புதிய கேஜெட்டுகள்

ஹெச்எம்டி குளோபல் நிறுவனம் நோக்கியா 3.4 மற்றும் நோக்கியா 5.4 ஸ்மார்ட்போன்களை இந்திய சந்தையில் அறிமுகம் செய்தது. நோக்கியா 3.4 ஸ்மார்ட்போனில் 6.39 இன்ச் ஹெச்டி பிளஸ் பன்ச் ஹோல் டிஸ்ப்ளே, ஸ்னாப்டிராகன் 460 பிராசஸர், 13 எம்பி பிரைமரி கேமரா, 2 எம்பி டெப்த் சென்சார், 5 எம்பி அல்ட்ரா வைடு கேமரா, 5 எம்பி செல்பி கேமரா வழங்கப்பட்டுள்ளது.

இத்துடன் 4 ஜிபி ரேம், 64 ஜிபி மெமரி,  மெமரியை கூடுதலாக நீட்டிக்கும் வசதி, டூயல் சிம் ஸ்லாட், ஆண்ட்ராய்டு 10 ஒஎஸ் வழங்கப்பட்டு இருக்கிறது. மேலும் 3.5 எம்எம் ஹெட்போன் ஜாக், எப்எம் ரேடியோ, டூயல் 4ஜி வோல்ட்இ, வைபை, ப்ளூடூத், யுஎஸ்பி டைப் சி, 4000 எம்ஏஹெச் பேட்டரி வழங்கப்பட்டு உள்ளது.

நோக்கியா 5.4 ஸ்மார்ட்போனில் 6.39 இன்ச் ஹெச்டி பிளஸ் பன்ச் ஹோல் ஸ்கிரீன், ஸ்னாப்டிராகன் 662 பிராசஸர், அதிகபட்சம் 6 ஜிபி ரேம், 64 ஜிபி மெமரி, மெமரியை கூடுதலாக நீட்டிக்கும் வசதி வழங்கப்பட்டுள்ளது. புகைப்படங்களை எடுக்க 16 எம்பி செல்பி கேமரா, 48 எம்பி பிரைமரி கேமரா, 5 எம்பி அல்ட்ரா வைடு சென்சார், 2 எம்பி டெப்த், 2 எம்பி மேக்ரோ சென்சார் உள்ளன.

டூயல் சிம் ஸ்லாட் கொண்டிருக்கும் நோக்கியா 5.4 மாடலில் ஆண்ட்ராய்டு 10 ஒஎஸ், 3.5 எம்எம் ஹெட்போன் ஜாக், எப்எம் ரேடியோ, டூயல் 4ஜி வோல்ட்இ, வைபை, ப்ளூடூத், யுஎஸ்பி டைப் சி, 4000 எம்ஏஹெச் பேட்டரி, 10 வாட் சார்ஜிங் வசதி வழங்கப்பட்டு இருக்கிறது.

நோக்கியா 3.4 ஸ்மார்ட்போன் ஜோர்டு, டஸ்க் மற்றும் சார்கோல் நிறங்களில் கிடைக்கிறது. இந்தியாவில் இதன் விலை ரூ. 11,999 என நிர்ணயம் செய்யப்பட்டு உ்ளது. இதன் விற்பனை அமேசான் மற்றும் ப்ளிப்கார்ட் தளங்களில் பிப்ரவரி 20 ஆம் தேதி துவங்குகிறது.

நோக்கியா 5.4 ஸ்மார்ட்போன் போலார் நைட் மற்றும் டஸ்க் நிறங்களில் கிடைக்கிறது. இந்தியாவில் இதன் 4 ஜிபி ரேம் மாடல் விலை ரூ. 13,999 என்றும் 6 ஜிபி ரேம் மாடல் விலை ரூ. 15,499 என நிர்ணயம் செய்யப்பட்டு உள்ளது. இதன் விற்பனை ப்ளிப்கார்ட் தளத்தில் பிப்ரவரி 17 ஆம் தேதி துவங்குகிறது.

