இது புதுசு

பிஎம்டபிள்யூ மோட்டராட் நிறுவனம் 2021 பிஎம்டபிள்யூ S 1000 R மோட்டார்சைக்கிளை இந்திய சந்தையில் அறிமுகம் செய்தது. புது பிஎம்டபிள்யூ S 1000 R விலை ரூ. 17.90 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது. புது மோட்டார்சைக்கிளுக்கான முன்பதிவு நாடு முழுக்க துவங்கி நடைபெற்று வருகிறது.

இந்திய சந்தையில் 2021 பிஎம்டபிள்யூ S 1000 R மோட்டார்சைக்கிள் - ஸ்டான்டர்டு, ப்ரோ மற்றும் எம் ஸ்போர்ட் என மூன்று வேரியண்ட்களில் கிடைக்கிறது. இதன் டாப் எண்ட் மாடல் விலை ரூ. 22.50 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது.

இதன் ஸ்டான்டர்டு மாடல் ரேசிங் ரெட் நிறத்திலும், ப்ரோ மாடல் ஹாகன்ஹெம் சில்வர் / மேட் காப்பர் நிறத்திலும், எம் ஸ்போர்ட் மாடல் லைட் புளூ, டார்க் புளூ மற்றும் ரெட் என மூன்று நிறங்களில் கிடைக்கிறது. 

2021 பிஎம்டபிள்யூ S 1000 R மாடல் 998சிசி என்ஜின் கொண்டிருக்கிறது. இத்துடன் 6 ஸ்பீடு கியர்பாக்ஸ், ஸ்லிப் அசிஸ்ட் கிளட்ச் வழங்கப்படுகிறது. இந்த என்ஜின் 162 பிஹெச்பி பவர், 114 என்எம் டார்க் செயல்திறன் வழங்குகிறது. இது மணிக்கு 100 கிலோமீட்டர் வேகத்தை 3.2 நொடிகளில் எட்டிவிடும். இது மணிக்கு அதிகபட்சமாக 250 கிலோமீட்டர் என மின்னணு முறையில் கட்டுப்படுத்தப்பட்டு இருக்கிறது.

டிரையம்ப் டிரைடென்ட் 660 மோட்டார்சைக்கிள் ஏப்ரல் மாத வாக்கில் இந்திய சந்தையில் அறிமுகம் செய்தது. இதன் துவக்க விலை ரூ. 6.95 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது. தற்போது டிரையம்ப் டிரைடென்ட் 660 மாடலின் வினியோகம் துவங்கி இருக்கிறது.

டிரைடென்ட் 660 மாடலில் ப்ளூடூத் மாட்யூல் வசதியுடன் கூடிய டிஎப்டி ஸ்கிரீன் வழங்கப்படுகிறது. இது ஸ்மார்ட்போனுடன் இணைந்து கொண்டு செயல்படும். மேலும் கூடுதல் தொகைக்கு கோப்ரோ கேமரா கண்ட்ரோல் செய்வதற்கான வசதியும் இந்த மாடலுடன் வழங்கப்படுகிறது. 

புதிய டிரையம்ப் டிரைடென்ட் 660 மோட்டார்சைக்கிளில் 660 சிசி இன்-லைன் மூன்று சிலிண்டர் என்ஜின் வழங்கப்படுகிறது. இது 80 பிஹெச்பி பவர், 64 என்எம் டார்க் செயல்திறன் வழங்குகிறது. இந்த மோட்டார்சைக்கிள் ரோட் மற்றும் ரெயின் என இருவித ரைடிங் மோட்களை கொண்டுள்ளது.

இத்துடன் ஏபிஎஸ், டிராக்ஷன் கண்ட்ரோல் மற்றும் எல்இடி லைட்டிங் செய்யப்பட்டு உள்ளது. மேலும் இதில் டிஎப்டி டிஸ்ப்ளே, ஆப்ஷனல் மை டிரையம்ப் கனெக்டிவிட்டி சிஸ்டம் வழங்கப்படுகிறது. 

ஆடி நிறுவனத்தின் புதிய இ டிரான் எலெக்ட்ரிக் மாடல் விரைவில் இந்திய சந்தையில் அறிமுகம் செய்யப்பட இருக்கிறது. ஏற்கனவே இந்த எலெக்ட்ரிக் கார் நாட்டின் பல்வேறு விற்பனையகங்களுக்கு வந்தைடந்துள்ளது. இந்தியாவில் ஆடி நிறுவனத்தின் முதல் எலெக்ட்ரிக் மாடலாக இ டிரான் வெளியாக இருக்கிறது.

