search icon
என் மலர்tooltip icon

    நீங்கள் தேடியது "உடல் நலம்"

    • அனுமதியின்றி தயார் செய்யப்படும் அழகு சாதன பொருட்களில் தரம் குறைவாக இருக்கலாம்.
    • போலி மருதாணி கூம்புகள் பறிமுதல் செய்யப்பட்ட சம்பவம் அந்த பகுதியில் பரபரப்பை ஏற்படுத்தியது.

    பெண்கள் தற்போது அதிகளவில் மருதாணி கூம்புகளை பயன்படுத்தி வருகின்றனர். வீட்டில் நடக்கும் விசேஷங்கள் முதல் விழா காலங்களில் சிறுமிகள் முதல் பெண்கள் வரை அனைவராலும் தவிர்க்க முடியாததாக மருதாணி வைக்கும் பழக்கம் வந்துவிட்டது.

    அந்த காலத்தில் வீட்டில் மருதாணி இலையை அரைத்து மருதாணி வைத்து அலங்கரித்தனர்.

    ஆனால் தற்போது மருதாணி கூம்புகள் அறிமுகமான பிறகு விதவிதமான வகைகளில் மருதாணி கைகளில் வைக்கப்படுகிறது.600-க்கும் மேற்பட்ட மருதாணி வடிவமைப்புகள் கண்டு பிடிக்க ப்பட்டுள்ளன.

    போலியான மருதாணி கூம்பு களால் உடல்ந லத்திற்கு பாதிப்பு ஏற்படும் அபாயம் உள்ளதால் பெண்கள் உஷாராக இருக்க வேண்டும் என எச்சரிக்கை விடுத்து ள்ளனர்.***திருப்பதி, ஜன.11-

    மருதாணி( மெஹந்தி)கோன் அதிகளவில் விற்பனைக்கு வருகின்றன. உண்மையான மருதாணி இலையை அரைத்து மட்டுமே இந்த மருதாணி கோன் உற்பத்தி செய்ய வேண்டும் என சுகாதாரத்துறை அறிவுறுத்தி உள்ளது.

    ஆனால் அதனை மீறி தெலுங்கானா மாநிலத்தில் மெஹந்தி நிறுவனம் ஒன்று போலியாக மருதாணி கோன்களை தயாரித்துள்ளது.

    தெலுங்கானா மாநிலம் ஐதராபாத் அருகே உள்ள மெகதி பட்டினத்தில் உள்ள ஒரு மருதாணி கூம்பு தயாரி க்கும் தொழிற்சாலையில் போலியாக மருதாணி கூம்புகள் தயாரிப்பதாக தெலுங்கானா மருந்து கட்டுப்பாட்டு துறை அதிகாரிகளுக்கு தகவல் கிடைத்தது. இதனைத் தொடர்ந்து மருந்து கட்டுப்பாட்டு துறை அதிகாரிகள் நேற்று அந்த நிறுவனத்தில் அதிரடியாக புகுந்து சோதனை நடத்தினர். அங்கிருந்த மருதாணி கூம்புகளை கைப்பற்றி ஆய்வு செய்தனர். அப்போது அந்த மருதாணி கூம்புகள் பிக்ரமிக் அமிலம் என்ற செயற்கை சாயத்தை பயன்படுத்தி போலியாக தயாரிப்பது தெரிய வந்தது. மேலும் இந்த நிறுவனம் உரிமம் இல்லாமல் இயங்கியது கண்டு பிடிக்க பட்டது.

    அந்த நிறுவனத்தில் இருந்த பல லட்சம் மதிப்புள்ள மருதாணி கூம்புகளை பறிமுதல் செய்தனர். அதன் உரிமையாளரிடம் விசாரணை நடத்தி வருகின்றனர்.

    இது குறித்து முறையான விசாரணை நடத்தப்பட்டு குற்றவாளிகள் மீது சட்டப்படி நடவடிக்கை எடுக்கப்படும் என தெலுங்கானா மருந்து கட்டுப்பாட்டு துறை அதிகாரிகள் தெரிவித்துள்ளனர்.

    மேலும் இது குறித்து அவர்கள் கூறுகையில்

    அனுமதியின்றி தயார் செய்யப்படும் அழகு சாதன பொருட்களில் தரம் குறைவாக இருக்கலாம்.

    இது போன்ற அழகு சாதன பொருட்களில் பொது சுகாதாரத்தில் கடுமையான தாக்கங்களை ஏற்படுத்த அதிக வாய்ப்பு உள்ளது.

    தற்போது பறிமுதல் செய்யப்பட்ட மருதாணி கூம்புகள் பிக்ரமிக் அமிலம் என்ற செயற்கை சாயத்தை பயன்படுத்தி தயாரித்துள்ளனர்.

    இந்த அமிலம் வெடி பொருட்கள் தயாரிப்பதற்கும் மருத்து வத்துறையில் சில மருந்துகள் தயாரிப்பதற்கு பயன்படுத்தப்படுகிறது.

    இந்த வகை மருதாணி கையில் வைப்பதால் சாப்பிடும் போது உணவில் கலந்து உடலில் கலந்து விடும்.இது உடல் நலத்தை பாதிக்கும்.

    இவ்வாறு அவர்கள் கூறினர்.

    போலி மருதாணி கூம்புகள் பறிமுதல் செய்யப்பட்ட சம்பவம் அந்த பகுதியில் பரபரப்பை ஏற்படுத்தியது.

    • உணவுக்குப் பின் பழம் எடுக்கும் போது, பழமானது மற்ற உணவுடன் சேர்ந்து அழுகுவதால், வாயு உற்பத்தியாகி வயிறு ஊதக் காரணமாகிறது!
    • சரியான முறையில் பழங்கள் சாப்பிடும் வகையை அறிந்து கொண்டால், நமக்கு அழகு, நீண்ட ஆயுள், உடல் ஆரோக்கியம், கிடைக்கும்.

    பழங்களைச் சாப்பிடுவதென்றால், உணவு சாப்பிட்ட பிறகு பழங்களை எடுத்துக் கொள்வது அல்ல! பழங்களை வெறும் வயிற்றிலேயே சாப்பிட வேண்டும்!

    பழங்களை வெறும் வயிற்றில் எடுத்துக் கொண்டால், அது நம் உடலின் நச்சுக்களை வெளியேற்றுவதிலும், எடை குறைப்பு, மற்றும் வாழ்வின் மற்ற செயல்களுக்குத் தேவையான அதிகப்படியான ஆற்றலைத் தருவதிலும் பெரும் பங்கு வகிக்கிறது!

    சாதாரணமாக நீங்கள் இரண்டு துண்டுகள் பிரட், அதன்பின் ஒரு துண்டு பழம் என்று எடுத்துக் கொள்கிறீர்கள் எனக் கொள்வோம்.

    பழத்துண்டு வயிற்றின் வழியே நேராகக் குடலுக்குள் செல்லத் தயாராக இருக்கிறது. ஆனால் பழத்திற்கு முன்னால் எடுத்துக்கொண்ட 'பிரட்' டினால் பழம் குடல் பகுதிக்குச் செல்வது தடுக்கப்படுகிறது.

    இந்த சராசரி நேரத்தில் முழு உணவான பிரட் மற்றும் பழம் இரண்டும் அழுகி, புளித்து, அமிலமாக மாறுகிறது.

    பழம் வயிற்றிலுள்ள உணவு மற்றும் செரிமானத்துக்கு உதவும் சாறுகளுடனும் சேரும் நிமிடத்தில், அந்த முழு நிறையான உணவு கெட்டுப்போக ஆரம்பிக்கிறது. அதனால் பழங்களை வெறும் வயிற்றில்அல்லது உணவுக்கு முன் சாப்பிடுங்கள்.!

    உணவுக்குப் பின் பழம் எடுக்கும் போது, பழமானது மற்ற உணவுடன் சேர்ந்து அழுகுவதால், வாயு உற்பத்தியாகி வயிறு ஊதக் காரணமாகிறது!

    நரை முடி தோன்றுவது, தலையில் வழுக்கை விழுவது, நரம்புகளின் திடீர் எழுச்சி, கண்களின் கீழ் கருவளையம் தோன்றுவது இவையெல்லாமே, வெறும் வயிற்றில் பழங்கள் எடுத்துக் கொண்டால், நடக்காமல் தடுக்கப்படும்.

