என் மலர்
மொபைல்ஸ்
சாம்சங் நிறுவனம் ஏற்கனவே அறிமுகம் செய்ய இருந்த 5ஜி ஸ்மார்ட்போன் இந்த தேதியில் அறிமுகமாகும் என அறிவிக்கப்பட்டு இருக்கிறது.
சாம்சங் நிறுவனத்தின் கேலக்ஸி எம்52 5ஜி ஸ்மார்ட்போன் இந்தியாவில் செப்டம்பர் 19 ஆம் தேதி அறிமுகமாகும் என அமேசான் தளத்தில் குறிப்பிடப்பட்டு இருந்தது. எனினும், இந்த ஸ்மார்ட்போன் குறிப்பிட்ட தேதியில் அறிமுகமாகவில்லை.
தற்போது இந்த ஸ்மார்ட்போன் செப்டம்பர் 28 ஆம் தேதி அறிமுகமாகும் என அமேசான் தளத்தில் குறிப்பிடப்பட்டு இருக்கிறது. புதிய கேலக்ஸி எம்52 5ஜி மாடல் 7.2 எம்.எம். அளவில் உருவாகி இருக்கிறது. இந்த மாடல் குறைந்த எடையில், அசத்தலான அம்சங்களை கொண்டிருக்கும் என அமேசான் டீசரில் குறிப்பிடப்பட்டு இருக்கிறது.
இதுவரை வெளியாகி இருக்கும் தகவல்களின்படி சாம்சங் கேலக்ஸி எம்52 5ஜி மாடலில் பன்ச் ஹோல் டிஸ்ப்ளே, பக்கவாட்டில் கைரேகை சென்சார், மூன்று கேமரா சென்சார்கள், ஆண்ட்ராய்டு 11 சார்ந்த ஒன்யுஐ 3.1 ஓ.எஸ்., யு.எஸ்.பி. டைப் சி போர்ட் வழங்கப்படும் என தெரிகிறது.
ஐகூ நிறுவனத்தின் புதிய இசட் சீரிஸ் ஸ்மார்ட்போன் டீசர் அமேசான் தளத்தில் வெளியாகி இருக்கிறது.
ஐகூ இசட்5 ஸ்மார்ட்போனிற்கான டீசர் அமேசான் வலைதளத்தில் இடம்பெற்று இருக்கிறது. புதிய இசட் சீரிஸ் ஸ்மார்ட்போன் 'விரைவில் வெளியீடு' என அமேசான் தளத்தில் குறிப்பிடப்பட்டு இருக்கிறது. சீன சந்தையில் இந்த ஸ்மார்ட்போன் செப்டம்பர் 23 ஆம் தேதி வெளியாக இருக்கிறது.
அந்த வகையில் ஐகூ இசட்5 இந்திய வெளியீட்டு தேதி விரைவில் அறிவிக்கப்படலாம். புதிய ஐகூ இசட்5 அம்சங்கள் பற்றி இதுவரை எந்த தகவலும் இல்லை. எனினும், இந்த ஸ்மார்ட்போன் குவால்காம் ஸ்னாப்டிராகன் 778ஜி 5ஜி பிராசஸர் கொண்டிருக்கும் என கூறப்படுகிறது.
சமீபத்தில் ஐகூ இசட்5 ப்ரோ விவரங்கள் கூகுள் பிளே கன்சோல் வலைதளத்தில் இடம்பெற்று இருந்தது. இந்த ஸ்மார்ட்போன் எல்.பி.டி.டி.ஆர்.5 ரேம், யு.எப்.எஸ். 3.1 ஸ்டோரேஜ் கொண்டிருக்கிறது. இத்துடன் ஆமோலெட் டிஸ்ப்ளே, 120 ஹெர்ட்ஸ் ரிப்ரெஷ் ரேட், 55 வாட் பாஸ்ட் சார்ஜிங் வழங்கப்படலாம் என தெரிகிறது.
