப்ளே, மீடியாடெக் ஹீலியோ ஜி85 பிராசஸர், அதிகபட்சம் 6 ஜிபி ரேம் கொண்டிருக்கிறது.

இத்துடன் 48 எம்பி பிரைமரி கேமரா, 2 எம்பி போர்டிரெயிட் கேமரா, ஏஐ லென்ஸ் மற்றும் 8 எம்பி செல்பி கேமரா வழங்கப்பட்டு இருக்கிறது. ஆண்ட்ராய்டு 11 சார்ந்த எக்ஸ் ஒஎஸ் கொண்டிருக்கும் ஹாட் 10எஸ் மாடலில் டூயல் சிம் ஸ்லாட், பின்புறம் கைரேகை சென்சார் வழங்கப்பட்டு இருக்கிறது.

மேலும் 3.5 எம்எம் ஆடியோ ஜாக், எப்எம் ரேடியோ டூயல் சிம் ஸ்லாட், டூயல் 4ஜி வோல்ட்இ, வைபை, ப்ளூடூத் 5, 6000 எம்ஏஹெச் பேட்டரி வழங்கப்பட்டுள்ளது. புதிய இன்பினிக்ஸ் ஹாட் 10எஸ் ஸ்மார்ட்போன் மொராண்டி கிரீன், 7° பர்பிள், ஹார்ட் ஆப் ஓசன் மற்றும் 95° பிளாக் நிறங்களில் கிடைக்கிறது.

இந்தியாவில் இதன் 4 ஜிபி + 64 ஜிபி மாடல் விலை ரூ. 9,999 என்றும் 6 ஜிபி + 64 ஜிபி மாடல் விலை ரூ. 10,999 ஆகும். இதன் விற்பனை மே 27 ஆம் தேதி ப்ளிப்கார்ட் தளத்தில் துவங்குகிறது. முதல் விற்பனையில் இந்த ஸ்மார்ட்போனிற்கு ரூ. 500 தள்ளுபடி வழங்கப்படுகிறது.

லெனோவோ நிறுவனம் சமீபத்தில் தனது லீஜியன் 2 ப்ரோ கேமிங் ஸ்மார்ட்போனினை அறிமுகம் செய்தது. தற்போது இந்த ஸ்மார்ட்போனின் புதிய 18 ஜிபி ரேம், 412 ஜிபி மெமரி வேரியண்ட் மே 20 ஆம் தேதி அறிமுகமாக இருப்பதாக கூறப்படுகிறது. முதற்கட்டமாக இந்த மாடல் சீன சந்தையில் விற்பனை செய்யப்பட இருக்கிறது.

புதிய லீஜியன் 2 ப்ரோ ஸ்மார்ட்போன் குவால்காம் ஸ்னாப்டிராகன் 888 பிராசஸர், 144 ஹெர்ட்ஸ் ரிப்ரெஷ் ரேட் கொண்ட AMOLED டிஸ்ப்ளே, இரண்டு யுஎஸ்பி டைப் சி போர்ட்கள், இரட்டை பேன்கள் மற்றும் 5500 எம்ஏஹெச் பேட்டரி வழங்கப்பட்டு இருக்கின்றன. 

மேலும் இந்த ஸ்மார்ட்போன் கேமிங்கிற்காக அல்ட்ராசோனிக் ஷோல்டர் ட்ரிகர்கள் மற்றும் கேபாசிட்டிவ் பேக் கீ கொண்டிருக்கிறது. பிரத்யேக வடிவமைப்பு கொண்டிருக்கும் லீஜியன் 2 ப்ரோ ஸ்மார்ட்போனின் பக்கவாட்டில் பாப்-அப் ரக கேமரா வழங்கப்பட்டு இருக்கிறது.

சாம்சங் நிறுவனம் ஸ்மார்ட் கீபோர்டு ட்ரியோ 500 மாடலின் விலை 45 யூரோக்கள் என அந்நிறுவனத்தின் ஜெர்மனி வலைதளத்தில் குறிப்பிடப்பட்டு இருந்தது. முந்தைய தகவல்களில் இந்த கீபோர்டு மே மாத வாக்கில் விற்பனைக்கு வரும் என கூறப்பட்டது. எனினும், இதன் விற்பனை ஜூன் மாதம் தான் துவங்கும் என தகவல் வெளியாகி உள்ளது.

