search icon
என் மலர்tooltip icon

    நீங்கள் தேடியது "Anupam Kher"

    • அவரை ரசிகர்களாகச் சந்தித்தோம் என கபூர் கூறினார்.
    • கபூருடன் வந்த கேர், கிரிக்கெட் வீரரை மிகவும் சிரிக்க வைத்ததாக கூறினார்.

    படுகாயமடைந்த ரிஷப் பந்தை நேரில் சந்தித்து நலம் விசாரித்த பாலிவுட் நடிகர்கள்டேராடூன்:

    இந்தியாவின் நட்சத்திர கிரிக்கெட் வீரர் ரிஷப் பண்ட் நேற்று அதிகாலை டெல்லி-டேராடூன் நெடுஞ்சாலையில் தனது சொகுசு கார் சாலையின் நடுவே உள்ள தடுப்பு மீது மோதி விபத்துக்குள்ளானது. அதில் அவர் அதிஷ்டவசமாக உயிர் தப்பினார்.

    இந்நிலையில் கார் விபத்தில் காயமடைந்து மேக்ஸ் மருத்துவமனையில் சிகிச்சை பெற்று வரும் கிரிக்கெட் வீரர் ரிஷப் பந்தை பாலிவுட் நடிகர்கள் அனில் கபூர் மற்றும் அனுபம் கேர் ஆகியோர் சந்தித்தனர்.

    அவர் (பண்ட்) நலமாக இருக்கிறார். அவரை ரசிகர்களாகச் சந்தித்தோம். அவர் விரைவில் குணமடைய பிரார்த்திகிறோம். அவர் மீண்டும் விளையாடுவதைப் பார்ப்போம் என்று மருத்துவமனையிலிருந்து வெளியே வந்த பிறகு செய்தியாளர்களிடம் கபூர் கூறினார்.


    கபூருடன் வந்த கேர், கிரிக்கெட் வீரரை மிகவும் சிரிக்க வைத்ததாக கூறினார்.

    மேலும் அவர், மருத்துவமனையில் பந்த், அவருடைய அம்மா மற்றும் உறவினர்களை சந்தித்தோம். பண்ட் நலமாக இருக்கிறார். அவரை மிகவும் சிரிக்க வைத்தோம்," என்று கூறினார்.

    அவரது உடல்நிலை சீராக இருப்பதாக மருத்துவமனை நிர்வாகம் தெரிவித்துள்ளது.

    • மதிப்புமிக்க திரைப்பட விழாவில் போட்டி பிரிவில் இந்த படம் வந்தது சரியானது அல்ல என கருத்து.
    • இது குறித்து அவமானம் இப்போ அதிகாரப்பூர்வமானது என்று பிரகாஷ் ராஜ் கருத்து தெரிவித்திருந்தார்.

    53வது சர்வதேச கோவா திரைப்பட விழா கோலாகலமாக நடைபெற்று நிறைவடைந்தது. திரைப்பட விழாவில் இயக்குனர் விவேக் அக்னிஹோத்ரி இயக்கிய 'தி காஷ்மீர் பைல்ஸ்' படம் திரையிடப்பட்டது. இப்படத்திற்கு விருதுகள் எதுவும் கிடைக்கவில்லை. எனினும் நிறைவு நாளில் பேசிய தேர்வுக்குழு தலைவரும் இஸ்ரேலிய திரைப்பட இயக்குனருமான நாடவ் லேபிட், தி காஷ்மீர் பைல்ஸ் படம் திரையிடப்பட்டது குறித்து அதிருப்தி தெரிவித்தார்.

