மொபைல்ஸ்

ஹானர் மேஜிக் V2 மடிக்கக்கூடிய ஸ்மார்ட்போன் சீன சந்தையில் அறிமுகம் செய்யப்பட்டு இருக்கிறது. புதிய ஹானர் ஃபோல்டபில் போனின் எடை 231 கிராம், தடிமன் 9.9 மில்லிமீட்டர்கள் ஆகும். அந்த வகையில், இந்த ஸ்மார்ட்போன் இதுவரை வெளியான மடிக்கக்கூடிய சாதனங்களில் மிகவும் மெல்லிய மாடல் என்ற பெருமையை பெற்று இருக்கிறது.

முன்னதாக உலகின் மெல்லிய மடிக்கக்கூடிய ஸ்மார்ட்போன் என்ற பெருமையை சியோமி மிக்ஸ் ஃபோல்டு 2 பெற்று இருந்தது குறிப்பிடத்தக்கது. சியோமி மிக்ஸ் ஃபோல்டு 2 மாடலின் தடிமன் 11.2 மில்லிமீட்டர்கள், எடை 262 கிராம்கள் ஆகும். புதிய ஹானர் மேஜிக் V2 மாடலில் மிக மெல்லிய சிலிகான் கார்பன் பேட்டரிகள் பயன்படுத்தப்படுகின்றன.

அம்சங்களை பொருத்தவரை ஹானர் மேஜிக் V2 மாடல் குவால்காம் நிறுவனத்தின் ஸ்னாப்டிராகன் 8 ஜென் 2 பிராசஸர், 66 வாட் ஃபாஸ்ட் சார்ஜிங் வசதி, 50MP பிரைமரி கேமரா சென்சார், 50MP அல்ட்ரா வைடு லென்ஸ், OIS, மேக்ரோ ஆப்ஷன், 20MP டெலிபோட்டோ கேமரா, OIS, 32MP செல்ஃபி கேமரா வழங்கப்பட்டு இருக்கிறது.

ஹானர் மேஜிக் V2 மாடலில் 7.92 இன்ச் மடிக்கக்கூடிய LTPO OLED டிஸ்ப்ளே, 120Hz ரிப்ரெஷ் ரேட், 2344x2156 பிக்சல் ரெசல்யூஷன், 6.43 இன்ச் LTPO டிஸ்ப்ளே, 2376x1060 பிக்சல், ஸ்டைலஸ் சப்போர்ட், அதிகபட்சம் 16 ஜிபி ரேம், 1 டிபி வரையிலான ஸ்டோரேஜ் வழங்கப்பட்டுள்ளது. இத்துடன் 5000 எம்ஏஹெச் பேட்டரி, 66 வாட் ஹானர் சூப்பர்சார்ஜ் வசதி வழங்கப்பட்டு இருக்கிறது.

புதிய ஹானர் மேஜிக் V2 ஸ்மார்ட்போனின் 16 ஜிபி ரேம், 256 ஜிபி மெமரி மாடல் விலை RMB 8999, இந்திய மதிப்பில் ரூ. 1 லட்சத்து 03 ஆயிரம் என்று துவங்குகிறது. 16 ஜிபி ரேம், 1 டிபி மெமரி கொண்ட ஹானர் மேஜிக் V2 அல்டிமேட் எடிஷன் விலை RMB 11999, இந்திய மதிப்பில் ரூ. 1 லட்சத்து 37 ஆயிரத்து 300 என்று நிர்ணயம் செய்யப்பட்டு உள்ளது. 

ரியல்மி நிறுவனம் இந்திய சந்தையில் தனது C53 ஸ்மார்ட்போன் வெளியீட்டு தேதியை அறிவித்து இருக்கிறது. ரியல்மி நிறுவனத்தின் C சீரிஸ் ஸ்மார்ட்போன்கள் பட்ஜெட் பிரிவில் விற்பனை செய்யப்பட்டு வருகின்றன. அந்த வகையில், புதிய ரியல்மி C53 தோற்றத்தில், அதன் முந்தைய வெர்ஷன் போன்றே காட்சியளிக்கிறது.

புதிய ரியல்மி C53 டீசரில் இந்த ஸ்மார்ட்போனின் பின்புற கேமரா மாட்யுல், கோல்டு நிற ஆப்ஷன் கொண்டிருப்பது தெரியவந்துள்ளது. இத்துடன் 108MP பிரைமரி கேமரா வழங்கப்படுவது உறுதியாகி இருக்கிறது. இந்த பிரிவில் 108MP கேமரா வழங்கப்படுவது இதுவே முதல் முறை ஆகும்.

இந்திய சந்தையில் ரியல்மி C53 ஸ்மார்ட்போன் ஜூலை 19-ம் தேதி அறிமுகம் செய்யப்பட இருக்கிறது. இந்த ஸ்மார்ட்போனின் அறிமுக நிகழ்வு மதியம் 12 மணிக்கு துவங்குகிறது. ரியல்மி C53 வெளியீட்டை ஒட்டி புதிய மைக்ரோசைட் உருவாக்கப்பட்டு இருக்கிறது. இதில் ஸ்மார்ட்போனின் டிசைன் மற்றும் அம்சங்களின் டீசர் இடம்பெற்று இருக்கிறது.

கேமரா மாட்யுல், நிறம் தவிர இந்த ஸ்மார்ட்போன் பாக்சி சேசிஸ் கொண்டிருக்கிறது. இதன் வால்யும் ராக்கர், பவர் பட்டனில் கைரேகை சென்சார் உள்ளிட்டவை ஸ்மார்ட்போனின் வலதுபுறத்தில் இடம்பெற்று இருக்கிறது. இதன் சிம் டிரே இடது புறத்தில் உள்ளது. ரியல்மி C53 ஸ்மார்ட்போன் டூயல் கேமரா செட்டப், எல்இடி பிளாஷ் கொண்டிருக்கிறது.

