என் மலர்
பைக்
கே.டி.எம். நிறுவனம் இந்திய சந்தையில் 2022 கே.டி.எம். 390 அட்வென்ச்சர் மோட்டார்சைக்கிளை விற்பனைக்கு அறிமுகம் செய்து இருக்கிறது. இதன் விவரங்களை பார்ப்போம்.
கே.டி.எம். இந்தியா நிறுவனம் 2022 கே.டி.எம். 390 அட்வென்ச்சர் மோட்டார்சைக்கிளை இந்திய சந்தையில் அறிமுகம் செய்து இருக்கிறது. இந்த எண்ட்ரி லெவல் அட்வென்ச்சர் டூரிங் மோட்டார்சைக்கிள் இரண்டு ரைடிங் மோட்களை கொண்டிருக்கிறது. புதிய கே.டி.எம். 390 அட்வென்ச்சர் மாடலுக்கான முன்பதிவுகள் ஏற்கனவே துவங்கி நடைபெற்று வருகிறது. புதிய 2022 கே.டி.எம். 390 அட்வென்ச்சர் மாடலின் விலை ரூ. 3 லட்சத்து 35 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது.
இத்துடன் 2022 கே.டி.எம். 390 அட்வென்ச்சர் மாடலுக்கு சிறப்பு நிதி சலுகைகள் மற்றஉம் ரூ. 6 ஆயிரத்து 999 விலையில், விசேஷ மாத தவணை முறை வசதியும் வழங்கப்படுகிறது. 2022 கே.டி.எம். 390 அட்வென்ச்சர் மாடல் தற்போது புதிதாக கே.டி.எம். பேக்டரி ரேசிங் புளூ மற்றும் டார்க் கால்வேனோ பிளாக் நிறங்களில் கிடைக்கிறது. இந்த மாடல் தற்போது ஸ்டிரீட் மற்றும் ஆஃப் ரோடு என இருவித ரைடிங் மோட்களை கொண்டிருக்கிறது.
இரு ரைடிங் மோட்களிலும் டிராக்ஷன் கண்ட்ரோல் லெவல்கள் மாற்றப்படும். ஆஃப் ரோடு மோட் கொண்டு பைக்கினை சிறப்பாக கண்ட்ரோல் செய்ய முடியும். இத்துடன் லீன் சென்சிடிவ் ABS வழங்கப்பட்டு இருக்கிறது. இந்த மாடலிலும் ரோபஸ்ட் 5 ஸ்போக் கேஸ்ட் வீல்கள் வழங்கப்பட்டுள்ளன.
புதிய 2022 கே.டி.எம். 390 அட்வென்ச்சர் மாடலிலும் 373 சிசி, சிங்கில் சிலண்டர், 5 ஸ்பீடு, லிக்விட் கூல்டு DOHC என்ஜின் வழங்கப்பட்டு இருக்கிறது. இந்த என்ஜின் 43 பி.ஹெச்.பி. பவர், 37 நியூட்டன் மீட்டர் டார்க் இழுவிசையை வெளிப்படுத்துகிறது.
பஜாஜ் ஆட்டோ நிறுவனத்தின் புதிய தலைமுறை பல்சர் NS160 மாடலின் ஸ்பை படங்கள் இணையத்தில் வெளியாகி உள்ளது. இதன் விவரங்களை பார்ப்போம்.
பஜாஜ் ஆட்டோ நிறுவனத்தின் பல்சர் NS160 மாடல் விரைவில் அப்டேட் செய்யப்பட இருக்கிறது. புதிய தலைமுறை பல்சர் NS160 மாடல் ஸ்பை படங்கள் இணையத்தில் வெளியாகி உள்ளது. அதன்படி இந்த மாடலின் இந்திய வெளியீடு கிட்டத்தட்ட உறுதியாகி விட்டது.
தோற்றத்தில் இந்த மாடல் தற்போதைய பல்சர் N250 போன்றே காட்சியளிக்கிறது. எனினும், இதில் சிறு மாற்றங்கள் செய்யப்பட்டு உள்ளன. இந்த மாடலில் அண்டர்பெல்லி எக்சாஸ்ட் உள்ளது. ஆனால் பல்சர் N250 மாடலில் சைடு ஸ்லங் யூனிட் வழங்கப்பட்டு இருந்தது. மேலும் இதில் கிக் ஸ்டார்டர் இடம்பெற்று இருக்கிறது. இந்த பிரிவு மாடல்களில் இது மிகவும் அரிதான ஒன்று ஆகும்.
