மொபைல்ஸ்

ஐகூ நிறுவனம் இந்திய சந்தையில் தனது புதிய டாப் எண்ட் ஸ்மார்ட்போனினை அறிமுகம் செய்தது. ஐகூ நியோ சீரிசில் அறிமுகமாகி இருக்கும் புதிய ஸ்மார்ட்போன் ஐகூ நியோ 7 ப்ரோ என்று அழைக்கப்படுகிறது. இந்த ஸ்மார்ட்போனில் 6.78 இன்ச் FHD+ சாம்சங் E5 AMOLED ஸ்கிரீன், 120Hz ரிப்ரெஷ் ரேட், 1500 நிட்ஸ் பிரைட்னஸ் உள்ளது.

இந்த ஸ்மார்ட்போன் குவால்காம் ஸ்னாப்டிராகன் 8 பிளஸ் ஜென் 1 பிராசஸர் கொண்டிருக்கிறது. இத்துடன் 4013mm² VC கூலிங் மற்றும் மல்டி-லேயர் கிராஃபைட் மூலம் ஸ்மார்ட்போன் அதிக சூடாகாமல் தடுக்கப்படுகிறது. இதில் அதிகபட்சம் 12 ஜிபி வரையிலான ரேம், 8 ஜிபி விர்ச்சுவல் ரேம், பிரத்யேக கேமிங் சிப் வழங்கப்பட்டு உள்ளது.

புகைப்படங்களை எடுக்க 50MP சென்சார், 8MP அல்ட்ரா வைடு லென்ஸ், 2MP மேக்ரோ கேமரா, 16MP செல்ஃபி கேமரா வழங்கப்பட்டு இருக்கிறது. இத்துடன் 5000 எம்ஏஹெச் பேட்டரி, 120 வாட் ஃபாஸ்ட் சார்ஜிங் வசதி வழங்கப்பட்டு உள்ளது. இது ஸ்மார்ட்போனினை 8 நிமிடங்களில் 50 சதவீதம் வரை சார்ஜ் செய்துவிடும்.

புதிய ஐகூ நியோ 7 ப்ரோ ஸ்மார்ட்போன் டார்க் ஸ்டாம், ஏஜி கிளாஸ் பேக் மற்றும் பியர்லெஸ்ஃபிளேம் மற்றும் வீகன் லெதர் பேக் ஆப்ஷன்களில் கிடைக்கிறது. இந்த ஸ்மார்ட்போன் வாங்குவோருக்கு ஜூலை 18-ம் தேதி வரை அறிமுக சலுகையாக ரூ. 1000 தள்ளுபடி வழங்கப்படுகிறது.

எஸ்பிஐ மற்றும் ஐசிஐசிஐ வங்கி கார்டு பயன்படுத்தும் போது ரூ. 2 ஆயிரம் உடனடி தள்ளுபடி, எக்சேன்ஜ் போனஸ் வடிவில் ரூ. 2 ஆயிரம் தள்ளுபடி மற்றும் ஆறு மாதங்களுக்கு வட்டியில்லா மாத தவணை முறை வசதி வழங்கப்படுகிறது.

ஐகூ நியோ 7 ப்ரோ அம்சங்கள்:

6.78 இன்ச் 2400x1080 பிக்சல் FHD+ AMOLED டிஸ்ப்ளே, 120Hz ரிப்ரெஷ் ரேட்

ஆக்டா கோர் ஸ்னாப்டிராகன் 8 பிளஸ் ஜென் 1 பிராசஸர்

அட்ரினோ 730 GPU

8 ஜிபி ரேம், 128 ஜிபி மெமரி

12 ஜிபி ரேம், 256 ஜிபி மெமரி

ஆண்ட்ராய்டு 13 மற்றும் ஃபன்டச் ஒஎஸ் 13

டூயல் சிம் ஸ்லாட்

50MP பிரைமரி கேமரா, OIS, எல்இடி ஃபிளாஷ்

8MP அல்ட்ரா வைடு கேமரா

2MP மேக்ரோ கேமரா

16MP செல்ஃபி கேமரா

இன் டிஸ்ப்ளே கைரேகை சென்சார்

யுஎஸ்பி டைப் சி ஆடியோ

ஸ்டீரியோ ஸ்பீக்கர்கள்

5ஜி, டூயல் 4ஜி வோல்ட்இ, வைபை, ப்ளூடூத் 5.2

யுஎஸ்பி டைப் சி

5000 எம்ஏஹெச் பேட்டரி

120 வாட் அல்ட்ரா ஃபாஸ்ட் பிலாஷ் சார்ஜிங்

விலை மற்றும் விற்பனை விவரங்கள்:

ஐகூ நியோ 7 ப்ரோ ஸ்மார்ட்போனின் 8 ஜிபி ரேம், 128 ஜிபி மெமரி மாடல் விலை ரூ. 34 ஆயிரத்து 999 என்றும் 12 ஜிபி ரேம், 256 ஜிபி மெமரி மாடல் விலை ரூ. 37 ஆயிரத்து 999 என்றும் நிர்ணயம் செய்யப்பட்டு உள்ளது. இதன் விற்பனை ஜூலை 15-ம் தேதி அமேசான் மற்றும் ஐகூ வலைதளங்களில் விற்பனைக்கு வருகிறது.

