என் மலர்

    நீங்கள் தேடியது "Garuda Seva"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • பாதுகாப்பு பணியில் 5 ஆயிரத்துக்கும் மேற்பட்ட போலீசார் ஈடுபட்டு உள்ளனர்.
    • இன்று இரவு ஏழுமலையானுக்கு ஆண்டாள் மாலை அணிவிக்கப்படுகிறது.

    திருப்பதி ஏழுமலையான் கோவிலில் பிரம்மோற்சவத்தையொட்டி நேற்று இரவு ஏழுமலையான் சர்வ பூபால வாகனத்தில் 4 மாட வீதியில் உலா வந்து பக்தர்களுக்கு அருள்பாலித்தார்.

    இன்று காலை மோகினி வாகனத்தில் மாட வீதிகளில் உலா வந்தார். அப்போது பக்தர்கள் கோவிந்தா கோசத்துடன் சாமி தரிசனம் செய்தனர். இன்று இரவு பிரம்மோற்சவத்தின் முக்கிய நிகழ்வான கருட சேவை நடைபெறுகிறது. இரவு 7 மணிக்கு தங்க கருட வாகனத்தில் ஏழுமலையான் மாடவீதிகளில் உலா வருகிறார்.

    ஏறக்குறைய 3 லட்சம் பக்தர்களுக்கு கருட சேவை தரிசனம் செய்ய அனைத்து ஏற்பாடுகளும் செய்யப்பட்டுள்ளன.

    இந்த ஆண்டு தென்மேற்கு வாசல், வடமேற்கு வாசல், வட கிழக்கு வாசல் ஆகிய பகுதிகளில் உள்ள ஆரத்தி காண்பிக்கும் இடங்களில் ஆரத்தி ரத்து செய்யப்பட்டு பக்தர்கள் தரிசனத்திற்கு அனுமதிக்கபடுகின்றனர்.

    ஆரத்தி வழங்கும் நேரத்தில் 5 பேருக்கு தரிசனம் கொடுக்க முடியும். எனவே இந்த ஆண்டு ஆரத்திகளை ரத்து செய்து சாதாரண பக்தர்கள் தரிசனத்துக்கு ஏற்பாடு செய்யப்பட்டுள்ளது. ஒவ்வொரு ஆரத்தி தலத்திலும் 10,000 பேருக்கு கருடசேவை காண வாய்ப்பு கிடைக்கும்.

    அதேபோல், கேலரிகளிலும், வணிக வளாகம் முதல், கோவில் எதிரில் உள்ள நடரா ஜர் மண்டபம் வரை, 2 லட்சம் பேரை அனுமதித்தால், கூடுதலாக, 25,000 பேர் தரிசனம் செய்யலாம். இதன் மூலம் சுமார் 2.75 லட்சம் முதல் 3 லட்சம் பேர் கருட சேவையை தரிசனம் செய்ய ஏற்பாடு செய்துள்ளனர்.

    மாத்ருஸ்ரீ தரிகொண்டா வெங்கமாம்பா அன்னபிரசாத கட்டடம், ரம்பகீஜாவில் சிறப்பு வரிசைகள் அமைக்கப்பட்டு பக்தர்களுக்கு தரிசனம் வழங்க நடவடிக்கை எடுக்கப்பட்டுள்ளது. பக்தர்கள் அனைவரும் திருப்தி அடையும் வகையில் கருடசேவை தரிசனம் அளிக்கப்படும் என தேவஸ்தான அதிகாரிகள் தெரிவித்துள்ளனர்.

    கருட சேவையையொட்டி லட்சக்கணக்கான பக்தர்கள் திருப்பதியில் குவிந்து வருகின்றனர். பக்தர்களின் வசதிக்காக நிமிடத்திற்கு 2 பஸ்கள் திருப்பதியில் இருந்து திருமலைக்கு இயக்கப்படுகிறது. மேலும் திருமலைக்கு செல்ல 20 ஆயிரம் வாகனங்களுக்கு மட்டுமே அனுமதி வழங்கப்பட்டுள்ளது. கூடுதலாக வரும் வாகனங்கள் திருப்பதியிலேயே பார்க்கிங் செய்துவிட்டு பஸ்களில் திருப்பதி செல்ல வேண்டும் என தேவஸ்தானம் சார்பில் உத்தரவிடப்பட்டுள்ளது.

    நேற்று மதியம் முதல் இன்று இரவு வரை பைக்குகள் திருமலைக்கு செல்ல அனுமதி வழங்காததால் பஸ்களில் பக்தர்கள் கூட்டம் அதிகரித்து காணப்படுகிறது.

    எங்கு பார்த்தாலும் பக்தர்களின் கூட்டத்தை காண முடிகிறது. பக்தர்களின் வசதிக்காக திருப்பதி தேவஸ்தானம் சார்பில் உணவு குடிநீர் மருத்துவ வசதி உள்ளிட்ட அடிப்படை வசதிகள் செய்யப்பட்டு உள்ளன. மேலும் பாதுகாப்பு பணியில் 5 ஆயிரத்துக்கும் மேற்பட்ட போலீசார் ஈடுபட்டு உள்ளனர்.

    கருட சேவையையொட்டி ஆண்டுதோறும் ஸ்ரீவில்லிபுத்தூரில் உள்ள ஆண்டாள் கோவிலில் இருந்து ஆண்டாள் சூடிக்கொடுத்த மாலை திருப்பதிக்கு கொண்டு வந்து ஏழுமலையானுக்கு சமர்ப்பிப்பது வழக்கம்.

