மொபைல்ஸ்

ரியல்மி நிறுவனத்தின் மிகமெல்லிய ஸ்மார்ட்போன் விரைவில் அறிமுகம் செய்யப்பட இருக்கிறது. இது நார்சோ சீரிசில் புதிய ஸ்மார்ட்போனாக அறிமுகம் செய்யப்படுகிறது. புதிய ஸ்மார்ட்போன் அமேசான் தளத்தில் விற்பனை செய்யப்பட இருக்கிறது. புதிய நார்சோ ஸ்மார்ட்போன் N53 எனும் பெயரில் விற்பனைக்கு வரும் என்று தெரிகிறது.

அமேசான் மட்டுமின்றி ரியல்மி நிறுவனமும் புதிய ஸ்மார்ட்போன் டீசரை தனது வலைதளத்தில் வெளியிட்டுள்ளது. ரியல்மி நார்சோ N53 மாடலில் அதிகபட்சம் 16 ஜிபி டைனமிக் ரேம், 33 வாட் சூப்பர்வூக் சார்ஜிங் வசதி வழங்கப்படுகிறது. இந்த விவரங்கள் நார்சோ N53 என்ற இணைய தேடலில் தெரியவந்துள்ளது.

நார்சோ N53 மாடலின் சரியான வெளியீட்டு தேதி இதுவரை அறிவிக்கப்படவில்லை. எனினும், இதற்கான டீசர் விரைவில் வெளியாகும் என்று தெரிகிறது.

ரியல்மி நார்சோ N53 எதிர்பார்க்கப்படும் அம்சங்கள்:

புதிய நார்சோ ஸ்மார்ட்போனிற்கான முதற்கட்ட டீசர்களில் அம்சங்கள் பற்றி எவ்வித தகவலும் இடம்பெறவில்லை. இந்த மாடலில் 6.72 இன்ச் FHD+ LCD டிஸ்ப்ளே, 90Hz ரிப்ரெஷ் ரேட், மீடியாடெக் ஹீலியோ G88 பிராஸர், 5000 எம்ஏஹெச் பேட்டரி, 33 வாட் ஃபாஸ்ட் சார்ஜிங் வசதி வழங்கப்படுகிறது. புகைப்படங்களை எடுக்க 64MP பிரைமரி கேமரா, 2MP பிளாக் அண்ட் வைட் லென்ஸ், 8MP செல்ஃபி கேமரா வழங்கப்படுகிறது.

எனினும் பட்ஜெட் ரக மாடல் என்ற வகையில், இந்த ஸ்மார்ட்போனின் விலை ரூ. 13 ஆயிரம் வரை நிர்ணயம் செய்யப்படலாம். இந்த ஸ்மார்ட்போன் 4 ஜிபி ரேம், 64 ஜிபி மெமரி மற்றும் 6 ஜிபி ரேம், 128 ஜிபி மெமரி ஆப்ஷன்களில் கிடைக்கும் என்று கூறப்படுகிறது.

இதில் வழங்கப்படும் 16 ஜிபி டைனமிக் ரேம் தேவைக்கு ஏற்ப ஸ்மார்ட்போனின் ரோம் -(ரேண்டம் அக்சஸ் மெமரி) ரேம் போன்று பயன்படுத்தப்படும். புதிய ரியல்மி நார்சோ N53 ஸ்மார்ட்போன் ஃபெதர் பிளாக் மற்றும் ஃபெதர் கோல்டு என இரண்டுவிதமான நிறங்களில் கிடைக்கும் என்று கூறப்படுகிறது.

இந்திய ஸ்மார்ட்போன் சந்தையில் பட்ஜெட் பிரிவில் விற்பனைக்கு அறிமுகம் செய்யப்பட்ட ரெட்மி 11 மாடல் தற்போது தள்ளுபடி செய்யப்பட்ட விலையில் கிடைக்கிறது. கடந்த ஆண்டு செப்டம்பரில் ரெட்மி 11 பிரைம் ஸ்மார்ட்போன் இந்தியாவில் அறிமுகம் செய்யப்பட்டது. அப்போது இந்த ஸ்மார்ட்போனின் விலை ரூ. 12 ஆயிரத்து 999 என்று நிர்ணயம் செய்யப்பட்டு இருந்தது.

தற்போது விலை குறைப்பை தொடர்ந்து ரெட்மி 11 பிரைம் மாடல் ரூ. 10 ஆயிரத்திற்கும் குறைந்த விலையில் கிடைக்கிறது. ரெட்மி 11 பிரைம் 4 ஜிபி ரேம், 64 ஜிபி மெமரி மற்றும் 6 ஜிபி ரேம், 128 ஜிபி மெமரி என்று இருவித மெமரி ஆப்ஷன்களில் கிடைக்கிறது. இவற்றின் விலை முறையே ரூ. 12 ஆயிரத்து 999 என்றும் ரூ. 14 ஆயிரத்து 999 என்றும் நிர்ணயம் செய்யப்பட்டது.

சிறப்பு விற்பனையின் கீழ் இந்த ஸ்மார்ட்போனிற்கு ப்ளிப்கார்ட் தளத்தில் ரூ. 2 ஆயிரம் தள்ளுபடி வழங்கப்படுகிறது. கூடுதலாக Mi ஸ்டோரில் ஐசிஐசிஐ வங்கி கார்டு கொண்டு பணம் செலுத்தும் போது ரூ. 1500 உடனடி தள்ளுபடி வழங்கப்படுகிறது.

