என் மலர்
புதிய கேஜெட்டுகள்
- ஆப்பிள் நிறுவனம் புதிய மேக்புக் ஏர் மற்றும் 13 இன்ச் மேக்புக் ப்ரோ ஆகிய மாடல்களையும் அறிமுகம் செய்துள்ளது.
- ஆப்பிள் நிறுவனத்தின் புதிய M2 மேக்புக் ஏர் மாடல் 2022-வின் விலை ரூ. 1 லட்சத்து 19 ஆயிரத்து 900 என நிர்ணயம் செய்யப்பட்டு உள்ளது.
டெவலப்பர்கள் மாநாடு WWDC 2022 நேற்று நள்ளிரவு நடைபெற்றது. இதில் ஆப்பிள் நிறுவனம் முற்றிலும் புதிய M2 சிப்செட்-ஐ அறிமுகம் செய்தது. அடுத்த தலைமுறை ஆப்பிள் சிலிகான் சிப்செட்டான இது தலைசிறந்த CPU மற்றும் கிராஃபிக்ஸ் செயல்திறனை வழங்குகிறது. இதற்கு முன்னதாக வந்த M1 பிராசஸரை விட பல்வேறு அம்சங்களில் தனித்து விளங்கும் வகையில் சக்திவாய்ந்த ஒன்றாக இந்த புதிய M2 சிப்செட் உருவாக்கப்பட்டு இருக்கிறது.
இதுமட்டுமின்றி ஆப்பிள் நிறுவனம் புதிய மேக்புக் ஏர் மற்றும் 13 இன்ச் மேக்புக் ப்ரோ ஆகிய மாடல்களையும் அறிமுகம் செய்துள்ளது. எதிர்பார்த்தப்படியே புது மேக்புக் ஏர் மற்றும் 13 இன்ச் மேக்புக் ப்ரோ மாடல்களில் முற்றிலும் புதிய சக்திவாய்ந்த M2 சிப்செட் இடம்பெற்றுள்ளது.
2022 மேக்புக் ஏர் சிறப்பம்சங்கள்
M2 சிப்செட் கொண்டு அறிமுகம் செய்யப்பட்ட முதல் மாடலாக 2022 மேக்புக் ஏர் இருக்கிறது. முந்தைய மாடலுடன் ஒப்பிடுகையில், 2022 மேக்புக் ஏர் மாடல் முற்றிலும் புது டிசைன் கொண்டு இருக்கும் வகையில் உருவாக்கப்பட்டு உள்ளது. இது மிக மெல்லியதாகவும், குறைந்த எடையுடையதாகவும் இருக்கிறது. இது மாடல் மேக்சேஃப் சார்ஜிங் போர்ட் உடன் வருகிறது. 2022 மேக்புக் ஏர் மாடல், ஸ்பேஸ் கிரே, லேப்டாப் சில்வர், மிட்நைட் மற்றும் ஸ்டார்லைட் என நான்கு விதமான நிறங்களில் கிடைக்கிறது.
இது 13.6 இன்ச் லிக்விட் ரெட்டினா டிஸ்ப்ளே உடன் வருகிறது. முந்தைய மாடலை விட 20சதவீதம் அதிக பிரைட்னஸ் கொண்டுள்ளது. 4 ஸ்பீக்கர் சவுண்ட் சிஸ்டம், ஸ்பேஷியல் ஆடியோ சப்போர்ட், ஸ்டீரியோ ஆடியோ, 1080P ஃபேஸ்டைம் HD கேமரா, போர்ஸ் டச் டிராக்பேட், நாள் முழுக்க பேட்டரி பேக்கப், 18 மணி நேர வீடியோ பிளேபேக், 30 வாட் யு.எஸ்.பி. சி அடாப்டர் உள்பட் பல்வேறு சிறப்பம்சங்களை 2022 மேக்புக் ஏர் மாடல் கொண்டுள்ளது.
2022 மேக்புக் ப்ரோ சிறப்பம்சங்கள்
அதேபோல் 2022 மேக்புக் ப்ரோ மாடல், 13 இன்ச் லிக்விட் ரெட்டினா டிஸ்ப்ளே, 8GB யுனிஃபைடு மெமரி, 8 கோர் CPU, 10 கோர் GPU, புதிய M2 சிப்செட், 256ஜிபி / 512ஜிபி SSD ஸ்டோரேஜ், மேஜிக் கீபோர்டு, ஃபோர்ஸ் டச் டிராப்பேட், டச் பார் மற்றும் டச் ஐடி, 2 தண்டர்போல்ட் / 4 USB போர்ட்கள், 20 மணி நேரத்திற்கான பேட்டரி பேக்கப் உள்ளிட்ட சிறப்பம்சங்களுடன் வருகிறது.