    ஆரஞ்சு, எலுமிச்சை போன்ற பழங்களெல்லாம் அமிலத்தன்மையுடையவை என்பதெல்லாம் உண்மையில்லை! ஏனென்றால், எல்லாப் பழங்களும், நமது உடலுக்குள் சென்றதும் காரத்தன்மையுடையவையாகின்றன.

    சரியான முறையில் பழங்கள் சாப்பிடும் வகையை அறிந்து கொண்டால், நமக்கு அழகு, நீண்ட ஆயுள், உடல் ஆரோக்கியம், கிடைக்கும்.

    -புவனா வசந்த்

    • கடந்த சில நாட்களாக சிம்மநாயக்கன்பாளையத்தில் ஈக்கள் தொல்லை அதிகமாக காணப்படுகிறது.
    • ஈக்கள் தொல்லையை கட்டுப்படுத்த வேண்டும் என மக்கள் கோரிக்கை

    சூலூர்,

    கோவை சூலூர், சுல்தான்பேட்டை அருகில் சிம்மநாயக்கன்பாளையம் கிராமம் உள்ளது. இங்கு 100-க்கும் மேற்பட்ட குடும்பத்தினர் வசித்து வருகின்றனர்.

    இங்கு வாழும் மக்கள் அனைவருமே கூலி வேலைக்கு சென்று தங்கள் வாழ்க்கையை நடத்தி வருகிறார்கள்.

    இந்த நிலையில் கடந்த சில நாட்களாக சிம்மநாயக்கன்பாளையத்தில் ஈக்கள் தொல்லை அதிகமாக காணப்படுகிறது. அந்த ஈக்கள் அவர்கள் சாப்பிடும் உணவு, குடிக்கும் தண்ணீர், திண்பன்டங்கள் உள்பட அனைத்திலும் மொய்த்து கொண்டிருக்கின்றன.

    சில நேரங்களில் மூக்கு, காதுகளிலும் சென்று தொல்லை கொடுத்து வருகிறது. தொடர்ந்து இதுபோன்று ஈக்கள் தொல்லையால், குழந்தைகள், முதியவர்கள் உள்பட அனைவருக்கும் பல்வேறு உடல் உபாதைகள் ஏற்பட்டு வருகிறது.

    மேலும் ஈக்கள் தொல்லையால் மக்கள் வீட்டில் உள்ள பொருட்களை மிகவும் கவனத்துடன் கையாண்டு வருகின்றனர்.

    இதுகுறித்து பொதுமக்கள் கூறியதாவது:-

    சிம்மநாயக்கன்பாளையத்தில் ஏராளமான கோழிப்பண்ணைகள் உள்ளன. அவை சரிவர பராமரிக்கப்படுவது இல்லை.

    எனவே அங்கு ஈக்கள் அதிகம் உற்பத்தியாகி, வீடுகள் முழுவதும் பரவி பாதிப்புகளை ஏற்படுத்தி வருகிறது. இதனால் நிம்மதியாக தூங்க முடியாமல் அவதிப்பட்டு வருகிறோம். இதுகுறித்து உள்ளாட்சி மன்றத்தில் புகார் கொடுத்தோம். ஆனாலும் நடவடிக்கை எடுக்கப்படவில்லை.

    சிம்மநாயக்கன்பாளையத்தில் கடந்தாண்டு இதே பிரச்சினை ஏற்பட்டது. அப்போது உள்ளூர் பஞ்சாயத்து நிர்வாகம் சம்பந்தப்பட்ட பகுதியில் பூச்சிமருந்து தெளித்து, கோழிப்பண்ணைகளிலும் சுத்தம், சுகாதாரத்தை பராமரிக்க உத்தரவிட்டது.

    இதன் விளைவாக அங்கு ஈக்கள் தொல்லை கட்டுப்படுத்தப்பட்டது. அதேமாதிரியான நடவடிக்கையை தற்போதும் மேற்கொண்டால் சிம்மநாயக்கன்பாளையத்தில் ஈக்கள் தொல்லைக்கு முடிவு கட்ட முடியும்.

    எனவே மாவட்ட நிர்வாகம் இந்த விஷயத்தில் தலையிட்டு உடனடியாக நடவடிக்கை எடுக்க வேண்டும் என்று கோரிக்கை விடுத்து உள்ளனர்.

    • கொழுப்பு தேவையென்றால் உடலே அதனை உருவாக்கிக் கொள்ளும்.
    • கொழுப்புள்ள உணவுகளைச் சாப்பிட்டால் மட்டும்தான் கொழுப்புகள் உருவாகும் என்பது கற்பனைதான்.

    இதயத்தில் அல்லது ரத்தத்தில் கொழுப்பு உருவாவதற்கோ அல்லது அடைப்பு ஏற்படுவதற்கோ கொழுப்பு அதிகமுள்ள உணவுகளே காரணம் என்று மருத்துவ விஞ்ஞானிகளும், பன்னாட்டு மருந்து நிறுவனத்தினரும் கூறிவருகிறார்கள்.

    ஆட்டினுடைய உடல் அமைப்பில் இயல்பாகவே கொழுப்பு அதிகமாக இருக்கும். உடலில் எந்த அளவு தசை இருக்கிறதோ, அதே அளவு கொழுப்பும் இருக்கும். இவ்வளவு கொழுப்பு உருவாவதற்கு ஆடு எவ்வளவு கொழுப்பை உணவாக உட்கொண்டிருக்க வேண்டும்?

    ஆனால், ஆடு சுத்த சைவம். சைவ உணவுகளை மட்டும் அதிலும் இயற்கையான, சமைக்காத உணவுகளை மட்டுமே ஆடுகள் சாப்பிடுகின்றன. ஆனால் இவ்வளவு கொழுப்பு ஆட்டிற்கு எங்கிருந்து வந்தது?

    கொழுப்பு தேவையென்றால் உடலே அதனை உருவாக்கிக் கொள்ளும். கொழுப்புள்ள உணவுகளைச் சாப்பிட்டால் மட்டும்தான் கொழுப்புகள் உருவாகும் என்பது கற்பனைதான்.

    நாம் உண்ணும் முறைதான் நோய்களை உருவாக்குகிறது. பசியில்லாத நேரத்தில் நீங்கள் சாப்பிடும் உணவு சைவமாக இருந்தால் கூட, அதிலிருந்து கொழுப்பு உருவாக வாய்ப்பிருக்கிறது. பசியோடு இருக்கும் நேரத்தில் நீங்கள் சாப்பிடும் உணவு அசைவமாக, கொழுப்பு அதிகம் இருக்கும் உணவாக இருந்தாலும், அதிலிருந்து உடலிற்குத் தேவையில்லாத கொழுப்பு உருவாகாது.

    அதே போல, கொழுப்பு என்றவுடன் நமக்கு ஒருவித பயம் ஏற்படுகிறது. உண்மையில் கொழுப்பு உடலிற்கு அவசியமான சத்துக்களில் ஒன்று. நம் உடலின் உள்ளுறுப்புகளின் முழுமையான உருவாக்கத்திற்கு கொழுப்பு அவசியம். நம் உடலின் ஒவ்வொரு செல்லும் கொழுப்பால் ஆன வெளிச்சுவரைக் கொண்டிருக்கிறது. கொழுப்பைக் குறைக்கிறேன் பேர்வழி என கடுமையான டயட்டில் இருப்பது, காம்பவுண்ட் சுவரே இல்லாமல் வீடு கட்டுவது போன்ற பாதுகாப்பற்ற நிலைக்கு நம் உடலை ஆளாக்கிவிடும்.

    -உமர் பாரூக்

    • சிறுநீர் கட்டு, நீர் எரிச்சல், நீர் கட்டு ஆகிய நோய்களுக்கு சுரைக்காய் சாப்பிடுவது மிகச்சிறந்தது ஆகும்.
    • சுரைக்காயை மதிய உணவுடன் சேர்த்து சாப்பிட்டு வந்தால் பித்தம் சமநிலை அடையும்.

    கோடை காலத்தில் பெரும்பாலானோருக்கு உடல் சூடு ஏற்படும். இந்த உடல் சூட்டை குறைக்க சுரைக்காயை சாப்பிட்டு வர தாகம் ஏற்படாது. நாவறட்சியை போக்கும். மேலும் சுரைக்காயை அடிக்கடி உணவில் சேர்த்து வந்தால் சிறுநீரக கோளாறு நீங்கும்.

    சுரைக்காயில் பல்வேறு மருத்துவ பலன்கள் அடங்கியுள்ளது.