அமேசான் வலைதளத்தில் இந்த ஸ்மார்ட்போனிற்கு ரூ. 1250 தள்ளுபடி வழங்கப்படுகிறது. இத்துடன் எஸ்பிஐ வங்கி கிரெடிட் கார்டு பயன்படுத்தும் போது கூடுதலாக ரூ. 2500 வரை தள்ளுபடி வழங்கப்படுகிறது. இதன் மூலம் ரெட்மி 11 பிரைம் ஸ்மார்ட்போனை ரூ. 8 ஆயிரத்து 499 விலையிலேயே வாங்கிட முடியும்.

அம்சங்களை பொருத்தவரை ரெட்மி 11 பிரைம் ஸ்மார்ட்போனில் 6.58 இன்ச் LCD ஸ்கிரீன், Full HD+ ரெசல்யூஷன், 90Hz ரிப்ரெஷ் ரேட், மீடியாடெக் ஹீலியோ G99 பிராசஸர், அதிகபட்சம் 6 ஜிபி ரேம் ரேம், 128 ஜிபி மெமரி கொண்டிருக்கிறது.

புகைப்படங்களை எடுக்க 50MP பிரைமரி கேமராவுடன் மூன்று சென்சார்கள், 8MP செல்ஃபி கேமரா வழங்கப்பட்டுள்ளது. இத்துடன் 5000 எம்ஏஹெச் பேட்டரி, 18 வாட் ஃபாஸ்ட் சார்ஜிங் வசதி, பக்கவாட்டில் கைரேகை சென்சார், P2i கோட்டிங் கொண்ட வாட்டர் ரெசிஸ்டண்ட் வசதி உள்ளது. இவைதவிர மெமரி கார்டு ஸ்லாட், ஐஆர் பிலாஸ்டர், 3.5mm ஹெட்போன் ஜாக், ஆண்ட்ராய்டு 12 சார்ந்த MIUI 13 வழங்கப்பட்டு இருக்கிறது.

சாம்சங் கேலக்ஸி S23 ஸ்மார்ட்போன் இந்திய சந்தையில் முற்றிலும் புதிய லைம் நிறத்தில் அறிமுகம் செய்யப்பட இருக்கிறது. கடந்த பிப்ரவரி மாதம் அறிமுகம் செய்யப்பட்ட ஃபிளாக்ஷிப் கேலக்ஸி S23 ஸ்மார்ட்போன்- கிரீம், கிரீன், லாவண்டர் மற்றும் ஃபேண்டம் பிளாக் என்று நான்குவித நிறங்களில் மட்டும் விற்பனை செய்யப்படுகிறது.

இந்த நிலையில், கேலக்ஸி S23 ஸ்மார்ட்போன் புதிதாக லைம் நிறத்தில் அறிமுகம் செய்யப்படும் என்று சாம்சங் நிறுவனம் அறிவித்து இருக்கிறது. அதன்படி விரைவில் கேலக்ஸி S23 லைம் நிற வேரியண்ட் இந்தியாவில் விற்பனைக்கு வர இருக்கிறது. இதை சேர்க்கும்பட்சத்தில் சாம்சங் கேலக்ஸி S23 ஸ்மார்ட்போன் மொத்தத்தில் ஐந்து நிறங்களில் கிடைக்கும்.

ஃபிளாக்ஷிப் தர அம்சங்களை கொண்டிருக்கும் சாம்சங் கேலக்ஸி S23 ஸ்மார்ட்போன் குவால்காம் நிறுவனத்தின் பிரத்யேக ஸ்னாப்டிராகன் 8 ஜென் 2 பிராசஸர், 8 ஜிபி ரேம், அதிகபட்சம் 512 ஜிபி மெமரி, 6.1 இன்ச் Full HD+ டைனமிக் AMOLED 2x டிஸ்ப்ளே, 50MP பிரைமரி கேமராவுடன் மூன்று சென்சார்கள், 3900 எம்ஏஹெச் பேட்டரி, 25 வாட் வயர்டு ஃபாஸ்ட் சார்ஜிங் சப்போர்ட் வழங்கப்பட்டு இருக்கிறது.

விலையை பொருத்தவரை சாம்சங் கேலக்ஸி S23 ஸ்மார்ட்போனின் 8 ஜிபி ரேம், 128 ஜிபி மெமரி மாடல் விலை ரூ. 74 ஆயிரத்து 999 என்று நிர்ணயம் செய்யப்பட்டு உள்ளது. கேலக்ஸி S23 ஸ்மார்ட்போனின் 8 ஜிபி ரேம், 512 ஜிபி மெமரி மாடல் விலை ரூ. 79 ஆயிரத்து 999 என்று நிர்ணயம் செய்யப்பட்டு உள்ளது. கேலக்ஸி S23 புதிய லைம் நிற வேரியண்டின் விலையில் எவ்வித மாற்றமும் மேற்கொள்ளப்படாது என்றே தெரிகிறது.

ரியல்மி நிறுவனம் சீன சந்தையில் புதிய ரியல்மி 11 சீரிஸ் மாடல்களை அறிமுகம் செய்வதற்கான பணிகளில் ஈடுபட்டு வருகிறது. இதில் ரியல்மி 11 5ஜி, ரியல்மி 11 ப்ரோ 5ஜி மற்றும் ரியல்மி 11 ப்ரோ பிளஸ் 5ஜி என்று மூன்று மாடல்கள் இடம்பெறுகின்றன. மே 10 ஆம் தேதி அறிமுகம் செய்யப்பட இருக்கும் நிலையில், ரியல்மி 11 சீரிஸ் டீசர்கள் தொடர்ந்து வெளியாகி வருகின்றன.