ரிலையன்ஸ் ஜியோ நிறுவனம் ஜியோ பாரத் போன் பிளாட்ஃபார்மை அறிமுகம் செய்தது. இந்த பிரான்டிங்கில் ரிலையன்ஸ் ஜியோ குறைந்த விலையில் 4ஜி ஃபீச்சர் போன் மாடல்களை வெளியிட திட்டமிட்டுள்ளது. இதன் மூலம் நாடு முழுக்க 250 மில்லியன் ஃபீச்சர் போன் பயனர்களை சென்றடைய ஜியோ இலக்கு நிர்ணயம் செய்துள்ளது.

ஜியோ பாரத் போன் ஸ்மார்ட் ஃபீச்சர் போன் ஆகும். இதில் இண்டர்நெட் பயன்படுத்துவதோடு, யுபிஐ பேமன்ட் மற்றும் ஜியோ பொழுதுபோக்கு செயலிகளை பயன்படுத்துவதற்கான வசதி வழங்கப்படுகிறது. ஜியோ 4ஜி ஃபீச்சர் போனுடன் ஜியோ பாரத் சலுகைகள் வழங்கப்படுகின்றன. இவற்றில் அன்லிமிடெட் அழைப்புகள் மற்றும் மொபைல் டேட்டா உள்ளிட்டவைகளை குறைந்த விலையில் வழங்கப்படுகின்றன.

விலை விவரங்கள்:

இந்திய சந்தையில் புதிய ஜியோ பாரத் போனின் விலை ரூ. 999 என்று நிர்ணயம் செய்யப்பட்டு உள்ளது. 4ஜி ஸ்மார்ட்போன் ஃபீச்சர் போன் மாடல் ரெட் மற்றும் புளூ என இரண்டு நிறங்களில் கிடைக்கிறது. ரிலையன்ஸ் ரிடெயில் தவிர இதர பிரான்டுகளும் ஜியோ பாரத் பிளாட்ஃபார்மில் இணைந்து ஜியோ பாரத் போன்களை அறிமுகம் செய்ய இருக்கின்றன. ஜியோ பாரத் போன்களின் முதல் பத்து லட்சம் யூனிட்களுக்கான பீட்டா டெஸ்டிங் ஜூலை 7-ம் தேதி துவங்க இருக்கிறது.

ரிசார்ஜ் சலுகை விவரங்கள்:

ரிலையன்ஸ் ஜியோ பாரத் சலுகைகளின் விலை ரூ. 123 முதல் துவங்குகிறது. இந்த சலுகையின் வேலிடிட்டி 28 நாட்கள் ஆகும். இதில் பயனர்களுக்கு அன்லிமிடெட் வாய்ஸ் கால், தினமும் 0.5 ஜிபி டேட்டா வழங்கப்படுகிறது.

ஜியோ பாரத் வருடாந்திர சலுகையின் விலை ரூ. 1234 என்று நிர்ணயம் செய்யப்பட்டு உள்ளது. இந்த சலுகையிலும் பயனர்களுக்கு தினமும் 0.5 ஜிபி டேட்டா மற்றும் அன்லிமிடெட் வாய்ஸ் கால் வழங்கப்படுகிறது.

ஜியோ பாரத் போன் அம்சங்கள்:

ஜியோ பாரத் போனின் அம்சங்கள் பற்றி இதுவரை எந்த தகவலும் வழங்கப்படவில்லை. தோற்றத்தில் இந்த போன் வழக்கமான ஃபீச்சர் போன்றே காட்சியளிக்கிறது. இதில் சிறிய ஸ்கிரீன், கீபோர்டு மற்றும் ஏராளமான ஸ்மார்ட் அம்சங்கள் உள்ளன.

இந்த மொபைல் கொண்டு யுபிஐ பேமன்ட் செய்ய முடியும். இதற்கு ஜியோ பே செயலியை பயன்படுத்த வேண்டும். இத்துடன் ஜியோ சினிமா ஆப் கொண்டு தொலைகாட்சி நிகழ்ச்சிகள் மற்றும் திரைப்படங்களை கண்டுகளிக்க முடியும்.

ஜியோ பாரத் போனுடன் ஜியோ சாவன் ஆப் சந்தா வழங்கப்படுகிறது. இதில் சுமார் எட்டு கோடிக்கும் அதிக பாடல்கள் வழங்கப்படுகின்றன. இவைதவிர எப்எம் ரேடியோ, டார்ச்லைட் போன்ற அம்சங்களும் உள்ளன.

டெக்னோ நிறுவனத்தின் கேமான் 20 மற்றும் கேமான் 20 ப்ரோ 5ஜி ஸ்மார்ட்போன்கள் இந்திய சந்தையில் மே மாத வாக்கில் அறிமுகம் செய்யப்பட்டது. இந்த வரிசையில் கேமான் 20 பிரீமியர் 5ஜி டாப் எண்ட் மாடலும் அறிமுகம் செய்யப்பட்டது. தற்போது டெக்னோ நிறுவனம் இந்த ஸ்மார்ட்போனின் விற்பனை பற்றி அறிவித்து இருக்கிறது.

அதன்படி இந்தியாவில் டெக்னோ கேமான் 20 பிரீமியர் ஸ்மார்ட்போனின் விற்பனை ஜூலை 7-ம் தேதி துவங்க இருக்கிறது. முன்னதாக இந்த மாடல் விற்பனை ஜூன் மாதத்தின் மூன்றாவது வாரத்தில் துவங்கும் என்று தெரிவிக்கப்பட்டது குறிப்பிடத்தக்கது.

