நீங்கள் தேடியது "சங்ககரா"

இலங்கை முன்னாள் கேப்டன் சங்ககரா அளித்த பேட்டியில் கூறியதாவது:-

உலகின் சிறந்த கிரிக்கெட் வீரராக விராட் கோலி திகழ்கிறார். அவர் மூன்று வகை கிரிக்கெட்டிலும் மிகவும் அபாரமாக விளையாடி நம்ப முடியாத வகையில் ரன்களை குவிக்கிறார். கிரிக்கெட்டின் அனைத்து காலக்கட்டத்துக்கும் சிறந்த பேட்ஸ்மேனாக இருக்கிறார்.

இவ்வாறு அவர் கூறியுள்ளார்.



விராட் கோலி கடந்த சில ஆண்டுகளாக அபாரமாக பேட்டிங் செய்து வருகிறார். அவர் சர்வதேச போட்டியில் இதுவரை 64 சதம் அடித்துள்ளார். தெண்டுல்கரின் 100 சதம் சாதனையை அவர் முறியடிப்பார் என்ற எதிர்பார்ப்பு ஏற்பட்டுள்ளது. சங்ககரா 63 செஞ்சூரி விளாசியுள்ளார்.

இந்திய அணி கேப்டன் விராட் கோலி உலகின் சிறந்த பேட்ஸ்மேன் என்பதை தொடர்ந்து நிரூபித்து வருகிறார். ஆஸ்திரேலியாவுக்கு எதிராக அடிலெய்டுவில் நடந்த 2-வது ஒருநாள் போட்டியில் அவர் அபாரமாக விளையாடி ‘சதம்’ அடித்தார். 218-வது ஒருநாள் போட்டியில் விளையாடும் கோலிக்கு இது 39-வது சதமாகும்.

இதன் மூலம் ஒருநாள் போட்டியில் அதிக சதம் அடித்த தெண்டுல்கருக்கு (49 செஞ்சூரி) அடுத்தபடியாக விராட் கோலி தொடர்ந்து 2-வது இடத்தில் உள்ளார். ஆஸ்திரேலியாவுக்கு எதிராக 7-வது சதம் அடித்துள்ள விராட் கோலி, ஆஸ்திரேலிய மண்ணில் 6-வது செஞ்சூரியை பதிவு செய்தார்.



சர்வதேச போட்டியில் (டெஸ்ட்-ஒருநாள் போட்டி) விராட் கோலி 64-வது செஞ்சூரியை அடித்துள்ளார். இதன் மூலம் அவர் சங்ககராவை முந்தி 3-வது இடத்தை பிடித்தார். சங்ககரா 666 இன்னிங்சில் 63 சதங்கள் அடித்து இருந்தார். கோலி 401 இன்னிங்சில் 64 சதங்கள் எடுத்து தெண்டுல்கர், பாண்டிங்குக்கு அடுத்த நிலையில் உள்ளார்.



கோலி டெஸ்டில் 25 சதங்களும் (131 இன்னிங்ஸ்), ஒருநாள் போட்டியில் 39 செஞ்சூரியும் (210 மேட்ச்) அடித்துள்ளார். 20 இருபது ஓவர் போட்டியில் விளையாடி சதம் அடித்தது இல்லை. அதிகபட்சமாக 90 ரன் எடுத்து உள்ளார்.

இந்திய அணியின் கேப்டனாக இருக்கும் விராட் கோலி ‘ரன் மெஷின்’ என்று அழைக்கப்படுகிறார். இந்த வருடத்தில் அனைத்து வகை கிரிக்கெட்டிலும் அபாரமாக விளையாடி 11 சதங்கள் விளாசியுள்ளார். இதற்கு முன் சச்சின் தெண்டுல்கர் 1998-ம் ஆண்டு ஒரே ஆண்டில் அனைத்து வகை கிரிக்கெட்டிலும் 12 சதங்கள் அடித்ததே அதிகபட்ச சதமாக இருந்து வருகிறது.

நாளைமறுதினம் தொடங்கும் மெல்போர்ன் டெஸ்டில் விராட் கோலி சதம் அடித்து சச்சின் தெண்டுல்கர் சாதனையை சமன் செய்வாரா? என்ற எதிர்பார்ப்பு ஏற்பட்டுள்ளது.



மேலும், இந்த ஆண்டில் விராட் கோலி 2653 ரன்கள் குவித்துள்ளார். இலங்கை வீரர் குமார் சங்ககரா 2868 குவித்ததே ஒரே ஆண்டில் அதிகபட்ச ஸ்கோராக இருந்து வருகிறது. இந்த சாதனையை முறியடிக்க விராட் கோலிக்கு 216 ரன்களே தேவை.