பைக்

டிரையம்ப் ஸ்பீடு 400 மற்றும் ஸ்கிராம்ப்லர் 400X மாடல்களை கடந்த மாதம் அறிவித்த நிலையில், டிரையம்ப் இந்தியா நிறுவனம் ஸ்பீடு 400 மாடலை இந்திய சந்தையில் அறிமுகம் செய்தது. புதிய டிரையம்ப் ஸ்பீடு 400 மாடல் ரெட்ரோ-மாடன் பாடிவொர்க் கொண்டிருக்கிறது.

இந்த மாடலில் வட்ட வடிவம் கொண்ட எல்இடி ஹெட்லைட், எல்இடி இன்டிகேட்டர்கள், அகலமான ஹேன்டில்பார், நட் வடிவ ஃபியூவல் டேன்க் உள்ளது. இத்துடன் ஒற்றை பீஸ் சீட், டியுபுலர் கிராப் ரெயில், அப்-ஸ்வெப்ட் எக்சாஸ்ட் வழங்கப்பட்டு இருக்கிறது.

புதிய டிரையம்ப் ஸ்பீடு 400 மாடலில் 398சிசி, லிக்விட் கூல்டு என்ஜின் வழங்கப்பட்டு இருக்கிறது. இந்த என்ஜின் 39.5 ஹெச்பி பவர், 37.5 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 6 ஸ்பீடு கியர்பாக்ஸ் உள்ளது.

எல்இடி லைட்டிங் தவிர இந்த மாடலில் செமி-டிஜிட்டல் இன்ஸ்ட்ரூமென்ட் கன்சோல், ஸ்விட்ச் செய்யக்கூடிய டிராக்ஷன் கண்ட்ரோல் போன்ற வசதிகள் உள்ளன. சஸ்பென்ஷனுக்கு யுஎஸ்டி ஃபோர்க்குகள், மோனோஷாக் யூனிட் வழங்கப்பட்டு இருக்கிறது. இத்துன் இருபுறங்களிலும் டிஸ்க் பிரேக் மற்றும் டூயல் சேனல் ஏபிஎஸ் வழங்கப்பட்டு இருக்கிறது.

இந்திய சந்தையில் புதிய டிரையம்ப் ஸ்பீடு 400 மாடலின் விலை ரூ. 2 லட்சத்து 23 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது. இந்த விலை முதல் 10 ஆயிரம் வாடிக்கையாளர்களுக்கு மட்டுமே பொருந்தும். இது டிரையம்ப் நிறுவனத்தின் குறைந்த விலை மோட்டார்சைக்கிள் ஆகும். 

ஹார்லி டேவிட்சன் இந்தியா தனது X440 மோட்டார்சைக்கிள் மாடலுக்கான முன்பதிவை அதிகாரப்பூர்வமாக துவங்கியது. புதிய ஹார்லி டேவிட்சன் X440 மாடல் மூன்று வேரியண்ட்களில் கிடைக்கிறது. இந்த மாடலுக்கான முன்பதிவு கட்டணம் ரூ. 5 ஆயிரம் என்று நிர்ணயம் செய்யப்பட்டு உள்ளது.

முன்பதிவு ஹார்லி டேவிட்சன் விற்பனை மையங்கள், ஆன்லைன் வலைதளம், தேர்வு செய்யப்பட்ட ஹீரோ மோட்டோகார்ப் விற்பனை மையங்களில் நடைபெற்று வருகிறது. இந்த மாடலுக்கான வினியோகம் அக்டோபர் 2023-ம் ஆண்டு துவங்கும் என்று தெரிகிறது.

புதிய ஹார்லி டேவிட்சன் X440 மாடலின் உற்பத்தி ராஜஸ்தான் மாநிலத்தில் உள்ள நீம்ரானா ஆலையில் உற்பத்தி செய்யப்படுகிறது. ஹார்லி டேவிட்சன் X440 மாடல் அந்நிறுவனத்தின் குறைந்த விலை மோட்டார்சைக்கிள் என்ற பெருமையை பெற்று இருக்கிறது.

