தொழில்நுட்பம்

பிஎஸ்என்எல் நிறுவனம் ரூ. 398 விலையில் அன்லிமிடெட் சலுகையை அறிவித்து இருக்கிறது. முன்னதாக இந்த சலுகை விளம்பர நோக்கில் ஜனவரி மாத வாக்கில் அறிவிக்கப்பட்டு, ஏப்ரல் 9 வரை வழங்கப்படும் என தெரிவிக்கப்பட்டது. எனினும், இந்த சலுகை மேலும் 90 நாட்களுக்கு வழங்கப்படும் என பிஎஸ்என்எல் தெரிவித்து உள்ளது.

அதன்படி பிஎஸ்என்எல் பிரீபெயிட் சலுகை ஏப்ரல் 10 ஆம் தேதி துவங்கி ஜூலை 8 வரை வழங்கப்படுகிறது. இதுபற்றிய அறிவிப்பு பிஎஸ்என்எல் சென்னை வட்டாரத்துக்கான ட்விட்டர் பக்கத்தில் பதிவிடப்பட்டு இருக்கிறது. பிஎஸ்என்எல் ரூ. 398 சலுகை பலன்களில் எவ்வித மாற்றமும் மேற்கொள்ளப்படவில்லை.

பலன்களை பொருத்தவரை பிஎஸ்என்எல் ரூ. 398 சலுகையில் அன்லிமிடெட் வாய்ஸ் கால், அன்லிமிடெட் டேட்டா, தினமும் 100 எஸ்எம்எஸ் உள்ளிட்டவை 30 நாட்களுக்கு வழங்கப்படுகிறது. இதில் வழங்கப்படும் இலவச அழைப்புகள் மற்றும் எஸ்எம்எஸ் உள்ளிட்டவை பிரீமியம் எண்கள், ஐஎன் எண்கள், சர்வதேச எண்களுக்கு பொருந்தாது.

சாம்சங் நிறுவனம் இந்திய  சந்தையில் புதிய கேலக்ஸி எம் மற்றும் கேலக்ஸி ஏ சீரிஸ் மாடல்களை வெளியிடும் பணிகளில் ஈடுபட்டு வருகிறது. இந்த பட்டியலில் கேலக்ஸி எம்42 5ஜி மாடலும் ஒன்று. 

சமீபத்தில் கேலக்ஸி எம்42 5ஜி மாடல் பற்றிய விவரங்கள் இணையத்தில் வெளியாகி வருகின்றன. புதிய 5ஜி மாடல் இம்மாத இறுதியில் அறிமுகம்  செய்யப்படலாம் என கூறப்படுகிறது.

கேலக்ஸி எம்42 5ஜி மாடலில் 6.6 இன்ச் ஹெச்டி பிளஸ் சூப்பர் AMOLED இன்பினிட்டி யு வாட்டர் டிராப் நாட்ச் டிஸ்ப்ளே, ஸ்னாப்டிராகன் 750ஜி பிராசஸர், 6000 எம்ஏஹெச் பேட்டரி, 15 வாட் பாஸ்ட் சார்ஜிங் வசதி கொண்டிருக்கும் என கூறப்படுகிறது. 

இத்துடன் ஆண்ட்ராய்டு 11 மற்றும் ஒன் யுஐ, புகைப்படங்களை எடுக்க 48 எம்பி பிரைமரி கேமரா, 8 எம்பி அல்ட்ரா வைடு ஆங்கில் கேமரா, 5 எம்பி டெப்த் சென்சார், 5 எம்பி மேக்ரோ சென்சார், 20 எம்பி செல்பி கேமரா, இன் டிஸ்ப்ளே கைரேகை சென்சார் வழங்கப்படலாம்.