அந்த வகையில் புதிய ரியல்மி 11 ப்ரோ பிளஸ் ஸ்மார்ட்போன் 200MP சாம்சங் ISOCELL HP3 சென்சார் கொண்டிருக்கும் என்று ரியல்மி அறிவித்து இருக்கிறது. இத்துடன் புதிய ரியல்மி 11 ப்ரோ பிளஸ் 5ஜி மாடலில் 4x லாஸ்லெஸ் ஜூம் வசதி, 20x மூன் மோட் ஜூம் போன்ற ஆப்ஷன்கள் வழங்கப்படுகிறது. ப்ரோ பிளஸ் வேரியண்ட் 200MP பிரைமரி கேமராவுடன், OIS சப்போர்ட் கொண்டிருக்கும்.

மற்ற அம்சங்களை பொருத்தவரை 6.7 இன்ச் FHD+ AMOLED ஸ்கிரீன், 90Hz ரிப்ரெஷ் ரேட், மீடியாடெக் டிமென்சிட்டி 7050 பிராசஸர், மாலி G68 MC4 GPU, 5000 எம்ஏஹெச் பேட்டரி, 67 வாட் ஃபாஸ்ட் சார்ஜிங் வசதி, அதிகபட்சம் 12 ஜிபி ரேம், 256 ஜிபி மெமரி வழங்கப்படுகிறது.

முன்னதாக இந்த ஸ்மார்ட்போன் விவரங்கள் கீக்பென்ச் தளத்தில் லீக் ஆகி இருந்தது. அதில் இந்த ஸ்மார்ட்போனின் அம்சங்கள் உள்பட ஒட்டுமொத்த டிசைன் மற்றும் புகைப்படங்கள் இணையத்தில் வெளியானது. அதன்படி புதிய ரியல்மி ஸ்மார்ட்போன் வட்ட வடிவம் கொண்ட கேமரா மாட்யுல் கொண்டிருப்பது உறுதியாகி இருக்கிறது.

ஃப்ளிப்கார்ட் வலைதளத்தில் பிக் சேவிங்ஸ் டேஸ் சேல் பெயரில் சிறப்பு விற்பனை துவங்கி நடைபெற்று வருகிறது. சிறப்பு விற்பனையில் ஏராளமான சாதனங்களுக்கு அசத்தல் சலுகைகள், தள்ளுபடி மற்றும் விலை குறைப்பு உள்ளிட்டவை அறிவிக்கப்பட்டுள்ளன. அந்த வகையில், சாம்சங் கேலக்ஸி Z ஃப்ளிப் 3 விலை அதிரடியாக குறைக்கப்பட்டு இருக்கிறது.

2021 ஆண்டு அறிமுகம் செய்யப்பட்ட கேலக்ஸி Z ஃப்ளிப் 3 ஸ்மார்ட்போன் ரூ. 84 ஆயிரத்து 999 விலையில் விற்பனை செய்யப்பட்டு வந்தது. தற்போது ஃப்ளிப்கார்ட் தளத்தில் இதன் விலை 50 சதவீதம் வரை குறைக்கப்பட்டு இருக்கிறது. இந்திய சந்தையில் கேலக்ஸி Z ஃப்ளிப் 3 மாடலின் 8 ஜிபி ரேம், 128 ஜிபி மெமரி வெர்ஷன் ரூ. 84 ஆயிரத்து 999 என்றும் 256 ஜிபி வெர்ஷன் விலை ரூ. 88 ஆயிரத்து 999 என்றும் நிர்ணயம் செய்யப்பட்டு இருந்தது.

தற்போது இதன் பேஸ் 128 ஜிபி வெர்ஷன் ரூ. 44 ஆயிரத்து 999 விலையில் கிடைக்கிறது. இத்துடன் எஸ்பிஐ வங்கி கார்டு பயன்படுத்தும் போது ரூ. 2 ஆயிரத்து 500 உடனடி தள்ளுபடி வழங்கப்படுகிறது. இதனை சேர்க்கும் பட்சத்தில் கேலக்ஸி Z ஃப்ளிப் 3 விலை ரூ. 42 ஆயிரத்து 649 என்று மாறிவிடும்.

2021 ஆண்டு அறிமுகம் செய்யப்பட்ட கேலக்ஸி Z ஃப்ளிப் 3 சாம்சங் நிறுவனத்தின் மூன்றாம் தலைமுறை ஃப்ளிப் போன் ஆகும். பிரீமியம் மடிக்கக்கூடிய சாதனமாக அறிமுகம் செய்யப்பட்ட கேலக்ஸி Z ஃப்ளிப் 3 மாடலுக்கு அப்போது வேறு எந்த ஸ்மார்ட்போனும் மாற்றாக விற்பனைக்கு கிடைக்கவில்லை. இன்று இந்த ஸ்மார்ட்போனிற்கு ஒப்போ, விவோ போன்ற பிராண்டுகளின் மாடல்கள் போட்டியாக உள்ளன.

அம்சங்களை பொருத்தவரை கேலக்ஸி Z ஃப்ளிப் 3 மாடலில் 6.7 இன்ச் FHD+ டைனமிக் 2X AMOLED இன்ஃபினிட்டி ஃபிளெக்ஸ் டிஸ்ப்ளே, 120Hz அடாப்டிவ் ரிப்ரெஷ் ரேட், கார்னிங் கொரில்லா கிளாஸ் விக்டஸ், 1.9 இன்ச் AMOLED ஸ்கிரீன், குவால்காம் ஸ்னாப்டிராகன் 888 5ஜி பிராசஸர், அட்ரினோ 660 GPU, 8 ஜிபி ரேம், அதிகபட்சம் 256 ஜிபி மெமரி வழங்கப்பட்டு இருக்கிறது.

இத்துடன் பக்கவாட்டில் கைரேகை சென்சார், ஆண்ட்ராய்டு 13 ஒஎஸ், 12MP பிரைமரி கேமரா, 12MP அல்ட்ரா வைடு ஆங்கில் லென்ஸ், 10MP செல்ஃபி கேமரா, 3300 எம்ஏஹெச் பேட்டரி, 15 வாட் ஃபாஸ்ட் சார்ஜிங், 5ஜி, 4ஜி, வைபை, ப்ளூடூத் 5.1, யுஎஸ்பி டைப் சி வழங்கப்பட்டுள்ளது.

கூகுள் நிறுவனம் அடுத்த வாரம் நடைபெற இருக்கும் கூகுள் I/O 2023 நிகழ்வில் புதிய பிக்சல் 7a ஸ்மார்ட்போனினை அறிமுகம் செய்ய இருக்கிறது. இதைத் தொடர்ந்து மே 11 ஆம் தேதி பிக்சல் 7a இந்திய சந்தையில் அறிமுகம் செய்யப்பட இருக்கிறது. ஸ்மார்ட்போன் சந்தையில் பிக்சல் 7a மாடலுக்கான எதிர்பார்ப்பு பலமடங்கு அதிகரித்துள்ளது.

அடுத்த வாரம் அறிமுகம் செய்யப்பட இருக்கும் கூகுள் பிக்சல் 7a ஸ்மார்ட்போன் யூனிட்கள் இபே (EBay) வலைதளத்தில் தற்போது விற்பனைக்கு பட்டியலிடப்பட்ட சம்பவம் பரபரப்பை ஏற்படுத்தி இருக்கிறது. அறிமுக நிகழ்வுக்கு முன்பே பிக்சல் 7a யூனிட்கள் விற்பனைக்கு வந்துள்ளது பற்றி ஸ்மார்ட்போன் வல்லுனர்கள் எச்சரிக்கை விடுத்துள்ளனர்.

அதாவது கூகுள் தவிர வேறு நபர்கள் மூலம் விற்பனை செய்யப்படும் பிக்சல் 7a யூனிட்களை வாடிக்கையாளர்கள் வாங்க வேண்டாம் என்று வல்லுனர்கள் தெரிவித்துள்ளனர். இவ்வாறு கிடைக்கும் யூனிட்களை கூகுள் நிறுவனம் மென்பொருள் மூலம் செயலிழக்கச் செய்துவிடும் என்று அவர்கள் மேலும் தெரிவித்துள்ளனர்.

இன்னும், சில நாட்களில் பிக்சல் 7a மாடல் அறிமுகம் செய்யப்பட இருக்கிறது. இதன் விலை 499 டாலர்கள் வரை நிர்ணயம் செய்யப்படும் என்றும் கூறப்படுகிறது. அறிமுகமாகாத சாதனங்கள் சந்தையில் விற்பனைக்கு கிடைப்பது முதல்முறை இல்லை. முன்னதாக பல சமயங்களில் நிறுவனங்கள் அறிமுகம் செய்வதற்கு முன்பே புதிய சாதனங்கள் இபே போன்ற வலைதளங்களில் விற்பனைக்கு வந்துள்ளன.

புதிய பிக்சல் 7a ஸ்மார்ட்போனின் அம்சங்கள் பற்றிய தகவல்கள் பலமுறை இணையத்தில் வெளியாகியுள்ள நிலையில், இபே தளத்தில் பட்டியலிடப்பட்டு இருப்பதன் மூலம் அதன் அம்சங்கள் கிட்டத்தட்ட உறுதியாகி இருக்கிறது. அதன்படி பிக்சல் 7a மாடலில் டூயல் சிம் வசதி, 5ஜி, ப்ளூடூத் கனெக்டிவிட்டி மற்றும் டென்சார் G2 சிப்செட் வழங்கப்படும் என்று தெரியவந்துள்ளது. 

ப்ளிப்கார்ட் வலைதளத்தில் பிக் சேவிங் டேஸ் சேல் பெயரில் சிறப்பு தள்ளுபடி விற்பனை இந்த வாரம் துவங்க இருக்கிறது. இந்த விற்பனையில் பல்வேறு பொருட்களுக்கு அசத்தல் தள்ளுபடி, கேஷ்பேக் மற்றும் இதர சலுகைகள் வழங்கப்படவுள்ளன. இதில் பயனர்கள் வாங்கும் பொருட்களின் மீது அதிக சேமிப்புகளை பெற முடியும். இந்த நிலையில், சிறப்பு விற்பனை துவங்கும் முன்பே பிக்சல் 7 ப்ரோ மற்றும் பிக்சல் 7 ஸ்மார்ட்போன்களின் விலை குறைக்கப்பட்டு உள்ளன.

இந்திய சந்தையில் பிக்சல் 7 ப்ரோ ஸ்மார்ட்போன் ரூ. 84 ஆயிரத்து 999 விலையில் அறிமுகம் செய்யப்பட்ட நிலையில், தற்போது இதன் விலை ரூ. 69 ஆயிரத்து 999 என்று ப்ளிப்கார்ட் தளத்தில் மாறி இருக்கிறது. இதுதவிர தேர்வு செய்யப்பட்ட வங்கி கார்டுகளை கொண்டு பணம் செலுத்தும் போதும், மாத தவணை முறையை பயன்படுத்தும் போது அதிகபட்சம் பத்து சதவீதம் வரை தள்ளுபடி வழங்கப்படுகிறது.

இத்துடன் பழைய ஸ்மார்ட்போன்களை எக்சேஞ்ச் செய்யும் போது அதிகபட்சம் ரூ. 28 ஆயிரத்து 250 வரையிலான தள்ளுபடி பெற முடியும். மே 4 ஆம் தேதி துவங்கும் சிறப்பு விற்பனையின் போது பிக்சல் 7 ப்ரோ மாடல் ரூ. 65 ஆயிரத்து 999 என்ற விலையில் விற்பனைக்கு கிடைக்கும். இதில் எக்சேஞ்ச் மற்றும் வங்கி சலுகைகளும் அடங்கும். பிக்சல் 7 ப்ரோ ஸ்மார்ட்போன் 12 ஜிபி ரேம், 128 ஜிபி மெமரி ஆப்ஷனில் கிடைக்கிறது.

பிக்சல் 7 ஸ்மார்ட்போனின் உண்மை விலை ரூ. 69 ஆயிரத்து 999 ஆகும். இந்த ஸ்மார்ட்போனிற்கு ரூ. 15 ஆயிரம் தள்ளுபடி அறிவிக்கப்பட்டு இருப்பதை அடுத்து பயனர்கள் இதனை ரூ. 44 ஆயிரத்து 999 விலையிலேயே வாங்கிட முடியும். இதில் தள்ளுபடி, வங்கி சலுகைகள் மற்றும் எக்சேஞ்ச் சலுகைகளும் அடங்கும். பிக்சல் 7 ஸ்மார்ட்போன் 8 ஜிபி ரேம், 128 ஜிபி மெமரி ஆப்ஷனில் கிடைக்கிறது. 

ஒப்போ நிறுவனம் பல்வேறு புதிய மிட் ரேஞ்ச் ஸ்மார்ட்போன்களை அறிமுகம் செய்ய இருப்பதாக தகவல் வெளியாகி உள்ளது. முன்னதாக கீக்பென்ச் தளத்தில் இடம்பெற்றிருந்த ஒப்போ A98 ஸ்மார்ட்போனும் இதில் அடங்கும். இந்த நிலையில், ஒப்போ நிறுவனம் புதிய F23 ப்ரோ 5ஜி ஸ்மார்ட்போனினை விரைவில் இந்திய சந்தையில் அறிமுகம் செய்ய இருப்பதாக தகவல் வெளியாகி உள்ளது.

இதுகுறித்து டிப்ஸ்டரான முகுல் ஷர்மா வெளியிட்டு இருக்கும் தகவல்களில் ஒப்போ F23 ப்ரோ 5ஜி மாடல் இந்தியாவில் மே 15 ஆம் தேதி அறிமுகம் செய்யப்படும் என்றும் இதன் விலை ரூ. 25 ஆயிரம் அல்லது ரூ. 26 ஆயிரம் வரை நிர்ணயம் செய்யப்படும் என்று குறிப்பிடப்பட்டு இருக்கிறது. இந்த ஸ்மார்ட்போன் எத்தனை வேரியண்ட்களில் கிடைக்கும் என்பது பற்றி எவ்வித தகவலும் இல்லை.

முன்னதாக வெளியான தகவல்களில் ஒப்போ நிறுவனத்தின் F23 மாடல் மார்ச் மாதம் இந்தியாவில் அறிமுகம் செய்யப்படும் என்று கூறப்பட்டது. எனினும், இது நடைபெறவேயில்லை.

ஒப்போ F23 ப்ரோ 5ஜி எதிர்பார்க்கப்படும் அம்சங்கள்

இதுவரை வெளியாகி இருக்கும் தகவல்களின் படி ஒப்போ F23 ப்ரோ 5ஜி மாடலில் 6.72 இன்ச் LCD ஸ்கிரீன் கொண்ட டிஸ்ப்ளே, 580 நிட்ஸ் பிரைட்னஸ், குவால்காம் ஸ்னாப்டிராகன் 695 பிராசஸர், 64MP பிரைமரி கேமரா, இரண்டு 2MP லென்ஸ், 32MP செல்ஃபி கேமரா வழங்கப்படும் என கூறப்படுகிறது.

இத்துடன் 5000 எம்ஏஹெச் பேட்டரி, 67 வாட் சூப்பர்வூக் ஃபாஸ்ட் சார்ஜிங் வசதி வழங்கப்படுகிறது. இதை கொண்டு ஸ்மார்ட்போனை அதிவேகமாக சார்ஜ் செய்துவிட முடியும் என்பது குறிப்பிடத்தக்கது. 

கூகுள் நிறுவனத்தின் பிக்சல் 7a ஸ்மார்ட்போன் பிக்சல் 6a மாடலின் மேம்பட்ட வெர்ஷனாக உருவாக்கப்பட்டு வருகிறது. புதிய பிக்சல் 7a மாடல் மே 10 ஆம் தேதி நடைபெற இருக்கும் கூகுள் I/O 2023 நிகழ்வில் அறிமுகம் செய்யப்படும் என்று எதிர்பார்க்கப்படுகிறது. இந்த நிலையில், புதிய பிக்சல் 7a பற்றிய விவரங்கள் தொடர்ந்து இணையத்தில் வெளியாகி வருகின்றன.

அந்த வரிசையில், இந்த ஸ்மார்ட்போனின் கேமரா அம்சங்கள் பற்றி புதிய தகவல்கள் வெளியாகி உள்ளன. டிப்ஸ்டர் யோகேஷ் ரார் வெளியிட்டு இருக்கும் தகவல்களின் படி பிக்சல் 7a ஸ்மார்ட்போன் 6.1 இன்ச் Full HD+ OLED டிஸ்ப்ளே, 90Hz ரிப்ரெஷ் ரேட், டூயல் சிம் ஸ்லாட், ஆண்ட்ராய்டு 13 ஒஎஸ், டென்சார் G2 பிராசஸர் கொண்டிருக்கும் எனறு கூறப்படுகிறது.

முன்னதாக கடந்த ஆண்டு அக்டோபர் மாதம் கூகுள் அறிமுகம் செய்த பிக்சல் 7 மற்றும் பிக்சல் 7 ப்ரோ மாடல்களில் டென்சார் G2 பிராசஸர் வழங்கப்பட்டு இருப்பது குறிப்பிடத்தக்கது. இத்துடன் 8 ஜிபி ரேம், 128 ஜிபி மெமரி வழங்கப்பட இருக்கிறது. புகைப்படங்களை எடுக்க பிக்சல் 7a மாடலில் 64MP பிரைமரி கேமரா வழங்கப்படும் என்று கூறப்படுகிறது.

பிரைமரி கேமராவுடன் OIS சப்போர்ட், 12MP அல்ட்ரா வைடு லென்ஸ், 10.8MP செல்ஃபி கேமரா வழங்கப்படும் என்று எதிர்பார்க்கப்படுகிறது. இத்துடன் 4000 எம்ஏஹெச் பேட்டரி, 20 வாட் ஃபாஸ்ட் சார்ஜிங் கேமரா, வயர்லெஸ் சார்ஜிங் வசதி உள்ளிட்டவை பிக்சல் 7a மாடலில் வழங்கப்படும் என்று கூறப்படுகிறது. இவைதவிர இன் டிஸ்ப்ளே கைரேகை சென்சார் மற்றும் ஃபேஸ் அன்லாக் வசதி வழங்கப்படலாம்.

முன்னதாக வெளியான தகவல்களின் படி பிக்சல் 7a மாடல்- கிரே, வைட் மற்றும் புளூ என்று மூன்றுவித நிறங்களில் வெளியாகும் என்றும் இவை சார்கோல், ஸ்னோ மற்றும் சீ என்று அழைக்கப்படலாம் என கூறப்படுகிறது. விலையை பொருத்ததவரை பிக்சல் 7a மாடல் 499 டாலர்கள், இந்திய மதிப்பில் ரூ. 40 ஆயிரத்து 900 என்று துவங்கும் என தகவல் வெளியாகி உள்ளது.

விவோ நிறுவனம் தனது ஃபிளாக்ஷிப் X90 மற்றும் X90 ப்ரோ ஸ்மார்ட்போன்களை இந்திய சந்தையில் அறிமுகம் செய்தது. புதிய மாடல்களில் 6.78 இன்ச் 120Hz FHD+ AMOLED ஸ்கிரீன், மீடியாடெக் டிமென்சிட்டி 9200 பிராசஸர், அதிகபட்சம் 12 ஜிபி ரேம் வழங்கப்பட்டுள்ளது. விவோ X90 மாடலில் 50MP பிரைமரி கேமரா, 12MP அல்ட்ரா வைடு ஆங்கில் கேமரா, 12MP 2X போர்டிரெயிட் கேமரா வழங்கப்பட்டு இருக்கிறது.

புதிய விவோ X90 ப்ரோ மாடலில் 50MP பிரைமரி கேமரா, OIS, 12MP IMX663 சென்சார், 50MP 50mm IMX758 2X போர்டிரெயிட் கேமரா வழங்கப்பட்டுள்ளது. விவோ X90 மற்றும் X90 ப்ரோ மாடல்களில் முறையே 4810 எம்ஏஹெச் மற்றும் 4870 எம்ஏஹெச் பேட்டரிகள் வழங்கப்பட்டுள்ளன. இத்துடன் 120 வாட் ஃபாஸ்ட் சார்ஜிங் வசதி உள்ளன.

விவோ X90 மற்றும் X90 ப்ரோ அம்சங்கள்:

6.78 இன்ச் 2800x1260 பிக்சல் FHD+ BOE Q9 OLED HDR10+, 120Hz ரிப்ரெஷ் ரேட் டிஸ்ப்ளே

3.05 ஜிகாஹெர்ட்ஸ் ஆக்டா கோர் மீடியாடெக் டிமென்சிட்டி 9200 பிராசஸர்

இம்மார்டலிஸ் G715 GPU

8 ஜிபி, 12 ஜிபி ரேம்

256 ஜிபி மெமரி

ஆண்ட்ராய்டு 13 சார்ந்த ஃபன்டச் ஒஎஸ்13

டூயல் சிம் ஸ்லாட்

X90 - 50MP பிரைமரி கேமரா, எல்இடி ஃபிளாஷ்

12MP அல்ட்ரா வைடு கேமரா, 12MP போர்டிரெயிட் கேமரா

X90 ப்ரோ - 50MP போர்டிரெயிட் கேமரா, OIS, எல்இடி ஃபிளாஷ்

12MP அல்ட்ரா வைடு கேமரா

50MP 2x போர்டிரெயிட் கேமரா

32MP செல்ஃபி கேமரா

இன்டிஸ்ப்ளே கைரேகை சென்சார்

யுஎஸ்பி டைப் சி ஆடியோ, ஸ்டீரியோ ஸ்பீக்கர்கள், CS4131 Hi-Fi சிப் (X90 ப்ரோ மாடலில் மட்டும்)

X90 ப்ரோ - டஸ்ட் மற்றும் வாட்டர் ரெசிஸ்டண்ட் வசதி

5ஜி, டூயல் 4ஜி வோல்ட்இ, வைபை, ப்ளூடூத் 5.3

யுஎஸ்பி டைப் சி 3.2 ஜென் 1

X90 - 4810 எம்ஏஹெச் பேட்டரி, 120 வாட் ஃபாஸ்ட் சார்ஜிங்

X90 ப்ரோ - 4870 எம்ஏஹெச் பேட்டரி

120 வாட் ஃபாஸ்ட் சார்ஜிங், 50 வாட் வயர்லெஸ் சார்ஜிங்

விலை மற்றும் விற்பனை விவரங்கள்:

விவோ X90 மாடல் ஆஸ்டிராய்ட் பிளாக் மற்றும் பிரீஸ் புளூ மற்றும் ஃபுளோரைட் ஏஜி கிளாஸ் பேக் நிறங்களில் கிடைக்கிறது. விவோ X90 ப்ரோ மாடல் லெஜண்டரி பிளாக் மற்றும் லெதர் லைட் பேக் நிறத்தில் கிடைக்கிறது.

இந்திய சந்தையில் விவோ X90 மாடலின் 8 ஜிபி ரேம், 256 ஜிபி மெமரி மாடல் விலை ரூ. 59 ஆயிரத்து 999 என்றும் 12 ஜிபி ரேம், 256 ஜிபி மெமரி மாடல் விலை ரூ. 63 ஆயிரத்து 999 என்றும் நிர்ணயம் செய்யப்பட்டுள்ளது. விவோ X90 ப்ரோ மாடலின் 12 ஜிபி ரேம், 256 ஜிபி மெமரி மாடல் விலை ரூ. 84 ஆயிரத்து 999 என்று நிர்ணயம் செய்யப்பட்டுள்ளது.

இரு ஸ்மார்ட்போன்களின் முன்பதிவு ஏப்ரல் 26 ஆம் தேதி விவோ இந்தியா இஸ்டோர், ப்ளிப்கார்ட் மற்றும் ஆஃப்லைன் ஸ்டோர்களில் நடைபெறுகிறது. விற்பனை மே 5 ஆம் தேதி துவங்க இருக்கிறது. அறிமுக சலுகையாக புதிய ஸ்மார்ட்போன் வாங்குவோர் எஸ்பிஐ, ஐசிஐசிஐ, ஹெச்டிஎப்சி மற்றும் ஐடிஎப்சி வங்கி கார்டுகளை பயன்படுத்தும் போது 10 சதவீதம் வரை கேஷ்பேக் வழங்கப்படுகிறது.

சாம்சங் நிறுவனத்தின் புதிய கேலக்ஸி Z ஃப்ளிப் 5 ஸ்மார்ட்போன் ஜூலை மாத வாக்கில் அறிமுகம் செய்யப்படும் என்று எதிர்பார்க்கப்படுகிறது. இந்த நிலையில், புதிய சாம்சங் ஸ்மார்ட்போன் பற்றிய விவரங்கள் வெளியாகி வருகின்றன. அதன்படி புதிய கேலக்ஸி Z ஃப்ளிப் 5 மாடல் ஸ்மார்ட்போன் சந்தையில் ஆப்பிள் நிறுவனத்தின் தாக்கத்திற்கு சவால் விடும் வகையில் மேம்பட்டு இருக்கும் என கூறப்படுகிறது.

ஐபோன் 14 ப்ரோ மற்றும் ஐபோன் 14 ப்ரோ மேக்ஸ் மாடல்களில் வழங்கப்பட்டு இருக்கும் ஆல்வேஸ் ஆன் டிஸ்ப்ளே, கேலக்ஸி Z ஃப்ளிப் 5 மாடலில் வழங்கப்பட இருப்பதாக கூறப்படுகிறது. ஆல்வேஸ் ஆன் டிஸ்ப்ளே அம்சம் ஸ்மார்ட்போன் லாக் ஸ்கிரீனில் நேரம், விட்ஜெட்கள் மற்றும் வால்பேப்பரை குறைந்த பிரைட்னசில் காண்பிக்கும்.

கடந்த ஆண்டு ஆப்பிள் அறிமுகம் செய்த ஐபோன் 14 ப்ரோ மற்றும் ஐபோன் 14 ப்ரோ மேக்ஸ் மாடல்களில் இந்த ஆல்வேஸ் ஆன் டிஸ்ப்ளே அம்சம் வழங்கப்பட்டது. இந்த அம்சம் குறைந்தபட்சம் 1Hz ரிப்ரெஷ் ரேட்டில் இயங்கும். இதன் காரணமாக லோ-பவர் மோடிலும் இந்த அம்சம் இயங்கும். பயனர் ஸ்மார்ட்போனை லாக் அல்லது அப்படியே வைத்தல், சிறிது நேரத்தில் இந்த அம்சம் லாக் ஸ்கிரீன் வால்பேப்பர் பிரைட்னசை குறைத்து நேரம், கடிகாரம் அல்லது எந்த விட்ஜெட்டையும் காண்பிக்கும்.