Photo Courtesy: BikeDekho
இத்துடன் மெல்லிய டையர்கள், சிறிய டிஸ்க் பிரேக்குகள், ஏர் கூல்டு என்ஜினஅ உள்ளிட்டவை வழங்கப்பட்டு இருக்கிறது. இந்த மாடலில் அதிக செயல்திறன் வழங்கும் வகையில் டியூன் செய்யப்பட்டு இருக்கும் என கூறப்படுகிறது. இவை தவிர இதன் டிசைன் மற்றும் அம்சங்கள் புதிய பல்சர் NS250 மாடலில் உள்ளதை போன்றே வழங்கப்படுகிறது.
இந்தியாவில் தற்போது விற்பனை செய்யப்படும் பஜாஜ் பல்சர் NS160 விலை ரூ. 1 லட்சத்து 22 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. அந்த வகையில் இதன் அப்டேட் செய்யப்பட்ட மாடல் விலை நிச்சயம் அதிகமாகவே நிர்ணயம் செய்யப்படும் என தெரிகிறது. புதிய தலைமுறை பஜாஜ் பல்சர் NS160 மாடல் ஹீரோ எக்ஸ்டிரீம் 160R, டி.வி.எஸ். அபாச்சி RTR160 4V மற்றும் சுசுகி ஜிக்சர் போன்ற மாடல்களுக்கு போட்டியாக அமையும் என தெரிகிறது.
பஜாஜ் ஆட்டோ நிறுவனத்தின் புதிய பல்சர் 250 சீரிஸ் மாடல்கள் இந்திய விற்பனையில் புது மைல்கல் எட்டியுள்ளன. இதன் விவரங்களை பார்ப்போம்.
பஜாஜ் ஆட்டோ நிறுவனம் புதிய பஜாஜ் பல்சர் N250 மற்றும் பஜாஜ் பல்சர் F250 மோட்டார்சைக்கிள் மாடல்கள் இந்திய விற்பனையில் புது மைல்கல் எட்டியுள்ளதாக அறிவித்து இருக்கிறது.
அதன்படி இரு பல்சர் 250 சீரிஸ் மாடல்களும் இந்திய சந்தையில் அறிமுகம் செய்யப்பட்டது முதல் இரு மாடல்களை சேர்த்து சுமார் 10 ஆயிரம் யூனிட்கள் இதுவரை டெலிவரி செய்யப்பட்டுள்ளது என பஜாஜ் ஆட்டோ நிறுவனம் அறிவித்துள்ளது.
இந்திய சந்தையில் பஜாஜ் ஆட்டோ நிறுவனம் பல்சர் N250 மற்றும் பஜாஜ் பல்சர் F250 மோட்டார்சைக்கிள்களை கடந்த ஆண்டு அக்டோபர் மாத வாக்கில் அறிமுகம் செய்தது. இவை பஜாஜ் பல்சர் சீரிசில் சக்திவாய்ந்த மோட்டார்சைக்கிள் மாடல்கள் ஆகும். இரு மாடல்களிலும் 2590சிசி என்ஜின் வழங்கப்பட்டுள்ளன. புதிய பஜாஜ் பல்சர் N250 மற்றும் பஜாஜ் பல்சர் F250 மாடல்கள் முற்றிலும் புதிய பிளாட்பார்மில் உருவாக்கப்பட்டுள்ளன.
இந்திய சந்தையில் புதிய பஜாஜ் பல்சர் N250 மாடலின் விலை ரூ. 1 லட்சத்து 43 ஆயிரத்து 680 என்றும் பஜாஜ் பல்சர் F250 மாடலின் விலை ரூ. 1 லட்சத்து 44 ஆயிரத்து 979 என்றும் நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது. புதிய பஜாஜ் பல்சர் 250 சீரிஸ் மாடல்கள்- டெக்னோ கிரே, ரேசிங் ரெட் மற்றும் கரீபியன் புளூ நிறங்களில் கிடைக்கின்றன.
புதிய பஜாஜ் பல்சர் N250 மற்றும் பஜாஜ் பல்சர் F250 மாடல்களில் 249சிசி, சிங்கில் சிலிண்டர், ஏர் மற்றும் ஆயில் கூல்டு 2 வால்வுகள் கொண்ட என்ஜின் வழங்கப்பட்டுள்ளன. இந்த என்ஜின் 24.1 பி.ஹெச்.பி. பவர், 21.5 நியூட்டன் மீட்டர் டார்க் இழுவிசையை வெளிப்படுத்துகின்றன. இத்துடன் 5 ஸ்பீடு கியர்பாக்ஸ், ஸ்லிப் மற்றும் அசிஸ்ட் கிளட்ச் வழங்கப்பட்டு உள்ளது. பல்சர் 250 டுவின் மாடல்கள் டியுபுலர் ஸ்டீல் பிரேம் கொண்டு உருவாக்கப்பட்டுள்ளன.