ஆப்பிள் நிறுவனத்தின் புதிய M2 மேக்புக் ஏர் மாடல் 2022-வின் விலை ரூ. 1 லட்சத்து 19 ஆயிரத்து 900 என நிர்ணயம் செய்யப்பட்டு உள்ளது. அதேபோல் புதிய 13 இன்ச் மேக்புக் ப்ரோ 2022 மாடலின் விலை ரூ. 1 லட்சத்து 29 ஆயிரத்து 900 என நிர்ணயிக்கப்பட்டு உள்ளது. இந்த இரு மாடல்களின் விற்பனை விரைவில் துவங்க உள்ளது.
IOS 16 வெர்ஷன்
IOS 16 வெர்ஷனில் மேம்பட்ட லாக் ஸ்கிரீன் மற்றும் வால்பேப்பர், விட்ஜெட்களில் அசத்தல் மாற்றங்கள் செய்யப்பட்டுள்ளன. மேலும் மெசேஜஸ், மெயில், விஷூவல் லுக் அப், டிக்டேஷன், லைவ் டெக்ஸ்ட், ஆப்பிள் வாலெட், ஆப்பிள் நியூஸ், ஆப்பிள் மேப்ஸ், பேரண்டல் கண்ட்ரோல், பிட்னஸ், ஹெல்த் என இந்த IOS 16 வெர்ஷனில் அதிகளவு மாற்றங்கள் மேற்கொள்ளப்பட்டு இருக்கின்றன.
வாட்ச் OS 9
வாட்ச் OS 9-இல் மேம்பட்ட ஹெல்த் டிராக்கிங், புதிய வாட்ச் ஃபேஸ்கள், AFib ஹிஸ்ட்ரி என பல்வேறு புதிய அம்சங்களைக் கொண்டுள்ளது. இத்துடன் வெவ்வேறு ஸ்போர்ட் மோடுகளுக்கு ஏற்ப பயனர்களுக்கு பயனுள்ள விவரங்களை வழங்கும் வகையில் புதுப்புது மாற்றங்களும் இதில் செய்யப்பட்டு உள்ளன.
மேக் OS வெண்ட்யுரா
மேக் சாதனங்களில் இயங்கும் மேக் OS-ன் புது வெர்ஷன், மேக் OS வெண்ட்யுரா என்கிற பெயரில் அறிமுகம் செய்யப்பட்டு உள்ளது. இது மேக் சாதனங்களில் மல்டி டாஸ்கிங் அனுபவத்தை மேம்படுத்த உதவுகிறது. மேலும் புதிய சஃபாரி பிரவுசர், ஐபோனினை வெப்கேமராவாகவும் பயன்படுத்தும் வசதி, பிரீலோடெட் செயலிகள் உள்ளிட்டவையும் வழங்கப்பட்டு இருக்கிறது.
ஐபேட் OS 16
மேக் OS வெண்ட்யுரா போன்றே ஐபேட் OS 16-இலும் மல்டி டாஸ்கிங் செய்வதற்கான வசதி வழங்கப்பட்டு உள்ளது. இதுதவிர மேம்பட்ட மெசேஜஸ் ஆப், லைவ் டெக்ஸ்ட், மெட்டல் 3 என்ஜின் மூலம் உருவாக்கப்பட்ட ஏராளமான கேம்கள் இதில் வழங்கப்பட்டுள்ளன. ஐபேட் OS 16-இல் உள்ள ஸ்டேஜ் மேனேஜர் மூலம் பல்வேறு செயலிகளை ஐபேடில் ஒன்றன் மீது ஒன்றாக வைத்து பயன்படுத்த முடியும்.
ஒன்பிளஸ் போனாக மறுபெயரிடப்படும் ஓபோ A57 ஆனது கலர்OS க்கு பதிலாக ஆக்சிஜன் OS 12.1 உடன் வரும் என கூறப்படுகிறது.
ஓபோ A57 ஸ்மார்ட்போன் விரைவில் இந்தியாவில் அறிமுகப்படுத்தப்பட உள்ளது. இந்த நிலையில் அந்த போனை ஒன்பிளஸ் நிறுவனம் மறுபெயரிட்டு குறிப்பிட்ட சந்தைகளில் குறைந்த விலையில் வெளியிட உள்ளதாக கூறப்படுகிறது. ஓபோ A57 OnePlus பிராண்டிங்கின் கீழ் FCC சான்றிதழைப் பெற்றுள்ளது, இது தோற்றத்தில் ஒன்பிளஸ் போனைப் போல இருந்தாலும் அதன் உட்புறத்தில் சில மாற்றங்களை செய்து வெளியிட ஒன்பிளஸ் நிறுவனம் திட்டமிட்டுள்ளதாம்.
ஒன்பிளஸ் போனாக மறுபெயரிடப்படும் ஓபோ A57 ஆனது கலர்OS க்கு பதிலாக ஆக்சிஜன் OS 12.1 உடன் வரும் என கூறப்படுகிறது. மேலும் இது 5000mAh பேட்டரி திறன் கொண்டதாக இருக்கும் என தெரிவிக்கப்பட்டு உள்ளது. அதேபோல் அந்த ஸ்மார்ட்போன் ஓபோவுக்கு பதிலாக ஒன்பிளஸ் லோகோவுடன் இந்தியாவில் அறிமுகமாகும் வாய்ப்புகள் உள்ளன.
