நீங்கள் தேடியது "பாட்னா பைரேட்ஸ்"

விசாகப்பட்டினம்:

புரோ கபடி லீக் போட்டியில் இன்று இரவு 8 மணிக்கு நடைபெறும் 110-வது லீக் ஆட்டத்தில் ‘பி’ பிரிவில் உள்ள நடப்பு சாம்பியன் பாட்னா பைரேட்ஸ்- தெலுங்கு டைட்டன்ஸ் அணிகள் மோதுகின்றன.

பாட்னா 10-வது வெற்றியும், தெலுங்கு டைட்டன்ஸ் 2-வது வெற்றியும் பெறும் ஆர்வத்தில் உள்ளன.

பாட்னா அணி இந்த சீசனில் தெலுங்கு டைட்டன்சிடம் 2 முறை தோற்று இருந்தது. அதற்கு இன்றைய ஆட்டத்தில் பதிலடி கொடுக்குமா? என்று எதிர்பார்க்கப்படுகிறது. அதே நேரத்தில் தெலுங்கு அணி நம்பிக்கையுடன் விளையாடும். #ProKabaddi2018 #TeluguTitans #PatnaPirates

அகமதாபாத்:

6-வது புரோ கபடி ‘லீக்‘ போட்டியில் 7-வது கட்ட ஆட்டம் அகமதாபாத்தில் நடைபெற்று வருகிறது.

சென்னை நகரை மையமாக கொண்ட அஜய் தாகூர் தலைமையிலான தமிழ் தலைவாஸ் அணி நேற்றைய 12-வது ஆட்டத்தில் தெலுங்கு டைட்டன்சை எதிர்கொண்டது. இதில் தமிழ் தலைவாஸ் 27-23 என்ற புள்ளிக் கணக்கில் வென்றது.

அந்த அணி பெற்ற 4-வது வெற்றியாகும். நேரு ஸ்டேடியத்தில் நடந்த ஆட் டத்தில் தெலுங்கு டைட்டன்சிடம் தோற்றதற்கு பதிலடி கொடுத்தது. தமிழ் தலைவாஸ் அணி 4 வெற்றி, 7 தோல்வி, 1 டையுடன் 25 புள்ளிகள் பெற்று ‘பி’ பிரிவில் கடைசி இடத்தில் இருக்கிறது.

தமிழ் தலைவாஸ் அணி 13-வது ஆட்டத்தில் நடப்பு சாம்பியனான பாட்னா பைரேட்சை இன்று இரவு 8 மணிக்கு சந்திக்கிறது.

பாட்னாவை வீழ்த்தி 5-வது வெற்றியை தமிழ் தலைவாஸ் பெறுமா? என்று தமிழக கபடி ரசிகர்கள் ஆவலுடன் எதிர்பார்க்கின்றனர். சென்னையில் நடந்த தொடக்க ஆட்டத்தில் 42-26 என்ற கணக்கில் வீழ்த்தி இருந்ததால் நம்பிக்கையுடன் இருக்கிறது.

அஜய் தாகூரின் ரைடு மற்றும் மன்ஜித் சில்லாரின் டேக்கிளை பொறுத்துதான் தமிழ் தலைவாஸ் அணியின் வெற்றி வாய்ப்பு இருக்கிறது. அஜய் தாகூர் 117 ரைடு புள்ளிகளுடன் இந்த சீசனில் 4-வது இடத்தில் உள்ளார். மஞ்சித் சில்லார் 40 டேக்கிள் புள்ளியுடன் 4-வது இடத்தில் உள்ளார்.

பாட்னா பைரேட்ஸ் 6 வெற்றி, 6 தோல்வியுடன் 33 புள்ளிகளுடன் ‘பி’ பிரிவில் 2-வது இடத்தில் உள்ளது. பர்தீப் நர்வால் அந்த அணியின் நட்சத்திர வீரராக இருக்கிறார்.

நேற்று நடந்த மற்றொரு ஆட்டத்தில் குஜராத் பார்ச்சுன் ஜெய்ண்ட்ஸ் அணி 26-29 என்ற கணக்கில் தபாங் டெல்லியிடம் தோற்றது. இதன் மூலம் குஜராத் அணியின் தொடர் வெற்றிக்கு முற்றுப்புள்ளி வைக்கப்பட்டது.

குஜராத் அணி தொடக்க ஆட்டத்தில் டெல்லியுடன் 32-32 என்ற கணக்கில் ‘டை’ செய்து இருந்தது. 2-வது ஆட்டத்தில் அரியானாவிடம் 25-32 என்ற கணக்கில் அரியானாவிடம் தோற்றது. அதன் பிறகு அந்த அணி விளையாடிய 9 ஆட்டங்களிலும் தோற்கவில்லை. 8 ஆட்டத்தில் வெற்றி பெற்று ஒன்றில் டை செய்தது.

தற்போது அரியானாவுக்கு அடுத்தப்படியாக டெல்லியிடம் குஜராத் அணியிடம் வீழ்ந்து 2-வது தோல்வியை தழுவி இருக்கிறது. அந்த அணி 8 வெற்றி, 2 தோல்வி, 2 டையுடன் 48 புள்ளிகள் பெற்று ‘ஏ’ பிரிவில் 2-வது இடத்தில் இருக்கிறது.

டெல்லி அணி 5 வெற்றி, 5 தோல்வி, 1 டையுடன் 33 புள்ளிகள் பெற்று 4-வது இடத்தில் உள்ளது.

குஜராத் அணி 13-வது ஆட்டத்தில் யு மும்பாவை இன்று இரவு 9 மணிக்கு எதிர்கொள்கிறது. #ProKabbadi #TamilThalaivas

மும்பை:

12 அணிகள் பங்கேற்றுள்ள 6-வது புரோ கபடி லீக் போட்டி இந்தியாவில் நடந்து வருகிறது. இதில் மும்பையில் நேற்று இரவு நடைபெற்ற லீக் ஆட்டத்தில் பாட்னா பைரேட்ஸ் அணியும், பெங்கால் வாரியர்ஸ் அணியும் மோதின.

ஆட்டத்தின் தொடக்கத்தில் இருந்தே பாட்னா பைரேட்ஸ் அணி சிறப்பாக ஆடியது. இதனால் அந்த அணியின் புள்ளிகள் மளமளவென உயர்ந்தன. இதனால் முதல் பாதியில் 22- 14 என்ற புள்ளிக்கணக்கில் பாட்னா அணி முன்னிலை வகித்தது.

ஆட்டத்தின் இரண்டாவது பாதியிலும் பாட்னா அணி தனது துடிப்பான ஆட்டத்தை வெளிப்படுத்தியது. இறுதியில், பெங்கால் அணியை 50 - 30 என்ற புள்ளிக்கணக்கில் வீழ்த்தி பாட்னா அணி அபார வெற்றி பெற்றது. இது அந்த அணிக்கு கிடைத்த ஐந்தாவது வெற்றி என்பது குறிப்பிடத்தக்கது. #ProKabaddi 

சென்னை:

6-வது புரோ கபடி ‘லீக்’ போட்டி சென்னை நேரு ஸ்டேடியத்தில் இன்று தொடங்குகிறது.

இந்தப்போட்டியில் மொத்தம் 12 அணிகள் கலந்து கொள்கின்றன. இவை இரண்டு பிரிவாக பிரிக்கப்பட்டுள்ளது.

‘ஏ’ பிரிவில் தபாங் டெல்லி, குஜராத் பார்ச்சுன் ஜெய்ன்ட்ஸ், அரியானா ஸ்டீலர்ஸ், யு மும்பா, புனேரி பல்தான், ஜெய்ப்பூர் பிங் பாந்தர்ஸ் ஆகிய அணிகளும், ‘பி’ பிரிவில் நடப்பு சாம்பியன் பாட்னா பைரேட்ஸ், தமிழ் தலைவாஸ், உ.பி.யோதா, பெங்களூரு புல்ஸ், தெலுங்கு டைட்டன்ஸ், பெங்கால் வாரியர்ஸ் ஆகிய அணிகளும் இடம் பெற்றுள்ளன. அடுத்த ஆண்டு ஜனவரி 5-ந்தேதி வரை சென்னை, சோனிபட், புனே, பாட்னா, கிரேட்டர் நொய்டா (உ.பி.), மும்பை, அகமதாபாத், பெங்களூர், டெல்லி, ஐதராபாத், ஜெய்ப்பூர், கொல்கத்தா ஆகிய நகரங்களில் போட்டிகள் நடக்கிறது.

புரோ கபடி ‘லீக்’ போட்டியின் முதல் ஆட்டம் சென்னையில் இன்று இரவு 8 மணிக்கு நடக்கிறது. இதில் அஜய்தாகூர் தலைமையிலான தமிழ் தலைவாஸ்- பாட்னா பைரேட்ஸ் அணிகள் மோதுகின்றன.

தமிழ் தலைவாஸ் வெற்றியுடன் கணக்கை தொடங்குமா? என்று ஆவலுடன் எதிர்பார்க்கப்படுகிறது. அஜய் தாக்கூர், மன்ஜித் ‌ஷலாங், அமித் ஹூடா, ஜஸ்விர்சிங் தர்‌ஷன் போன்ற சிறந்த வீரர்கள் உள்ளனர்.

நடப்பு சாம்பியனான பாட்னா பைரேட்ஸ் அணி தொடர்ந்து 3 முறை பட்டம் வென்றுள்ளது. அந்த அணியின் நட்சத்திர வீரராக கேப்டன் பர்தீப் நார்வால் உள்ளார்.

மேலும் தீபக் நார்வால் ஜெய்தீப், விகாஸ் காலே போன்ற வீரர்கள் உள்ளனர். பலம் வாய்ந்த பாட்னாவுக்கு எதிராக தமிழ் தலைவாஸ் முழு திறமையை வெளிப்படுத்த வேண்டியது அவசியம். இரவு 9 மணிக்கு மற்றொரு நடைபெறும் ஆட்டத்தில் மும்பை- புனேரி பல்தான் மோதுகின்றன. #Prokabaddi2018