ஐகூ 7 லெஜண்ட் மற்றும் ஐகூ நியோ 5 மாடல்கள் விரைவில் இந்திய சந்தையில் அறிமுகம் செய்யப்பட இருக்கின்றன. இந்த நிலையில், பல்வேறு விலை பட்டியலில் வித்தியாசமான ஐகூ ஸ்மார்ட்போன்களை இந்தியாவில் அறிமுகம் செய்ய இருப்பதாக இந்தியாவுக்கான ஐகூ பிராண்டு தலைவர் ககன் அரோரா தெரிவித்து இருக்கிறார்.

இதைத் தொடர்ந்து ஸ்னாப்டிராகன் 870 பிராசஸர் கொண்ட புது ஐகூ ஸ்மார்ட்போன் இந்தியாவில் அறிமுகம் செய்யப்பட இருப்பதாக தகவல் வெளியாகி உள்ளது. ஏற்கனவே சீன சந்தையில் அறிமுகம் செய்யப்பட்ட ஐகூ நியோ 5 மாடலிலும் இதே பிராசஸர் வழங்கப்பட்டு இருக்கிறது. 

அந்த வகையில் புதிய மாடல் ஐகூ நியோ 5 மாடலாக இருக்குமா அல்லது முற்றிலும் புது ஸ்மார்ட்போனாக இருக்குமா என்பது கேள்விக்குறியாகவே உள்ளது. இந்திய சந்தையில் ஐகூ நியோ 5 மாடல் ரி-பிராண்டு செய்யப்படலாம் என்றும் கூறப்படுகிறது.

சிறப்பம்சங்களை பொருத்தவரை ஐகூ 5 நியோ மாடலில் பன்ச் ஹோல் டிஸ்ப்ளே, 120 ஹெர்ட்ஸ் ரிப்ரெஷ் ரேட், ஸ்னாப்டிராகன் 870 பிளஸ் பிராசஸர், 8 ஜிபி ரேம், 66 வாட் பாஸ்ட் சார்ஜிங் வசதி உள்ளது.

புகைப்படங்களை எடுக்க 48 எம்பி பிரைமரி கேமரா, OIS, LED பிளாஷ், 13 எம்பி அல்ட்ரா வைடு ஆங்கில் லென்ஸ், 2 எம்பி மேக்ரோ, 2 எம்பி மோனோ சென்சார் உள்ளது. இத்துடன் 16 எம்பி செல்பி கேமரா வழங்கப்பட்டு இருக்கிறது. இத்துடன் 4400 எம்ஏஹெச் பேட்டரி வழங்கப்படுகிறது.

விவோ வை19 ஸ்மார்ட்போனிற்கு ஆண்ட்ராய்டு 11 சார்ந்த பன்டச் ஒஎஸ் 11 அப்டேட் வழங்கப்படுகிறது. இதுபற்றிய தகவல்களை விவோ வை19 பயனர்கள் ட்விட்டர் தளத்தில் பதிவிட்டு வருகின்றனர். ஜனவரியில் ஆண்ட்ராய்டு 11 அப்டேட் பெறும் விவோ ஸ்மார்ட்போன்கள் பட்டியலில் இந்த மாடல் இடம்பெறாமல் இருந்தது. புது அப்டேட் பற்றி வேறு எந்த தகவலும் இல்லை.

விவோ நிறுவனம் தனது வை19 ஸ்மார்ட்போனினை 2019 வாக்கில் ஆண்ட்ராய்டு 9 ஒஎஸ் உடன் அறிமுகம் செய்யப்பட்டது. பின் ஆண்ட்ராய்டு 10, தற்போது ஆண்ட்ராய்டு 11 அப்டேட் பெறுகிறது. புதிய ஆண்ட்ராய்டு 11 அப்டேட் 3.2 ஜிபி அளவு கொண்டுள்ளது.  

அம்சங்களை பொருத்தவரை விவோ வை19 ஸ்மார்ட்போனில் 6.53 இன்ச் FHD+ 2340×1080 பிக்சல் 19.5:9 டிஸ்ப்ளே, மீடியாடெக் ஹீலியோ பி65 ஆக்டா-கோர் பிராசஸர், 4 ஜிபி ரேம், 128 ஜிபி மெமரி வழங்கப்பட்டுள்ளது. 