ராயல் என்பீல்டு நிறுவனம் தனது Meteor 350 மற்றும் ஹிமாலயன் மோட்டார்சைக்கிள் மாடல்களுக்கு இந்திய சந்தையில் விலை குறைப்பை அறிவித்து இருக்கிறது.
ராயல் என்பீல்டு நிறுவனம் சமீபத்தில் தான் தனது மோட்டார்சைக்கிள் மாடல்கள் விலையை இந்தியாவில் உயர்த்தியது. இந்த நிலையில், புதிய Meteor 350 மற்றும் ஹிமாலயன் மாடல்களுக்கு ராயல் என்பீல்டு நிறுவனம் விலை குறைப்பை அறிவித்து இருக்கிறது.
இந்தியாவில் ராயல் என்பீல்டு Meteor 350 மற்றும் ஹிமாலயன் மாடல்கள் ட்ரிப்பர் நேவிகேஷன் வசதியுடன் விற்பனை செய்யப்பட்டு வந்தன. தற்போதைய அறிவிப்பின் படி இரு மாடல்களிலும் ட்ரிப்பர் நேவிகேஷன் அம்சம் விரும்புவோர் தேர்வு செய்யும் அக்சஸரியாக வழங்கப்பட இருக்கிறது. அந்த வகையில் இந்த அக்சஸரி இன்றி Meteor 350 மற்றும் ஹிமாலன் வாங்குவோருக்கு மோட்டார்சைக்கிள் விலையில் ரூ. 5 ஆயிரம் விலை குறைக்கப்படுகிறது.
சர்வதேச சந்தையில் ஏற்பட்டுள்ள சிப்செட் குறைபாடு காரணமாக உற்பத்தியில் பாதிப்பு ஏற்பட்டு இருக்கிறது. இதன் காரணமாக ட்ரிப்பர் நேவிகேஷன் அம்சத்திற்கான குறைபாட்டை எதிர்கொள்ளும் வகையில், ராயல் என்பீல்டு நிறுவனம் அதனை அக்சஸரியாக மாற்றி இருக்கிறது.
இவைதவிர ராயல் என்பீல்டு நிறுவனம் வரும் மாதங்களில் புதிய ஹண்டர் 350, ஹிமாலயன் 450, ஷாட்கன் 650 மற்றும் சில மாடல்களை அறிமுகம் செய்ய இருக்கிறது.
டி.வி.எஸ். மோட்டார் கம்பெனி நிறுவனம் இந்திய சந்தையில் தனது என்டார்க் ஸ்கூட்டரின் XT வேரியண்டை அறிமுகம் செய்து இருக்கிறது. இதன் விவரங்களை பார்ப்போம்.
டி.வி.எஸ். மோட்டார் கம்பெனி நிறுவனம் ஏற்கனவே அறிவித்தப்படி இந்திய சந்தையில் தனது என்டார்க் 125சிசி ஸ்கூட்டர் மாடலின் புதிய XT வேரியண்ட்-ஐ அறிமுகம் செய்துள்ளது. புதிய டி.வி.எஸ். என்டார்க் 125 XT விலை ரூ. 1,02,823 எக்ஸ்-ஷோரூம் என நிர்ணயம் செய்யப்பட்டு உள்ளது.
புதிய டி.வி.எஸ். என்டார்க் XT மாடலில் ஹைப்ரிட் SmartXonnect சிஸ்டம், TFT மற்றும் LCD கன்சோல், 60 ஹை-டெக் அம்சங்கள், டி.வி.எஸ். இன்டெலிகோ தொழில்நுட்பம், மேம்பட்ட ஸ்டார்ட்-ஸ்டாப் பன்ஷன் வழங்கப்பட்டுள்ளது. மேலும் இந்த ஸ்கூட்டரில் ஸ்போர்ட் அலாய் வீல்கள் உள்ளன.