    அதன்படி நேற்று மாலை ஆண்டாள் கோவில் இணை ஆணையர் செல்லதுரை, அறங்காவலர் குழு தலைவர் ரவிச்சந்திரன் மற்றும் அதிகாரிகள் ஸ்ரீவில்லிபுத்தூரிலிருந்து ஆண்டாளுக்கு சூடிய மாலையை திருப்பதி ஆஞ்சநேயர் சாமி கோவிலுக்கு கொண்டு வந்தனர்.

    அங்கு பெரிய ஜீயர் மற்றும் சின்ன ஜீயர் சாமிகள் சிறப்பு பூஜைகள் செய்து திருப்பதி தேவஸ்தான அறங்காவலர் குழு தலைவர் சுப்பா ரெட்டி, முதன்மை செயல் அலுவலர் தர்மா ரெட்டி ஆகியோரிடம் வழங்கினர்.இதையடுத்து இன்று இரவு ஏழுமலையானுக்கு ஆண்டாள் மாலை அணிவிக்கப்படுகிறது.

    திருப்பதியில் நேற்று 75,382 பேர் தரிசனம் செய்தனர். 31,434 பக்தர்கள் முடி காணிக்கை செலுத்தினர். ரூ.2.85 கோடி உண்டியலில் காணிக்கையாக வசூலானது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கருடசேவை அக்டோபர் 1-ந்தேதி நடக்கிறது.
    • பல்வேறு வகையான சிறப்பு தரிசனங்கள் ரத்து செய்யப்பட்டுள்ளது.

    திருப்பதி ஏழுமலையான் கோவிலில் வருடாந்திர பிரம்மோற்சவ விழா பிரமாண்டமாக நடந்து வருகிறது. விழாவின் மிக முக்கியமான நிகழ்ச்சியாக கருடசேவை அடுத்த மாதம் (அக்டோபர்) 1-ந்தேதி இரவு 7 மணியளவில் தொடங்கி நடக்கிறது. அன்று வாகனச் சேவையைப் பார்க்க வரும் அனைத்துப் பக்தர்களுக்கும் வாகன தரிசனம் வழங்க திருமலை-திருப்பதி தேவஸ்தானம் விரிவான ஏற்பாடுகளை செய்துள்ளது.

    இந்தநிலையில் திருமலை-திருப்பதி தேவஸ்தான முதன்மைச் செயல் அலுவலர் ஏ.வி.தர்மாரெட்டி, போலீஸ் டி.ஐ.ஜி ரவிபிரகாஷ், போலீஸ் சூப்பிரண்டு பரமேஸ்வர்ரெட்டி ஆகியோர் கோவிலின் நான்கு மாட வீதிகளை பார்வையிட்டு பாதுகாப்பு ஏற்பாடுகளை ஆய்வு செய்தனர். நான்கு மாடவீதிகளில் சாமி உலா வரும்போது, பக்தர்கள் உற்சவருக்கு கற்பூர ஆரத்தி காண்பிக்கும் இடம், கேலரிகளை பார்வையிட்டனர்.

    அப்போது திருமலை-திருப்பதி தேவஸ்தான முதன்மைச் செயல் அலுவலர் ஏ.வி.தர்மாரெட்டி நிருபர்களிடம் கூறியதாவது:-

    கோவிலின் நான்கு மாடவீதிகளில் நடக்கும் கருடசேவை அன்று பக்தர்கள் சாமி தரிசனம் செய்ய அனைத்து ஏற்பாடுகளும் செய்யப்பட்டுள்ளது. கிட்டத்தட்ட மூன்று லட்சம் பக்தர்கள் கருடசேவையை தரிசிக்கலாம்.

    கேலரிகளில் ஏற்பாடு செய்யப்பட்டுள்ள வாசல்கள் வழியாக பக்தர்கள் சென்று கருடவாகனத்தில் எழுந்தருளும் மலையப்பசாமியை வழிபடலாம். வீதிஉலாவின்போது கற்பூரம், நெய் தீப ஆரத்தி கொடுக்க 5 பேருக்கு மட்டுமே அனுமதி அளிக்கப்படும். ஒவ்வொரு ஆரத்தி வாசல்களிலும் 10 ஆயிரம் பக்தர்களுக்கு கருடசேவையைக் காண வாய்ப்பு கிடைக்கும்.

    அதேபோல் கேலரிகளிலும், கோவில் எதிரே உள்ள நாதநீராஞ்சன மண்டபம் முதல் ஷாப்பிங் காம்ப்ளக்ஸ் வரையிலும் அனுமதித்தால் கூடுதலாக 25 ஆயிரம் பக்தர்கள் கருடசேவையைத் தரிசனம் செய்யலாம். அதன் மூலம் சுமார் 2 லட்சத்து 75 ஆயிரம் பக்தர்கள் முதல் 3 லட்சம் பக்தர்கள் வரை மலையப்பசாமியின் கருட வாகன வீதி உலாவை தரிசிக்க முடியும்.

    தரிகொண்டா வெங்கமாம்பா அன்னப்பிரசாத கட்டிடம், ராம்பகீதா விடுதி அருகில் சிறப்பு கவுண்ட்டர்கள் அமைக்கப்பட்டு பக்தர்களுக்கு கருடசேவை தரிசனம் வழங்க நடவடிக்கை எடுக்கப்பட்டுள்ளது. பக்தர்கள் அனைவரையும் திருப்திப்படுத்தும் வகையில் கருடசேவை தரிசனம் அளித்து, மலையப்பசாமி வாகன மண்டபத்தை அடைவார்.