    சுரைக்காய் வைட்டமின் பி மற்றும் சி சத்துக்களை கொண்டுள்ளது. இவற்றை சாப்பிடுவதால் உடல் பலமாக இருக்கும்.

    சுரைக்காயின் சதை பகுதியை ரசமாக்கி அதனுடன் ஒரு தேக்கரண்டி எலுமிச்சை பழச்சாற்றை சேர்த்து பருகி வந்தால் சிறுநீரக கோளாறு படிப்படியாக குறையும்.

    சிறுநீர் கட்டு, நீர் எரிச்சல், நீர் கட்டு ஆகிய நோய்களுக்கு சுரைக்காய் சாப்பிடுவது மிகச்சிறந்தது ஆகும்.

    சுரைக்காயை மதிய உணவுடன் சேர்த்து சாப்பிட்டு வந்தால் பித்தம் சமநிலை அடையும்.

    சுரைக்காயை வெயில் காலத்தில் தொடர்ந்து சாப்பிட, வெப்ப நோய்கள் தாக்காமல் காப்பதோடு சருமத்திற்கு பொலிவையும் கொடுக்கும்.

    சுரைக்காய் நரம்புகளுக்கு புத்துணர்வை கொடுத்து, உடலை வலுப்படுத்தும்.

    அஜீரணக்கோளாறு உள்ளவர்கள் சுரைக்காயை சாப்பிடலாம்.

    வெப்பத்தினால் ஏற்படும் தலைவலி நீங்க வேண்டுமெனில் சுரைக்காயின் சதை பகுதியை அரைத்து நெற்றியில் பற்று போட வேண்டும். இதனால் தலைவலி நீங்கும்.

    தற்போது உள்ள சூழ்நிலையில் பெரும்பாலானோர் கணினி சம்பந்தமான பணிகளில் இருப்பதால் கண் எரிச்சல், கண் வலி போன்ற பிரச்சனைகள் ஏற்படுகின்றன. இத்தகைய கண் குறைபாடுகள் நீங்க சுரைக்காயை பயன்படுத்தலாம்.

    சுரைக்காயை ஏதாவது ஒரு வகையில் உணவில் சேர்த்து வந்தால் உடல் சூடு தணியும், வெப்ப நோய்கள் ஏதும் ஏற்படாது. சுரைக்காயின் இலைகளை நீரில் ஊற வைத்து, அந்த நீரை பருகி வந்தால் வயிறு தொடர்பான பிரச்சனைகள் நீங்கும். கை, கால் எரிச்சல் உள்ள இடத்தில் சுரைக்காயின் சதை பகுதியை வைத்து கட்டினால் எரிச்சல் குறையும்.

    நீரிழிவு நோய் உள்ளவர்கள் இந்த காயை அடிக்கடி பயன்படுத்தி வர ரத்தத்தில் உள்ள சர்க்கரையின் அளவு படிப்படியாக குறையும்.

    -கணேஷ்ராம்

    • காலைத் தொங்கவைத்து அமர்வதால் நமக்குப் பல உடல் உபாதைகள் உருவாகிறது.
    • முடிந்த வரை காலை தொங்கவைத்து அமர்வதை தவிருங்கள்.

    நாம் பொதுவாக எப்பொழுதும் காலை தொங்கவைத்து அதிகமாக அமர்ந்திருக்கிறோம். இரண்டு சக்கர வாகனத்தில் பயணிக்கும் பொழுது, பேருந்தில், ரெயில் வண்டிகளில், சினிமா தியேட்டரில், பள்ளிகளில், அலுவலகங்களில், வீடுகளில், சோபாக்களில், கட்டில், நாற்காலி இப்படி நன்றாக யோசித்துப் பார்த்தால் நாம் அதிகநேரம் காலைத் தொங்க வைத்துக்கொண்டே இருக்கிறோம்.

    இப்படிக் காலைத் தொங்கவைத்து அமர்வதால் நமக்குப் பல உடல் உபாதைகள் உருவாகிறது. இதற்குக் காரணம் என்னவென்றால் காலைத் தொங்கவைத்து அமரும்பொழுது, நமது உடலில் இரத்த ஓட்டம் இடுப்பிற்குக் கீழ்ப்பகுதியில் மட்டுமே அதிகமாக செல்கிறது. நாம் காலை மடக்கி சம்மணம் போட்டு அமரும்பொழுது இடுப்புக்கு மேலே ரத்த ஒட்டம் அதிகமாகவும் வருவதற்கு வாய்ப்பு உள்ளது. நமது உடலில் இடுப்புக்கு கீழே உள்ள கால்களுக்கு நடக்கும்பொழுது மட்டும் இரத்த ஓட்டம் சென்றால் போதும்.

    மிக முக்கியமான உறுப்புகளாகிய சிறுநீரகம், கணையம், நுரையீரல், மூளை, கண், காது ஆகியவை இடுப்புக்கு மேல்ப்பகுதியில்தான் இருக்கிறது. எனவே ஒருவர் காலை தொங்கப்போடாமல் சம்மணங்கால் போட்டு அமர்ந்திருந்தால் அவருக்கு சக்தியும், ஆரோக்கியமும் அதிகமாக கிடைக்கிறது. எனவே, சாப்பிடும் பொழுதாவது கீழே உட்கார்ந்து காலை மடக்கி அமர்ந்துதான் சாப்பிட வேண்டும்.

    ஏனென்றால், இடுப்புக்கு கீழே ரத்த ஓட்டம் செல்லாமல் முழு சக்தியும் வயிற்றுப் பகுதிக்குச் செல்லும்பொழுது நமக்கு ஜீரணம் நன்றாக நடைபெறுகிறது. சாப்பிடும்பொழுது காலைத் தொங்க வைத்து நாற்காலியில் அமர்வதனால் ரத்த ஓட்டம் வயிற்றுப் பகுதிக்குச் செல்லாமல் காலுக்கே அதிகமாக செல்கிறது. இந்திய வகை கழிவறை செல்லும்போது மட்டும்தான் காலை மடக்கி அமர்கிறோம் யுரோப்பியன் கழிவறையில் அமரும் பொழுது குடலுக்கு அதிக அளவு அழுத்தம் கொடுத்தால் மட்டுமே கழிவு வெளியேறும், அதனால் தான் இப்பொழுது சிறுகுழந்தைகள் கூட யுரோப்பியன் வகையினை பயன்படுத்துவதால் அவர்களால் தரையில் சுக ஆசனத்தில் அமர்வதற்கு முடியாமல் தவிக்கிறார்கள். ஒரு விஷயத்தைப் புரிந்து கொள்ளுங்கள். உங்களால் சம்மணங்கால் போட்டுக்கூட தரையில் உட்கார முடியவில்லை என்றால் இந்த உடம்பை எந்த அளவிற்கு கெடுத்து வைத்திருக்கிறீர்கள் என்பதைப் புரிந்து கொள்ளுங்கள்....

    எனவே முடிந்த வரை காலை தொங்கவைத்து அமர்வதை தவிருங்கள். எனவே யுரோப்பியன் வகை கழிவறைகளை தவிருங்கள். கட்டிலிலோ, ஷோபாவிலோ அமரும்பொழுது சம்மணம் இட்டே அமருங்கள்.

    சாப்பிடும் பொழுது தரையில் ஏதாவது ஒரு விரிப்பை விரித்து அதன்மேல் சம்மணங்கால் போட்டு அமர்ந்து சாப்பிட்டால் சாப்பாடு நன்றாக ஜீரணிக்கும்.

    சில வீடுகளில் அதற்கு வாய்ப்பில்லை என்று இருந்தால் டைனிங் டேபிளில் அமர்ந்து காலை மடக்கி வைத்து அமர்ந்து சாப்பிட்டுக் கொள்ளுங்கள்...

    சாப்பிடும் முறை...!

    (1) நின்று கொண்டு சாப்பிடும் பழக்கத்தை மாற்றி. குடும்பத்துடன் அமர்ந்து ஒன்றாய் சாப்பிடுங்கள்.

    (2) எந்த வகை சாப்பாடாக இருந்தாலும் நன்றாக மென்று, கூழாக்கி சாப்பிடுங்கள்.

    (3) பேசிக் கொண்டு, தொலைக்காட்சி, புத்தகம் பார்த்து கொண்டே சாப்பிட கூடாது.

    (4) சாப்பிடும் பொழுது இடையில் தேவையில்லாமல் தண்ணீர் குடிக்காதீர்கள். கடைசியில் தண்ணீர் குடிக்க மறக்காதீர்கள்.