ஓபோ A57-ன் விலை ரூ.13,500 ஆக இருக்கும் என கூறப்பட்ட நிலையில், தற்போது மறுபெயரிடப்பட்டு வெளியிடப்பட உள்ள ஒன்பிளஸ் போனும் கிட்டத்தட்ட அதே விலையில், அதாவது ரூ.15 ஆயிரத்துக்கும் கீழ் தான் கிடைக்கும் என எதிர்பார்க்கப்படுகிறது. மேலும் இது ஒன்பிளஸ் நிறுவனத்தின் புதிய நார்டு சீரிஸாக இருக்க வாய்ப்புள்ளதாக கூறப்படுகிறது.
ஒன்பிளஸ் நிறுவனத்தின் அதிகாரப்பூர்வ தளத்தில் மட்டுமே இந்த சலுகையைப் பெற முடியும் என தெரிவிக்கப்பட்டு உள்ளது.
ஒன்பிளஸ் நிறுவனம் 8T எனும் ஃபிளாக்ஷிப் போனை கடந்த 2020ம் ஆண்டு அறிமுகப்படுத்தியது. அறிமுகப்படுத்தப்பட்டு 2 ஆண்டுகள் ஆகும் நிலையில், தற்போது அந்த போனின் விலை அதிரடியாக குறைக்கப்பட்டு உள்ளது. அதன்படி அந்த போன் தற்போது ரூ. 28,999-க்கு அதன் அதிகாரப்பூர்வ தளத்தில் விற்கப்படுகிறது.
ஒன்பிளஸ் 8T ஸ்மார்ட்போன் அறிமுகமான புதிதில் அதன் விலை ரூ.42,999 ஆக நிர்ணயம் செய்யப்பட்டு இருந்தது. இதையடுத்து 4 ஆயிரம் ரூபாய் குறைக்கப்பட்டு ரூ.38,999 க்கு விற்பபை செய்யப்பட்டு வந்த நிலையில், தற்போது அதன் விலை மேலும் ரூ.10 ஆயிரம் குறைக்கப்பட்டு ரூ.28,999-க்கே கிடைக்கிறது.
அதன்படி 8 ஜிபி ரேம் 128 ஜிபி மெமரி உடன் கூடிய ஒன்பிளஸ் 8T ஸ்மார்ட் போன் ரூ.28,999-க்கும், 12 ஜிபி ரேம், 256 ஜிபி மெமரி உடன் கூடிய மாடல் ரூ.31,999-க்கும் கிடைக்கிறது. ஒன்பிளஸ் நிறுவனத்தின் அதிகாரப்பூர்வ தளத்தில் மட்டுமே இந்த சலுகையைப் பெற முடியும் என்பது குறிப்பிடத்தக்கது.
ஒன்பிளஸ் 8T ஸ்மார்ட்போன் லூனார் சில்வர் மற்றும் ஆக்வாமெரைன் கிரீன் ஆகிய இரண்டு நிறங்களில் கிடைக்கிறது. ஒன்பிளஸ் 8T ஆனது முதன்மையான குவால்காம் ஸ்னாப்டிராகன் 865 சிப்செட்டையும், 65W ஃபாஸ்ட் சார்ஜிங் வசதியுடன் கூடிய 4,500 mAh பேட்டரியையும் கொண்டுள்ளது. பின்புறம் குவாட் கேமரா அமைப்பை இந்த ஸ்மார்ட்போன் கொண்டுள்ளது. இது 30 ஆயிரத்திற்கும் கீழ் கிடைப்பது நல்ல ஆஃபராக பார்க்கப்படுகிறது.
மோட்டோரோலா நிறுவனத்தின் மோட்டோ E32s ஸ்மார்ட்போனின் வடிவமைப்பு மோட்டோரோலா மோட்டோ E32 போன்ற வடிவமைப்பைப் கொண்டுள்ளது.
மோட்டோரோலா நிறுவனத்தின் புதிய மோட்டோ E32s ஸ்மார்ட்போன் இந்தியாவில் இன்று அறிமுகமாகி உள்ளது. இந்த போனின் விலை ரூ. 9,299 என நிர்ணயம் செய்யப்பட்டு உள்ளது. இந்த ஸ்மார்ட்போன் இந்தியாவில் ஜியோமார்ட், ரிலையன்ஸ் டிஜிட்டல் மற்றும் பிளிப்கார்ட் தளங்களில் விற்பனை செய்யப்படுகிறது.
மோட்டோரோலா மோட்டோ E32s ஸ்மார்ட்போனின் வடிவமைப்பு மோட்டோரோலா மோட்டோ E32 போன்றே உருவாக்கப்பட்டு இருக்கிறது. இது ஸ்லேட் கிரே மற்றும் மிஸ்டி சில்வர் ஆகிய இரு வண்ணங்களில் கிடைக்கிறது.