இதன் முன்புறம் வாட்டர் டிராப் நாட்ச், சற்றே மெல்லிய பெசல்கள், யுஎஸ்பி டைப் சி போர்ட், 3.5mm ஆடியோ ஜாக், ஸ்பீக்கர் கிரில், மைக்ரோபோன் உள்ளிட்டவை ஸ்மார்ட்போனின் கீழ்புறமாக வைக்கப்பட்டு உள்ளது. இத்துடன் 5000 எம்ஏஹெச் பேட்டரி, 18 வாட் ஃபாஸ்ட் சார்ஜிங் வசதி வழங்கப்படுகிறது.

ஒன்பிளஸ் நிறுவனத்தின் அதிகம் எதிர்பார்க்கப்படும் பிளாக்ஷிப் ஒன்பிளஸ் 12 ஸ்மார்ட்போன் அடுத்த ஆண்டு துவக்கத்தில் தான் அறிமுகம் செய்யப்பட இருக்கிறது. எனினும், இந்த ஸ்மார்ட்போனின் ரென்டர்கள் இணையத்தில் வெளியாகி உள்ளன. ஒன்பிளஸ் 11 மாடலின் மேம்பட்ட வெர்ஷனாக உருவாகி வரும் ஒன்பிளஸ் 12 டிசைன் எப்படி இருக்கும் என்று தற்போதைய டீசர்களில் தெரியவந்துள்ளது.

பிரபல டிப்ஸ்டரான @OnLeaks வெளியிட்டு இருக்கும் ரென்டர்களில், ஒன்பிளஸ் 12 மாடல் மெல்லிய டிசைன், கிளாசி பிளாக் நிறம் மற்றும் ஒன்பிளஸ் பாரம்பரிய சான்ட்ஸ்டோன் ஃபினிஷ் செய்யப்பட்டு உள்ளது. இதுதவிர ஸ்மார்ட்போனின் கேமரா சென்சார்கள் வைக்கப்பட்டுள்ள இடத்திலும் மாற்றங்கள் செய்யப்பட்டுள்ளன.

புதிய ஒன்பிளஸ் 12 மாடலில் ஒப்போ ரெனோ 10 ப்ரோ பிளஸ் ஸ்மார்ட்போனில் இருப்பதை போன்றே பெரிஸ்கோபிக் டெலிபோட்டோ லென்ஸ் செட்டப் வழங்கப்படுகிறது. கேமரா மாட்யுல் பிளாக் நிற ஸ்ட்ரிப், ஹேசில்பிலாட் பிரான்டிங் கொண்டிருக்கிறது. இவை பக்கவாட்டு ஃபிரேம் பகுதியில் சீராக இணைவதை போன்று டிசைன் செய்யப்பட்டுள்ளது. இத்துடன் கேமரா ரிங்-இன் கீழ்புறத்தில் க்ரோம் அக்சென்ட் செய்யப்பட்ட ஸ்டெயின்லெஸ் ஸ்டீல் பம்ப் உள்ளது.

பெரிஸ்கோபிக் லென்ஸ்களை வைப்பதற்காக, எல்இடி ஃபிலாஷ் கேமரா ஐலேன்ட்-இன் இடதுபுறத்திற்கு மாற்றப்பட்டு இருக்கிறது. ஒன்பிளஸ் 12 மாடல் அதன் முந்தைய வெர்ஷனை விட மெல்லிய பெசல்களை கொண்டிருக்கின்றன. இத்துடன் பன்ச் ஹோல் டிசைன், ஸ்மார்ட்போனின் நடுவில் வைக்கப்பட்டு இருக்கிறது. இது சாதனத்தின் தோற்றத்தை மேம்படுத்துகிறது.

அம்சங்களை பொருத்தவரை ஒன்பிளஸ் 12 மாடலில் வளைந்த 2K டிஸ்ப்ளே, மெல்லிய பெசல்கள், 120Hz ரிப்ரெஷ் ரேட், 5000 எம்ஏஹெச் பேட்டரி, 150 வாட் வயர்டு ஃபாஸ்ட் சார்ஜிங், 50 வாட் வயர்லெஸ் ஃபாஸ்ட் சார்ஜிங் வசதிகள் வழங்கப்படுகின்றன. இத்துடன் குவால்காம் ஸ்னாப்டிராகன் 8 ஜென் 3 பிராசஸர், அட்ரினோ 750 GPU வழங்கப்படலாம்.

புகைப்படங்களை எடுக்க 50MP பிரைமரி கேமரா, 50MP வைடு ஆங்கில் லென்ஸ், 64MP ஆம்னிவிஷன் பெரிஸ்கோப் லென்ஸ் வழங்கப்படும் என்று தெரிகிறது. வரும் மாதங்களில் இந்த ஸ்மார்ட்போன் பற்றிய மேலும் புதிய விவரங்கள் வெளியாகும் என்று எதிர்பார்க்கலாம்.

நத்திங் நிறுவனத்தின் அதிகம் எதிர்பார்க்கப்பட்ட நத்திங் போன் 2 மாடல் இந்தியா மற்றும் சர்வதேச சந்தையில் அறிமுகம் செய்யப்பட்டது. இது நத்திங் போன் 1 மாடலின் மேம்பட்ட வெர்ஷன் ஆகும். இதில் 6.7 இன்ச் FHD+ 1-120 Hz LTPO OLED ஸ்கிரீன், அதிகபட்சம் 1600 நிட்ஸ் பீக் பிரைட்னஸ், குவால்காம் ஸ்னாப்டிராகன் 8 பிளஸ் ஜென் 1 பிராசஸர், அதிகபட்சம் 12 ஜிபி வரையிலான ரேம் வழங்கப்பட்டு இருக்கிறது.

