என் மலர்

    நீங்கள் தேடியது "Thiruparankundram Murugan Temple"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • சரவண பொய்கையின் 3 நுழைவு வாயிலுக்கு கோவில் நிர்வாகம் பூட்டு போட்டது.
    • 5 ஏக்கர் பரப்பளவில் சுமார் 15 அடி ஆழத்தில் சரவண பொய்கை அமைந்துள்ளது.

    திருப்பரங்குன்றம் முருகன் கோவில் கிழக்கு பகுதியில் மலையை சார்ந்து சரவண பொய்கை அமைந்து உள்ளது. சுமார் 5 ஏக்கர் பரப்பளவில் சுமார் 15 அடி ஆழத்தில் அமைந்து உள்ள இந்த பொய்கையில் கோவிலுக்கு வரும் பக்தர்கள், சுற்றுலா பயணிகள் மற்றும் முடி காணிக்கை செலுத்துபவர்கள் நீராடுவதை வழக்கமாக கொண்டுள்ளனர்.

    இந்த நிலையில் சரவண பொய்கையின் நாலாபுறமும் படிக்கட்டினை பாசி படியாமல் சுத்தமாக வைத்து கொள்ளாதது, வெளிநபர்கள் இரவு நேரங்களில் மீன்பிடிப்பதை தடுக்காதது. திருஷ்டி கழிப்பை கண்டு கொள்ளாத நிலை தொடர்ந்தது. மேலும் மழைகாலங்களில் குடியிருப்பு பகுதியிலிருந்து கழிவுநீருடன் மழை தண்ணீர் பொய்கையில் கலப்பதை தடுக்காத நிலையும் தொடர்ந்தது.

    இதை தொடர்ந்து சமூக ஆர்வலர்கள், சுற்றுலா பயணிகள், வெளியூர் பக்தர்கள் பொய்கை மாசுபடுவதை தவிர்ப்பதோடு புனிதம் காக்க உரிய நடவடிக்கை எடுக்க வேண்டும் என்று கோவில் நிர்வாகத்தை வலியுறுத்தி வந்தனர்.

    இதை தொடர்ந்து பொய்கையில் உள்ள ஆறுமுகநயினார் கோவிலுக்கு பக்தர்கள் வந்து செல்லுவதற்காக பிரதான வழியை திறந்து வைத்துள்ளனர். இதே சமயம் சரவண பொய்கையின் மேல்புறத்தில் உள்ள 3 நுழைவு வாயிலுக்கு கோவில் நிர்வாகம் பூட்டு போட்டது. மேலும் பொய்கைக்குள் சோப்பு, ஷாம்பு மற்றும் மாசுபடக்கூடிய ரசயான பொருட்களை யாரும் பயன்படுத்தக்கூடாது என்று தடை விதித்துள்ளது.

    இந்த நிலையில் பொய்கைக்குள் உள்ள மயில் மண்டபத்தின் மேல்புறத்தில் நேற்று முன்தினம் முதல்முறையாக அதிநவீன 3 கேமராக்கள் பொருத்தப்பட்டு கண்காணிக்கப்பட்டது. பக்தர்கள் குளிப்பதை கேமரா பதிவு செய்யக்கூடாது என எதிர்ப்பு தெரிவித்தனர். இதையடுத்து கேமரா கழற்றப்பட்டன. இதையடுத்து ஒலிபெருக்கி மூலம் பொய்கையில் ஷாம்பு, சோப்பு பயன்படுத்தினால் உரியவர்கள் மீது நடவடிக்கை எடுக்கப்படும். துணி துவைக்கக் கூடாது என்றும் எச்சரிக்கை விடுக்கப்பட்டு வருகிறது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • உற்சவர் சன்னதியில் தெய்வானையுடன் சுப்பிரமணிய சுவாமிக்கு சிறப்பு அபிஷேகம் நடைபெற்றது.
    • 13-ந்தேதி வரை தினமும் இரவு 7 மணியளவில் சுவாமி ஊஞ்சலில் ஆடும் நிகழ்ச்சி நடைபெறும்.

    திருப்பரங்குன்றம் முருகன் கோவிலில் ஆனி மாதத்தில் ஊஞ்சல் உற்சவ விழா 10 நாட்கள் கொண்டாடப்படுவது வழக்கமாக உள்ளது. அதேபோல இந்த ஆண்டிற்கானஆனி ஊஞ்சல் உற்சவ விழா நேற்று இரவு 7 மணியளவில் தொடங்கியது. திருவிழாவையொட்டி உற்சவர் சன்னதியில் தெய்வானையுடன் சுப்பிரமணிய சுவாமிக்கு சிறப்பு அபிஷேகம் நடைபெற்றது. மேலும் சுவாமிக்கு சர்வ அலங்காரம் செய்யப்பட்டு தீபாராதனை நடந்தது.