    போதிய அளவில் தண்ணீர் பருகுங்கள்.

    (5) அவசர அவசரமாக சாப்பிட வேண்டாம்.

    (6) பிடிக்காத உணவுகளை கஷ்டப்பட்டு சாப்பிட வேண்டாம்.

    (7) பிடித்த உணவுகளை அளவுக்கு அதிகமாகவும் சாப்பிட வேண்டாம்.

    (8) ஆரோக்கிய உணவுகளை அதிகம் சாப்பிட பழகவும்...

    (9) இரவு உணவில், முள்ளங்கி மற்றும் கீரை உணவுகளை சேர்க்க வேண்டாம்.

    (10) சாப்பாட்டுக்கு அரை மணிநேரம் முன்பு பழங்கள் சாப்பிடுங்கள்... பின்பு பழங்கள் சாப்பிட வேண்டாம்...

    (11) சாப்பிடும் முன்பு சிறிது நடந்துவிட்டு பின்பு சாப்பிடவும். இரவு சாப்பிட்ட பின், நடப்பது நலம்...

    (12) சாப்பிட வேண்டிய நேரம்.

    காலை - 7 மணி முதல் 9 மணிக்குள்

    மதியம் - 1 மணி முதல் 3 மணிக்குள்

    இரவு - 7 மணி முதல் 9 மணிக்குள்

    (13) சாப்பிட்டு 2 மணி நேரம் கழித்து தான் தூங்க வேண்டும்.

    (14) சாப்பிடும் முன்பும் பின்பும் கடவுளுக்கு நன்றி சொல்ல மறக்காதீர்கள்.

    அமருங்கள் சம்மணமிட்டு.

    • கொடிப்பசலையில் பச்சை மற்றும் சிவந்த நிறமுடைய தண்டுகளைக் கொண்ட வகைகள் உள்ளன.
    • சுண்ணச்சத்து, வைட்டமின்–ஏ , இரும்புச்சத்து, ஆக்ஸாலிக் ஆசிட், பெருலிக் ஆசிட், அமினோ அமிலங்கள் போன்றவை பசலையில் இருப்பதால், உணவு முறையில் சேர்த்து வர ஊட்டத்தைப் பரிசளிக்கும்.

    விரல்களுக்கு நிறத்தைக் கொடுக்க மருதாணி… முகத்தை பொலிவாக்க கற்றாழை… தோலில் உள்ள நுண்கிருமிகளை அழிக்க மஞ்சள்… அவ்வகையில் உதட்டிற்கு நிறத்தைக் கொடுக்க கொடிப்பசலை! கூடவே குளிர்ச்சிக்கு பெயர்போன கொடிப்பசலை தாவரத்தின் அருமை பெருமைகளை எடுத்துரைப்பது, இப்போதைய சுட்டெரிக்கும் வெயிலுக்கு உகந்ததாக இருக்கும்.

    கனிந்த கொடிப்பசலை பழங்களை விரல் நுனியில் சிதைத்து, 'லிப்-ஸ்டிக்' போல உதடுகளில் பூசிக்கொள்ள சிவந்த நிறத்தைக் கொடுக்கும். இப்போதிருக்கும் லிப்-ஸ்டிக் வகையறாக்களுக்கு பசலைப் பழங்களே முன்னோடி எனலாம். உணவுகளில் சேர்க்கப்படும் இயற்கை சாயத்திற்கு இதன் பழங்கள் பயன்படுத்தப்படுகின்றன.

    கொடிப்பசலையில் பச்சை மற்றும் சிவந்த நிறமுடைய தண்டுகளைக் கொண்ட வகைகள் உள்ளன. சுண்ணச்சத்து, வைட்டமின்–ஏ , இரும்புச்சத்து, ஆக்ஸாலிக் ஆசிட், பெருலிக் ஆசிட், அமினோ அமிலங்கள் போன்றவை பசலையில் இருப்பதால், உணவு முறையில் சேர்த்து வர ஊட்டத்தைப் பரிசளிக்கும்.

    இரும்புச் சத்து நிறைந்திருப்பதால் இரத்தவிருத்திக்கு உதவும். குறைவான கலோரிகளுடன் நிறைவான நுண்ஊட்டங்களை வழங்குவதால் உடல் எடையை குறைக்க நினைப்பவர்களுக்கு பசலை சிறந்த ஆயுதம்.

    குளிர்ச்சிக்கு உத்தரவாதம்:

    குளிர்ச்சித் தன்மையுடையதால், மழைக்காலங்களில் பசலைக் கீரையின் பயன்பாட்டினை குறைத்துக் கொள்வது நல்லது. கார்காலம் அல்லாத மற்றைய பெரும்பொழுதுகளில், இதன் இலைகளை பருப்பு சேர்த்து கடைந்து, மிளகு, சீரகம் சேர்த்து ருசியாக சாப்பிடலாம். வெப்ப நோய்களை உடனடியாக வேரறுக்கும் தன்மை பசலைக்கு இருக்கிறது.

    பசலைக்கீரையை புளி நீக்கி சமைத்து நெய் சேர்த்து சாப்பிட்டு வரலாம். ஆண்மையை அதிகரிப்பதற்கான இயற்கை ரெசிப்பி இது. முறையற்ற மாதவிடாயை ஒழுங்குப்படுத்த, பசலையின் வேரை அரைத்து, அரிசி கழுவிய நீரில் கலந்து பருகுவது ஒரிசா மக்களின் வழக்கம்.

    ஏப்ரல், மே மாதங்களில் உண்டாகும் வேனல்கட்டிகளுக்கு இதன் இலையை சிதைத்து கட்ட விரைவில் பலன்கொடுக்கும். வயிற்றுப் புண்ணை குணமாக்கும் தன்மை இருப்பதால் இதன் இலைச்சாறு ஒரு ஸ்பூனோடு, சிறிது வெண்ணெய் சேர்த்து எடுத்துக்கொள்ளலாம்.

    வெயிலில் சென்று வந்தவுடன் ஏற்படும் தலைவலிக்கு, இதன் இலைகளை அரைத்து நெற்றியில் பற்றுப் போடலாம். கசகசாவோடு பசலை இலைகள் மற்றும் அதன் தண்டுகளை சேர்த்தரைத்து, நெற்றியில் பூச நல்ல உறக்கத்தை உண்டாக்கும். பசலை இலைச் சாற்றை முகத்தில் பூசிவர முகம் பளபளப்படையும்.

    இதன் இலைகளையும் தண்டுகளையும் தண்ணீரிலிட்டு துழாவ, நீருக்கு குழகுழப்புத் தன்மை கிடைக்கும். குழகுழப்புத் தன்மையுடன் சூப் தயாரிக்க ஆசைப்படுபவர்கள், கடைகளில் கிடைக்கும் இன்ஸ்டண்ட் சூப் பவுடர்களுக்குப் பதிலாக, பசலை ஊறிய நீரை வைத்து, சூப் வகைகளை தயாரிக்கலாம்.

    பெரும்பாலான வீட்டு வேலிகளிலும் வீட்டிற்கு முன்பும் கொடியேறிக்கொண்டிருக்கும் 'மணி-ப்ளாண்ட்' எனும் அழகுத் தாவரத்திற்கு பதிலாக, பசலைக்கொடிக்கு வாய்ப்பு கொடுங்கள். அழகான செவ்விய/பசுமையான கொடி, உங்கள் கண்களுக்கு விருந்து படைக்க சரசரவென உருவெடுக்கும்.

    -டாக்டர்.வி.விக்ரம்குமார்

    • வயது முதிர்ந்தவர்களுக்கு மற்றும் சிலருக்கு தாக உணர்வு சரியாக ஏற்படுவதில்லை.
    • தாக உணர்வை ஏற்படுத்தும் நுட்பம் முறையாக வேலை செய்வதில்லை.

    உணவு, காற்று போல மனிதன் உயிர்வாழ அத்தியாவசியத் தேவையாக இருப்பது "நீர்"

    நீரை தினமும் எவ்வளவு அருந்த வேண்டும்?

    அவரவர் தேவைக்கு ஏற்பத் தான்.

    வயது, வாழும் இடத்தின் தட்பவெப்ப சூழ்நிலை, அவரவர் செய்யும் வேலை, உடல் கொண்ட நோய்கள் , அவரவரின் உடல் எடை போன்றவற்றை வைத்து தேவை ஒவ்வொருவருக்கும் மாறுபடும்.