மோட்டோரோலா மோட்டோ E32s வலதுபுறத்தில் வால்யூம் ராக்கரைக் கொண்டுள்ளது, பவர் பட்டனுடன் கைரேகை ஸ்கேனரும் இணைக்கப்பட்டுள்ளது. இடது பக்கத்தில் ஒரு சிம் ட்ரே உள்ளது. இதன் கீழ் பகுதியில் மைக்ரோஃபோன், ஸ்பீக்கர் கிரில் மற்றும் சார்ஜ் செய்வதற்கான யு.ஸ்.பி. டைப் சி போர்ட் ஆகியவற்றைக் கொண்டுள்ளது.
மோட்டோ E32s மாடலில் 6.5-இன்ச் HD+ IPS LCD பேனலைக் கொண்டுள்ளது. மேலும் இது 3GB/4GB ரேம் மற்றும் 32GB/64GB மெமரி வெரியன்டில் கிடைக்கிறது. ஆக்டா-கோர் மீடியாடெக் ஹீலியோ G37 பிரசாசர் கொண்ட மோட்டோ E32s ஸ்மார்ட்போன் 5,000mAh பேட்டரி, 15W ஃபாஸ்ட் சார்ஜிங் உடன் அறிமுகப்படுத்தப்பட்டு உள்ளது.
சாம்சங் கேலக்ஸி வாட்ச் 5 சிரீஸ் அதிகளவு பேட்டரி திறன் கொண்டதாக இருக்கும் என கூறப்படுகிறது.
சாம்சங் கேலக்ஸி வாட்ச் 5 ப்ரோவில், சுழலும் பெசல்கள் இருக்காது என கூறப்படுகிறது. கடைசியாக வெளிவந்த சாம்சங் கேலக்ஸி வாட்ச் 4ல் சுழலும் பெசல்கள் இடம்பெற்று இருந்தன. இனி வரும் ஸ்மார்ட் வாட்ச்களில் தங்களது கிளாசிக் மாடலை தவிர்க்க சாம்சங் நிறுவனம் திட்டமிட்டுள்ளதாம்.
கேலக்ஸி வாட்ச் 4 சீரிசை கடந்தாண்டு ஆகஸ்ட் மாதம், கேலக்ஸி Z ஃபோல்ட் 3 வகை ஸ்மார்ட்போன்களுடன் சாம்சங் நிறுவனம் வெளியிட்டிருந்தது. அதே போல் தான் தங்களது அடுத்த தயாரிப்பான கேலக்ஸி வாட்ச் 5 சீரிஸை இந்த ஆண்டு ஆகஸ்ட் அல்லது செப்டம்பர் மாதம் கேலக்ஸி Z ஃபோல்ட் 5 வகை ஸ்மார்ட்போன்களுடன் வெளியாகும் என எதிர்பார்க்கப்படுகிறது.
சாம்சங் கேலக்ஸி வாட்ச் 5 சிரீஸ் அதிகளவு பேட்டரி திறன் கொண்டதாக இருக்கும் என கூறப்படுகிறது. அதன்படி, 40mm மாடல் 276mAH பேட்டரி உடனும், 44mm மாடல் 397mAH பேட்டரி உடனும் வரும் என தகவல்கள் தெரிவிக்கின்றன. மேலும் இது சபையர் கிளாஸ் மற்றும் டைட்டானியம் பாடி உடன் வரும் என எதிர்பார்க்கப்படுகிறது.
நத்திங் போன் பிரத்யேகமாக பிளிப்கார்ட் தளத்தில் தான் வெளியிடப்படும் என்பது உறுதியாகி உள்ளது. இந்த ஸ்மார்ட்போன் நத்திங் இயங்குதளத்தை கொண்டிருக்கும் என்றும் கூறப்படுகிறது.
ஸ்மார்ட்போன் பிரியர்கள் மிகவும் எதிர்பார்த்த நத்திங் போனின் வெளியீட்டு விவரத்தை அதன் நிறுவனர் கார்ல் பெய் கடந்த மாதம் வெளியிட்டு இருந்தார். இந்த போனின் வெளியீட்டு தேதி மற்றும் விலை விவரம் உள்ளிட்ட தகவல்களை ஏற்கனவே வெளியான நிலையில், தற்போது அதன் டிசைன் எப்படி இருக்கும் என்பது குறித்த புகைப்படங்கள் லீக் ஆகி உள்ளது.
ஸ்லாஸ்லீக் என்கிற தளத்தில் இந்த போனின் தோற்றம் அடங்கிய புகைப்படம் வெளியாகி உள்ளது. அந்த புகைப்படத்தில் ஸ்மார்ட்போனின் முன் பாகம் தெளிவாக தெரிகிறது. அதில் டாப் செண்டரில் முன்பக்க கேமரா இடம்பெற்றுள்ளது. பின் பக்கம் தெளிவாக தெரியவில்லை. இருந்தாலும் அது 3 கேமரா செட்-அப் உடன் உள்ளதை பார்க்க முடிகிறது.
