பைக்

ஹார்லி டேவிட்ஸன் நிறுவனம், சீன நிறுவனமான குயான்ஜாங் என்ற நிறுவனத்துடன் இணைந்து ஆரம்ப நிலை, குறைந்தவிலை பைக்குகள் சிலவற்றை இந்தியாவில் அறிமுகம் செய்துள்ளதாக தெரிவித்துள்ளது. 

இதன்படி முதல் பைக்காக ஹார்லி டேவிட்ஸன் 338R பைக்கை அந்நிறுவனம் அறிமுகம் செய்யவுள்ளதாக கூறப்படுகிறது.

இந்த பைக்கில் 500 சிசி பேரலல் ட்வின் இன்ஜின், ரோட்ஸ்டர் பாடி ஒர்க்குடன் இடம்பெற்றிருக்கும். குறிப்பாக இந்த பைக் பெனிலி லியோசினோ 500 பைக்கை போன்ற ஃபிரேம், பிரண்ட் சஸ்பென்ஷன், ரேடிக்கல் பிரேக் காலிப்பர்ஸ், ஸ்வின்கார்ம் ஆகியவற்றை கொண்டிருக்கும். மேலும் இதில் அலாய் வீல்கள், ஹாண்டில்பார், ஃபூட்பெக் ஹாங்கர்ஸ் இருக்கும் எனவும் எதிர்பார்க்கப்படுகிறது.

இந்த பைக்கின் இன்ஜின் 47bhp முதல் 500 bhp வரை டெலிவரி செய்யும் என கூறப்படுகிறது.

இந்த பைக் உலக மார்க்கெட்டில் 2024-ம் ஆண்டு அறிமுகம் செய்யப்பட்டு பின் இந்தியாவில் வெளியாகும் என கூறப்படுகிறது.

மதுரையை சேர்ந்த தனுஷ்குமார் என்ற இளைஞர் சைக்கிளை மின்சார பைக்காக உருமாற்றியுள்ளார். 

கல்லூரியில் எம்.எஸ்.சி படிக்கும் தனுஷ்குமார் தனது தங்கைக்கு அரசுப்பள்ளியில் வழங்கப்பட்ட சைக்கிளை, தொழில்நுட்ப அறிவை பயன்படுத்தி மின்சார பைக்காக உருமாற்றியுள்ளார்.

இந்த பைக் ஓடும்போது தானாகவே சார்ஜ் ஏறிக்கொள்ளும் வகையில் வடிவமைக்கப்பட்டுள்ளது. இந்த பைக் அதிகபட்சமாக 40 கி.மீ தூரம் வரை செல்லும் என்றும், 20 கி.மீ சென்றால் தானாகவே பேட்டரி முழுதாக சார்ஜ் ஏறிவிடும் எனவும் தனுஷ்குமார் கூறியுள்ளார்.

ஆனால் இந்த பைக்கை பயன்படுத்துவதற்கு மத்திய அரசின் ஃபிட்னஸ் சான்றிதழ் அவசியம் என்பதால் இதனை சாலைகளில் ஓட்டி செல்ல முடியாது என தெரிவிக்கப்பட்டுள்ளது.

கோமாக்கி நிறுவனம் கோமாக்கி DT 3000 அதிவேக மின்சார ஸ்கூட்டரை இந்தியாவில் அறிமுகம் செய்யவுள்ளது. 

இந்த ஸ்கூட்டர் 220 கி.மீ ரேஞ்ச் வரை செல்லும் என தெரிவிக்கப்பட்டுள்ளத்து.

இந்த ஸ்கூட்டரில் 3000W BLDC மோட்டார், பேட்டன் செய்யப்பட்ட அட்வான்ஸ்டு 62V52AH லித்தியம் பேட்டரி வழங்கப்பட்டுள்ளது.

மேலும் இதில் முழுதாக டிஜிட்டல் செய்யப்பட்ட இன்ஸ்ட்ருமென்டல் பேனல், ப்ளூடூத் கனெக்டிவிட்டி ஆகிய அம்சங்கள் இடம்பெற்றுள்ளன. இந்த ஸ்கூட்டர் 3 நிறத்தேர்வுகளில் வெளியாகவுள்ளது.