    தினமும் எட்டு கிளாஸ் தண்ணீர் கண்டிப்பாக அருந்த வேண்டும் என்ற பொதுவான விதி இருப்பதெல்லாம் பிறகு எதற்காக? தேவைக்கு ஏற்றவாறு தண்ணீர் குடிக்காதவர்களுக்குத் தான் அந்த பொதுவான விதி.

    சரி நமது உடலுக்கு எவ்வளவு நீர் தேவை என்பதை எப்படி அறிவது?

    தண்ணீர் தேவை என்று அனிச்சையாக எழும் "தாக உணர்வை" வைத்துத் தான்.

    நமது மூளையில் இதற்கென பிரத்யேக மையம் செயல்படுகிறது. இதன் வேலையே நமது உடலில் உள்ள நீருக்கும் உப்புக்கும் இடையே சமநிலையை தக்கவைப்பதாகும்.

    உடலில் நீர் குறையும் போது உப்பின் அளவு கூடும். அப்போது தாக மையம் உந்தப்பட்டு நீர் அருந்தத் தூண்டப்படுவோம்.

    உடலில் நீர் கூடும் போது சிறுநீரகங்களுக்கு கட்டளை பறந்து சென்று தேவைக்கு மிகுதியாக உள்ள நீர் வெளியேற்றப்படும். எனவே தாகத்துக்கு ஏற்றவாறு நீர் அருந்துவது சிறப்பானது சரியானதும் கூட.

    வயது முதிர்ந்தவர்களுக்கு மற்றும் சிலருக்கு தாக உணர்வு சரியாக ஏற்படுவதில்லை. தாக உணர்வை ஏற்படுத்தும் இந்த நுட்பம் முறையாக வேலை செய்வதில்லை.

    அவர்களுக்கு தாங்கள் சரியாக நீர் அருந்துகிறோமா என்பதை தோராயமாக அறிவதற்கு இருக்கும் வழிமுறைகள்..

    மூன்று முதல் நான்கு மணிநேரங்களுக்கு ஒரு முறையாவது சிறுநீர் கழிக்கிறோமா என்பதை உறுதி செய்ய வேண்டும்.

    பகலில் விழித்திருக்கும் போது (காலை ஆறு மணி முதல் இரவு பத்து மணிவரை ) ஐந்து முதல் ஆறு தடவை சிறுநீர் கழிப்பது நல்லது.

    இரவில் ஒரு முறை சிறுநீர் கழிக்க எழுவதும் நார்மல் தான்.

    ஆறு மணிநேரத்திற்கு மேல் சிறுநீர் கழிக்காமல் செல்வது நல்லதல்ல.

    இதற்கடுத்த படியாக சிறுநீரின் நிறத்தை வைத்து நம்மால் நீர் சத்து உட்கொள்ளலின் அளவை அறிந்து கொள்ள முடியும் .

    சிறுநீர் - சுத்த வெள்ளை நிறமாக அல்லது வெளிர் மஞ்சள் நிறத்தில் இருந்தால் நாம் நீர் குடிக்கும் அளவுகள் சரி என்று தோராயமாகக் கொள்ளலாம்.

    சிறுநீர் - அடர் மஞ்சள் / பழுப்பு நிறம்/ சிவப்பு நிறத்தில் சென்றால் நீர்ச்சத்து குறைவாக இருக்கிறது என்று அர்த்தம். சில நேரங்களில் உட்கொள்ளப்படும் மாத்திரைகளின் நிறம் சிறுநீரில் வெளிப்படும். அதையும் கவனத்தில் கொள்ள வேண்டும்.

    தொடர்ந்து அதீத நீர்ச்சத்து குறைபாடு ஏற்படும் போது சிறுநீர் வெளியேறும் போது சிறுநீர் பாதையில் எரிச்சல் உணர்வு ஏற்பட்டு நீர்க்கடுப்பு உண்டாகும். இதுவே சிறுநீர் பாதை தொற்றுக்கு வழிவகுக்கும்.

    வயது வந்த ஒரு மனிதன் - தினசரி 2 லிட்டர் அளவு சிறுநீராக வெளியேற்றுவது சிறுநீரகக் கற்கள் தோன்றுவதை தடுக்க உதவும் என்று அறியப்படுகிறது.

    காலை எழுந்ததும் ஒரு பாட்டில் நிறைய தண்ணீர் அருந்துவதால் பலன் பாதகம் என்ன?

    இரவு பல மணிநேரங்கள் நீர் அருந்தாமல் இருப்பதால் காலை எழுந்ததும் கழிக்கும் சிறுநீர் - அடர் மஞ்சள் நிறத்தில் இருக்கலாம். அது நார்மல் தான். கவலைப்பட வேண்டாம்.

    நல்ல நிலையில் சிறுநீரகங்கள் இயங்கும் ஒருவர் - தாராளமாக அரை லிட்டர் முதல் ஒரு லிட்டர் தண்ணீரை ஒரே நேரத்தில் காலை நேரத்தில் குடிக்கலாம். இதனால் நன்மையும் இல்லை தீமையும் இல்லை.

    தேவைக்கு அதிகமாக நீர் சேர்ந்தால் சிறுநீரகம் தானாக வெளியேற்றி விடும் என்பதால் ஒரு லிட்டர் வரை பிரச்சனை இல்லை. அதிகாலை நீர் அருந்துவதால் உடலில் உள்ள கெட்ட நச்சுத்தன்மை கொண்ட பொருட்கள் வெளியேற்றப்படுமாமே?

    பல்வேறு வளர்சிதை மாற்ற விளைவுகளால் ரத்தத்தில் அதிகமாக வெளியேற்றப்பட வேண்டிய பொருட்கள் உண்டாகினால் சிறுநீரகங்கள் தானாக சிறுநீர் உற்பத்திய அதிகரித்து அவற்றை வெளியேற்றி விடும்.

    உதாரணம் ரத்தத்தில் க்ளூகோஸ் அளவுகள் மிதமிஞ்சி ஏறும் போது சிறுநீர் அதிகமாக வெளியேறும். இதற்கும் நீர் அருந்துவதற்கும் சம்பந்தமில்லை. நாம் எவ்வளவு நீர் அருந்த வேண்டும். எவ்வளவு சிறுநீர் வெளியேற வேண்டும் என்பதை நமது உடல் நிர்வகிக்கும்.

    நாம் பருகும் நேரடியான நீர் அன்றி ஒருநாளில் பருகும் காபி / டீ ஊற்றிக்கொள்ளும் குழம்பு , குடிக்கும் பழச்சாறுகள், வெள்ளரிக்காய் , நீர்ப்பழம் போன்ற பழங்களில் உள்ள அனைத்தும் நீர் சத்தில் தான் சேரும்.

    இதய செயலிழப்பு,சிறுநீரக நோய், கல்லீரல் நோய் இருப்பவர்கள் அவரவர் மருத்துவர் பரிந்துரைத்த நீர் அளவுகளை உட்கொள்ள வேண்டும்.

    -டாக்டர். அ.ப.ஃபரூக் அப்துல்லா

    • நமது வழக்கமான உணவிலிருந்து தினசரி நமக்கு தேவைப்படும் வைட்டமின் ‘டி'யைப் பெறுவது கடினம்
    • முட்டைகளிலிருந்தும் வைட்டமின்-டி பெறலாம்.

    வைட்டமின்-டி என்பது எலும்பு, பற்களுக்கு அத்தியாவசியம். நமது உடலுக்குள் நடக்கும் முக்கியமான பல உயிர்வேதியியல் செயல்பாடுகளுக்கும், இந்த வைட்டமின் மிகவும் அடிப்படையானது.

    வைட்டமின்-டி குறைபாட்டால் ஆஸ்டியோபோரோஸிஸ், ரிக்கட்ஸ், இதய நோய், புற்றுநோய், மல்ட்டிபிள் ஸ்கிளரோஸிஸ், நீரிழிவு நோய் போன்ற பிரச்சினைகள் ஏற்படுகின்றன. ஜலதோஷத்தை விரட்டுவதிலும் மன அழுத்தத்தை சமாளிப்பதிலும் வைட்டமின்-டி உதவுவதாகக் கூறப்படுகிறது.

    மற்ற வைட்டமின்களை பொறுத்தவரை நமது வழக்கமான உணவுப்பொருட்களில் இருந்து பெற்றுக்கொள்ளலாம். வைட்டமின் 'டி'யைப் பொறுத்தவரை இது கொஞ்சம் சிக்கல்தான். வைட்டமின் 'டி'யைப் பெறுவதற்கு என்னவெல்லாம் செய்யலாம் என்று பார்ப்போம்.