Photo Courtesy: /Leaks
இது ஸ்னாப்டிராகன் சிப்செட் மூலம் இயக்கப்படும் என்பதைத் தவிர வேறு எந்த தகவலும் இல்லை, பெரும்பாலும் சமீபத்திய ஸ்னாப்டிராகன் 7 ஜென் 1 பிராசஸர், 90Hz டிஸ்ப்ளே, 50MP பிரைமரி சென்சாருடன், மூன்று கேமராக்கள் மற்றும் வயர்லெஸ் சார்ஜிங் ஆகியவற்றுடன் வரும் என்று கூறப்படுகிறது.
நத்திங் போன் பிரத்யேகமாக பிளிப்கார்ட் தளத்தில் தான் வெளியிடப்படும் என்பது உறுதியாகி உள்ளது. நத்திங் இயங்குதளத்தை கொண்டிருக்கும் என்றும் கூறப்படுகிறது. இன்னும் ஓரிரு மாதங்களில் இதன் வெளியீட்டு விவரம் வெளியாக வாய்ப்புள்ளது. இதுகுறித்த அறிவிப்பு விரைவில் வெளியாகும் எனவும் எதிர்பார்க்கப்படுகிறது.
மோட்டோரோலா நிறுவனம் விரைவில் மோட்டோ e32s ஸ்மார்ட்போனை அறிமுகம் செய்ய இருக்கிறது. இந்த ஸ்மார்ட்போன் ப்ளிப்கார்ட் தளத்தில் விற்பனை செய்யப்பட இருக்கிறது.
மோட்டோரோலா நிறுவனம் தனது மோட்டோ e32s ஸ்மார்ட்போனை ஜூன் 2 ஆம் தேதி இந்தியாவில் அறிமுகம் செய்ய இருக்கிறது. ஏற்கனவே இந்த ஸ்மார்ட்போன் ஐரோப்பிய சந்தையில் அறிமுகம் செய்யப்பட்ட நிலையில், தற்போது இதன் இந்திய வெளியீடு நடைபெற இருக்கிறது. மோட்டோ e32s ஸ்மார்ட்போன் ஸ்லேட் கிரே மற்றும் மிஸ்டி சில்வர் நிறங்களில் கிடைக்கும்.
இந்தியாவில் புதிய மோட்டோ e32s ஸ்மார்ட்போனின் விலை ரூ. 9 ஆயிரத்து 299 இல் இருந்து துவங்கும் என மோட்டோரோலா நிறுவனம் அறிவித்து இருக்கிறது. மோட்டோ e32s ஸ்மார்ட்போன் இந்திய சந்தையில் ப்ளிப்கார்ட், ரிலையன்ஸ் டிஜிட்டல் மற்றும் ஜியோமார்ட் ஸ்டோர்களில் விற்பனை செய்யப்பட இருக்கிறது.
அம்சங்களை பொருத்தவரை புதிய மோட்டோ e32s மாடலில் 6.5 இன்ச் எல்.சி.டி. ஸ்கிரீன், 90Hz ரிப்ரெஷ் ரேட், மீடியாடெக் ஹீலியோ G37 பிராசஸர், அதிகபட்சம் 4GB ரேம், 16MP பிரைமரி கேமரா, 2MP டெப்த் கேமரா, 2MP மேக்ரோ கேமரா, 8MP செல்பி கேமரா வழங்கப்பட்டு உள்ளது.
மோட்டோ e32s அம்சங்கள்:
- 6.5 இன்ச் HD+ 1600x720 பிக்சல் மேக்ஸ் விஷன் டிஸ்ப்ளே, 90Hz ரிப்ரெஷ் ரேட்
- ஆக்டா கோர் மீடியாடெக் ஹீலியோ G37 பிராசஸர்
- IMG PowerVR GE 8320 GPU
- 3GB ரேம், 32GB மெமரி
- 4GB ரேம், 64GB மெமரி
- ஆண்ட்ராய்டு 12 ஓ.எஸ். மற்றும் My UX
- பக்கவாட்டில் கைரேகை சென்சார்
- 16MP பிரைமரி கேமரா
- 2MP டெப்த் கேமரா
- 2MP மேக்ரோ கேமரா
- 8MP செல்பி கேமரா
- 5000mAh பேட்டரி
- 15W பாஸ்ட் சார்ஜிங்
- 3.5mm ஆடியோ ஜாக்
- டூயல் 4ஜி வோல்ட்இ, வைபை 802.11 ac, ப்ளூடூத் 5
- யு.எஸ்.பி. டைப் சி
ஐகூ நிறுவனத்தின் முதல் நியோ பிராண்டு ஸ்மார்ட்போன் இந்திய சந்தையில் அறிமுகம் செய்யப்பட்டது. இது ஐகூ நியோ 6 என அழைக்கப்படுகிறது.