    இதனை தொடர்ந்து மேளதாளங்கள் முழங்க உற்சவர் சன்னதியில் இருந்து தெய்வானையுடன் சுப்பிரமணியசுவாமி புறப்பட்டு திருவாட்சி மண்டபத்தில் எழுந்தருளினார். இதனையடுத்து திருவாட்சி மண்டபத்தில் அமைக்கப்பட்டு இருந்த ஊஞ்சலில் அம்பாளுடன் முருகப்பெருமாள் அமர்ந்து ஊஞ்சலாடி பக்தர்களுக்கு அருள்பாலித்தார். அப்போது ஓதுவாரால் திருவாசத்தில் இருந்து பொன்னுஞ்சல் பாடல் பாடப்பட்டது. அப்போது பக்தர்கள் வெற்றிவேல் முருகனுக்கு அரோகரா, வீரவேல் முருகனுக்கு அரோகரோ என்று பக்தி கோஷங்கள் எழுப்பி தரிசனம் செய்தனர். இதேபோல வருகின்ற 13-ந் தேதி வரை தினமும் இரவு 7 மணியளவில் சுவாமி ஊஞ்சலில் ஆடும் நிகழ்ச்சி நடைபெறும்.

    திருவிழாவின் முத்தாய்ப்பாக வருகிற 13-ந் தேதி மதியம் 12 மணியளவில் கோவிலின் கருவறையில் முருகப்பெருமான், கற்பக விநாயகர், துர்க்கை அம்பாள், பவளக்கனிமாய் பெருமாள், சத்தியகிரீஸ்வரர் ஆகிய 5 விக்ரங்களுக்கும் வாழை, பலா, மா ஆகிய முப்பழங்கள் படைக்கப்பட்டு சிறப்பு பூஜை நடைபெற உள்ளது. இதே உற்சவர் சன்னதி உள்பட அனைத்து சன்னதிகளிலும் சுவாமிகளுக்கு முப்பழங்கள் படைத்து சிறப்பு பூஜை நடக்கிறது. விழா ஏற்பாடுகளை கோவில் நிர்வாகம் செய்து வருகிறது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • ஆயிரக்கணக்கான பக்தர்கள் அரோகரா கோஷமிட்டபடி சாமி தரிசனம் செய்தனர்.
    • பக்தர்கள் பால் காவடி, பறவைக் காவடி எடுத்து, அலகு குத்தி நேர்த்திக்கடனை செலுத்தினர்.

    முருகப்பெருமானின் அறுபடை வீடுகளில் முதல்படை வீடு எனும் பெருமை பெற்றது திருப்பரங்குன்றம். இந்த கோவிலில் கொண்டாடப்படும் விழாக்களில் வைகாசி விசாக திருவிழா மிகவும் பிரசித்தி பெற்றது.

    கடந்த 2 ஆண்டுகளாக கொரோனா கட்டுப்பாடுகளால் விசாகத் திருவிழா உள்திரு விழாவாக நடைபெற்றது. ஆனால் இந்த ஆண்டு கொரோனா பரவல் குறைந்ததால் இன்று நடைபெற்ற வைகாசி விசாக திருவிழாவில் வழக்கம் போல் பங்கேற்க அனுமதி அளிக்கப்பட்டது. விழாவை முன்னிட்டு கடந்த 3-ந் தேதி உற்சவர் சுப்பிரமணிய சுவாமி, தெய்வானைக்கு காப்புக்கட்டுல் நடைபெற்றது. தினமும் இரவு 7 மணிக்கு சிறப்பு அலங்காரத்தில் முருகப்பெருமான் தெய்வானையுடன் வசந்த மண்டபத்தில் எழுந்தருளும் நிகழ்ச்சியும் நடைபெற்று வருகிறது.

    விழாவின் முக்கிய நிகழ்ச்சியான வைகாசி விசாகத் திருவிழா இன்று நடைபெறுகிறது. இதனையொட்டி இன்று அதிகாலை 4 மணி முதல் பக்தர்கள் கூட்டம் அலைமோதி வருகிறது. சண்முகர் சன்னதியில் காலை 4.30 மணிக்கு வள்ளி, தெய்வானை, சண்முகருக்கு பால், பன்னீர், சந்தனம் உள்ளிட்ட பல்வேறு சிறப்பு அபிஷேகமும், அதனைத்தொடர்ந்து கட்டளைதாரர் பாலாபிஷேகமும் நடைபெற்றது.

