மொபைல்ஸ்

ரியல்மி நிறுவனம் இந்திய சந்தையில் தனது புதிய P1 சீரிஸ் ஸ்மார்ட்போன்களை அறிமுகம் செய்தது. ரியல்மி P1 மற்றும் ரியல்மி P1 ப்ரோ என இரு மாடல்கள் இதில் இடம்பெற்றுள்ளது. புதிய ரியல்மி P1 சீரிஸ் மாடல்களில் ஸ்பார்க்லிங் ஃபீனிக்ஸ் டிசைன் வழங்கப்பட்டு இருக்கிறது.

இதன் பேஸ் வேரியண்டில் மீடியாடெக் டிமென்சிட்டி 7050 பிராசஸர், P1 ப்ரோ 5ஜி மாடலில் குவால்காம் ஸ்னாப்டிராகன் 6 ஜென் 1 பிராசஸர் வழங்கப்பட்டுள்ளது. இரு மாடல்களும் 5000 எம்.ஏ.ஹெச். பேட்டரி மூலம் சக்தியூட்டப்படுகின்றன. இத்துடன் 45 வாட் ஃபாஸ்ட் சார்ஜிங் வசதி உள்ளது.

இரு ஸ்மார்ட்போன்களுடன் ரியல்மி நிறுவனம் தனது ரியல்மி மேட் 2 வைபை மற்றும் ரியல்மி பட்ஸ் T110 மாடல்களையும் அறிமுகம் செய்தது.

ரியல்மி P1 அம்சங்கள்:

ரியல்மி P1 5ஜி மாடலில் 6.67 இன்ச் Full HD+ 2400x1080 பிக்சல் AMOLED டிஸ்ப்ளே, 120Hz ரிப்ரெஷ் ரேட், அதிகபட்சம் 2000 நிட்ஸ் பீக் பிரைட்னஸ் உள்ளது. இதில் உள்ள ரெயின்வாட்டர் டச் அம்சம், ஸ்மார்ட்போன் மழையில் ஈரமானாலும் டச் ஸ்கிரீனை பயன்படுத்த வழி செய்கிறது.

இந்த ஸ்மார்ட்போன் மீடியாடெக் டிமென்சிட்டி 7050 பிராசஸர், அதிகபட்சம் 8 ஜி.பி. ரேம், 256 ஜி.பி. மெமரி கொண்டிருக்கிறது. இத்துடன் ஆண்ட்ராய்டு 14 சார்ந்த ரியல்மி யு.ஐ. 5.0 ஒ.எஸ். வழங்கப்பட்டுள்ளது. இந்த ஸ்மார்ட்போனிற்கு இரண்டு ஆண்ட்ராய்டு அப்டேட்கள் வழங்கப்படும் என்று ரியல்மி தெரிவித்துள்ளது.

புகைப்படங்களை எடுக்க 50MP பிரைமரி கேமரா, 2MP டெப்த் சென்சார், 16MP செல்ஃபி கேமரா வழங்கப்பட்டு இருக்கிறது. 5000 எம்.ஏ.ஹெச். பேட்டரி மூலம் சக்தியூட்டப்படும் ரியல்மி P1 5ஜி மாடலில் 45 வாட் சூப்பர்வூக் சார்ஜிங் வசதி உள்ளது. இத்துடன் IP54 தர வாட்டர், டஸ்ட் ரெசிஸ்டண்ட் வசதி உள்ளது.

ரியல்மி P1 ப்ரோ 5ஜி மாடலில் ஒ.எஸ்., பேட்டரி, சார்ஜிங், செல்ஃபி கேமரா உள்ளிட்டவை P1 5ஜி மாடலில் உள்ளதை போன்றே வழங்கப்பட்டு இருக்கிறது. இவைதவிர ரியல்மி P1 ப்ரோ 5ஜி மாடலில் குவால்காம் ஸ்னாப்டிராகன் 6 ஜென் 1 பிராசஸர், அதிகபட்சம் 8 ஜி.பி. ரேம், 256 ஜி.பி. மெமரி வழங்கப்பட்டு இருக்கிறது.

இத்துடன் 6.7 இன்ச் Full HD+ கர்வ்டு OLED டிஸ்ப்ளே, 120Hz ரிப்ரெஷ் ரேட், 950 நிட்ஸ் பீக் பிரைட்னஸ் உள்ளது. புகைப்படங்களை எடுக்க 50MP கேமரா, OIS, 8MP அல்ட்ரா வைடு ஆங்கில் லென்ஸ், 16MP செல்ஃபி கேமரா வழங்கப்படுகிறது.

விலை விவரங்கள்:

ரியல்மி P1 5ஜி ஸ்மார்ட்போனின் பேஸ் வேரியண்ட் விலை ரூ. 14 ஆயிரத்து 999 என்றும் 8 ஜி.பி. ரேம், 256 ஜி.பி. மெமரி மாடல் விலை ரூ. 16 ஆயிரத்து 999 என்றும் நிர்ணயம் செய்யப்பட்டு உள்ளது. இந்த ஸ்மார்ட்போன் பீகாக் கிரீன் மற்றும் ஃபீனிக்ஸ் ரெட் நிறங்களில் கிடைக்கிறது.

ரியல்மி P1 ப்ரோ 5ஜி மாடலின் 8 ஜி.பி. ரேம், 128 ஜி.பி. மெமரி மாடல் விலை ரூ. 19 ஆயிரத்து 999 என்றும் 8 ஜி.பி. ரேம், 256 ஜி.பி. மெமரி மாடல் விலை ரூ. 20 ஆயிரத்து 999 என்றும் நிர்ணயம் செய்யப்பட்டு உள்ளது. இந்த ஸ்மார்ட்போன் பேரட் புளூ, ஃபீனிக்ஸ் ரெட் நிறங்களில் கிடைக்கிறது.