ஐகூ நிறுவனம் ஏற்கனவே அறிவித்தப்படி இந்தியாவில் ஐகூ நியோ 6 ஸ்மார்ட்போனினை அறிமுகம் செய்தது. புதிய ஐகூ நியோ 6 மாடலில் 6.62 இன்ச் FHD+ AMOLED பன்ச் ஹோல் ரக டிஸ்ப்ளே, 120Hz ரிப்ரெஷ் ரேட், இன் ஸ்கிரீன் கைரேகை சென்சார், குவால்காம் ஸ்னாப்டிராகன் 870 பிராசஸர், 8GB / 12GB LPDDR5 ரேம், 128GB / 256GB UFS 3.1 ஸ்டோரேஜ் வழங்கப்பட்டு இருக்கிறது.
இத்துடன் ஆண்ட்ராய்டு 12 ஓ.எஸ். மற்றும் பன்டச் ஓ.எஸ். 12 யு.ஐ., 64MP பிரைமரி கேமரா, OIS வசதி, 12MP அல்ட்ரா வைடு லென்ஸ், 2MP B&W போர்டிரெயிட் கேமரா, 16MP செல்பி கேமரா வழங்கப்பட்டு இருக்கிறது. இந்த ஸ்மார்ட்போன் 4700mAh பேட்டரி மூலம் சக்தியூட்டப்படுகிறது. இந்தியாவில் 80W பாஸ்ட் சார்ஜிங் கொண்டு அறிமுகமாகி இருக்கும் முதல் ஸ்மார்ட்போன் இது ஆகும்.
ஐகூ நியோ 6 அம்சங்கள்:
- 6.62 இன்ச் FHD+ AMOLED பன்ச் ஹோல் ரக டிஸ்ப்ளே, 120Hz ரிப்ரெஷ் ரேட்
- குவால்காம் ஸ்னாப்டிராகன் 870 பிராசஸர்
- அட்ரினோ 650 GPU
- 8GB / 12GB LPDDR5 ரேம்
- 128GB / 256GB UFS 3.1 ஸ்டோரேஜ்
- ஆண்ட்ராய்டு 12 ஓ.எஸ். மற்றும் பன்டச் ஓ.எஸ். 12 யு.ஐ.
- இன் ஸ்கிரீன் கைரேகை சென்சார்
- 64MP பிரைமரி கேமரா, OIS வசதி
- 12MP அல்ட்ரா வைடு லென்ஸ்
- 2MP போர்டிரெயிட் கேமரா
- 16MP செல்பி கேமரா
- 4700mAh பேட்டரி
- 80W பாஸ்ட் சார்ஜிங்
- 5ஜி, டூயல் 4ஜி வோல்ட்இ, வைபை, ப்ளூடூத்
- யு.எஸ்.பி. டைப் சி
ஐகூ நியோ 6 ஸ்மார்ட்போன் சைபர் ரேஜ் மற்றும் டார்க் நோவா போன்ற நிறங்களில் கிடைக்கிறது. இதன் 8GB+128GB மெமரி மாடல் விலை ரூ. 29 ஆயிரத்து 999 என துவங்குகிறது. இதன் 12GB+256GB மெமரி மாடல் விலை ரூ. 33 ஆயிரத்து 999 ஆகும்.
ஒன்பிளஸ் நிறுவனத்தின் ஒன்பிளஸ் ஏஸ் ரேசிங் எடிஷன் ஸ்மார்ட்போன் வேறு பெயரில் அறிமுகம் செய்யப்பட இருக்கிறது. இது பற்றிய அறிவிப்பு விரைவில் வெளியாகும் என தெரிகிறது.
ஒன்பிளஸ் நிறுவனம் இம்மாத துவக்கத்தில் தனது ஒன்பிளஸ் ஏஸ் ரேசிங் எடிஷன் ஸ்மார்ட்போன் மாடலை சீன சந்தையில் அறிமுகம் செய்தது. முன்னதாக ஒன்பிளஸ் ஏஸ் ஸ்மார்ட்போன் 150W பாஸ்ட் சார்ஜிங் வசதியுடன் அறிமுகம் செய்யப்பட்டு, இதே ஸ்மார்ட்போன் இந்தியாவில் ஒன்பிளஸ் 10R பெயரில் அறிமுகம் செய்யப்பட்டது.
இந்த நிலையில், தற்போது வெளியாகி இருக்கும் தகவல்களில் ஒன்பிளஸ் 10R லைட் ஸ்மார்ட்போன் விவரங்கள் இந்திய IMEI டேட்டாபேஸ் வலைதளத்தில் இடம்பெற்று இருப்பதாக கூறப்படுகிறது. இந்த ஸ்மார்ட்போன் PGZ110 எனும் மாடல் நம்பர் கொண்டிருக்கிறது. அந்த வகையில் விரைவில் ஒன்பிளஸ் ஏஸ் ரேசிங் எடிஷன் ஸ்மார்ட்போன் விரைவில் இந்தியாவில் அறிமுகம் செய்யப்படலாம்.
