நீங்கள் தேடியது "வேளாண் வளர்ச்சி"

முதலமைச்சர் மு.க.ஸ்டாலின் தலைமையிலான தமிழ்நாடு பால், மீன்வள செயல்பாடுகளில் முன்னணி மாநிலமாக திகழ்கிறது. ஒட்டுமொத்த வளர்ச்சியில் சிறந்த மாநிலமாக தமிழ்நாடு பாராட்டு, புகழை பெற்று வருகிறது என்று அரசு அறிக்கை வெளியிட்டுள்ளது.

தமிழ்நாடு அரசு வெளியிட்டுள்ள அறிக்கையில் கூறியிருப்பதாவது:

* தமிழ்நாடு பால், மீன்வள செயல்பாடுகளில் முன்னணி மாநிலமாக திகழ்கிறது.

* உணவு தானிய உற்பத்தி 457.08 லட்சம் மெட்ரிக் டன், சராசரியாக 5.66 சதவீத வேளாண் வளர்ச்சியை தமிழ்நாடு எட்டி உள்ளது.

* தமிழகம் முழுவதும் 5,427 கி.மீ. நீள நீர்நிலைகள் தூர்வாரப்பட்டு 2.10 லட்சம் விவசாயிகள் பயனடைந்துள்ளனர்.

* தமிழ்நாடு முழுவதும் 449 கோடி ரூபாய் மதிப்பிலான வேளாண் இயந்திரங்கள் 62,820 விவசாயிகளுக்கு வழங்கப்பட்டுள்ளன.

* வேளாண் வளர்ச்சி திட்டங்களால் கேழ்வரகு, கொய்யா உற்பத்தி திறனில் நாட்டிலேயே தமிழ்நாடு முதலிடம்.

* மக்காச்சோளம், கரும்பு, புளி, மரவள்ளி, மல்லிகை, எண்ணெய் வித்துகள் உற்பத்தியில் தமிழ்நாட்டுக்கு 2-வது இடம்.

* வேர்க்கடலை, தென்னை, உற்பத்தி திறனில் 3-வது இடம் பிடித்து தமிழ்நாடு சாதனை படைத்துள்ளது.

இவ்வாறு அதில் கூறப்பட்டுள்ளது.

திருப்பூர்:

திருப்பூர் மாவட்டத்தில் 50 ஊராட்சிகளில் வேளாண் வளர்ச்சி சிறப்பு முகாம் வரும் 7ந்தேதி நடைபெற உள்ளது. இதுகுறித்து திருப்பூர் வேளாண் இணை இயக்குனர் மகாதேவன் வெளியிட்டுள்ள அறிக்கையில் கூறியிருப்பதாவது:-

திருப்பூர் மாவட்டத்தில், 2021 - 22ம் நிதியாண்டில், 50 ஊராட்சிகளில் வேளாண் வளர்ச்சி திட்டம் செயல்படுத்தப்பட்டு வருகிறது. தன்னிறைவு பெற்ற ஊராட்சிகளாக மாற்றும் நோக்கில் வேளாண் சார்ந்த அனைத்து துறைகள் இணைந்து, வருகிற 7-ந் தேதி, 50 ஊராட்சிகளில் தொடர் சிறப்பு முகாம் நடத்தப்பட உள்ளது.

அவிநாசியில் ஆலத்தூர், சேவூர், நம்பியாம்பாளையம், பழங்கரை, பாப்பான்குளம், புதுப்பாளையம், செம்பியநல்லுார். தாராபுரத்தில் பொன்னாபுரம், முண்டுவேலம்பட்டி, தொப்பம்பட்டி. குடிமங்கலத்தில், அணிக்கடவு, குடிமங்கலம், வாகைத்தொழுவு.

காங்கயத்தில், நத்தக்காடையூர், பழையகோட்டை, பாப்பினி, பரஞ்சேர் வழி, பொதியம்பாளையம் ஊராட்சி.குண்டடத்தில், எல்லம்பாளையம் புதூர், நந்தவனம்பாளையம், பெருமாள்பாளையம், சடையபாளையம், சங்கரன்டாம்பாளையம், சூரியநல்லுார், வட சின்னேரி பாளையம்.

மடத்துக்குளத்தில், துங்காவி. மூலனூரில் கிழான்குண்டல், கொமாரபாளையம், பொன்னிவாடி. பல்லடத்தில், கணபதிபாளையம், கரைப்புதூர், வடுகபாளையம்புதூர். பொங்கலூரில் கண்டியன்கோவில், தெ.அவிநாசி பாளையம், தொங்குட்டிபாளையம், உகாயனூர்.திருப்பூரில், முதலிபாளையம், வள்ளிபுரம்.

உடுமலையில் ஆண்டிய கவுண்டனூர்,ஜல்லிப்பட்டி, கல்லாபுரம், ஊத்துக்குளியில் செங்கப்பள்ளி, சின்னேகவுண்டன் வலசு, கமலக்குட்டை, கவுண்டம்பாளையம், நடுப்பட்டி, சுண்டக்காம்பாளையம், விருமாண்டம்பாளையம். வெள்ளகோவிலில் பச்சாபாளையம், வேலம்பாளையம் ஊராட்சிகளில் முகாம் நடைபெற உள்ளது.