கோமாக்கி DT 3000 மின்சார ஸ்கூட்டர் பிற மின்சார ஸ்கூட்டர்களை விட அதிவேகத்தில் செல்லக்கூடியது என்று தெரிவிக்கப்பட்டுள்ளது. இந்த ஸ்கூட்டரின் விலை இந்தியாவில் ரூ.1,15,000-ஆக இருக்கும் என எதிர்பார்க்கப்படுகிறது. 

ராயல் என்ஃபீல்டு நிறுவனம் சமீபத்தில் ராயல் என்ஃபீல்டு ஸ்கிராம் 411 பைக்கை அறிமுகம் செய்தது.

இந்நிலையில் தற்போது அந்த பைக்கின் ஆப்ஷனல் உதிரி பாகங்களை ஆன்லைன் மூலம் விற்பனை செய்யவுள்ளதாக அறிவித்துள்ளது.

ராயல் என்ஃபீல்டு இணையதளத்தில் வங்கப்பட்டுள்ள ‘மேக் இட் யுவர்ஸ்’ ஆன்லைன் வசதி மூலம் நமக்கு பிடித்த உதிரி பாகங்களை பைக்கில் பொருத்திபார்த்து தேர்ந்தெடுக்கலாம். அதன்விலையும் ஆன்லைனிலேயே காட்டப்படும்.

மேலும் வாடிக்கையாளர்கள் புதிய ஸ்கிராம் பைக்கிற்கு தரப்பட்டுள்ள 7 வகை நிறங்களையும் ஆன்லைனிலேயே காண முடியும்.

ஸ்கிராமிற்கு வழங்கப்பட்டுள்ள ஆப்ஷனல் உதிரி பாகங்களின் பட்டியல்:-

ஹேண்டில் பார் - ரூ.3550

பிரேஸ் பேட் - ரூ.600

பிளாக் ஸ்போர்ட்ஸ் சீட் - ரூ.750

மாஸ்டர் சிலிண்டர் கார்ட் - ரூ.700

ஆயில் கூலர் கார்ட் - ரூ.1,250

ஹேண்ட் கார்ட் - ரூ.2550

பைக் கவர்- ரூ.1100

காம்பெக்ட் இன்ஜின் கார்ட் - ரூ.1450

லார்ஜ் இன்ஜின் கார்ட் - ரூ.1650

இத்துடன் இந்த உதிரி பாகங்களை உள்ளடக்கிய தொகுப்புகளும் அடிப்படை கிட், அர்பன் கிட், எக்ஸ்பிளோரர் கிட் என்ற பெயரில் விற்கப்படுகிறது. இவற்றையும் வாங்கலாம் என தெரிவிக்கப்பட்டுள்ளது.

கிரயான் மோட்டார்ஸ் கிரயான் என்வி என்ற புதிய மின்சார ஸ்கூட்டரை அறிமுகம் செய்துள்ளது.  

இந்த ஸ்கூட்டர் சாவியில்லாமல் ஸ்டார்ட் செய்யும் வகையில் அமைக்கப்பட்டுள்ளது. மேலும் இந்த ஸ்கூட்டரின் மோட்டார் மற்றும் கண்ட்ரோலருக்கு 24 மாதம் வாரண்டி வழங்கப்பட்டுள்ளது.

இந்த ஸ்கூட்டரின் இயங்கும் செலவு கிலோமீட்டருக்கு 14 பைசா ஆகும். இந்த ஸ்கூட்டரின் டாப் ஸ்பீல்ட் 25 கி.மீ-ஆக உள்ளது. மேலும் டிரைவிங் லைசன்ஸோ, ரிஜிஸ்ட்ரேஷனோ தேவையில்லை என தெரிவிக்கப்பட்டுள்ளது.

இந்த ஸ்கூட்டரில் 250 W BLDC மோட்டார் வழங்கப்பட்டுள்ளது. இந்த ஸ்கூட்டரை ஒருமுறை சார்ஜ் செய்தால் 160 கி.மீ வரை செல்ல முடியும்.