சியோமியின் ரெட்மி பிராண்டு தனது ரெட்மி நோட் 10 சீரிஸ் ஸ்மார்ட்போன்கள் இந்தியாவில் மார்ச் மாத வாக்கில் அறிமுகமாகும் என தெரிவித்து இருக்கிறது. முந்தைய ரெட்மி நோட் 9 சீரிஸ் போன்றே ரெட்மி நோட் 10 சீரிஸ் மாடல்களும் அமேசான், எம்ஐ ஆன்லைன் மற்றும் எம்ஐ ஸ்டோர் தளங்களில் விற்பனை செய்யப்பட இருக்கின்றன.

இதற்கென ரெட்மி வெளியிட்டு இருக்கும் டீசரில் புதிய ஸ்மார்ட்போனின் கேமரா அதிகளவு அப்டேட் செய்யப்பட்டு இருக்கும் என தெரிகிறது. மேலும் இந்த ஸ்மார்ட்போன்களில் அதிக ரிப்ரெஷ் ரேட் வழங்கப்படும் என்றும் கூறப்படுகிறது. 

இதுவரை வெளியாகி இருக்கும் தகவல்களின் படி ரெட்மி நோட் 10 ஸ்மார்ட்போன் 120 ஹெர்ட்ஸ் FHD+LCD ஸ்கிரீன், ஸ்னாப்டிராகன் 732ஜி பிராசஸர், அதிகபட்சம் 6 ஜிபி ரேம் வழங்கப்படும் என கூறப்படுகிறது. இத்துடன் 64 எம்பி பிரைமரி சென்சாருடன் குவாட் கேமரா சிஸ்டம், 5000 எம்ஏஹெச் பேட்டரி, பாஸ்ட் சார்ஜிங் வசதி வழங்கப்படலாம்.

ரெட்மி நோட் 10 ப்ரோ 5ஜி மாடலில் அதிகபட்சம் 8 ஜிபி ரேம் வழங்கப்படலாம் என கூறப்படுகிறது. முந்தைய நோட் 9 சீரிஸ் போன்றே ரெட்மி நோட் 10 ப்ரோ மேக்ஸ் மாடல் அறிமுகம் செய்யப்படுமா என்பது தற்சமயம் கேள்விக்குறியாகவே இருக்கிறது.

மோட்டோரோலா நிறுவனம் புதிய ஸ்மார்ட்போன் ஒன்றை இபிசா (Ibiza) எனும் பெயரில் உருவாக்கி வருவதாக தகவல் வெளியாகி உள்ளது. இந்த ஸ்மார்ட்போன் விவரங்கள் பலமுறை இணையத்தில் வெளியாகி இருந்தன. தற்சமயம் இதன் ரென்டர்கள் வெளியாகி இருக்கின்றன. 

தற்போதைய ரென்டர்களில் புதிய மோட்டோ ஸ்மார்ட்போன் எப்படி காட்சியளிக்கும் என்ற விவரங்கள் தெரியவந்துள்ளது. மேலும் மோட்டோரோலா இபிசா ஸ்மார்ட்போன் விரைவில் இந்திய சந்தையில் அறிமுகம் செய்யப்படலாம் என்றும் இது 5ஜி வசதி கொண்ட குறைந்த விலை மாடலாக இருக்கும் என்றும் கூறப்படுகிறது. 

முன்னதாக மோட்டோரோலா நிறுவனத்தின் மோட்டோ ஜி 5ஜி ஸ்மார்ட்போன் ரூ. 21,999 விலையில் இந்தியாவில் அறிமுகம் செய்யப்பட்டது. அந்த வகையில் தற்சமயம் வெளியாகி இருக்கும் தகவல்களில் புதிய ஸ்மார்ட்போனின் விலை ரூ. 20 ஆயிரம் பட்ஜெட்டிற்குள் நிர்ணயம் செய்யப்படலாம் என கூறப்படுகிறது. 