புதிய ட்ரியோ 500 கீபோர்டை ஒரே சமயத்தில் பல்வேறு சாதனங்களுடன் இணைக்க முடியும். இதனை ப்ளூடூத் மூலம் மூன்று வெவ்வேறு சாதனங்களுடன் இணைக்க முடியும். பின் மிக எளிதில் ஒவ்வொரு சாதனத்துடன் மாற்றி பயன்படுத்தலாம். மேலும் சாம்சங் டிராவல் கீபோர்டு பல்வேறு ஷார்ட்கட்கள் உள்ளன. 

இந்த அம்சம் கொண்டு கீபோர்டில் உள்ள மூன்று பட்டன்களை கொண்டு அதிகம் பயன்படுத்தும் செயலிகளை ஒரே க்ளிக் மூலம் இயக்க முடியும். சாம்சங் கீபோர்டு ட்ரியோ 500 கேலக்ஸி ஸ்மார்ட்போன்கள் மற்றும் டேப்லெட் சாதனங்களுடன் டெக்ஸ் மோடில் இயக்கலாம். இந்த சாதனத்தை லேப்டாப் உடன் இணைக்க முடியும். 

ஆப்பிள் நிறுவனம் ஆப்பிள் மியூசிக் செயலி குறித்த முக்கிய அறிவிப்பை வெளியிட இருக்கிறது. இதனை உறுதிப்படுத்தும் வகையில் ஆப்பிள் டீசர் ஒன்றை வெளியிட்டுள்ளது. டீசரில் ஆப்பிள் மியூசிக் லோகோ மட்டுமே இடம்பெற்று இருக்கிறது. 

இதுவரை வெளியாகி இருக்கும் தகவல்களின் படி ஆப்பிள் மியூசிக் செயலியில் லாஸ்லெஸ் மற்றும் ஹை ரெஸ் லாஸ்லெஸ் என இரு அம்சங்கள் வழங்கப்பட இருப்பதாக கூறப்படுகிறது. முன்னதாக ஐஒஎஸ் 14.6 தளத்தின் குறியீடுகளில் லாஸ்லெஸ் ஆடியோ அம்சத்தை குறிக்கும் குறியீடுகள் இடம்பெற்று இருந்ததாக தகவல்கள் வெளியாகி இருந்தது.

தற்போது ஆப்பிள் மியூசிக் செயலியில் ஏஏசி கோடெக் மூலம் அதிகபட்சம் 256kbps ஸ்டிரீமிங் செய்வதற்கான வசதி வழங்கப்படுகிறது. ஆப்பிள் மியூசிக் ஆண்ட்ராய்டு செயலியிலும் லாஸ்லெஸ் மியூசிக் வசதி வழங்கப்பட இருக்கிறது. லாஸ்லெஸ் தரத்தில் மூன்று நிமிட ஆடியோ 36 எம்பி அளவிலான டேட்டாவை பயன்படுத்தும் என கூறப்படுகிறது.

ஆப்பிள் நிறுவனம் மூன்றாம் தலைமுறை ஏர்பாட்ஸ் இயர்போனினை மே 18 ஆம் தேதி அறிமுகம் செய்யலாம் என தகவல் வெளியாகி உள்ளது. இதே தினத்தில் ஆப்பிள் மியூசிக் சேவையில் ஹை பிடிலிட்டி வசதியை அறிவிக்கும் என கூறப்படுகிறது. புது சாதனங்கள் வெளியீடு பற்றி ஆப்பிள் இதுவரை எந்த தகவலும் வழங்கவில்லை.

மே 18 ஆம் தேதி அதிகாரப்பூர்வ செய்தி வெளியீட்டு அறிக்கை மூலம் புது ஏர்பாட்ஸ் 3 மாடலை அறிமுகம் செய்ய ஆப்பிள் திட்டமிட்டு இருப்பதாக கூறப்படுகிறது. புதிய வயர்லெஸ் இயர்போன் மேம்பட்ட டிசைன் கொண்டிருக்கும் என கூறப்படுகிறது. எனினும், இதில் ஆக்டிவ் நாய்ஸ் கேன்சலேஷன் வசதி வழங்கப்படாது என தெரிகிறது.