இந்த மாடலின் விலை ரூ. 2 லட்சத்து 29 ஆயிரம் என்று துவங்குகிறது. இதன் டாப் எண்ட் மாடல் விலை ரூ. 2 லட்சத்து 69 ஆயிரம் என்று நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

ஹார்லி டேவிட்சன் X440 மாடலில் 440சிசி, சிங்கில் சிலின்டர், ஆயில், ஏர் கூல்டு என்ஜின் மற்றும் 2 வால்வு செட்டப் வழங்கப்பட்டு இருக்கிறது. இந்த என்ஜின் 27 ஹெச்பி பவர், 38 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது.

ஹார்லி டேவிட்சன் நிறுவனம் இந்திய சந்தையில் தனது குறைந்த விலை மோட்டார்சைக்கிள் X440 மாடலை அறிமுகம் செய்து இருக்கிறது. புதிய ஹார்லி டேவிட்சன் X440 மாடலின் விலை ரூ. 2 லட்சத்து 29 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது.

ஸ்டைலிங்கை பொருத்தவரை ஹார்லி டேவிட்சன் X440 மாடலில் வட்ட வடிவம் கொண்ட ஹெட்லைட், ஹார்லி டேவிட்சன் பிரான்டிங் செய்யப்பட்டு சிங்கில் பாட் இன்ஸ்ட்ரூமென்ட் கிளஸ்டர், ஃபிலாட் ஹேன்டில்பார், சைடு ஸ்லங் எக்சாஸ்ட், மெஷின்டு அலாய் வீல்கள், ரெட்ரோ ஸ்டைல் இன்டிகேட்டர்கள் வழங்கப்பட்டு இருக்கின்றன.

இத்துடன் ஃபுல் எல்இடி லைட்டிங், டிஜிட்டல் இன்ஸ்ட்ரூமென்ட் கிளஸ்டர் வழங்கப்படுகிறது. இந்த மோட்டார்சைக்கிள் மூன்று வேரியன்ட்களில் கிடைக்கிறது. இந்த பேஸ் வேரியண்ட் சிங்கில் டோன் பெயின்ட் மற்றும் வயர் ஸ்போக் வீல்களை கொண்டிருக்கிறது. மிட் வேரியண்டில் அலாய் வீல் மற்றும் டூயல் டோன் ஃபினிஷ் செய்யப்பட்டு உள்ளது.

டாப் எண்ட் மாடலில் டைமன்ட் கட் அலாய் வீல்கள், ப்ளூடூத் கனெக்டிவிட்டி, 3டி லோகோ, ப்ளூடூத் மாட்யுல் மூலம் டர்ன்-பை-டர்ன் நேவிகேஷன் வசதி வழங்கப்படுகிறது. இந்த மாடலில் 440சிசி, சிங்கில் சிலின்டர், ஆயில், ஏர் கூல்டு என்ஜின் மற்றும் 2 வால்வு செட்டப் வழங்கப்பட்டு இருக்கிறது. இந்த என்ஜின் 27 ஹெச்பி பவர், 38 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது.

ஹார்டுவேரை பொருத்தவரை X440 மாடலில் டிரெலிஸ் ஃபிரேம், 43mm அப்சைடு-டவுன் முன்புற ஃபோர்க்குகள், கியாஸ் சார்ஜ், பிரீலோடு அட்ஜஸ்ட் செய்யக்கூடிய டுவின் ரியர் ஷாக் அப்சார்பர்கள் வழங்கப்படுகின்றன. பிரேக்கிங்கிற்கு இரண்டு வீல்களிலும் சிங்கில் டிஸ்க், டூயல் சேனல் ஏபிஎஸ் மற்றும் சைடு ஸ்டான்டு என்ஜின் கட்-ஆஃப் வசதி வழங்கப்படுகிறது.

விலை விவரங்கள்:

ஹார்லி டேவிட்சன் X440 பேஸ் மாடல் ரூ. 2 லட்சத்து 29 ஆயிரம்

ஹார்லி டேவிட்சன் X440 மிட் வேரியண்ட் ரூ. 2 லட்சத்து 49 ஆயிரம்

ஹார்லி டேவிட்சன் X440 டாப் எண்ட் வேரியண்ட் ரூ. 2 லட்சத்து 69 ஆயிரம்

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

பியஜியோ நிறுவனம் தனது சக்திவாய்ந்த வெஸ்பா ஸ்கூட்டரை அறிமுகம் செய்து இருக்கிறது. புதிய வெஸ்பா GTV மாடல் முதற்கட்டமாக ஐரோப்பிய சந்தையில் அறிமுகம் செய்யப்பட்டு இருக்கிறது. 2023 மாடலில் ஏராளமான மாற்றங்கள், சிறு அப்கிரேடுகள் மேற்கொள்ளப்பட்டு உள்ளது.