இது உண்மையாகும் பட்சத்தில் மோட்டோரோலா இபிசா ஸ்மார்ட்போன் இந்தியாவில் தற்சமயம் கிடைப்பதில் குறைந்த விலை 5ஜி மாடலாக வெளியாகலாம். சிறப்பம்சங்களை பொருத்தவரை மோட்டோ இபிசா ஸ்மார்ட்போனில் 90 ஹெர்ட்ஸ் ஐபிஎஸ் எல்சிடி டிஸ்ப்ளே வழங்கப்படும் என தெரிகிறது. 

இதன் ஸ்கிரீன் ஹெச்டி பிளஸ் ரெசல்யூஷன் கொண்டிருக்குமா அல்லது புல் ஹெச்டி பிளஸ் ரெசல்யூஷன் கொண்டிருக்குமா என்பது கேள்விக்குறியாகவே உள்ளது. முந்தைய தகவல்களின் படி மோட்டோரோலா இபிசா ஸ்மார்ட்போன் 2021 முதல் காலாண்டு வாக்கில் அறிமுகமாகும் என கூறப்பட்டது. 

இத்துடன் இந்த ஸ்மார்ட்போன் குவால்காம் ஸ்னாப்டிராகன் 480 பிராசஸர், 6 ஜிபி ரேம், 128 ஜிபி மெமரி, ஆண்ட்ராய்டு 11 ஒஎஸ் கொண்டிருக்கும் என கூறப்பட்டது. இந்தியாவில் இந்த ஸ்மார்ட்போன் மோட்டோரோலா இபிசா அல்லது மோட்டோ ஜி40 என எந்த பெயரில் விற்பனைக்கு வரும் என்பதும் தற்சமயம் கேள்விக்குறியாகவே உள்ளது. 

நோக்கியா 5.4 ஸ்மார்ட்போனிற்கான டீசர் ப்ளிப்கார்ட் தளத்தில் வெளியாகி உள்ளது. முன்னதாக நோக்கியா 3.4 ஸ்மார்ட்போனின் டீசர் வெளியிடப்பட்டு இருந்தது குறிப்பிடத்தக்கது. 

சிறப்பம்சங்களை பொருத்தவரை நோக்கியா 5.4 மாடலில் 6.39 இன்ச் ஹெச்டி பிளஸ் பன்ச் ஹோல் ஸ்கிரீன், 16 எம்பி செல்பி கேமரா, ஸ்னாப்டிராகன் 662 பிராசஸர், 48 எம்பி பிரைமரி கேமரா, 5 எம்பி அல்ட்ரா வைடு சென்சார், 2 எம்பி டெப்த் மற்றும் 2 எம்பி மேக்ரோ சென்சார் கொண்டிருக்கிறது.

நோக்கியா 5.4 சிறப்பம்சங்கள்

- 6.39 இன்ச் 720x1520 பிக்சல் HD+ 2.5D வளைந்த கிளாஸ் டிஸ்ப்ளே

- ஆக்டாகோர் ஸ்னாப்டிராகன் 662 11nm பிராசஸர்

- அட்ரினோ 610 GPU

- 4 ஜிபி / 6 ஜிபி ரேம்

- 64 ஜிபி / 128 ஜிபி மெமரி

- மெமரியை கூடுதலாக நீட்டிக்கும் வசதி

- டூயல் சிம் ஸ்லாட்

- ஆண்ட்ராய்டு 10

- 48 எம்பி பிரைமரி கேமரா, எல்இடி பிளாஷ்

- 5 எம்பி வைடு ஆங்கில் கேமரா

- 2 எம்பி டெப்த் சென்சார்

- 2 எம்பி மேக்ரோ கேமரா 

- 16 எம்பி செல்பி கேமரா

- கைரேகை சென்சார்

- 3.5 எம்எம் ஆடியோ ஜாக், எப்எம் ரேடியோ

- டூயல் 4ஜி வோல்ட்இ, வைபை, ப்ளூடூத் 4.2

- யுஎஸ்பி டைப் சி

- 4000 எம்ஏஹெச் பேட்டரி

- 10 வாட் சார்ஜிங் 

நோக்கியா 5.4 ஸ்மார்ட்போன் போலார் நைட் மற்றும் டஸ்க் நிறங்களில் கிடைக்கிறது. இதன் சரியான வெளியீட்டு தேதி மற்றும் விலை விவரங்கள் விரைவில் வெளியாகும் என தெரிகிறது.