டெக்னோ கேமான் 20 பிரீமியர் 5ஜி அம்சங்கள்:

6.67 இன்ச் 1080x2400 பிக்சல் FHD+ AMOLED டிஸ்ப்ளே, 120Hz ரிப்ரெஷ் ரேட்

ஆக்டா கோர் மீடியாடெக் டிமென்சிட்டி 8050 பிராசஸர்

ARM G77 MC9 GPU

8 ஜிபி ரேம்

512 ஜிபி மெமரி

ஆண்ட்ராய்டு 13 மற்றும் ஹைஒஎஸ் 13

டூயல் சிம் ஸ்லாட்

50MP பிரைமரி கேமரா

108MP அல்ட்ரா வைடு கேமரா, மேக்ரோ ஆப்ஷன்

2MP போர்டிரெயிட் கேமரா

32MP செல்ஃபி கேமரா

இன் டிஸ்ப்ளே கைரேகை சென்சார்

யுஎஸ்பி டைப் சி ஆடியோ

ஸ்டீரியோ ஸ்பீக்கர், எஃப்எம் ரேடியோ

5ஜி, டூயல் 4ஜி வோல்ட்இ, வைபை, ப்ளூடூத்

யுஎஸ்பி டைப் சி

5000 எம்ஏஹெச் பேட்டரி

45 வாட் ஃபாஸ்ட் சார்ஜிங்

டெக்னோ கேமான் 20 பிரீமியர் 5ஜி ஸ்மார்ட்போன் 8 ஜிபி ரேம், 128 ஜிபி மெமரி ஆப்ஷன்களில் கிடைக்கிறது. இந்த ஸ்மார்ட்போன் செரினிட்டி புளூ மற்றும் டார்க் வெல்கின் நிறங்களில் கிடைக்கிறது. இதன் விலை விவரங்கள் பற்றி இதுவரை எந்த தகவலும் இல்லை.

டெக்னோ பேன்டம் V போல்டு மாடல் மூலம் மடிக்ககூடிய ஸ்மார்ட்போன்கள் சந்தையின் பட்ஜெட் பிரிவில் டெக்னோ களமிறங்கியது. மற்ற முன்னணி பிரான்டுகளை போன்றில்லாமல், டெக்னோ பிரான்டு விலை உயர்ந்த, டாப் என்ட் சாதனங்களை உருவாக்கவில்லை. மாறாக பட்ஜெட் பிரிவில் தனது முதல் மடிக்கக்கூடிய ஸ்மார்ட்போனினை அறிமுகம் செய்தது.

பட்ஜெட் பிரிவில் நிலை நிறுத்தப்பட்ட டெக்னோ பேன்டம் V போல்டு சந்தையில் நல்ல வரவேற்பை பெற்றது. இந்த நிலையில், டெக்னோ நிறுவனம் புதிய ப்ளிப் ஸ்மார்ட்போனை அறிமுகம் செய்வதற்கான பணிகளில் ஈடுபட்டு வருகிறது. இந்த மாடல் டெக்னோ பேன்டம் V ப்ளிப் அல்லது பேன்டம் V யோகா பெயர்களில் அறிமுகம் செய்யப்படும் என்று கூறப்படுகிறது.

சமீபத்தில் இந்த ஸ்மார்ட்போன் விவரங்கள் FCC வலைதளத்தில் லீக் ஆகி இருந்தது. அதில் இந்த ஸ்மார்ட்போனின் அம்சங்கள் தெரியவந்துள்ளது. அதன்படி டெக்னோ பேன்டம் V ப்ளிப் ஸ்மார்ட்போன் AD11 எனும் மாடல் நம்பர் கொண்டிருக்கிறது. பேன்டம் V ப்ளிப் மாடல் வைபை, ப்ளூடூத், 5ஜி கனெக்டிவிட்டி வசதி கொண்டுள்ளது.

டெக்னோ பேன்டம் V ப்ளிப் 5ஜி மாடலில் குறிப்பிடத்தக்க அம்சங்களில் ஒன்றாக டூயல் பேட்டரி செட்டப் இருக்கும். இதில் ஒரு பேட்டரி 1165 எம்ஏஹெச், மற்றொரு பேட்டரி 2735 எம்ஏஹெச் திறன் கொண்டிருக்கிறது. இத்துடன் அதிகபட்சம் 45 வாட் ஃபாஸ்ட் சார்ஜிங் வசதி வழங்கப்படுகிறது. இதுதவிர புதிய ஸ்மார்ட்போன் பற்றிய இதர விவரங்கள் மர்மமாகவே உள்ளன.

டெக்னோ பேன்டம் V ப்ளிப் எதிர்பார்க்கப்படும் அம்சங்கள்:

இதுவரை வெளியாகி இருக்கும் தகவல்களின் படி டெக்னோ பேன்டம் V ப்ளிப் மாடல் ஃபுல் ஹெச்டி பிளஸ் ரெசல்யூஷன் கொண்ட டிஸ்ப்ளே, மீடியாடெக் டிமென்சிட்டி 8050 பிராசஸர், அதிகபட்சம் 8 ஜிபி ரேம், 256 ஜிபி மெமரி, 4000 எம்ஏஹெச் பேட்டரி, ஆண்ட்ராய்டு 13 சார்ந்த ஹைஒஎஸ் 13, 64MP பிரைமரி கேமரா, 32MP செல்ஃபி கேமரா வழங்கப்படும் என்று கூறப்படுகிறது.