அதன்படி இந்த மாடலில் 300சிசி, சிங்கில் சிலிண்டர், லிக்விட் கூல்டு என்ஜின் வழங்கப்பட்டு இருக்கிறது. இந்த என்ஜின் 23.4 ஹெச்பி பவர், 26 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இந்த ரெட்ரோ ஸ்கூட்டரில் ஃபுல் எல்இடி லைட்கள், மேட் பிளாக் டிசைன் செய்யப்பட்டு உள்ளது.

இத்துடன் அலாய் வீல்கள், எக்சாஸ்ட் கவர், கிராப்ரெயில், ரியர்வியூ மிரர்கள் மற்றும் ஃபூட்ரெஸ்ட் உள்ளிட்டவை மேட் பிளாக் நிறம் கொண்டிருக்கிறது. புதிய வெஸ்பா GTV மாடலில் கீலெஸ் ஸ்டார்ட் ஸ்டாப், டிராக்ஷன் கண்ட்ரோல் சிஸ்டம், ஏபிஎஸ் மற்றும் யுஎஸ்பி சார்ஜிங் போர்ட் வழங்கப்பட்டு இருக்கிறது.

2023 பியஜியோ வெஸ்பா GTV மாடல் இரண்டு நிறங்களில் கிடைக்கிறது. எனினும், இரண்டு மாடல்களும் இந்திய சந்தையில் அறிமுகம் செய்யப்படுவதற்கான வாய்ப்புகள் குறைவு தான். இந்தியா இதுபோன்ற மாடல்களுக்கான சந்தை இல்லை என்பதே காரணம் என்று தெரிகிறது.

டிவிஎஸ் மோட்டார் நிறுவனத்தின் அதிகம் எதிர்பார்க்கப்படும் அபாச்சி RTR 310 மோட்டார்சைக்கிள் புகைப்படம் இணையத்தில் லீக் ஆகி இருக்கிறது. இவை மோட்டார்சைக்கிள் விளம்பர படப்பிடிப்பின் போது எடுக்கப்பட்டு இருக்கும் என்று தெரிகிறது.

புகைப்படங்களில் புதிய அபாச்சி RTR 310 மாடல் முற்றிலும் புதிய டிசைன் கொண்டிருக்கும் என்று தெரியவந்துள்ளது. ஏற்கனவே வெளியான தகவல்களில் இந்த மாடல், பிஎம்டபிள்யூ G 310 R மாடலில் உள்ளதை போன்ற சேசிஸ் கொண்டிருக்கும் என்று கூறப்பட்டது. எனினும், தற்போதைய ஸ்பை படங்களில் புதிய மாடலின் சேசிஸ் மாற்றப்பட்டு இருக்கும் என்று தெரியவந்துள்ளது.

இந்த மாடலின் ஃபிரேம் காணப்படாத நிலையில், இதன் சப் ஃபிரேம் முற்றிலும் புதிதாக இருக்கிறது. இதன் முன்புற ஃபோர்க் டியூப்கள் பிஎம்டபிள்யூ G310R மாடலில் இருப்பதை விட சற்று மெல்லியதாக காட்சியளிக்கின்றன. மற்ற பாகங்களான வீல்கள், பிரேக் டிஸ்க், சீட், எல்இடி லைட் உள்ளிட்டவை முற்றிலும் புதிதாக உள்ளன.

புதிய அபாச்சி RTR 310 மாடலிலும் 310சிசி சிங்கில் சிலின்டர், லிக்விட் கூல்டு என்ஜின் வழங்கப்படுகிறது. இந்த என்ஜின் 34 ஹெச்பி பவர், 28 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 6 ஸ்பீடு கியர்பாக்ஸ் வழங்கப்படுகிறது. இந்த மாடலில் பவர் மோட்கள், டிஜிட்டல் இன்ஸ்ட்ரூமென்டேஷன் மற்றும் ஸ்மார்ட்போன் கனெக்டிவிட்டி வழங்கப்படும் என்று தெரிகிறது.

