கர்நாடக சட்டசபை தேர்தல் முடிவுகள் லைவ் அப்டேட்ஸ்: ஆட்சியை பிடிக்கிறது காங்கிரஸ்

சித்தராமையா மற்றும் டி.கே.சிவக்குமார் இடையே கடும் போட்டியில் உள்ளனர். சித்தராமையா தான் முதல்வராக வேண்டும் என அவரது ஆதரவாளர்கள் வலியுறுத்தி வருகின்றனர்.

டி.கே.சிவக்குமார் முதல்வராக வேண்டும் என கர்நாடக காங்கிரஸ் அலுவலகம் முன் அவரது ஆதரவாளர்கள் கோஷம் எழுப்பி வருகின்றனர்.

கர்நாடகாவில் வெற்றி முகத்தில் காங்கிரஸ் உள்ள நிலையில், முதல்வர் யார் என்பதில் போட்டா போட்டி நிலவி வருகிறது.

கர்நாடகாவில் காங்கிரஸ் வெற்றி முகத்தில் உள்ள நிலையில், மூத்த தலைவர்கள் சித்தராமையா, டி.கே.சிவக்குமார், ரஞ்சித் சிங் வாலா ஆலோசனை நடத்தவுள்ளனர்.

சென்னாபட்னா தொகுதியில் போட்டியிட்ட ம.ஜ.த தலைவர் குமாரசாமி பின்னடைவில் இருந்த நிலையில், தற்போது முன்னிலையில் உள்ளார். ராமநகரா தொகுதியில் குமாரசாமியின் மகன் நிகில் பின்னடைவில் உள்ளார்.

கர்நாடக சட்டசபை தேர்தலில் அதிக இடங்களில் காங்கிரஸ் வெற்றி பெற்று முன்னிலையில் உள்ளது. இதனால், சத்தியமூர்த்தி பவனில் காங்கிரஸ் தொண்டர்கள் பட்டாசு வெடித்து கொண்டாடி வருகின்றனர்.

கர்நாடக தேர்தல் வாக்கு எண்ணிக்கை நிலவரப்படி, காங்கிரஸ் கட்சி பெரும்பான்மையை கடந்து வெற்றி பாதையில் உள்ளது. இதை கொண்டாடும் விதமாக, கட்சி நிர்வாகிகள் கர்நாடக காங்கிரஸ் தலைவர் டி.கே.சிவகுமாரின் பெங்களூரு இல்லத்திற்கு வெளியே இனிப்புகளை பகிர்ந்து வருகின்றனர்.

ஹூப்ளி- தர்வாட் மத்திய சட்டசபை தொகுதியில் காங்கிரஸ் வேட்பாளர் ஜெகதீஷ் ஷெட்டர் பின்தங்கியுள்ளார். முன்னாள் முதல்வரான ஷெட்டர், சீட் மறுக்கப்பட்டதால் பாரதிய ஜனதா கட்சியில் இருந்து விலகி சமீபத்தில் காங்கிரசில் சேர்ந்தார்.

கர்நாடகாவில் வாக்குகள் எண்ணப்பட்டு வரும் நிலையில், காங்கிரஸ் தலைவர் பிரியங்கா காந்தி இன்று காலை சிம்லாவில் உள்ள கோவிலுக்கு சென்று வழிபட்டார்.

காங்கிரஸ் தலைவர் மல்லிகார்ஜுன கார்கேவின் மகன் பிரியங்க் கார்கே சித்தப்பூரில் பாஜகவின் மணிகண்ட ரத்தோடை எதிர்த்து 2,493 வாக்குகள் வித்தியாசத்தில் முன்னிலை பெற்றுள்ளார்.

காங்கிரஸ் செய்தித் தொடர்பாளர் பவன் கேரா கூறுகையில்,"பெரும்பான்மையுடன் நாங்கள் ஆட்சி அமைப்போம், அதில் எந்த சந்தேகமும் இல்லை. பிரதமரின் எதிர்மறையான, பிளவுபடுத்தும் பிரச்சாரம் பலனளிக்கவில்லை" என்றார்.