    பின்னர் சிறப்பு அலங்காரத்தில் சண்முகர் வள்ளி, தெய்வானையுடன் விசாக கொறடு மண்டபத்தில் காலை 6 மணிக்கு எழுந்தருளினர். அங்கு பக்தர்கள் நேர்த்திக்கடனுக்காக கொண்டுவந்த நூற்றுக்கணக்கான பால்குடங்கள் மூலம் சண்முகர், வள்ளி, தெய்வானைக்கு பாலாபிஷேகம் நடைபெற்றது. இதில் மதுரை மாவட்ட பக்தர்கள் மட்டுமின்றி, சிவகங்கை, விருதுநகர்உள்ளிட்ட பல்வேறு பகுதிகளில் இருந்து ஆயிரக்கணக்கான பக்தர்கள் பால் காவடி, புஷ்ப காவடி, பறவைக் காவடி எடுத்து, அலகு குத்தி நேர்த்திக்கடனை செலுத்தினர்.


    விழாவையொட்டி, திருப்பரங்குன்றம் சன்னதி தெரு, பெரியரத வீதி எங்கும் பால்காவடி எடுத்து ஆயிரக்கணக்கான பக்தர்கள் அரோகரா கோஷமிட்டபடி சாமி தரிசனம் செய்தனர். கோவில் 16 கால்மண்டபம், சன்னதி தெரு, பெரியரத வீதி மற்றும் கோயிலுக்குள் பல்வேறு இடங்களில் கேமிராக்கள் பொருத்தி போலீசார் கண்காணிப்பில் ஈடுபட்டிருந்தனர்.

    மேலும் பக்தர்கள் சிரமமின்றி சாமி தரிசனம் செய்யும் வகையில் கோவிலுக்குள் ஆங்காங்கே மின் விசிறிகள், ஏர்கூலர்கள் வைக்கப்பட்டிருந்தது. மேலும் பாலாபிஷேகம் செய்யும் பால் கோவில் சஷ்டி மண்டபம் வழியாக வெளியே பைப் லைன் அமைக்கப்பட்டு அங்கு பக்தர்கள் பால் பிடித்து செல்ல வசதி செய்யப்பட்டிருந்தது.

    விசாக திருவிழாயை முன்னிட்டு மதுரை மற்றும் பல்வேறு கிராமங்களில் இருந்து ஆயிரக்கணக்கான பக்தர்கள் பாதையாத்திரையாக திருப்பரங்குனறம் கோவிலுக்கு வருகை தந்த வண்ணம் உள்ளன. விழா ஏற்பாடுகளை கோவில் துணை ஆணையர் நா.சுரேஷ் தலைமையில் கோவில் அலுவலர்கள் செய்திருந்தனர்.

    மதுரை மாநகராட்சி சார்பில் ஆங்காங்கே குடிநீர் வசதி செய்யப்பட்டிருந்தது.சுகாதாரத்துறையினர் முதலுதவி மையங்களை அமைத்து பக்தர்களுக்கு வேண்டிய மருத்துவ உதவிகளைச் செய்தனர்.விழாவை முன்னிட்டு சில ஆன்மீக அமைப்பினர் சார்பில் பக்தர்களுக்கு நீர், மோர் மற்றும் அன்னதானம் வழங்கப்பட்டது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    திருப்பரங்குன்றம் கோவிலின் சுற்றுச்சுவரின் சில பகுதிகளில் சுற்றுச்சுவர் மிகவும் பலவீனமாக இருப்பதால்முழுமையாக விழுந்து தரையோடு தரையாக விடும் என்ற நிலை உள்ளது.
    திருப்பரங்குன்றம் :

    திருப்பரங்குன்றம் முருகன் கோவிலுக்குள் லட்சுமி தீர்த்த குளம் அமைந்துள்ளது. இந்த குளமானது தெய்வானைக்காக உருவாக்கியதாக செவிவழிசெய்தி கூறுகிறது. கோவிலுக்கு வரக்கூடிய பக்தர்கள் ஒவ்வொருவரும் லட்சுமி தீர்த்த குளத்திற்கு வந்து தங்களது கால்கள், கைகளை அலம்புவதோடு தீர்த்தத்தை அள்ளி தங்களது கண்களில் ஒத்தி கொள்ளுவார்கள்.