    அறங்காவலர் குழு தீர்மானித்த முடிவின்படி வி.ஐ.பி. பிரேக் தரிசனம், ரூ.300 தரிசனம் உள்பட பல்வேறு வகையான சிறப்பு தரிசனங்கள் ரத்து செய்யப்பட்டுள்ளது. கருடசேவை அன்று சாதாரணப் பக்தர்கள் சாமி தரிசனம் செய்ய அதிக முன்னுரிமை வழங்கப்படும்.

    கருடசேவைக்காக வியாழக்கிழமை (அதாவது நேற்று) காலையில் இருந்து சாமி தரிசனம் செய்ய வரும் பக்தர்களின் எண்ணிக்கை படிப்படியாக அதிகரித்து வருகிறது. பக்தர்களின் கூட்டத்துக்கேற்ப திருமலை-திருப்பதி தேவஸ்தானத்தின் அனைத்துத் துறைகளும் விரிவான ஏற்பாடுகளை செய்துள்ளது.

    இவ்வாறு அவர் கூறினார்.

    ஆய்வின்போது தேவஸ்தான இணை அதிகாரி வீரபிரம்மம், பாதுகாப்பு அதிகாரி நரசிம்மகிஷோர், பக்தி சேனல் அதிகாரி சண்முககுமார், என்ஜினீயர் ஜெகதீஸ்வர்ரெட்டி மற்றும் காவல்துறையினரும், தேவஸ்தான அதிகாரிகளும் உடனிருந்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • இன்று பைக்குகளில் திருமலைக்கு செல்ல தடை விதிக்கப்பட்டுள்ளது.
    • கருட சேவை நாளை இரவு நடைபெறுகிறது.

    திருப்பதி ஏழுமலையான் கோவிலில் கடந்த 27-ந்தேதி கொடியேற்றத்துடன் பிரம்மோற்சவ விழா தொடங்கியது.

    பிரம்மோற்சவ விழாவின் 3-வது நாளான நேற்று காலை சிம்ம வாகனத்தில் ஏழுமலையான் 4 மாட விதிகளில் உலா வந்து பக்தர்களுக்கு அருள் பாலித்தார். நேற்று இரவு முத்து பந்தல் வாகன ஊர்வலம் நடந்தது.

    இன்று காலை கல்ப விருட்ச வாகனத்தில் ஸ்ரீதேவி, பூதேவியுடன் ஏழுமலையான் மாட வீதிகளில் பவனி வந்தார்.

    இன்று அதிகாலை 4 மணி முதல் திருப்பதியில் மழை பெய்து வருகிறது. கொட்டும் மழையையும் பொருட்படுத்தாமல் பக்தர்கள் மழையில் நனைந்தபடி மாட வீதியில் காத்திருந்து சாமியை தரிசனம் செய்தனர். தொடர்ந்து மழை பெய்து வருவதால் தரிசனத்திற்காக வரிசையில் காத்திருக்கும் முதியவர்கள் முதல் குழந்தைகள் வரை கடும் அவதி அடைந்தனர்.

    சாமி வீதி உலாவின் போது பல்வேறு மாநிலங்களை சேர்ந்த கலை குழுவினர் தங்களது பாரம்பரிய கலை நிகழ்ச்சிகளை செய்து அசத்தி வந்தனர்.

    இன்று மாலை ஏழுமலையான் சர்வபூபால வாகனத்திலும், நாளை சனிக்கிழமை காலை மோகினி வாகன சேவையும் நடைபெறுகிறது.

    பிரம்மோற்சவ விழாவின் முக்கிய நிகழ்வான கருட சேவை நாளை இரவு நடைபெறுகிறது. ஏழுமலையான் தங்க கருட வாகனத்தில் மாட வீதிகளில் உலா வந்து பக்தர்களுக்கு அருள்பாலிக்கிறார். கருட சேவையையொட்டி இன்று காலை முதலே லட்சக்கணக்கான பக்தர்கள் திருமலையில் குவிய தொடங்கி உள்ளனர்.

    திருமலையில் பிரம்மோற்சவ விழாவையொட்டி 20 ஆயிரம் வாகனங்களுக்கு மட்டுமே தேவஸ்தானம் அனுமதி வழங்கி உள்ளது. கூடுதலாக வரும் வாகனங்களுக்கு அனுமதி மறுக்கப்பட்டு திருப்பதியில் வாகனங்கள் நிறுத்த ஏற்பாடு செய்யப்பட்டுள்ளது. மேலும் இன்று மதியம் 2 மணி முதல் நாளை இரவு வரை பைக்குகள் திருமலைக்குச் செல்லவும் அனுமதி மறுக்கப்பட்டுள்ளது.

    திருப்பதியில் நேற்று 61,879 பேர் தரிசனம் செய்தனர். 24,634 பக்தர்கள் முடி காணிக்கை செலுத்தினர். ரூ.1.82 கோடி உண்டியல் காணிக்கை வசூலானது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • திருப்பதி கோவிலில் புரட்டாசி பிரம்மோற்சவ விழா நடந்து வருகிறது.
    • ஆண்டாளுக்கு சிறப்பு அபிஷேகங்கள் நடைபெற்றன.