டி.வி.எஸ். என்டார்க் 125 XT மாடலில் சமூக வலைதள நோட்டிபிகேஷன் அலெர்ட், ஆன்லைன் உணவு டெலிவரி போன்ற மிக முக்கிய விவரங்களை டிராக் செய்யும் வசதி உள்ளிட்டவைகளை கொண்டிருக்கிறது. இந்த ஸ்கூட்டரில் உள்ள டிராபிக் டைம் ஸ்லைடர் ஸ்கிரீன்களை கொண்டு நேரலை விளையாட்டு ஸ்கோர்கள், செய்தி மற்றும் பல்வேறு விவரங்களை போக்குவரத்து நெரிசல் அல்லது சிக்னலில் நிற்கும் போது பார்க்க முடியும்.
புதிய டி.வி.எஸ். என்டார்க் 125 XT மாடலில் 124.8 சிசி, சிங்கில் சிலிண்டர், 3 வால்வு, ஏர் கூல்டு என்ஜின் வழங்கப்பட்டு இருக்கிறது. இந்த என்ஜின் 9.25 பி.ஹெச்.பி. பவர், 10.5 நியூட்டன் மீட்டர் டார்க் இழுவிசையை வெளிப்படுத்துகிறது.
இதில் உள்ள SmartXtalk அம்சம் வாய்ஸ் அசிஸ்ட் வசதியை வழங்குகிறது. இதை கொண்டு ஸ்கூட்டர் மோட், ஸ்கிரீன் பிரைட்னஸ், நேவிகேஷன், பாடல்களை மாற்றுவது போன்ற அம்சங்களை குரல் வழியே மேற்கொள்ள முடியும். இத்துடன் எரிபொருள் குறைவது, வீணாவது, மழை எச்சரிக்கை, போன் பேட்டரி குறைவது போன்ற தகவல்களையும் இந்த ஸ்கூட்டர் வழங்கும்.
யமஹா நிறுவனம் இந்திய சந்தையில் மார்ச் மாத விற்பனை விவரங்களை வெளியிட்டுள்ளது. இதன் விவரங்களை பார்ப்போம்.
யமஹா நிறுவனத்தின் FZ சீரிஸ் இந்திய சந்தையில் அந்நிறுவனத்தின் அதிகம் விற்பனையாகும் மோட்டார்சைக்கிள் மாடலாக தொடர்ந்து நீடிக்கிறது. மார்ச் 2022 மாதத்தில் மட்டும் யமஹா FZ விற்பனை 39 சதவீதம் அதிகரித்து உள்ளது.
மார்ச் மாதம் இந்திய சந்தையில் மொத்தத்தில் 23 ஆயிரத்து 016 யூனிட்கள் விற்பனை செய்யப்பட்டுள்ளன. 2021 மார்ச் மாதத்தில் யமஹா நிறுவனம் 16 ஆயிரத்து 563 FZ யூனிட்களை விற்பனை செய்து இருந்தது. இந்தியாவில் யமஹா FZ ஸ்டாண்டர்டு எடிஷன் விலை ரூ. 1 லட்சத்து 09 ஆயிரம் என துவங்கி அதிகபட்சம் ரூ. 1 லட்சத்து 18 ஆயிரம் வரை நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளன.
யமஹா FZ மாடலில் பாடி நிறத்தால் ஆன உபகரணங்கள், FZ-S மாடலில் அதிக பிரீமியம் தோற்றம் வழங்கும் குரோம் அம்சங்கள் உள்ளன. எனினும், இரு மாடல்களிலும் ஒரே திறன் கொண்ட என்ஜினே வழங்கப்படுகின்றன. இரு மாடல்களும் 149சிசி, சிங்கில் சிலிண்டர், ஏர் கூல்டு என்ஜின் கொண்டிருக்கின்றன. இந்த என்ஜின் 12.2 பி.ஹெச்.பி. திறன், 13.3 நியூட்டன் மீட்டர் டார்க் இழுவிசையை வெளிப்படுத்துகின்றன. இத்துடன் 5 ஸ்பீடு கியர்பாக்ஸ் வழங்கப்பட்டு உள்ளது.
ஹீரோ எலெக்ட்ரிக் நிறுவனம் இந்த மாதம் முழுக்க ஒரு யூனிட்டை கூட வினியோகம் செய்யவில்லை என்ற அதிர்ச்சி தகவல் வெளியாகி உள்ளது.