ரியல்மி நிறுவனத்தின் நார்சோ 70 ப்ரோ ஸ்மார்ட்போன் சமீபத்தில் இரண்டு வேரியண்ட்களில் அறிமுகம் செய்யப்பட்டது. தற்போது இந்த இரண்டு வேரியண்ட்களுக்கும் சிறப்பு சலுகைகள் அறிவிக்கப்பட்டு உள்ளன. வங்கி சலுகைகள் சேர்த்து புதிய நார்சோ ஸ்மார்ட்போனினை ரூ. 3 ஆயிரம் வரை குறைந்த விலையில் வாங்கிட முடியும்.

சமீபத்தில் ரியல்மி நார்சோ 70 ப்ரோ 5ஜி ஸ்மார்ட்போனின் 8 ஜி.பி. ரேம், 128 ஜி.பி. மெமரி மற்றும் 8 ஜி.பி. ரேம், 256 ஜி.பி. மெமரி மாடல்கள் முறையே ரூ. 19 ஆயிரத்து 999 மற்றும் ரூ. 21 ஆயிரத்து 999 என்ற விலையில் விற்பனை செய்யப்படுகின்றன.

தற்போதைய அறிவிப்பின் படி நார்சோ 70 ப்ரோ 5ஜி ஸ்மார்ட்போனின் பேஸ் வேரியண்டை பயனர்கள் ரூ. 17 ஆயிரத்து 999 விலையிலும், டாப் எண்ட் வேரியண்டை ரூ. 18 ஆயிரத்து 999 விலையிலும் வாங்கிட முடியும்.

அந்த வகையில் இரு மாடல்களுக்கும் முறையே ரூ. 2 ஆயிரம் மற்றும் ரூ. 3 ஆயிரம் வரை தள்ளுபடி வழங்கப்படுகிறது.

ரியல்மி நார்சோ 70 ப்ரோ 5ஜி ஸ்மார்ட்போனினை பயனர்கள் அமேசான் மற்றும் ரியல்மி இந்தியா வலைதளம் சென்று புதிய விலையில் வாங்கிட முடியும்.

மோட்டோரோலா நிறுவனத்தின் முற்றிலும் புதிய மோட்டோரோலா எட்ஜ் 50 ப்ரோ ஸ்மார்ட்போன் இந்திய சந்தையில் விற்பனைக்கு கிடைக்கிறது. புதிய எட்ஜ் 50 ப்ரோ ஸ்மார்ட்போன் மோட்டோ ஆன்லைன் ஸ்டோர், ப்ளிப்கார்ட் மற்றும் சில்லறை விற்பனை மையங்களில் விற்பனை செய்யப்படுகிறது.

அம்சங்களை பொருத்தவரை மோட்டோரோலா எட்ஜ் 50 ப்ரோ ஸ்மார்ட்போனில் 6.7 இன்ச் 1.5K pOLED கர்வ்டு டிஸ்ப்ளே, 144Hz ரிப்ரெஷ் ரேட், HDR 10+ சப்போர்ட், குவால்காம் ஸ்னாப்டிராகன் 7 ஜென் 3 பிராசஸர், அதிகபட்சம் 12 ஜி.பி. ரேம், 256 ஜி.பி. மெமரி வழங்கப்பட்டு இருக்கிறது.

புகைப்படங்களை எடுக்க 50MP பிரைமரி கேமரா, OIS, 13MP அல்ட்ரா வைடு ஆங்கில் லென்ஸ், 10MP டெலிபோட்டோ கேமரா, OIS, 50MP செல்ஃபி கேமரா, குவாட் பிக்சல் தொழில்நுட்பம் வழங்கப்பட்டு இருக்கிறது. இத்துடன் IP68 தர டஸ்ட் மற்றும் ஸ்பிலாஷ் ரெசிஸ்டண்ட் வசதி உள்ளது.

புதிய மோட்டோரோலா எட்ஜ் 50 ப்ரோ ஸ்மார்ட்போன் 4500 எம்.ஏ.ஹெச். பேட்டரி மூலம் சக்தியூட்டப்படுகிறது. இத்துடன் 125 வாட் வயர்டு மற்றும் 50 வாட் வயர்லெஸ் டர்போ சார்ஜிங் வசதி வழங்கப்பட்டு இருக்கிறது.

விலை விவரங்கள்:

மோட்டோரோலா எட்ஜ் 50 ப்ரோ ஸ்மார்ட்போனின் 8 ஜி.பி. ரேம், 256 ஜி.பி. மெமரி மாடல் (68 வாட் சார்ஜர்) விலை ரூ. 31 ஆயிரத்து 999 என்று நிர்ணயம் செய்யப்பட்டு உள்ளது. இந்த ஸ்மார்ட்போனின் 12 ஜி.பி. ரேம், 256 ஜி.பி. மெமரி மாடல் விலை ரூ. 35 ஆயிரத்து 999 என்று நிர்ணயம் செய்யப்பட்டுள்ளது.

அறிமுக சலுகையாக இந்த ஸ்மார்ட்போனின் பேஸ் வேரியண்ட் ரூ. 27 ஆயிரத்து 999 விலையிலும் 12 ஜி.பி. ரேம் (125 வாட் சார்ஜர்) மாடல் ரூ. 31 ஆயிரத்து 999 விலையிலும் விற்பனை செய்யப்படுகிறது. மோட்டோரோலா எட்ஜ் 50 ப்ரோ ஸ்மார்ட்போன் பிளாக் பியூட்டி, லூக்ஸ் லாவெண்டர் மற்றும் மூன்லைட் பியல் நிறங்களில் கிடைக்கிறது.