     

    நாடவ் லேபிட்

    நாடவ் லேபிட்

    அவர் பேசுகையில், ‛தி காஷ்மீர் பைல்ஸ் திரைப்படம் வெறுப்புணர்வை தூண்டும் வகையில் தயாரிக்கப்பட்ட இழிவான திரைப்படம். பிரசார தன்மை கொண்டதாக உள்ளது. இது போன்ற மிகவும் மதிப்புமிக்க திரைப்பட விழாவில் போட்டி பிரிவில் இந்த படம் வந்தது சரியானது அல்ல. இத்திரைப்படத்தை திரையிடப்பட்டதற்கு அதிருப்தியைத் தெரிவித்துக் கொள்கிறோம்' என்றார். அவரது பேச்சு விழாவில் சலசலப்பை ஏற்படுத்தியது. இது தொடர்பான வீடியோவும் இணையத்தில் வெளியாகி பரபரப்பை ஏற்படுத்தியுள்ளது. தேர்வுக்குழுவின் நாடவ் லேபிட்டுக்கு பல்வேறு தரப்பினரும் எதிர்ப்புகளும் ஆதரவும் தெரிவித்தனர்.

     

    அனுபம் கேர்

    அனுபம் கேர்

    நாடவ் லேபிட் தெரிவித்த கருத்து குறித்து நடிகர் பிரகாஷ் ராஜ் சமூக வலைத்தளத்தில் பதிவிட்டிருந்தார். அதில், அவமானம் இப்போ அதிகாரப்பூர்வமானது என்று குறிப்பிட்டிருந்தார். இந்நிலையில் இதுகுறித்து பிரபல ஹாலிவுட் நடிகர் அனுபம் கேர் கருத்து தெரிவித்துள்ளார். அதில், பொய் எவ்வளவு பிரம்மாண்டமாக இருந்தாலும் அது வீழ்ந்துவிடும். உண்மையின் முன்னால் அது தாக்குப் பிடிக்காது என்றார்.

    தேர்வுக்குழு தலைவரின் கருத்துக்கு தி காஷ்மீர் பைல்ஸ் பட இயக்குனர் அக்னிஹோத்ரி, ‛உண்மை எப்போதும் பேராபத்தானது. அது சிலரை பொய் பேசவைத்துவிடும்' என அவர் காட்டமாக கூறியது குறிப்பிடத்தக்கது.

    • ஜம்மு காஷ்மீரில் பயங்கரவாதிகள் தொடர் தாக்குதல் நடத்தி வருகின்றனர்.
    • காஷ்மீரி பண்டிட் கொல்லப்பட்டதற்கு நடிகர் அனுபம் கெர் கண்டனம் தெரிவித்துள்ளார்.

    ஜம்மு:

    சுதந்திர தினக் கொண்டாட்டங்கள் நடந்து முடிந்துள்ள நிலையில், காஷ்மீரின் சோபியான் மாவட்டத்தில் சந்தேகத்திற்குரிய வகையிலான பயங்கரவாதிகளின் தாக்குதலில் காஷ்மீரி பண்டிட் ஒருவர் உயிரிழந்து உள்ளார் என போலீசார் தெரிவித்தனர்.

    இந்த தாக்குதலில் அவரது சகோதரர் காயமடைந்துள்ளார். உயிரிழந்த நபர் சுனில் குமார் என அடையாளம் காணப்பட்டுள்ளார். அவரது சகோதரர் பிந்து குமார் சிகிச்சை பெற்று வருகிறார்.

    இந்நிலையில், காஷ்மீரின் சோபியான் மாவட்டத்தில் பொதுமக்கள் கொல்லப்பட்டதற்கு நடிகர் அனுபம் கெர் கண்டனம் தெரிவித்தார்,

    இதுதொடர்பாக அவர் கூறுகையில், காஷ்மீரி பண்டிட்கள் மீதான அட்டூழியங்கள் இன்றும் தொடர்வது வெட்கக் கேடானது. பயங்கரவாதிகள் தங்கள் சொந்த மக்களைக் கூட கொன்றுவிடுகிறார்கள். இந்தியாவுடன் நிற்கும் அனைவரையும் அவர்கள் கொன்று விடுகிறார்கள். இது கடந்த 30 ஆண்டுகளாக நடந்துவருகிறது. நீங்கள் எவ்வளவு அதிகமாகக் கண்டிக்கிறீர்களோ, அவ்வளவு குறையும். இந்த தீவிரவாத மனநிலையை நாம் மாற்ற வேண்டும் என தெரிவித்தார்.