ஏர்பாட்ஸ் மட்டுமின்றி ஆப்பிள் மியூசிக் சேவையில் புதிதாக ஹை பிடிலிட்டி வசதியை வழங்க இருப்பதாக கூறப்படுகிறது. ஆப்பிள் மியூசிக் ஹைபை சேவைக்கான கட்டணம் 9.99 டாலர்களாக இருக்கும் என கூறப்படுகிறது. இந்த அம்சம் அதற்கேற்ற ஹார்டுவேர் கொண்ட சாதனங்களில் மட்டுமே இயங்கும் என்றும் தகவல்கள் வெளியாகி இருந்தது. 

ஒன்பிளஸ் நிறுவனம் தனது முதல் ஸ்மார்ட்வாட்ச் மாடலை மார்ச் மாதத்தில் அறிமுகம் செய்தது. ஒன்பிளஸ் 9 சீரிஸ் மாடல்களுடன் இந்த ஸ்மார்ட்வாட்ச் அறிமுகம் செய்யப்பட்டது. அறிமுகத்தின் போது ஒன்பிளஸ் வாட்ச் கிளாசிக் எடிஷன் மட்டுமே வெளியானது. தற்போது இந்த வாட்ச்-இன் மற்றொரு வேரியண்ட் கோபால்ட் எடிஷன் எனும் பெயரில் அறிமுகமாகி இருக்கிறது.

ஒன்பிளஸ் வாட்ச் கோபால்ட் எடிஷன் தற்போது சீன சந்தையில் அறிமுகம் செய்யப்பட்டு இருக்கிறது. இந்த மாடல் முற்றிலும் புது டிசைன் கொண்டிருக்கிறது. இதன் விலையும் கிளாசிக் எடிஷன் மாடலை விட அதிகமாகவே நிர்ணயம் செய்யப்பட்டு இருக்கிறது.

புதிய கோபால்ட் எடிஷன் மாடலில் சபையர் கிளாஸ் கவர், 316L ஸ்டெயின்லெஸ் ஸ்டீல் மற்றும் கோபால்ட் அலாய் பிரேம் வழங்கப்பட்டு இருக்கிறது. இத்துடன் வட்ட வடிவ டையல் கோல்டு பினிஷ் செய்யப்பட்டு இருக்கிறது. இதனுடன் லெதர் மற்றும் புளுரோ ரப்பர் ஸ்டிராப்கள் வழங்கப்பட்டு இருக்கிறது. இவை தவிர ஒன்பிளஸ் வாட்ச் அம்சங்களில் எந்த மாற்றமும் மேற்கொள்ளப்படவில்லை.

சீன சந்தையில் ஒன்பிளஸ் வாட்ச் கோபால்ட் எடிஷன் விலை RMB1599 இந்திய மதிப்பில் ரூ. 18,250 என நிர்ணயம் செய்யப்பட்டு உள்ளது. ஒன்பிளஸ் வாட்ச் புது வேரியண்ட் இந்திய வெளியீடு பற்றி இதுவரை எந்த தகவலும் இல்லை.

சியோமி நிறுவனம் ரெட்மி நோட் 10எஸ் ஸ்மார்ட்போனினை இந்தியாவில் அறிமுகம் செய்தது. இதில் 6.43 இன்ச் FHD+AMOLED டிஸ்ப்ளே, கார்னிங் கொரில்லா கிளாஸ் 3 பாதுகாப்பு, 13 எம்பி செல்பி கேமரா, மீடியாடெக் ஹீலியோ ஜி95 பிராசஸர், 6 ஜிபி ரேம் வழங்கப்பட்டு இருக்கிறது.

ஆண்ட்ராய்டு 11 சார்ந்த MIUI 12.5 ஒஎஸ் கொண்டிருக்கும் ரெட்மி நோட் 10எஸ் ஸ்மார்ட்போன் 64 எம்பி பிரைமரி கேமரா, 8 எம்பி அல்ட்ரா வைடு கேமரா, 2 எம்பி டெப்த் மற்றும் 2 எம்பி போர்டிரெயிட் கேமராக்கள் வழங்கப்பட்டுள்ளன.