சியோமி நிறுவனத்தின் புதிய கான்செப்ட் போன் அறிமுகம் செய்யப்பட்டது. இந்த ஸ்மார்ட்போன் போர்ட்லெஸ் டிசைன் மற்றும் குவாட்-கர்வ்டு வாட்டர்பால் டிஸ்ப்ளே கொண்டிருக்கிறது. இந்த ஸ்மார்ட்போனின் நான்கு புறங்களிலும் வளைந்த வாட்டர்பால் டிஸ்ப்ளே உள்ளது.

மேலும் இந்த கான்செப்ட் ஸ்மார்ட்போன் போர்ட்லெஸ் யுனிபாடி டிசைன் கொண்டிருக்கிறது. இந்த ஸ்மார்ட்போனின் டிஸ்ப்ளே முன்புற பேனலை முழுமையாக மறைக்கும் வகையில் உள்ளது. 88-டிகரி ஹைப்பர் குவாட் கர்வ்டு ஸ்கிரீன் டிசைன் விஷூவல் இன்டர்பேஸ்களை போனின் மீது நீரோட்டம் போல் விழ செய்கிறது.

ஸ்மார்ட்போனின் ஒட்டுமொத்த பிரேமும் ஸ்கிரீன் கொண்டு மறைக்கப்பட்டு உள்ளது. இந்த ஸ்மார்ட்போனில் பட்டன்கள் மற்றும் போர்ட்கள் எதுவும் இல்லை. 3டி பாண்டிங் முறையில் 88-டிகிரி குவாட் கர்வ்டு கிளாஸ் பேனலை பிளெக்சிபில் டிஸ்ப்ளே மீது பொருத்தி இருப்பதாக சியோமி தெரிவித்து உள்ளது.

சியோமி நிறுவனத்தின் தயாரிப்பில் உருவான 46 தொழில்நுட்பங்களுக்கு காப்புரிமை பெறப்பட்டு இருப்பதாக அந்நிறுவனம் தெரிவித்து இருக்கிறது. மேலும் இந்த ஸ்மார்ட்போனில் மூன்றாம் தலைமுறை அன்டர் டிஸ்ப்ளே கேமரா, வயர்லெஸ் சார்ஜிங், இசிம் சிப் மற்றும் பிரெஷர் சென்சிட்டி டச் ஸ்கிரீன் உள்ளிட்டவை வழங்கப்படுகிறது.

சாம்சங் நிறுவனம் லெவல் யு2 ப்ளூடூத் ஸ்டீரியோ இயர்போனினை இந்தியாவில் அறிமுகம் செய்தது. இது அந்நிறுவனம் 2016 ஆம் ஆண்டு அறிமுகம் செய்த லெவல் யு மாடலின் மேம்பட்ட வெர்ஷன் ஆகும். 

புதிய லெவல் யு2 அட்ஜஸ்ட் செய்யக்கூடிய நெக் பேண்ட் டிசைன் மற்றும் 41.5 கிராம் எடை கொண்டுள்ளது. இதனை இயக்க நான்கு பட்டன்கள் வழங்கப்பட்டு இருக்கின்றன. மேலும் இரண்டு பில்ட்-இன் மைக்ரோபோன், 12 எம்எம் டிரைவர்கள் வழங்கப்பட்டு உள்ளன.

சாம்சங் ஸ்கேலபிள் கோடெக் தொழில்நுட்பம் பயனர்கள் அருகாமையில் இருக்கும் இடையூறுகளை கண்டறிந்து, ஆடியோ பிட்ரேட்டை தானாக அட்ஜஸ்ட் செய்யும். இதனால் சீரான ஆடியோ அனுபவம் கிடைக்கிறது. இதில் ப்ளூடூத் 5.0 தொழில்நுட்பம் வழங்கப்பட்டு இருக்கிறது.