ஆண்ட்ராய்டு 13 ஒஎஸ் சார்ந்த நத்திங் ஒஎஸ் 2.0 கொண்டிருக்கும் நத்திங் போன் 2 மாடலில் க்ரிட் டிசைன், விட்ஜெட் சைஸ் மற்றும் கலர் தீம்களை கஸ்டமைஸ் செய்து கொள்வதற்கான வசதி வழங்கப்பட்டு இருக்கிறது. இந்த ஸ்மார்ட்போனிற்கு மூன்று ஆண்ட்ராய்டு ஒஎஸ் அப்டேட்கள், நான்கு ஆண்டுகள் செக்யுரிட்டி பேட்ச்கள் வழங்குவதாக நத்திங் நிறுவனம் அறிவித்து இருக்கிறது.

நத்திங் போன் 2 அம்சங்கள்:

6.7 இன்ச் 2412x1080 பிக்சல் FHD+ OLED 1-120 Hz LTPO ஸ்கிரீன்

அதிகபட்சம் 1600 நிட்ஸ் பீக் பிரைட்னஸ்

குவால்காம் ஸ்னாப்டிராகன் 8 பிளஸ் ஜென் 1 பிராசஸர்

அதிகபட்சம் 12 ஜிபி ரேம்

அதிகபட்சம் 512 ஜிபி மெமரி

ஆண்ட்ராய்டு 13 மற்றும் நத்திங் ஒஎஸ் 2.0

டூயல் சிம் ஸ்லாட்

50MP பிரைமரி கேமரா, OIS

50MP 114 டிகிரி அல்ட்ரா வைடு கேமரா, 4cm மேக்ரோ ஆப்ஷன்

32MP செல்ஃபி கேமரா

இன் டிஸ்ப்ளே ஆப்டிக்கல் கைரேகை சென்சார்

யுஎஸ்பி டைப் சி ஆடியோ

ஸ்டீரியோ ஸ்பீக்கர்கள்

ஸ்பிலாஷ் ரெசிஸ்டன்ட்

5ஜி, டூயல் 4ஜி வோல்ட்இ, வைபை, ப்ளூடூத், யுஎஸ்பி டைப் சி

4700 எம்ஏஹெச் பேட்டரி

45 வாட் ஃபாஸ்ட் சார்ஜிங்

விலை மற்றும் விற்பனை விவரங்கள்:

நத்திங் போன் 2 ஸ்மார்ட்போன் வைட் மற்றும் டார்க் கிரே நிறங்களில் கிடைக்கிறது. இதன் 8 ஜிபி ரேம், 128 ஜிபி மெமரி மாடல் விலை ரூ. 44 ஆயிரத்து 999 என்றும் 12 ஜிபி ரேம், 256 ஜிபி மெமரி மாடல் விலை ரூ. 49 ஆயிரத்து 999 என்றும் 12 ஜிபி ரேம், 512 மெமரி மாடல் விலை ரூ. 54 ஆயிரத்து 999 ஆதும். ஏற்கனவே முன்பதிவு செய்திருந்தவர்கள், இயர் ஸ்டிக் மற்றும் அக்சஸரீக்களை வாங்கும் போது தள்ளுபடி பெற முடியும்.

சியோமி நிறுவனம் தனது ரெட்மி 12 பட்ஜெட் ரக ஸ்மார்ட்போனின் இந்திய வெளியீட்டு தேதியை அதிகாரப்பூர்வமாக அறிவித்து இருக்கிறது. இதற்காக சியோமி நிறுவனம் வெளியிட்டு இருக்கும் டீசரில், ரெட்மி 12 ஸ்மார்ட்போன் ஆகஸ்ட் 01-ம் தேதி இந்திய சந்தையில் அறிமுகம் செய்யப்படும் என்று குறிப்பிடப்பட்டு இருக்கிறது. கடந்த மாதம் இந்த ஸ்மார்ட்போன் சர்வதேச சந்தையில் அறிமுகம் செய்யப்பட்டது.

புதிய ஸ்மார்ட்போன் வெளியீட்டை உணர்த்தும் முதல் டீசரில், அந்நிறுவன விளம்பர தூதர் திஷா படானி தனது கையில் மொபைல் வைத்திருக்கும் புகைப்படம் இடம்பெற்று இருக்கிறது. மேலும் இந்த ஸ்மார்ட்போன் க்ரிஸ்டல் கிளாஸ் டிசைன் கொண்டிருக்கும் என்றும் தெரியவந்துள்ளது. இந்த பிளாக்ஷிப் டிசைன் அனைவருக்குமானது என்று சியோமி தெரிவித்து இருக்கிறது.

டீசரில் ஸ்மார்ட்போன் மூன்று கேமரா சென்சார்கள் மற்றும் பக்கவாட்டில் கைரேகை சென்சார் கொண்டிருப்பதும் தெரியவந்துள்ளது. இந்த மாடலில் 6.79 இன்ச் Full HD+ LCD ஸ்கிரீன், 90Hz ரிப்ரெஷ் ரேட், 8MP செல்ஃபி கேமரா, மீடியாடெக் ஹீலியோ ஜி88 பிராசஸர் வழங்கப்பட்டு உள்ளது.

இத்துடன் 50MP பிரைமரி கேமரா, 8MP அல்ட்ரா வைடு கேமரா, 2MP மேக்ரோ சென்சார், கிளாஸ் பேக், IP53 தர ஸ்பிலாஷ் மற்றும் டஸ்ட் ரெசிஸ்டன்ட் வசதி, 5000 எம்ஏஹெச் பேட்டரி, 18 வாட் ஃபாஸ்ட் சார்ஜிங் வசதி உள்ளது. இந்திய சந்தையில் ரெட்மி 12 ஸ்மார்ட்போன் அடுத்த மாத வெளியீட்டை தொடர்ந்து, ப்ளிப்கார்ட் மற்றும் Mi வலைதளங்கள், ஆஃப்லைன் ஸ்டோர்களில் நடைபெற இருக்கிறது.