ஒன்பிளஸ் ஏஸ் ரேசிங் எடிஷன் அல்லது ஒன்பிளஸ் 10R லைட் மாடலின் இந்திய வெளியீடு பற்றி இதுவரை எந்த தகவலும் இல்லை. எனினும், இதுபற்றிய அறிவிப்பு விரைவில் வெளியாகும் என தெரிகிறது.
அம்சங்களை பொருத்தவரை ஒன்பிளஸ் ஏஸ் ரேசிங் எடிஷன் மாடலில் 6.59 இன்ச் FHD+ LCD டிஸ்ப்ளே, 120Hz ரிப்ரெஷ் ரேட், மீடியாடெக் டிமென்சிட்டி 8100 மேக்ஸ் பிராசஸர், மாலி G10 MC6 GPU, 8GB /12GB ரேம், 128GB / 256GB மெமரி, ஆண்ட்ராய்டு 12 சார்ந்த கலர் ஓ.எஸ். போன்ற அம்சங்கள் உள்ளன.
போக்கோ நிறுவனத்தின் சமீபத்திய ஃபிளாக்ஷிப் ஸ்மார்ட்போன் F4 GT மாடல் குவால்காம் ஸ்னாப்டிராகன் 8 ஜென் 1 பிராசஸர் கொண்டிருக்கிறது.
போக்கோ நிறுவனம் விரைவில் பல்வேறு புது ஸ்மார்ட்போன்களை அறிமுகம் செய்ய திட்டமிட்டு உள்ளது. நேற்று போக்கோ F4 GT ஸ்மார்ட்போன் சர்வதேச சந்தையில் அறிமுகம் செய்யப்பட்டது. லண்டனில் இந்த ஸ்மார்ட்போனிற்கான முன்பதிவும் துவங்கி நடைபெற்று வருகிறது. ஃபிளாக்ஷிப் மாடல் என்ற வகையில் போக்கோ F4 GT மாடலில் ஏராளமான புது அம்சங்கள் வழங்கப்பட்டுள்ளன.
அம்சங்களை பொருத்தவரை போக்கோ F4 GT மாடலில் 6.67 இன்ச் AMOLED டிஸ்ப்ளே 120Hz ரிப்ரெஷ் ரேட், கார்னிங் கொரில்லா கிளாஸ் விக்டஸ் பாதுகாப்பு, ஸ்னாப்டிராகன் 8 ஜென் 1 பிராசஸர், அதிகபட்சம் 12GB ரேம், 512GB மெமரி வழங்கப்பட்டு உள்ளது. புகைப்படங்களை எடுக்க போக்கோ F4 GT மாடலில் 64MP பிரைமரி கேமரா, 8MP அல்ட்ரா வைடு லென்ஸ், 8MP மேக்ரோ சென்சார், 20MP செல்பி கேமரா வழங்கப்பட்டு இருக்கிறது.
போக்கோ F4 GT மாடலில் 4700mAh பேட்டரி, 120W பாஸ்ட் சார்ஜிங் வசதி உள்ளது. இத்துடன் ஆண்ட்ராய்டு 12 ஓ.எஸ். சார்ந்த MIUI 13 கஸ்டம் ஓ.எஸ். வழங்கப்பட்டு இருக்கிறது. இந்த ஸ்மார்ட்போன் லிக்விட் கூலிங் தொழில்நுட்பம் 3.0 மற்றும் டூயல் வேப்பர் சேம்பர்கள் வழங்கப்பட்டுள்ளன.
ஐரோப்பிய சந்தையில் அறிமுகம் செய்யப்பட்டுள்ள நிலையில், விரைவில் போக்கோ F4 GT மாடல் இந்தியாவிலும் அறிமுகம் செய்யப்படலாம். எனினும், இதுபற்றி போக்கோ சார்பில் இதுவரை எந்த தகவலும் வழங்கப்படவில்லை. ஃபிளாக்ஷிப் மாடல் என்பதால், இந்திய சந்தையில் இதன் விலை சற்றே அதிகமாகவே இருக்கும் என தெரிகிறது.
போட் நிறுவனத்தின் புதிய ஸ்மார்ட்வாட்ச் மாடல் இந்தியாவில் விற்பனைக்கு அறிமுகம் செய்யப்பட்டு இருக்கிறது. இது பத்து ஸ்போர்ட்ஸ் மோட்கள் உள்ளன.
போட் நிறுவனம் இந்திய சந்தையில் புதிய போட் நியோ வேவ் ஸ்மார்ட்வாட்ச் மாடலை அறிமுகம் செய்து இருக்கிறது. போட் வேவ் ப்ரோ மற்றும் போட் வேவ் லைட் மாடல்களை தொடர்ந்து இந்தியாவில் போட் அறிமுகம் செய்து இருக்கும் மூன்றாவது வேவ் சீரிஸ் ஸ்மார்ட்வாட்ச் இது ஆகும். புதிய போட் வேவ் நியோ மாடல் பட்ஜெட் பிரிவில் அறிமுகம் செய்யப்பட்டு இருக்கிறது.