இத்துடன் 159 எம்ஏஹெச் பேட்டரி வழங்கப்பட்டு உள்ளது. இது அதிகபட்சம் 18 மணி நேரத்திற்கு பிளேபேக் வழங்குகிறது. இந்தியாவில் புதிய சாம்சங் லெவல் யு2 ப்ளூடூத் இயர்போன் பிளாக் மற்றும் புளூ நிறங்களில் கிடைக்கிறது. இதன் விலை ரூ. 1999 என நிர்ணயம் செய்யப்பட்டு உள்ளது.

ரியல்மி நிறுவனம் இந்தியாவில் தனது எக்ஸ்7 5ஜி மற்றும் எக்ஸ்7 ப்ரோ 5ஜி ஸ்மார்ட்போன்களை அறிமுகம் செய்தது. இரு ஸ்மார்ட்போன்களும் ஒன்பிளஸ் நார்டு, சியோமி எம்ஐ 10ஐ போன்ற மாடல்களுக்கு போட்டியாக அமைகின்றன.

சிறப்பம்சங்களை பொருத்தவரை ரியல்மி எக்ஸ்7 மாடலில் 6.4 இன்ச் சூப்பர் AMOLED டிஸ்ப்ளே, மீடியாடெக் டிமென்சிட்டி 800யு 5ஜி பிராசஸர், 6 ஜிபி / 8 ஜிபி ரேம், 128 ஜிபி மெமரி கொண்டிருக்கிறது. இத்துடன் ஆண்ட்ராய்டு 10 ஒஎஸ், 4310 எம்ஏஹெச் பேட்டரி மற்றும் 50 வாட் சார்ஜிங் வசதி வழங்கப்பட்டு உள்ளது.

புகைப்படங்களை எடுக்க 64 எம்பி பிரைமரி கேமரா, 8 எம்பி அல்ட்ரா வைடு ஆங்கில் லென்ஸ், 2 எம்பி மேக்ரோ லென்ஸ், 16 எம்பி பன்ச் ஹோல் கேமரா வழங்கப்பட்டு இருக்கிறது. 

ரியல்மி எக்ஸ்7 ப்ரோ மாடலில் 6.55 இன்ச் சூப்பர் AMOLED டிஸ்ப்ளே, கார்னிங் கொரில்லா கிளாஸ் 5, மீடியாடெக் டிமென்சிட்டி 1000 பிளஸ் 5ஜி பிராசஸர், 8 ஜிபி ரேம், 128 ஜிபி மெமரி கொண்டிருக்கிறது. இத்துடன் ஆண்ட்ராய்டு 10 ஒஎஸ், 4500 எம்ஏஹெச் பேட்டரி மற்றும் 65 வாட் சார்ஜிங் வசதி வழங்கப்பட்டு உள்ளது.

புகைப்படங்களை எடுக்க 64 எம்பி பிரைமரி கேமரா, 8 எம்பி அல்ட்ரா வைடு ஆங்கில் லென்ஸ், 2 எம்பி பிளாக் அண்ட் வைட் சென்சார், 2 எம்பி மேக்ரோ லென்ஸ், 32 எம்பி செல்பி கேமரா வழங்கப்பட்டு இருக்கிறது. 

இந்தியாவில் ரியல்மி எக்ஸ்7 பேஸ் வேரியண்ட் ஆன 6 ஜிபி / 128 ஜிபி மெமரி விலை ரூ. 19,999, 8 ஜிபி / 128 ஜிபி மெமரி விலை ரூ. 21,999 என நிர்ணயம் செய்யப்பட்டு உள்ளது. ரியல்மி எக்ஸ்7 ப்ரோ 8 ஜிபி / 128 ஜிபி மெமரி மாடல் விலை ரூ. 29,999 என நிர்ணயம் செய்யப்பட்டு உள்ளது.