சர்வதேச செமிகண்டக்டர் குறைபாடு பிரச்சினையில் உள்நாட்டு எலெக்ட்ரிக் இருசக்கர வாகனங்கள் உற்பத்தியாளரான ஹீகரோ எலெக்ட்ரிக் பாதிக்கப்பட்டு இருக்கிறது. ஏப்ரல் 2022 மாதம் முழுக்க இந்தியாவில் ஒரு யூனிட் கூட வினியோகம் செய்யப்படவில்லை என ஹீரோ எலெக்ட்ரிக் நிறுவனம் தெரிவித்து இருக்கிறது.
மேலும் தனது இருசக்கர வாகனங்களுக்கான காத்திருப்பு காலம் அதிகபட்சம் 60 நாட்களாக அதிகரித்து உள்ளது என அந்த நிறுவனம் மேலும் தெரிவித்து உள்ளது. சில விற்பனை மையங்களில் காட்சிக்கு வைக்க கூட ஒரு யூனிட் இல்லை என ஹீரோ எலெக்ட்ரிக் நிறுவனம் தெரிவித்து இருக்கிறது.
இந்திய எலெக்ட்ரிக் இருசக்கர வாகனங்கள் சந்தையில் ஹீரோ எலெக்ட்ரிக் முன்னணி நிறுவனமாக உள்ளது. எனினும், தற்போது செமி கண்டக்டர் குறைபாட்டு பிரச்சினையை எதிர்கொண்டு வருகிறது.
"எங்களின் மாதாந்திர விற்பனை ஒவ்வொரு மாதமும் இருமடங்கு வரை அதிகரித்து வந்தது. எப்படியோ பல்வேறு பகுதிகளில் இருந்து உதிரிபாகங்களை இந்தியா கொண்டு வந்து கொண்டிருந்தோம். எனினும், போர் சூழல் காரணமாக தற்போது இதிலும் இடையூறு ஏற்பட்டு விட்டது. இந்த காலக்கட்டத்தை பயன்படுத்திக் கொண்டு எங்களின் ஆலையில், உற்பத்தியை அதிகப்படுத்திக் கொள்ள முயற்சிக்க போகிறோம்." என ஹீரோ எலெக்ட்ரிக் நிறுவன தலைமை செயல் அதிகாரி சொஹிந்தர் கில் தெரிவித்து இருக்கிறார்.
டி.வி.எஸ். மோட்டார்ஸ் நிறுவனம் தனது என்டார்க் XT ஸ்கூட்டரின் இந்திய வெளியீட்டை உறுதிப்படுத்தி இருக்கிறது. இதன் விவரங்களை தொடர்ந்து பார்ப்போம்.
டி.வி.எஸ். மோட்டார்ஸ் நிறுவனம் இந்திய சந்தையில் என்டார்க் ஸ்கூட்டரின் புது வேரியண்டை அறிமுகம் செய்ய இருக்கிறது. டி.வி.எஸ். என்டார்க் XT பெயரில் புது ஸ்கூட்டர் அறிமுகம் செய்யப்பட இருக்கிறது. தற்போது ஸ்டாண்டர்டு, ரேஸ் எடிஷன், சூப்பர் ஸ்குவாட் எடிஷன் மற்றும் ரேஸ் XP என நான்கு வேரியண்ட்களில் கிடைக்கிறது.
அந்த வரிசையில் அறிமுகம் செய்யப்பட இருக்கும் புது வேரியண்ட் சேர்த்தால், டி.வி.எஸ். என்டார்க் மாடல் மொத்தம் ஐந்து வேரியண்ட்களில் கிடைக்கிறது. புதிய XT வேரியண்டில் மேம்பட்ட இன்ஸ்ட்ரூமெண்ட் கன்சோல் மற்றும் புது அம்சங்கள் வழங்கப்படும் என தெரிகிறது. இதுதவிர இந்த வேரியண்ட் பிரத்யேக ஸ்டைலிங், எக்ஸ்டீரியர் மற்றும் புது கிராபிக்ஸ் வழங்கப்படும் என கூறப்படுகிறது.
இந்தியாவில் புதிய டி.வி.எஸ். என்டார்க் டிரம் பிரேக் கொண்ட பேஸ் மாடல் விலை ரூ. 77 ஆயிரத்தில் இருந்து துவங்குகிறது. இதன் டிஸ்க் பிரேக் வேரியண்ட் விலை ரூ. 81 ஆயிரத்து 500-இல் இருந்து துவங்குகிறது. தற்போதைய தகவல்களின் படி புதிய XT மாடல் தற்பேதைய டாப் எண்ட் XP வேரியண்டின் மேல் நிலை நிறுத்தப்படும் என தெரிகிறது.