ஒப்போ ரெனோ 10 5ஜி ஸ்மார்ட்போன் விரைவில் இந்திய சந்தையில் அறிமுகம் செய்யப்பட இருக்கிறது. புதிய ஸ்மார்ட்போன் பற்றிய விவரங்கள் இணையத்தில் லீக் ஆகி இருக்கிறது. முன்னதாக சீன சந்தையில் அறிமுகம் செய்யப்பட்ட ஒப்போ நிறுவனத்தின் ஃபிளாக்ஷிப் ஸ்மார்ட்போன் சீரிசில், ஒப்போ ரெனோ 10, ரெனோ 10 ப்ரோ மற்றும் ரெனோ 10 ப்ரோ பிளஸ் மாடல்கள் இடம்பெற்று இருந்தன.

இந்திய சந்தையில் ஒப்போ ரெனோ 10 சீரிஸ் ஸ்மார்ட்போன்கள் ப்ளிப்கார்ட் வலைதளத்தில் விற்பனை செய்யப்பட உள்ளன. இதில் ஒப்போ ரெனோ 10 ப்ரோ பிளஸ் ஸ்மார்ட்போனில் ஆக்டா கோர் குவால்காம் ஸ்னாப்டிராகன் 8 பிளஸ் ஜென் 1 பிராசஸர் வழங்கப்படும் என்று டீசரில் தெரிவிக்கப்பட்டு உள்ளது. புதிய ஸ்மார்ட்போன் சீரிஸ் வெளியீடு விரைவில் நடைபெற இருக்கும் நிலையில், இதன் விலை விவரங்கள் வெளியாகி உள்ளது.

பிரபல டிப்ஸ்டரான அபிஷேக் யாதவ் ஒப்போ ரெனோ 10 சீரிஸ் ஸ்மார்ட்போனின் விலை விவரங்களை வெளியிட்டுள்ளார். அதன்படி ஒப்போ ரெனோ 10 5ஜி மாடல் விலை ரூ. 30 ஆயிரம் பட்ஜெட்டில் துவங்கும் என்றும், ரெனோ 10 ப்ரோ விலை ரூ. 40 ஆயிரம் பட்ஜெட்டில் நிர்ணயம் செய்யப்படும் என்றும் ரெனோ 10 ப்ரோ பிளஸ் விலை ரூ. 50 ஆயிரத்தில் துவங்கும் என்று கூறப்படுகிறது.

ப்ளிப்கார்ட் மற்றும் ஒப்போ நிறுவன வலைதளங்களில் புதிய ஒப்போ ரெனோ 10 சீரிஸ் ஸ்மார்ட்போன்களின் வெளியீட்டை ஒட்டி மைக்ரோசைட் உருவாக்கப்பட்டு இருக்கிறது. இந்த வலைதளத்தில் புதிய ஸ்மார்ட்போன்கள் வெளியீட்டு தேதி அப்டேட் செய்யப்படவில்லை. எனினும், இவை ஜூலை மாத வாக்கில் அறிமுகம் செய்யப்படலாம் என்று எதிர்பார்க்கப்படுகிறது.

ஒப்போ ரெனோ 10 ப்ரோ பிளஸ் இந்திய வேரியன்டில் 64MP டெலிபோட்டோ போர்டிரெயிட் கேமரா, OIS, 50MP சோனி IMX890 சென்சார், OIS, 8MP சோனி IMX355 வைடு ஆங்கில் கேமரா, 32MP செல்ஃபி கேமரா வழங்கப்படுகிறது. மற்ற மாடல்களிலும் 32MP செல்ஃபி கேமரா வழங்கப்படுகிறது.

நத்திங் நிறுவனத்தின் முற்றிலும் புதிய போன் 2 மாடல் முன்பதிவு இந்தியாவில் துவங்கி நடைபெற்று வருகிறது. புதிய நத்திங் போன் 2 முன்பதிவுகளை ஊக்குவிக்கும் நோக்கில், நத்திங் நிறுவனம் வாடிக்கையாளர்களுக்கு அசத்தல் சலுகைகளை அறிவித்து இருக்கிறது.

முன்பதிவு செய்வது எப்படி?

- நத்திங் போன் 2 முன்பதிவு ப்ளிப்கார்ட் வலைதளத்தில் நடைபெற இருக்கிறது.

- விருப்பமுள்ள வாடிக்கையாளர்கள் ரூ. 2 ஆயிரம் செலுத்தி நத்திங் போன் 2 மாடலை முன்பதிவு செய்து கொள்ளலாம்.

- முன்பதிவு செய்தவர்கள், ஜூலை 11-ம் தேதி ஸ்மார்ட்போன் வெளியீட்டை தொடர்ந்து அதன் ரேம் மற்றும் ஸ்டோரேஜ் வேரியன்டை உறுதிப்படுத்தி, அதற்கான கட்டணத்தை செலுத்த வேண்டும்.

- முன்பதிவு செய்த வாடிக்கையாளர்கள் ஜூலை 20-ம் தேதி நள்ளிரவு 11.59 மணி வரை ஸ்மார்ட்போனிற்கான கட்டணத்தை செலுத்துவதற்கு கால அவகாசம் வழங்கப்படுகிறது.

