சினிமா செய்திகள்

கொரோனா நோயால் பாதிக்கப்பட்டவர்களை காப்பாற்ற தங்கள் உயிரையும் பொருட்படுத்தாது அவர்களுக்காக சேவை செய்து வருகின்றனர் மருத்துவர்கள், செவிலியர்கள். இந்நிலையில் கொரோனா நோய் தாக்கி டாக்டர் ஒருவர் உயிரிழந்தார். அவரின் உடலை அடக்கம் செய்ய விடாமல் பொது மக்கள் சிலர் தடுத்தனர். இதற்கு பலரும் கண்டனம் தெரிவித்தனர்.
நடிகர் ராஜ்கிரண் பேஸ்புக்கில் இதுகுறித்து, “எவ்வளவு கீழ்த்தரமான காலகட்டத்தில் நாம் வாழ்ந்து கொண்டிருக்கிறோம் என்பதை எண்ணிப் பார்க்கும் பொழுது, மிகுந்த வேதனையும் மன உளைச்சலும் ஏற்படுகிறது. தம் மனைவி, குழந்தைகள், குடும்பத்தினர் யாரைப் பற்றியும் கவலைப்படாமல், தான் படித்தது மக்களை காப்பாற்றுவதற்கே என்ற ஒரே லட்சியத்தோடு, சமூகப் பொறுப்புணர்வோடு, தம் உயிரையும் பணயம் வைக்கும் புனிதமான மருத்துவர்களுக்கு நாம் செய்யும் கைமாறு இதுதான் என்றால், இஸ்லாமியனாக பிறந்த ஒரே காரணத்தால், வெறும் காய்ச்சலால் பாதிக்கப்பட்டு இறந்த ஒரு மாற்றுத்திறனாளி சிறுவனின் உடலை, புதைக்க விடமாட்டோம் என்று அடாவடி பண்ணிய அரசியல் கட்சிகள் வைத்தது தான், இந்த நாட்டில் சட்டம், என்றால், உலக நாடுகளின் பார்வையில், நம் நாடும், தேசமும் மிகக்கேவலப்பட்டு நிற்கும். இதைப்போன்ற கொடுமைகளுக்கு கடுமையான எதிர் நடவடிக்கைகள் எடுக்காத ஆட்சியாளார்கள், மிகவும் ஈனப்பிறவிகளாக கருதப்படுவர்...”

இவ்வாறு காட்டமாக பதிவிட்டுள்ளார்.

கொரொனா ஊரடங்கு காரணமாக  மக்கள் அனைவரும் வீட்டில் இருக்கின்றனர். வழக்கமாக செய்யம் செயல்கள் மிகவும் பாதிக்கப்பட்டிருக்கிறது.

முக்கியமாக ஆண்களுக்கு முடி வெட்டும் பிரச்சனை பெரும் பிரச்சனையாய் மாறி இருக்கிறது. பல பிரபலங்களும் மீசை தாடி வளர்ந்த நிலையில் புகைப்படங்கள் வெளியிடுகின்றனர்.

இந்நிலையில் நடிகர் சதீஷ் அவரது தந்தைக்கு சேவிங் செய்து அழகு படுத்தி இருக்கிறார். இந்த வீடியோ தற்போது சமூக வலைத்தளத்தில் வைரலாகி வருகிறது. 

🤓🤓🤓 pic.twitter.com/6jeRC3mgFx

— Sathish (@actorsathish) April 21, 2020

பிரபல இந்தி நடிகை கங்கனா ரணாவத். இவர் தமிழில் சில ஆண்டுகளுக்கு முன் ஜெயம் ரவி நடித்த தாம் தூம் படத்தில் கதாநாயகியாக நடித்தார். இப்போது ஜெயலலிதாவின் வாழ்க்கையை தழுவி விஜய் இயக்கி வரும் தலைவி படத்தில் ஜெயலலிதாவாக நடித்து வருகிறார்.
கொரோனா ஊரடங்கால் சினிமா தொழிலாளர்களும் பாதிக்கப்பட்டுள்ள நிலையில் நடிகை கங்கனா நிதி உதவி அளித்துள்ளார். பெப்சி தொழிலாளர்களுக்கு ரூ.5 லட்சமும், தலைவி படத்தில் பணியாற்றும் தொழிலாளர்களுக்கு ரூ.5 லட்சம் என மொத்தமாக ரூ.10 லட்சம் வழங்கி உள்ளார்.