இ டிரான் மாடல் முன்புறம் ஒற்றை பீஸ் பிளான்க்டு-அவுட் கிரில் வழங்கப்படுகிறது. இத்துடன் மேட்ரிக்ஸ் எல்இடி ஹெட்லேம்ப்கள், இ டிரான் மாடலுக்கான பிரத்யேக டிஆர்எல்கள் வழங்கப்படுகிறது. டெயில் லேம்ப்கள் மெல்லியதாகவும், கூர்மையாகவும் உள்ளது. இது டெயில்கேட் முழுக்க நீள்கிறது. 

இந்த காரில் இரண்டு எலெக்ட்ரிக் மோட்டார்கள் வழங்ப்படுகின்றன. இவை இணைந்து 402 பிஹெச்பி பவர், 664 என்எம் டார்க் செயல்திறன் வழங்குகிறது. இந்த கார் மணிக்கு அதிகபட்சம் 200 கிலோமீட்டர் வேகத்தில் செல்கிறது. ஒருமுறை சார்ஜ் செய்தால் 400-க்கும் அதிக கிலோமீட்டர்கள் பயணிக்க முடியும்.

இந்தியாவில் புதிய ஆடி இ டிரான் மாடல் மெர்சிடிஸ் பென்ஸ் EQC மற்றும் ஜாகுவார் ஐ பேஸ் மாடல்களுக்கு போட்டியாக அமைகிறது. 

மெர்சிடிஸ் பென்ஸ் இந்தியா நிறுவனம் புதிய எஸ் கிளாஸ் மாடல் இந்திய சந்தையில் ஜூன் 17 ஆம் தேதி அறிமுகமாகும் என அறிவித்து இருக்கிறது. புதிய எஸ் கிளாஸ் மெர்சிடிஸ் நிறுவனத்தின் டாப் எண்ட் ஆடம்பர செடான் மாடல்களில் ஒன்றாக இருக்கிறது. புது எஸ் கிளாஸ் பெட்ரோல் மற்றும் டீசல் என்ஜின் ஆப்ஷன்களில் கிடைக்கும் என கூறப்படுகிறது.

சர்வதேச சந்தையில் புதிய மெர்சிடிஸ் பென்ஸ் எஸ் கிளாஸ் மாடல் கடந்த ஆண்டு செப்டம்பர் மாத வாக்கில் அறிமுகம் செய்யப்பட்டது. இதுவரை வெளியான எஸ் கிளாஸ் மாடல்களில் அதிகளவு ஆடம்பர அம்சங்கள் நிறைந்த மாடலாக இது இருக்கிறது. 

2021 மெர்சிடிஸ் பென்ஸ் எஸ் கிளாஸ் மாடல் S400d மற்றும் S450 வேரியண்ட்களில் கிடைக்கும். இந்த மாடல் 6 சிலிண்டர் பெட்ரோல் மற்றும் டீசல் என்ஜின் ஆப்ஷன்களில் கிடைக்கும். இவை 367 பிஹெச்பி பவர், 500 என்எம் டார்க் செயல்திறன் வழங்குகிறது. S450 மாடலில் 435 பிஹெச்பி பவர், 520 என்எம் டார்க் செயல்திறன் வழங்குகிறது.

பென்ஸ் எஸ் கிளாஸ் S350d மாடலில் உள்ள 3.0 லிட்டர் என்ஜின் 286 பிஹெச்பி பவர், 600 என்எம் டார்க் செயல்திறனும், S400d மாடலில் 330 பிஹெச்பி பவர், 700 என்எம் டார்க் செயல்திறன் வழங்குகிறது.

போர்ஸ் மோட்டார்ஸ் நிறுவனம் பிஎஸ்6 குர்கா மாடலை இந்திய சந்தையில் அறிமுகம் செய்ய இருக்கிறது. புதிய ஆப் ரோடு எஸ்யுவி மாடல் 15 மாதங்களுக்கு முன் நடைபெற்ற 2020 ஆட்டோ எக்ஸ்போ விழாவில் காட்சிப்படுத்தப்பட்டது. புதிய குர்கா மாடல் 2022 இரண்டாவது காலாண்டு வாக்கில் அறிமுகமாகும் என தகவல் வெளியாகி உள்ளது.