அடுத்த சில மாதங்களுக்குள் டிவிஎஸ் அபாச்சி RTR 310 மாடல் சந்தையில் அறிமுகம் செய்யப்படும் என்று தெரிகிறது. அறிமுகமாகும் பட்சத்தில் இந்த மாடல் கேடிஎம் 390 டியூக், ஹோன்டா CB300R மற்றும் பஜாஜ் டாமினர் 400 மாடல்களுக்கு போட்டியாக அமையும்.

Photo Courtesy: IamBikerDotcom 

இந்திய எலெக்ட்ரிக் வாகன சந்தை கடந்த சில மாதங்களாக விற்பனையில் அசுர வளர்ச்சியை பதிவு செய்து வந்தது. இனி வரும் மாதங்களில் இந்த நிலை முழுமையாக மாறுவதற்கு வாய்ப்புகள் இருப்பதாக சந்தை வல்லுனர்கள் கணித்துள்ளனர். மத்திய அரசு எலெக்ட்ரிக் ஸ்கூட்டர்களுக்கு வழங்கி வந்த மானியம் குறைக்கப்பட்டதே இதற்கு முக்கிய காரணம் என்று அவர்கள் மேலும் தெரிவிக்கின்றனர்.

ஜூன் 2023 மாதத்தில் மட்டும் எலெக்ட்ரிக் ஸ்கூட்டர்கள் விற்பனை 60 சதவீதம் சரிவடைந்து இருக்கிறது. 2013 ஆண்டு எலெக்ட்ரிக் இருசக்கர வாகனங்கள் விற்பனை 2 ஆயிரத்திற்கும் கீழ் இருந்தது. தற்போது இந்த எண்ணிக்கை ஆண்டுக்கு 7.4 லட்சமாக அதிகரித்து இருக்கிறது. இந்த நிலையில், தான் எலெக்ட்ரிக் இருசக்கர வாகனங்கள் விற்பனை சரியத் தொடங்கி உள்ளது.

கோப்புப்படம் 

கடந்த மே மாதம் 1 லட்சத்து 05 ஆயிரம் யூனிட்கள் விற்பனையான நிலையில், ஜூன் மாத விற்பனை 35 ஆயிரத்து 464 ஆக சரிந்துள்ளது. இது மாதாந்திர அடிப்படையில் 57 சதவீதம் குறைவு ஆகும். ஏப்ரல் மாதத்தில் 66 ஆயிரத்து 724 யூனிட்கள் விற்பனையாகி இருந்தது குறிப்பிடத்தக்கது.

இந்தியாவில் எலெக்ட்ரிக் இருசக்கர வாகனங்கள் விற்பனை கடந்த ஐந்து ஆண்டுகளாக அதிகரித்த நிலையிலேயே உள்ளது. தொடர்ந்து அதிகரித்து வரும் பெட்ரோல், டீசல் விலை உயர்வு காரணமாக பலர் எலெக்ட்ரிக் இருசக்கர வாகனங்களை வாங்க ஆரம்பித்தனர்.

விற்பனை கணிசமாக அதிகரிக்கும் நிலையில், மத்திய அரசு எலெக்ட்ரிக் ஸ்கூட்டர்களுக்கு வழங்கி வந்த மானிய தொகையை குறைத்து விட்டது. ஜூன் 1-ம் தேதி மானிய குறைப்பு அமலுக்கு வந்த நிலையில், எலெக்ட்ரிக் இருசக்கர வாகன விற்பனை குறைய தொடங்கி இருக்கிறது. 

பிஎம்டபிள்யூ மோட்டராட் நிறுவனம் இந்திய சந்தையில் 2023 பிஎம்டபிள்யூ M 1000 RR சூப்பர்பைக் மாடலை அறிமுகம் செய்து இருக்கிறது. பெயருக்கு ஏற்றார்போல் இது பிஎம்டபிள்யூ S 1000 RR மாடலின் ஸ்போர்ட் வெர்ஷன் ஆகும். இந்தியாவில் புதிய பிஎம்டபிள்யூ M 1000 RR மாடல் ஸ்டான்டர்டு மற்றும் காம்படீஷன் என இரண்டு வேரியன்ட்களில் கிடைக்கிறது.