ஹூவாய் நிறுவனம் மடிக்கக்கூடிய ஸ்கிரீன் கொண்ட மேட் எக்ஸ்2 ஸ்மார்ட்போன் பிப்ரவரி 22 ஆம் தேதி அறிமுகம் செய்வதாக அறிவித்து இருக்கிறது. முதற்கட்டமாக இந்த ஸ்மார்ட்போன் சீன சந்தையில் அறிமுகம் செய்யப்பட இருக்கிறது. இது கடந்த ஆண்டு அறிமுகம் செய்த மேட் எக்ஸ்எஸ் மாடலின் மேம்பட்ட வெர்ஷன் ஆகும்.

புதிய மேட் எக்ஸ்2 ஸ்மார்ட்போன் கிரின் 9000 பிராசஸர் கொண்டிருக்கும் என கூறப்படுகிறது. இதே பிராசஸர் ஹூவாய் முன்னதாக அறிமுகம் செய்த மேட் 40 சீரிஸ் மாடல்களிலும் வழங்கப்பட்டு இருந்தது.

மடிக்கக்கூடிய ஸ்மார்ட்போனிற்கென ஹூவாய் நிறுவனம் சுமார் 100 காப்புரிமைகளை பெற்று இருக்கிறது. இதனால் புதிய மாடலில் கணிசமான மேம்படுத்தல்கள் செய்யப்பட்டு இருக்கலாம் என எதிர்பார்க்கப்படுகிறது. 

ஹூவாய் மேட் எக்ஸ்2 ஸ்மார்ட்போன் 8.01 இன்ச் 2480x2200 பிக்சல் மெயின் டிஸ்ப்ளே, 6.45 இன்ச் 2700x1160 பிக்சல் இரண்டாவது ஸ்கிரீன் கொண்டிருக்கும் என கூறப்படுகிறது. இத்துடன் 50 எம்பி பிரைமரி கேமரா, 16 எம்பி அல்ட்ரா வைடு, 12 எம்பி டெலிபோட்டோ கேமரா, 8 எம்பி டெலிபோட்டோ லென்ஸ் வழங்கப்படலாம்.

போக்கோ நிறுவனம் இந்திய சந்தையில் போக்கோ எம்3 ஸ்மார்ட்போனினை பட்ஜெட் பிரிவில் அறிமுகம் செய்து இருக்கிறது. இதில் 6.53 இன்ச் புல் ஹெச்டி பிளஸ் எல்சிடி டாட் டிராப் ஸ்கிரீன், ஸ்னாப்டிராகன் 662 பிராசஸர், 6 ஜிபி ரேம், வழங்கப்பட்டு உள்ளது.

புகைப்படங்களை எடுக்க 48 எம்பி பிரைமரி கேமரா, 2 எம்பி மேக்ரோ சென்சார், 2 எம்பி டெப்த் சென்சார் மற்றும் 8 எம்பி செல்பி கேமரா வழங்கப்பட்டு இருக்கிறது. இதன் பக்கவாட்டில் கைரேகை சென்சார் வழங்கப்பட்டு உள்ளது. இத்துடன் 6000 எம்ஏஹெச் பேட்டரி, 18 வாட் பாஸ்ட் சார்ஜிங் வழங்கப்பட்டு உள்ளது.

