பைக்

பியாஜியோ குழுமம் தனது பிரீமியம் வெஸ்பா மற்றும் அப்ரிலியா ஸ்கூட்டர் பிராண்டுகளுக்கு குறுகிய கால சலுகையை அறிவித்து இருக்கிறது. தேர்வு செய்யப்பட்ட மாடல்களுக்கு அதிகபட்சம் ரூ. 10 ஆயிரம் வரையிலான சலுகைகள் வழங்கப்படுகின்றன.

வெஸ்பா விஎக்ஸ்எல் மற்றும் எஸ்எக்ஸ்எல் மாடல்களுக்கும், அப்ரிலியா எஸ்ஆர் 160, எஸ்ஆர் 125 மற்றும் ஸ்டாம் 125 மாடல்களுக்கு சலுகைகள் வழங்கப்படுகின்றன. இந்த மாடல்களுக்கு ரூ. 10 ஆயிரம் மதிப்புள்ள பலன்கள் வழங்கப்படுகின்றன. 

இவற்றில் ரூ. 7 ஆயிரம் மதிப்புள்ள இன்சூரன்ஸ் பலன்களும், ரூ. 4 ஆயிரம் மதிப்புள்ள இலவச அக்சஸரீக்களும் அடங்கும். இத்துடன் ஒரு ஆண்டுக்கான இலவச சர்வீஸ் மற்றும் ஐந்து ஆண்டுகளுக்கு வாரண்டி வழங்கப்படுகிறது. இதில் முதல் இரு ஆண்டுகளுக்கு ரோடு-சைடு அசிஸ்டண்ஸ் வசதியும் வழங்கப்படுகிறது.

மேலும் ஆன்லைன் தளத்தில் ஸ்கூட்டர்களை வாங்குவோருக்கு ரூ. 2 ஆயிரம் தள்ளுபடி வழங்கப்படுகிறது. இந்த  சலுகைகள் நவம்பர் 16 ஆம் தேதி வரை வழங்கப்படுகிறது.

இந்தியா முழுக்க பல்வேறு பஜாஜ் ஆட்டோ விற்பனையாளர்கள் பிளாட்டினா மற்றும் பல்சர் 125 மாடல்களுக்கு ரூ. 3 ஆயிரம் வரை தள்ளுபடி வழங்கி வருகின்றன. இந்த சலுகைகள் பண்டிகை காலக்கட்டத்தை குறிவைத்து அறிவிக்கப்பட்டு இருக்கின்றன.

பஜாஜ் பிளாட்டினா 100 இஎஸ் டிரம் பிரேக் வேரியண்ட்டிற்கு ரூ. 1600 மற்றும் பல்சர் 125 ஸ்ப்லிட் சீட் டிரம் பிரேக் வேரியண்ட்டிற்கு ரூ. 3 ஆயிரம் வரை தள்ளுபடி வழங்கப்பட்டு உள்ளது. இந்த தள்ளுபடி ஆன்-ரோடு விலைகளில் பொருந்தும் என தெரிவிக்கப்பட்டு உள்ளது.

பிளாட்டினா 100 இஎஸ் டிஸ்க் மாடலுக்கு ரூ. 2800, பிளாட்டினா 110 ஹெச்-கியர் டிஸ்க் மாடலுக்கு ரூ. 2 ஆயிரம், பல்சர் 125 டிரம் மாடலுக்கு ரூ. 2500, பல்சர் 125 டிரம் ஸ்ப்லிட் சீட் மாடலுக்கு ரூ. 3 ஆயிரம், பல்சர் 125 டிஸ்க் மாடலுக்கு ரூ. 2 ஆயிரம், பல்சர் 125 டிஸ்க் ஸ்ப்லிட் சீட் மாடலுக்கு ரூ. 2 ஆயிரம் தள்ளுபடி வழங்கப்படுகிறது.