முகாமில், பட்டா மாறுதல், வண்டல் மண் எடுக்க விண்ணப்பம் பெறப்படும். பயிர்க்கடன் வழங்கல், பயிர் காப்பீடு திட்ட விழிப்புணர்வு, விவசாய கடன் பெற விண்ணப்பம் பெறப்படும். விவசாயிகள், முகாமில் பங்கேற்று பயன்பெற வேண்டும். இவ்வாறு அந்த அறிக்கையில் கூறப்பட்டுள்ளது.

திருப்பூர்:

தமிழக அரசின் சார்பில், ஒருங்கிணைந்த வேளாண் வளர்ச்சி திட்டம் செயல்படுத்தப்படுகிறது. இதில், வேளாண்மை, தோட்டக்கலை, கால்நடை, மீன்வளம் உட்பட 35க்கும் மேற்பட்ட அரசுத் துறைகள் உள்ளன.இத்திட்டத்தை செயல்படுத்த போதிய ஒருங்கிணைப்பு இல்லை என்ற குற்றச்சாட்டு உள்ளது.

இது குறித்து விவசாயிகள் கூறியதாவது:-

கிராமங்களில் அரசுத்துறைகள் ஒருங்கிணைந்து வேளாண் வளர்ச்சித் திட்டத்தை செயல்படுத்துகின்றன.இத்திட்டம் வரவேற்கத்தக்கது என்றாலும், போதிய ஒருங்கிணைப்பு இல்லை. இது தொடர்பான முகாம்கள் குறித்து கடைக்கோடி விவசாயிகள் வரை தெரியப்படுத்த அதிகாரிகள் முயற்சிக்கவேண்டும்.அதேபோல்அனைத்து துறைகள் மூலமும் விவசாயிகள் பயன்பெறும் வகையில் முகாம் ஏற்பாடு செய்யப்பட வேண்டும். இதனால் விவசாயிகளுக்கு ஏற்படும் சந்தேகங்கள் மற்றும் பிரச்னைகளுக்கு ஒரு தீர்வு கிடைக்கும்.ஆனால் அரசுத்துறைகள் இடையே போதிய ஒருங்கிணைப்பு இல்லாததால் ஒரு சில துறைகளை தவிர்த்து பெரும்பாலான துறைகள் முகாமில் இடம் பெறுவதில்லை. எனவே அனைத்து விவசாயிகளுக்கும் முகாம் நடப்பது குறித்து தெரியப்படுத்தும் வகையில் விழிப்புணர்வு ஏற்படுத்த வேண்டும் என்றனர்.

கடையம்:

கடையம் வட்டாரத்தில் வேளாண்மை-உழவர் நலத்துறை மூலம் செயல்படுத்தப்பட்டு வரும் கலைஞரின் ஒருங்கிணைந்த வேளாண் வளர்ச்சி திட்ட பணிகளை சென்னை வேளாண்மை இயக்குனர், தென்காசி மாவட்ட மண்டல அலுவலரும், வேளாண்மை உதவி இயக்குனருமான அருள்நங்கை மற்றும் தென்காசி மாவட்ட வேளாண்மை துணை இயக்குனர் (மத்திய, மாநில திட்டங்கள்) நல்லமுத்துராஜா ஆகியோர் கடையம் வேளாண்மை உதவி இயக்குநர் அலுவலகத்தில் விரிவான திட்ட அறிக்கைகள் ஆய்வு செய்தனர்.

பின்னர் திட்டத்தில் 2022-2023-ம் ஆண்டு ஊரக வளர்ச்சி துறை மூலம், சேர்வைகாரன்பட்டி, ரவணசமுத்திரம், வீராசமுத்திரம் ஊராட்சிகளில் செயல்படுத்தப்படும் திட்ட பணிகள் கள ஆய்வு செய்தனர். 2021-2022-ம் ஆண்டு பொட்டல்புதூர் ஊராட்சியில் வேளாண்மை-உழவர் நலத்துறை சார்பில் செயல்படுத்தப்பட்ட தென்னங்கன்றுகள், மின்கல விசை தெளிப்பான், நெல் பயிரில் வரப்பு பயிராக உளுந்து பயிர் சாகுபடி செய்யப்பட்டுள்ளதை கள ஆய்வு செய்தனர்.

ஆய்வின் போது வேளாண்மை உதவி இயக்குனர் ஏஞ்சலின் பொன்ராணி, வேளாண்மை அலுவலர் அபிராமி, தோட்டக்கலை அலுவலர் சபா பாத்திமா, துணை வேளாண்மை அலுவலர் சுப்ராம், உதவி அலுவலர்கள் கமல்ராஜன், ஜெகதீஸ்வரன், கிருஷ்ணமூர்த்தி, பேச்சியப்பன், பால்துரை, தீபா, தோட்டக்கலை உதவி அலுவலர்கள் திருமலைக்குமார், பானுமதி, இசக்கியம்மாள், அட்மா திட்ட தொழில்நுட்ப மேலாளர் பொன்ஆசீர், உதவி தொழில்நுட்ப மேலாளர் நாகராஜன் ஆகியோர் கலந்துகொண்டனர்.