search icon
என் மலர்tooltip icon

    தொழில்நுட்பம்

    ரியல்மி எக்ஸ்7
    X
    ரியல்மி எக்ஸ்7

    இந்தியாவில் ரியல்மி எக்ஸ்7 சீரிஸ் அறிமுகம்

    ரியல்மி நிறுவனத்தின் புதிய எக்ஸ்7 மற்றும் எக்ஸ்7 ப்ரோ 5ஜி ஸ்மார்ட்போன்கள் இந்தியாவில் அறிமுகம் செய்யப்பட்டன.


    ரியல்மி நிறுவனம் இந்தியாவில் தனது எக்ஸ்7 5ஜி மற்றும் எக்ஸ்7 ப்ரோ 5ஜி ஸ்மார்ட்போன்களை அறிமுகம் செய்தது. இரு ஸ்மார்ட்போன்களும் ஒன்பிளஸ் நார்டு, சியோமி எம்ஐ 10ஐ போன்ற மாடல்களுக்கு போட்டியாக அமைகின்றன.

    சிறப்பம்சங்களை பொருத்தவரை ரியல்மி எக்ஸ்7 மாடலில் 6.4 இன்ச் சூப்பர் AMOLED டிஸ்ப்ளே, மீடியாடெக் டிமென்சிட்டி 800யு 5ஜி பிராசஸர், 6 ஜிபி / 8 ஜிபி ரேம், 128 ஜிபி மெமரி கொண்டிருக்கிறது. இத்துடன் ஆண்ட்ராய்டு 10 ஒஎஸ், 4310 எம்ஏஹெச் பேட்டரி மற்றும் 50 வாட் சார்ஜிங் வசதி வழங்கப்பட்டு உள்ளது.

    புகைப்படங்களை எடுக்க 64 எம்பி பிரைமரி கேமரா, 8 எம்பி அல்ட்ரா வைடு ஆங்கில் லென்ஸ், 2 எம்பி மேக்ரோ லென்ஸ், 16 எம்பி பன்ச் ஹோல் கேமரா வழங்கப்பட்டு இருக்கிறது. 

     ரியல்மி எக்ஸ்7 ப்ரோ

    ரியல்மி எக்ஸ்7 ப்ரோ மாடலில் 6.55 இன்ச் சூப்பர் AMOLED டிஸ்ப்ளே, கார்னிங் கொரில்லா கிளாஸ் 5, மீடியாடெக் டிமென்சிட்டி 1000 பிளஸ் 5ஜி பிராசஸர், 8 ஜிபி ரேம், 128 ஜிபி மெமரி கொண்டிருக்கிறது. இத்துடன் ஆண்ட்ராய்டு 10 ஒஎஸ், 4500 எம்ஏஹெச் பேட்டரி மற்றும் 65 வாட் சார்ஜிங் வசதி வழங்கப்பட்டு உள்ளது.

    புகைப்படங்களை எடுக்க 64 எம்பி பிரைமரி கேமரா, 8 எம்பி அல்ட்ரா வைடு ஆங்கில் லென்ஸ், 2 எம்பி பிளாக் அண்ட் வைட் சென்சார், 2 எம்பி மேக்ரோ லென்ஸ், 32 எம்பி செல்பி கேமரா வழங்கப்பட்டு இருக்கிறது. 

    இந்தியாவில் ரியல்மி எக்ஸ்7 பேஸ் வேரியண்ட் ஆன 6 ஜிபி / 128 ஜிபி மெமரி விலை ரூ. 19,999, 8 ஜிபி / 128 ஜிபி மெமரி விலை ரூ. 21,999 என நிர்ணயம் செய்யப்பட்டு உள்ளது. ரியல்மி எக்ஸ்7 ப்ரோ 8 ஜிபி / 128 ஜிபி மெமரி மாடல் விலை ரூ. 29,999 என நிர்ணயம் செய்யப்பட்டு உள்ளது.
    Next Story
    ×