பஜாஜ் மோட்டார்சைக்கிள்களுக்கு திடீர் தள்ளுபடி அறிவிக்கப்பட்டு இருப்பதால், பண்டிகை காலக்கட்டதில் விற்பனையை அதிகரிக்கும் என எதிர்பார்க்கப்படுகிறது.

கவாசகி நிறுவனம் தனது 2021 வெர்சிஸ் 1000 எஸ் மோட்டார்சைக்கிளை ஐரோப்பிய சந்தையில் அறிமுகம் செய்தது. இதன் விலை 14,227 யூரோக்கள், இந்திய மதிப்பில் ரூ. 12.26 லட்சம் என நிர்ணயம் செய்யப்பட்டு உள்ளது.

வாடிக்கையாளர்கள் ஸ்டான்டர்டு வெர்சிஸ் 1000 எஸ் மட்டுமின்றி - டூரர், டூரர் பிளஸ் மற்றும் கிராண்ட் டூரர் போன்ற வேரியண்ட்களையும் தேர்வு செய்து கொள்ளலாம். இவற்றில் கூடுதல் அக்சஸரீக்கள் வழங்கப்படுகின்றன. 

புதிய கவாசகி வெர்சிஸ் 1000 எஸ் மாடலில் 6-ஆக்சிஸ் ஐஎம்யு, கவாசகி டிராக்ஷன் கண்ட்ரோல், இன்டெலிஜன்ட் பிரேக்கிங் சிஸ்டம், பல்வேறு ரைடிங் மோட்கள், கவாசகி குவிக் ஷிப்டர், ஸ்மார்ட்போன் கனெக்டிவிட்டி, ஹீட்டெட் க்ரிப்கள், குரூயிஸ் கண்ட்ரோல் சிஸ்டம் மற்றும் சிலல அம்சங்கள் வழங்கப்பட்டு இருக்கின்றன.

இந்த மாடலில் 1043சிசி, இன்-லைன் 4 சிலிண்டர் என்ஜின் வழங்கப்பட்டு உள்ளது. இந்த என்ஜின் யூரோ 5 விதிகளுக்கு பொருந்தும் வகையில் உருவாக்கப்பட்டு உள்ளது. இது 118 பிஹெச்பி பவர், 102 என்எம் டார்க் செயல்திறன் வழங்குகிறது. இத்துடன் 6 ஸ்பீடு கியர்பாக்ஸ் வழங்கப்பட்டு உள்ளது.

டிவிஎஸ் மோட்டார் கம்பெனி நிறுவனம் சர்வதேச விற்பனையில் அபாச்சி மாடல்கள் 40 லட்சம் யூனிட்களை கடந்துள்ளதாக அறிவித்து இருக்கிறது. 

புதிய விற்பனையை கொண்டாடும் விதமாக டிவிஎஸ் நிறுவனம் 957 அடி நீளமுள்ள கொடியை உருவாக்கி இருக்கிறது. இது ஆசியா மற்றும் இந்திய சாதனைகள் புத்தகத்தில் இடம்பிடித்துள்ளது. இந்த கொடி அந்நிறுவனத்தின் மைசூரு ஆலையில் வைக்கப்பட்டு உள்ளது.

டிவிஎஸ் அபாச்சி சீரிஸ் அபாச்சி ஆர்டிஆர் 160, அபாச்சி ஆர்டிஆர் 160 4வி, அபாச்சி ஆர்டிஆர்180, அபாச்சி ஆர்டிஆர் 200 4வி மற்றும் அபாச்சி ஆர்ஆர் 310 உள்ளிட்ட மாடல்களை கொண்டுள்ளது.

வாடிக்கையாளர்களுடன் தொடர்ந்து இணைப்பில் இருக்க டிவிஎஸ் பல்வேறு நடவடிக்கைகளை தொடர்ந்து மேற்கொண்டு வருகிறது. இவற்றில் 2019 ஆண்டு முதல் முறையாக பிளாக்ஷிப் நிகழ்ச்சி ஒன்றை நடத்தியது. 