- நத்திங் போன் 2 மாடலுக்கான முன்பதிவு கட்டணம் ரூ. 2 ஆயிரத்தை வாடிக்கையாளர்கள் மனம் மாறினால் திரும்ப பெற்றுக் கொள்ள முடியும்.

அறிமுக சலுகை விவரங்கள்:

- நத்திங் போன் 2 மாடலை முன்பதிவு செய்வோருக்கு குறிப்பிட்ட வங்கிகள் மூலம் உடனடி தள்ளுபடி வழங்கப்படுகிறது.

- நத்திங் போன் 2 முன்பதிவு செய்வோர் ரூ. 1,299 மதிப்புள்ள போன் 2 மாடலுக்கான அதிகாரப்பூர்வ பேக் கேஸ்-ஐ வெறும் ரூ. 499-க்கு வாங்கிட முடியும்.

- ரூ. 999 மதிப்புள்ள நத்திங் போன் 2 மாடலுக்கான ஸ்கிரீன் ப்ரோடெக்டரை ரூ. 399 விலையில் வாங்கிட முடியும்.

- ரூ. 8 ஆயிரத்து 499 மதிப்புள்ள நத்திங் இயர் ஸ்டிக் மாடலை ரூ. 4 ஆயிரத்து 250 விலையில் வாங்கிடலாம்.

- ரூ. 2 ஆயிரத்து 499 மதிப்புள்ள நத்திங் பவர் சாதனத்தை ரூ. 1,499 விலையில் வாங்கிட முடியும்.

வெளியீடு மற்றும் இதர விவரங்கள்:

இந்தியா மற்றும் சர்வதேச சந்தையில் நத்திங் போன் 2 ஸ்மார்ட்போன் ஜூலை 11-ம் தேதி அறிமுகம் செய்யப்படுகிறது. புதிய நத்திங் போன் 2 மாடலில் குவால்காம் நிறுவனத்தின் ஸ்னாப்டிராகன் 8 பிளஸ் ஜென் 1 பிராசஸர் வழங்கப்படுகிறது. இத்துடன் 4700 எம்ஏஹெச் பேட்டரி வழங்குவதாக நத்திங் ஏற்கனவே அறிவித்துவிட்டது.

இதுவரை வெளியாகி இருக்கும் தகவல்களின் படி நத்திங் போன் 2 மாடலில் நத்திங் ஒஎஸ் 2.0, 6.7 இன்ச் டிஸ்ப்ளே, FHD+ ரெசல்யூஷன், 120Hz ரிப்ரெஷ் ரேட், 50MP பிரைமரி கேமரா, 16MP செல்ஃபி கேமரா வழங்கப்படும் என்று கூறப்படுகிறது. இந்தியாவில் இந்த ஸ்மார்ட்போனின் விலை ரூ. 40 ஆயிரம் பட்ஜெட்டில் நிர்ணயம் செய்யப்படும் என்று தெரிகிறது. 

ரெட்மி நோட் 12R ஸ்மார்ட்போன் சீன சந்தையில் அறிமுகம் செய்யப்பட்டு இருக்கிறது. இது ஸ்னாப்டிராகன் 4 ஜென் 2 பிராசஸர் கொண்ட உலகின் முதல் ஸ்மார்ட்போன் ஆகும். இதில் 6.79 இன்ச் ஃபுல் HD+ 2400x1080 பிக்சல் IPS LCD ஸ்கிரீன், 120Hz ரிப்ரெஷ் ரேட் வழங்கப்பட்டு இருக்கிறது.

டூயல் சிம் ஸ்லாட் கொண்டிருக்கும் ரெட்மி நோட் 12R ஆண்ட்ராய்டு 13 சார்ந்த MIUI 14 ஒஎஸ் கொண்டிருக்கிறது. இத்துடன் 8 ஜிபி ரேம், அதிகபட்சம் 256 ஜிபி மெமரி, மெமரியை கூடுதலாக நீட்டிக்கும் வசதி வழங்கப்பட்டு உள்ளது.

புகைப்படங்களை எடுக்க 50MP பிரைமரி கேமரா, 2MP சென்சார், மேக்ரோ லென்ஸ் மற்றும் 8MP செல்ஃபி கேமரா வழங்கப்பட்டு இருக்கிறது. 5000 எம்ஏஹெச் பேட்டரி மூலம் சக்தியூட்டப்படும் ரெட்மி நோட் 12R ஸ்மார்ட்போன் 18 வாட் ஃபாஸ்ட் சார்ஜிங் வசதி கொண்டிருக்கிறது.