போட் வேவ் நியோ மாடல் பல்வேறு நிறங்களில் கிடைக்கிறது. இந்த ஸ்மார்ட்வாட்ச் ஏராளமான ஸ்மார்ட் மற்றும் கனெக்டெட் ஃபிட்னஸ் அம்சங்களை கொண்டிருக்கிறது. போட் வேவ் நியோ மாடலில் தொடுதிரை வசதி கொண்ட டிஸ்ப்ளே, பத்து ஸ்போர்ட்ஸ் மோட்கள், ஆரோக்கியம் மற்றும் பிட்னஸ் அம்சங்கள், ஒரு வார பேட்டரி லைஃப், ஸ்மார்ட் மற்றும் கனெக்டெட் அம்சங்கள் வழங்கப்பட்டு உள்ளது.
போட் வேவ் நியோ அம்சங்கள்:
- 1.69 இன்ச் 454x454 பிக்சல் தொடுதிரை வசதி கொண்ட டிஸ்ப்ளே
- 24/7 இதய துடிப்பு சென்சார், SpO2 சென்சார்
- ஸ்டிரெஸ் டிராக்கர், அக்செல்லோமீட்டர், ஸ்லீப் டிராக்கர்
- பத்து ஸ்போர்ட்ஸ் மோட்கள்
- IP68 சான்று
- ப்ளூடூத் கனெக்டிவிட்டி
- 100-க்கும் அதிக வாட்ச் ஃபேஸ்கள்
புதிய போட் வேவ் நியோ ஸ்மார்ட்வாட்ச் பிளாக், புளூ மற்றும் பர்கண்டி நிறங்களில் கிடைக்கிறது. இதன் விலை ரூ. 1,799 என நிர்ணயம் செய்யப்பட்டு உள்ளது.
சியோமி நிறுவனத்தின் புதிய ரெட்மி நோட் 11T ப்ரோ ஸ்மார்ட்போனின் இந்திய வெளியீடு பற்றி புது தகவல் இணையத்தில் வெளியாகி உள்ளது.
சியோமி நிறுவனம் ரெட்மி நோட் 11T ப்ரோ சீரிஸ்- ரெட்மி நோட் 11T ப்ரோ மற்றும் நோட் 11T ப்ரோ பிளஸ் ஸ்மார்ட்போன் மாடல்களை சமீபத்தில் சீன சந்தையில் அறிமுகம் செய்தது. இந்த நிலையில், இரு மாடல்களின் இந்திய வெளியீடு பற்றிய தகவல் வெளியாகி உள்ளது. அதன்படி ரெட்மி நோட் 11T ப்ரோ சீரிஸ் இந்தியாவில் ரெட்மி K50i சீரிஸ் பெயரில் அறிமுகம் செய்யப்படும் என கூறப்படுகிறது.
ரெட்மி நோட் 11T ப்ரோ சீரிஸ் ஸ்மார்ட்போன் இந்திய சந்தையில் போக்கோ X4 GT சீரிஸ் பெயரில் அறிமுகம் செய்யப்படலாம் என்றும் தகவல் வெளியாகி உள்ளது. ரெட்மி நோட் 11T ப்ரோ பிளஸ் ஸ்மார்ட்போன் இந்தியாவில் ரெட்மி K50i ப்ரோ பெயரில் அறிமுகம் செய்யப்படும் என கூறப்படுகிறது.
ரெட்மி நோட் 11T ப்ரோ மற்றும் நோட் 11T ப்ரோ பிளஸ் ஸ்மார்ட்போன்களில் 6.6 இன்ச் FHD+ LCD டிஸ்ப்ளே வழங்கப்பட்டு இருக்கிறது. இத்துடன் இரு மாடல்களிலும் முறையே 120Hz மற்றும் 144Hz ரிப்ரெஷ் ரேட் வழங்கப்பட்டு இருக்கிறது. ரெட்மி நோட் 11T ப்ரோ சீரிசில் மீடியாடெக் டிமென்சிட்டி 8100 பிராசஸர், அதிகபட்சம் 8GB ரேம், 512GB மெமரி வழங்கப்பட்டு உள்ளது.
புகைப்படங்களை எடுக்க ரெட்மி நோட் 11T ப்ரோ சீரிசின் பிரைமரி கேமராவுடன் 8MP அல்ட்ரா வைடு ஆங்கில் லென்ஸ், 2MP மேக்ரோ சென்சார் மற்றும் 16 MP செல்பி கேமரா வழங்கப்பட்டு உள்ளது. ரெட்மி நோட் 11T ப்ரோ ஸ்மார்ட்போனில் 4400mAh பேட்டரி, 67W பாஸ்ட் சார்ஜிங் வசதி, நோட் 11T ப்ரோ பிளஸ் மாடலில் 5080mAh பேட்டரி, 120W பாஸ்ட் சார்ஜிங் வசதி வழங்கப்பட்டு உள்ளது.
×