கவாசகி நிறுவனம் இந்திய சந்தையில் அதிகம் எதிர்பார்க்கப்பட்ட 2022 நின்ஜா மோட்டார்சைக்கிளை விற்பனைக்கு அறிமுகம் செய்து இருக்கிறது.
கவாசகி இந்தியா நிறுவனம் 2022 நின்ஜா 300 மோட்டார்சைக்கிளை இந்திய சந்தையில் அறிமுகம் செய்து இருக்கிறது. புதிய கவாசகி நின்ஜா 300 மாடல் விலை ரூ. 3 லட்சத்து 37 ஆயிரம் என நிர்ணயம் செய்யப்பட்டு உள்ளது. முந்தைய கவாசகி நின்ஜா 300 மாடல் விலை ரூ. 3 லட்சத்து 24 ஆயிரம் என நிர்ணயம் செய்யப்பட்டு இருந்தது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.
2022 நின்ஜா 300 மாடலில் மேம்பட்ட கிராபிக்ஸ் வழங்கப்பட்டு இருக்கிறது. இந்த மோட்டார்சைக்கிள் - லைம் கிரீன், கேண்டி லைம் கிரீன் மற்றும் எபோனி என மூன்று நிறங்களில் கிடைக்கிறது. முந்தைய 2021 எடிஷனும் இதே நிறங்களில் கிடைக்கின்றன. எனினும், மூன்று நிறங்களில் எபோனி பெயிண்ட் கொண்ட வேரியண்டில் புது கிராபிக்ஸ் வழங்கப்பட்டு உள்ளது.
மற்ற இரு நிற வேரியண்ட்கள் தோற்றத்தில் 2021 கவாசகி நின்ஜா 300 போன்றே காட்சியளிக்கின்றன. 2022 கவாசகி நின்ஜா 300 மாடலில் பி.எஸ். 6 புகை விதிகளுக்கு பொருந்தும் 296சிசி, பேரலல் டுவின், லிக்விட் கூல்டு என்ஜின் வழங்கப்பட்டு இருக்கிறது. இத்துடன் 6 ஸ்பீடு கியர்பாக்ஸ் வழங்கப்பட்டு இருக்கிறது. இந்த என்ஜின் 38.4 பி.ஹெச்.பி. பவர், 27 நியூட்டன் மீட்டர் டார்க் இழுவிசையை வெளிப்படுத்துகிறது.
புதிய 2022 கவாசகி நின்ஜா 300 மாடலிலும் டுவின் பாட் ஹாலோஜன் ஹெட்லைட், செமி-டிஜிட்டல் இன்ஸ்ட்ரூமெண்ட் கிளஸ்டர், அசிஸ்ட் மற்றும் ஸ்லிப்பர் கிளட்ச், டூயல் சேனல் ஏ.பி.எஸ். போன்ற அம்சங்கள் வழங்கப்பட்டுள்ளன. 2022 கவாசகி நின்ஜா 300 மாடலுக்கான முன்பதிவு நாடு முழுக்க துவங்கி நடைபெற்று வருகிறது. இதன் வினியோகம் பற்றி இதுவரை எந்த தகவலும் இல்லை.
கவாசகி நிறுவனத்தின் அட்வென்ச்சர் டூரர் மோட்டார்சைக்கிள் மாடலுக்கு ரூ. 1.5 லட்சம் வரையிலான தள்ளுபடி அறிவிக்கப்பட்டு இருக்கிறது.
கவாசகி நிறுவனம் 2022 EICMA நிகழ்வில் புதிய 2022 வெர்சிஸ் 650 மோட்டார்சைக்கிள் மாடலை காட்சிப்படுத்தியது. இந்த மாடல் விரைவில் இந்திய சந்தையில் அறிமுகம் செய்யப்பட இருக்கிறது. இதன் இந்திய வெளியீடு உறுதி செய்யப்பட்டு இருக்கும் நிலையில், தற்போது விற்பனை செய்யப்படும் கவாசகி வெர்சிஸ் 650 மாடலுக்கு அதிரடி தள்ளுபடி வழங்கப்படுகிறது.
மும்பையில் உள்ள அன்சென் கவாசகி விற்பனையகம் வெர்சிஸ் 650 மாடலுக்கு ரூ. 1.50 லட்சம் வரையிலான தள்ளுபடி வழங்குவதாக அறிவித்து இருக்கிறது. முன்னதாக இந்த மாடலை வாங்குவோருக்கு அதிகபட்சம் ரூ. 70 ஆயிரம் வரையிலான பலன்கள் வழங்குவதாக அறிவிக்கப்பட்டு இருந்தது.