புதிய மோட்டோரோலா எட்ஜ் 50 ப்ரோ ஸ்மார்ட்போனை வாங்குவோர் தங்களது பழைய ஸ்மார்ட்போனை எக்சேன்ஜ் செய்யும் போது ரூ. 2 ஆயிரம் தள்ளுபடி வழங்கப்படுகிறது. இத்துடன் ஹெச்.டி.எஃப்.சி. வங்கி கார்டு மற்றும் மாத தவணை முறையை பயன்படுத்தும் போது ரூ. 2 ஆயிரத்து 250 வரை தள்ளுபடி வழங்கப்படுகிறது.

சாம்சங் நிறுவனத்தின் கேலக்ஸி M15 5ஜி ஸ்மார்ட்போன் ஏப்ரல் 8 ஆம் தேதி அறிமுகம் செய்யப்பட இருக்கிறது. இந்த ஸ்மார்ட்போன் கேலக்ஸி M55 5ஜி மாடலுடன் அறிமுகமாக இருக்கிறது. இந்த நிலையில், கேலக்ஸி M15 5ஜி ஸ்மா்ட்போனிற்கான முன்பதிவு துவங்கி நடைபெற்று வருகிறது. இந்த ஸ்மார்ட்போனை முன்பதிவு செய்வோருக்கு சிறப்பு பலன்கள் அறிவிக்கப்பட்டு உள்ளன.

கேலக்ஸி M15 5ஜி மாடலை வாங்க விரும்புவோர் அமேசான் இந்தியா வலைதளத்தில் இதனை முன்பதிவு செய்யலாம். இந்த ஸ்மார்ட்போன் 4 ஜி.பி. ரேம், 128 ஜி.பி. மெமரி மற்றும் 6 ஜி.பி. ரேம், 128 ஜி.பி. மெமரி என இரண்டு வெர்ஷன்களிலும், செலஸ்டியல் புளூ, புளூ டோபேஸ் மற்றும் ஸ்டோன் கிரே என மூன்றுவித நிறங்களிலும் கிடைக்கிறது.

முன்பதிவு செய்வோர் மெமரி மற்றும் நிற வேரியண்டை தேர்வு செய்த பின் முன்பதிவு கட்டணத்தை செலுத்த வேண்டும். பிறகு, ஏப்ரல் 8 ஆம் தேதி மதியம் 12 மணியில் இருந்து நள்ளிரவு 11.59 மணிக்குள் ஸ்மார்ட்போனை வாங்கிடலாம். இந்த ஸ்மார்ட்போனை வாங்க முன்பதிவு செய்வோர் ரூ. 1699 மதிப்புள்ள சாம்சங் 25 வாட் சார்ஜரை ரூ. 299-க்கு வாங்கிட முடியும்.

இத்துடன் ஹெச்.டி.எஃப்.சி. கிரெடிட் கார்டு பயன்படுத்தும் போது மூன்று மாதங்களுக்கு வட்டியில்லா மாத தவணை முறை வசதி வழங்கப்படுகிறது.

இந்திய சந்தையில் சாம்சங் கேலக்ஸி M15 5ஜி ஸ்மார்ட்போன் ஏப்ரல் 8 ஆம் தேதி அறிமுகம் செய்யப்பட இருக்கிறது. இந்த ஸ்மார்ட்போனின் பேஸ் மாடல் விலை ரூ. 13 ஆயிரத்து 499 என்றும் டாப் எண்ட் மாடல் விலை ரூ. 14 ஆயிரத்து 999 என்றும் நிர்ணயம் செய்யப்படும் என தகவல் வெளியாகி உள்ளது.

அம்சங்களை பொருத்தவரை சாம்சங் கேலக்ஸி M15 5ஜி மாடலில் 6.5 இன்ச் FHD+ சூப்பர் AMOLED டிஸ்ப்ளே, 90Hz ரிப்ரெஷ் ரேட், மீடியாடெக் டிமென்சிட்டி 6100 பிளஸ் பிராசஸர், மாலி G57 MC2 GPU, மெமரியை கூடுதலாக நீட்டிக்கும் வசதி வழங்கப்படலாம்.

புகைப்படங்களை எடுக்க 50MP பிரைமரி கேமரா, 5MP அல்ட்ரா வைடு கேமரா, 2MP மேக்ரோ லென்ஸ், 13MP செல்ஃபி கேமரா வழங்கப்படும் என தெரிகிறது. இத்துடன் ஆண்ட்ராய்டு 14 சார்ந்த ஒன் யு.ஐ., 6000 எம்.ஏ.ஹெச். பேட்டரி, 25 வாட் ஃபாஸ்ட் சார்ஜிங் வசதி வழங்கப்படுகிறது.

ஐகூ நிறுவனம் இந்த ஆண்டு துவக்கத்தில் ஐகூ 12 ஸ்மார்ட்போனினை அறிமுகம் செய்தது. தற்போது இந்த ஸ்மார்ட்போனின் ஸ்பெஷல் எடிஷன் வெர்ஷன் அறிமுகம் செய்யப்பட்டுள்ளது. முன்னதாக ஐகூ 12 ஸ்மார்ட்போன் லெஜண்ட் மற்றும் ஆல்ஃபா என இரண்டு நிறங்களில் விற்பனை செய்யப்பட்டு வந்தது. தற்போது இந்த ஸ்மார்ட்போன் அக்வா ரெட் வேரியண்டிலும் கிடைக்கிறது.