    குளத்தின் தண்ணீரில் உள்ள மீன்களுக்கு பக்தர்கள் பொரி வாங்கிப் போடுவதும், உடம்பில் உள்ள பருகு போவதற்கு உப்பு, மிளகுபோடுவதும ்நீண்டகாலமாக நடைமுறையில்இருந்து வந்தது.இதனையொட்டி உப்பு, மிளகு, பொரிவிற்பனை உரிமம் மூலம் கணிசமான வருமானம் கிடைத்து வந்தது.

    இந்த நிலையில் சமீபகாலமாக கடும் வறட்சி ஏற்பட்டதால் லட்சுமி தீர்த்தக் குளத்தில் தண்ணீர் வற்றியது.

    இந்த நிலையில் கோவிலின் சுற்றுச்சுவர் நாலாபுறமும் பலவீனமாக இருந்து வந்தது.அதைக் கண்ட பக்தர்கள் சுற்றுச்சுவரை சீரமைக்க வேண்டும் என்றும் வலியுறுத்தி வந்தனர். இந்த நிலையில் சமீபகாலமாக தொடர் மழை பெய்து வந்தது.அதனால் லட்சுமி தீர்த்தக்குளம் நிரம்பியது.

    இந்த நிலையில் நேற்று சுற்றுசுவரின் 3 மற்றும் 4 இடங்களில் வெடிப்பு ஏற்பட்டு திடீரென்று இடிந்து குளத்திற்குள் விழுந்தது. மேலும் சில பகுதிகளில் சுற்றுச்சுவர் மிகவும் பலவீனமாக இருப்பதால்முழுமையாக விழுந்து தரையோடு தரையாக விடும் என்ற நிலை உள்ளது. மேலும் பக்தர்களுக்கு பாதிப்பு ஏற்படும் சூழ்நிலையை இருந்து வருகிறது.ஆகவே கோவில் நிர்வாகம் உரிய நேரத்தில் சுற்றுச்சுவரை சீரமைக்க வேண்டும் என்று பக்தர்கள் கோரிக்கை விடுத்து உள்ளனர்.
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    திருப்பரங்குன்றம் கோவிலுக்குள் பக்தர்கள் தரிசனம் இன்றி முருகப்பெருமானுக்கு பட்டாபிஷேகம் நடந்தது. இந்த நிகழ்ச்சியில் பக்தர்களுக்கு அனுமதி வழங்கப்படவில்லை.
    திருப்பரங்குன்றம் முருகன் கோவிலில் திருக்கார்த்திகை தீபத் திருவிழா கொடியேற்றத்துடன் தொடங்கி நடைபெற்று வருகிறது. திருவிழாவையொட்டி தினமும் கோவிலுக்குள் சுவாமி புறப்பாடு நடந்து வருகிறது. திருவிழாவின் முத்தாய்ப்பாக நேற்று முருகப்பெருமானுக்கு பட்டாபிஷேகம் நடந்தது.

    இதனையொட்டி உற்சவர் சன்னதியில் இருந்து சர்வ அலங்காரத்தில் சுப்பிரமணியசுவாமி தெய்வானையுடன் புறப்பட்டு திருவாச்சி மண்டபத்தில் எழுந்தருளினார். அங்கு மேளதாளங்கள் முழங்க முருகப்பெருமானுக்கு கிரீடம், சேவல் கொடி சாற்றப்பட்டது.

    மேலும் நவரத்தினங்களால் இழைக்கப்பட்ட செங்கோல் சாற்றி பட்டாபிஷேகம் நடந்தது. இது கண் கொள்ளா காட்சியாக இருந்தது. பட்டாபிஷேகத்தை தொடர்ந்து சுவாமிக்கு மகா தீபாராதனை நடைபெற்றது. இந்த நிகழ்ச்சியில் பக்தர்களுக்கு அனுமதி வழங்கப்படவில்லை.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    திருப்பரங்குன்றம் முருகன் கோவிலில் மலைமேல் தாமிர கொப்பரையில் 400 கிலோ நெய், 100 மீட்டர் காடா துணி, 5 கிலோ கற்பூரம் கொண்டு மகா தீபம் ஏற்றப்படும்.
    திருப்பரங்குன்றம் முருகன் கோவிலில் கார்த்திகை தீபத்திருவிழா கடந்த 11-ந்தேதி கொடியேற்றத்துடன் தொடங்கியது. விழாவினை முன்னிட்டு உற்சவர் சன்னதியில் முருகன் தெய்வானைக்கு தினமும் சிறப்பு அபிஷேகங்கள், அலங்காரங்கள் செய்யப்பட்டு சுவாமி தெய்வானையுடன் திருவாச்சி மண்டபத்தை வலம் வந்து பக்தர்களுக்கு அருள்பாலித்தார்.

    விழாவின் முக்கிய நிகழ்ச்சியாக முருகனுக்கு நேற்று மாலை பட்டாபிஷேக நிகழ்ச்சி நடைபெற்றது.

    விழாவின் சிகர நிகழ்ச்சியாக இன்று காலை உற்சவர் சன்னதியில் முருகன் தெய்வானைக்கு சிறப்பு அபிஷேகங்கள் அலங்காரங்கள் செய்யப்பட்டு திருவாச்சி மண்டபத்தை வலம் வந்து பக்தர்களுக்கு அருள்பாலிப்பார்.

    வழக்கமாக தீபத்திருவிழாவின் போது காலையில் பக்தர்கள் வடம் பிடிக்க சிறிய சட்ட தேரோட்டம் நடைபெறும். தற்போது கொரோனா பரவலை தடுக்கும் வகையில் தேரோட்டம் ரத்து செய்யப்பட்டு அதற்கு பதிலாக முருகன் - தெய்வானையுடன் திருவாச்சி மண்டபத்தை வலம் வந்து பக்தர்களுக்கு அருள்பாலிக்கும் நிகழ்ச்சி நடைபெற்றது.

    அதனை தொடர்ந்து மாலை 6 மணிக்கு மூலவர் சுப்பிரமணிய சுவாமிக்கு பால தீபம் ஏற்றப்பட்டு, கோவில் மணி அடிக்கப்படும். அதன் தொடர்ச்சியாக மலைமேல் தாமிர கொப்பரையில் 400 கிலோ நெய், 100 மீட்டர் காடா துணி, 5 கிலோ கற்பூரம் கொண்டு மகா தீபம் ஏற்றப்படும்.

    இந்த நிகழ்ச்சிக்காக மலைமேல் பக்தர்கள், பொதுமக்கள் மற்றும் உபயதாரர்கள் செல்ல தடை விதிக்கப்பட்டுள்ளது.

    மாலையில் ஏற்றப்படும் மகா தீபத்தை பார்வையிட்டு பொதுமக்கள் தங்கள் இல்லங்களில் தீபங்களை ஏற்றி சுவாமியை வழிபடுவார்கள். அதன் தொடர்ச்சியாக மாலை 6.30 மணிக்கு 16 கால் மண்டபம் அருகே சொக்கப்பனை கொளுத்தப்படும்.

    விழா ஏற்பாடுகளை கோவில் நிர்வாகம் செய்து வருகிறது.
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    திருப்பரங்குன்றம் மலையில் நாளை கார்த்திகை மகா தீபம் ஏற்றப்படுகிறது. இந்த நிலையில் பக்தர்கள் மலைக்குச் செல்ல தடைவிதிக்கப்பட்டுள்ளது.
    திருப்பரங்குன்றம் முருகன் கோவிலில் திருக்கார்த்திகை தீபத்திருவிழா கடந்த 11-ந்தேதி கொடியேற்றத்துடன் தொடங்கி நடைபெற்று வருகிறது. திருவிழாவின் சிகர நிகழ்ச்சியாக நாளை (வெள்ளிக்கிழமை) மாலை 6 மணிக்கு மலையில் கார்த்திகை மகா தீபம் ஏற்றப்படுகிறது. இதற்காக மலை அடிவாரத்தில் இருந்து சுமார் 150 அடி உயரத்தில் மலையில் உள்ள உச்சிப்பிள்ளையார் கோவில் வளாகத்தில் தீபமேடை வர்ணம் பூசப்பட்டு தயார்படுத்தப்பட்டுள்ளது. மேலும் தீபம் ஏற்றுவதற்காக மூன்றை அடி உயரமும், இரண்டரை அடி அகலமும் கொண்ட தாமிர கொப்பரை மெருகேற்றப்பட்டு தயார் நிலையில் உள்ளது. 350 லிட்டர் நெய், 150 மீட்டர் கடா துணியிலான மெகாதிரி, 5 கிலோ கற்பூரம், தயார்படுத்துள்ளது.

    மலையடிவாரத்தில் பழனி ஆண்டவர் சன்னதி சார்ந்த மலை படிக்கட்டின் நுழைவு பகுதி, புதிய படிக்கட்டு பாதையின் நுழைவு பகுதி, மலையில் நெல்லித்தோப்பு, காசி விஸ்வநாதர் கோவில் மற்றும் மலை உச்சியில் உள்ள தூண் உள்ளிட்ட பல்வேறு பகுதிகளில் போலீசார் பாதுகாப்பு பணியில் ஈடுபட்டுள்ளனர். இதற்கிடையில் பக்தர்கள், பொதுமக்கள் மலைக்கு செல்ல தடை விதிக்கப்பட்டுள்ளது. இந்து அமைப்புகள் கார்த்திகை மகாதீபம் ஏற்ற வேண்டும் என்று வலியுறுத்தக்கூடிய மலை உச்சியில் உள்ள தூணை சுற்றியும், தூண் உயரத்திற்குமாக மூங்கில் தடுப்புகள் அமைக்கப்பட்டுள்ளது. மேலும் அங்கு கூடுதல் போலீஸ் பாதுகாப்பு போடப்பட்டு கண்காணிப்பு தீவிரப்படுத்தப்பட்டுள்ளது.

    திருப்பரங்குன்றம் கோவிலை பொறுத்தவரை ஒவ்வொரு ஆண்டும் பங்குனி பெருவிழா, திருக்கார்த்திகை திருவிழாவில் முருகப்பெருமானுக்கு பட்டாபிஷேகம் நடைபெறுவது வழக்கமாகும். அதில் திருக்கார்த்திகை தீபத்திருவிழாவின் சிறப்பு அம்சமாக முருகப்பெருமானுக்கு பட்டாபிஷேகம் நடப்பது சிறப்பு வாய்ந்ததாகும். திருவிழாவின் 8-ம் நாளான இன்று(வியாழக்கிழமை) இரவு 7.45 மணி முதல் 8.15 மணிக்குள் கோவிலுக்குள் மேளதாளங்கள் முழங்க, சகல பூஜையுடன், முருகப்பெருமானுக்கு பட்டாபிஷேகம் நடக்கிறது. இதில் பக்தர்கள் தரிசனத்திற்கு அனுமதி இல்லை என்பது குறிப்பிடதக்கது.
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    திருப்பரங்குன்றத்தில் 2 நாட்கள் கோவில் வளாகம், திருமண மண்டபங்களில் வெளியூர் பக்தர்கள் தங்குவதற்கு அனுமதி இல்லை என்று கோவில் நிர்வாகம் அறிவித்துள்ளது.
    திருப்பரங்குன்றம் முருகன் கோவிலில் திருக்கார்த்திகை தீபத் திருவிழா கடந்த 11-ந் தேதி கொடியேற்றத்துடன் தொடங்கி நடைபெற்று வருகிறது. திருவிழாவின்முக்கிய நிகழ்ச்சியாக நாளை (வியாழக்கிழமை) இரவு 7.45 மணி முதல் 8.15 மணி வரை கோவிலுக்குள் உள்ள திருவாச்சி மண்டபத்தில் முருகப்பெருமானுக்கு பட்டாபிஷேகம் நடக்கிறது. இந்த நிகழ்ச்சியில் பக்தர்களுக்கு அனுமதி இல்லை. இதனால் மாலை 4 மணி முதல் இரவு 8 மணி வரை பக்தர்கள் மற்றும் பொதுமக்கள் கோவிலின் பிரதான நுழைவாயில் செல்லுவதற்கு அனுமதி இல்லை. இதேசமயம் கோவிலின் வலதுபுறம் உள்ள தீர்த்தக்குளம் வழியாக பக்தர்கள் சென்று கருவறையில் சுவாமி தரிசனத்திற்கு அனுமதிக்கப்படுகிறார்கள். பட்டாபிஷேக நிகழ்ச்சி முடிந்த பின்னர் இரவு 9 மணிக்கு நடை சாத்தப்படும்.

    திருவிழாவின் சிகர நிகழ்ச்சியாக 19-ந்தேதி (வெள்ளிக்கிழமை) மாலை 6 மணிக்கு மலையில் மகா தீபம் ஏற்றப்படுகிறது. இதனையொட்டி காலை 5 மணிக்கு கோவில் நடை திறக்கப்பட்டு மாலை 4 மணி வரை பிரதான கோவிலின் நுழைவுவாயில் வழியாக பக்தர்கள் சுவாமி தரிசனத்திற்கு அனுமதிக்கப்படுவார்கள். மாலை 4 மணியில் இருந்து இரவு 8 மணி வரை திருக்குளம் சந்து வழியாக கோவிலுக்குள் சென்று தரிசனம் செய்ய பக்தர்களுக்கு அனுமதி வழங்கப்படும். மலையில் உள்ள உச்சி பிள்ளையார் கோவில் வளாகத்தில் மாலை 6 மணியளவில் கார்த்திகை மகா தீபம் ஏற்றப்படுகிறது

    இந்தநிகழ்ச்சியில் பக்தர்கள், பொதுமக்கள் மற்றும் உபயதாரர்கள் மலைமீது செல்ல அனுமதி இல்லை. வெளியூர் பக்தர்கள் மற்றும் பொதுமக்கள் கோவில் வளாகத்தில் மற்றும் கோவில் கல்யாண மண்டபம் வளாகத்திலோ தங்குவதற்கு அனுமதி இல்லைஎன்றுகோவில் துணை கமிஷனர் (பொறுப்பு) ராமசாமி தெரிவித்துள்ளார். மேலும் அவர் வெளியிட்டுள்ள ஒரு அறிக்கையில், கொரோனா தொற்று பரவல் காரணமாக ஊரடங்கு அமலில் இருப்பதால் 18-ந்தேதி பவுணர்மி கிரிவலம் ரத்து செய்யப்பட்டுள்ளது. எனவே பக்தர்கள் கிரிவலம் வருவதை தவிர்க்குமாறு கேட்டுக் கொள்ளப்படுகிறார்கள். இவ்வாறு அவர் கூறியுள்ளார்.
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    திருப்பரங்குன்றம் முருகன் கோவிலில் கடந்த காலங்களில் தீபம் ஏற்ற பயன்படுத்தப்பட்ட 3½ அடி உயரமும், 2½ அடி அகலமும் கொண்ட தாமிர கொப்பரை மெருகு ஏற்றும் பணியும் நடந்து வருகிறது.
    திருப்பரங்குன்றம் முருகன் கோவிலில் கடந்த 11 -ந் தேதி கொடியேற்றத்துடன் திருக்கார்த்திகை தீபத் திருவிழா தொடங்கி நடைபெற்று வருகிறது. திருவிழாவின் சிகர நிகழ்ச்சியாக வருகிற 19-ந்தேதி மலையில் மகாகார்த்திகை தீபம் ஏற்றப்படுகிறது. இதனையொட்டி சுமார் 150 அடி உயரத்தில் மலையில் உள்ள உச்சிபிள்ளையார் கோவில் வளாகத்தில் தீபமேடை தயார்படுத்தும் பணி நடந்துவருகிறது.

    மேலும் கடந்த காலங்களில் தீபம் ஏற்ற பயன்படுத்தப்பட்ட 3½ அடி உயரமும், 2½ அடி அகலமும் கொண்ட தாமிர கொப்பரை மெருகு ஏற்றும் பணியும் நடந்து வருகிறது. இந்த நிலையில் தீபம் ஏற்றக்கூடிய உபகரணமான 150 மீட்டர் கடா தூணி, 5 கிலோ கற்பூரம், 350 லிட்டர் நெய் ஆகியவை தயார்படுத்தி வருகின்றனர். கோவிலுக்கு நெய் டின்கள் உபயமாக, காணிக்கையாக வழங்கிட நன்கொடையாளர்கள் வரவேற்கப்படுகிறார்கள்.

    கோவில் உள்துறை அலுவலகத்தில் நெய் டின்கள் வழங்கி உரிய காணிக்கை ரசீது பெற்றுக்கொள்ளலாம் என்று கோவில் துணை கமிஷனர் (பொறுப்பு) ராமசாமி தெரிவித்துள்ளார்.
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    திருப்பரங்குன்றம் முருகன் கோவிலில் கார்த்திகை தீப திருவிழா கொடியேற்றத்துடன் தொடங்கியது. கொடியேற்றத்தில் முருகப்பெருமான் தெய்வானையுடன் சிறப்பு அலங்காரத்தில் எழுந்தருளினார்.
    திருப்பரங்குன்றம் முருகன் கோவிலில் கந்தசஷ்டி திருவிழாவில் முக்கிய நிகழ்ச்சியாக கடந்த 8-ந்தேதி வேல்வாங்குதலும், 9-ந்தேதி சூரசம்ஹாரமும் நடந்தது. பக்தர்கள் கோவிலுக்குள் காப்புகட்டி விரதமிருக்க அனுமதிக்கப் படாததையொட்டி கிரிவலத்தில் சட்ட தேரோட்டம் ரத்து செய்யப்பட்டது. அதன்படி கந்தசஷ்டி திருவிழா 10-ம் தேதி நிறைவு பெற்றது.

    இந்நிலையில் திருப்பரங்குன்றம் முருகன் கோவிலில் திருக்கார்த்திகை தீப திருவிழா நேற்று (வியாழக்கிழமை) காலை 10 மணி முதல் 10.30 மணிக்குள் கொடியேற்றத்துடன் தொடங்கியது.