2022 ஜூலை முதல் செப்டம்பர் மாத வாக்கில் புதிய குர்கா பிஎஸ்6 மாடல் இந்திய சந்தையில் வெளியாகும் என கூறப்படுகிறது. தேர்வு செய்யப்பட்ட விற்பனையகங்களில் ஆப்-ரோடு எஸ்யு மாடலுக்கான சோதனை துவங்கி நடைபெற்று வருகிறது.

கொரோனாவைரஸ் ஊரடங்கு காரணமாக பிஎஸ்6 போர்ஸ் குர்கா மாடல் வெளியீடு தொடர்ந்து தாமதமாகி வருகிறது. முன்னதாக பலமுறை இந்த மாடல் ஸ்பை படங்கள் இணையத்தில் வெளியாகி இருக்கின்றன.

ஜாகுவார் லேண்ட் ரோவர் நிறுவனம் இந்திய சந்தையில் 2021 ஜாகுவார் எப் பேஸ் மாடலை அறிமுகம் செய்தது. புதிய எப் பேஸ் துவக்க விலை ரூ. 69.99 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது. இந்தியாவில் முதல்முறையாக எப் பேஸ் மாடல் ஆர் டைனமிக் எஸ் வேரியண்டில் கிடைக்கிறது.

புதிய ஜாகுவார் எப் பேஸ் மார்ஸ் ரெட் மற்றும் சியனா டேன் என இரண்டு நிறங்களில் கிடைக்கிறது. 2021 ஜாகுவார் எப் பேஸ் புது காஸ்மெடிக் மாற்றங்கள், அடுத்த தலைமுறை டர்போசார்ஜ் செய்யப்பட்ட இன்ஜெனியம் டீசல் என்ஜின் கொண்டிருக்கிறது.

2021 ஜாகுவார் எப் பேஸ் மாடலில் 2.0 லிட்டர் பெட்ரோல் மற்றும் டீசல் என்ஜின் ஆப்ஷன்களில் கிடைக்கிறது. இதன் 2.0 லிட்டர் பெட்ரோல் என்ஜின் 247 பிஹெச்பி பவர், 365 என்எம் டார்க் செயல்திறன் வழங்குகிறது. இதன் 2.0 லிட்டர் டீசல் என்ஜின் 201 பிஹெச்பி பவர், 430 என்எம் டார்க் செயல்திறன் வழங்குகிறது.

ப்ரிட்டன் நாட்டை சேர்ந்த சூப்பர்கார் உற்பத்தியாளரான மெக்லாரென் ஆட்டோமோட்டிவ் தனது ஜிடி, 720எஸ் மற்றும் 720எஸ் ஸ்பைடர் என மூன்று மாடல்களின் இந்திய விலையை அறிவித்து இருக்கிறது. அதன்படி என்ட்ரி லெவல் மெக்லாரென் ஜிடி மாடல் விலை ரூ. 3.72 கோடி, எக்ஸ்-ஷோரூம் என நிர்ணயம் செய்யப்பட்டு உள்ளது.

மெக்லாரென் 720எஸ் மற்றும் 720எஸ் ஸ்பைடர் மாடல்கள் விலை முறையே ரூ. 4.65 கோடி மற்றும் ரூ. 5.04 கோடி என நிர்ணயம் செய்யப்பட்டுள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது. புது மெக்லாரென் ஆர்டுரா காரை வாடிக்கையாளர்கள் விரும்பும் வகையில் கஸ்டமைஸ் செய்யும் வசதி வழங்கப்படுகிறது.

அனைத்து மெக்லாரென் கார்களும் இந்தியாவில் CBU முறையில் கொண்டுவரப்படுகிறது. இந்தியாவில் அமலாகி இருக்கும் புது இறக்குமதி வரி சலுகையை பயன்படுத்துகிறது. இதன் மூலம் ஒவ்வொரு நிறுவனங்களும் 2500 யூனிட்களை சிபியு மற்றும் சிகேடி முறையில் ஒவ்வொரு ஆண்டும் இறக்குமதி செய்யலாம். இவ்வாறு செய்ய ஹோமோலோகேஷன் பெற வேண்டிய அவசியமும் கிடையாது.