ஒப்போ நிறுவனம் இந்திய சந்தையில் தனது ரெனோ 10 சீரிஸ் ஸ்மார்ட்போன்களை அறிமுகம் செய்தது. இதில் ரெனோ 10, ரெனோ 10 ப்ரோ மற்றும் ரெனோ 10 ப்ரோ பிளஸ் மாடல்கள் அடங்கும். இதில் ப்ரோ பிளஸ் மாடலில் 6.74 இன்ச் 1.5K 120Hz OLED வளைந்த ஸ்கிரீன் வழங்கப்பட்டு இருக்கிறது. ரெனோ 10 மற்றும் ரெனோ 10 ப்ரோ மாடல்களில் 120Hz FHD+ 120Hz AMOLED ஃபிலெக்சிபில் ஸ்கிரீன் உள்ளது.

ரெனோ 10 மாடலில் டிமென்சிட்டி 7050 பிராசஸர், 8 ஜிபி ரேம் வழங்கப்பட்டு இருக்கிறது. ரெனோ 10 ப்ரோ மாடலில் ஸ்னாப்டிராகன் 778ஜி பிராசஸரும், ரெனோ 10 ப்ரோ பிளஸ் மாடலில் ஸ்னாப்டிராகன் 8 பிளஸ் ஜென் 1 பிராசஸர் உள்ளது. புகைப்படங்களை எடுக்க ஒப்போ ரெனோ 10 சீரிசில் டெலிபோட்டோ லென்ஸ் வழங்கப்படுகிறது.

இதன் ஸ்டான்டர்டு மற்றும் ப்ரோ வெர்ஷன்களில் 32MP 2x டெலிபோட்டோ, சோனி IMX709 சென்சார், ப்ரோ பிளஸ் மாடலில் 64MP பெரிஸ்கோப் டெலிபோட்டோ கேமரா உள்ளது. ப்ரோ மாடல்களில் 50MP பிரைமரி கேமரா, ரெனோ 10 மாடலில் 64MP பிரைமரி கேமரா வழங்கப்பட்டு இருக்கிறது. அனைத்து மாடல்களிலும் 8MP அல்ட்ரா வைடு லென்ஸ் உள்ளது.

பேட்டரியை பொருத்தவரை ஒப்போ ரெனோ 10 ப்ரோ பிளஸ் மாடலில் 4700 எம்ஏஹெச் பேட்டரி, 100 வாட் ஃபாஸ்ட் சார்ஜிங் வசதி, ரெனோ 10 மற்றும் ரெனோ 10 ப்ரோ மாடல்களில் 4600 எம்ஏஹெச் பேட்டரி, 80 வாட் சார்ஜிங், ரெனோ 10 மாடலில் 67 வாட் சார்ஜிங் வழங்கப்பட்டுள்ளது.

விலை மற்றும் விற்பனை விவரங்கள்:

ஒப்போ ரெனோ 10 மாடல் சில்வரி கிரே, ஐஸ் புளூ நிறங்களில் கிடைக்கிறது. இதன் விலை ஜூலை 20-ம் தேதி அறிவிக்கப்பட உள்ளது. ரெனோ 10 ப்ரோ மற்றும் ரெனோ 10 ப்ரோ பிளஸ் மாடல்கள் சில்வரி கிரே மற்றும் கிளாசி பர்பில் நிறங்களில் கிடைக்கிறது. இவற்றின் விலை முறையே ரூ. 39 ஆயிரத்து 999 மற்றும் ரூ. 54 ஆயிரத்து 999 என்று நிர்ணயம் செய்யப்பட்டு உள்ளன. விற்பனை ஜூலை 13-ம் தேதி ப்ளிப்கார்ட் மற்றும் ஒப்போ இந்தியா ஆன்லைன் மற்றும் ஆஃப்லைன் ஸ்டோர்களில் நடைபெற உள்ளன.

ஆப்பிள் நிறுவனத்தின் ஐபோன் 15 சீரிஸ் மாடல்கள் இந்த ஆண்டு செப்டம்பர் மாதம் அறிமுகம் செய்யப்பட உள்ளன. புதிய ஐபோன் வாங்க ஒவ்வொரு ஆண்டை போன்றே, இந்த வருடமும் பலர் ஆவலுடன் காத்திருக்கின்றனர். இந்த சீரிசில், ஐபோன் 15, ஐபோன் 15 பிளஸ், ஐபோன் 15 ப்ரோ மற்றும் ஐபோன் 15 ப்ரோ மேக்ஸ் என நான்கு மாடல்கள் இடம்பெறும் என்று தெரிகிறது.

புதிய ஐபோன் 15 சீரிஸ் விவரங்கள் பலமுறை இணையத்தில் லீக் ஆகிவிட்டன. இதில் புதிய ஐபோன் 15 சீரிஸ் அம்சங்கள், டிசைன் மற்றும் விலை விவரங்களும் அடங்கும். இந்த நிலையில், ஆப்பிள் ஐபோன் 15 ப்ரோ மாடல் புதிய நிறத்தில் கிடைக்கும் என்று தகவல் வெளியாகி உள்ளது. அதன்படி இந்த மாடல் டார்க் புளூ மற்றும் கிரே டோன் நிறம் கொண்டிருக்கும் என்று கூறப்படுகிறது.

இதுதவிர இதே நிறம் கொண்ட ஐபோன் மாடல் ரென்டர்களும் வெளியாகி உள்ளது. ஐபோன் 15 ப்ரோ மாடல் டைட்டானியம் மூலம் உருவாக்கப்பட்டு இருக்கும். இதே நிற வேரியண்ட் ப்ரோடோடைப் சாதனங்களில் வழங்கப்பட்டு இருக்கிறது. இதன் காரணமாக இந்த நிற வேரியண்ட் விற்பனைக்கும் அறிமுகம் செய்யப்படும் என்று எதிர்பார்க்கலாம்.