    திருப்பதி ஏழுமலையான் கோவிலில் புரட்டாசி பிரம்மோற்சவ விழா நடந்து வருகிறது. இந்த விழாவின் 5-ம் நாளில் முக்கிய நிகழ்ச்சிகளில் ஒன்றான கருட சேவை நடைபெறும்.

    அப்போது, ஸ்ரீவில்லிபுத்தூர் ஆண்டாள் சூடிக்கொடுத்த மாலையை சூடி ஏழுமலையான் கருடவாகனத்தில் பக்தர்களுக்கு காட்சி அளிப்பார். இதற்காக ஏழுமலையானுக்கு மாலை கொண்டு செல்லும் வைபவம் ஆண்டாள் கோவிலில் நேற்று நடைபெற்றது.

    இதையொட்டி காலை 9 மணிக்கு ஆண்டாளுக்கு சிறப்பு அபிஷேகங்கள் நடைபெற்றன. இதைத்தொடர்ந்து ஏழுமலையானுக்கு அணிவிக்கக்கூடிய மாலையை ஆண்டாள் அணிந்து பக்தர்களுக்கு காட்சி அளித்தார். அதன் பிறகு ஆண்டாள் மாலை, பரிவட்டம், கிளி ஆகியவை பெரிய கூடையில் வைத்து யானை முன்செல்ல பட்டர்கள் மற்றும் ஸ்தானிகர்கள் ஊர்வலமாக வந்தனர்.

    இதில் ஆண்டாள் கோவில் தக்கார் ரவிச்சந்திரன், நிர்வாக அதிகாரி முத்துராஜா, ராம்கோ நிறுவன அதிகாரிகள் கலந்து கொண்டனர். இதைத்தொடர்ந்து வாகனத்தில் வைத்து, மாலை உள்ளிட்டவை திருப்பதி கோவிலுக்கு அனுப்பி வைக்கப்பட்டன. இதேபோல் ஆண்டுதோறும் மதுரையில் கள்ளழகர் ஆற்றில் இறங்கும் வைபவத்தின்போது ஆண்டாள் சூடிக்கொடுத்த மாலையை அணிந்து, அழகர் ஆற்றில் இறங்குவது குறிப்பிடத்தக்கது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • 5-ந்தேதி காலை 9.30 மணிக்கு திருமஞ்சனம் நடக்கிறது.
    • திருப்புவனம் அருகே உள்ளது தெய்வநாயகப் பெருமாள் கோவில்.

    மதுரை மீனாட்சி சுந்தரேசுவரர் திருக்கோவிலின் உபகோவிலான சிவகங்கை மாவட்டம் திருப்புவனம் அருகே உள்ள கொந்தகை கிராமத்தில் தெய்வநாயகப் பெருமாள் கோவில் அமைந்துள்ளது. இந்த கோவில் அமைந்துள்ள கிராமமானது மகாபாரத இதிகாசக் கதையில் பாண்டவர்களின் தாயாரான குந்தி தேவி பெயரால் 'குந்தி நகர்' என அழைக்கப்பட்டு உள்ளது.

    பன்னிரு ஆழ்வார்களில் ஒருவரான நம்மாழ்வாரால் அருளப்பட்ட திருவாய்மொழி என்னும் திவ்யப்பிரபந்தத்துக்கு உரை செய்தமையால் திருவாய்மொழிப்பிள்ளை என்று பெயர் பெற்ற திருமலையாழ்வாரின் அவதரித்த திருத்தலம் இந்த கொந்தகை ஆகும்.

    தென்கலை வைணவ மரபின் முதன்மை ஆச்சாரியார் மணவாள மாமுனிகள் தன் குருவான திருவாய் மொழிப் பிள்ளையிடம் உபதேச சாரங்களைக் கற்று தெளிந்தது இத்திருத்தலத்தில் தான். இதனால் இங்கு எழுந்தருளிய பெருமாளை வழிபடுவோர் கல்வி கேள்விகளில் சிறந்து விளங்குவர் என்பது நம்பிக்கை. மேலும் இங்குள்ள பெருமாளை பூர நட்சத்திரத்தன்று வணங்கி வழிபடுவோருக்கு திருமணத்தடைகள் நீங்கும், பதவி உயர்வுகள் கிட்டும் என்பதும் ஐதீகமாகும்.

    இவ்வளவு சிறப்பு வாய்ந்த கொந்தகை தெய்வநாயக பெருமாள் கோவிலில் புரட்டாசி கருட சேவை திருவிழா அடுத்த மாதம் 5-ந் தேதி (புதன்கிழமை) பெரிய திருவோணம் ஜென்ம நட்சத்திரம் அன்று நடக்கிறது. அன்றைய தினம் காலை 9.30 மணிக்கு திருமஞ்சனமும், 11.30 மணிக்கு தீபாராதனை, தீர்த்த பிரசாதம் வழங்கும் நிகழ்ச்சி நடைபெறுகிறது.

    தொடர்ந்து மாலை 5 மணிக்கு ஸ்ரீதேவி, பூதேவி சமேத தெய்வநாயகப்பெருமாள் கருட வாகனத்தில் திருவீதிஉலா நடைபெறுகிறது. இதற்கான ஏற்பாடுகளை மீனாட்சி அம்மன் கோவில் நிர்வாகம் செய்து வருகிறது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • 27-ந்தேதியில் இருந்து அக்டோபர் மாதம் 5-ந்தேதி வரை பிரம்மோற்சவ விழா நடக்கிறது.
    • 26-ந்தேதி அங்குரார்ப்பணம் நடக்கிறது.