    நமது வாழ்க்கை முறை என்பது பெரும்பாலும் நான்கு சுவர்களுக்குள் அமைந்துவிட்டது. வீட்டுக்கு அல்லது அலுவலகத்துக்கு வெளியே ஒரு 20-25 நிமிடங்கள் நம் கை மீது வெயிலோ அல்லது திறந்தவெளிக் காற்றோ படும்படி இருந்தாலே போதும், வைட்டமின்-டி கிடைக்கும். மதிய உணவு நேரத்தின்போது அலுவலக வளாகத்துக்கு வெளியே சற்று நடந்துவரலாம். அதேபோல் குழந்தைகளையும் வெளியே விளையாட ஊக்குவிக்கலாம். இப்படிச் செய்யும் அதேநேரத்தில் அதிகப்படியாக வெயில் இருந்துவிடவும் கூடாது. அதனாலும் பாதிப்பு ஏற்பட நேரிடும்.

    நமது வழக்கமான உணவிலிருந்து தினசரி நமக்கு தேவைப்படும் வைட்டமின் 'டி'யைப் பெறுவது கடினம் என்பதால் காளா, சூரை, கானாங்கெளுத்தி போன்ற மீன்களைக் கொண்டு நமது தேவையைப் பூர்த்திசெய்து கொள்ளலாம். மூன்று காளா துண்டுகள், நமது தினசரி வைட்டமின் 'டி' தேவையில் 80 சதவீதம் பூர்த்தி செய்துவிடும். முட்டைகளிலிருந்தும் வைட்டமின்-டி பெறலாம். ஒரு முட்டையிலிருந்து ஒரு மைக்ரோகிராம் அளவில் வைட்டமின் 'டி'யை பெறலாம். மாட்டு ஈரலில் புரதச்சத்து, இரும்புச்சத்து போன்றவை மட்டுமல்ல, வைட்டமின் 'டி'யும் இருப்பதாக ஊட்டசத்து நிபுணர்கள் கூறுகிறார்கள்.

    • வாழை பழத்தை மூலப்பொருளாக கொண்டு உருவாக்கப்படும் மருந்து எடுக்கும் போது எலுமிச்சை பழம் சாப்பிடக் கூடாது.
    • வாழைப்பழமும் எலுமிச்சை பழமும் சேர்ந்தால் மருந்து வேலை செய்யாது.

    நாட்டு மருந்து சாப்பிட்டால் ஏன் பத்தியம் இருக்க சொல்கிறார்கள்?

    ஒவ்வொரு நாட்டு மருந்திலும் ஒவ்வொரு மூலிகைகள் இருக்கும். சில மூலிகைகள் சில உணவோடு கலந்தால் வேலை செய்யாது அல்லது விஷமாக மாறும்.

    எனவே நாட்டு மருந்து எடுக்கும் நபர்கள் சில பொருட்களை, காய்கறிகள், பழங்களை, சுவைகளை சாப்பிடக்கூடாது என்பார்கள்.

    ஒருவேளை பத்தியம் கடைப்பிடிக்காமல் இருந்தால் அந்த மருந்து விஷமாக மாறுவதற்கு வாய்ப்பு உள்ளது. அல்லது அது வேலை செய்யாமல் இருப்பதற்கு வாய்ப்புள்ளது.

    உதாரணமாக கேரட்டை மூலப்பொருளாக வைத்து செய்யப்பட்ட மருந்தை எடுக்கும் போது ஆரஞ்சு பழம் சாப்பிட கூடாது. ஏனென்றால் கேரட் ஆரஞ்சுப் பழம் இரண்டும் கலந்தால் மருந்து வேலை செய்யாது.

    பசும்பாலை மூலப்பொருளாக கொண்டு மருந்து எடுக்கும் போது அண்ணாச்சி பழம் சாப்பிடக் கூடாது. ஏனென்றால் அன்னாச்சி பழமும் பாலும் சேர்த்தால் மருந்து வேலை செய்யாது.

    ஆரஞ்சுப் பழத்தை மூலப்பொருளாக கொண்டு தயாரித்த மருந்து எடுக்கும் போது பால் சாப்பிடக் கூடாது. ஏனென்றால் ஆரஞ்சு பழமும் பாலும் சேர்ந்தால் மருந்து வேலை செய்யாது.

    வாழை பழத்தை மூலப்பொருளாக கொண்டு உருவாக்கப்படும் மருந்து எடுக்கும் போது எலுமிச்சை பழம் சாப்பிடக் கூடாது. ஏனென்றால் வாழைப்பழமும் எலுமிச்சை பழமும் சேர்ந்தால் மருந்து வேலை செய்யாது.

    எலுமிச்சை பழத்தை மூலப்பொருளாகக் கொண்டு தயாரிக்கப்பட்ட மருந்து எடுக்கும் போது, பப்பாளிப் பழம் சாப்பிடக் கூடாது. ஏனென்றால் எலுமிச்சை பழமும் பப்பாளி பழமும் சேர்ந்து சாப்பிட்டால் மருந்து வேலை செய்யாது.

    பொதுவாக நாட்டு மருந்து கொடுக்கும் பொழுது அகத்திக்கீரை சாப்பிடக் கூடாது என்று பத்தியம் சொல்வார்கள். உடனே நீங்கள் அகத்திக் கீரை உடலுக்கு கெடுதல் என்று தவறாகப் புரிந்து கொள்ளக்கூடாது. அகத்திக் கீரை சாப்பிட்டால் அது உடலிலுள்ள மருந்துகளை, கெமிக்கல்களை வெளியே தள்ளிவிடும். எனவே மருத்துவர் கொடுத்த மருந்து வேலை செய்யாது. எனவேதான் அகத்திக் கீரை சாப்பிடக் கூடாது என்று பத்தியம் கூறுகிறார்கள்.

    எனவே, பல வருடமாக ஆங்கில மருந்து சாப்பிட்டு பக்கவிளைவுகளால் பாதிக்கப்பட்டவர்கள் அடிக்கடி அகத்திகீரை சாப்பிடுங்கள். அப்போதுதான் மருந்து, மாத்திரையால் உண்டான கழிவுகள் உடம்பில் இருந்து வெளியே செல்லும்.

    -ஹீலர் பாஸ்கர்

    • உடலில் ஒவ்வொரு உறுப்புகளும் பிரபஞ்சத்தோடு பின்னிப் பிணைந்திருக்கிறது.
    • அந்த பிரபஞ்சம் உடல் உறுப்புகளின் வழியே நம்மோடு பேசும்.

    ஓய்வுக்கு மாற்றமாக மருத்துவத்தை தேடுபவர்கள் தான் நிரந்தர நோயாளியாகிறார்கள்.

    ஒன்றைத் தெரிந்துகொள்ளுங்கள்.. வருடத்தில் 365 நாட்களும் ஆரோக்கியமாக இருக்கமுடியாது.

    உலகில் ஒவ்வொரு உயிரும் உடலும் தனிதன்மையானது, ஒவ்வொரு உடலில் ஏற்படும் உடல் தொந்தரவுகளும் தனிதன்மையான காரணத்தால்தான் ஏற்பட்டிருக்கும்.

    இந்த நோய்களுக்கெல்லாம் பெயர் வைத்து வாழ்நாள் முழுவதும் மருந்து மாத்திரைகள் சாப்பிடுவதை விட சிறிது நாட்கள் ஓய்வு எடுத்து பாருங்கள், இயற்கையின் குணமாக்குதல் புரியும்.

    உடலுக்கும் இயற்கைக்கும் உள்ள தொடர்பு புரிந்தாலே உங்கள் தனிதன்மையான நோய்க்கு உங்கள் உடலே மருத்துவர்.

    உடலில் ஒவ்வொரு உறுப்புகளும் பிரபஞ்சத்தோடு பின்னிப் பிணைந்திருக்கிறது. அந்த பிரபஞ்சம் உடல் உறுப்புகளின் வழியே நம்மோடு பேசும். ஓய்வில் மட்டும்தான் இதை உணரமுடியும்.