ரெட்மி நோட் 12R அம்சங்கள்:

6.79 இன்ச் ஃபுல் HD+ 2400x1080 பிக்சல் IPS LCD ஸ்கிரீன், 120Hz ரிப்ரெஷ் ரேட்

ஸ்னாப்டிராகன் 4 ஜென் 2 பிராசஸர்

ஆண்ட்ராய்டு 13 சார்ந்த MIUI 14 ஒஎஸ்

8 ஜிபி ரேம்

அதிகபட்சம் 256 ஜிபி மெமரி

மெமரியை கூடுதலாக நீட்டிக்கும் வசதி

50MP பிரைமரி கேமரா

2MP சென்சார், மேக்ரோ லென்ஸ்

8MP செல்ஃபி கேமரா

பக்கவாட்டில் கைரேகை சென்சார்

ஃபேஸ் அன்லாக் வசதி

IP53 வாட்டர் மற்றும் டஸ்ட் ரெசிஸ்டன்ட்

5000 எம்ஏஹெச் பேட்டரி

18 வாட் ஃபாஸ்ட் சார்ஜிங் வசதி

ரெட்மி நோட் 12R ஸ்மார்ட்போன் மிட்நைட் பிளாக், ஸ்கை ஃபேன்டசி மற்றும் டைம் புளூ என மூன்று நிறங்களில் கிடைக்கிறது. சீன சந்தையில் இதன் விலை இந்திய மதிப்பில் ரூ. 11 ஆயிரத்து 300 என்று துவங்குகிறது.

சியோமி நிறுவனம் விரைவில் தனது ரெட்மி 12 ஸ்மார்ட்போனினை இந்திய சந்தையில் அறிமுகம் செய்யும் என்று தகவல் வெளியாகி உள்ளது. பட்ஜெட் பிரிவில் நிலை நிறுத்தப்படும் ரெட்மி 12 ஸ்மார்ட்போன் அதிகபட்சம் 8 ஜிபி ரேம் கொண்டிருக்கும் என்று தெரிகிறது. சமீபத்தில் தான் இதே ஸ்மார்ட்போன் தாய்லாந்தில் அறிமுகம் செய்யப்பட்டது.

இதன் இந்திய வெளியீடு பற்றி இதுவரை எவ்வித தகவலும் வழங்கப்படவில்லை. ஆனால், புதிய ரெட்மி 12 ஸ்மார்ட்போன் விரைவில் இந்தியாவில் அறிமுகமாகும் என்று தெரிகிறது. இதுபற்றிய விவரங்கள் MIUI சர்வெரில் இடம்பெற்று இருக்கிறது. இந்த ஒஎஸ் இந்திய பயனர்களுக்கென பிரத்யேகமாக உருவாக்கப்பட்டு இருக்கிறது.

புதிய ரெட்மி 12 ஸ்மார்ட்போன் ஜூலை மாதத்தின் முதல் வாரத்திலேயே அறிமுகம் செய்யப்பட அதிக வாய்ப்புகள் இருப்பதாக கூறப்படுகிறது. அம்சங்களை பொருத்தவரை ரெட்மி 12 மாடலில் 6.79 இன்ச் FHD+ டிஸ்ப்ளே, 90Hz ரிப்ரெஷ் ரேட், 1080x2400 பிக்சல் ரெசல்யூஷன், பன்ச் ஹோல் கட்-அவுட், மீடியாடெக் ஹீலியோ ஜி88 பிராசஸர், மாலி G52 EEMC2 GPU வழங்கப்படுகிறது.

இத்துடன் 4 ஜிபி, 8 ஜிபி LPDDR4X ரேம், 128 ஜிபி, 256 ஜிபி மெமரி, மெமரியை கூடுதலாக நீட்டிக்கும் வசதி வழங்கப்படுகிறது. புகைப்படங்களை எடுக்க 50MP பிரைமரி கேமரா, 8MP அல்ட்ரா வைடு கேமரா, 2MP மேக்ரோ சென்சார், 8MP செல்ஃபி கேமரா வழங்கப்படுகிறது. மேலும் 5000 எம்ஏஹெச் பேட்டரி, 18 வாட் ஃபாஸ்ட் சார்ஜிங் வசதி உள்ளது.

இந்திய சந்தையில் புதிய ரெட்மி 12 ஸ்மார்ட்போனின் 8 ஜிபி ரேம், 128 ஜிபி மெமரி மாடல் விலை ரூ. 10 ஆயிரம் பட்ஜெட்டில் நிர்ணயம் செய்யப்படும் என்று தெரிகிறது. புதிய ஸ்மார்ட்போன் பற்றிய தகவல்கள் விரைவில் அறிவிக்கப்படும் என்று எதிர்பார்க்கலாம்.

ரியல்மி நிறுவனம் பல்வேறு டீசர்களை தொடர்ந்து ரியல்மி நார்சோ 60 சீரிஸ் 5ஜி மாடல்களின் வெளியீட்டு தேதியை உறுதிப்படுத்தி இருக்கிறது. அதன்படி ஜூலை 6-ம் தேதி நார்சோ 60 5ஜி மற்றும் நார்சோ 60 ப்ரோ 5ஜி மாடல்கள் இந்திய சந்தையில் அறிமுகம் செய்யப்பட உள்ளன. டீசர்களில் புதிய ஸ்மார்ட்போனின் பின்புற பேனல் எப்படி காட்சியளிக்கும் என்பது தெரியவந்துள்ளது.

அதன்படி புதிய நார்சோ 60 சீரிஸ் 5ஜி மாடல்களின் பின்புற தோற்றம் ரியல்மி 11 ப்ரோ சீரிசில் உள்ளதை போன்றே காட்சியளிக்கிறது. புதிய நார்சோ ஸ்மார்ட்போன்களிலும் மேட்ரிக்ஸ் கேமரா செட்டப் உள்ளது. டீசர்களில் இந்த ஸ்மார்ட்போன் 100MP பிரைமரி கேமரா, இரண்டாவது லென்ஸ் கொண்டிருக்கும் என்று தெரியவந்துள்ளது. இத்துடன் பின்புறம் வேகன் லெதர் ஃபினிஷ் செய்யப்பட்டு உள்ளது. பேக் பேனல் மார்ஷியன் ஆரஞ்சு நிறம் கொண்டிருக்கிறது.