அந்த வகையில் ஐகூ இசட்5 இந்திய வெளியீட்டு தேதி விரைவில் அறிவிக்கப்படலாம். புதிய ஐகூ இசட்5 அம்சங்கள் பற்றி இதுவரை எந்த தகவலும் இல்லை. எனினும், இந்த ஸ்மார்ட்போன் குவால்காம் ஸ்னாப்டிராகன் 778ஜி 5ஜி பிராசஸர் கொண்டிருக்கும் என கூறப்படுகிறது.
சாம்சங் நிறுவனத்தின் புதிய கேலக்ஸி ஏ சீரிஸ் ஸ்மார்ட்போன் 108 எம்பி கேமராவுடன் உருவாகி வருவதாக தகவல் வெளியாகி உள்ளது.
சாம்சங் நிறுவனம் கேலக்ஸி ஏ73 ஸ்மார்ட்போனினை அடுத்த ஆண்டு அறிமுகம் செய்ய இருப்பதாக தகவல் வெளியாகி உள்ளது. இந்த ஸ்மார்ட்போன் 108 எம்பி பிரைமரி கேமரா கொண்ட முதல் ஏ சீரிஸ் மாடலாக இருக்கும் என்றும் கூறப்படுகிறது.
புதிய கேலக்ஸி ஏ சீரிஸ் ஸ்மார்ட்போன் ஸ்னாப்டிராகன் 7 சீரிஸ் பிராசஸர்,8 ஜிபி ரேம், 128 ஜிபி மெமரி, ஆமோலெட் டிஸ்ப்ளே போன்ற அம்சங்களை கொண்டிருக்கும் என எதிர்பார்க்கப்படுகிறது.
முந்தைய கேலக்ஸி ஏ72 மாடலில் 6.7 இன்ச் எப்.ஹெச்.டி. பிளஸ் சூப்பர் ஆமோலெட் இன்பினிட்டி ஒ டிஸ்ப்ளே, 90 ஹெர்ட்ஸ் ரிப்ரெஷ் ரேட், குவால்காம் ஸ்னாப்டிராகன் 720ஜி பிராசஸர், 8 ஜிபி ரேம், 256 ஜிபி மெமரி, ஆண்ட்ராய்டு 11 ஓ.எஸ். வழங்கப்பட்டு இருந்தது.
ஐபோன் 13 சீரிஸ் மற்றும் ஐபோன் 13 ப்ரோ சீரிஸ் மாடல்களுக்கு அசத்தலான கேஷ்பேக் சலுகைகள் அறிவிக்கப்பட்டு இருக்கிறது.
ஆப்பிள் நிறுவனத்தின் ஐபோன் 13 சீரிஸ் மற்றும் ஐபோன் 13 ப்ரோ சீரிஸ் ஸ்மார்ட்போன்கள் சில தினங்களுக்கு முன் இந்தியாவில் அரிமுகம் செய்யப்பட்டன. இவற்றின் விலை ரூ. 69,900 என துவங்குகிறது. புதிய ஐபோன் மாடல்களுக்கான முன்பதிவு இன்று (செப்டம்பர் 17) மாலை 5:30 மணிக்கு துவங்குகிறது.
சில்லறை விற்பனை மற்றும் வினியோகம் செப்டம்பர் 24 ஆம் தேதி காலை 8 மணிக்கு துவங்குகிறது. சமூக இடைவெளியை கடைப்பிடிக்கும் நோக்கில் புதிய ஐபோன்களை முன்பதிவு செய்வோருக்கு தனியாக நேரம் ஒதுக்கப்பட்டு இருக்கிறது. இத்துடன் ஐபோன்கள் ஹோம் டெலிவரியும் செய்யப்பட இருக்கின்றன.
ஆப்பிள் விற்பனையாளர்களான இன்கிராம் மைக்ரோ மற்றும் ரெடிங்டன் தனியார் வங்கியுடன் இணைந்து ஐபோன்களுக்கு வங்கி சார்ந்த சலுகைகளை வழங்குகின்றன.