    எதிர்காலம் என்னவாகும் என்று நம் அறிவுதான் நம்மை பயமுறுத்தி கொண்டே இருக்கும். நேரம் பார்த்து வேலை செய்ய சொல்வதும் இந்த உலக அறிவுதான். இந்த அறிவை கொஞ்சம் கழற்றி வைத்து விட்டு ஓய்வெடுத்து கொண்டே பிரபஞ்சத்தோடு பேசி பாருங்கள். உடல் உறுப்புகளின் வழியே பிரபஞ்சமும் நம்மோடு பேசும். நிரந்தர நோயாளியாவதையும் தவிர்க்கலாம்.

    ஆழ்மனதின் அற்புத சக்தியை புரிந்துகொண்டாலே குணமாக்குதல் தன்னாலே நடக்கும் இதற்கு தேவையும் ஓய்வுதான்.

    -ரியாஸ்

    • எச்.டி.எல். எனப்படும் ஆரோக்கியமான கொலஸ்ட்ரால் உடலினை காக்கிறது.
    • எல்.டி.எல். எனப்படும் பிரிவு ரத்த குழாய் அடைப்புகளுக்கு காரணம் ஆகின்றது.

    நம்முடைய ரத்தக் குழாய்கள்தான் ஆக்சிஜன் நிறைந்த, சத்துக்கள் நிறைந்த ரத்தத்தினை உடலின் ஒவ்வொரு திசுவிற்கும் கொண்டு செல்கின்றன. ஆக்சிஜன் மிகவும் குறைந்த ரத்தத்தினை சீர் செய்ய இருதயத்திற்கு கொண்டு வருகின்றன.

    ஆர்டரீஸ், வெயின்ஸ் என்று இவை பிரிந்து கூறப்பட்டாலும் ரத்த குழாய்கள் மூலம் மட்டுமே நம் உடல் ஆரோக்கியம், ஊட்டம் பெறுகின்றது. கழிவுப் பொருட்கள் நீக்கப்படுகின்றன. இது நமது உடலின் போக்குவரத்துப் பிரிவு இதில் இந்த குழாய்களில் அடைப்பு ஏற்பட்டால் எத்தனை பிரச்சினைகள் ஏற்படும் தெரியுமா? அடைப்பு ஏற்படும் இடத்திற்கு ஏற்ப பாதிப்புகள் ஏற்படுகின்றன.

    பக்க வாதம், மாரடைப்பு இவை இரண்டும் நாம் அடிக்கடி கேள்விப்படும் வார்த்தைகள்தான். ரத்தக் குழாய்களில் ஏற்படும் அடைப்பால் ஏற்படும் இத்தகு பிரச்சினைகள் நிறைய உள்ளன.

    கொலஸ்ட்ரால்- வழு வழுப்பான இந்த கெலஸ்டிரால் நமது கல்லீரலால் உருவாக்கப்படுகின்றது. இதற்கு பல முக்கிய வேலைகள் நம் உடலில் உள்ளன. இந்த கொலஸ்ட்ரால் தண்ணீரில் கரையாது. இதனை உடலில் எடுத்து செல்ல லைப்போ புரோடின் என்ற துகளின் உதவியோடு செல்கின்றது.

    எச்.டி.எல். எனப்படும் ஆரோக்கியமான கொலஸ்ட்ரால் உடலினை காக்கிறது. எல்.டி.எல். எனப்படும் பிரிவு ரத்த குழாய் அடைப்புகளுக்கு காரணம் ஆகின்றது.

    உயர் ரத்த அழுத்தம், வயது, சர்க்கரை நோய், மது, புகைபழக்கம் இவற்றினையும் கொலஸ்ட்ரால் பரிசோதனையுடன் சேர்த்து மருத்துவர் ஆய்வார். எல்.டி.எல்., எப்.டி.எல் இரு பிரிவும் குறிப்பிட்ட அளவுடன் இருப்பதே நல்லது.

    எல்.டி.எல். அதிகப்படும் போது ரத்த குழாய்களின் உள் அமர்ந்து அடைப்பினை ஏற்படுத்தி விடுகின்றது. இந்த அடைப்பு சிறு சிறு துகள்களாகி மற்ற இடங்களுக்கும் செல்லலாம்.

    * அதிக வெண்ணை, பால் சார்ந்த உணவுகள், அதிக கொழுப்பு நிறைந்த அசைவ உணவு, இவை காரணம் ஆகலாம்.

    * எடை அதிகம் இருத்தல். இடுப்பு, வயிறு பருத்து இருத்தல்.

    * உடல் உழைப்பு, உடற்பயிற்சி இன்றி இருத்தல், புகை பிடித்தல், சர்க்கரை நோய் இவை கொலஸ்ட்ரால் பாதிப்பிற்கு காரணம் ஆகின்றன.

    * மாதவிடாய் நிறை பெண்கள்.

    * 45 வயதினைக் கடந்த ஆண்கள்.

    * பரம்பரை உடல் அதிக எடையும் கொலஸ்ட்ரால் பாதிப்பிற்கு காரணம் ஆகின்றன.

    கொலஸ்ட்ரால் அதிகப்படும்போது நெஞ்சு வலி, மாரடைப்பு, பக்கவாதம், நடக்கும் போது வலி போன்றவை ஏற்படலாம். மருத்துவ சிகிச்சையுடன் உடற்பயிற்சி, நீச்சல், நடைபயிற்சி இவற்றினையும் மருத்துவ ஆலோசனைபடி கடைபிடிக்க வேண்டும்.

    சர்க்கரை பாதிப்பு என்றால் ஏன் மிக அதிக கவனம் கொடுக்கப்படுகின்றது. தொடர்ந்து அதிக சர்க்கரை ரத்தத்தில் இருக்கும் போது உடலில் சிறுநீரகம், ரத்த குழாய்கள், நரம்புகள், கண்கள் என பாதிப்பு அதிகம் ஏற்படுகின்றது. சர்க்கரை அளவு மாறுபடுவதற்கு பல காரணங்கள் இருக்கின்றன.

    * உடல் உழைப்பு, உடற்பயிற்சி என எதுவும் இல்லாமல் இருப்பது எந்த மருந்து சாப்பிட்டாலும் கட்டுப்பாட்டில் வராது இருக்கும்.

    * அதிக மன உளைச்சல், சர்க்கரை அளவினை உயர்த்தி விடும்.

    * வைரஸ் பாதிப்பு, தேவையான அளவு நீர் குடிக்காது இருத்தல்.

    * சில ஸ்டீராய்டு பிரிவு மருந்துகள்.

    * அதிக மருந்தினை சர்க்கரையின் அளவு குறையும் போது அளிப்பது (மருத்துவர் சொல்படி உணவு கொடுப்பது நல்லது)

    * மருந்தினை முறையாய் எடுத்துக் கொள்ளாமல் இருப்பது.

    இப்படி சில காரணங்களை குறிப்பிட்டாலும் சில அறிகுறிகள் கூறுவதனை நாம் ஒதுக்காது கவனிக்க வேண்டும்.

    * அடிக்கடி சிறுநீர் செல்லுதல், சரியாக எதிலும் கவனம் செலுத்த முடியாமை. வறண்ட வாய், தொடர்ந்து நோய்கள், காயங்கள் மெதுவாய் ஆறுதல். வயிறு பிரச்சினைகள், தொடர்ந்து சோர்வு, அதிக தாகம்.

    * வயிற்று கொழுப்பு அதிகமாய் இருத்தல். நரம்பு பிரச்சினைகள் போன்றவற்றினை உடனடியாக கவனிக்க வேண்டும். உணவில் கவனம் செலுத்தும் பழக்கம் மட்டும் போதாது. மேற்கூறிய அறிகுறிகளையும் கவனிக்க வேண்டும்.

    சிறுநீரகம்: உடலின் கழிவுப் பொருட்களை ரத்தத்தில் இருந்து பிரித்து வெளியேற்றுவதில் இரண்டு சிறுநீரகங்களும் ஆற்றும் பங்கு மிகவும் பெரிது. இதன் நன்மைகளை இன்னமும் நிறைய சொல்லலாம். இவை சரிவர இயங்காவிடில் மனிதன் பல அவதிகளுக்குள்ளாகிறான். அப்படிப்பட்ட சிறுநீரகம் சற்று சரியாக இயங்காத போது சில அறிகுறிகளை நன்கு வெளிப்படுத்தும். அவைகளை நன்று அறிந்து ஆரம்ப காலத்திலேயே நம்மை நாம் சரி செய்து கொள்ள வேண்டும்.