இந்த ஸ்கூட்டரில் ஜியோ டேகிங், டிஜிட்டல் ஸ்பீடோமீட்டர், சென்டர்ல் லாக்கிங், மொபைல் சார்ஜிங் ஆகியவை வழங்கப்பட்டுள்ளன. மேலும் இதில் ரிவர்ஸ் அசிஸ்டெண்ட் ஆப்ஷன் உள்ளது. இதன்மூலம் ஸ்கூட்டரை முன்பக்கம், பின்பக்கம் சரியாக நகர்த்தி நெருக்கமான இடங்களில் கூட பார்க் செய்ய இயலும். டூயல் ஹெட்லைட்ஸ், டியூப்லெஸ் டையர்ஸ், டிஸ்க் பிரேக், 150mm கிரவுண்ட் கிளியரன்ஸ் ஆகியவையும் இதில் வழங்கப்படவுள்ளன.

இந்த ஸ்கூட்டரின் விலை ரூ.64,000-ல் இருந்து தொடங்குகிறது.

ஓலா நிறுவனம் இஸ்ரேலை சேர்ந்த பேட்டரி டெக்னாலஜி நிறுவனமான ஸ்டோர்டாட்டுடன் இணைந்து செயல்படவுள்ளதாக அறிவித்துள்ளது.

ஸ்டோர்டாட் நிறுவனம் அதிவேகத்தில் சார்ஜ் ஏறும் தொழில்நுட்பத்தை (XFC) அடிப்படையாக கொண்ட பேட்டரிகளை தயாரிப்பதில் பெயர்பெற்றது. தற்போது இந்த நிறுவனம் எக்ஸ்.எஃப்.சி பேட்டரியை ஓலாவிற்கு வழங்குவதாக அறிவித்துள்ளது. இதன் மூலம் ஓலா மின்சார ஸ்கூட்டர்களை பூஜ்ஜியத்தில் இருந்து 100 சதவீதத்திற்கு வெறும் 5 நிமிடத்தில் சார்ஜ் ஏற்றிவிட முடியும் என தெரிவிக்கப்பட்டுள்ளது.

இன்னும் இரண்டு வருடங்களில் இந்த பேட்டரிக்களை கொண்ட ஓலா பைக்குகள் அதிக அளவில் தயாரிக்கப்படும். அதேசமயம் வெறும் 2 நிமிடங்களில் முழுதாக சார்ஜ் ஏறும் தொழில்நுட்பத்தையும் ஸ்டோர் டாட் பரிசோதித்து வருகிறது. 

அடுத்த 10 வருடங்களுக்குள் இந்த தொழில்நுட்பம் அனைவருக்கும் பரிட்சயம் செய்யப்படும். எதிர்காலத்தில் மின்சார வாகனங்கள் அனைத்தும் சிறந்த, அதிவேகம் கொண்ட, அதிக ஆற்றலை வழங்கக்கூடிய பேட்டரிகளை கொண்டிருக்கும் என தெரிவிக்கப்பட்டுள்ளது.

இந்தியாவில் கடந்த மாதம் அதிகம் விற்பனையான டாப் 10 பைக்குகளின் பட்டியல் வெளியாகியுள்ளது. இதன்படி ஹீரோவின் ஸ்பிளெண்டர் பைக் முதலிடத்தை பெற்றுள்ளது. இந்த பைக் கடந்த மாதம் 1,93,731 யூனிட்டுகள் விற்றுள்ளன.

இரண்டாவது இடத்தில் ஹோண்டா சிபி ஷைன் 81,700 யூனிட்டுகளும், 3-வது இடத்தில் ஹீரோவின் ஹெச்.எஃப் டீலக்ஸ் 75,927 யூனிட்டுகளும் விற்பனையாகியுள்ளன.

4-வது இடத்தில் பஜாஜ் பல்சர் 54,951 யூனிட்டுகளும், 5-வது இடத்தில் ராயல் என்ஃபீல்டு கிளாசிக் 350 30,082 யூனிட்டுகளும், 6-வது இடத்தில் பஜாஜ் பிளாட்டினா 29,124 யூனிட்டுகளும், 7-வது இடத்தில் ஹீரோ கிளாமர் 27,406 யூனிட்டுகளும், 8-வது இடத்தில் டிவிஎஸ் அப்பாச்சி 16,406 யூனிட்டுகளும், 9-வது இடத்தில் ஹோண்டா ட்ரீம் 15,476 யூனிட்டுகளும், 10-வது இடத்தில் டிவிஎஸ் ரைடர் 14,744 யூனிட்டுகளும் விற்பனையாகியுள்ளன.

இந்தியாவில் மொத்தம் 5,39,547 பைக்குகள் கடந்த மாதம் மட்டும் விற்பனை செய்யப்பட்டுள்ளது.