ஹோண்டா கார்ஸ் நிறுவனம் புத்தம் புதிய சிவிக் ஹேட்ச்பேக் மாடலுக்கான டீசர் படங்களை வெளியிட்டு இருக்கிறது. 2022 ஹோண்டா சிவிக் மாடல் ஜூன் 24 ஆம் தேதி அறிமுகம் செய்யப்பட இருக்கிறது. புது ஹேட்ச்பேக் மாடல் சிவிக் செடான் காரை தழுவி உருவாக்கப்பட்டுள்ளதாக ஹோண்டா தெரிவித்துள்ளது.

புதிய ஹோண்டா சிவிக் போன்றே சிவிக் ஹேட்ச்பேக் மாடலும் முந்தைய வேரியண்டை விட மேம்பட்ட டிசைன் கொண்டிருக்கும் என தெரிகிறது. முன்புறம் செடான் மாடலை போன்ற தோற்றம் கொண்டிருக்கிறது. இதன் பின்புறம் குறிப்பிடத்தக்க மாற்றங்களை கொண்டிருக்கிறது. 

புதிய சிவிக் ஹேட்ச்பேக் மாடலில் 2.0 லிட்டர், 4 சிலிண்டர் என்ஜின் வழங்கப்படும் என தெரிகிறது. இந்த என்ஜின் 158 பிஹெச்பி பவர், 187 என்எம் டார்க் செயல்திறன் வழங்குகிறது. இத்துடன் 1.5 லிட்டர் டர்போசார்ஜ் செய்யப்பட்ட 4 சிலிண்டர் என்ஜின் வழங்கப்படலாம். இது 180 பிஹெச்பி பவர், 240 என்எம் டார்க் செயல்திறன் வழங்குகிறது.

பிஎம்டபிள்யூ மோட்டராட் நிறுவனம் புதிய தலைமுறை பிஎம்டபிள்யூ S1000R மாடலை விரைவில் இந்திய சந்தையில் அறிமுகம் செய்ய இருக்கிறது. பிஎம்டபிள்யூ S1000R நேக்கட் ஸ்போர்ட் வெர்ஷன் ஆகும். இதன் என்ஜின், பிரேம், ஸ்விங் ஆர்ம் உள்ளிட்டவை முந்தைய மாடலில் இருந்ததை போன்றே வழங்கப்படுகிறது.

இதன் டிசைன் சிறிதளவு மாற்றப்பட்டு புது பாடி பேனல்கள், எல்இடி ஹெட்லைட், டிஆர்எல் உள்ளிட்டவை வழங்கப்படுகிறது. புதிய பிஎம்டபிள்யூ S1000R மாடலில் பிளெக்ஸ் பிரேம் சேசிஸ் வழங்கப்பட்டு இருக்கிறது. இந்த பைக் 199 கிலோ எடை கொண்டுள்ளது. இது முந்தைய மாடலை விட 6.5 கிலோ குறைவு ஆகும். 

புதிய தலைமுறை பிஎம்டபிள்யூ S1000R மாடலில் 999சிசி, இன்-லைன் 4 சிலிண்டர் என்ஜின் வழங்கப்பட்டு இருக்கிறது. இந்த என்ஜின் 162 பிஹெச்பி பவர், 114 என்எம் டார்க் செயல்திறன் வழங்குகிறது. இந்த மோட்டார்சைக்கிள் மணிக்கு 100 கிலோமீட்டர் வேகத்தை வெறும் 3.2 நொடிகளில் எட்டிவிடும். இது அதிகபட்சமாக மணிக்கு 250 கிலோமீட்டர் வேகத்தில் செல்லும்.

எம்ஜி மோட்டார் நிறுவனம் எம்ஜி 6 எக்ஸ்பவர் மாடலை சர்வதேச சந்தையில் அறிமுகம் செய்தது. புது மாடல் அகலமான பாடி, ஏரோடைனமிக் பாடி கிட் கொண்டிருக்கிறது. இது ரேசிங் டிசைன் கொண்டுள்ளது.

எம்ஜி6 எக்ஸ்பவர் மாடலில் 305பிஎஸ் பவர் கொண்ட பிளக்-இன் ஹைப்ரிட் சிஸ்டம் கொண்டுள்ளது. இந்த காரில் 480 என்எம் டார்க் செயல்திறன் கொண்டிருக்கிறது. இது மணிக்கு 100 கிலோமீட்டர் வேகத்தை வெறும் 6 நொடிகளில் எட்டிவிடும். இந்த என்ஜினுடன் 10 ஸ்பீடு EDU 2nd Gen எலெக்ட்ரிக் டிரைவ் கியர்பாக்ஸ் வழங்கப்படுகிறது.