    விஜய் ரத்னாகர் இயக்கத்தில் அனுபம் கெர் - சுசான் பெர்னெர்ட் நடிப்பில் வெளியாகி இருக்கும் `தி ஆக்சிடென்டல் பிரைம் மினிஸ்டர்' படத்தின் விமர்சனம். #TheAccidentalPrimeMinisterReview #TheAccidentalPrimeMinister #AnupamKher
    முன்னாள் பிரதமர் மன்மோகன் சிங் பற்றி அவரின் முன்னாள் ஆலோசகர் சஞ்சய் பாரு எழுதிய ‘தி ஆக்சிடென்டல் பிரைம் மினிஸ்டர்’ என்ற புத்தகத்தை தழுவி அதே தலைப்பில் சுனில் போரா தயாரிப்பில் விஜய் ரத்னாகர் இயக்கத்தில் அனுபம் கெர் முதன்மை கதாபாத்திரத்தில் நடித்து இருக்கும் படம்.

    2004-ம் ஆண்டு பாராளுமன்றத் தேர்தலில் காங்கிரஸ் வெற்றி பெற்றது. கட்சித் தலைவர் சோனியா காந்தி, பிரதமர் ஆகாமல் மன்மோகன் சிங்கை முன்மொழிந்தார். அவர் பிரதமர் பதவி ஏற்ற பிறகு நடந்த சிக்கல்கள், சூழல்கள், எதிர்ப்புகள் பதவிக்காலம் முடிந்து கடந்த தேர்தலில் பா.ஜனதா வெற்றி பெறுவது வரையிலான நிகழ்வுகளின் தொகுப்பே இந்த திரைப்படம்.

    2004 முதல் 2014 வரையிலான காங்கிரசின் 10 ஆண்டுகால ஆட்சியை பற்றிய படமாகவே இது உருவாகி இருக்கிறது. தி ஆக்சிடெண்டல் பிரைம் மினிஸ்டர் புத்தகத்தில் 2008 வரையிலான ஆட்சி பற்றி மட்டுமே இருக்கும்.



    சஞ்சய் பாரு வேடத்தில் பத்திரிகையாளராக நடித்து இருக்கும் அக்‌ஷய் கன்னா சொல்வது போல படம் தொடங்குகிறது. படம் முழுக்கவே அவர் சொல்ல சொல்ல காட்சிகள் விரிகின்றன. ஒரு ஆவணப் படம் பார்ப்பது போல் இருக்கிறது. 2004-ம் ஆண்டு பாராளுமன்ற தேர்தலில் காங்கிரஸ் கட்சி வெற்றி பெறுவதில் இருந்து படம் தொடங்குகிறது.

    சோனியா காந்தி பிரதமராவதில் சிக்கல் இருப்பதால் ராகுல் காந்தி பக்குவம் அடையும்வரை, பிரதமர் பதவி மன்மோகன் சிங்குக்கு அளிக்கப்படுகிறது. சோனியா காந்தி கட்டுப்பாட்டின் கீழ், கடும் அழுத்தங்களுடன் மன்மோகன் சிங் பணியாற்றுகிறார். படம் முழுவதும் பத்திரிகையாளர் சஞ்சய் பாரு உரையாடிக்கொண்டே அந்தந்த காலகட்ட அரசியல் சூழலை பற்றி விரிவாக பேசுகிறார்.

    மன்மோகன் சிங்காக அனுபம் கெர் நடித்திருக்கிறார். இந்தி முன்னணி நடிகரான அவர் 2014-ம் ஆண்டு பா.ஜனதா கட்சியின் ஆதரவாளராக மாறினார். அவரின் மனைவி கிரோன் கெர் பா.ஜனதாவில் பாராளுமன்ற உறுப்பினராக பதவி வகிப்பவர்.



    மன்மோகன் சிங்கைப் பல இடங்களில் நினைவுபடுத்த முயற்சி செய்து இருக்கிறார். நடை, பேச்சு, பாவனை என அனைத்திலும் மன்மோகன்சிங்கே தெரிகிறார். படத்தில் சில காட்சிகளில் நிஜ மன்மோகன் சிங் வரும் வீடியோக்களை சேர்த்து இருப்பதால், உண்மையான மன்மோகன் சிங்குக்கும், அனுபம் கெரின் மன்மோகன் காட்சிகளுக்கும் நிறைய வித்தியாசம் தெரிகிறது. இது ரசிகர்களுக்கு எரிச்சலை ஏற்படுத்துகிறது. அனுபம் கெர் சில இடங்களில் ஓவர் ஆக்டிங்கும் செய்கிறார்.