பெங்களூருவை சேர்ந்த ஓபென் - எலக்ட்ரிக் நிறுவனம் ரோர் மின்சார பைக்கை இந்தியாவில் அறிமுகம் செய்துள்ளது.

இதில் இடம்பெற்றுள்ள நிரந்தர காந்த மோட்டார் 10kW பீக் அவுட்புட்டையும், 4kW தொடர் அவுட்புட்டையும் தரவள்ளது. இந்த மோட்டார் சைக்கில் 62Nm டார்க்கை உருவாக்கக்கூடியது.

சிங்கிள் ஸ்டேஜ் ரெடக்‌ஷன் கொண்ட பெல்ட் டிரைவ் சிஸ்டம் மூலம் பின்பக்க சக்கரத்திற்கு பவரை பரிமாற்றம் செய்யக்கூடிய வகையில் இந்த வாகனம் உருவாக்கப்பட்டுள்ளது.

இந்த பைக் வெறும் 3 நொடிகளில் பூஜ்ஜியத்தில் இருந்து 40 கி.மீ வேகத்தையும், அதிகபட்ச வேகமாக 100 கிமீ வேகத்தையும் எட்டும் திறனை பெற்றுள்ளது.

இந்த பைக் 4.4kWh ஃபிக்ஸ்ட் லித்தியம் அயன் பாஸ்பேட் பேட்டரி பேக்குடன் வருகிறது.  இது மற்ற லித்தியம் அயன் பேட்டரியுடன் அட்வாஸான திறனை கொண்டுள்ளது. 2 மணி நேரத்தில் முழுதாக இந்த பைக்கை சார்ஜ் செய்ய முடியும். இது 15A பவர் சாக்கெட்டை கொண்டுள்ளது. இந்த  பவர் சாக்கேட்டை கூடுதல் விலை எதுவும் இல்லாமல் வாடிக்கையாளர்களின் வீட்டில் 

இந்த பைக்கில் எகோ, சிட்டி, ஹாவக் என்ற 3 வகை ரைடிங் மோட் இருக்கிறது. இந்த மூன்று ரைடிங் மோடிலும் 50 கி.மீ, 70 கி.மீ, 100 கிமீ வேகத்தை எட்ட முடியும். எகோ வேரியண்டில் அதிகபட்சம் 150 கி.மீ தூரம் வரையும், சிட்டி மற்றும் ஹாவோக்கில் 120 கி.மீ மற்றும் 100 கி.மீ தூரம் வரையும் செல்ல முடியும்.

இந்த பைக்கில் ஸ்மார்ட் அம்சங்களும் இடம்பெற்றுள்ளன. ப்ளூடூத் கனெக்டிவிட்டி மற்றும் பிற செயலிகளும் இதில் உள்ளன.

இந்த பைக்கில் ட்ரெலில்ஸ் பிரேம், முன்பக்கத்தில் டெலஸ்கோபிக் ஃபோர்க், பின்பகக்த்தில் மோனோஷாக் ஆகிய அம்சங்கள் இடம்பெற்றுள்ளன. இந்த பக்கில் 17 இன்ச் வீல், டிஸ்க் பிரேக்குடன் வருகிறது.

இந்த பைக்கின் எக்ஸ் ஷோரூம் விலை ரூ.1.25 லட்சமாகவுள்ளது. மாநிலங்களின் மானியத்துடன் சேர்ந்து ரூ.99,999 வரையில் இந்த பைக்கை வாங்க முடியும்.

ஓலா நிறுவனம் ஓலா எஸ்1 ப்ரோ மின்சார ஸ்கூட்டரின் விலையை உயர்த்தப்போவதாக அறிவித்துள்ளது.

இதுகுறித்து ஓலா எலக்ட்ரிக் நிறுவனத்தின் தலைமை செயல் அதிகாரி பாவிஷ் அகர்வால் கூறியதாவது:-

ஓலா எஸ்1 ப்ரோ மின்சார ஸ்கூட்டரை ஏற்கனவே வாங்கியவர்களுக்கு நன்றி. ஓலா எஸ் 1 ப்ரோ ஸ்கூட்டரை ரூ.1,29,999 விலையில் வாங்குவதற்கு இன்று தான் கடைசி வாய்ப்பு. அடுத்தமுறை விற்பனைக்கு வரும் போது இந்த ஸ்கூட்டரின் விலை உயர்த்தப்பட்டிருக்கும். இன்று (மார்ச் 18) நள்ளிரவு வரை மட்டுமே பழைய விலை அமலில் இருக்கும்.

இவ்வாறு அகர்வால் தெரிவித்துள்ளார்.

மார்ச் 18-க்கு பிறகு முன்பதிவு செய்யப்படும் ஓலா எஸ்1 ப்ரோ ஸ்கூட்டரில்  புதிய எஸ் 1 ப்ரோ ஸ்கூட்டரில் நேவிகேஷன் கன்ட்ரோல், கம்பேனியன் ஆப், க்ரூஸ் கன்ட்ரோல், ப்ளூடூத் உள்ளிட்ட பல்வேறு அம்சங்கள் இடம்பெறவுள்ளன. 

ஓலா எஸ்1 ப்ரோ ஸ்கூட்டர் 121 கி.மீ மைலேஜ், 113 கி.மீ அதிகபட்ச வேகத்தை கொடுக்கும்.  பூஜ்ஜியத்தில் இருந்து 100 கி.மீ வேகத்தை வெறும் 3 நொடிகளில் எட்ட முடியும் எனவும் தெரிவிக்கப்பட்டுள்ளது.

டிவிஎஸ் நிறுவனம் புதிய டிவிஎஸ் ஜுப்பிட்டர் ZX ஸ்கூட்டரை இந்தியாவில் அறிமுகம் செய்துள்ளது. இந்த ஸ்கூட்டர் டிவிஎஸ்ஸின் SMARTXONNECT மற்றும் வாய்ஸ் அசிஸ்டென் ஆகியவற்றுடன் வருகிறது.

மேலும் இந்த ஸ்கூட்டரில் ப்ளூடூத் கனெக்டிவிட்டி, நேவிகேஷன் அசிஸ்டெண்ட், எஸ்.எம்.எஸ்/கால் அலெர்ட் ஆகியவையும் இடம்பெற்றுள்ளது. 110 சிசி செக்மெண்ட் கொண்ட வாய்ஸ் அசிஸ்டென்ட் அம்சங்கள் இடம்பெறுவது இதுவே முதன்முறையாகும்.

டிவிஎஸ் ஜிப்பிட்டரில் வழங்கப்பட்டுள்ள அம்சங்களை ஆண்ட்ராய்டு மற்றும் ஐஓஎஸ் செயலிகள் மூலம் கனெக்கெட் செய்ய முடியும். இதைத்தவிர ப்ளூடூத் ஹெட்போன்ஸ், ஒயர் உள்ள ஹெட்போன்ஸ், ப்ளூடூத் ஹெல்மெட் ஆகியவற்றையும் இந்த ஸ்கூட்டரில் இணைக்க முடியும்.

ஸ்கூட்டரின் அம்சங்கள் ஸ்பீட்டோமீட்டரில் காட்டப்படும் என்றும், ஆடியோ ஃபீட்பேக் ஹெட்போன் வழியாக வழங்கப்படும் என்றும் தெரிவிக்கப்பட்டுள்ளது.

இந்த ஸ்கூட்டரில் உள்ள 110 சிசி இன்ஜின் 7,500 rpm-ல் 5.8 kW அதிகபட்ச பவரை தரக்கூடியது. இதுத்தவிர 5,500 rpm-ல் 8.8 Nm டார்க்கை உருவாக்ககூடியது. இதன் இன்ஜின் intelliGo தொழில்நுட்பம் மற்றும் ஐ-டச் ஸ்டார்ட் தொழில்நுட்பத்துடன் வருகிறது. இந்த ஸ்கூட்டரில் எல்.இ.டி ஹெட்.லேம்ப், 2 லிட்டர் குளோவ்பாக்ஸ் மொபைல் சார்ஜர், 21 லிட்டர் ஸ்டோரேஜ் மற்றும் பிரண்ட் டிஸ்க் உள்ளிட்ட அம்சங்கள் இடம்பெற்றுள்ளன.

இந்த ஸ்கூட்டரின் எக்ஸ் ஷோரூம் விலை ரூ.80,973-ஆக நிர்ணயம் செய்யப்பட்டுள்ளது.