- 6.53 இன்ச் 2340×1080 பிக்சல் FHD+ 19.5:9 LCD ஸ்கிரீன்

- கார்னிங் கொரில்லா கிளாஸ் 3

- ஆக்டாகோர் ஸ்னாப்டிராகன் 662 பிராசஸர்

- அட்ரினோ 610 GPU

- 6 ஜிபி LPPDDR4x ரேம்

- 64 ஜிபி (UFS 2.1) / 128 ஜிபி (UFS 2.2) மெமரி

- மெமரியை கூடுதலாக நீட்டிக்கும் வசதி

- டூயல் சிம் ஸ்லாட்

- ஆண்ட்ராய்டு 10 மற்றும் MIUI 12

- 48 எம்பி பிரைமரி கேமரா, f/1.79, LED பிளாஷ்

- 2 எம்பி டெப்த் கேமரா

- 2 எம்பி மேக்ரோ கேமரா, f/2.4

- 8 எம்பி செல்பி கேமரா, f/2.05

- பக்கவாட்டில் கைரேகை சென்சார்

- 3.5mm ஆடியோ ஜாக், எப்எம் ரேடியோ

- டூயல் 4ஜி வோல்ட்இ, வைபை, ப்ளூடூத் 5

- யுஎஸ்பி டைப் சி

- 6000 எம்ஏஹெச் பேட்டரி

- 18 வாட் பாஸ்ட் சார்ஜிங் 

போக்கோ எம்3 ஸ்மார்ட்போன் கூல் புளூ, பவர் பிளாக் மற்றும் போக்கோ எல்லோ நிறங்களில் கிடைக்கிறது. இதன் 6 ஜிபி ரேம், 64 ஜிபி மெமரி மாடல் விலை ரூ. 10,999 என்றும் 6 ஜிபி ரேம், 128 ஜிபி மெமரி மாடல் விலை ரூ. 11,999 என நிர்ணயம் செய்யப்பட்டு உள்ளது. இதன் விற்பனை ப்ளிப்கார்ட் தளத்தில் பிப்ரவரி 9 ஆம் தேதி துவங்குகிறது.

ஆப்பிள் நிறுவனத்தின் 2021 ஐபோன் மாடல்களின் விவரங்கள், கான்செப்ட் ரென்டர் உள்ளிட்டவை இணையத்தில் வெளியாக துவங்கி இருக்கின்றன. அதன்படி தற்சமயம் ஐபோன் எஸ்இ3 மற்றும் ஐபோன் 12எஸ் ப்ரோ மாடல்களுக்கான ரென்டர்கள் இணையத்தில் வெளியாகி உள்ளது.

ஐபோன் எஸ்இ 3 மாடல் தோற்றத்தில் 2020 ஐபோன் எஸ்இ மாடலை விட அதிக மாற்றங்களை கொண்டிருக்கும் என தெரிகிறது. மேலும் புதிய ரென்டரில் ஐபோன் எஸ்இ3 ஹோம் பட்டன் கொண்டிருக்காது என கூறப்படுகிறது. ஐபோன் 12எஸ் ப்ரோ ஐபோன் 12 ப்ரோ போன்ற வடிவமைப்பை கொண்டிருக்கும் என கூறப்படுகிறது.

முந்தைய தகவல்களில் ஐபோன் 12எஸ் ப்ரோ ஐபோன் 13 ப்ரோ என்றும் இது 2022 ஆம் ஆண்டு அறிமுகமாகும் என கூறப்பட்டது. புதிய ரென்டர்களின் படி ஐபோன் 12எஸ் ப்ரோ மாடலில் 6.1 இன்ச் OLED டிஸ்ப்ளே, 120Hz ரிப்ரெஷ் ரேட், இன்-டிஸ்ப்ளே டச் ஐடி கைரேகை சென்சார் மற்றும் பேஸ் ஐடி போன்ற அம்சங்கள் வழங்கப்படலாம்.

ஐபோன் எஸ்இ3 ரென்டர்களின் படி இதன் பின்புறம் ஒற்றை 12 எம்பி பிரைமரி கேமரா, எல்இடி பிளாஷ், 5.4 இன்ச் எல்சிடி பேனல், 4 ஜிபி ரேம், 64 ஜிபி, 128 ஜிபி மற்றும் 256 ஜிபி மெமரி வழங்கப்படலாம் என கூறப்படுகிறது. விலையை பொருத்தவரை ஐபோன் எஸ்இ3 துவக்க விலை 499 டாலர்கள் வரை நிர்ணயம் செய்யப்படலாம் என தெரிகிறது.