    திருப்பதி ஏழுமலையான் கோவிலில் இந்த ஆண்டு நடக்கும் பிரம்மோற்சவ விழாவில் இரவு 7 மணியில் இருந்து அதிகாலை 2 மணிவரை கருடசேவை நடக்கிறது, என முதன்மைச் செயல் அலுவலர் ஏ.வி.தர்மாரெட்டி கூறினார்.

    திருமலை அன்னமயபவனில் பக்தர்களிடம் இருந்து தொலைப்பேசி மூலம் குறைகள் கேட்கும் நிகழ்ச்சி நடந்தது. நிகழ்ச்சியில் திருமலை-திருப்பதி தேவஸ்தான முதன்மைச் செயல் அலுவலர் ஏ.வி.தர்மாரெட்டி பங்கேற்று பேசினார். அவர் பேசியதாவது:-

    திருப்பதி ஏழுமலையான் கோவிலில் வருகிற 27-ந்தேதியில் இருந்து அக்டோபர் மாதம் 5-ந்தேதி வரை வருடாந்திர பிரம்மோற்சவ விழா நடக்கிறது. அதையொட்டி 20-ந்தேதி காலை 6 மணியில் இருந்து பகல் 11 மணிவரை கோவில் ஆழ்வார் திருமஞ்சனம் எனப்படும் ஆலய சுத்தி நடக்கிறது. மதியம் 12 மணிக்கு மேல் பக்தர்கள் சாமி தரிசனம் செய்ய அனுமதிக்கப்படுகின்றனர்.

    26-ந்தேதி இரவு 7 மணியில் இருந்து இரவு 8 மணி வரை அங்குரார்ப்பணம் நடக்கிறது. 27-ந்தேதி மாலை 5.45 மணியில் இருந்து மாலை 6.15 மணி வரை மீன லக்னத்தில் கொடியேற்றம் நடக்கிறது. இரவு 9 மணியில் இருந்து இரவு 11 மணி வரை பெரிய சேஷ வாகன வீதிஉலா நடக்கிறது.

    கொடியேற்றம் அன்று ஆந்திர முதல்-மந்திரி ஒய்.எஸ்.ஜெகன்மோகன்ரெட்டி, மாநில அரசின் சார்பில் மூலவர் ஏழுமலையானுக்கு பட்டு வஸ்திரங்கள் சமர்ப்பணம் செய்கிறார்.

    அதைத்தொடர்ந்து தினமும் காலை 8 மணியில் இருந்து காலை 10 மணி வரையிலும், இரவு 7 மணியில் இருந்து இரவு 9 மணி வரையிலும் வாகன சேவை நடக்கிறது. ஆனால் கருட வாகன சேவை மட்டும் இரவு 7 மணியில் இருந்து அதிகாலை 2 மணி வரை நடக்கிறது.

    அக்டோபர் மாதம் 5-ந்தேதி காலை 6 மணிக்கு சக்கர ஸ்தானம், இரவு 9 மணியில் இருந்து இரவு 10 மணி வரை கொடியிறக்கம் நடக்கிறது. பிரம்மோற்சவத்துக்கு வரும் பக்தர்களை கவனத்தில் கொண்டு, இலவச தரிசனத்தை மட்டும் திருமலை-திருப்பதி தேவஸ்தானம் அமல்படுத்த முடிவு செய்துள்ளது.

    பக்தர்களின் கூட்ட நெரிசலைக் கருத்தில் கொண்டு, வி.ஐ.பி. பிரேக் தரிசனங்கள், முதியவர்கள், மாற்றுத்திறனாளிகள், குழந்தைகளுடன் வரும் பெற்றோர், என்.ஆர்.ஐ. பக்தர்கள், பாதுகாப்புப் பணியாளர்களுக்கான சிறப்பு தரிசனங்களை ரத்து செய்துள்ளோம்.

    சேவைகளுடன், ஸ்ரீவாணி அறக்கட்டளைக்கு காணிக்கை வழங்கும் பக்தர்கள், பிற அறக்கட்டளைகளுக்கு காணிக்கை வழங்கும் பக்தர்களுக்கான தரிசனம், ரூ.300 தரிசனம் ஆகியவை ரத்து செய்யப்பட்டுள்ளன. 50 சதவீத அறைகள் பக்தர்கள் ஆன்லைனில் முன்பதிவு செய்ய வசதி ஏற்பாடுகள் செய்யப்பட்டுள்ளது.

    திருமலையில் அறைகள் குறைவாக இருப்பதால், பக்தர்கள் அறைகள் பெற்று, திருப்பதியில் தங்குமாறு கேட்டுக்கொள்கிறோம். சாதாரண நாட்களில் தரிகொண்டா வெங்கமாம்பா அன்னப்பிரசாத கட்டிடத்தில் காலை 9 மணியில் இருந்து இரவு 11 மணி வரை அன்னப்பிரசாத வினியோகம் நடக்கிறது.

    பிரம்மோற்சவ நாட்களில் காலை 8 மணியில் இருந்து இரவு 11.30 மணி வரை அன்னப்பிரசாதம் வழங்கப்படும். கருட சேவை அன்று இரவு 2 மணி வரை பக்தர்களுக்கு அன்னப்பிரசாதம் வழங்கப்படும்.