விலை விவரங்கள்:

2023 பிஎம்டபிள்யூ M 1000 RR ஸ்டான்டர்டு ரூ. 49 லட்சம்

2023 பிஎம்டபிள்யூ M 1000 RR காம்படீஷன் ரூ. 55 லட்சம்

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

2024 பிஎம்டபிள்யூ M 1000 RR மாடல் தோற்றத்தில் அதிக ஸ்போர்ட் தோற்றம் மற்றும் டிராக் சார்ந்த மாடல் போன்று காட்சியளிக்கிறது. தற்போது இந்திய சந்தையில் கிடைக்கும் விலை உயர்ந்த பிஎம்டபிள்யூ மோட்டார்சைக்கிள் இது ஆகும். இந்த மாடல் முழுக்க கார்பன்-ஃபைபர் பாடிவொர்க், விங்லெட்கள், கார்பன் வீல்கள், பிஎம்டபிள்யூ M தீம் கொண்ட பெயின்டிங் செய்யப்பட்டுள்ளது.

பிஎம்டபிள்யூ M 1000 RR மாடலில் 999சிசி, இன்லைன், 4 சிலிண்டர்கள் கொண்ட என்ஜின் வழங்கப்பட்டு இருக்கிறது. இந்த என்ஜின் 211 ஹெச்பி பவர், 113 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 6 ஸ்பீடு கியர்பாக்ஸ், பை-டைரெக்ஷனல் குயிக்ஷிப்டர், ஸ்லிப் மற்றும் அசிஸ்ட் கிளட்ச் வழங்கப்பட்டு இருக்கிறது.

புதிய 2023 பிஎம்டபிள்யூ M 1000 RR மோட்டார்சைக்கிள் மணிக்கு அதிகபட்சம் 314 கிலோமீட்டர்கள் வேகத்தில் செல்லும் திறன் கொண்டுள்ளது. ஏபிஎஸ், டிராக்ஷன் கண்ட்ரோல், ஏழு ரைடு மோட்கள் மற்றும் ஏராளமான வசதிகள் இந்த சூப்பர் பைக்கில் வழங்கப்பட்டு இருக்கிறது. இதன் முன்புறம் டூயல் 320mm டிஸ்க்குகள், பின்புறம் 220mm டிஸ்க் மற்றும் டூயல் சேனல் ஏபிஎஸ் உள்ளது.

இந்திய சந்தையில் புதிய பிஎம்டபிள்யூ M 1000 RR சூப்பர்பைக் டுகாட்டி பனிகேல் V4R மாடலுக்கு போட்டியாக அமைகிறது. டுகாட்டி பினிகேல் V4 R மாடலின் விலை ரூ. 69 லட்சத்து 99 ஆயிரம், எக்ஸ் ஷோரூம் என்று நிர்ணயம் செய்யப்பட்டு உள்ளது.

ஹோண்டா ஆக்டிவா ஸ்கூட்டர் விற்பனையில் மற்றொரு மைல்கல்லை எட்டி அத்தியிருக்கிறது. ஹோண்டா ஆக்டிவா மாடல் விற்பனையில் 3 கோடி யூனிட்களை கடந்துள்ளது. இந்த மைல்கல்லை எட்டுவதற்கு ஹோண்டா நிறுவனம் 22 ஆண்டுகளை எடுத்துக் கொண்டுள்ளது. கடந்த இரண்டு தசாப்தங்களுக்கும் அதிகமாகவே ஹோண்டா ஆக்டிவா மாடல் விற்பனையில் அமோக வரவேற்பை பெற்று வருகிறது.

2001-ம் ஆண்டு ஆக்டிவா மாடல் 102சிசி ஸ்கூட்டர் வடிவில் அறிமுகம் செய்யப்பட்டது. இதில் உள்ள 4 ஸ்டிரோக் என்ஜின் மற்றும் CVT யூனிட், இந்திய வாடிக்கையாளர்களை கவர்ந்தது. இரு பாலினத்தவரும் பயன்படுத்தும் வகையிலான டிசைன் இந்த ஸ்கூட்டரின் விற்பனை அதிகரிக்க காரணங்களாக மாறின. விற்பனைக்கு வந்த முதல் ஆண்டிலேயே ஹோண்டா ஆக்டிவா மாடல் 55 ஆயிரம் யூனிட்களை கடந்து அசத்தியது.