பிரேக்கிங்கிற்கு ரேசிங் கிரேடு 920E 6 பிஸ்டன் கொண்ட கேலிப்பர்கள் உள்ளது. இது 100 கிலோமீட்டர் வேகத்தில் செல்லும் காரை 33 மீட்டர்களில் நிறுத்திவிடும் திறன் கொண்டிருக்கிறது. இந்த பிரேக்குகளுடன் மிஷலின் பைலட் ஸ்போர்ட் CUP2 ரப்பர்கள் உள்ளது. இது காரை அதிவேகத்தில் ஓட்டும் போது சிறப்பாக கண்ட்ரோல் செய்ய உதவுகிறது.

லம்போர்கினி நிறுவனம் ஹரிகேன் இவோ ஸ்பைடர் மாடலை சர்வதேச சந்தையில் கடந்த ஆண்டு அறிமுகம் செய்தது. புதிய ஹரிகேன் இவோ ஸ்பைடர் ஜூன் 8 ஆம் தேதி இந்தியாவில் அறிமுகமாகிறது. இந்த சூப்பர்கார் ஆர்டபிள்யூடி கூப் மாடலை போன்ற காஸ்மெடிக் அம்சங்கள் மற்றும் என்ஜின் கொண்டுள்ளது.

லம்போர்கினி ஹரிகேன் இவோ ரியர்-வீல் டிரைவ் ஸ்பைடர் மாடல் முன்புற ஸ்ப்லிட்டர், வெர்டிக்கல் பின்கள், பெரிய முன்புற ஏர் டேம்கள் உள்ளன. பின்புற பம்ப்பர் ஹை கிளாஸ் பிளாக் பினிஷ் செய்யப்பட்டுள்ளது. ஸ்பைடர் மாடலில் உள்ள டாப் ரூப் 17 நொடிகளில் திறந்துவிடும். இதனை கார் மணிக்கு 50 கிலோமீட்டர் வேகத்தில் செல்லும் போதும் இயக்க முடியும்.  

இந்த சூப்பர்கார் 5.2 லிட்டர் வி10 என்ஜின் கொண்டிருக்கிறது. இந்த என்ஜின் 610 பிஹெச்பி பவர் கொண்டுள்ளது. இந்த மாடல் மணிக்கு 100 கிலோமீட்டர் வேகத்தை வெறும் 3.5 நொடிகளில் எட்டிவிடும். இது மணிக்கு 324 கிலோமீட்டர் வேகத்தில் செல்லும் திறன் கொண்டுள்ளது. 

டொயோட்டா நிறுவனத்தின் ஹிலக்ஸ் மாடல் விரைவில் இந்திய சந்தையில் அறிமுகம் செய்யப்பட இருக்கிறது. இந்தியாவில் அதிகம் எதிர்பார்க்கப்பட்ட நிலையில், இதன் வெளியீடு உறுதி செய்யப்பட்டு இருக்கிறது. இதுதவிர டொயோட்டா ஹிலக்ஸ் விலை கடும் போட்டியை ஏற்படுத்தும் வகையில் நிர்ணயிக்கப்படும் என கூறப்படுகிறது.

5.3 மீட்டர்கள் நீளமாக இருக்கும் டொயோட்டா ஹிலக்ஸ் ஐஎம்வி-2 பிளாட்பார்மில் உருவாகி இருக்கிறது. டொயோட்டாவின் பார்ச்சூனர் மற்றும் இன்னோவா க்ரிஸ்டா மாடல்களும் இதே பிளாட்பார்மில் உருவாக்கப்பட்டவை ஆகும். ஹிலக்ஸ் மாடலில் 2.4 லிட்டர் டர்போசார்ஜ் செய்யப்பட்ட டீசல் என்ஜின் வழங்கப்படும் என தெரிகிறது. 

இது 150 பிஹெச்பி பவர் வழங்குகிறது. மேலும் இது ரியர்-வீல் டிரைவ் கொண்டிருக்கிறது. இதன் டாப் எண்ட் மாடல்களில் 2.8 லிட்டர் டர்போசார்ஜ் செய்யப்பட்ட டீசல் என்ஜின் வழங்கப்படும் என தெரிகிறது. இந்த என்ஜின் 208 பிஹெச்பி பவர், 4-வீல் டிரைவ் கொண்டிருக்கும் என தெரிகிறது.