    வாகன சேவை முன்பு ஆந்திரா, தெலுங்கானா, தமிழ்நாடு, கர்நாடகா மற்றும் மராட்டிய மாநிலங்களில் இருந்து ஆன்மிக உணர்வைத் தூண்டும் வகையில் நம்பமுடியாத கலை வடிவங்களை ஏற்பாடு செய்வோம்.

    இதேபோல் திருப்பதியில் உள்ள மகதி கலையரங்கம், ராமச்சந்திரா புஷ்கரணி, அன்னமாச்சாரியார் கலையரங்கம், திருமலையில் உள்ள ஆஸ்தான மண்டபம் ஆகிய இடங்களில் இசை, நடன நிகழ்ச்சிகள் நடத்தப்படும்.

    ஆச்சாரமான இந்து மதத்தை பரப்பும் நடவடிக்கையாக, மாநிலம் முழுவதும் மொத்தம் 1342 கோவில்களை கட்ட நடவடிக்கை எடுத்துள்ளோம். சமர சதாசேவா அறக்கட்டளையோடு இணைந்து எஸ்.சி, எஸ்.டி, பி.சி. மற்றும் மீனவர்கள் வசிக்கும் பகுதிகளில் ஸ்ரீவாணி அறக்கட்டளை திட்டத்தின் கீழ் முதற்கட்டமாக 502 கோவில்களின் கட்டுமானப் பணிகள் நிறைவடைந்தன. இங்கு பக்தர்களுக்கு தரிசன பாக்கியம் கிடைக்கும்.

    திருமலை-திருப்பதி தேவஸ்தானம் தயாரிக்கும் 15 வகையான பஞ்சகவ்ய பொருட்கள் பக்தர்களிடம் நல்ல வரவேற்பை பெற்று வருகிறது. இதேபோல், தூபக் குச்சிகள் பக்தர்களால் பிரத்யேகமாக வாங்கப்படுகின்றன. பஞ்சகவ்ய பொருட்கள், ஊதுபத்தி விற்பனை மூலம் கிடைக்கும் வருமானத்தை மாடுகளின் வளர்ச்சிக்கு பயன்படுத்தி வருகிறோம்.

    திருமலை-திருப்பதி தேவஸ்தான கோவில்களில் பயன்படுத்தப்படும் மலர்களைப் பயன்படுத்தி உலர் மலர் தொழில் நுட்பத்தில் தயாரிக்கப்பட்ட ஸ்ரீவாரி உருவப் படங்கள், கீ செயின்கள் மற்றும் பிற பொருட்களை பக்தர்கள் பெருமளவில் வாங்கி செல்கின்றனர்.

    குழந்தைகளின் பல நோய்களுக்கு இலவச அறுவை சிகிச்சைகள் மற்றும் மருத்துவ சேவைகளை வழங்க பக்தர்களின் காணிக்கையில் ஸ்ரீபத்மாவதி குழந்தைகள் சூப்பர் ஸ்பெஷாலிட்டி மருத்துவமனை விரைவில் கட்டப்படும். தற்போதுள்ள குழந்தைகள் நல மருத்துவமனையில் இதுவரை 652 இதய அறுவை சிகிச்சை செய்து ஏழை குழந்தைகளின் உயிரை காப்பாற்றி உள்ளோம். ஏழுமலையானின் அருளால் வங்கதேசம் போன்ற தொலைதூர நாடுகளில் இருந்து பெற்றோர் தங்களின் குழந்தைகளை அழைத்து வந்து இலவசமாக இதய அறுவை சிகிச்சை செய்தனர்.

    பசுவை அடிப்படையாகக் கொண்ட இயற்கை விவசாயப் பொருட்களுடன் திருமலை வெங்கடாசலபதிக்கு பிரசாதம் மற்றும் பிற பிரசாதங்கள் தயாரிக்க 12 வகையான பொருட்களை கொள்முதல் செய்ய ஒப்பந்தம் செய்யப்பட்டுள்ளது. இயற்கை விவசாயிகளை ஊக்குவிக்க குறைந்த பட்ச ஆதரவு விலையை விட சற்றே கூடுதல் விலை கொடுத்து வருகிறோம்.

    ஆந்திரா, தெலுங்கானா, கர்நாடகா மற்றும் தமிழ்நாடு ஆகிய மாநிலங்களைச் சேர்ந்த சுமார் 17 காணிக்கையாளர்கள் திருமலையில் அன்னப்பிரசாதம் தயாரிப்பதற்காக 2004-ம் ஆண்டு முதல் ரூ.200 கோடிக்கும் அதிகமான மதிப்புள்ள காய்கறிகளை இலவசமாக வழங்கி உள்ளனர். இயற்கை விவசாயத்துடன் காய்கறிகளை பயிரிட விவசாயிகளுக்கு வேண்டுகோள் விடுக்கிறோம்.

    இவ்வாறு அவர் பேசினார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • 108 திவ்ய தேசத்தலங்களில் இது 28-வது கோவிலாகும்.
    • திரளான பக்தர்கள் சாமி தரிசனம் செய்தனர்.

    மயிலாடுதுறை மாவட்டம் சீர்காழியில் காழி ஸ்ரீ ராம விண்ணகரம், ஸ்ரீ திருவிக்ரம பெருமாள் என அழைக்கப்படும் தாடாளன் பெருமாள் கோவில் உள்ளது. 108 திவ்ய தேசத்தலங்களில் 28-வது கோவிலாக இத்தலம் அமைந்துள்ளது.

