சினிமா
சிம்டாங்காரன் அப்டின்னா என்ன? பாடலாசிரியர் விவேக் விளக்கம்
விஜய் நடிக்கும் `சர்கார்' படத்தில் இருந்து `சிம்டாங்காரன்' என்ற பாடல் இன்று மாலை வெளியாக இருக்கும் நிலையில், அந்த பாடல் பற்றி பாடலாசிரியர் விவேக் விளக்கமளித்துள்ளார். #Sarkar #Vijay
ஏ.ஆர்.முருகதாஸ் இயக்கத்தில் விஜய் நடிப்பில் பெரும் எதிர்பார்ப்பை ஏற்படுத்தியிருக்கும் படம் `சர்கார்'. படப்பிடிப்பு முடிந்து இறுதிக்கட்ட பணிகள் விறுவிறுப்பாக நடந்து வரும் நிலையில், ஏ.ஆர்.ரஹ்மான் இசையில் படத்தில் இருந்து முதல் சிங்கிள் இன்று மாலை 6 மணிக்கு வெளியாக இருக்கிறது.
`சிம்டாங்காரன்' என தொடங்கும் இந்த பாடல் குறித்து பாடலாசிரியர் விவேக் தனது ட்விட்டர் பக்கத்தில் விளக்கம் அளித்துள்ளார். இதுகுறித்து விவேக் கூறியிருப்பதாவது,
#Simtaangaran - Chennai Tamil
— Vivek Lyricist (@Lyricist_Vivek) September 24, 2018
கவர்ந்து இழுப்பவன் / பயமற்றவன் / துடுக்கானவன்
Attractive Young Man - Charismatic / Fearless / Audacious
கண் சிமிட்டாம சிலர பார்க்க தோனுமே.. அந்த ஒருவன் .. நம் #சிம்டாங்காரன்pic.twitter.com/uSWZP8j6hu
என்று குறிப்பிட்டுள்ளார்.
சிங்கிளை தொடர்ந்து படத்தின் இசை வெளியீட்டு விழா வருகிற அக்டோபர் 2-ஆம் தேதி பிரம்மாண்டமாக நடைபெற இருக்கிறது.
இந்த படத்தில் விஜய் ஜோடியாக கீர்த்தி சுரேஷும், முக்கிய கதாபாத்திரத்தில் வரலட்சுமி சரத்குமாரும் நடித்துள்ளனர். காமெடியனாக யோகி பாபுவும், வில்லன்களாக அரசியல்வாதி கதாபாத்திரங்களில் பழ.கருப்பையா மற்றும் ராதாரவி நடிக்கின்றனர்.
சன் பிக்சர்ஸ் தயாரிப்பில் பிரம்மாண்டமாக உருவாகி இருக்கும் இந்த படத்தில் நடப்பு அரசியல் தொடர்பான காட்சிகள் இடம்பெற்று இருப்பதால் படத்தின் மீது பெரிய எதிர்பார்ப்பு அதிகரித்துள்ளது. #Sarkar #Vijay #SarkarKondattam