ஹீரோ மோட்டோகார்ப் நிறுவனம் தனது கிளாமர் மோட்டார்சைக்கிளின் ஸ்பெஷல் எடிஷனை இந்திய சந்தையில் அறிமுகம் செய்தது. இது கிளாமர் பிளேஸ் எடிஷன் எனும் பெயர் கொண்டுள்ளது. இதன் விலை ரூ. 72 ஆயிரம், எக்ஸ்-ஷோரூம் என நிர்ணயம் செய்யப்பட்டு இருக்கிறது.

இது என்ட்ரி லெவல் டிரம் பிரேக் மற்றும் டாப் எண்ட் முன்புற டிஸ்க் மாடல்களின் இடையில் நிலைநிறுத்தப்பட்டு உள்ளது. கிளாமர் பிளேஸ் எடிஷன் மேட் வெர்னியர் கிரே நிறத்தில் எல்லோ கிராபிக்ஸ் கொண்டிருக்கிறது. பிரத்யேக நிறம் தவிர, ஹேண்டில் பாரில் யுஎஸ்பி சார்ஜர் மவுண்ட் செய்யப்பட்டு உள்ளது.

ஹீரோ கிளாமர் மாடலில் 124.7சிசி ஏர் கூல்டு, பியூயல் இன்ஜெக்ட் செய்யப்பட்ட என்ஜின் வழங்கப்பட்டு இருக்கிறது. இது 10.72 பிஹெச்பி பவர், 10.6 என்எம் டார்க் செயல்திறன் வழங்குகிறது. இத்துடன் 5 ஸ்பீடு கியர்பாக்ஸ் வழங்கப்பட்டு உள்ளது.

புதிய பிளேஸ் நிறம் மட்டுமின்றி, இந்த மோட்டார்சைக்கிள் ஸ்போர்ட்ஸ் ரெட், டொர்னாடோ கிரே, டெக்னோ புளூ மற்றும் ரேடியண்ட் ரெட் நிறங்களிலும் கிடைக்கிறது. 

இந்திய சந்தையில் 125சிசி பிரிவில் ஹீரோ கிளாமர் மாடல் ஹோண்டா ஷைன், ஹோண்டா எஸ்பி 125 மற்றும் பஜாஜ் பல்சர் 125 போன்ற மாடல்களுக்கு போட்டியாக அமைகிறது. 

பிஎம்டபிள்யூ மோட்டராட் நிறுவனம் தனது 2020 ஜி 310 ஜிஎஸ் மோட்டார்சைக்கிளை கடந்த வாரம் இந்தியாவில் அறிமுகம் செய்தது. புதிய அட்வென்ச்சர் மாடல் மூன்று வித நிறங்களில் கிடைக்கிறது.

புதிய ஜி 310 ஜிஎஸ் மாடல் ஆர் 1250 ஜிஎஸ் மாடலை தழுவி உருவாக்கப்பட்டு இருக்கிறது. இது பிளாக் மற்றும் ரெட் நிறங்களில் கிடைக்கிறது. இதன் முன்புறம் ரேலியிங் பிராண்டிங் செய்யப்பட்டு உள்ளது. இத்துடன் 40 இயர்ஸ் ஜிஎஸ் எடிஷன் ஸ்போர்ட்ஸ் பிளாக் மற்றும் எல்லோ நிறத்தில் கிடைக்கிறது.

இவற்றுடன் மூன்றாவதாக போலார் வைட் மற்றும் கிரே நிறத்தில் கிடைக்கிறது. இந்த வெர்ஷன் டேன்க் பேனல்களில் கிரே நிறம் பூசப்பட்டு உள்ளது. 