    பிரசித்தி பெற்ற இந்த கோவிலின் பவித்திர உற்சவம் யாகசாலை பூஜையுடன் தொடங்கியது. தொடர்ந்து யாகசாலையில் வைத்து பூஜிக்கப்பட்ட பவித்திர மாலை பெருமாளுக்கு சாற்றப்பட்டு 8 கால யாக பூஜைகள் நடைபெற்றன.

    5-ம் நாள் காலை உதய தங்க கருட சேவையும், சக்கரத்தாழ்வார் தீர்த்தவாரியும் நடைபெற்றது. தொடர்ந்து பெருமாளுக்கு சிறப்பு திருமஞ்சனம் செய்யப்பட்டு, தங்க கருட வாகனத்தில் பெருமாள் எழுந்தருள, மகா பூர்ணாஹூதி, தீபாராதனை நடைபெற்றது.

    இதில் திரளான பக்தர்கள் கலந்து கொண்டு சாமி தரிசனம் செய்தனர். உதய கருட சேவை மற்றும் சக்கரத்தாழ்வார் தீர்த்தவாரி ஏற்பாடுகளை கோவில் ஆதீனம் கே.கே.சி.ஸ்ரீனிவாசாச்சாரியார் செய்திருந்தார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • தங்கம், வைர ஆபரணங்களால் அலங்கரிக்கப்பட்டிருந்தார் உற்சவர் மலையப்பசாமி.
    • மலையப்பசாமி தங்கக் கருட வாகனத்தில் எழுந்தருளி பக்தர்களுக்கு அருள்பாலித்தார்.

    திருப்பதி ஏழுமலையான் கோவில் மாடவீதிகளில், ஒவ்வொரு மாதமும் பவுர்ணமி நாளில் கருடவாகன சேவை நடக்கிறது.

    பவுர்ணமி தினமான நேற்றிரவு ஏழுமலையான் கோவில் மாடவீதிகளில் கருட வாகன சேவை வெகுவிமரிசையாக நடந்தது . இதை முன்னிட்டு, உற்சவர் ஏழுமலையான் சர்வ நிலையில், அலங்கார திருக்கோலம் பூண்டு கோவிலிலிருந்து புறப்பட்டு வாகன மண்டபத்தை அடைந்தார்.

    அங்கு தங்க கருட வாகனத்தில் எழுந்தருளி சாமிக்கு தீப, நைவேத்திய சமர்ப்பணம் நடந்தது. தொடர்ந்து, பக்தர்களின் பக்தி கோஷங்களுக்கு இடையே கருடவாகன சேவை நடந்தது .

    பவுர்ணமி கருட சேவையொட்டி திருப்பதியில் நேற்று பக்தர்கள் கூட்டம் அலைமோதியது.

    சாமி தரிசனத்திற்காக இலவச தரிசனத்தில் வைகுண்டம் காம்ப்ளக்ஸ் காத்திருப்பு அறைகள் அனைத்தும் நிரம்பி வழிந்தது.

    அதனை தாண்டி 5 கிலோமீட்டர் தூரத்திற்கு பக்தர்கள் சாமி தரிசனத்திற்காக காத்திருந்தனர். இன்று காலையிலும் பக்தர்கள் கூட்டம் அதிகமாக காணப்பட்டது.

    சாமி தரிசனத்திற்கு 24 மணி நேரம் ஆனது. ரூ. 300 விரைவு தரிசன டிக்கெட்டில் 2 மணி நேரத்தில் சாமி தரிசனம் செய்தனர்.

    வருகிற 27-ந் தேதி ஏழுமலையான் கோவிலில் பிரம்மோற்சவ விழா தொடங்குகிறது. இந்த விழாவில் கருட சேவை இரவு 7 மணி முதல் அதிகாலை 2 மணி வரை நடைபெறும் என தேவஸ்தான அதிகாரிகள் தெரிவித்துள்ளனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • புதிய வஸ்திரங்கள் பட்சிராஜன் கருடபகவானுக்கு சாற்றப்பட்டது.
    • பக்தர்கள் நேர்த்திக்கடனாக தேங்காய் உடைத்து வழிபட்டனர்.

    நவ திருப்பதிகளில் முதல் திருப்பதியான ஸ்ரீவைகுண்டம் கள்ளபிரான் சுவாமி கோவிலில் மதில் வெளி சுவர்களின் மீது மேல் பட்சிராஜன் கருடபகவான் நான்கு மூலைகளிலும் அமைக்கப்பட்டுள்ளது. ஆடி மாதம் சுவாதி நட்சத்திரத்தில் ஒவ்வொரு ஆண்டும் கருட பகவானுக்கு திருமஞ்சன அலங்காரம் செய்யப்பட்டு விழா நடைபெறுவது வழக்கம். இந்த ஆண்டும் நேற்று ஆடி சுவாதி விழா கொண்டாடப்பட்டது.

    இவ்விழாவை முன்னிட்டு காலை 7மணிக்கு விஸ்வரூபம், 8.30 மணிக்கு கருடனுக்கு திருமஞ்சன அலங்காரம், நித்தியல் கோஷ்டியும் நடைபெற்றது. காலை10.30 மணிக்கு கருடனுக்கு நல்லெண்ணெய், பால், மஞ்சள், திரவியம், தேன், பஞ்சாமிர்தம், இளநீர் ஆகியவற்றால் அபிஷேகம் நடைபெற்றது. பின்னர் புதிய வஸ்திரங்கள் பட்சிராஜன் கருடபகவானுக்கு சாற்றப்பட்டது. திருவாராதனம், தளிகை நெவேத்தியம் நடந்தது.

