நீங்கள் தேடியது "செரீனா"

நியூயார்க்:

கிராண்ட்சிலாம் போட்டிகளில் ஒன்றான அமெரிக்க ஓபன் டென்னிஸ் போட்டி நியூயார்க் நகரில் நடைபெற்று வருகிறது.

பெண்கள் ஒற்றையர் பிரிவில் செரீனா வில்லியம்ஸ் (அமெரிக்கா) 4-வது சுற்றில் கனேபியை (எஸ்டோனியா) எதிர் கொண்டார். இதில் செரீனா 6-0, 4-6, 6-3 என்ற செட் கணக்கில் வென்று கால் இறுதிக்கு முன்னேறினார். அவர் கால் இறுதியில் 8-வது வரிசையில் இருக்கும் பிளிஸ்கோவாவை (செக்குடியரசு) எதிர்கொள்கிறார்.

மற்றொரு ஆட்டத்தில் நடப்பு சாம்பியனும், 3-வது வரிசையில் இருப்பவருமான ஸ்டீபன்ஸ் (அமெரிக்கா) 6-3, 6-3 என்ற நேர் செட் கணக்கில் மெர்டன்சை (பெல்ஜியம்) வீழ்த்தினார். அவர் கால் இறுதியில் செவஸ்டோவை (லாத்வியா) சந்திக்கிறார். செவஸ்டோவா 4-வது சுற்றில் 6-3, 1-6, 6-0 என்ற செட் கணக்கில் முன்னணி வீராங்கனைகளில் ஒரு வரான சுவிட்டோலினாவை (உக்ரைன்) தோற்கடித்தார். #USOpen #serenawilliams

நியூயார்க்:

கிராண்ட் ஸ்லாம் போட்டிகளில் ஒன்றான அமெரிக்க ஓபன் டென்னிஸ் போட்டி நியூயார்க் நகரில் நேற்று தொடங்கி நடந்து வருகிறது.

2-ம் நாளான இன்று பெண்கள் ஒற்றையர் பிரிவு முதல் சுற்று ஆட்டம் ஒன்றில் அமெரிக்காவின் செரீனா வில்லியம்ஸ்-லினென்டே (போலந்து) மோதினர். இதில் செரீனா வில்லியம்ஸ் 6-4, 6-0 என்ற நேர் செய் கணக்கில் வென்று 2-வது சுற்றுக்கு தகுதி பெற்றார்.

மற்றொரு அமெரிக்க வீராங்கனை ஸ்டெப்னஸ் 6-1, 7-5 என்ற நேர் செட் கணக்கில் ரோடினாவை (ரஷியா) வீழ்த்தினார்.

இதே போல் வீனஸ் வில்லியம்ஸ் (அமெரிக்கா), பிளஸ்கோவா (செக்குடியரசு), சபரோவா (செக்குடியரசு) ஜார்ஜர்ஸ் (ஜெர்மனி) செவஸ்டோவா (லாத்வியா), முகுருஜா (ஸ்பெயின்), மகரோவா (ரஷியா), பார்டி (இங்கிலாந்து) ஆகியோர் வெற்றி பெற்றனர்.

போலாந்து வீராங்கனை ரட்வன்ஸ்கா முதல் சுற்றில் ஜெர்மனியின் மரியாவிடம் 3-6, 3-6 என்ற செய் தளத்தில் தோல்வி அடைந்தார்.

இன்று நடந்த ஆண்கள் ஒற்றையர் பிரிவு முதல் சுற்றில் நம்பர் ஒன்று வீரரான ரபேல் நடால் (ஸ்பெயின்) சக நாட்டு வீரர் டேவிட் பெகுருடன் மோதினார். முதல் செட்டை நடால் 6-3 என்ற செட் கணக்கில் கைப்பற்றினார். 2-வது செட்டில் பெரர் 4-3 என்ற கணக்கில் முன்னிலையில் இருந்தார். அப்போது பெரர் உடல் நலகுறைவு காரணமாக விலகினார். இதையடுத்து நடால் வெற்றி பெற்றதாக அறிவிக்கப்பட்டது.

முதல் சுற்று ஆட்டம் ஒன்றில் சுவிட்சர்லாந்து வீரர் வாவ்ரிங்கா 6-3, 6-2, 7-5 என்ற நேர் செட் கணக்கில் டிமிட்ரோவை வீழ்த்தினார். ஆன்டி முர்ரே (இங்கிலாந்து) இஸ்னர் (அமெரிக்கா), ரோனிக் (கனடா) சீமோன் (பிரான்ஸ்) டெல்பேர்ட்ரோ (அர்ஜென்டினா), ஆண்டர் சன் (தென் ஆப்பிரிக்கா) ஷாபோவலோவ் (கனடா), ஜான்சன் (அமெரிக்கா) டோமினிக் தீம் (ஆஸ்திரியா) ஆகியோர் முதல் சுற்றில் வெற்றி பெற்றனர். #USOpenTennis

சின்சினாட்டி:

சின்சினாட்டி ஓபன் சர்வதேச டென்னிஸ் போட்டி அமெரிக்காவில் நடந்து வருகிறது.

இதில் ஆண்கள் ஒற்றையர் பிரிவின் 2-வது சுற்று ஆட்டம் ஒன்றில் 2-ம் நிலை வீரரும், 7 முறை சாம்பியனுமான சுவிட்சர்லாந்தின் ரோஜர் பெடரர் 6-4, 6-4 என்ற நேர் செட் கணக்கில் பீட்டர் கோஜோவ்சிக்கை (ஜெர்மனி) தோற்கடித்து 3-வது சுற்றை எட்டினார்.



பெண்கள் ஒற்றையர் பிரிவின் 2-வது சுற்றில் முன்னாள் நம்பர் ஒன் வீராங்கனை அமெரிக்காவின் செரீனா வில்லியம்ஸ், செக்குடியரசின் பெட்ரா கிவிடோவாவை சந்தித்தார். 2 மணி நேரம் நீடித்த இந்த ஆட்டத்தில் கிவிடோவா 6-3, 2-6, 6-3 என்ற செட் கணக்கில் செரீனாவை வெளியேற்றி 3-வது சுற்றுக்குள் நுழைந்தார். இந்த சீசனில் கிவிடோவா பெற்ற 40-வது வெற்றி இதுவாகும்.  Cincinnati #SerenaWilliams 

சின்சினாட்டி:

சின்சினாட்டி ஓபன் டென்னிஸ் போட்டி அமெரிக்காவில் நேற்று முன்தினம் தொடங்கியது. இதில் ஆண்கள் ஒற்றையர் பிரிவின் முதல் சுற்று ஆட்டம் ஒன்றில் முன்னாள் நம்பர் ஒன் வீரரான ஜோகோவிச் (செர்பியா) 6-4, 7-6 (7-4) என்ற நேர்செட்டில் அமெரிக்காவின் ஸ்டீவ் ஜான்சனை வீழ்த்தி 2-வது சுற்றுக்கு முன்னேறினார். மற்றொரு ஆட்டத்தில் ஒலிம்பிக் சாம்பியனான இங்கிலாந்தின் ஆன்டி முர்ரே 1-6, 6-1, 4-6 என்ற செட் கணக்கில் லூகாஸ் போய்லியிடம் (பிரான்ஸ்) அதிர்ச்சி தோல்வி அடைந்து வெளியேறினார்.

பெண்கள் ஒற்றையர் பிரிவில், முன்னாள் ‘நம்பர் ஒன்’ நட்சத்திரம் செரீனா வில்லியம்ஸ் (அமெரிக்கா) 6-1, 6-2 என்ற நேர்செட்டில் ஆஸ்திரேலியாவின் டாரியா காவ்ரிலோவாவை பந்தாடி 2-வது சுற்றுக்குள் நுழைந்தார். 

கிராண்ட் ஸ்லாம் போட்டிகளில் ஒன்றான அமெரிக்கா ஓபன் டென்னிஸ் தொடர் நியூயார்க்கில் வருகிற 27-ந்தேதி தொடங்குகிறது.

இந்த தொடருக்கு முன்னோட்டமாக கருதப்படுவது சின்சினாட்டி ஓபன் டென்னிஸ் தொடராகும். இதில் ஆண்கள் மற்றும் பெண்களுக்கான போட்டி நடைபெறும்.



இந்த தொடரில் முன்னணி வீராங்கனைகளான செரீனா வில்லியம்ஸ், ஷரபோவா மற்றும் முர்ரே ஆகியோர் பங்கேற்று விளையாடுகிறார்கள்.



ஆனால் இவர்களுக்கு இந்த தொடருக்கான தரநிலை வழங்கப்படவில்லை. ரபெல் நடால், சிமோனா ஹாலெப் முதல் இடத்தை பிடித்துள்ளனர். பெடரர் 2-ம் இடத்தை பிடித்துள்ளார்.

சின்சினாட்டி ஓபன் டென்னிஸ் தொடர் வரும் திங்கட்கிழமை (13-ந்தேதி) தொடங்குகிறது.

லண்டன்:

‘கிராண்ட்ஸ்லாம்’ அந்தஸ்து பெற்ற விம்பிள்டன் டென்னிஸ் போட்டி லண்டனில் நடந்து வருகிறது. இதில் பெண்கள் ஒற்றையர் பிரிவில் இன்று நடக்கும் இறுதி ஆட்டத்தில் முன்னாள் சாம்பியன் செரீனா வில்லியம்ஸ் (அமெரிக்கா)- ஏஞ்சலிக் கெர்பர் (ஜெர்மனி) மல்லுகட்டுகிறார்கள். இதுவரை 23 கிராண்ட்ஸ்லாம் பட்டங்களை தன்னகத்தே கொண்டுள்ள செரீனா, இந்த முறையும் வெற்றிக்கனியை பறித்தால், அதிக கிராண்ட்ஸ்லாம் வென்றவரான ஆஸ்திரேலியாவின் மார்கரெட் கோர்ட்டின் (24 கிராண்ட்ஸ்லாம்) சாதனையை சமன் செய்வார்.

முன்னதாக நேற்று ஆண்கள் ஒற்றையர் பிரிவில் நடந்த கெவின் ஆண்டர்சன் (தென்ஆப்பிரிக்கா)- ஜான் இஸ்னர் (அமெரிக்கா) இடையிலான அரை இறுதி ஆட்டம் 5½ மணி நேரத்திற்கு மேலாகியும் முடிவு கிடைக்காமல் இழுத்து கொண்டே போனது. #Wimbledon2018 #AngeliqueKerber #SerenaWilliams

லண்டன்:

கிராண்ட்ஸ்லாம் போட்டிகளில் ஒன்றான விம்பிள்டன் டென்னிஸ் போட்டி லண்டனில் நடந்து வருகிறது. இதில் ஒற்றையர் பிரிவில் நேற்று 2-வது சுற்று ஆட்டங்கள் நடந்தன. ஆண்கள் பிரிவில் 8 முறை சாம்பியனான சுவிட்சர்லாந்தின் ரோஜர் பெடரர் 6-4, 6-4, 6-1 என்ற நேர் செட்டில் லுகாஸ் லாக்கோவை (சுலோவக்கியா) தோற்கடித்து 3-வது சுற்றுக்கு முன்னேறினார். பெடரர் அடுத்து ஜெர்மனியின் ஜான் லினார்ட் ஸ்டிரப்பை சந்திக்கிறார்.

கனடா வீரர் மிலோஸ் ராவ்னிக் தன்னை எதிர்த்த ஆஸ்திரேலியாவின் ஜான் மில்மானை 7-6 (4), 7-6 (4), 7-6 (4) என்ற நேர் செட்டில் விரட்டினார். இதே போல் கேல் மான்பில்ஸ் (பிரான்ஸ்), மெக்டொனால்டு, சாம் குயரி (அமெரிக்கா) ஆகியோரும் 2-வது தடையை கடந்தனர்.

பெண்கள் பிரிவில் குழந்தை பெற்றுக் கொண்டு களம் திரும்பியுள்ள அமெரிக்க வீராங்கனை செரீனா வில்லியம்ஸ் 6-1, 6-4 என்ற நேர் செட் கணக்கில் டோமோவை (பல்கேரியா) பந்தாடினார். வீனஸ் வில்லியம்ஸ் (அமெரிக்கா), கரோலினா பிளிஸ்கோவா, சபரோவா (செக்குடியரசு), மேடிசன் கீஸ் (அமெரிக்கா) உள்ளிட்டோர் தங்களது 2-வது சுற்று ஆட்டங்களில் வெற்றி கண்டனர்.

அதே சமயம் 2-ம் நிலை வீராங்கனையும், ஆஸ்திரேலிய ஓபன் சாம்பியனுமான கரோலின் வோஸ்னியாக்கி (டென்மார்க்) அதிர்ச்சி தோல்வி அடைந்தார். அவரை 6-4, 1-6, 7-5 என்ற செட் கணக்கில் ரஷியாவின் மகரோவா வீழ்த்தினார்.

முன்னதாக, முன்னாள் நம்பர் ஒன் வீராங்கனை ரஷியாவின் மரிய ஷரபோவா நேற்று முன்தினம் இரவு நடந்த முதல் சுற்று ஆட்டத்தில் 7-6 (3), 6-7 (3), 4-6 என்ற செட் கணக்கில் சக நாட்டவர் விடாலியா டையட்சென்கோவிடம் போராடி வீழ்ந்தார். இந்த ஆட்டம் 3 மணி 8 நிமிடங்கள் நீடித்தது.  #Wimbledon2018 #Federer #SerenaWilliams  #tamilnews

பிரெஞ்ச் ஓபனில் இன்று நடக்கும் 4-வது சுற்று ஆட்டம் ஒன்றில் முன்னாள் ‘நம்பர் ஒன்’ வீராங்கனைகள் செரீனா வில்லியம்சும் (அமெரிக்கா) - மரிய ஷரபோவாவும் (ரஷியா) கோதாவில் இறங்குகிறார்கள். பரம போட்டியாளர்களான இவர்கள் 2016-ம் ஆண்டுக்கு பிறகு முதல்முறையாக மோதுவதால் இந்த ஆட்டம் ரசிகர்கள் மத்தியில் மிகுந்த எதிர்பார்ப்பை உருவாக்கியுள்ளது.

இருவரும் இதுவரை 21 முறை நேருக்கு நேர் சந்தித்து இருக்கிறார்கள். இதில் ஷரபோவா 19 ஆட்டங்களில் தோல்வி கண்டு இருக்கிறார். கடைசியாக மோதிய 18 ஆட்டங்களில் செரீனா வசமே வெற்றி கிட்டியிருக்கிறது. 14 ஆண்டுகளாக செரீனாவை வீழ்த்த முடியாமல் தவிக்கும் ஷரபோவா நீண்டகால ஏக்கத்தை தணிப்பாரா? என்பதை பொறுத்திருந்து பார்க்கலாம். குழந்தை பெற்றுக்கொண்ட பிறகு 36 வயதான செரீனா பங்கேற்றுள்ள முதல் கிராண்ட்ஸ்லாம் போட்டி இது என்பது குறிப்பிடத்தக்கது. #FrenchOpen #SerenaWilliams #MariaSharapova  

பாரீஸ்:

கிராண்ட்சிலாம் போட்டிகளில் ஒன்றான பிரெஞ்சு ஓபன் டென்னிஸ் போட்டி பாரீஸ் நகரில் நடைபெற்று வருகிறது.

உலகின் 5-ம் நிலை வீரரான டெல்போட்ரோ (அர்ஜென்டினா) முதல் சுற்றில் நிகோலசை (பிரான்ஸ்) எதிர் கொண்டார். இதில் டெல் போட்ரோ 1-6, 6-1, 6-2, 6-4 என்ற கணக்கில் வென்று 2-வது சுற்றுக்கு தகுதி பெற்றார்.

மற்ற ஆட்டங்களில் நடப்பு சாம்பியனும், முதல் நிலை வீரருமான ரபெல் நடால் (ஸ்பெயின்), 3-ம் நிலை வீரர் சிலிச் (குரோஷியா) 9-ம் நிலை வீரர் இஸ்னெர் (அமெரிக்கா), 6-வது இருக்கும் ஆண்டர்சன் (தென் ஆப்பிரிக்கா) ஆகியோர் முதல் சுற்றில் வெற்றி பெற்றனர்.

28-ம் நிலை வீராங்கணையான ‌ஷரபோவா (ரஷியா) தொடக்க ஆட்டத்தில் ஹோகன் காம்பை (நெதர்லாந்து) எதிர் கொண்டார். இதில் ‌ஷரபோவா 6-1, 4-6, 6-3 என்ற கணக்கில் வென்றார்.

மற்ற ஆட்டங்களில் செரீனா வில்லியம்ஸ் (அமெரிக்கா), 3-வது வரிசையில் இருக்கும் முகுருஜா (ஸ்பெயின்) கரோலின் கார்சியா (நெதர்லாந்து) ஆகியோர் வென்று 2-வது சுற்றுக்கு முன்னேறினார்கள்.


இதேபோல் இரட்டையர் பிரிவில் இந்தியாவை சேர்ந்த ரோகன் போபன்னா- வாஸ்லின் (நெதர்லாந்து) ஜோடி முதல் சுற்றிலேயே தோற்று வெளியேறியது. #FrenchOpen #Serena #delPotro