புதிய ஜி 310 ஜிஎஸ் மாடலில் ரைடு-பை-வையர் திராட்டிள், ப்ளூடூத் சார்ந்த டிஸ்ப்ளே வழங்கப்பட்டு இருக்கிறது. இத்துடன் 312சிசி பிஎஸ்6 ரக என்ஜின் வழங்கப்பட்டு இருக்கிறது. 

இது 34 பிஹெச்பி பவர், 28 என்எம் டார்க் செயல்திறன் வழங்குகிறது. இத்துடன் 6 ஸ்பீடு கியர்பாக்ஸ், ஸ்லிப்பர் கிளட்ச் மற்றும் அசிஸ்ட் போன்ற வசதிகள் வழங்கப்பட்டு இருக்கின்றன.

கேடிஎம் நிறுவனம் 390 அட்வென்ச்சர் மாடலை கடந்த ஆண்டு டிசம்பர் மாதம் இந்திய சந்தையில் அறிமுகம் செய்தது. இது கடந்த ஆண்டின் பெரும் அறிமுகமாக அமைந்தது. இதைத் தொடர்ந்து இந்தோனேசிய சந்தையில் கேடிஎம் 250 அட்வென்ச்சர் மாடலை அறிமுகம் செய்தது. 

பின் ஆகஸ்ட் மாத வாக்கில் இந்த மோட்டார்சைக்கிள் இந்திய சாலைகளில் சோதனை செய்யப்படும் தகவல் இணையத்தில் வெளியானது. அந்த வகையில், இதன் இந்திய வெளியீடு உறுதி செய்யப்பட்டது. 

இந்நிலையில், தற்சமயம் வெளியாகி இருக்கும் தகவல்களின் படி கேடிஎம் 250 அட்வென்ச்சர் மாடல் அடுத்த வாரம் அறிமுகம் செய்யப்பட இருப்பதாக கூறப்படுகிறது. இந்தியாவில் இதன் விலை ரூ. 2.5 முதல் ரூ. 2.6 லட்சம், எக்ஸ்-ஷோரூம் வரை நிர்ணயம் செய்யப்படலாம் என தெரிகிறது.

விலை விவரங்கள் உண்மையாகும் பட்சத்தில் இது கேடிஎம் 390 அட்வென்ச்சர் மாடலை விட ரூ. 40 ஆயிரம் முதல் ரூ. 50 ஆயிரம் வரை குறைவாகும். 

பிஎம்டபிள்யூ மோட்டராட் நிறுவனம் இந்திய சந்தையில் பிஎஸ்6 ரக ஜி 310 ஆர் மற்றும் ஜி 310 ஜிஎஸ் மாடல்களை அறிமுகம் செய்தது. இவற்றின் விலை முறையே ரூ. 2.45 லட்சம் மற்றும் ரூ. 2.85 லட்சம் என நிர்ணயம் செய்யப்பட்டு உள்ளது. அனைத்து விலைகளும் எக்ஸ் ஷோரூம் அடிப்படையில் குறிப்பிடப்பட்டு உள்ளன.

இரு பிஎம்டபிள்யூ மாடல்களிலும் பிஎஸ்6 ரக 312சிசி சிங்கிள் சிலிண்டர், லிக்விட் கூல்டு என்ஜின் வழங்கப்பட்டு இருக்கிறது. இந்த என்ஜின் 34 பிஹெச்பி பவர், 28 என்எம் டார்க் செயல்திறன் வழங்குகிறது. இத்துடன் 6 ஸ்பீடு கியர்பாக்ஸ் வழங்கப்பட்டு உள்ளது.

இந்திய சந்தையில் பிஎம்டபிள்யூ ஜி310 ஆர் கேடிஎம் 390 டியூக் மாடலுக்கும் ஜி 310 ஜிஎஸ் கேடிஎம் 390 அட்வென்ச்சர் மற்றும் ராயல் என்பீல்டு ஹிமாலயன் மாடல்களுக்கும் போட்டியாக அமைகிறது.