புகைப்படங்களை எடுக்க 16 எம்பி பிரைமரி கேமரா, 8 எம்பி அல்ட்ரா வைடு கேமரா, 2 எம்பி டெப்த் சென்சார் வழங்கப்பட்டுள்ளது. செல்ஃபி எடுக்க 16 எம்பி ஏஐ கேமரா வழங்கப்பட்டுள்ளது.

விவோ வை19 ஸ்மார்ட்போனின் பின்புறம் கைரேகை சென்சார் வழங்கப்பட்டுள்ளது. கனெக்டிவிட்டியை பொருத்தவரை மைக்ரோ யுஎஸ்பி போர்ட், டூயல் பேண்ட் வைபை, ப்ளூடூத் 5.0, எப்எம் ரேடியோ போன்றவை வழங்கப்பட்டுள்ளது. இத்துடன் 5000 எம்ஏஹெச் பேட்டரி வழங்கப்பட்டிருக்கிறது.

டிரான்சிஷன் இந்தியா நிறுவனம் டெக்னோ ஸ்பார்க் 7 ஸ்மார்ட்போனினை இந்திய சந்தையில் அறிமுகம் செய்தது. இது 6.52 இன்ச் ஹெச்டி பிளஸ் டிஸ்ப்ளே, மீடியாடெக் ஹீலியோ ஏ25 பிராசஸர், அதிகபட்சம் 3 ஜிபி ரேம், 16 எம்பி பிரைமரி கேமரா, ஏஐ லென்ஸ், 8 எம்பி செல்பி கேமரா கொண்டுள்ளது.

ஆண்ட்ராய்டு 11 கோ எடிஷன் மற்றும் ஹை ஒஎஸ் 7.5 கொண்டிருக்கும் ஸ்பார்க் 7 ஸ்மார்ட்போன் கைரேகை சென்சார், பிரத்யேக டூயல் சிம் ஸ்லாட், மைக்ரோ எஸ்டி ஸ்லாட் மற்றும் 6000 எம்ஏஹெச் பேட்டரி வழங்கப்பட்டு இருக்கிறது.

- 6.52 இன்ச் 1600x720 பிக்சல் HD+ 2.5D வளைந்த கிளாஸ் டிஸ்ப்ளே

- ஆக்டாகோர் மீடியாடெக் ஹீலியோ ஏ25 பிராசஸர் 

- IMG பவர் விஆர் GE8320 GPU

- 2 ஜிபி ரேம், 32 ஜிபி மெமரி

- 3 ஜிபி ரேம், 64 ஜிபி மெமரி

- மெமரியை கூடுதலாக நீட்டிக்கும் வசதி

- ஆண்ட்ராய்டு 11 கோ எடிஷன் மற்றும் ஹை ஒஎஸ் 7.5

- 16 எம்பி பிரைமரி கேமரா, குவாட் எல்இடி பிளாஷ்

- ஏஐ கேமரா

- 8 எம்பி செல்பி கேமரா, டூயல் எல்இடி பிளாஷ்

- கைரேகை சென்சார்

- 3.5 எம்எம் ஆடியோ ஜாக், எப்எம் ரேடியோ

- 4ஜி வோல்ட்இ, வைபை, ப்ளூடூத் 5

- 6000 எம்ஏஹெச் பேட்டரி 

டெக்னோ ஸ்பார்க் 7 ஸ்மார்ட்போன் மேக்னட் பிளாக், மார்பியஸ் புளூ மற்றும் ஸ்ப்ரூஸ் கிரீன் நிறங்களில் கிடைக்கிறது. இதன் 2 ஜிபி + 32 ஜிபி மாடல் விலை ரூ. 6,999, 3 ஜிபி + 64 ஜிபி மாடல் விலை ரூ. 7,999 ஆகும். இது அமேசான் தளத்தில் ஏப்ரல் 16 ஆம் தேதி முதல் விற்பனைக்கு வருகிறது.