    பக்தர்கள் நேர்த்திக்கடனாக தேங்காய் உடைத்து வழிபட்டனர். இந்நிகழ்சிக்கு கள்ளபிரான் சுவாமி கோவில் ஸ்தலத்தார்கள் ராஜப்பா வெங்கடாச்சாரி, சீனிவாசன், வெங்கடேசன், நிர்வாகஅதிகாரி கோகுலமணிகண்டன், ஆய்வாளர் நம்பி, தக்கார் அஜித் உட்பட திரளான பக்தர்கள் கலந்து கொண்டனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • பெரியாழ்வார், ஐந்து பெருமாளுக்கும் மங்களாசாசனம் செய்யும் நிகழ்ச்சி நடைபெற்றது.
    • ஆயிரக்கணக்கான பக்தர்கள் கலந்து கொண்டு சாமி தரிசனம் செய்தனர்.

    ஸ்ரீவில்லிபுத்தூர் ஆண்டாள் கோவிலில் ஆடிப்பூரத் திருவிழா கடந்த 24-ந் தேதி கொடியேற்றத்துடன் தொடங்கி நடந்து வருகிறது. 5-ம் திருவிழாவான நேற்று ஐந்து கருட சேவை நிகழ்ச்சி நடைபெற்றது. காலை 10:30 மணிக்கு பெரியாழ்வார் ஆண்டாள் கோவிலில் இருந்து புறப்பட்டு ஆடிப்பூர மண்டபத்தை வந்து அடைந்தார். அதன் பிறகு பெரிய பெருமாள், திருத்தங்கல் பெருமாள், திருவண்ணாமலை சீனிவாச பெருமாள், காட்டழகர் சுந்தரராஜ பெருமாள், ரெங்கமன்னார், ஆகியோரை வரவேற்கும் நிகழ்ச்சி நடைபெற்றது.

    ஆண்டாள் வீற்றிருக்க, பெரியாழ்வார், ஐந்து பெருமாளுக்கும் மங்களாசாசனம் செய்யும் நிகழ்ச்சி நடைபெற்றது.

    அதன் பிறகு இரவு 10:30 மணிக்கு ஐந்து கருடசேவை நடந்தது. அப்போதுகருட வாகனத்தில் ரெங்கமன்னார், பெரிய பெருமாள், திருத்தங்கல் நின்ற நாராயண பெருமாள், செண்பகத்தோப்பு சுந்தரராஜ பெருமாள், திருவண்ணாமலை சீனிவாச பெருமாள் எழுந்தருளினர் கருட வாகனங்களில் மாட வீதிகள், ரத வீதிகள் வழியாக உற்சவம் நடைபெற்றது.

    ஆயிரக்கணக்கான பக்தர்கள் கலந்து கொண்டு சாமி தரிசனம் செய்தனர்.ஒயிலாட்ட குழுவினர் மற்றும் கோலாட்ட குழுவினர் கோலாட்டம் ஆடியபடியும், பஜனை குழுவினர் பஜனை பாடிய படியும், வந்தனர். விழா ஏற்பாடுகளை தக்கார் ரவிச்சந்திரன், நிர்வாக அதிகாரி முத்துராஜா மற்றும் கோவில் பணியாளர்கள் செய்திருந்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • ராஜகோபுரம், சுவாமி, தாயார் உள்ளிட்ட விமான கலசங்களுக்கு புனித நீர் ஊற்றி அபிஷேகம் நடந்தது.
    • வாகனத்திலும், கிருஷ்ணன் தோளுக்கினியான் வாகனத்தில் எழுந்தருளி வீதிஉலா சென்றனர்.

    பாளையங்கோட்டை ராஜகோபால சுவாமி கோவிலில் வருசாபிஷேக விழா நேற்று நடந்தது. இதையொட்டி கோவிலில் காலை 6.30 மணி முதல் சிறப்பு யாகம், தொடர்ந்து சுவாமிக்கு சிறப்பு ஹோமம், திருமஞ்சனம், ராஜகோபுரம், சுவாமி, தாயார் உள்ளிட்ட விமான கலசங்களுக்கு புனித நீர் ஊற்றி அபிஷேகம் நடந்தது.

    தொடர்ந்து இரவு 7 மணிக்கு ராஜகோபால சுவாமி மற்றும் அழகிய மன்னார் இரட்டை கருட சேவை நடந்தது. தொடர்ந்து ஸ்ரீதேவி தாயார் அன்ன வாகனத்திலும், பூதேவி தாயார் கஜலட்சுமி வாகனத்திலும், கிருஷ்ணன் தோளுக்கினியான் வாகனத்திலும் எழுந்தருளி வீதிஉலா சென்றனர்.

    மேலும் பக்தர்களுக்கு அன்னதானம் வழங்கப்பட்டது. இதேபோல் நெல்லை கருப்பந்துறை தாமிரபரணி ஆற்றங்கரையில் உள்ள சிவகாமசுந்தரி அம்பாள் சமேத அழியாபதீஸ்வரர் கோவிலிலும் வருசாபிஷேகம் நடந்தது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin