புதிய கேஜெட்டுகள்

நகர்ப்பகுதிகளில் இப்போதெல்லாம் சுத்தமான காற்றை விலைகொடுத்துதான் வாங்க வேண்டிய நிலை உருவாகிவிட்டது. இதனால் பெருநகரங்களில் வசிப்பவர்களுக்கு ஏ.சி., வாஷிங்மெஷின் போன்ற நவீன சாதனங்களோடு காற்று சுத்திகரிப்பானும் அத்தியாவசிய தேவையாகிவிட்டது. இதைக் கருத்தில் கொண்டு ஜப்பானைச் சேர்ந்த ஷார்ப் நிறுவனம் காற்று சுத்திகரிக்கும் கருவியை அறிமுகப்படுத்தியுள்ளது.

இது காற்றில் மாசுக்களை வெளியேற்றுவதோடு, அறையில் அதிகபட்ச ஈரப்பதம் நிலவாமல் தடுத்துவிடும். காற்றில் ஈரப்பதம் அதிகரிக்கும் போது மாசு அதிகரிக்கும். இதனால் காற்றில் ஈரப்பதம் ஒரு குறிப்பிட்ட அளவு நிலவ இது உதவும்.

இதில் காப்புரிமை பெற்ற தொழில்நுட்பம் பயன்படுத்தப்பட்டுள்ளது. பிளாஸ்மா கிளஸ்டர் ஐயான் ஜெனரேட்டர் தொழில்நுட்பம் உள்ளது. இது சலவை இயந்திரம் ஈரத் துணியை உலர்த்த பயன்படுத்தும் தொழில்நுட்பத்தைப் போன்றது. இது அறையில் உள்ள ஈரப்பதத்தை போக்க உதவுகிறது. SHARP DWJ20FMW and DW-E16FAW என்ற பெயரில் இது அறிமுகமாகி உள்ளது. குழந்தைகள் எளிதில் கையாள முடியாத வகையில் இதில் சைல்ட்லாக் வசதி உள்ளது.

அத்துடன் அதிக அளவு குப்பை சேர்ந்துவிட்டால் அதை உணர்த்தி நீக்க வலியுறுத்தும் விளக்கு எரியும். கடற்கரையை ஒட்டிய பகுதிகளில் வசிப்போர் (ஈரப்பதம் அதிகமிருக்கும்), கடற்கரையோர விடுதிகளில் இதை பயன்படுத்தலாம். இதன் விலை சுமார் ரூ.40 ஆயிரமாகும். ஓராண்டு உத்தரவாதமும் அளிக்கப்படுகிறது.

ஸ்மார்ட்போன், டேப்லெட், லேப்டாப் உள்ளிட்ட மின்னணு கருவிகள் உற்பத்தியில் சர்வதேச அளவில் பிரபலமான லெனோவா நிறுவனம் ஸ்மார்ட் கடிகாரத்தை அறிமுகப்படுத்தியுள்ளது. கூகுள் அசிஸ்டென்ட் உதவியுடன் செயல்படும் வகையிலான இந்த கடிகாரம் தற்போது இந்தியாவில் அறிமுகமாகியுள்ளது. இதன் ஆரம்ப விலை ரூ.5,999. ஸ்மார்ட் டிஸ்பிளே கடிகாரம் விலை ரூ.14,999. லெனோவா இணையதளம், பிளிப்கார்ட் ஆன்லைன் மற்றும் குரோமா, ரிலையன்ஸ் டிஜிட்டல் விற்பனையகங்களில் இது கிடைக்கும்.

இந்த ஸ்மார்ட் கடிகாரம் 4 அங்குல தொடுதிரையைக் கொண்டது. அத்துடன் இதில் பில்ட் இன் அம்சமாக கூகுள் அசிஸ்டென்ட் உள்ளது. இது மென்மையான துணி போர்வை மேலுறையாக இருப்பதால் இதை படுக்கையறையில் வைத்துக்கொள்ள ஏதுவாக உள்ளது. உபயோகிப்பாளர்கள் கூகுள் அசிஸ்டென்ட் மூலமாக இந்த கடிகாரம் வாயிலாக தங்களது தூக்க நடவடிக்கைகளை தெரிந்து கொள்ளலாம்.

இதில் கூகுள் அசிஸ்டென்ட் இணைப்பு வசதி உள்ளதால் உங்கள் வீட்டில் உள்ள ஸ்மார்ட் உபகரணங்களை குறிப்பாக விளக்கை அணைப்பதற்கு இந்த ஸ்மார்ட் கடிகாரம் மூலம் உத்தரவிடலாம். அத்துடன் காலண்டரில் உள்ள நிகழ்ச்சிகளை இதில் பார்க்கலாம். நேரம், அலாரம், அடுத்து உங்களுக்கு உள்ள முக்கியமான சந்திப்பு நிகழ்ச்சி, வானிலை விவரம் உள்ளிட்ட பல தகவல்களுடன் இனிய இசையையும் இது வெளிப்படுத்தும்.