அதன்படி ஐபோன் 13 மற்றும் ஐபோன் 13 மினி மாத தவணை முறை சலுகைகளுக்கு ரூ. 6 ஆயிரம் கேஷ்பேக் வழங்கப்படுகிறது. இந்த சலுகை செப்டம்பர் 24 ஆம் தேதி முதல் தேர்வு செய்யப்பட்ட விற்பனை மையங்களில் கிடைக்கும்.
ஐபோன் 13 ப்ரோ மற்றும் ஐபோன் 13 ப்ரோ மேக்ஸ் வாங்குவோர் மாத தவணை முறை சலுகையை பெறும் பட்சத்தில் ரூ. 5 ஆயிரம் கேஷ்பேக் வழங்கப்படுகிறது. இந்த சலுகை செப்டம்பர் 24 ஆம் தேதி முதல் தேர்வு செய்யப்பட்ட விற்பனை மையங்களில் கிடைக்கும்.
ஐபோன் 13 மாடல் 24 மாதங்களுக்கு வட்டியில்லா மாத தவணை முறையில் வழங்கப்படுகிறது. இதில் மாதம் ரூ. 3329 செலுத்த வேண்டும். இத்துடன் ரூ. 3 ஆயிரம் எக்சேன்ஜ் போனஸ் வழங்கப்படுகிறது.
சியோமி 11டி ப்ரோ ஸ்மார்ட்போன் 120 வாட் சியோமி ஹைப்பர்-சார்ஜ் தொழில்நுட்பம் கொண்டிருக்கிறது.
சியோமி நிறுவனம் தனது சியோமி 11டி மற்றும் சியோமி 11டி ப்ரோ ஸ்மார்ட்போன்களை சர்வதேச சந்தையில் அறிமுகம் செய்தது. இரு ஸ்மார்ட்போன்களிலும் 6.67 இன்ச் எப்.ஹெச்.டி. பிளஸ் 120 ஹெர்ட்ஸ் அடாப்டிவ்-சின்க் ஆமோலெட் பிளாட் டிஸ்ப்ளே, கார்னிங் கொரில்லா கிளாஸ் விக்டஸ் பாதுகாப்பு வழங்கப்பட்டு இருக்கிறது.
சியோமி 11டி மாடலில் மீடியாடெக் டிமென்சிட்டி 1200 பிராசஸர், சியோமி 11டி ப்ரோ மாடலில் ஸ்னாப்டிராகன் 888 பிராசஸர் வழங்கப்பட்டு இருக்கிறது. இரு மாடல்களிலும் ஆண்ட்ராய்டு 11 மற்றும் எம்.ஐ.யு.ஐ. 12.5 ஓ.எஸ். உள்ளது. இரு மாடல்களுக்கும் மூன்று ஆண்ட்ராய்டு ஓ.எஸ். அப்டேட், நான்கு ஆண்டுகளுக்கு செக்யூரிட்டி அப்டேட்கள் வழங்கப்படுகிறது.
சியோமி 11டி மற்றும் 11டி ப்ரோ மாடல்களில் 108 எம்பி வைடு ஆங்கில், 8 எம்பி 120 டிகிரி அல்ட்ரா வைடு ஆங்கில் கேமரா, 5 எம்பி டெலிமேக்ரோ கேமராக்கள் வழங்கப்பட்டுள்ளன. முன்புறம் 16 எம்பி செல்பி கேமரா வழங்கப்பட்டு இருக்கிறது. இத்துடன் 5000 எம்.ஏ.ஹெச். பேட்டரி உள்ளது. சியோமி 11டி ப்ரோ மாடல் 120 வாட் சியோமி ஹைப்பர்-சார்ஜ் தொழில்நுட்பம் வழங்கப்பட்டு இருக்கிறது.
சியோமி 11டி மற்றும் 11டி ப்ரோ மாடல்கள் மீடியோரைட் கிரே, மூன்லைட் வைட் மற்றும் செலஸ்டியல் புளூ நிறங்களில் கிடைக்கின்றன. சியோமி 11டி 8 ஜிபி+128 ஜிபி விலை 499 யூரோக்கள் என்றும் சியோமி 11டி ப்ரோ 8 ஜிபி + 128 ஜிபி விலை 649 யூரோக்கள் என துவங்குகிறது.
சாம்சங் நிறுவனத்தின் கேலக்ஸி எம்52 5ஜி ஸ்மார்ட்போன் இந்திய வெளியீட்டு தேதி அறிவிக்கப்பட்டது.
சாம்சங் நிறுவனம் தனது கேலக்ஸி எம்52 5ஜி ஸ்மார்ட்போன் செப்டம்பர் 19 ஆம் தேதி இந்தியாவில் அறிமுகமாகும் என அறிவித்துள்ளது. புதிய எம் சீரிஸ் ல்மார்ட்போன் 120 ஹெர்ட்ஸ் ரிப்ரெஷ் ரேட் ஸ்கிரீன், பன்ச்-ஹோல் டிஸ்ப்ளே, ஸ்னாப்டிராகன் பிராசஸர் கொண்டிருக்கிறது.
புதிய கேலக்ஸி எம்52 5ஜி மாடல் முந்தைய எம்51 மாடலை விட 21 சதவீதம் மெல்லியதாக இருக்கிறது. இந்த ஸ்மார்ட்போன் அதிகபட்சம் 11 5ஜி பேண்ட்களை சப்போர்ட் செய்யும் என தெரிகிறது. இத்துடன் பிளாஸ்டிக் பேக், பக்கவாட்டில் கைரேகை சென்சார் வழங்கப்படுகிறது.
புகைப்படங்களை எடுக்க 64 எம்பி பிரைமரி கேமரா, 12 எம்பி அல்ட்ரா வைடு ஆங்கில் கேமரா, 5 எம்பி டெப்த் சென்சார், 32 எம்பி செல்பி கேமரா வழங்கப்படலாம். இத்துடன் சாம்சங் பே, 5ஜி, டூயல் 4ஜி வோல்ட்இ, வைபை, ப்ளூடூத் 5, யு.எஸ்.பி. டைப் சி, 5000 எம்.ஏ.ஹெச். பேட்டரி, 15 வாட் பாஸ்ட் சார்ஜிங் வழங்கப்படும் என தெரிகிறது.
ஆப்பிள் நிறுவனத்தின் ஐபோன் 13 மற்றும் ஐபோன் 13 மினி ஏ15 பயோனிக் பிராசஸர் கொண்டிருக்கின்றன.
ஆப்பிள் நிறுவனத்தின் அதிகம் எதிர்பார்க்கப்பட்ட ஐபோன் 13 மற்றும் ஐபோன் 13 மினி மாடல்கள் அறிமுகம் செய்யப்பட்டன. புதிய மாடல்களில் ஆப்பிள் ஏ15 பயோனிக் சிப்செட் கொண்டிருக்கிறது. இந்த பிராசஸரில் 16 கோர் நியூரல் என்ஜின் உள்ளது.
புதிய பிராசஸருடன் ஐபோன் 13 மாடலில் 12 எம்பி வைடு கேமரா சென்சார் உள்ளது. ஐபோன் 13 மாடலில் உள்ள சினிமேடிக் வீடியோ அம்சம் சினிமா தர வீடியோக்களை படமாக்க வழி செய்கிறது. ஆப்பிள் நிகழ்வில் இந்த மோட் கொண்டு படமாக்கப்பட்ட வீடியோவும் வெளியிடப்பட்டது.
2021 ஐபோன் மாடலில் 5ஜி தொழில்நுட்பம் முன்பை விட அதிக பேண்ட்களை சப்போர்ட் செய்கிறது. இதற்கென புது ஐபோனில் பிரத்யேக உபகரணங்கள் வழங்கப்பட்டு இருக்கின்றன. இதில் உள்ள பேட்டரி முந்தைய மாடலை விட 2.5 மணி நேரம் கூடுதல் பேக்கப் வழங்குகிறது. ஐபோன் 13 மினி பேட்டரி முந்தைய ஐபோன் 12 மினி மாடலை விட 1.5 மணி நேரம் கூடுதல் பேக்கப் வழங்குகிறது.
புதிய ஐபோன் சீரிசில் மேம்பட்ட மேக்சேப் அம்சம் உள்ளது. ஐபோன் 13 மினி 128 ஜிபி விலை 699 டாலர்கள் என்றும் ஐபோன் 13 விலை 799 டாலர்கள் என்றும் நிர்ணயம் செய்யப்பட்டு உள்ளது.
டெக்னோ நிறுவனத்தின் ஸ்பார்க் 8 ஸ்மார்ட்போன் டூயல் பிரைமரி கேமரா, 16 எம்பி செல்பி கேமரா கொண்டிருக்கிறது.
டெக்னோ நிறுவனத்தின் புதிய குறைந்த விலை ஸ்மார்ட்போன் இந்தியாவில் அறிமுகமாகி இருக்கிறது. டெக்னோ ஸ்பார்க் 8 என அழைக்கப்படும் புது ஸ்மார்ட்போன் 6.52 இன்ச் ஹெச்.டி. பிளஸ் டாட் நாட்ச் டிஸ்ப்ளே, மீடியாடெக் ஹீலியோ ஏ25 பிராசஸர் கொண்டிருக்கிறது.
இத்துடன் 2 ஜிபி ரேம், 64 ஜிபி மெமரி, மெமரியை கூடுதலாக நீட்டிக்கும் வசதி, ஆண்ட்ராய்டு 11 கோ எடிஷன், 16 எம்பி பிரைமரி கேமரா, ஏ.ஐ. லென்ஸ், 8 எம்பி செல்பி கேமரா வழங்கப்பட்டு இருக்கிறது. கனெக்டிவிட்டிக்கு 4ஜி வோல்ட்இ, வைபை, ப்ளூடூத் 5, ஜி.பி.எஸ்., மைக்ரோ யு.எஸ்.பி., 3.5 எம்.எம். ஆடியோ ஜாக் உள்ளது.
பக்கவாட்டில் கைரேகை சென்சார் கொண்டிருக்கும் டெக்னோ ஸ்பார்க் 8, 5000 எம்.ஏ.ஹெச். பேட்டரி மூலம் சக்தியூட்டப்படுகிறது. இந்த ஸ்மார்ட்போன் அட்லான்டிக் புளூ, ஐரிஸ் பர்பில் மற்றும் டர்கியூஸ் சியான் நிறங்களில் கிடைக்கிறது. இதன் விலை ரூ. 7999 என நிர்ணயம் செய்யப்பட்டுள்ளது.
மைக்ரோமேக்ஸ் நிறுவனத்தின் புதிய ஸ்மார்ட்போன் இம்மாத இறுதியில் அறிமுகம் செய்யப்பட இருப்பதாக தகவல் வெளியாகி உள்ளது.
மைக்ரோமேக்ஸ் நிறுவனம் இந்த மாதம் புதிய ஸ்மார்ட்போனினை இந்திய சந்தையில் அறிமுகம் செய்ய இருக்கிறது. புது ஸ்மார்ட்போன் மைக்ரோமேக்ஸ் இன் நோட் 1 ப்ரோ என அழைக்கப்படும் என்றும் கூறப்படுகிறது.
கடந்த ஆண்டு மைக்ரோமேக்ஸ் நிறுவனம் இன் சீரிஸ் மாடல்களுடன் இந்திய சந்தையில் ரீ-எண்ட்ரி கொடுத்தது. இந்த நிலையில், இன் நோட் 1 ப்ரோ இம்மாத இறுதியில் அறிமுகம் செய்யப்படலாம் என தகவல் வெளியாகி உள்ளது.
முன்னதாக இந்த ஸ்மார்ட்போன் விவரங்கள் கீக்பென்ச் வலைதளத்தில் லீக் ஆனது. அதன்படி இந்த ஸ்மார்ட்போன் இ7748 எனும் மாடல் நம்பர் கொண்டிருக்கிறது. இந்த ஸ்மார்ட்போனில் மீடியாடெக் ஹீலியோ ஜி90 பிராசஸர், 4 ஜிபி ரேம், ஆண்ட்ராய்டு 11 ஓ.எஸ். வழங்கப்படும் என தெரிகிறது.
இத்துடன் புல் ஹெச்.டி. பிளஸ் டிஸ்ப்ளே, 90 ஹெர்ட்ஸ் ரிப்ரெஷ் ரேட் வழங்கப்படலாம். இந்தியாவில் புதிய மைக்ரோமேக்ஸ் இன் நோட் 1 ப்ரோ ஸ்மார்ட்போனின் விலை ரூ. 15 ஆயிரம் பட்ஜெட்டில் நிர்ணயம் செய்யப்படலாம் என தெரிகிறது.
ஒன்பிளஸ் நிறுவனம் உருவாக்கி வரும் புதிய ஸ்மார்ட்போன் விவரங்கள் இணையத்தில் லீக் ஆகி உள்ளது.
ஒன்பிளஸ் நிறுவனம் கடந்த ஆண்டுகளில் தனது ஸ்மார்ட்போன் வியாபார யுக்தியில் பல்வேறு மாற்றங்களை மேற்கொண்டு வருகிறது. பிளாக்ஷிப் சாதனங்கள் மட்டுமின்றி நார்டு சீரிசில் பல்வேறு மிட் ரேன்ஜ் ஸ்மார்ட்போன்களை வெளியிட்டு இருக்கிறது.
குறைந்த விலை ஒன்பிளஸ் ஸ்மார்ட்போன்கள் அடுத்த காலாண்டு அல்லது 2022 இரண்டாவது காலாண்டில் விற்பனைக்கு அறிமுகம் செய்யப்படலாம் என கூறப்படுகிறது. தற்போது ரூ. 24,999 துவக்க விலையில் நார்டு சி.இ. 5ஜி ஸ்மார்ட்போன் ஒன்பிளஸ் நிறுவனத்தின் குறைந்த விலை மாடலாக இருக்கிறது.
இந்த நிலையில், தற்போது வெளியாகி இருக்கும் தகவல்களில் ஒன்பிளஸ் நிறுவனம் ரூ. 20 ஆயிரம் பட்ஜெட்டில் புது ஸ்மார்ட்போன்களை அடுத்த ஆண்டு வெளியிட இருப்பதாக தகவல் வெளியாகி உள்ளது. எனினும், புது ஸ்மார்ட்போன் விவரங்களை அந்நிறுவனம் வெளியிடவில்லை.
ரியல்மி நிறுவனத்தின் புதிய 5ஜி ஸ்மார்ட்போன் மீடியாடெக் டிமென்சிட்டி 810 பிராசஸர் கொண்டுள்ளது.
ரியல்மி நிறுவனம் இந்திய சந்தையில் புதிய மிட் ரேன்ஜ் 5ஜி ஸ்மார்ட்போனினை அறிமுகம் செய்தது. புதிய ஸ்மார்ட்போன் ரியல்மி 8எஸ் என அழைக்கப்படுகிறது. இதில் 6.5 இன்ச் புல் ஹெச்.டி. பிளஸ் எல்.சி.டி. டிஸ்ப்ளே, 90 ஹெர்ட்ஸ் ரிப்ரெஷ் ரேட் உள்ளது.
இத்துடன் 16 எம்.பி. செல்பி கேமரா, அதிகபட்சம் 8 ஜிபி ரேம், மீடியாடெக் டிமென்சிட்டி 810 பிராசஸர், ஆண்ட்ராய்டு 11 மற்றும் ரியல்மி யு.ஐ. 2.0 வழங்கப்பட்டு இருக்கிறது. இந்த ஸ்மார்ட்போன் 64 எம்பி பிரைமரி கேமரா, 2 எம்பி பிளாக் அண்ட் வைட் கேமரா, 2 எம்பி மேக்ரோ லென்ஸ் கொண்டுள்ளது.
இதன் பக்கவாட்டில் கைரேகை சென்சார், டூயல் சிம் ஸ்லாட் வழங்கப்பட்டு இருக்கிறது. ரியல்மி 8எஸ் 5ஜி மாடல் 5000 எம்.ஏ.ஹெச். பேட்டரி மூலம் சக்தியூட்டப்படுகிறது. இத்துடன் 33 வாட் டார்ட் சார்ஜ் பாஸ்ட் சார்ஜிங் வசதி உள்ளது.
ரியல்மி 8எஸ் 5ஜி ஸ்மார்ட்போன் யுனிவர்ஸ் புளூ மற்றும் யுனிவர்ஸ் பர்பில் நிறங்களில் கிடைக்கிறது. இதன் 6 ஜிபி + 128 ஜிபி விலை ரூ. 17,999 என்றும் 8 ஜிபி + 128 ஜிபி விலை ரூ. 19,999 என்றும் நிர்ணயம் செய்யப்பட்டு உள்ளது. ரியல்மி 8எஸ் 5ஜி விற்பனை செப்டம்பர் 13 ஆம் தேதி துவங்குகிறது.
சியோமி நிறுவனத்தின் புதிய 5ஜி ஸ்மார்ட்போன் விவரங்கள் இணையத்தில் லீக் ஆகி உள்ளது.
சியோமி நிறுவனம் விரைவில் 11 லைட் 5ஜி என்.இ. ஸ்மார்ட்போனினை இந்திய சந்தையில் அறிமுகம் செய்ய இருப்பதாக தகவல் வெளியாகி உள்ளது. என்.இ. என்பது நியூ எடிஷனை குறிக்கும் என்றும் கூறப்படுகிறது. புதிய சியோமி 11 லைட் 5ஜி என்.இ. மாடல் அம்சங்கள் இணையத்தில் வெளியாகி உள்ளது.
அதன்படி புதிய சியோமி 5ஜி ஸ்மார்ட்போன் 159 கிராம் எடை கொண்டிருக்கிறது. புகைப்படங்களை எடுக்க 20 எம்பி செல்பி கேமரா, 64 எம்பி பிரைமரி கேமராவுடன் 8 எம்பி + 5 எம்பி கேமரா சென்சார்கள் வழங்கப்பட இருக்கின்றன. இந்த ஸ்மார்ட்போன் ஸ்னாப்டிராகன் 778ஜி பிராசஸர், 128 ஜிபி மெமரி கொண்டிருக்கும் என தெரிகிறது.
இத்துடன் ஆண்ட்ராய்டு 11 ஓ.எஸ்., 6.5 இன்ச் எப்.ஹெச்.டி. பிளஸ் பன்ச்-ஹோல் டிஸ்ப்ளே, அதிகபட்சம் 12 ஜிபி ரேம் மற்றும் 4150 எம்.ஏ.ஹெச். பேட்டரி வழங்கப்படலாம். இந்த ஸ்மார்ட்போன் பிளாக், வைட், புளூ, சியான், கிரீன், எல்லோ, ஆரஞ்சு, ரெட் மற்றும் பர்பில் போன்ற நிறங்களில் கிடைக்கும் என கூறப்படுகிறது.
×