- 6.43 இன்ச் 1080×2400 பிக்சல் FHD+ 20:9 AMOLED ஸ்கிரீன்

- கார்னிங் கொரில்லா கிளாஸ் 3

- ஆக்டாகோர் மீடியாடெக் ஹீலியோ ஜி95 பிராசஸர்

- 900MHz மாலி-G76 3EEMC4 GPU

- 6 ஜிபி LPDDR4X ரேம்

- 64 ஜிபி (UFS 2.2) / 128 ஜிபி (UFS 2.2) மெமரி

- மெமரியை கூடுதலாக நீட்டிக்கும் வசதி 

- ஆண்ட்ராய்டு 11 சார்ந்த MIUI 12.5

- டூயல் சிம் ஸ்லாட் 

- 64 எம்பி பிரைமரி கேமரா, 0.7μm, f/1.79, LED பிளாஷ்

- 8 எம்பி 118° அல்ட்ரா வைடு சென்சார்

- 2 எம்பி டெப்த் கேமரா

- 2 எம்பி மேக்ரோ கேமரா

- 13 எம்பி செல்பி கேமரா, f/2.45

- பக்கவாட்டில் கைரேகை சென்சார்

- 3.5 எம்எம் ஆடியோ ஜாக், ஸ்டீரியோ ஸ்பீக்கர்கள், ஹை-ரெஸ் ஆடியோ

- வாட்டர் ரெசிஸ்டண்ட் வசதி (IP52)

- டூயல் 4ஜி வோல்ட்இ, வைபை, ப்ளூடூத் 5

- யுஎஸ்பி டைப் சி

- 5000 எம்ஏஹெச் பேட்டரி

- 33 வாட் பாஸ்ட் சார்ஜிங் 

ரெட்மி நோட் 10எஸ் ஸ்மார்ட்போன் ஷேடோ பிளாக், பிராஸ்ட் வைட் மற்றும் டீப் சீ புளூ நிறங்களில் கிடைக்கிறது. இதன் 6 ஜிபி + 64 ஜிபி மாடல் விலை ரூ. 14,999 என்றும் 6 ஜிபி + 128 ஜிபி மெமரி மாடல் விலை ரூ. 15,999 என நிர்ணயம் செய்யப்பட்டு உள்ளது.

போக்கோ நிறுவனத்தின் போக்கோ எம்3 ஸ்மார்ட்போன் கடந்த ஆண்டு சர்வதேச சந்தையில் அறிமுகம் செய்யப்பட்டது. சில மாதங்களுக்கு முன் இந்த ஸ்மார்ட்போன் இந்திய சந்தையில் அறிமுகம் செய்யப்பட்டது. இந்த நிலையில், தற்போது வெளியாகி இருக்கும் தகவல்களில் போக்கோ நிறுவனம் போக்கோ எம்3 ப்ரோ 5ஜி மாடலை உருவாக்கி வருவதாக கூறப்படுகிறது.

போக்கோ குளோபல் நிறுவன தலைவர் சியாபோ கியூ, விளம்பர பிரிவு தலைவர் அங்குஸ் என் ஆகியோர் இந்த தகவலை உறுதிப்படுத்தி இருப்பதாக கூறப்படுகிறது. முன்னதாக வெளியான தகவல்களில் போக்கோவின் 5ஜி ஸ்மார்ட்போன் ரி-பிராண்டு செய்யப்பட்ட ரெட்மி நோட் 10 5ஜி மாடலாக இருக்கும் என கூறப்பட்டது.

போக்கோ எம்3 ப்ரோ மாடலில் மீடியாடெக் டிமென்சிட்டி பிராசஸர் வழங்கப்படும் என கூறப்படுகிறது. இந்த பிராசஸர் ஸ்னாப்டிராகன் 662-ஐ விட வேகமானதாக இருக்கும் என கூறப்படுகிறது. ரெட்மி நோட் 10 5ஜி மாடலில் மீடியாடெக் டிமென்சிட்டி 700 பிராசஸர் வழங்கப்பட்டு இருக்கிறது.

போக்கோ எம்3 ப்ரோ மாடலில் பிரத்யேக வடிவமைப்பு, அதிக ரேம், அதிவேக ஸ்டோரேஜ் மாட்யூல் மற்றும் மூன்று நிறங்களை கொண்டிருக்கும் என தகவல் வெளியாகி உள்ளது. மேலும் இதன் விலை போக்கோ எக்ஸ்3 என்எப்சி மாடலை போன்றே நிர்ணயிக்கப்படும் என கூறப்படுகிறது.