ஏற்கனவே வெளியான டீசர்களில் இந்த ஸ்மார்ட்போன் 61 டிகிரி வளைந்த டிஸ்ப்ளே, மத்தியில் பன்ச் ஹோல் கொண்டிருக்கும் என்று உறுதிப்படுத்தப்பட்டு இருந்தது. இத்துடன் அதிகபட்சம் 1 டிபி வரையிலான ஸ்டோரேஜ் வழங்கப்படுகிறது. இதுதவிர ரியல்மி நார்சோ 60 5ஜி மாடல் விவரங்கள் இணையத்தில் லீக் ஆகி இருந்தது.

அதில் புதிய நார்சோ 60 5ஜி ஸ்மார்ட்போன் RMX3750 எனும் மாடல் நம்பர் கொண்டிருப்பதும், மீடியாடெக் டிமென்சிட்டி 6020 பிராசஸர், 8 ஜிபி வரையிலான ரேம் மற்றும் ஆண்ட்ராய்டு 13 ஒஎஸ் வழங்கப்படும் என்றும் குறிப்பிடப்பட்டு இருந்தது.

மற்ற நார்சோ போன்களை போன்றே நார்சோ 60 சீரிஸ் 5ஜி மாடலும் அமேசான் வலைதளத்தில் விற்பனை செய்யப்பட உள்ளது. ஆன்லைன் மட்டுமின்றி இந்த ஸ்மார்ட்போன்கள் ஆஃப்லைன் ஸ்டோர்களிலும் விற்பனைக்கு கிடைக்கும். இதுபற்றிய கூடுதல் தகவல்கள் வரும் நாட்களில் அறிவிக்கப்படும் என்று எதிர்பார்க்கலாம்.

சியோமி நிறுவனம் கடந்த மாதம் ரெட்மி A2 சீரிஸ் ஸ்மார்ட்போன்களை இந்திய சந்தையில் அறிமுகம் செய்தது. புதிய ரெட்மி A2 மற்றும் A2 பிளஸ் ஸ்மார்ட்போன்களின் 2 ஜிபி ரேம், 64 ஜிபி மெமரி மாடல் தற்போது இந்தியாவில் அறிமுகம் செய்யப்பட்டு உள்ளது. இவற்றின் விலை முறையே ரூ. 6 ஆயிரத்து 799 மற்றும் ரூ. 8 ஆயிரத்து 499 என்று நிர்ணயம் செய்யப்பட்டு உள்ளது.

ரெட்மி A2 மற்றும் A2 பிளஸ் மாடல்களில் 6.52 இன்ச் IPS LCD டிஸ்ப்ளே, HD+ 1600x720 பிக்சல் ரெசல்யூஷன், 60Hz ரிப்ரெஷ் ரேட் வழங்கப்பட்டு இருக்கிறது. இரு மாடல்களிலும் மீடியாடெக் ஹீலியோ G36 பிராசஸர், 4 ஜிபி ரேம், 64 ஜிபி மெமரி, மெமரியை கூடுதலாக நீட்டிக்கும் வசதி, பிரத்யேக மைக்ரோ எஸ்டி கார்டு ஸ்லாட் வழங்கப்பட்டு உள்ளது.

புகைப்படங்களை எடுக்க 8MP பிரைமரி கேமரா, QCGA லென்ஸ், 5MP செல்ஃபி கேமரா உள்ளது. இரு மாடல்களிலும் 5000 எம்ஏஹெச் பேட்டரி வழங்கப்பட்டு உள்ளது. இத்துடன் 10 வாட் சார்ஜிங் வழங்கப்பட்டு இருக்கிறது. இந்த ஸ்மார்ட்போன்களில் மைக்ரோ யுஎஸ்பி போர்ட், 3.5mm ஹெட்போன் ஜாக், 3 ஜிபி வரை விர்ச்சுவல் ரேம் வசதி, ஆண்ட்ராய்டு 13 ஒஎஸ் வழங்கப்பட்டு இருக்கிறது.

ரெட்மி A2 சீரிஸ் மாடல்கள் சீ கிரீன், அக்வா புளூ மற்றும் கிளாசிக் பிளாக் நிறங்களில் கிடைக்கிறது. இவற்றில் ஸ்கிராட்ச் ரெசிஸ்டன்ட் டிஸ்ப்ளே, ஸ்பிலாஷ் ரெசிஸ்டன்ட் பாடி உள்ளது.

ஒன்பிளஸ் நிறுவனம் தனது நார்டு 3 5ஜி ஸ்மார்ட்போன் இந்தியா மற்றும் சர்வதேச சந்தையில் ஜூலை 5-ம் தேதி அறிமுகம் செய்யப்படும் என்று அறிவித்து இருக்கிறது. இதே நிகழ்வில் ஒன்பிளஸ் நார்டு CE3 5ஜி, ஒன்பிளஸ் நார்டு பட்ஸ் 2R மற்றும் புல்லட்ஸ் Z2 ANC இயர்பட்ஸ் உள்ளிட்ட சாதனங்களையும் அறிமுகம் செய்வதாக ஒன்பிளஸ் அறிவித்து இருக்கிறது.