    சோனியாகாந்தி முதல் ப.சிதம்பரம் வரை ஒவ்வொரு கதாபாத்திரமும் சில காட்சிகளில் வந்து செல்கிறார்கள். ஜெர்மனியில் பிறந்த சுசான் பெர்னெர்ட் சோனியா காந்தியாக நடித்திருக்கிறார். எந்த நேரமும் சிடுசிடுவென இருக்கும் முகத்துடன், மன்மோகன்சிங்குக்கு கட்டளை பிறப்பிக்கும் சர்வாதிகாரியாக சோனியா காந்தி காட்டப்பட்டுள்ளார்.

    ராகுல் காந்தி கதாபாத்திரம் அரசியலில் இறக்கிவிடப்பட்ட பணக்கார வீட்டுப்பிள்ளையாக சித்திரிக்கப்பட்டுள்ளது.



    படத்தை அறிமுக இயக்குநர் விஜய் ரத்னாகர் இயக்கியுள்ளார். ஒரு நாட்டின் முன்னாள் பிரதமர் பற்றிய வரலாற்று திரைப்படம், பிரதமர் அலுவலகம், சோனியா காந்தி இல்லம் மற்றும் சில பிரபலங்கள் மட்டுமே இடம்பெறும் இடங்களில் நிகழ்வது சலிப்பை தருகிறது.

    ‘மன்மோகன் சிங் பீஷ்மர் போன்றவர். சோனியா காந்தி குடும்பத்துக்காக எந்த முடிவையும் எடுக்கக் கூடியவர். மகாபாரதத்திலாவது இரண்டு குடும்பங்கள் இருந்தன; துரதிர்ஷ்டவசமாக இந்தியாவில் ஒரே குடும்பம்தான் இருக்கிறது’ என்று வெளிப்படையாக காங்கிரஸ் கட்சியை விமர்சித்து வெளியாகியுள்ளது இந்தத் திரைப்படம்.

    ஆனால் அந்த விமர்சனம் முழுவதும் பிரசார ரீதியில் மட்டுமே இருக்கின்றன. காட்சிப்படுத்துதலில் கோட்டை விட்டு இருக்கிறார்கள். காங்கிரஸ் கட்சியையும், மன்மோகன் சிங் ஆட்சியையும் பற்றி நடுநிலையுடன் இன்னும் ஆதாரங்களுடன் தெளிவாக விமர்சித்து இருக்கலாம். ஆனால் இந்தத் திரைப்படம் காங்கிரஸ் கட்சிக்கு எதிரான பிரசாரமாக மட்டுமே உருவாகி உள்ளது. #TheAccidentalPrimeMinisterReview #TheAccidentalPrimeMinister #AnupamKher #SuzanneBernert

    மன்மோகன் சிங் பிரதமராக இருந்த போது நடந்தவற்றை மையப்படுத்தி உருவாகி இருக்கும் `தி ஆக்சிடெண்டல் பிரைம் மினிஸ்டர்' படத்தின் டிரைலர் வெளியாகி இருக்கிறது. #TheAccidentalPrimeMinister #ManmohanSingh
    சமீப காலமாக பிரபலங்களின் வாழ்க்கை வரலாறு சினிமாவாக எடுக்கப்பட்டு வருகின்றன. அரசியல் தலைவர்கள், விளையாட்டு வீரர்கள், சினிமா பிரபலங்கள் என பிரபலமானவர்களின் வாழ்க்கையை படமாக்க போட்டிகள் நடக்கின்றன.