ஹோண்டா நிறுவனம் இந்தியாவில் ஹைனெஸ் சிபி 350 மோட்டார்சைக்கிளை கடந்த மாதம் அறிமுகம் செய்தது. எனினும், இதன் விலை அறிவிக்கப்படாமல் இருந்தது. 

இந்திய சந்தையில் ஹைனெஸ் சிபி 350 டிஎல்எக்ஸ் மற்றும் டிஎல்எக்ஸ் ப்ரோ என இரண்டு வேரியண்ட்களில் கிடைக்கிறது. இவற்றின் விலை முறையே ரூ. 1.85 லட்சம் மற்றும் ரூ. 1.90 லட்சம் என நிர்ணயம் செய்யப்பட்டு உள்ளது. அனைத்து விலைகளும் எக்ஸ் ஷோரூம் அடிப்படையில் குறிப்பிடப்பட்டு இருக்கிறது.

புதிய மோட்டார்சைக்கிள் முன்பதிவு துவங்கி ஹோண்டா பிங் விங் விற்பனையகங்களில் நடைபெறுகிறது. முன்பதிவு கட்டணம் ரூ. 5 ஆயிரம் என நிர்ணயம் செய்யப்பட்டு உள்ளது. 

ஹோண்டா ஹைனெஸ் 350 மாடலில் 348.36சிசி, சிங்கிள் சிலிண்டர், ஏர் கூல்டு என்ஜின் வழங்கப்பட்டு உள்ளது. இத்துடன் 5 ஸ்பீடு கியர்பாக்ஸ் ஸ்லிப்பர் கிளட்ச் வழங்கப்பட்டு இருக்கிறது. இந்த என்ஜின் 20.5 பிஹெச்பி பவர், 30 என்எம் டார்க் செயல்திறன் வழங்குகிறது.

பஜாஜ் ஆட்டோ நிறுவனம் இந்தியாவில் அவென்ஜர் சீரிஸ் மாடல்களின் விலையை உயர்த்தி இருக்கிறது. முன்னதாக டாமினர் மற்றும் பல்சர் மாடல்கள் விலை உயர்த்தப்பட்டது குறிப்பிடத்தக்கது.

விலை உயர்பின் படி அவென்ஜர் ஸ்டிரீட் 160 மற்றும் குரூயிஸ் 220 பிஎஸ்6 மாடல்கள் முறையே ரூ. 1,01,094 மற்றும் ரூ. 1,22,630 என நிர்ணயம் செய்யப்பட்டு இருக்கிறது. இரு மாடல்களுக்கும் இம்முறை ரூ. 1,497 வரை விலை உயர்வு அறிவிக்கப்பட்டு உள்ளது. அனைத்து விலைகளும் எக்ஸ் ஷோரூம் அடிப்படையில் குறிப்பிடப்பட்டு இருக்கிறது.

இந்தியாவில் கிடைக்கும் சிறிய மற்றும் விலை குறைந்த குரூயிசர் மாடல்களாக பஜாஜ் அவென்ஜர் இருக்கின்றன. இதன் ஸ்டிரீட் மாடலில் 160சிசி, ஏர் கூல்டு என்ஜின் வழங்கப்பட்டு உள்ளது. இது 14.79 பிஹெச்பி பவர், 13.7 என்எம் டார்க் செயல்திறன் வழங்குகிறது.

அவென்ஜர் குரூயிஸ் 220 மாடலில் 220சிசி என்ஜின் வழங்கப்பட்டு உள்ளது. இது 18.76 பிஹெச்பி பவர், 17.55 என்எம் டார்க் செயல்திறன் வழங்குகிறது. 