டிசைனை பொருத்தவரை ஐபோன் 15 ப்ரோ மாடல்கள் அதன் முந்தைய ஐபோன் 14 ப்ரோ வெர்ஷனை போன்றே காட்சியளிக்கின்றன. எனினும், சிறு மாற்றங்கள் மேற்கொள்ளப்பட்டு இருக்கும் என்று தெரிகிறது. இந்த மாடலில் மியூட்-ஸ்விட்ச்-க்கு மாற்றாக மல்டி-ஃபன்ஷன் மியூட் பட்டன் வழங்கப்படுகிறது. இத்துடன் யுஎஸ்பி டைப் சி போர்ட் வழங்கப்பட இருக்கிறது.

ஐபோன் 15 ப்ரோ மாடல்களில் பெரிஸ்கோப் கேமரா தொழில்நுட்பம் வழங்கப்படும் என்றும் கூறப்படுகிறது. இத்துடன் இந்த மாடல்களில் ஏ17 சிப்செட்கள் வழங்கப்படுகிறது. இவை மேம்பட்ட செயல்திறன் மற்றும் அம்சங்களை கொண்டிருக்கும் என்று எதிர்பார்க்கலாம்.

சாம்சங் நிறுவனம் இந்திய சந்தையில் கேலக்ஸி S21 FE மாடலின் ஸ்னாப்டிராகன் 888 வேரியண்டை சத்தமின்றி அறிமுகம் செய்தது. ஏற்கனவே இந்த ஸ்மார்ட்போன் விவரங்கள் இணையத்தில் வெளியான நிலையில், தற்போது இதன் விற்பனை ஆஃப்லைன் ஸ்டோர்களில் நடைபெற்று வருவதாக தகவல் வெளியாகி உள்ளது.

முன்னதாக இந்த ஸ்மார்ட்போனிற்கான டீசர் வெளியிடப்பட்டு இருந்த நிலையில், கேலக்ஸி S21 FE புதிய வேரியண்ட் வெளியாகி இருக்கிறது. கேலக்ஸி S21 FE மாடல் ஆஃப்லைன் ஸ்டோர்களில் விற்பனைக்கு கிடைக்கிறது.

இந்திய சந்தையில் இதன் விலை ரூ. 49 ஆயிரத்து 999 என்று நிர்ணயம் செய்யப்பட்டு உள்ளது. அறிமுக சலுகையாக இதன் விலை ரூ. 44 ஆயிரத்து 999 என்று மாறி இருக்கிறது. சாம்சங் இந்தியா அதிகாரப்பூர்வ வலைதளத்தில், இந்த வேரியண்ட் விரைவில் அறிமுகமாகும் என்றே குறிப்பிடப்பட்டு இருக்கிறது.

எக்சைனோஸ் பிராசஸருக்கு மாற்றாக குவால்காம் சிப்செட் கொண்டிருக்கும் கேலக்ஸி S21 FE மாடலின் மற்ற அம்சங்கள் அதன் முந்தைய வெர்ஷனில் உள்ளதை போன்றே வழங்கப்பட்டு இருக்கிறது. அந்த வகையில், கேலக்ஸி S21 FE மாடலில் 6.4 இன்ச் AMOLED Full HD+ டிஸ்ப்ளே, 120Hz ரிப்ரெஷ் ரேட், கார்னிங் கொரில்லா கிளாஸ் விக்டஸ் பாதுகாப்பு வழங்கப்பட்டு இருக்கிறது.

இத்துடன் 4500 எம்ஏஹெச் பேட்டரி, 25 வாட் ஃபாஸ்ட் சார்ஜிங் வசதி வழங்கப்பட்டு இருக்கிறது. இந்த ஸ்மார்ட்போன் 7.9 மில்லிமீட்டர் தடிமனாக, 177 கிராம் எடை கொண்டிருக்கிறது. புகைப்படங்களை எடுக்க 12MP பிரைமரி கேமரா, 12MP அல்ட்ரா வைடு ஆங்கில் லென்ஸ், 8MP டெலிபோட்டோ கேமரா, 32MP செல்ஃபி கேமரா வழங்கப்பட்டு உள்ளது.

சியோமி நிறுவனம் இந்திய சந்தையில் தனது வியாபாரத்தை துவங்கி 9 ஆண்டுகள் நிறைவு பெற்றதை கொண்டாடி வருகிறது. இதை ஒட்டி தனது ஸ்மார்ட்போன், டேப்லெட், ஸ்மார்ட்வாட்ச் என ஏராளமான சாதனங்களுக்கு அதிகளவு விலை குறைப்பு, தள்ளுபடி மற்றும் வங்கி சார்ந்த சலுகைகளை அறிவித்து வருகிறது.

அதன்படி சியோமி 12 ப்ரோ ஸ்மார்ட்போனிற்கு அதிகபட்சமாக ரூ. 21 ஆயிரம் வரையிலான விலை குறைப்பு அறிவிக்கப்பட்டு இருக்கிறது. இந்திய சந்தையில் ரூ. 79 ஆயிரத்து 999 விலையில் அறிமுகம் செய்யப்பட்ட சியோமி 12 ப்ரோ ஸ்மார்ட்போன் தற்போதைய சிறப்பு விற்பனையின் கீழ் ரூ. 41 ஆயிரத்து 999 என்று துவங்குகிறது. இதன் டாப் என்ட் மாடல் விலை ரூ. 44 ஆயிரத்து 999 விலையில் கிடைக்கிறது.