சந்தையில் நேரடி போட்டியை ஏற்படுத்த வேறு எந்த மாடல்களும் இல்லாத நிலையில், ஆக்டிவா மாடல் விற்பனை தொடர்ந்து அதிகரித்துக் கொண்டே இருந்தது. 2004-05 காலக்கட்டத்தில் ஹோண்டா ஆக்டிவா ஸ்கூட்டர் விற்பனையில் பத்து லட்சம் யூனிட்கள் எனும் மைல்கல்லை எட்டியது. 2008-09 ஆண்டுகளில் ஆக்டிவா மாடல் 110சிசி வடிவில் அறிமுகம் செய்யப்பட்டது. இந்த மாடல் முந்தைய வெர்ஷனை விட 15 சதவீதம் அதிக மைலேஜ் வழங்குவதாக ஹோண்டா அறிவித்தது.

இந்த காலக்கட்டத்தில் ஆக்டிவா விற்பனை ஒவ்வொரு மாதமும் 50 ஆயிரம் யூனிட்களாக அதிகரித்தது. பிறகு 2014-15 காலக்கட்டத்தில் ஆக்டிவா 3ஜி மாடல் அறிமுகம் செய்யப்பட்டது. இதுவே முதல் ஆக்டிவா 125 மாடல் ஆகும். 2016-ம் ஆண்டு ஹோண்டா ஆக்டிவா விற்பனையில் ஒரு கோடி யூனிட்களை கடந்தது. இந்த சமயத்தில் அதிகம் விற்பனையாகும் ஸ்கூட்டர் என்பதை கடந்து, இந்தியாவில் விற்பனையாகும் முன்னணி இருசக்கர வாகனம் என்ற பெருமையை ஹோண்டா ஆக்டிவா பெற்றது.

இதைத் தொடர்ந்து வெறும் 7 ஆண்டுகளில் ஹோண்டா ஆக்டிவா மாடல் இரண்டு கோடி யூனிட்களை கடந்து அசத்தியது. 2018 ஆண்டு ஹோண்டா ஆக்டிவா மாடல் இரண்டு கோடி யூனிட்களை கடந்த நிலையில், 2023 ஆண்டிலேயே மூன்று கோடி யூனிட்கள் எனும் மைல்கல்லை கடந்துள்ளது.

டிரையம்ப் மோட்டார்சைக்கிள்ஸ் நிறுவனம் தனது ஸ்பீடு 400 மற்றும் ஸ்கிராம்ப்லர் 400X மோட்டார்சைக்கிள் மாடல்களை அறிவித்து இருக்கிறது. இந்த இரண்டு மோட்டார்சைக்கிள்களும் பஜாஜ் நிறுவனத்துடன் இணைந்து உருவாக்கப்பட்டு இருக்கிறது. இவற்றின் உற்பத்தி இந்தியாவிலேயே நடைபெற இருக்கிறது.

இரண்டு 400சிசி மோட்டார்சைக்கிள்களும் தோற்றத்தில் மிகவும் புதிதாக காட்சியளிக்கின்றன. அதனிநவீன தோற்றம் கொண்ட இந்த மாடல்களில் ஸ்பீடு 400 மட்டும் ஸ்பீடு டுவின் 900 போன்று காட்சியளிக்கிறது. ஸ்கிராம்ப்லர் 400X மாடல், வழக்கமான ஸ்கிராம்ப்லர் மாடல் போன்று காட்சியளிக்கவில்லை. இதன் சஸ்பென்ஷன் ஸ்பீடு 400 மாடலில் உள்ளதை போன்றே வழங்கப்பட்டு இருக்கிறது.

ஸ்கிராம்ப்லர் 400X மாடலில் ஹேன்ட் கார்டுகள், ஸ்ப்லிட் சீட்கள் மற்றும் வித்தியாசமான எக்சாஸ்ட் உள்ளது. இரு மாடல்களிலும் 398சிசி, லிக்விட் கூல்டு என்ஜின் வழங்கப்பட்டு இருக்கிறது. இந்த என்ஜின் 39.5 ஹெச்பி பவர், 37.5 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு கியர்பாக்ஸ் வழங்கப்படுகிறது.

டிரையம்ப் ஸ்பீடு 400 மற்றும் ஸ்கிராம்ப்லர் 400X மாடல்களில் 43mm பிஸ்டன், 150mm டிராவல், மோனோ-ஷாக் சஸ்பென்ஷன் வழங்கப்பட்டு உள்ளது. அம்சங்களை பொருத்தவரை இரு மாடல்களிலும் ரைடு-பை-வயர், ஸ்விட்ச் செய்யக்கூடிய டிராக்ஷன் கண்ட்ரோல் சிஸ்டம், எல்இடி லைட்கள், பார்ட் டிஜிட்டல் இன்ஸ்ட்ரூமென்ட் கிளஸ்டர் உள்ளது.