ஓலா நிறுவனம் தனது எஸ்1 மற்றும் எஸ்2 ப்ரோ மாடல் மின்சார ஸ்கூட்டர்களை கடந்த ஆண்டு ஆகஸ்டு மாதம் வெளியிட்டது.

இதில் ஓலா எஸ்1 ப்ரோ ஸ்கூட்டருக்கு தற்போது புதிய அம்சங்கள் வழங்கப்படவுள்ளதாக அறிவிப்பு வெளியாகியுள்ளது.

இந்த ஸ்கூட்டர்களில் நேவிகேஷன் கன்ட்ரோல், கம்பேனியன் ஆப், க்ரூஸ் கன்ட்ரோல், ப்ளூடூத் உள்ளிட்ட பல்வேறு அம்சங்கள் இடம்பெறவுள்ளன.

ஓலா மின்சார ஸ்கூட்டர் வாடிக்கையளர்கள் நிறுவனத்தை தொடர்புகொண்டு புதிய மூவ்ஓஎஸ் 2.0 இயங்குதளத்தை புதுப்பிப்பதன் மூலம் இந்த அம்சங்களை பெற முடியும். வரும் ஏப்ரல் முதல் அனைவருக்கும் இந்த புதிய அம்சங்கள் கொண்ட ஓஎஸ் வழங்கப்படவுள்ளது.

ஓலா எஸ்1 ப்ரோ ஸ்கூட்டர் 121 கி.மீ மைலேஜ், 113 கி.மீ அதிகபட்ச வேகத்தை கொடுக்கும்.  பூஜ்ஜியத்தில் இருந்து 100 கி.மீ வேகத்தை வெறும் 3 நொடிகளில் எட்ட முடியும் எனவும் தெரிவிக்கப்பட்டுள்ளது. இந்த ஓலா மின்சார ஸ்கூட்டர்களின் விலை ரூ.1.10 லட்சத்தில் இருந்து தொடங்குகின்றது.

ஒகினாவா நிறுவனம் புதிய மின்சார ஸ்கூட்டரினை இந்தியாவில் வரும் மார்ச் 24-ம் தேதி அறிமுகம் செய்யவுள்ளது. இந்த ஸ்கூட்டருக்கு ஓகி90 என பெயரிடப்பட்டுள்ளது.

இந்த ஸ்கூட்டரில் எக்ஸ்டென்டட் சீட்டுகள், அலாய் வீல், சில்வர் ஃபினிஷ் செய்யப்பட்ட பின்பக்க கிராப் ரெயில், டூயல் ஸ்பிரிங் சஸ்பென்சன் ஆகியவை வழங்கப்பட்டுள்ளன.

இந்த ஸ்கூட்டரில் பிற ஸ்கூட்டர்களை போல மவுண்ட் செய்யப்பட்ட ஹப் யூனிட்டில் மோட்டார் வைக்கப்படாமல் நடுவில் வைக்கப்பட்டுள்ளது. கழற்றக்கூடிய லித்தியம் அயன் பேட்டரி இந்த ஸ்கூட்டரில் வழங்கப்பட்டுள்ளது. மேலும் வேகமாக சார்ஜ் ஆகும் வகையில் இந்த ஸ்கூட்டர் உருவாக்கப்பட்டுள்ளது. இந்த ஸ்கூட்டர் 80 கி.மீ வரை டாப் ஸ்பீட்டை கொண்டுள்ளது. இந்த ஸ்கூட்டரை ஒருமுறை முழுதாக சார்ஜ் செய்தால் 150 கி.மீ முதல் 180 கி.மீ வரை செல்லும் என தெரிவிக்கப்பட்டுள்ளது.

இந்த ஸ்கூட்டரில் ஜியோஒ-ஃபென்சிங், நேவிகேஷன், டயக்னாஸ்டிக்ஸ் உள்ளிட்ட கனெக்டிவிட்டி அம்சங்களும் இடம்பெற்றுள்ளன.

இந்த ஸ்கூட்டர் ஓலா எஸ்1, சிம்பிள் ஒன், பஜாஜ் சேடாக், டிவிஎஸ் ஐகியூப் ஆகியவற்றுக்கு போட்டியாக வரும் என எதிர்பார்க்கப்படுகிறது. இதன் விலை ரூ.1 லட்சம் முதல் ரூ1.20 லட்சம் வரை இருக்கலாம் எனவும் கூறப்படுகிறது.