ஒன்பிளஸ் நார்டு 3 5ஜி மற்றும் நார்டு பட்ஸ் 2R மாடல்கள் அமேசான் தளத்தில் விற்பனை செய்யப்படும் என்று ஏற்கனவே அறிவிக்கப்பட்டு விட்டது. ஒன்பிளஸ் நார்டு 3 5ஜி மற்றும் நார்டு CE 3 5ஜி ஸ்மார்ட்போன்கள் கடந்த ஆண்டு அறிமுகம் செய்யப்பட்ட நார்டு 2 மற்றும் நார்டு CE 2 ஸ்மார்ட்போன்களின் மேம்பட்ட வெர்ஷன் ஆகும்.

புதிய சாதனங்களுக்கென ஒன்பிளஸ் நிறுவனம் பிர்தயேகமாக மைக்ரோசைட் ஒன்றை உருவாக்கி இருக்கிறது. இதில் சாதனங்கள் எப்படி காட்சியளிக்கும் என்று தெரியவந்துள்ளது. ஒன்பிளஸ் நார்டு 3 5ஜி மற்றும் நார்டு CE 3 5ஜி மாடலின் பின்புறம் இரண்டு ரிங்குகள் உள்ளன. இவற்றில் மூன்று கேமரா சென்சார்கள் வழங்கப்பட்டு உள்ளன. இத்துடன் அலர்ட் ஸ்லைடர் காணப்படுகிறது.

நார்டு CE 3 5ஜி மாடலின் மேல்புறம் ஐ.ஆர். பிலாஸ்டர் உள்ளது. நார்டு 3 5ஜி மாடல் டெம்பஸ்ட் கிரே மற்றும் மிஸ்டி கிரீன் நிறங்களில் கிடைக்கும் என்று தெரியவந்துள்ளது. நார்டு CE 3 5ஜி மாடல் அக்வா சர்ஜ் நிறத்தில் கிடைக்கும். ஒன்பிளஸ் நார்டு பட்ஸ் 2R மாடல் டீப் கிரே மற்றும் டிரிபில் புளூ நிறங்களில் கிடைக்கிறது.

நார்டு பட்ஸ் 2 இயர்போன் அதன் முந்தைய மாடலை போன்ற டிசைன் கொண்டிருக்கிறது. ஒன்பிளஸ் புல்லட்ஸ் வயர்லெஸ் Z2 ANC மாடல் பற்றி ஒன்பிளஸ் சார்பில் இதுவரை எவ்வித தகவலும் வெளியிடப்படவில்லை. பெயருக்கு ஏற்றார்போல் இந்த இயர்பட்ஸ் ஆக்டிவ் நாய்ஸ் கேன்சலேஷன் வசதி கொண்டிருக்கும் என்று எதிர்பார்க்கலாம்.

ஹெச்எம்டி குளோபல் நிறுவனம் இந்திய சந்தையில் தனது என்ட்ரி லெவல் நோக்கியா C12 ப்ரோ ஸ்மார்ட்போனின் புதிய நிற வேரியண்டை அறிமுகம் செய்தது. முன்னதாக இதற்கான டீசர் மட்டும் வெளியான நிலையில், தற்போது ஸ்மார்ட்போனின் விலை அதிகாரப்பூர்வமாக அறிவிக்கப்பட்டு உள்ளது.

அம்சங்களை பொருத்தவரை நோக்கியா C12 ப்ரோ மாடலில் 6.3 இன்ச் எல்சிடி டிஸ்ப்ளே, 1600x720 பிக்சல் ரெசல்யூஷன், யுனிசாக் SC9863A1 பிராசஸர், ஆண்ட்ராய்டு 12 கோ எடிஷன் ஒஎஸ் வழங்கப்பட்டு இருக்கிறது. இத்துடன் 4000 எம்ஏஹெச் பேட்டரி மூலம் சக்தியூட்டப்படுகிறது.

நோக்கியா C12 ப்ரோ அம்சங்கள்:

6.3 இன்ச் எல்சிடி டிஸ்ப்ளே, 1600x720 பிக்சல் ரெசல்யூஷன்

யுனிசாக் SC9863A1 பிராசஸர்

2 ஜிபி, 3 ஜிபி, 4 ஜிபி ரேம்

2 ஜிபி விர்ச்சுவல் ரேம்

64 ஜிபி மெமரி

ஆண்ட்ராய்டு 12 கோ எடிஷன் ஒஎஸ்

8MP பிரைமரி கேமரா

5MP செல்ஃபி கேமரா

வைபை, ப்ளூடூத்

எப்எம் ரேடியோ

ஃபேஸ் அன்லாக்

3.5mm ஹெட்போன் ஜாக்

மைக்ரோ யுஎஸ்பி போர்ட்

4000 எம்ஏஹெச் பேட்டரி

விலை மற்றும் விற்பனை விவரங்கள்:

புதிய நோக்கியா C12 ப்ரோ மாடலின் 2 ஜிபி ரேம், 64 ஜிபி மெமரி மாடல் விலை ரூ. 6 ஆயிரத்து 999 என்றும், 3 ஜிபி மற்றும் 4 ஜிபி மெமரி மாடல்கள் விலை ரூ. 7 ஆயிரத்து 499 என்று நிர்ணயம் செய்யப்பட்டு உள்ளது. விற்பனை விரைவில் துவங்க இருக்கிறது.