புதிய நிறம் தவிர இந்த ஸ்மார்ட்போனின் அம்சங்களில் எந்த மாற்றமும் மேற்கொள்ளப்படவில்லை. ஐகூ 12 டெசர்ட் ரெட் ஆனிவர்சரி எடிஷன் ஸ்மார்ட்போன் 12 ஜி.பி. ரேம், 256 ஜி.பி. மெமரி மற்றும் 16 ஜி.பி. ரேம், 512 ஜி.பி. மெமரி என இரண்டு வேரியண்ட்களில் கிடைக்கிறது. இவற்றின் விலை முறையே ரூ. 52 ஆயிரத்து 999 மற்றும் ரூ. 57 ஆயிரத்து 999 என்று நிர்ணயம் செய்யப்பட்டு உள்ளது.

ஐகூ 12 ஆனிவர்சரி எடிஷன் ஸ்மார்ட்போனின் விற்பனை ஏப்ரல் 9 ஆம் தேதி துவங்குகிறது. இதனை பயனர்கள் அமேசான் மற்றும் ஐகூ வலைதளங்களில் வாங்கிட முடியும். ஹெச்.டி.எஃப்.சி. மற்றும் ஐ.சி.ஐ.சி.ஐ. வங்கி கார்டு பயன்படுத்துவோருக்கு ரூ. 3 ஆயிரம் உடனடி தள்ளுபடி வழங்கப்படுகிறது. இத்துடன் அதிகபட்சம் 9 மாதங்களுக்கு வட்டியில்லா மாத தவணை முறை வசதியும் வழங்கப்படுகிறது.

ஐகூ 12 அம்சங்கள்:

6.78 இன்ச் 2800x1260 பிக்சல் 1.5K LTPO AMOLED ஸ்கிரீன்

ஆக்டா கோர் ஸ்னாப்டிராகன் 8 ஜென் 3 பிராசஸர்

அட்ரினோ 750 GPU

12 ஜி.பி., 16 ஜி.பி. ரேம்

256 ஜி.பி., 512 ஜி.பி. மெமரி

ஆண்ட்ராய்டு 14 சார்ந்த ஃபன்டச் ஒ.எஸ். 14

டூயல் சிம் ஸ்லாட்

50MP பிரைமரி கேமரா, OIS, LED ஃபிளாஷ்

50MP அல்ட்ரா வைடு கேமரா

64MP டெலிபோட்டோ கேமரா

16MP செல்ஃபி கேமரா

இன் டிஸ்ப்ளே கைரேகை சென்சார்

யு.எஸ்.பி. டைப் சி ஆடியோ, ஸ்டீரியோ ஸ்பீக்கர்கள்

டஸ்ட் மற்றும் ஸ்பிலாஷ் ரெசிஸ்டண்ட் வசதி

5ஜி, டூயல் 4ஜி வோல்ட்இ, வைபை, ப்ளூடூத் 5.4

யு.எஸ்.பி. டைப் சி

5000 எம்.ஏ.ஹெச். பேட்டரி

120 வாட் அல்ட்ரா ஃபாஸ்ட் ஃபிளாஷ் சார்ஜிங்

விவோ நிறுவனம் உருவாக்கும் புதிய ஸ்மார்ட்போனில் டிரோன் கேமரா செட்டப் வழங்கப்படுவதாக தகவல் வெளியாகி உள்ளது. கடந்த சில ஆண்டுகளாக இந்த ஸ்மார்ட்போனினை உருவாக்கும் பணிகளில் விவோ ஈடுபட்டு வந்துள்ளதாக தெரிகிறது. முன்னதாக இந்த சாதனத்திற்கு காப்புரிமை கோரி விவோ விண்ணப்பித்து இருந்ததும் குறிப்பிடத்தக்கது.

இது தொடர்பாக வெளியான தகவல்களில் விவோ உருவாக்கும் புது ஸ்மார்ட்போனில் உள்ள டிரோன் கேமரா, ஆக்டிவேட் செய்ததும் ஸ்மார்ட்போனில் இருந்து தனியே பிரிந்து காற்றில் மிதக்க துவங்கிவிடும். அதன்பிறகு, பயனர்கள் கேமரா எவ்வளவு தூரம் பறக்க வேண்டும் என்றும், கேமரா எந்த கோணத்தில் இருந்து படம்பிடிக்க வேண்டும் என்பதை இதற்காக உருவாக்கப்படும் செயலி மூலம் கட்டுப்படுத்தலாம்.

இந்த சாதனம் எப்போது பொது மக்கள் பயன்பாட்டிற்காக விற்பனை செய்யப்படும் என்பது கேள்விக்குறியாகவே உள்ளது. எனினும், இத்தகைய சாதனம் விற்பனைக்கு வந்ததும், ஸ்மார்ட்போன் மூலம் புகைப்படம் மற்றும் வீடியோ எடுக்கும் முறை முற்றிலுமாக மாறிவிடும். வானில் இருந்து எடுக்கக்கூடிய ஏரியல் ஷாட்களை ஸ்மார்ட்போன் மூலமாகவே எளிதில் எடுத்துவிட முடியும்.

டிரோன் கேமரா கொண்ட புதிய விவோ ஸ்மார்ட்போனில் தலைசிறந்த புகைப்படங்கள், வீடியோக்களை எடுக்கும் திறன் கொண்ட அதிநவீன கேமரா சென்சார்கள் வழங்கப்படுவது கிட்டத்தட்ட உறுதியாகிவிட்டது. எனினும், இந்த சாதனத்தில் எவ்வளவு பெரிய பேட்டரி வழங்கப்படும் என்பது மர்மமாகவே உள்ளது.

அசத்தலான கேமரா சிஸ்டம், ஸ்மார்ட்போன் துறையில் முற்றிலும் புதிய முயற்சியாக இந்த மாடல் வெளியாகும் போதிலும், இதன் பேட்டரி திறன் தற்போதுள்ள ஸ்மார்ட்போன்களை விட குறைவாகவே இருக்கும் என்று தெரிகிறது. மேலும், அடிக்கடி டிரோன் கேமராவை இயக்கும் போது ஸ்மார்ட்போனின் சார்ஜ் வேகமாக குறையவும் வாய்ப்புகள் அதிகம் தான்.

டெக்னோ நிறுவனம் இந்திய சந்தையில் முற்றிலும் புதிய போவா 6 ப்ரோ 5ஜி ஸ்மார்ட்போனினை அறிமுகம் செய்தது. இதில் 6.78 இன்ச் 5FHD+ AMOLED ஸ்கிரீன், 120Hz ரிப்ரெஷ் ரேட், மீடியாடெக் டிமென்சிட்டி 6080 பிராசஸர், அதிகபட்சம் 12 ஜி.பி. ரேம், 12 ஜி.பி. விர்ச்சுவல் ரேம் வழங்கப்பட்டு இருக்கிறது.

இந்த ஸ்மார்ட்போன் ஆண்ட்ராய்டு 14 சார்ந்த ஹை ஒ.எஸ். 14, 108MP பிரைமரி கேமரா, 2MP இரண்டாவது லென்ஸ், ஏ.ஐ. லென்ஸ் மற்றும் 32MP செல்ஃபி கேமரா கொண்டிருக்கிறது. இத்துடன் டூயல் எல்.இ.டி. ஃபிளாஷ் உள்ளது. இந்த ஸ்மார்ட்போனில் இன் டிஸ்ப்ளே கைரேகை சென்சார், 6000 எம்.ஏ.ஹெச். பேட்டரி, 70 வாட் அல்ட்ரா சார்ஜ் வசதி வழங்கப்பட்டுள்ளது.

டெக்னோ போவா 6 ப்ரோ 5ஜி அம்சங்கள்:

6.78 இன்ச் 2436x1080 பிக்சல் FHD+ AMOLED ஸ்கிரீன், 120Hz ரிப்ரெஷ் ரேட்

ஆக்டா கோர் மீடியாடெக் டிமென்சிட்டி 6080 பிராசஸர்

மாலி G57 MC2 GPU

8 ஜி.பி., 12 ஜி.பி. ரேம்

256 ஜி.பி. மெமரி

மெமரியை கூடுதலாக நீட்டிக்கும் வசதி

ஆண்ட்ராய்டு 14 சார்ந்த ஹை ஒ.எஸ். 14

டூயல் சிம் ஸ்லாட்

108MP பிரைமரி கேமரா

2MP லென்ஸ், ஏ.ஐ. கேமரா, டூயல் எல்.இ.டி. ஃபிளாஷ்

32MP செல்ஃபி கேமரா, டூயல் எல்.இ.டி. ஃபிளாஷ்

இன் டிஸ்ப்ளே கைரேகை சென்சார்

3.5mm ஆடியோ ஜாக், ஸ்டீரியோ ஸ்பீக்கர்கள், டால்பி அட்மோஸ்

5ஜி, டூயல் 4ஜி வோல்ட்இ, வைபை, ப்ளூடூத் 5.1

யு.எஸ்.பி. டைப் சி

6000 எம்.ஏ.ஹெச். பேட்டரி

70 வாட் ஃபாஸ்ட் சார்ஜிங் வசதி

ரிவர்ஸ் சார்ஜிங்

டெக்னோ போவா 6 ப்ரோ 5ஜி ஸ்மார்ட்போன் கொமெட் கிரீன் மற்றும் மீடியோரைட் கிரே நிறங்களில் கிடைக்கிறது. இதன் 8 ஜி.பி. ரேம், 256 ஜி.பி. மெமரி மாடல் விலை ரூ. 19 ஆயிரத்து 999 என்றும் 12 ஜி.பி. ரேம், 256 ஜி.பி. மெமரி மாடல் விலை ரூ. 21 ஆயிரத்து 999 என்றும் நிர்ணயம் செய்யப்பட்டு உள்ளது. இந்த ஸ்மார்ட்போனின் விற்பனை ஏப்ரல் 4 ஆம் தேதி அமேசான் வலைதளத்தில் துவங்குகிறது.

போக்கோ நிறுவனம் முற்றிலும் புதிய C61 ஸ்மார்ட்போனினை இந்திய சந்தையில் அறிமுகம் செய்தது. புதிய போக்கோ ஸ்மார்ட்போனில் 6.71 இன்ச் 90Hz HD+ டிஸ்ப்ளே, மீடியாடெக் G36 பிராசஸர், விர்ச்சுவல் ரேம் வசதி, 5000 எம்.ஏ.ஹெச். பேட்டரி வழங்கப்பட்டு இருக்கிறது.

பிரீமியம் கிளாஸ் பேக் கொண்டிருக்கும் போக்கோ C61 ஸ்மார்ட்போனில் வட்ட வடிவம் கொண்ட கேமரா மாட்யுல் வழங்கப்படுகிறது. புகைப்படங்களை எடுக்க 8MP ஏ.ஐ. டூயல் கேமரா செட்டப், 5MP செல்ஃபி கேமரா வழங்கப்பட்டுள்ளது.