லாவா நிறுவனம் இந்தியாவில் இசட்2 மேக்ஸ் ஸ்மார்ட்போனினை அறிமுகம் செய்தது. புதிய லாவா இசட்2 மேக்ஸ் மாடலில் 7 இன்ச் ஹெச்டி பிளஸ் ஸ்கிரீன், மீடியாடெக் ஹீலியோ குவாட் கோர் பிராசஸர், 2 ஜிபி ரேம் வழங்கப்பட்டு இருக்கிறது.

இத்துடன் 13 எம்பி பிரைமரி கேமரா, 2 எம்பி இரண்டாவது சென்சார், எல்இடி பிளாஷ் மற்றும் 8 எம்பி செல்பி கேமரா, 6000 எம்ஏஹெச் பேட்டரி வழங்கப்பட்டுள்ளது. 

- 7.0 இன்ச் 1600x720 பிக்சல் HD+ 20:9 2.5D வளைந்த கிளாஸ் டிஸ்ப்ளே

- கார்னிங் கொரில்லா கிளாஸ் 3

- 1.8GHz குவாட்கோர் மீடியாடெக் ஹீலியோ ஏ20 பிராசஸர்

- 2 ஜிபி LPDDR3 ரேம்

- 32 ஜிபி மெமரி

- மெமரியை கூடுதலாக நீட்டிக்கும் வசதி

- ஆண்ட்ராய்டு 10 கோ எடிஷன்

- டூயல் சிம் ஸ்லாட் 

- 13 எம்பி பிரைமரி கேமரா, f/1.85

- 2 எம்பி டெப்த் சென்சார், LED பிளாஷ்

- 8 எம்பி செல்பி கேமரா, f/2.0

- டூயல் 4ஜி வோல்ட்இ, வைபை, ப்ளூடூத் 5

- யுஎஸ்பி டைப் சி

- 6000 எம்ஏஹெச் பேட்டரி

லாவா இசட்2 மேக்ஸ் ஸ்மார்ட்போன் ஸ்டிரோக்டு புளூ மற்றும் ஸ்டிரோக்டு சியான் நிறங்களில் கிடைக்கிறது. இதன் விலை ரூ. 7799 ஆகும். இது முன்னணி வலைதளங்கள் மற்றும் ஆப்லைன் தளங்களில் விற்பனை செய்யப்படுகிறது.

சாம்சங் கேலக்ஸி ஏ52 5ஜி மாடல் சாம்சங் இந்தியா அதிகாரப்பூர்வ வலைதளத்தில் பட்டியலிடப்பட்டு இருக்கிறது. இந்த ஸ்மார்ட்போன் SM-A526B/DS எனும் மாடல் நம்பர் கொண்டிருக்கிறது. முன்னதாக இந்த ஸ்மார்ட்போன் சர்வதேச சந்தையில் அறிமுகம் செய்யப்பட்டது. 

இத்துடன் கேலக்ஸி ஏ52 மற்றும் கேலக்ஸி ஏ72 மாடல்களும் அறிமுகம் செய்யப்பட்டன. கேலக்ஸி ஏ52 5ஜி மாடலில் ஸ்னாப்டிராகன் 750G பிராசஸர், அதிகபட்சம் 8 ஜிபி ரேம், 256 ஜிபி மெமரி வழங்கப்பட்டு இருக்கிறது. தற்போது இந்திய தளத்தில் இடம்பெற்று இருப்பதை ஒட்டி விரைவில் இது அறிமுகம் செய்யப்படலாம் என கூறப்படுகிறது.

ஐரோப்பிய சந்தையில் அறிமுகம் செய்யப்பட்ட கேலக்ஸி ஏ52 5ஜி மாடல் ஆசம் பிளாக், ஆசம் புளூ, ஆசம் வைலட் மற்றும் ஆசம் வைட் போன்ற நிறங்களில் கிடைக்கிறது. இதன் துவக்க விலை 429 யூரோக்கள், இந்திய மதிப்பில் ரூ. 38 ஆயிரம் என நிர்ணயம் செய்யப்பட்டு உள்ளது.

சர்வதேச சந்தையில் அறிமுகமாகி இருக்கும் கேலக்ஸி ஏ52 5ஜி மாடலில் 6.5 இன்ச் புல் ஹெச்டி பிளஸ் சூப்பர் AMOLED இன்பினிட்டி ஒ டிஸ்ப்ளே, 120 ஹெர்ட்ஸ் ரிப்ரெஷ் ரேட், ஸ்னாப்டிராகன் 750G பிராசஸர், அதிகபட்சம் 8 ஜிபி ரேம், 256 ஜிபி மெமரி வழங்கப்பட்டு இருக்கிறது.