நயன்தாரா, காஜல் தவிர தமிழில் பல படங்களில் நடித்த நடிகைகள் பலரும் உதவாத நிலையில் நடிகை கங்கனாவின் இந்த உதவி தொழிலாளர்கள் மத்தியில் பாராட்டை பெற்றுள்ளது.

1995-ல் மலையாள சினிமாவில் கதாநாயகியாக அறிமுகமான மஞ்சுவாரியர், இதுவரை கிட்டத்தட்ட 50 படங்கள் வரை நடித்துள்ளார். திருமணத்திற்கு முன்பாகட்டும், அல்லது தற்போதைய செகன்ட் இன்னிங்ஸ் ஆகட்டும், இத்தனை வருடங்களில் மலையாள சினிமாவில் உள்ள அனைத்து பிரபல ஹீரோக்களுடனும் இணைந்து நடித்துவிட்ட இவர், மம்முட்டி படத்தில் மட்டும் நடித்ததே இல்லை.
மஞ்சு வாரியர் தனது படத்தில் நடிப்பதை மம்முட்டி விரும்பவில்லை என்றே மலையாள திரையுலகில் சொல்லப்பட்டு வந்தது..காரணம் நடிகர் திலீப்பை செல்லப்பிள்ளையாக பாவித்து வந்த மம்முட்டி, ஏனோ அவரது மனைவியான மஞ்சு வாரியருடன் இணைந்து நடிப்பதை தவிர்த்து வந்தார்.

இந்தநிலையில் இதற்கு முற்றுப்புள்ளி வைக்கும் விதமாக தற்போது அறிமுக இயக்குனர் ஜோபின் டி சாக்கோ இயக்கும் ‘தி பிரைஸ்ட்’என்கிற படத்தில் மம்முட்டியுடன் இணைந்து நடித்து வருகிறார் மஞ்சு வாரியர். திரில்லர் படமாக உருவாகும் இந்தப்படத்தின் படப்பிடிப்பு முக்கால்வாசி நிறைவடைந்து விட்டது. இந்தப்படத்தில் மம்முட்டிமஞ்சு வாரியர் இருவரும் இணைந்து நடிக்கும் முதல்நாள் காட்சியை படமாக்கும்போது தான் அடைந்த மகிழ்ச்சிக்கு எல்லையே இல்லை என கூறுகிறார் இயக்குனர் ஜோபின் டி சாக்கோ.

எச்.வினோத் இயக்கத்தில் வலிமை படத்தில் நடித்து வருகிறார் அஜித். படத்தில் ஹீமா குரேஷி நாயகியாக நடிக்கிறார். கொரோனா காரணமாக படப்பிடிப்பு தற்காலிகமாக நிறுத்தி வைக்கப்பட்டுள்ளது.

இந்நிலையில் ஊரடங்குக்கு முன் வலிமை படத்தின் படப்பிடிப்புகள் ஐதராபாத்தில் நடைபெற்றது. ஐதராபாத்தில் படப்பிடிப்புகள் முடிந்த நிலையில் அஜித் சென்னை செல்வதற்கு விமான டிக்கெட்டுகள் தயாராக இருந்துள்ளது.

ஆனால், தனது உதவியாளரிடம் கூறி விமான டிக்கெட்டை ரத்து செய்துவிட்டு பைக் மூலம் ஐதரபாத்தில் இருந்து சென்னைக்கு வந்துள்ளார் அஜித். இவர் ஒரு பைக் ரேசர் என்பது நாம் அனைவர்க்கும் தெரிந்த ஒன்றுதான். நீண்ட தூரம் பைக் ஓட்டி செல்வது அஜித்துக்கும் மிகவும் பிடித்தமான ஓன்று. இந்நிலையில்தான் ஐதராபாத்தில் இருந்து சென்னைக்கு சுமார் 600 கிலோமிட்டர் பைக்கில் பயணம் வந்துள்ளார்.