போக்கோ C61 அம்சங்கள்:

6.71 இன்ச் 1650x720 பிக்சல் HD+ IPS LCD ஸ்கிரீன், 90Hz ரிப்ரெஷ் ரேட்

கார்னிங் கொரில்லா கிளாஸ் 3 பாதுகாப்பு

ஆக்டா கோர் மீடியாடெக் ஹீலியோ G36 பிராசஸர்

IMG பவர் வி.ஆர். GE8320 GPU

4 ஜி.பி., 6 ஜி.பி. ரேம்

64 ஜி.பி., 128 ஜி.பி. மெமரி

மெமரியை கூடுதலாக நீட்டிக்கும் வசதி

ஆண்ட்ராய்டு 14

டூயல் சிம் ஸ்லாட்

8MP பிரைமரி கேமரா, இரண்டாவது கேமரா, எல்.இ.டி. ஃபிளாஷ்

5MP செல்ஃபி கேமரா

பக்கவாட்டில் கைரேகை சென்சார்

டூயல் 4ஜி வோல்ட்இ, வைபை, ப்ளூடூத் 5

யு.எஸ்.பி. டைப் சி போர்ட்

5000 எம்.ஏ.ஹெச். பேட்டரி

10 வாட் சார்ஜிங்

போக்கோ C61 ஸ்மா்ட்போனின் 4 ஜி.பி. ரேம், 64 ஜி.பி. மெமரி மாடல் விலை ரூ. 7 ஆயிரத்து 499 என்றும் 6 ஜி.பி. ரேம், 128 ஜி.பி. மெமரி மாடல் விலை ரூ. 8 ஆயிரத்து 499 என நிர்ணயம் செய்யப்பட்டு உள்ளது.

இந்த ஸ்மார்ட்போனின் விற்பனை ப்ளிப்கார்ட் வலைதளத்தில் மார்ச் 28 ஆம் தேதி துவங்குகிறது. முதல் நாள் விற்பனையின் போது இந்த ஸ்மார்ட்போனுக்கு ரூ. 500 தள்ளுபடி வழங்கப்படுகிறது. இதன் காரணமாக இந்த மாடல் ரூ. 6 ஆயிரத்து 999 விலையில் கிடைக்கும்.

லாவா நிறுவனத்தின் முற்றிலும் புதிய ஸ்மார்ட்போன் பட்ஜெட் பிரிவில் அறிமுகம் செய்யப்பட்டு உள்ளது. லாவா O2 என அழைக்கப்படும் புதிய ஸ்மார்ட்போனில் 6.5 இன்ச் HD+ 90Hz டிஸ்ப்ளே, யுனிசாக் T616 ஆக்டா கோர் பிராசஸர், 8 ஜி.பி. ரேம், 8 ஜி.பி. வரை கூடுதலாக விர்ச்சுவல் ரேம் வழங்கப்பட்டு இருக்கிறது.

இந்த ஸ்மார்ட்போன் ஆண்ட்ராய்டு 13 ஒ.எஸ். கொண்டிருக்கிறது. எனினும், ஆண்ட்ராய்டு 14 ஒ.எஸ். அப்டேட் மற்றும் இரண்டு ஆண்டுகளுக்கு செக்யுரிட்டி அப்டேட்கள் வழங்கப்பட உள்ளது. லாவா O2 ஸ்மார்ட்போனில் புகைப்படங்களை எடுக்க 50MP பிரைமரி கேமரா, ஏ.ஐ. கேமரா, 8MP செல்ஃபி கேமரா வழங்கப்பட்டு இருக்கிறது.

இதன் பக்கவாட்டில் கைரேகை சென்சார் உள்ளது. இந்த ஸ்மார்ட்போன் 5000 எம்.ஏ.ஹெச். பேட்டரி, 18 வாட் ஃபாஸ்ட் சார்ஜிங் வசதி, யு.எஸ்.பி. டைப் சி போர்ட் வழங்கப்படுகிறது. இந்த ஸ்மார்ட்போன் கிளாஸ் பேக் கொண்டிருக்கிறது.

லாவா O2 அம்சங்கள்:

6.5 இன்ச் 1600x720 HD+ டிஸ்ப்ளே, 90Hz ரிப்ரெஷ் ரேட்

யுனிசாக் T616 ஆக்டா கோர் பிராசஸர்

மாலி G57 GPU

8 ஜி.பி. ரேம்

128 ஜி.பி. மெமரி

மெமரியை கூடுதலாக நீட்டிக்கும் வசதி

ஆண்ட்ராய்டு 13

டூயல் சிம் ஸ்லாட்

50MP பிரைமரி கேமரா, ஏ.ஐ. லென்ஸ், எல்.இ.டி. ஃபிளாஷ்

8MP செல்ஃபி கேமரா

பக்கவாட்டில் கைரேகை சென்சார்

3.5mm ஆடியோ ஜாக், எஃப்.எம். ரேடியோ

4ஜி எல்.டி.இ., வைபை, ப்ளூடூத் 5

யு.எஸ்.பி. டைப் சி

5000 எம்.ஏ.ஹெச். பேட்டரி

18 வாட் ஃபாஸ்ட் சார்ஜிங் வசதி

லாவா O2 ஸ்மார்ட்போன் இம்பீரியல் கிரீன், மஜெஸ்டிக் பர்பில், ராயல் கோல்டு நிறங்களில் கிடைக்கிறது. இதன் விலை ரூ. 8 ஆயிரத்து 499 ஆகும். எனினும், ரூ. 500 கூப்பன் தள்ளுபடி அறிவிக்கப்பட்டு இருக்கிறது. அதன்படி இந்த ஸ்மார்ட்போனினை ரூ. 7 ஆயிரத்து 999 விலையில் வாங்கிட முடியும். லாவா O2 ஸ்மார்ட்போனின் விற்பனை அமேசான் மற்றும் லாவா ஆன்லைன் ஸ்டோரில் மார்ச் 27-ஆம் தேதி துவங்குகிறது.