ஐபிஎல் 2021 கிரிகெட் தொடர் இன்று (ஏப்ரல் 9) துவங்குகிறது. இந்த நிலையில், ரிலையன்ஸ் ஜியோ தனது பயனர்களுக்கு ஐபிஎல் சார்ந்த சிறப்பு சலுகைகளை அறிவித்து இருக்கிறது. ஜியோபோன் பயனர்களுக்கு பிரத்யேகமாக ஜியோ கிரிகெட் செயலி இலவசமாக வழங்கப்படுகிறது. இதை கொண்டு பயனர்கள் ஸ்கோர் அப்டேட்கள், போட்டிகளில் கலந்து கொண்டு பரிசுகளை வெல்லும் வாய்ப்பு வழங்கப்படுகிறது.

பிரீபெயிட் பயனர்களுக்கு ரூ. 401 விலையில் துவங்கி ரூ. 2599 வரையிலான சலுகைகள் அறிவிக்கப்பட்டு உள்ளன. இதில் விலை உயர்ந்த சலுகை ஒரு வருடத்திற்கான வேலிடிட்டி கொண்டுள்ளது. இவை அனைத்திற்கும் இலவச வருடாந்திர டிஸ்னி பிளஸ் ஹாட்ஸ்டார் விஐபி  சந்தா வழங்கப்படுகிறது.

ரூ. 401 சலுகையில் 28 நாட்களுக்கு அன்லிமிடெட் வாய்ஸ் கால், தினமும் 3 ஜிபி டேட்டா, 100 எஸ்எம்எஸ், கூடுதலாக 6 ஜிபி டேட்டா வழங்கப்படுகிறது. ரூ. 598 சலுகையில் 56 நாட்களுக்கு அன்லிமிடெட் அழைப்புகள், தினமும் 2 ஜிபி டேட்டா வழங்கப்படுகிறது. 

ரூ. 777 சலுகை 84 நாட்களுக்கு தினமும் 1.5 ஜிபி டேட்டா, கூடுதலாக 5ஜிபி டேட்டா, அன்லிமிடெட் வாய்ஸ் கால் வழங்கப்படுகிறது. ரூ. 2599 சலுகையில் 365 நாட்களுக்கு தினமும் 2 ஜிபி டேட்டா, அன்லிமிடெட் வாய்ஸ் கால், கூடுதலாக 10 ஜிபி டேட்டா வழங்கப்படுகிறது.

பேஸ்புக் சேவையை பயன்படுத்தும் சுமார் 53.3 கோடி பயனர் விவரங்கள் இணையத்தில் லீக் ஆன சம்பவம் சமீபத்தில் அரங்கேறி அனைவரையும் அதிர்ச்சியில் ஆழ்த்தியது. தற்போது லின்க்டுஇன் பயனர் விவரங்களும் இணையத்தில் வெளியாகி இருப்பதாக தகவல் வெளியாகி உள்ளது. அதன்படி சுமார் 50 கோடி பயனாளிகளின் விவரங்கள் இணையத்தில விற்கப்படுவதாக கூறப்படுகிறது.

பயனாளிகள் பெயர், லின்க்டுஇன் ஐடி, மொபைல் போன் நம்பர், பாலினம், சமூக வலைதள அக்கவுண்ட்களின் ஹைப்பர்லின்க் உள்ளிட்ட விவரங்கள் இணையத்தில் லீக் ஆகி இருப்பதாக கூறப்படுகிறது. இவை அனைத்தும் மிக அதிக விலைக்கு விற்பனை செய்யப்பட இருக்கின்றன.

`இணையத்தில் விற்பனைக்கு வந்துள்ள தகவல்கள் பல்வேறு வலைதளங்கள் மற்றும் நிறுவனங்களிடம் இருந்து பெறப்பட்டுள்ளன. இவற்றில் பயனர் விவரங்கள் பார்க்க முடிகிறது. எனினும், இவை எதுவும் லின்க்டுஇன் மூலம் வெளியாகவில்லை.' என லின்க்டுன் தெரிவித்து உள்ளது.