இத்துடன் 64 எம்பி பிரைமரி கேமரா, 12 எம்பி அல்ட்ரா வைடு சென்சார், 5 எம்பி டெப்த் சென்சார், 5 எம்பி மேக்ரோ சென்சார், 32 எம்பி செல்பி கேமரா வழங்கப்பட்டு இருக்கிறது. இதுதவிர 4500 எம்ஏஹெச் பேட்டரி, 25வாட் பாஸ்ட் சார்ஜிங் வசதி வழங்கப்படுகிறது.

சியோமி நிறுவனம் சமீபத்தில் தனது ரெட்மி நோட் 10 சீரிஸ் மாடல்களை AMOLED டிஸ்ப்ளேவுடன் அறிமுகம் செய்தது. ரெட்மி பிளாக்ஷிப் மாடல்கள் LCD டிஸ்ப்ளேவுடன் வெளியாகாது என்ற காரணத்தால் தான் ரெட்மி மால்களில் AMOLED டிஸ்ப்ளே வழங்கப்படுகிறது.

இதே தகவலை சியோமி நிறுவன துணை தலைவர் லியூ வெய்பிங் மற்றும் ரெட்மி பொது மேலாளர் ஆகியோர் உறுதிப்படுத்தி இருக்கின்றனர். மேலும், ஸ்னாப்டிராகன் 870 பிராசஸர் கொண்ட ரெட்மி போன் எல்சிடி ஸ்கிரீன் கொண்டிருக்குமா? என வெய்போவில் பயனர் எழுப்பிய கேள்விக்கு சியோமி சார்பில் இல்லை என பதில் அளிக்கப்பட்டு இருக்கிறது. 

அதன்படி ரெட்மி பிளாக்ஷிப் ஸ்மார்ட்போன் AMOLED ஸ்கிரீன் கொண்டிருக்கும் என உறுதியாகி இருக்கிறது. இதே நிலை ரெட்மியின் மற்ற மாடல்களுக்கும் பொருந்துமா என்ற கேள்விக்கு இதுவரை எந்த பதிலும் இல்லை.

அசுஸ் நிறுவனம் சர்வதேச சந்தையில் சென்போன் 8 சீரிஸ் மாடல்களை மே 12 ஆம் தேதி அறிமுகம் செய்ய இருக்கிறது. சென்போன் 8, சென்போன் 8 ப்ரோ மற்றும் சென்போன் 8 மினி என மூன்று மாடல்கள் அறிமுகம் செய்யப்பட இருக்கிறது. மூன்று மாடல்கள் இந்திய வெளியீடு கேள்விக்குறியாகவே இருந்தது.

இந்த நிலையில், அசுஸ் சென்போன் 8 மினி பிஐஎஸ் சான்று பெற்று இருக்கிறது. அந்த வகையில், இந்த மாடல் இந்திய சந்தையில் அறிமுகமாகும் என தெரிகிறது. புதிய அசுஸ் சென்போன் 8 மினி ASUS_1006D எனும் மாடல் நம்பர் கொண்டுள்ளது. 

அம்சங்களை பொருத்தவரை புது சென்போன் 8 மினி டூயல் பிரைமரி கேமரா, எல்இடி பிளாஷ், செவ்வக கேமரா மாட்யூல், முன்புறம் பன்ச் ஹோல் கேமரா கட்-அவுட் உள்ளிட்டவை வழங்கப்படுகிறது. வால்யூம் ராக்கர் மற்றும் பவர் பட்டன் ஸ்மார்ட்போனின் வலதுபுறத்திலும், கீழ்புறத்தில் யுஎஸ்பி டைப் சி, ஸ்பீக்கர் கிரில் வழங்கப்படுகிறது.

இத்துடன் 5.92 இன்ச் AMOLED டிஸ்ப்ளே, ஸ்னாப்டிராகன் 888 பிராசஸர், அதிகபட்சம் 16 ஜிபி ரேம், 256 ஜிபி மெமரி, 4000 எம்ஏஹெச் பேட்டரி, 30 வாட் பாஸ்ட் சார்ஜிங் வசதி வழங்கப்பட இருக்கிறது.