விவோ நிறுவனம் இந்திய சந்தையில் தனது முற்றிலும் புதிய விவோ T3 5ஜி ஸ்மார்ட்போனினை அறிமுகம் செய்தது. இது கடந்த ஆண்டு அறிமுகம் செய்யப்பட்ட விவோ T2 ஸ்மார்ட்போனின் மேம்பட்ட வெர்ஷன் ஆகும். இதில் 6.67 இன்ச் FHD+ AMOLED ஸ்கிரீன், 120Hz ரிப்ரெஷ் ரேட், அதிகபட்சம் 1800 நிட்ஸ் பீக் பிரைட்னஸ், 16MP செல்ஃபி கேமரா வழங்கப்படுகிறது.

இந்த ஸ்மார்ட்போன் மீடியாடெக் டிமென்சிட்டி 7200 பிராசஸர், அதிகபட்சம் 8 ஜி.பி. ரேம், 8 ஜி.பி. வரை நீட்டிக்கப்பட்ட ரேம், ஆண்ட்ராய்டு 14 சார்ந்த ஃபன்டச் ஒ.எஸ். 14 கொண்டிருக்கிறது. இந்த ஸ்மார்ட்போனிற்கு இரண்டு ஒ.எஸ். அப்டேட்கள், மூன்று ஆண்டுகளுக்கு மாதாந்திர செக்யூரிட்டி அப்டேட்கள் வழங்கப்படுகிறது.

புகைப்படங்களை எடுக்க 50MP பிரைமரி கேமரா, OIS, EIS, 2MP டெப்த் சென்சார் வழங்கப்படுகிறது. இந்த ஸ்மார்ட்போன் பிளாஸ்டிக் பேக் மற்றும் அழகிய டிசைன் கொண்டிருக்கிறது. இத்துடன் இன் டிஸ்ப்ளே கைரேகை சென்சார், 5000 எம்.ஏ.ஹெச். பேட்டரி, 44 வாட் ஃபாஸ்ட் சார்ஜிங் வசதி உள்ளது.

விவோ T3 5ஜி அம்சங்கள்:

6.67 இன்ச் 2400x1080 பிக்சல் FHD+ AMOLED ஸ்கிரீன், 120Hz ரிப்ரெஷ் ரேட்

ஆக்டா கோர் மீடியாடெக் டிமென்சிட்டி 7200 பிராசஸர்

மாலி G610 MC4 GPU

8 ஜி.பி. ரேம்

128 ஜி.பி. , 256 ஜி.பி. மெமரி

மெமரியை கூடுதலாக நீட்டிக்கும் வசதி

ஹைப்ரிட் டூயல் சிம் ஸ்லாட்

ஆண்ட்ராய்டு 14 சார்ந்த ஃபன்டச் ஒ.எஸ். 14

50MP பிரைமரி கேமரா, OIS, EIS

2MP டெப்த் சென்சார், எல்.இ.டி. ஃபிளாஷ்

16MP செல்ஃபி கேமரா

இன் டிஸ்ப்ளே கைரேகை சென்சார்

டஸ்ட் மற்றும் ஸ்பிலாஷ் ரெசிஸ்டண்ட் (IP54)

யு.எஸ்.பி. டைப் சி ஆடியோ, ஸ்டீரியோ ஸ்பீக்கர்கள்

5ஜி, டூயல் 4ஜி வோல்ட்இ, வைபை 6

யு.எஸ்.பி. டைப் சி

5000 எம்.ஏ.ஹெச். பேட்டரி

44 வாட் ஃபாஸ்ட் சார்ஜிங்

விவோ T3 5ஜி ஸ்மார்ட்போன் காஸ்மிக் பிளாக் மற்றும் க்ரிஸ்டல் ஃபிளேக் என இரண்டு நிறங்களில் கிடைக்கிறது. இந்த ஸ்மார்ட்போனின் 8 ஜி.பி. ரேம், 128 ஜி.பி. மெமரி மாடல் விலை ரூ. 19 ஆயிரத்து 999 என்றும் 8 ஜி.பி. ரேம், 256 ஜி.பி. மெமரி மாடல் விலை ரூ. 21 ஆயிரத்து 999 என்று நிர்ணயம் செய்யப்பட்டு உள்ளது. இந்த ஸ்மார்ட்போனின் விற்பனை விவோ இந்தியா இ ஸ்டோர் மற்றும் ப்ளிப்கார்ட் வலைதளங்களில் மார்ச் 27-ம் தேதி துவங்குகிறது.

இன்பினிக்ஸ் நிறுவனம் தனது நோட் 40 ப்ரோ 5ஜி சீரிஸ் ஸ்மார்ட்போன்களின் இந்திய வெளியீடு ஏப்ரல் மாதம் நடைபெறும் என அறிவித்து இருக்கிறது. முன்னதாக இவை கடந்த ஆண்டு அறிமுகம் செய்யப்பட்டது குறிப்பிடத்தக்கது.

புதிய ஸ்மார்ட்போனில் ஆல்-ரவுண்ட் ஃபாஸ்ட்சார்ஜ் 2.0 தொழில்நுட்பம் வழங்கப்பட இருப்பதாக இன்பினிக்ஸ் அறிவித்து இருக்கிறது. இந்த தொழில்நுட்பம் 20 வாட் வயர்லெஸ் மேக் சார்ஜிங், வயர்லெஸ் ரிவர்ஸ் சார்ஜிங் போன்ற வசதிகளை வழங்குகிறது. இத்துடன் ஸ்மார்ட்போனின் பின்புறம் கேஸ் வகையில் சார்ஜ் ஏற்றும் மேக்பவர் சாதனம் வழங்கப்படும் என தெரிகிறது.