ஆல்வேஸ் ஆன் டிஸ்ப்ளே மோட் மூலம் பயனர்கள் வால்பேப்பரை மறைத்துக் கொண்டு, நோட்டிஃபிகேஷன்களை செயலிழக்க செய்யலாம். முன்னதாக இணையத்தில் வெளியான தகவல்களில் கேலக்ஸி Z ஃப்ளிப் 5 மாடலில் 25 வாட் வயர்டு சார்ஜிங் வசதி கொண்டிருக்கும் என்றும் 128 ஜிபி, 256 ஜிபி மற்றும் 512 ஜிபி என மூன்றுவித மெமரி வேரியண்ட்களில் கிடைக்கும் என்றும் கூறப்பட்டது.

ரியல்மி நிறுவனம் முற்றிலும் புதிய மிட்-பிரீமியம் ரேஞ்ச் ஸ்மார்ட்போனை உருவாக்கி வருகிறது. இந்த ஸ்மார்ட்போன் சியோமி நிறுவனத்தின் ரெட்மி நோட் 12 சீரிசுக்கு போட்டியாக இருக்கும் என்று கூறப்படுகிறது. அடுத்த மாதம் அறிமுகம் செய்யப்பட இருக்கும் புதிய ரியல்மி ஸ்மார்ட்போன்கள்- ரியல்மி 11 ப்ரோ பிளஸ் மற்றும் ரியல்மி 11 ப்ரோ பெயர்களில் அறிமுகமாகும் என்று தெரிகிறது.

இதனிடையே ரியல்மி நிறுவனத்தின் நிர்வாக இயக்குனர் தனது வெய்போ அக்கவுண்டில் புதிய ஸ்மார்ட்போனின் பிரைமரி கேமரா பிரத்யேகமாக மூன் மோட் அம்சம் கொண்டிருக்கும் என்று தெரிவித்து இருக்கிறார். ரியல்மி 11 ப்ரோ பிளஸ் மாடலில் இந்த அம்சம் வழங்கப்படும் என்று கூறப்படுகிறது. ஏற்கனவே இணையத்தில் வெளியான தகவல்களில் இந்த ஸ்மார்ட்போன் டெலிபோட்டோ கேமரா கொண்டிருக்கும் என்று குறிப்பிடப்பட்டு இருந்தது.

அந்த வகையில், இந்த ஸ்மார்ட்போன் ஜூம் அம்சம் பெற இருப்பது கிட்டத்தட்ட உறுதியாகி இருக்கிறது. இது, சாம்சங் நிறுவனத்தின் ஃபிளாக்ஷிப் கேலக்ஸி S சீரிஸ் மாடல்களில் வழங்கப்பட்டு இருக்கும் ஸ்பேஸ் ஜூம் அம்சத்திற்கு போட்டியாக இருக்கும் என்று தெரிகிறது. சாம்சங் இந்த அம்சத்தினை கேலக்ஸி S21 மாடலில் இருந்து வழங்கி வருகிறது.

ரியல்மி ஸ்மார்ட்போனில் இந்த அம்சம் எப்படி இயங்கும் என்பது பற்றி இதுவரை எந்த தகவலும் இல்லை. எனினும், ரியல்மி 11 ப்ரோ பிளஸ் மாடலில் இதற்காக பிரத்யேக டெலிபோட்டோ கேமரா வழங்கப்படும் என்றும் கூடுதலாக மென்பொருள் அப்டேட்கள் மற்றும் ஏஐ தொழில்நுட்பம் பயன்படுத்தப்படும் என்று கூறப்படுகிறது.

இதுவரை வெளியாகி இருக்கும் தகவல்களின் படி ரியல்மி 11 ப்ரோ பிளஸ் மாடலில் 6.7 இன்ச் Full HD+ 120Hz டிஸ்ப்ளே, மீடியாடெக் டிமென்சிட்டி பிராசஸர், அதிகபட்சம் 16 ஜிபி ரேம், 1 டிபி மெமரி வழங்கப்படலாம். இத்துடன் 200MP பிரைமரி கேமரா, 16MP செல்ஃபி கேமரா, 5000 எம்ஏஹெச் பேட்டரி, அதிகபட்சம் 100 வாட் ஃபாஸ்ட் சார்ஜிங் வசதி வழங்கப்படலாம்.

சீன வெளியீட்டை தொடர்ந்து புதிய ரியல்மி 11 ப்ரோ பிளஸ் மாடல் இந்திய சந்தையிலும் அறிமுகம் செய்யப்படும் என தெரிகிறது. இந்த ஸ்மார்ட்போன் இந்தியாவில் ஏற்கனவே விற்பனை செய்யப்படும் ரியல்மி 10 ப்ரோ பிளஸ் மாடலின் மேம்பட்ட வெர்ஷனாக இருக்கும். இந்திய சந்தையில் ரியல்மி 10 ப்ரோ பிளஸ் விலை ரூ. 24 ஆயிரத்து 999 என்று நிர்ணயம் செய்யப்பட்டுள்ளது. அதன்படி ரியல்மி 11 ப்ரோ பிளஸ் இந்தியாவில் அறிமுகமாகும் பட்சத்தில் அதன் விலை ரூ. 30 ஆயிரம் பட்ஜெட்டில் நிர்ணயம் செய்யப்படும் என்று எதிர்பார்க்கலாம்.

Photo Courtesy: Weibo / Ice Universe