இந்த தள்ளுபடி ஏப்ல் 30 ஆம் தேதி வரை வழங்கப்படுகிறது. மேலும் கவாசகி வெர்சிஸ் 650 மாடலுடன் 2+2 ஆண்டுகள் எக்ஸ்டெண்டட் வாரண்டி பேக் தேர்வு செய்வோருக்கு மட்டும் தான் இந்த தள்ளுபடி பொருந்தும். தள்ளுபடியை சேர்த்தால் கவாசகி வெர்சிஸ் 650 மாடலின் விலை ரூ. 9 லட்சத்து 25 ஆயிரத்தில் இருந்து ரூ. 7 லட்சத்து 75 ஆயிரமாக குறைந்து விடும். அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளன.
மிடில்வெயிட் அட்வென்ச்சர் டூரர் மோட்டார்சைக்கிளில் புதிய TFT டிஸ்ப்ளே, டிராக்ஷன் கண்ட்ரோல், மேம்பட்ட ஸ்டைலிங் மற்றும் பல்வேறு இதர அம்சங்கள் வழங்கப்பட்டு இருக்கின்றன. இவை தவிர மோட்டார்சைக்கிளின் அடிப்படை அம்சங்களில் எந்த மாற்றமும் மேற்கொள்ளப்படவில்லை.
கவாசகி வெர்சிஸ் 650 மாடலில் 649சிசி, பேரலல் டுவின் என்ஜின் வழங்கப்பட்டு இருக்கிறது. இந்த என்ஜின் 66 பி.ஹெச்.பி. பவர், 61 நியூட்டன் மீட்டர் டார்க் இழுவிசையை வெளிப்படுத்துகிறது. கவாசகி வெர்சிஸ் 650 மாடலுக்கு போட்டியை ஏற்படுத்தும் வகையில், சமீபத்தில் தான் புதிய டிரையம்ப் டைகர் ஸ்போர்ட் 660 மாடல் அறிமுகம் செய்யப்பட்டது.
ராயல் என்பீல்டு நிறுவனம் உருவாக்கி வரும் ஹிமாலயன் 450 மாடலின் புதிய ஸ்பை படங்கள் இணையத்தில் வெளியாகி உள்ளது.
ராயல் என்பீல்டு நிறுவனத்தின் அதிகம் எதிர்பார்க்கப்படும் ஹிமாலயன் 450 மாடல் தொடர்ந்து பிரி-ப்ரோக்ஷன் டெஸ்ட்களை எதிர்கொண்டு வருகிறது. இதை அடுத்து புதிய ஹிமாலயன் 450 ஸ்பை படங்கள் இணையத்தில் வெளியாகி வருகின்றன. தற்போதைய ஸ்பை படங்களில் புது ஹிமாலயன் 450 மாடலில் டெயில் பகுதி பற்றிய விவரங்கள் தெரியவந்துள்ளது.
Photo Source: Rushlane
அதன்படி புதிய ஹிமாலயன் மாடலின் எக்சாஸ்ட் கேனிஸ்டர், ஹிமாலயன் 411 மாடலில் உள்ளதை விட அளவில் சிறியதாக இருக்கிறது. மேலும் இது அதிநவீன டிசைன் மற்றும் பிளாக் நிற ஹீட் ஷீல்டு கொண்டிருக்கிறது. இத்துடன் முற்றிலும் புதிய எல்.இ.டி. இண்டிகேட்டர்கள் வழங்கப்பட்டுள்ளன. இது போன்ற லைட்கள் இதுவரை எந்த ராயல் என்பீல்டு மோட்டார்சைக்கிளிலும் வழங்கப்படவில்லை.
இத்துடன் அப்சைடு டவுன் முன்புற போர்க்குகள், பின்புறம் மோனோ ஷாக், இரு புறங்களிலும் டிஸ்க் பிரேக், வயர் ஸ்போக் வீல்கள் உள்ளன. சமீபத்திய ஸ்பை படங்களில் இந்த மோட்டார்சைக்கிள் உற்பத்திக்கு நெருங்கிய நிலையிலேயே காட்சியளிக்கிறது.
டுகாட்டி நிறுவனம் ஏற்கனவே அறிவித்தப்படி இந்திய சந்தையில் புதிய மல்டிஸ்டிராடா வி2 மோட்டார்சைக்கிளை அறிமுகம் செய்து இருக்கிறது.