நோட் 40 ப்ரோ மற்றும் நோட் 40 ப்ரோ பிளஸ் ஸ்மார்ட்போன்களில் இன்பினிக்ஸ் சொந்தமாக உருவாக்கிய முதல் பிராசஸர்- சீட்டா X1 கொண்டிருக்கிறது. இவற்றில் ப்ரோ பிளஸ் மாடலில் 100 வாட் மல்டி-ஸ்பீடு ஃபாஸ்ட் சார்ஜ் வசதி உள்ளது. இது ஸ்மார்ட்போனில் உள்ள 4500 எம்.ஏ.ஹெச். பேட்டரியை ஹைப்பர் மோடில் எட்டு நிமிடங்களில் சார்ஜ் செய்துவிடும்.

இன்பினிக்ஸ் நோட் 40 ப்ரோ 5ஜி மாடலில் உள்ள 45 வாட் ஃபாஸ்ட் சார்ஜிங் வசதி ஸ்மார்ட்போனை 26 நிமிடங்களில் 50 சதவீதம் வரை சார்ஜ் செய்துவிடும். இரு மாடல்களிலும் 6.78 இன்ச் FHD+ 3D கர்வ்டு 120Hz ரிப்ரெஷ் ரேட் கொண்ட AMOLED டிஸ்ப்ளே, கார்னிங் கொரில்லா கிளாஸ் பாதுகாப்பு, 108MP பிரைமரி கேமரா, OIS, லாஸ்லெஸ் சூப்பர்ஜூம் கேமரா, ஸ்டீரியோ ஸ்பீக்கர்கள், ஆண்ட்ராய்டு 14 சார்ந்த எக்ஸ் ஒ.எஸ். 14 வழங்கப்படுகிறது.

புதிய இன்பினிக்ஸ் ஸ்மார்ட்போன்கள் ப்ளிப்கார்ட் வலைதளங்களில் விற்பனை செய்யப்பட இருக்கிறது. இத்துடன் ஆஃப்லைன் ஸ்டோர்களிலும் விற்பனைக்கு கிடைக்கும்.

ரியல்மி நிறுவனத்தின் நார்சோ 70 ப்ரோ 5ஜி ஸ்மார்ட்போன் இந்திய சந்தையில் அறிமுகம் செய்யப்பட்டது. புதிய நார்சோ 70 ப்ரோ 5ஜி மாடலில் 6.7 இன்ச் FHD+ 120Hz AMOLED ஸ்கிரீன், அதிகபட்சம் 2000 நிட்ஸ் பீக் பிரைட்னஸ் வழங்கப்பட்டுள்ளது.

இந்த ஸ்மார்ட்போன் மீடியாடெக் டிமென்சிட்டி 7090 பிராசஸர், 8 ஜி.பி. ரேம், அதிகபட்சம் 8 ஜி.பி. ரேம் எக்ஸ்பான்ஷன் வசதி, 50MP சோனி IMX890 சென்சார், OIS, ஆண்ட்ராய்டு 14 சார்ந்த ரியல்மி யு.ஐ. 5.0 போன்ற அம்சங்களை கொண்டிருக்கிறது. இந்த மாடலுக்கு இரண்டு ஆண்ட்ராய்டு ஒ.எஸ். அப்டேட்கள், மூன்று ஆண்டுகள் செக்யூரிட்டி அப்டேட்கள் வழங்கப்படும் என ரியல்மி தெரிவித்துள்ளது.

ரியல்மி நார்சோ 70 ப்ரோ 5ஜி அம்சங்கள்:

6.7 இன்ச் 2400x1080 பிக்சல் FHD+ AMOLED 120Hz ரிப்ரெஷ் ரேட்

ஆக்டாகோர் மீடியாடெக் டிமென்சிட்டி 7050 பிராசஸர்

மாலி G68 MC4 GPU

8 ஜி.பி. ரேம்

128 ஜி.பி., 256 ஜி.பி. மெமரி

டூயல் சிம் ஸ்லாட்

ஆண்ட்ராய்டு 14 சார்ந்த ரியல்மி யு.ஐ. 5

50MP பிரைமரி கேமரா, OIS

8MP அல்ட்ரா வைடு கேமரா

2MP மேக்ரோ லென்ஸ்

16MP செல்ஃபி கேமரா

இன் டிஸ்ப்ளே கைரேகை சென்சார்

யு.எஸ்.பி. டைப் சி ஆடியோ, ஸ்டீரியோ ஸ்பீக்கர்கள்

டஸ்ட் மற்றும் ஸ்பிலாஷ் ரெசிஸ்டண்ட்

5ஜி, டூயல் 4ஜி வோல்ட்இ, வைபை 6, ப்ளூடூத் 5.2

யு.எஸ்.பி. டைப் சி

5000 எம்.ஏ.ஹெச். பேட்டரி

67 வாட் சூப்பர்வூக் ஃபாஸ்ட் சார்ஜிங்

ரியல்மி நார்சோ 70 ப்ரோ 5ஜி மாடல் கிளாஸ் கிரீன் மற்றும் கிளாஸ் கோல்டு நிறங்களில் கிடைக்கிறது. இந்த ஸ்மார்ட்போனின் 8 ஜி.பி. ரேம், 128 ஜி.பி. மெமரி மாடல் விலை ரூ. 19 ஆயிரத்து 999 என்றும் 8 ஜி.பி. ரேம், 256 ஜி.பி. மெமரி மாடல் விலை ரூ. 21 ஆயிரத்து 999 என்றும் நிர்ணயம் செய்யப்பட்டு உள்ளது. இதன் விற்பனை அமேசான் வலைதளத்தில் நடைபெறுகிறது.