விலை குறைப்பு விவரங்கள்:

சியோமி 12 ப்ரோ 8 ஜிபி ரேம், 256 ஜிபி மெமரி மாடல் ரூ. 79 ஆயிரத்து 999-இல் இருந்து தற்போது ரூ. 41 ஆயிரத்து 999 என்று மாறி இருக்கிறது. இது முந்தைய விலையை விட ரூ. 38 ஆயிரம் குறைவு ஆகும்.

சியோமி 12 ப்ரோ 12 ஜிபி ரேம், 256 ஜிபி மெமரி மாடல் ரூ. 84 ஆயிரத்து 999-இல் இருந்து தற்போது ரூ. 44 ஆயிரத்து 999 என்று மாறி இருக்கிறது. இது முந்தைய விலையை விட ரூ. 40 ஆயிரம் குறைவு ஆகும்.

விலை குறைப்பு மட்டுமின்றி ஹெச்டிஎப்சி மற்றும் ஐசிஐசி வங்கி கிரெடிட் கார்டு பயன்படுத்தும் போது ரூ. 2 ஆயிரம் வரை உடனடி தள்ளுபடி வழங்கப்படுகிறது. இத்துடன் எக்சேன்ஜ் போனஸ்-ஆக ரூ. 2 ஆயிரம் தள்ளுபடி வழங்கப்படுகிறது.

சியோமி 12 ப்ரோ அம்சங்கள்:

- 6.73 3200x1440 பிக்சல் FHD+ AMOLED 20:9 HDR10 + டிஸ்ப்ளே, 120Hz ரிபெஷ் ரேட்

- கார்னிங் கொரில்லா கிளாஸ் விக்டஸ் பாதுகாப்பு

- ஆக்டா கோர் ஸ்னாப்டிராகன் 8 ஜென் 1 பிராசஸர்

- 8GB / 12GB LPPDDR5 6400Mbps ரேம்

- 256GB UFS 3.1 1450MBps மெமரி

- டூயல் சிம் ஸ்லாட்

- ஆண்ட்ராய்டு 12 சார்ந்த MIUI 13

- 50MP பிரைமரி கேமரா, f/1.9

- 50MP அல்ட்ரா வைடு ஆங்கில் லென்ஸ்

- 50MP ப்ரோடிரெயிட் கேமரா

- 32MP செல்ஃபி கேமரா

- இன் டிஸ்ப்ளே கைரேகை சென்சார்

- 5ஜி, டூயல் 4ஜி வோல்ட்இ. வைபை, ப்ளூடூத்

- யுஎஸ்.பி. டைப் சி

- 4600mAh பேட்டரி

- 120 வாட் வயர்டு பாஸ்ட் சார்ஜிங்

ஒன்பிளஸ் நிறுவனத்தின் நார்டு 3 ஸ்மார்ட்போன் இந்திய சந்தையில் அறிமுகம் செய்யப்பட்டு இருக்கிறது. இத்துடன் ஒன்பிளஸ் நார்டு CE3 மாடலும் அறிமுகம் செய்யப்பட்டு இருக்கிறது. இந்த ஸ்மார்ட்போனில் 6.74 இன்ச் 1.5K 120Hz AMOLED ஸ்கிரீன், 1450 நிட்ஸ் பிரைட்னஸ், மீடியாடெக் டிமென்சிட்டி 9000 சிப்செட், அதிகபட்சம் 16 ஜிபி LPDDR5X ரேம் வழங்கப்பட்டு இருக்கிறது.

இந்த ஸ்மார்ட்போன் ஆண்ட்ராய்டு 13 சார்ந்த ஆக்சிஜன் ஒஎஸ் 13.1 கொண்டிருக்கிறது. இத்துடன் மூன்று ஆண்ட்ராய்டு அப்டேட்கள் மற்றும் நான்கு ஆண்டுகளுக்கு செக்யுரிட்டி அப்டேட்கள் வழங்கப்பட இருக்கிறது. புகைப்படங்களை எடுக்க 50MP பிரைமரி கேமரா, 8MP அல்ட்ரா வைடு மற்றும் 2MP மேக்ரோ லென்ஸ், 16MP செல்ஃபி கேமரா வழங்கப்பட்டுள்ளது.

ஒன்பிளஸ் நார்டு 3 அம்சங்கள்:

6.74 இன்ச் 2772x1240 பிக்சல் ரெசல்யூஷன், AMOLED டிஸ்ப்ளே, 120Hz அடாப்டிவ் ரிப்ரெஷ் ரேட்

ஆக்டா கோர் டிமென்சிட்டி 9000 பிராசஸர்

மாலி G710 10-கோர் GPU

12 ஜிபி, 16 ஜிபி LPDDR5X ரேம்

256 ஜிபி, 512 ஜிபி UFS 3.1 மெமரி

ஆண்ட்ராய்டு 13 சார்ந்த கலர் ஒஎஸ் 13

50MP பிரைமரி கேமரா, OIS

8MP அல்ட்ரா வைடு கேமரா

2MP மேக்ரோ கேமரா

16MP செல்ஃபி கேமரா

இன்-டிஸ்ப்ளே கைரேகை சென்சார்

யுஎஸ்பி டைப் சி ஆடியோ, ஸ்டீரியோ ஸ்பீக்கர்கள், டால்பி அட்மோஸ்

5ஜி, டூயல் 4ஜி வோல்ட்இ, வைபை, ப்ளூடூத் 5

யுஎஸ்பி டைப் சி

5000 எம்ஏஹெச் பேட்டரி

80 வாட் சூப்பர்வூக் ஃபாஸ்ட் சார்ஜிங்

ஒன்பிளஸ் நார்டு CE3 அம்சங்கள்:

6.7 இன்ச் 2412x1080 பிக்சல் Full HD+ AMOLED ஸ்கிரீன், 120Hz ரிப்ரெஷ் ரேட்

ஆக்டா கோர் ஸ்னாப்டிராகன் 782ஜி பிராசஸர்

அட்ரினோ 642L GPU

8 ஜிபி LPDDR4X ரேம், 128 ஜிபி UFS 3.1 ஸ்டோரேஜ்

12 ஜிபி LPDDR4X ரேம், 256 ஜிபி, 512 ஜிபி UFS 3.1 ஸ்டோரேஜ்

ஆண்ட்ராய்டு 13 சார்ந்த கலர் ஒஎஸ் 13

50MP பிரைமரி கேமரா, OIS

8MP அல்ட்ரா வைடு கேமரா

2MP மேக்ரோ கேமரா

16MP செல்ஃபி கேமரா

5ஜி, டூயல் 4ஜி வோல்ட்இ, வைபை, ப்ளூடூத்

யுஎஸ்பி டைப் சி

5000 எம்ஏஹெச் பேட்டரி

80 வாட் சூப்பர்வூக் ஃபாஸ்ட் சார்ஜிங்

விலை மற்றும் விற்பனை விவரங்கள்:

ஒன்பிளஸ் நார்டு 3 ஸ்மார்ட்போன் மிஸ்டி கிரீன் மற்றும் டெம்பஸ்ட் கிரே நிறங்களில் கிடைக்கிறது. இதன் 8 ஜபி ரேம், 128 ஜிபி மெமரி மாடல் விலை ரூ. 33 ஆயிரத்து 999 என்றும் 16 ஜிபி ரேம், 256 ஜிபி மெமரி மாடல் விலை ரூ. 37 ஆயிரத்து 999 என்றும் நிர்ணயம் செய்யப்பட்டு உள்ளது. இதன் விற்பனை ஜூலை 15-ம் தேதி துவங்குகிறது. விற்பனை அமேசான் வலைதளம், ஒன்பிளஸ் ஆன்லைன் ஸ்டோர், ஆஃப்லைன் ஸ்டோர்களில் நடைபெற இருக்கிறது.

ஒன்பிளஸ் நார்டு CE3 ஸ்மார்ட்போன் அக்வா சர்ஜ் மற்றும் கிரே ஷிம்மர் நிறங்களில் கிடைக்கிறது. இதன் 8 ஜிபி ரேம், 128 ஜிபி மெமரி மாடல் விலை ரூ. 26 ஆயிரத்து 999 என்றும் 12 ஜிபி ரேம், 256 ஜிபி மெமரி மாடல் விலை ரூ. 28 ஆயிரத்து 999 என்றும் நிர்ணயம் செய்யப்பட்டு உள்ளது. இதன் விற்பனை ஆகஸ்ட் மாதம் துவங்க இருக்கிறது.

ஹெச்எம்டி குளோபல் நிறுவனம் இந்திய சந்தையில் இரண்டு புதிய நோக்கியா மொபைல் போன்களை அறிமுகம் செய்து இருக்கிறது. நோக்கியா 110 4ஜி மற்றும் நோக்கியா 110 2ஜி மாடல்கள் 2021-ம் ஆண்டு அறிமுகம் செய்யப்பட்ட மாடல்களின் மேம்பட்ட வெர்ஷன் ஆகும். இரு மாடல்களும் மெல்லிய மற்றும் பிரீமியம் டிசைன் கொண்டிருக்கின்றன.

இத்துடன் நானோ-டெக்ஸ்ச்சர் பாடி மற்றும் பில்ட்-இன் யுபிஐ சப்போர்ட் வழங்கப்பட்டு உள்ளது. நோக்கியாவின் பாரம்பரியம் மிக்க உற்பத்தி தரம் மற்றும் வித்தியாசமான ஸ்டைல் உள்ளிட்டவை புதிய மாடல்களிலும் தொடர்கிறது. புதிய நோக்கியா மாடல்களில் பில்ட்-இன் கேமரா, எஸ்டி கார்டு ஸ்லாட், மியூசிக் பிளேயர் மற்றும் ஆட்டோ கால் ரெக்கார்டர் வழங்கப்பட்டு இருக்கிறது.

நோக்கியா 110 4ஜி (2023) அம்சங்கள்:

1.8 இன்ச் QQVGA ரெசல்யூஷன் டிஸ்ப்ளே

QCGA பிரைமரி கேமரா

1450 எம்ஏஹெச் பேட்டரி

ப்ளூடூத் 5.0

3.5mm ஹெட்போன் ஜாக்

மைக்ரோ யுஎஸ்பி 2.0

மைக்ரோ எஸ்டி கார்டு சப்போர்ட்

எஸ் 30 பிளஸ் ஒஎஸ்

வயர்டு + வயர்லெஸ் எப்எம் ரேடியோ

2ஜி, 3ஜி, 4ஜி (நானோ சிம், டூயல் சிம் சப்போர்ட்)

IP52 தர வாட்டர் ரெசிஸ்டன்ட்

நோக்கியா 110 2ஜி (2023) அம்சங்கள்:

1.8 இன்ச் QQVGA ரெசல்யூஷன் டிஸ்ப்ளே

QCGA பிரைமரி கேமரா

1000 எம்ஏஹெச் பேட்டரி

யுஎஸ்பி கனெக்ஷன், மைக்ரோ யுஎஸ்பி

மைக்ரோ எஸ்டி சப்போர்ட்

எஸ் 30 பிளஸ் ஒஎஸ்

வயர்டு + வயர்லெஸ் எப்எம் ரேடியோ

2ஜி, டூயல் சிம்

IP52 தர வாட்டர் ரெசிஸ்டன்ட்

விலை மற்றும் விற்பனை விவரங்கள்:

நோக்கியா 110 4ஜி (2023) மாடல் மிட்நைட் புளூ மற்றும் ஆர்க்டிக் பர்பில் என இரண்டு நிறங்களில் கிடைக்கிறது. இதன் விலை ரூ. 2 ஆயிரத்து 499 என்று நிர்ணயம் செய்யப்பட்டு உள்ளது. நோக்கியா 110 2ஜி (2023) மாடல் சார்கோல் மற்றும் கிளவுடி புளூ நிறங்களில் கிடைக்கிறது. இதன் விலை ரூ. 1,699 என்று நிர்ணயம் செய்யப்பட்டு உள்ளது. இரு மாடல்களின் விற்பனை விரைவில் ஆஃப்லைன் ஸ்டோர்களில் துவங்க இருக்கிறது.