    சோர்வு: ஆரோக்கியமான சிறுநீரகம் 'எரித்ரோபாய்டின்' என்ற ஹார்மோனை சுரக்கும். இது சிகப்பு பிளேட் லெட்ஸ் எண்ணிக்கையினை சீராய் வைக்கும். இந்த சிகப்பு பிளேட் லெட்ஸ் எண்ணிக்கை குறையும் போது சதைகளில் பலவீனம், செயல்பாட்டில் பலவீனம் என்று ஆகிவிடும். இதுபோல் இருக்கும் போது மருத்துவரிடம் சிறுநீரக பரிசோதனை செய்து கொள்ள வேண்டும். இரும்பு சத்து குறைபாடு இருக்கும் பொழுதும் இவ்வாறு இருக்கும்.

    * பின் கீழ் முதுகில் வலி, பொறுக்க முடியாத வலி, சிறுநீர் வெளி செல்வதில் பிரச்சினை.

    * கவன குறைவு, ஞாபகக்குறைவு, தலை சுற்றல்.

    * பசியின்மை, நாக்கில் ஒருவித உலோக சுவை போன்று இருத்தல்.

    * சரும அரிப்பு, சரும பிரச்சினை.

    * மூச்சு விடுவதில் சிரமம்.

    * வீக்கம். குறிப்பாக உப்பியது போன்ற முகம்.

    * சிறுநீரில் பலவித மாற்றங்கள்.

    இவை அனைத்துமே நாம் சிறுநீரகத்தின் உடனடியாக கவனிக்க வேண்டும் என்று கூறுபவை ஆகும்.

    இருதய நோய் பாதிப்பு சருமத்திலும் வெளிப்படும்

    இருதய நோய் இருந்தால் உங்கள் சருமத்திலும் நகத்திலும் வெளிப்படும்.

    இருதய நோய் பாதிப்பு பாதம், கீழ்காலில் திரவ சேர்க்கையினை உருவாக்கலாம். இந்த வீக்கம் தொடை, தொடை மடிப்பு வரைக்கூட செல்லலாம்.

    ரத்தத்தின் மூலம் தேவையான ஆக்சிஜன் கிடைக்காத பொழுது அந்த இடம் 'சில்' என்றும் நீலநிறமாகவும் மாறக்கூடும். இது ரத்தக் குழாய்களில் அடைப்பு ஏற்படுவதால் நிகழ்கின்றது.

    மஞ்சள் கலந்த ஆரஞ்சு நிறத்தில் மிகச்சிறிய கட்டி போன்ற உருவாக்கம் உடலில் எந்த இடத்திலும் தோன்றலாம். வலியற்ற இவை கண்களின் ஓரத்தில், உள்ளங்கை, பின்கீழ் கால்களில் சாதாரணமாக காணப்படலாம். உடலில் ஆரோக்கியமற்ற அதிக கொலஸ்ட்ரால் இருப்பதனை இவை கூறுகின்றன. மருத்துவர் மூலம் உடனடி கொலஸ்ட்ரால் குறைய சிகிச்சை எடுத்துக் கொள்ள வேண்டும்.

    சிலருக்கு இதுபோன்று சிறியதாய் பல கட்டிகள் அடர்ந்து கூட இருக்கலாம்.

    நகங்கள் உப்பியது போன்றும் நுனியில் வளைந்தும் இருக்கலாம்.

    சிகப்பு, ஊதா கோடுகள் போன்று நகத்தின் உள் இருக்கலாம்.

    பாதவிரல்களின் கீழ் வலியுள்ள உப்பிசங்கள் ஏற்படலாம். பிரவுன் (அ) சிகப்பு நிற மாறுதல் பாதம். உள்ளங்கையில் இருக்கலாம்.

    சிறு குழந்தைக்கு உதடு அதிகம் வறண்டு, மாறுபட்டு ரத்த கசிவும் இருந்தால், பிற்காலத்தில் இருதய நோய் பாதிப்பு ஏற்படாது இருக்க மருத்துவ அறிவுரை அவசியம். ருமாடிக் ஜுரம் குழந்தைக்கு ஏற்பட்டால் இருதய பாதிப்பு ஏற்படவும் வாய்ப்புகள் அதிகம்.

    நாக்கில் வீக்கம், சிவந்து இருத்தல் போன்றவைகளும் கவனிக்கப்பட வேண்டியவையே.

    இவற்றினையும் தெரிந்து கொள்வோம்...

    மாரடைப்பு நோய் வராமல் இருக்க இரவில் அதிக நேரம் விழித்திருப்பது கூடாது. சிலர் மாலை நேரம் கடந்து அதிக உடற்பயிற்சிகள் செய்வார்கள். இந்த அதிகம் வேண்டாம். காலையில் 5-6 மணிக்குள் எழுந்தாலே சரிதான்.

    திங்கள் காலையிலும் வெள்ளி இரவிலும் உலகளவில் மாரடைப்பு பாதிப்புகள் ஏற்படுவதாக ஆய்வுகள் கூறுகின்றன. சனி, ஞாயிறு அன்று அதிகம் குடித்தலும், திங்கள் முதல் வெள்ளி வரை மிக அதிகமாக உழைத்தலும் இதற்கு காரணம் என்கின்றனர்.

    தவிர்த்து விடுவோமே!

    சிறிய தகவல்கள்:

    காலை உணவினை மறுப்பவர்களின் வயிறு அவர்மீது கவலை கொள்கின்றது. காலை உணவினை எடுத்துக் கொள்ளாவிடில் நாள் முழுவதும் சோம்பலாகத்தான் இருப்பீர்கள். சோர்வாகத்தான் இருப்பீர்கள். இதனால் தான் எண்சான் உடம்பிற்கு வயிறும் பிரதானம் ஆகின்றது.

    குறைந்தது 8-10 டம்ளர் நீர் ஓர் நாளைக்கு அருந்தாவிடில் சிறுநீரகத்திற்கு தண்ணீர் பற்றாக்குறை அளிக்கின்றோம்.

    இரவு 11 மணிக்குள் தூங்கி சூரிய உதய(6-6.30)திற்குள் எழுந்திராவிட்டால் நம் பித்த நீர் பை சரிவர வேலை செய்வதில்லை. அதிக சில்லென்ற உணவும், அதிக நேரம் சென்று உண்ணுதலும் சிறுகுடலுக்கு தொந்தரவினைக் கொடுக்கின்றது.

    மசாலா, அதிக உப்பு, காரம், எண்ணெய், பொரித்த உணவுகள் இவற்றினால் குடலே பழுதடைகின்றது.

    புகை, மாசு நிறைந்த காற்று இவற்றால் நுரையீரல் பாதிக்கப்படுகின்றது.

    அதிகம் பொரித்த மற்றும் கொழுப்பு உணவுகளால் கல்லீரல் பாதிப்படை கின்றது. அதிக சர்க்கரை உணவு கணையத்திற்கு பாதிப்பாகும். அதிக நேர டி.வி., கம்ப்யூட்டர் இவை கண்களை நோயாளி ஆக்குகின்றன.

    அழிவுப் பூர்வமான எண்ணங்கள் மூளையை அழிக்கும் ஆயுதம் ஆகும்.

    இப்படி ஒரு வெளிநாட்டு ஆய்வாளர் எழுதியிருந்த ஒரு குறிப்பினை சமீபத்தில் படித்தேன். பகிர்ந்தும் கொள்கிறேன். இன்றைக்கு வைட்டமின் டி3 பற்றி கருத்தில் கொள்ளாத மருத்துவம் இல்லை. எலும்பு பாதுகாப்பு என்பதில் ஆரம்பித்த இதன் பலன் இருதய பாதுகாப்பு, நரம்பு பாதுகாப்பு, அலர்ஜி பாதுகாப்பு, நோய் எதிர்ப்பு சக்தி என பல விதங்களில் முக்கியத்துவம் பெறுகின்றது.

    D3 குறைபாடு காட்டும் சில அறிகுறிகள்:

    சதை பிடிப்பு, சதைவலி, மூட்டு இறுக்கம், மனச்சோர்வு, வறண்ட சருமம், தலைமுடி கொட்டுதல் போன்றவையாகும். இதற்கு மருத்துவ ஆலோசனை பெற வேண்டும். பொதுவில் மீன் எண்ணெய், மீன் உணவு என கூறப்பட்டாலும் மருத்துவ ஆலோசனை பெற்று சிகிச்சை ஏற்பதே முறையானதாகும். ஆக அன்றாட வாழ்வில் தவிர்க்க வேண்டியது, கடைபிடிக்க வேண்டியது இவற்றினை சரியாய் செய்தாலே ஆரோக்கியம் கூடும்.

    ×