    மன்மோகன் சிங், கடந்த 2004-ம் ஆண்டு பிரதமரான சூழ்நிலை குறித்தும் அவரது ஆட்சிக் காலம் குறித்தும் எடுக்கப்பட்டுள்ள ‘தி ஆக்சிடென்டல் பிரைம் மினிஸ்டர்’ படத்தின் டிரெய்லர் வெளியாகியிருக்கிறது. முன்னாள் பிரதமர் மன்மோகன் சிங்கின் ஊடக ஆலோசகராக இருந்த சஞ்சயா பாரு எழுதிய ‘தி ஆக்சிடென்டல் பிரைம் மினிஸ்டர்’ என்ற புத்தகத்தை அடிப்படையாகக் கொண்டு அதே பெயரில் படமாக உருவாக்கி இருக்கிறார்கள்.

    இந்தப் புத்தகம் அரசியல் உலகில் பெரும் பரபரப்பை ஏற்படுத்தியது. இந்தப் புத்தகம் வெளியான சமயத்தில் புத்தகத்தில் வந்தவை அனைத்தும் முழுக்க முழுக்க கற்பனையே என அப்போதைய பிரதமர் அலுவலகம் மறுப்பு தெரிவித்தது. மன்மோகன் சிங் ஆட்சிக் காலத்தில், நிர்வாகத்தில் சோனியா காந்தியின் தலையீடு இருந்தது என அந்தப் புத்தகத்தில் சஞ்சயா பாரு பகிரங்கமாகவே குற்றம்சாட்டியிருந்தார்.



    அறிமுக இயக்குநர் விஜய் தத் இயக்கி உள்ள இந்தப் படத்துக்கு ஹன்சல் மேத்தா திரைக்கதை எழுதியிருக்கிறார். பொருளாதார வல்லுநரான மன்மோகன் சிங், கடந்த 2004 முதல் 2014 வரை 10 ஆண்டுகள் நாட்டின் பிரதமராகப் பதவி வகித்தார். அந்தக் காலகட்டத்தில் மன்மோகன் சிங்கின் வாழ்க்கையை அடிப்படையாகக் கொண்டு திரைக்கதை எழுதப்பட்டிருக்கிறது.

    மன்மோகன் சிங் கதாபாத்திரத்தில் அனுபம் கெர் நடித்திருக்கிறார். காங்கிரஸ் தலைவர் சோனியா காந்தியாக சூசன் பெர்னெட்டும், ராகுல் காந்தியாக அர்ஜூன் மாத்தூரும், பிரியங்கா காந்தியாக அஹானாவும் நடித்திருக்கிறார்கள். மன்மோகன் சிங்கின் ஊடக ஆலோசகராக இருந்த சஞ்சயா பாரு கதாபாத்திரத்தில் நடிகர் அக்‌‌ஷய் கண்ணா நடித்திருக்கிறார். இவர் பா.ஜனதா முன்னாள் எம்.பி வினோத் கண்ணாவின் மகன் ஆவார்.

    2 நிமிடம் 43 விநாடிகள் ஓடும் படத்தின் டிரெய்லர், படத்தில் இடம்பெற்றுள்ள கதாபாத்திரங்கள் மற்றும் சம்பவங்கள் அனைத்தும் ‘தி ஆக்சிடெண்டல் பிரைம் மினிஸ்டர்’ புத்தகத்தில் இடம்பெற்றவை என்ற குறிப்போடு தொடங்குகிறது.

    2004-ம் ஆண்டு பாராளுமன்ற தேர்தலில் காங்கிரஸ் கட்சி வெற்றிபெற்ற பின்னர், மன்மோகன் சிங் பிரதமராகத் தேர்வு செய்யப்பட்டது, ரஷ்யாவுடனான அணுஆயுத ஒப்பந்தம், காஷ்மீர் விவகாரம் என அவரின் 10 ஆண்டுக்கால ஆட்சியின் பல்வேறு விவகாரங்கள் குறித்த காட்சிகள் டிரெய்லரில் இடம்பெற்றுள்ளன. இந்த மாதம் வெளியிடத் திட்டமிட்டிருந்த படம், தற்போது 2019-ம் ஆண்டு ஜனவரி 11-ம் தேதிக்கு தள்ளிப்போயிருக்கிறது. #TheAccidentalPrimeMinister #ManmohanSingh

    தி ஆக்சிடெண்டல் பிரைம் மினிஸ்டர் டிரைலர்:

    ×