ஐகூ நிறுவனம் இந்திய சந்தையில் தனது புதிய டாப் எண்ட் ஸ்மார்ட்போனினை அறிமுகம் செய்தது. ஐகூ நியோ சீரிசில் அறிமுகமாகி இருக்கும் புதிய ஸ்மார்ட்போன் ஐகூ நியோ 7 ப்ரோ என்று அழைக்கப்படுகிறது. இந்த ஸ்மார்ட்போனில் 6.78 இன்ச் FHD+ சாம்சங் E5 AMOLED ஸ்கிரீன், 120Hz ரிப்ரெஷ் ரேட், 1500 நிட்ஸ் பிரைட்னஸ் உள்ளது.

இந்த ஸ்மார்ட்போன் குவால்காம் ஸ்னாப்டிராகன் 8 பிளஸ் ஜென் 1 பிராசஸர் கொண்டிருக்கிறது. இத்துடன் 4013mm² VC கூலிங் மற்றும் மல்டி-லேயர் கிராஃபைட் மூலம் ஸ்மார்ட்போன் அதிக சூடாகாமல் தடுக்கப்படுகிறது. இதில் அதிகபட்சம் 12 ஜிபி வரையிலான ரேம், 8 ஜிபி விர்ச்சுவல் ரேம், பிரத்யேக கேமிங் சிப் வழங்கப்பட்டு உள்ளது.

புகைப்படங்களை எடுக்க 50MP சென்சார், 8MP அல்ட்ரா வைடு லென்ஸ், 2MP மேக்ரோ கேமரா, 16MP செல்ஃபி கேமரா வழங்கப்பட்டு இருக்கிறது. இத்துடன் 5000 எம்ஏஹெச் பேட்டரி, 120 வாட் ஃபாஸ்ட் சார்ஜிங் வசதி வழங்கப்பட்டு உள்ளது. இது ஸ்மார்ட்போனினை 8 நிமிடங்களில் 50 சதவீதம் வரை சார்ஜ் செய்துவிடும்.

புதிய ஐகூ நியோ 7 ப்ரோ ஸ்மார்ட்போன் டார்க் ஸ்டாம், ஏஜி கிளாஸ் பேக் மற்றும் பியர்லெஸ்ஃபிளேம் மற்றும் வீகன் லெதர் பேக் ஆப்ஷன்களில் கிடைக்கிறது. இந்த ஸ்மார்ட்போன் வாங்குவோருக்கு ஜூலை 18-ம் தேதி வரை அறிமுக சலுகையாக ரூ. 1000 தள்ளுபடி வழங்கப்படுகிறது.

எஸ்பிஐ மற்றும் ஐசிஐசிஐ வங்கி கார்டு பயன்படுத்தும் போது ரூ. 2 ஆயிரம் உடனடி தள்ளுபடி, எக்சேன்ஜ் போனஸ் வடிவில் ரூ. 2 ஆயிரம் தள்ளுபடி மற்றும் ஆறு மாதங்களுக்கு வட்டியில்லா மாத தவணை முறை வசதி வழங்கப்படுகிறது.

ஐகூ நியோ 7 ப்ரோ அம்சங்கள்:

6.78 இன்ச் 2400x1080 பிக்சல் FHD+ AMOLED டிஸ்ப்ளே, 120Hz ரிப்ரெஷ் ரேட்

ஆக்டா கோர் ஸ்னாப்டிராகன் 8 பிளஸ் ஜென் 1 பிராசஸர்

அட்ரினோ 730 GPU

8 ஜிபி ரேம், 128 ஜிபி மெமரி

12 ஜிபி ரேம், 256 ஜிபி மெமரி

ஆண்ட்ராய்டு 13 மற்றும் ஃபன்டச் ஒஎஸ் 13

டூயல் சிம் ஸ்லாட்

50MP பிரைமரி கேமரா, OIS, எல்இடி ஃபிளாஷ்

8MP அல்ட்ரா வைடு கேமரா

2MP மேக்ரோ கேமரா

16MP செல்ஃபி கேமரா

இன் டிஸ்ப்ளே கைரேகை சென்சார்

யுஎஸ்பி டைப் சி ஆடியோ

ஸ்டீரியோ ஸ்பீக்கர்கள்

5ஜி, டூயல் 4ஜி வோல்ட்இ, வைபை, ப்ளூடூத் 5.2

யுஎஸ்பி டைப் சி

5000 எம்ஏஹெச் பேட்டரி

120 வாட் அல்ட்ரா ஃபாஸ்ட் பிலாஷ் சார்ஜிங்

விலை மற்றும் விற்பனை விவரங்கள்:

ஐகூ நியோ 7 ப்ரோ ஸ்மார்ட்போனின் 8 ஜிபி ரேம், 128 ஜிபி மெமரி மாடல் விலை ரூ. 34 ஆயிரத்து 999 என்றும் 12 ஜிபி ரேம், 256 ஜிபி மெமரி மாடல் விலை ரூ. 37 ஆயிரத்து 999 என்றும் நிர்ணயம் செய்யப்பட்டு உள்ளது. இதன் விற்பனை ஜூலை 15-ம் தேதி அமேசான் மற்றும் ஐகூ வலைதளங்களில் விற்பனைக்கு வருகிறது.