டிரையம்ப் ஸ்பீடு 400 மாடல் கார்னிவல் ரெட், கேஸ்பியன் புளூ மற்றும் ஃபேன்டம் பிளாக் நிறங்களில் கிடைக்கிறது. ஸ்கிராம்ப்லர் 400X மாடல் காக்கி கிரீன், கார்னிவல் ரெட் மற்றும் ஃபேன்டம் பிளாக் நிறங்களில் கிடைக்கிறது. இரு மாடல்களும் ஜூலை 5-ம் தேதி இந்திய சந்தையில் அறிமுகம் செய்யப்படுகிறது. வினியோகம் ஆகஸ்ட் மாதம் துவங்குகிறது.

ஹீரோ நிறுவனத்தின் புதிய ஸ்கூட்டர் ஸ்பை படங்கள் வெளியாகி உள்ளது. ஹீரோ மோட்டோகார்ப் ஜெய்பூர் ஆய்வு மற்றும் வளர்ச்சி மையத்திற்கு அருகில் புதிய ஸ்கூட்டர் டெஸ்டிங் செய்யப்படுகிறது. ஸ்பை படங்களில் ஸ்கூட்டரின் பக்கவாட்டு மற்றும் முன்புற தோற்றம் எப்படி இருக்கும் என்று தெரியவந்துள்ளது.

அதன்படி ஸ்கூட்டரில் கூர்மையான முன்புறம், பக்கவாட்டில் பட்ச் பாடிவொர்க் செய்யப்பட்டு உள்ளது. பக்கவாட்டு பேனலில் உள்ள கிரீஸ்கள் ஹீரோ ஜூம் மாடலில் உள்ளதை போன்றே காட்சியளிக்கிறது. முன்புற டிசைனும் ஜூம் மாடலில் உள்ளதை போன்று காட்சியளிக்கிறது.

ஹீரோ நிறுவனம் தனது ஜூம் ஸ்கூட்டரின் பெரிய வெர்ஷனை உருவாக்கி வருவதாக தெரிகிறது. முன்னதாக இதுபற்றிய தகவல்கள் இணையத்தில் வெளியாகி இருந்தது. அந்த வகையில் டெஸ்டிங் செய்யப்படும் ஸ்கூட்டரும் 125சிசி மாடலாக இருக்கும் என்று தெரிகிறது. அந்த வகையில், இந்த மாடலில் 125சிசி சிங்கில் சிலின்டர் என்ஜின் வழங்கப்படுகிறது.

இத்துடன் டெலிஸ்கோபிக் முன்புற ஃபோர்க்குகள், பின்புறம் மோனோஷாக் யூனிட், பிரேக்கிங்கிற்கு முன்புறம் டிஸ்க் யூனிட், முழுமையான டிஜிட்டல் கன்சோல் மற்றும் ஸ்மார்ட்போன் கனெக்டிவிட்டி போன்ற அம்சங்கள் வழங்கப்படுகிறது.

Photo Courtesy: Rushlane

ஹோண்டா நிறுவனம் முற்றிலும் புதிய CB300R மோட்டார்சைக்கிளை அறிமுகம் செய்து இருக்கிறது. புதிய என்ட்ரி லெவல் பிரீமியம் ஸ்டிரீட் மாடல் 2024 ஆண்டிற்காக அப்டேட் செய்யப்பட்டு உள்ளது. ஜப்பானை சேர்ந்த ஹோண்டா நிறுவனத்தின் 2024 CB300R மாடல்- மேட் பிளாக் மெட்டாலிக் மற்றும் பியல் டஸ்க் எல்லோ என இரண்டு புதிய நிறங்களில் கிடைக்கிறது.

இரு நிறங்களில் கிடைக்கும் மோட்டார்சைக்கிள் மாடல்களின் விற்பனை அமெரிக்காவில் நடைபெற இருக்கிறது. புதிய மாடலில் மெக்கானிக்கல் அப்டேட்கள் எதுவும் மேற்கொள்ளப்படவில்லை. இந்த மாடலில் 286சிசி, சிங்கில் சிலிண்டர், லிக்விட் கூல்டு என்ஜின் வழங்கப்பட்டு இருக்கிறது.