ஹீரோ மோட்டோகார்ப் நிறுவனத்தின் மேஸ்ட்ரோ எட்ஜ் 125 ஸ்டெல்த் எடிஷன் மாடல் அறிமுகம் செய்யப்பட்டுள்ளது. இந்த ஸ்கூட்டர் மேட் கிரே நிறத்தில் ஸ்டெல்த் பேட்ஜிங், கார்பன் பைபர் டெக்ஸ்ச்சர் செய்யப்பட்ட ஸ்ட்ரிப்கள், வெள்ளை நிற அக்சென்ட் மற்றும் டோன்-ஆன்-டோன் ஸ்ட்ரைப்களை கொண்டிருக்கிறது.

பண்டிகை காலக்கட்டத்தை குறிவைத்து அறிமுகம் செய்யப்பட்டுள்ளதால், புதிய மேஸ்ட்ரோ எட்ஜ் ஸ்டெல்த் எடிஷன் ஹீரோ மோட்டோகார்ப் வாகன விற்பனையை அதிகப்படுத்தும் என கூறப்படுகிறது. ஹீரோ மேஸ்ட்ரோ எட்ஜ் 125 ஸ்டெல்த் எடிஷன் மாடல் விலை ரூ. 72,950, எக்ஸ்-ஷோரூம் என நிர்ணயம் செய்யப்பட்டுள்ளது.

புதிய ஸ்கூட்டரில் காஸ்மெடிக் மாற்றங்கள் மட்டும் செய்யப்பட்டுள்ளது. இதனால் இந்த மாடலில் முந்தைய வெர்ஷன்களில் உள்ளதை போன்றே 125சிசி, ஒற்றை சிலிண்டர் பிஎஸ்6 ரக என்ஜின் வழங்கப்பட்டு இருக்கிறது. இது 9 பிஹெச்பி பவர், 10.4 என்எம் டார்க் செயல்திறன் வழங்குகிறது.

பஜாஜ் ஆட்டோ நிறுவனம் இந்தியாவில் டாமினர் 250 மோட்டார்சைக்கிள் விலையை திடீரென மாற்றி இருக்கிறது. இந்தியாவில் டாமினர் 250 மார்ச் மாத வாக்கில் அறிமுகம் செய்யப்பட்டது. 

இந்தியாவில் பஜாஜ் டாமானிர் 250 விலை ரூ. 1.60 லட்சம் என நிர்ணயம் செய்யப்பட்டது. பின் செப்டம்பர் மாதத்தில் இதன் விலை ரூ. 4090 உயர்த்தப்பட்டது. இம்முறை இதன் விலை ரூ. 1,625 என உயர்த்தப்பட்டு இருக்கிறது. புதிய விலை உயர்வின் படி பஜாஜ் டாமினர் 250 மாடல் விலை ரூ. 1,65,715, எக்ஸ்-ஷோரூம் என நிர்ணயம் செய்யப்பட்டு உள்ளது. 

பஜாஜ் டாமினர் 250 மாடலில் 248சிசி சிங்கிள் சிலிண்டர், லிவ்கிட் கூல்டு என்ஜின் வழங்கப்பட்டுள்ளது. இந்த என்ஜின் 25 பிஹெச்பி பவர், 23.5 என்எம் டார்க் செயல்திறன் வழங்குகிறது. இத்துடன் 6 ஸ்பீடு கியர்பாக்ஸ் வழங்கப்பட்டுள்ளது. பி.எஸ். 6 விதிகளுக்கு பொருந்தும் புதிய என்ஜின் ஏற்கனவே கே.டி.எம். 250 டியூக் மாடலிலும் வழங்கப்பட்டு இருக்கிறது.

பஜாஜ் டாமினர் 250 மாடலில் 37 எம்.எம். அப்சைடு-டவுன் ஃபோர்க், ட்வின் பாரெல் எக்சாஸ்ட் உள்ளிட்டவை வழங்கப்பட்டுள்ளது. இது டாமினர் 400 மாடலை போன்ற சவுகரியத்தை வழங்குகிறது. இதுதவிர மேம்பட்ட இன்ஸ்ட்ரூமென்ட் கிளஸ்டர் வழங்கப்பட்டு இருக்கிறது.