    கொடியேற்றத்தில் பக்தர்கள் யாரும் அனுமதிக்கப்படவில்லை. திருவிழாவின் முக்கிய நிகழ்ச்சியாக வருகிற 18-ந்தேதி பட்டாபிஷேகம், 19-ந்தேதி வழக்கம்போல் மலையில் மகாதீபம் ஏற்றுதல், 20-ந்தேதி தீர்த்த உற்சவம் நடக்கிறது. விழா ஏற்பாடுகளை கோவில் நிர்வாகம் செய்து வருகிறது.
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    திருப்பரங்குன்றம் கோவிலில் முருகப்பெருமானுக்கு தங்க கவசம் அணிவிக்கப்பட்டது. பாவாடை தரிசனமும் நடந்தது.
    திருப்பரங்குன்றம் முருகன் கோவிலில் கந்தசஷ்டி திருவிழாவில் முக்கிய நிகழ்ச்சியாக கடந்த 8-ந்தேதி வேல்வாங்குதலும், 9-ந்தேதி சூரசம்ஹாரமும் நடந்தது. பக்தர்கள் கோவிலுக்குள் காப்புகட்டி விரதமிருக்க அனுமதிக்கப் படாததையொட்டி நேற்று காலையில் கிரிவலத்தில் சட்ட தேரோட்டம் ரத்து செய்யப்பட்டது.

    இந்த நிலையில் வழக்கம்போல சூரபத்மனை வதம் செய்த முருகப்பெருமானின் உக்ரம் (கோபம்) தணிக்கும் பொருட்டாக பாவாடை தரிசனம் நிகழ்வு நடைபெற்றது. இதனையொட்டி 100 படி அரிசி சாதம் படைத்து அதில் 20 லிட்டர்தயிர் கலந்து கருவறையில் முருகப்பெருமானுக்கு படைக்கப்பட்டு சிறப்பு பூஜை நடைபெற்றது. மேலும் மேளதாளங்கள் முழங்க முருகப்பெருமானுக்கு மகா தீப ஆராதனை நடைபெற்றது

    இதனைத்தொடர்ந்துசிறப்பு அலங்காரமாக முருகப்பெருமானுக்கு "தங்க கவசம்" அணிவிக்கப்பட்டது. இதேபோல கருவறையில் அமைந்து உள்ள சத்தியகிரீஸ்வரர், பவளக்கனிவாய் பெருமாள், துர்க்கை அம்பாள், கற்பக விநாயகர் ஆகிய விக்ரங்களுக்கும் வெள்ளிக்கவசம் அணிவிக்கப் பட்டது. அவை கண்கொள்ளா காட்சியாக இருந்தது. அங்கு பெரும்பாலான பக்தர்கள் கட்டணம் செலுத்தி சிறப்பு தரிசனம் செய்தனர். இந்த கோவிலை பொறுத்தவரை கந்தசஷ்டி திருவிழாவின் நிறைவு நாளில் மாலை 5 மணிக்குமேல் இரவு 9 மணி வரையிலும், தமிழ் புத்தாண்டு அன்றும் கருவறையில் முருகப்பெருமானுக்கு தங்க கவசம் அணிவிப்பது. வழக்கம். அதன்படி கந்தசஷ்டி திருவிழாவின் நிறைவு நாளான நேற்று முருகப்பெருமானுக்கு தங்க கவசம் அணிவிக்கப்பட்டது என்பது குறிப்பிடத்தக்கது.

    சோழவந்தான் அருகே தென்கரை அகிலாண்ட ஈஸ்வரி அம்மன் சமேத மூலநாத சுவாமி கோவில் சுப்பிரமணி சாமி கந்த சஷ்டி விழாவையொட்டி திருக்கல்யாணம் நடந்தது. இதில் செயல் அலுவலர் சுரேஷ்கண்ணன், ஆலய பணியாளர்கள், பிரதோஷ கமிட்டியினர், பக்தர்கள் கலந்துகொண்டனர். அனைவருக்கும் மாங்கல்யபிரசாதம் வழங்கப்பட்டது. கல்யாண விருந்து அன்னதானம் பார்சலாக வழங்கப்பட்டது. இரவு சாமி-அம்மன் புறப்பாடு கோவில் வளாகத்தில் நடந்தது.காடுபட்டி சப்-இன்ஸ்பெக்டர் பாலமுருகன் தலைமையில் போலீசார் பாதுகாப்பு பணியில் ஈடுபட்டிருந்தனர். சோழவந்தான் பிரளயநாதர் சாமி கோவிலிலும், திருவேடகம் ஏடகநாதர் சாமி கோவிலில் கந்தசஷ்டி நிறைவு விழா நடைபெற்றது.
    • Whatsapp
    • Telegram
    • Linkedin
    • Print