ஹெச்எம்டி குளோபல் நிறுவனம் நோக்கியா சி சீரிஸ் ஸ்மார்ட்போன்களுடன் நோக்கியா ஜி10, ஜி20, நோக்கியா எக்ஸ்10 மற்றும் எக்ஸ்20 ஸ்மார்ட்போன்களை அறிமுகம் செய்தது. நோக்கியா ஜி சீரிஸ் மிட்-ரேன்ஜ் பிரிவிலும், எக்ஸ் சீரிஸ் பிளாக்ஷிப் பிரிவிலும் அறிமுகமாகி இருக்கிறது.

நோக்கியா ஜி10 மாடலில் ஆண்ட்ராய்டு 11 ஒஎஸ், 6.5 இன்ச் ஹெச்டி பிளஸ் டிஸ்ப்ளே, மீடியாடெக் ஹீலியோ ஜி25 பிராசஸர், அதிகபட்சம் 4 ஜிபி ரேம், 13 எம்பி பிரைமரி கேமரா, 2 எம்பி மேக்ரோ கேமரா, 2 எம்பி டெப்த் சென்சார், 8 எம்பி செல்பி கேமரா, 5000 எம்ஏஹெச் பேட்டரி உள்ளது.

நோக்கியா ஜி20 மாடல் ஆண்ட்ராய்டு 11 ஒஎஸ், 6.5 இன்ச் ஹெச்டி பிளஸ் டிஸ்ப்ளே, மீடியாடெக் ஹீலியோ ஜி35 பிராசஸர், அதிகபட்சம் 4 ஜிபி ரேம், 48 எம்பி பிரைமரி கேமரா, 2 எம்பி மேக்ரோ கேமரா, 2 எம்பி டெப்த் சென்சார், 5 எம்பி அல்ட்ரா வைடு சென்சார், 8 எம்பி செல்பி கேமரா, 5050 எம்ஏஹெச் பேட்டரி உள்ளது.

நோக்கியா எக்ஸ்10 மாடலிலும் ஆண்ட்ராய்டு 11 ஒஎஸ் மற்றும் 6.67 இன்ச் புல் ஹெச்டி பிளஸ் டிஸ்ப்ளே, குவால்காம் ஸ்னாப்டிராகன் 480 பிராசஸர், அதிகபட்சம் 6 ஜிபி ரேம், 48 எம்பி பிரைமரி கேமரா, 2 எம்பி மேக்ரோ கேமரா, 2 எம்பி டெப்த் சென்சார், 5 எம்பி அல்ட்ரா வைடு சென்சார், 8 எம்பி செல்பி கேமரா, 4470 எம்ஏஹெச் பேட்டரி உள்ளது.

நோக்கியா எக்ஸ்20 மாடல் ஆண்ட்ராய்டு 11 ஒஎஸ் மற்றும் 6.67 இன்ச் புல் ஹெச்டி பிளஸ் டிஸ்ப்ளே, குவால்காம் ஸ்னாப்டிராகன் 480 பிராசஸர், அதிகபட்சம் 8 ஜிபி ரேம், 64 எம்பி பிரைமரி கேமரா, 2 எம்பி மேக்ரோ கேமரா, 2 எம்பி டெப்த் சென்சார், 5 எம்பி அல்ட்ரா வைடு சென்சார், 32 எம்பி செல்பி கேமரா, 4470 எம்ஏஹெச் பேட்டரி உள்ளது.

ஹெச்எம்டி குளோபல் நோக்கியா 10 மற்றும் சி20 ஆண்ட்ராய்டு கோ எடிஷன் ஸ்மார்ட்போன்களை அறிமுகம் செய்தது. இவற்றில் 6.5 இன்ச் ஹெச்டி பிளஸ் ஸ்கிரீன், யுனிசாக் பிராசஸர், அதிகபட்சம் 2 ஜிபி ரேம், ஆண்ட்ராய்டு 11 கோ எடிஷன் மற்றும் இரண்டு ஆண்டுகளுக்கான செக்யூரிட்டி அபேட் வழங்கப்படுகிறது.

புகைப்படங்களை எடுக்க 5 எம்பி பிரைமரி கேமரா, 5 எம்பி செல்பி கேமரா, எல்இடி பிளாஷ் வழங்கப்படுகிறது. இரு ஸ்மார்ட்போன்களும் மெல்லிய நார்டிக் டிசைன் மற்றும் கைகளில் இருந்து நழுவாமல் இருக்கக்கூடிய க்ரிப் கேசிங் கொண்டிருக்கின்றன. மேலும் 3000 எம்ஏஹெச் பேட்டரி உள்ளன.

நோக்கியா சி10 ஸ்மார்ட்போன் லைட் பர்பிள் மற்றும் கிரே நிறங்களில் கிடைக்கிறது. இதன் துவக்க விலை 75 யூரோக்கள் இந்திய மதிப்பில் ரூ. 6,658 ஆகும். நோக்கியா சி20 மாடல் டார்க் புளூ மற்றும் சேண்ட் நிறங்களில் கிடைக்கிறது. இதன் துவக்க விலை 89 யூரோக்கள் இந்திய மதிப்பில் ரூ. 7,900 ஆகும்.

ஒன்பிளஸ் 9 ப்ரோ பயன்படுத்தும் பெரும்பாலானோர் தங்களின் ஸ்மார்ட்போன் வழக்கத்திற்கு மாறாக அதிகளவு சூடாவதாக குற்றஞ்சாட்டி வருகின்றனர். குற்றச்சாட்டுகள் அதிகரித்ததை தொடர்ந்து ஒன்பிளஸ் நிறுவனம் தனது வாடிக்கையாளர்களுக்கு பதில் அளித்துள்ளது.

அதன்படி வரும் வாரங்களில் புது மென்பொருள் அப்டேட் மூலம் பிரச்சினை சரி செய்யப்பட்டு விடும் என ஒன்பிளஸ் தெரிவித்து உள்ளது. ஒன்பிளஸ் 9 ப்ரோ வாடிக்கையாளர்கள் ஸ்மார்ட்போனில் புகைப்படம், வீடியோ எடுக்கும் போது போன் அதிக சூடாகிறது என கூறும் எச்சரிக்கை தகவல் திரையில் தோன்றுவதாக தெரிவித்துள்ளனர். 

ஒன்பிளஸ் சமீபத்தில் தனது ஒன்பிளஸ் 9 மற்றும் 9 ப்ரோ மாடல்களுக்கு புதிய மென்பொருள் அப்டேட் வழங்கியது. புதிய ஆக்சிஜன் ஒஎஸ் 11.2.2.2 ஆண்ட்ராய்டு செக்யூரிட்டி பேட்ச் லெவல்களை வழங்குகிறது. இத்துடன் பிழை திருத்தங்கள் மற்றும் மேம்படுத்தல்கள் செய்யப்பட்டது.

எல்ஜி நிறுவனம் ஸ்மார்ட்போன் சந்தையில் இருந்து விலகுவதாக சமீபத்தில் அறிவித்தது. இதைத் தொடர்ந்து, சில ஸ்மார்ட்போன்களுக்கு ஆண்ட்ராய்டு அப்டேட்களை தொடர்ந்து வழங்குவதாக எல்ஜி தற்போது அறிவித்து இருக்கிறது. முந்தைய அறிவிப்பிலேயே எல்ஜி குறிப்பிட்ட காலக்கட்டத்திற்கு தேர்வு செய்யப்பட்ட மாடல்களுக்கு தொடர்ச்சியாக அப்டேட் வழங்கப்படும் என தெரிவித்து இருந்தது.

இந்த நிலையில், தற்போது வெளியாகி இருக்கும் தகவல்களில் எல்ஜி நிறுவனம் தேர்வு செய்யப்பட்ட சில மாடல்களுக்கு ஆண்ட்ராய்டு 12 அப்டேட் வழங்க இருப்பதாக கூறப்படுகிறது. இதுகுறித்த விவரங்கள் எல்ஜி தென் கொரிய வலைதளத்தில் இடம்பெற்று இருப்பதாக கூறப்படுகிறது.

எந்தெந்த மாடல்களுக்கு ஒஎஸ் அப்டேட் வழங்கப்படும் என எல்ஜி அறிவிக்கவில்லை. எனினும், அப்டேட் ஒவ்வொரு நாட்டிற்கும் ஏற்ப வேறுபடும். இதே தகவல் எல்ஜி அமெரிக்க வலைதளத்திலும் இடம்பெற்று இருக்கிறது.

ரியல்மி நிறுவனம் இந்திய சந்தையில் சி20, சி21 மற்றும் சி25 ஸ்மார்ட்போன்களை அறிமுகம் செய்தது. இந்த ஸ்மார்ட்போன்களில் 6.5 இன்ச் ஹெச்டி பிளஸ் மினி டிராப் டிஸ்ப்ளே வழங்கப்பட்டு உள்ளன. இத்துடன் சி20 மற்றும் சி21 மாடல்கள் மீடியாடெக் ஹீலியோ ஜி35 பிராசஸர், ஆண்ட்ராய்டு 10 ஒஎஸ் வழங்கப்பட்டு இருக்கிறது.

ரியல்மி சி25 மாடலில் மீடியாடெக் ஹீலியோ ஜி70 பிராசஸர், 4 ஜிபி ரேம், ஆண்ட்ராய்டு 11 ஒஎஸ் வழங்கப்பட்டு உள்ளது. இத்துடன் பின்புறம் கைரேகை சென்சார், 13 எம்பி பிரைமரி கேமரா, 2 எம்பி மேக்ரோ, 2 எம்பி B&W லென்ஸ், 8 எம்பி செல்பி கேமரா, 6000 எம்ஏஹெத் பேட்டரி, 18 வாட் பாஸ்ட் சார்ஜிங் வழங்கப்பட்டுள்ளது. 

ரியல்மி சி20 மாடலில் 8 எம்பி பிரைமரி கேமரா, 5 எம்பி செல்பி கேமரா, 5000 எம்ஏஹெச் பேட்டரி வழங்கப்பட்டு உள்ளது. ரியல்மி சி21 மாடலின் பின்புறம் கைரேகை சென்சார் உள்ளது.

ரியல்மி சி20 மாடல் கூல் புளு மற்றும் கூல் கிரே நிறங்களில் கிடைக்கிறது. இதன் 2 ஜிபி + 32 ஜிபி மெமரி மாடல் விலை ரூ. 6999 என நிர்ணயம் செய்யப்பட்டு உள்ளது. எனினும், முதல் பத்து லட்சம் வாடிக்கையாளர்களுக்கு இந்த ஸ்மார்ட்போன் ரூ. 6,799 விலையில் விற்பனை செய்யப்படுகிறது.

ரியல்மி சி21 மாடல் கிராஸ் புளூ மற்றும் கிராஸ் பிளாக் நிறங்களில் கிடைக்கிறது. இதன் 3 ஜிபி + 32 ஜிபி மாடல் ரூ. 7999 என்றும் 4 ஜிபி + 64 ஜிபி மாடல் ரூ. 8999 என நிர்ணயம் செய்யப்பட்டு உள்ளது. ரியல்மி சி25 மாடல் வாட்டரி கிரே மற்றும் வாட்டரி புளூ நிறங்களில் கிடைக்கிறது. இதன் 4 ஜிபி + 64 ஜிபி மாடல் ரூ. 9,999 என்றும் 4 ஜிபி + 128 ஜிபி மாடல் ரூ. 10,999 ஆகும்.