சாதனங்களுக்கு காற்றுவாக்கில் சார்ஜ் ஏற்றும் புதிய தொழில்நுட்பத்தை சியோமி அறிமுகம் செய்து இருக்கிறது. புதிய ரிமோட் சார்ஜிங் தொழில்நுட்பம் எம்ஐ ஏர் சார்ஜ் என அழைக்கப்படுகிறது. இந்த தொழில்நுட்பம் ஒரே நேரத்தில் பல்வேறு சாதனங்களை கேபிள் மற்றும் வயர்லெஸ் சார்ஜிங் ஸ்டாண்டு இன்றி சார்ஜ் செய்யும். 

தற்போதைய அறிவிப்பின் படி இந்த தொழில்நுட்பம் எவ்வித மாற்றமும் இன்றி வர்த்தக ரீதியில் வழங்கப்பட்டால், அறையினுள் பயனர் சாதனத்தை பயன்படுத்தும் போதே அவற்றுக்கு சார்ஜ் ஏற்றிக் கொள்ள முடியும். இது சியோமி நிறுவனத்தின் புதுவித சார்ஜிங் தொழில்நுட்பம் ஆகும்.

முதற்கட்டமாக இந்த தொழில்நுட்பம் ஸ்மார்ட்போன்களில் வழங்கப்பட இருக்கிறது. இதைத் தொடர்ந்து ஸ்மார்ட்வாட்ச், இதர அணியக்கூடிய சாதனங்கள், ஸ்பீக்கர்கள், சிறிய வீட்டு சாதனங்கள் உள்ளிட்டவைகளுக்கும் இந்த தொழில்நுட்பம் வழங்கப்படலாம்.

புதிய எம்ஐ ஏர் சார்ஜ் தொழில்நுட்பம் எந்த சாதனத்தையும் 5W திறன் கொண்டு சார்ஜ் செய்யும் வசதி கொண்டுள்ளது. மேலும் இது இரண்டு மீட்டர்களுக்குள் இருக்கும் சாதனங்களை சார்ஜ் செய்யும். இந்த தொழில்நுட்பம் பயன்படுத்தி பல்வேறு சாதனங்களை ஒரே சமயத்தில் சார்ஜ் செய்ய முடியும்.

சாம்சங் நிறுவனம் தனது கேலக்ஸி எம்21 மற்றும் கேலக்ஸி எப்41 ஸ்மார்ட்போன்களுக்கு ஆண்ட்ராய்டு 11 சார்ந்த ஒன்யுஐ 3.0 அப்டேட் வழங்க துவங்கி உள்ளது. முந்தைய தகவல்களின் படி கேலக்ஸி எம்21 மாடலுக்கு இந்த அப்டேட் மார்ச் மாத வாக்கில் வழங்கப்பட இருந்தது. எனினும், முன்கூட்டியே இந்த அப்டேட் வழங்கப்படுகிறது.

கேலக்ஸி எம்21 ஸ்மார்ட்போனிற்கான அப்டேட் M215FXXU2BUAC எனும் பில்டு நம்பர் கொண்டிருக்கிறது. கேலக்ஸி எப்41 மாடலுக்கான பில்டு நம்பர் F415FXXU1BUAC ஆகும். புதிய ஆண்ட்ராய்டு மட்டுமின்றி ஜனவரி 2021 ஆண்ட்ராய்டு செக்யூரிட்டி பேட்ச் இதில் இடம்பெற்று இருக்கிறது.

புதிய அப்டேட் இரு ஸ்மார்ட்போன்களில் பல்வேறு அம்சங்கள், மேம்படுத்தல்கள் மற்றும் பயன்பாட்டு அளவில் மாற்றங்களை வழங்குகிறது. இவற்றில் வடிவமைப்பு மாற்றம், மேம்பட்ட செயல்திறன், அதிகளவு கஸ்டமைசேஷன், பல்வேறு புதிய அம்சங்கள் என ஏராளமான மாற்றங்கள் இடம்பெற்று இருக்கிறது. 

இரு ஸ்மார்ட்போன்கள் மட்டுமின்றி மற்ற கேலக்ஸி எம் மற்றும் ஏ சீரிஸ் மாடல்களுக்கும் இந்த அப்டேட் விரைவில் வழங்கப்படலாம் என எதிர்பார்க்கப்படுகிறது.