இந்திய சந்தையில் அதிகம் எதிர்பார்க்கப்பட்டு வந்த டுகாட்டி மல்டிஸ்டிராடா வி2 மோட்டார்சைக்கிள் ஒருவழியாக அறிமுகம் செய்யப்பட்டது. இந்திய சந்தையில் புதிய டுகாட்டி மல்டிஸ்டிராடா மோட்டார்சைக்கிள் டிரையம்ப் டைகர் 900 சீரிஸ் மற்றும் பி.எம்.டபிள்யூ. F 900 XR மாடல்களுக்கு போட்டியாக அமைந்துள்ளது.
புதிய டுகாட்டி மாடலில் ஃபுல் எல்.இ.டி. லைட்டிங், 5 இன்ச் கலர் TFT டிஸ்ப்ளே, கார்னெரிங் ஏ.பி.எஸ்., டிராக்ஷன் கண்ட்ரோல் சிஸ்டம், வெஹிகில் ஹோல்டு கண்ட்ரோல் போன்ற அம்சங்கள் வழங்கப்பட்டுள்ளன. இத்துடன் இந்த மாடலில் ஸ்போர்ட், டூரிங், அர்பன் மற்றும் எண்டியுரோ என நான்கு விதமான ஸ்போர்ட்ஸ் மோட்கள் உள்ளன. இதன் எஸ் வேரியணட்டில் குரூயிஸ் கண்ட்ரோல் சிஸ்டம், டுகாட்டி கார்னெரிங் லைட்கள் மற்றும் டுகாட்டி ஷிப்ட் அப் அண்ட் டவுன் போன்ற அம்சங்களும் வழங்கப்பட்டு உள்ளன.
டுகாட்டி மல்டிஸ்டிராடா வி2 மோட்டார்சைக்கிளில் பி.எஸ். 6 புகை விதிகளுக்கு பொருந்தும் 937சிசி, டெஸ்டா-ஸ்டிரெட்டா, டுவின் சிலிண்டர், லிக்விட் கூல்டு என்ஜின் வழங்கப்பட்டு இருக்கிறது. இந்த என்ஜினுடன் 6 ஸ்பீடு கியர்பாக்ஸ் வழங்கப்பட்டு உள்ளது. மேலும் இந்த என்ஜின் 111.5 பி.ஹெச்.பி. பவர், 94 நியூட்டன் மீட்டர் டார்க் இழுவிசையை வெளிப்படுத்துகிறது.
இந்த மோட்டார்சைக்கிள் ஒட்டுமொத்த எடை ஐந்து கிலோ குறைக்கப்பட்டு இருக்கிறது. இந்திய சந்தையில் மல்டிஸ்டிராடா வி2 மாடலின் எஸ் வேரியண்ட் அறிமுகம் செய்யப்பட்டு உள்ளது. இதில் டுகாட்டி நிறுவனத்தின் ஸ்கை ஹூக் சஸ்பென்ஷன் இவோ செமி ஆக்டிவ் சஸ்பென்ஷன் சிஸ்டம் போன்ற அம்சங்கள் வழங்கப்பட்டு இருக்கிறது.
இத்துடன் மேனுவல் அட்ஜஸ்ட் வசதி கொண்ட செட்டப் வழங்கப்பட்டுள்ளது. பிரேக்கிங்கிற்கு முன்புறம் 320 மில்லிமீட்டர் ரோட்டார்கள் மற்றும் பிரெம்போ மோனோபிளாக் கேலிப்பர்கள், பின்புறம் 265 மில்லிமீட்டர் டிஸ்க் மற்றும் பிரெம்போ கேலிப்பர் வழங்கப்பட்டு இருக்கிறது. ஸ்டைலிங்கிற்கு டுவின் பாட் ஹெட்லைட், செமி ஃபேரிங், உயரமான விண்ட்-ஸ்கிரீன், ஸ்ப்லிட் ஸ்டைல் சீட்கள், சைடு ஸ்லங் எக்சாஸ்ட் உள்ளிட்டவை வழங்கப்பட்டு இருக்கிறது.
இந்திய சந்தையில் புதிய டுகாட்டி மல்டிஸ்டிராடா வி2 ரெட் லிவரி ரூ. 14 லட்சத்து 65 ஆயிரம் என துவங்கி டாப் எண்ட் டுகாட்டி மல்டிஸ்டிராடா வி2 எஸ் கிரெ லிவரி ரூ. 16 லட்சத்து 84 ஆயிரம் என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.
×