இத்துடன் முன்புறம் அப்சைடு டவுன் ஃபோர்க்குகள், பின்புறம் மோனோ ஷாக் யூனிட் வழங்கப்பட்டு உள்ளது. இந்த மாடலில் பெட்டல் ரக டிஸ்க் பிரேக்குகள், 17 இன்ச் அலாய் வீல்கள், எல்இடி லைட்டிங், டிஜிட்டல் இன்ஸ்ட்ரூமென்ட் கிளஸ்டர், டூயல் சேனல் ஏபிஎஸ் மற்றும் ஸ்லிப்பர் அசிஸ்ட் கிளட்ச் உள்ளது.

புதிய 2024 ஹோண்டா CB300R மாடல் இந்திய சந்தையிலும் அறிமுகம் செய்யப்படும் என்று எதிர்பார்க்கலாம். இதன் விலை தற்போதைய மாடலை விட அதிகமாகவே நிர்ணயம் செய்யப்படும் என்று தெரிகிறது.

இந்தியாவில் தற்போது விற்பனை செய்யப்பட்டு வரும் ஹோண்டா CB300R பியல் ஸ்பார்டன் ரெட் மற்றும் மேட் ஸ்டீல் பிளாக் மாடல்கள் விலை ரூ. 2 லட்சத்து 77 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது.

டுகாட்டி இந்தியா நிறுவனம் தனது 2023 பனிகேல் V4 R சூப்பர் பைக் மாடலை இந்திய சந்தையில் அறிமுகம் செய்து இருக்கிறது. புதிய 2023 டுகாட்டி பனிகேல் V4 R விலை ரூ. 69 லட்சத்து 99 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது.

இந்த மாடலில் 998சிசி, நான்கு சிலின்டர்கள் கொண்ட லிக்விட் கூல்டு என்ஜின் வழங்கப்பட்டு இருக்கிறது. இந்த என்ஜின் 215 ஹெச்பி பவர், 111.3 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது.

இத்துடன் அக்ரபோவிக், ஃபுல் சோர்ஸ் எக்சாஸ்ட் வழங்கப்பட்டு இருக்கிறது. இதன் காரணமாக இந்த பைக்கின் எடை 5 கிலோ வரை குறைந்துள்ளது. மேலும் 6 ஸ்பீடு கியர்பாக்ஸ் மற்றும் பை-டைரெக்ஷனல் குயிக்ஷஃப்டர் வழங்கப்பட்டு இருக்கிறது.

சஸ்பென்ஷனிற்கு முன்புறம் 43mm ஆலின்ஸ் NPX 25/30 ஃபோர்க்குகள், பின்புறம் ஆலின்ஸ் TTX 36 மோனோ ஷாக் யூனிட் வழங்கப்பட்டு இருக்கிறது. பிரேக்கிங்கிற்கு டுவின் 330mm முன்புற டிஸ்க், பிரெம்போ ஸ்டைல்மா M4.30 கேலிப்பர்கள், பின்புறம் 245mm சிங்கில் ரோட்டார், 2 பிஸ்டன் கேலிப்பர்கள் உள்ளன.

இந்த மாடலில் உள்ள காம்ப்ரிஹென்சிவ் எலெக்டிரானிக்ஸ் பேக்கேஜ் நான்கு ரைடிங் மோட்கள், கார்னெரிங் ஏபிஎஸ், டிராக்ஷன் கண்ட்ரோல், லான்ச் கண்ட்ரோல், வீலி கண்ட்ரோல், ஸ்லைடு கண்ட்ரோல், என்ஜின் பிரேக் கண்ட்ரோல் மற்றும் ஆட்டோ டயர் கலிபரேஷன் போன்ற வசதிகளை வழங்குகிறது.

இத்துடன் மெஷின்டு மிரர் பிளாக் ஆஃப் பிளேட்கள், டுகாட்டி டேட்டா அனலைசர் மற்றும் ஜிபிஎஸ் மாட்யுல் வழங்கப்படுகிறது. இதுதவிர புதிய மாடலிலும் டுவிட் பாட் ஹெட்லைட், ஃபுல் ஃபேரிங், ஏரோடைனமிக் விங்லெட்கள், ரைடர் இருக்கை, சிங்கில் சைடு ஸ்விங்ஆர்ம் வழங்கப்படுகிறது.