இதில் 6 வாட் ஸ்பீக்கர் இருப்பதால் இசை வெள்ளம் அறை முழுவதும் ரம்மியமாக வெளிப்படும். ரேடியோ, போட்காஸ்ட், ஆடியோபுக் மூலமான இசை ஆல்பங் களையும் கேட்க முடியும். இந்த ஸ்மார்ட் கடிகாரம் மூலம் டி.வி.யில் இணைக்கப்பட்டுள்ள குரோம் காஸ்டை குரல் வழி மூலம் கட்டுப்படுத்தலாம். நிகழ்ச்சிகள், இசை ஆல்பங்களை டி.வி.யில் பார்த்து ரசிக்கவும் இந்த ஸ்மார்ட் கடிகாரம் உதவும்.

இது 10 அங்குல தொடு திரையைக் கொண்டது. இதன் மூலம் ஸ்மார்ட்டாக சில பணிகளை நிறைவேற்றிக் கொள்ள முடியும். ரெசிப்பிக்களை தெரிந்து கொள்வது, கூகுள் தேடலில் பதில் கிடைப்பது, யூ-டியூப் உள்ளிட்டவற்றையும் இதன் மூலம் தெரிந்துகொள்ளலாம்.

இதில் உள்ள ஸ்மார்ட் ஸ்பீக்கர் மூலம் வீட்டில் உள்ள அனைத்து ஸ்மார்ட் கருவிகளையும் கட்டுப்படுத்தலாம். வீடியோ அழைப்புகளையும் இதன் மூலம் மேற்கொள்ளலாம். அதற்கு வசதியாக இதில் கேமரா உள்ளது. கூகுள் போட்டோ அக்கவுன்ட்டில் இருந்து புகைப்படங்களையும் எடுக்க முடியும்.

பொதுவாக விளக்குகளில் இரண்டு வகைதான். ஒன்று மின்சாரம் அல்லது பேட்டரியில் ஒளி வீசுபவை. மற்றொன்று திரவங்கள் மூலம் எரிபவை. ஆனால் லூமினிஸ்டர் நிறுவனம் அறிமுகப்படுத்தி உள்ள இந்த லாந்தர் விளக்கு முற்றிலும் வித்தியாசமானது.

அனல்மின் நிலையங்களில் நிலக்கரி மூலம் வெப்பம் ஏற்படுத்தப்பட்டு அதன் மூலம் நீராவி ஜெனரேட்டர்கள் இயக்கப்பட்டு மின்சாரம் உற்பத்தி செய்யப்படுகிறது. அதைப் போல இதில் கீழ் பகுதியில் வெப்பம் ஏற்படுத்தப்பட்டு மேல் பகுதியில் மின் விளக்கு ஒளிரும் வகையில் இது வடிவமைக்கப்பட்டுள்ளது.

மின் வெட்டு அதிகம் உள்ள பகுதிகள் மற்றும் முகாம்களுக்கு இது மிகவும் ஏற்றது. இதற்கு பேட்டரி தேவையில்லை. சூரிய ஆற்றல் மூலம் மின் உற்பத்தி செய்து கொள்ளும். எல்.இ.டி. பல்பு மிகவும் பிரகாசமான வெளிச்சத்தை அளிக்கும். விரைவிலேயே இந்தியாவில் இந்த மாடல் விளக்குகள் விற்பனைக்கு வர உள்ளன.

இருபது வருடங்களுக்கு மேலாக எலெக்ட்ரானிக்ஸ் பொருட்கள் தயாரிப்பில் முன்னணியில் இருக்கும் ஒரு நிறுவனம் ‘ஹெச்டிசி’. தைவானைச்  சேர்ந்த இந்நிறுவனம் சில வருடங்களுக்கு முன்பு இந்தியாவை மையமாக வைத்து சில ஸ்மார்ட்போன் மாடல்களை அறிமுகம் செய்தது. ஆனால்,  இங்கே பெரிதாக சந்தையைக் கைப்பற்ற முடியவில்லை.


இந்த மாடல் தைவானில் ரிலீசாகி சக்கைப்போடு போட்டுக் கொண்டிருக்கிறது. இந்தப் போனின் அறிமுகம் ஹெச்டிசி நிறுவனத்துக்கு இந்தியாவில்  பெரிய கம்பேக்காக இருக்கும் நம்பப்படுகிறது.

6.2 இன்ச்சில் ஹெச்.டி டிஸ்பிளே, 720x1520 பிக்ஸலில் ரெசல்யூசன், 13 எம்பியில் பிரைமரி  சென்சாருடன் கூடிய மெயின் கேமரா, 8 எம்பியில் செகண்டரி சென்சாருடன் வைடு ஆங்கிள் லென்ஸ் பொருத்தப்பட்ட கேமரா, 5 எம்பியில் டெரிட்டரி,  டெப்த்-சென்சிங்  சென்சாருடன் ஒரு கேமரா என மூன்று பின்புற கேமராக்கள், அத்துடன் 16 எம்பியில் செல்ஃபி கேமரா, ஒரு நாள் முழுக்க சார்ஜ்  நிற்க 3,850 எம்.ஏ.ஹெச் பேட்டரி திறன், 4 ஜிபி ரேம், 64 ஜிபி ரேம், ஃபிங்கர் பிரின்ட் லாக்-இன் வசதி, மீடியா டெக்  ஹெலியோ பி35 பிராசஸர் என அசத்துகிறது இந்த  போன். இந்தியாவில் இதன் விலை இன்னும் முடிவு செய்யப்படவில்லை.